យោងតាមប្រភពព័ត៌មាន Thairath បានឱ្យដឹងថា លោកវេជ្ជបណ្ឌិត Somsak Aunkhamsin អគ្គនាយកដ្ឋានវេជ្ជសាស្ត្រ បានថ្លែងថា «ជំងឺមហារីកមាត់ធ្មេញកើតឡើងពីការខុសប្រក្រតីនៃការវិវដ្តរបស់កោសិកានៅក្នុងមាត់ធ្មេញ»។ បើទោះបីជានៅមិនទាន់ដឹងច្បាស់នៃការខុសប្រក្រតីនេះក៏ដោយ ប៉ុន្តែក៏មានការរកឃើញថា «មានកត្តាខ្លះដែលបង្កើនជាហានិភ័យ» ចំពោះការកើតជាមហារីកមាត់ធ្មេញបានដូចជា ការជក់បារី ,ផឹកស្រា ,ការទទួលទានម្លូ  និងការឆ្លងមេរោគ Human papilloma virus (HPV) រឺការមានរបួសរុំារ៉ៃនៅក្នុងមាត់ រឺធ្មេញជាដើម។ ចំពោះអាការៈភាគច្រើននៃមហារីកមាត់ធ្មេញ មានច្រើនលក្ខណៈដូចជា មានច្រាំងសៗនៅបរិវេណអណ្តាត អញ្ចាញធ្មេញ និងក្រអូមមាត់ ជាដើម។ នៅពេលដែលមានអាការៈរុំារ៉ៃលើសពី១ខែ មានឈាមចេញពីមាត់ធ្មេញដោយមិនដឹងពីមូលហេតុ។ មួយវិញទៀត មហារីកអណ្តាត បំពង់ក រឺនៅក្នុងបរិវេណខ្លះទៀត

ប្រធានាធិបតីអាមេរិកលោក ចូ បៃដិន នឹងត្រូវជួបជាមួយប្រធានាធិបតីហ្វាំងឡង់ និងនាយករដ្ឋមន្ត្រីស៊ុយអែត នៅចុងសប្តាហ៍នេះ បន្ទាប់ពីប្រទេសទាំង ២ បានចាប់ផ្តើមដំណើរការផ្លូវការនៃការដាក់ពាក្យសុំចូលជាសមាជិកអង្គការណាតូ។ សេតវិមានបានប្រកាសកាលពីថ្ងៃអង្គារថា លោក បៃដិន នឹងជួបជាមួយនាយករដ្ឋមន្ត្រីស៊ុយអែតលោកស្រី Magdalena Andersson និងប្រធានាធិបតីហ្វាំងឡង់លោក Sauli Niinisto។ មូលហេតុនៃការសុំចូលជាសមាជិកអង្គការណាតូរបស់ប្រទេសទាំង ២ គឺដោយសារមើលឃើញពីហានិភ័យ តាមរយៈសង្គ្រាមដែលកំពុងមានស្រាប់នៅអ៊ុយក្រែន។ កិច្ចប្រជុំនេះនឹងត្រូវធ្វើឡើង មួយសប្តាហ៍បន្ទាប់ពីលោក បៃដិន បានធ្វើការហៅទូរស័ព្ទជាមួយមេដឹកនាំទាំង ២ ដែលក្នុងនោះពួកគេបានពិភាក្សាអំពី «កិច្ចសហប្រតិបត្តិការការពារជាតិ និងសន្តិសុខយ៉ាងជិតស្និទ្ធ» ក្នុងចំណោមប្រទេសទាំង ៣ បន្ទាប់ពីការលុកលុយរបស់រុស្ស៊ីលើអ៊ុយក្រែន កាលពីថ្ងៃទី២៤

កាសែត Wall Street Journal កាលពីថ្ងៃអង្គារ ទី១៧ ខែឧសភា ឆ្នាំ២០២២ បានរាយការណ៍ថា បើតាមការ​វិភាគលើប្រអប់ខ្មៅ អ្នកស៊ើបអង្កេតរបស់អាមេរិកជឿជាក់ថា មាននរណាម្នាក់នៅលើយន្តហោះ Boeing 737-800 របស់ក្រុមហ៊ុន China Eastern ដែលបានធ្លាក់កាលពីក្នុងខែមីនា មានបំណងឱ្យយន្ដហោះនោះធ្លាក់ចុះមកតែម្ដង។ រំលឹកផងដែរថា យន្ដហោះរបស់ក្រុមហ៊ុន China Eastern ជើងហោះហើរលេខ MU5375 បានធ្លាក់ពីកម្ពស់ ២៩,០០០ ហ្វីត (ជិត៩គីឡូម៉ែត្រ) ចូលទៅក្នុងភ្នំមួយ នៅពេលដែលវាកំពុងធ្វើដំណើរពីទីក្រុង Kunming ទៅកាន់ទីក្រុង Guangzhou របស់ប្រទេសចិន

កូរ៉េខាងត្បូងបាននិយាយថា ប្រជាជនកូរ៉េខាងជើងនៅតែមិនឆ្លើយតបចំពោះការស្នើផ្ដល់ជូនរបស់ខ្លួន ដើម្បីជួយដោះស្រាយការរីករាលដាលនៃជំងឺ COVID-19 ។ ប្រធានាធិបតីកូរ៉េខាងត្បូងលោក Yoon Suk-yeol បាននិយាយនៅក្នុងសុន្ទរកថាមួយ នៅឯរដ្ឋសភាកាលពីថ្ងៃចន្ទថា រដ្ឋាភិបាលរបស់លោកបានត្រៀមខ្លួនជាស្រេចក្នុងការផ្តល់ការគាំទ្រចាំបាច់ណាមួយ រួមទាំងថ្នាំពេទ្យ វ៉ាក់សាំង ឧបករណ៍វេជ្ជសាស្ត្រ និងបុគ្គលិកថែទាំសុខភាព។ បន្ទាប់ពីសុន្ទរកថារួច ក្រសួងបង្រួបបង្រួមរបស់កូរ៉េខាងត្បូង បានផ្តល់សារមួយទៅកាន់កូរ៉េខាងជើង ដែលស្នើឱ្យមានកិច្ចសន្ទនារវាងកូរ៉េទាំង ២ ដើម្បីពន្លឿនជំនួយផ្នែកវេជ្ជសាស្រ្តនេះ។ ប៉ុន្តែ​ក្រុមមន្ត្រី​បាន​លាតត្រដាង​ថា កូរ៉េខាងជើង​មិន​បាន​និយាយ​ថា ​នឹង​ទទួល​ ឬ​មិន​ទទួល​យក​សារ​នោះ​ទេ។ ជាមួយគ្នានេះដែរ ប្រទេសកូរ៉េខាងជើងកាលពីថ្ងៃអង្គារ ក៏ទើបតែបានរិះគន់កូរ៉េខាងត្បូង នៅលើគេហទំព័ររបស់គណៈកម្មាធិការសម្រាប់ការបង្រួបបង្រួមដោយសន្តិវិធីរបស់ខ្លួនផងដែរ។ វាបានរិះគន់លោក Yoon សម្រាប់ការនិយាយនៅក្នុងសន្ទរកថាមួយ នៅថ្ងៃឡើងកាន់អំណាចជាប្រធានាធិបតីថ្មីរបស់គាត់ថា គាត់ត្រៀមខ្លួនជាស្រេចដើម្បីបង្ហាញពីផែនការដ៏ក្លាហានមួយ

មន្ត្រីរដ្ឋាភិបាលជាន់ខ្ពស់នៃប្រទេសស៊ុយអែត និងហ្វាំងឡង់ គ្រោងនឹងទៅបំពេញទស្សនកិច្ចនៅប្រទេសទួរគី សម្រាប់ការពិភាក្សាលើការគាំទ្រប្រទេស Nordic ទាំង ២ នៅក្នុងដំណើរការចូលរួមជាមួយអង្គការណាតូ ដែលភាគីទួរគីបានជំទាស់ជាដាច់ខាត នេះបើតាមអ្នក​នាំ​ពាក្យ​ក្រសួង​ការ​បរទេស​ស៊ុយអែត។ ជាមួយគ្នានេះដែរ ប្រធានាធិបតីទួរគីលោក Recep Tayyip Erdogan បានប្រាប់អ្នកយកព័ត៌មាននៅរដ្ឋធានីអង់ការ៉ា កាលពីថ្ងៃចន្ទថា គណៈប្រតិភូស៊ុយអែត និងហ្វាំងឡង់ នឹងមកដល់ប្រទេសទួរគីនៅថ្ងៃចន្ទសប្ដាហ៍ក្រោយ។ លោកបាននិយាយថា ប្រទេសទាំង ២ មិនចាំបាច់ខំប្រឹងធ្វើដំណើរមកនោះទេ ពីព្រោះទីក្រុងអង់ការ៉ា នឹងមិនអនុម័តសមាជិកភាពណាតូ សម្រាប់នរណាដែលដាក់ទណ្ឌកម្មលើប្រទេសរបស់គាត់ឡើយ។ លោក Erdogan បាន​កត់​សម្គាល់​ថា ទាំងស៊ុយអែត និង​ហ្វាំងឡង់ មិន​បាន​យល់​ព្រម​ប្រគល់​សមាជិក​នៃ​ក្រុម​សកម្មប្រយុទ្ធ​ឃឺដ​ ដែល​ទួរគី​ចាត់​ទុកថា​ជា​អង្គការ​ភេរវករ​ឡើយ។

ក្រុមហ៊ុន Apple កាលពីថ្ងៃចន្ទ ទី១៦ ខែឧសភា ឆ្នាំ២០២២ បានប្រកាសថា ម្ចាស់សេវាកម្មកម្មវិធីស្មាតហ្វូន (App) អាចគិតប្រាក់បន្ថែមពីអតិថិជនដោយមិនចាំបាច់សុំការអនុញ្ញាត ដោយបន្ថែមថា «ខ្លួនបន្តកំណត់របារក្នុងការធ្វើឱ្យមានភាពងាយស្រួល និងមានតម្លាភាពសម្រាប់អតិថិជនក្នុងការមើល លុបចោល ឬគ្រប់គ្រងការជាវរបស់ពួកគេ»។ ក្រុមហ៊ុន Apple យល់ថា ការអាប់ដេតថ្មីនេះ នឹងធ្វើឱ្យអ្នកប្រើប្រាស់អាចបន្ដការជួល ឬ subscribe ទៅលើសេវាកម្មណាមួយរបស់ពួកគេ ដោយមិនចាំបាច់បារម្ភថា ពួកគេអាចនឹងភ្លេចបន្ដការជួល ឬថា ពួកគេមិនបានទទួលសារ opt-in ដើម្បីរំលឹកពីការបន្ដជួលរបស់ពួកគេ។ យ៉ាងណាក៏ដោយ ការអាប់ដេតថ្មីនេះមិនមានន័យថា គណនីធនាគាររបស់អតិថិជនត្រូវបានគេកាត់លុយដោយគ្មានប្រណីដៃនោះឡើយ ព្រោះក្រុមហ៊ុន Apple បានពន្យល់ថា

ប្រជាជនជប៉ុនជាច្រើនមានចម្ងល់ជាច្រើនអំពីសុខភាពស្បែកក្បាល ឬសក់របស់ពួកគេ ដូចជា តើចាំបាច់ត្រូវកក់សក់រាល់ថ្ងៃដែរឬទេ? តើ​ការ​ដក​សក់​ស្កូវ​នឹងធ្វើឱ្យ​សក់​ស​ដុះលឿនឬ​អត់? និងទទួលទានអ្វីដែលធ្វើឱ្យសក់ស្អាតនិងរឹងមាំជាដើម។ តោះមកស្វែងរកចម្លើយចំពោះសំណួរដែលគេសួរញឹកញាប់ ពីអ្នកឯកទេសសក់ជនជាតិជប៉ុន និងស្វែងយល់ពីវិធីសាស្រ្តផ្សេងៗនៃការព្យាបាល ការថែទាំ និងថែទាំសក់ឱ្យបានត្រឹមត្រូវ៖  សំណួរ៖ តើខ្ញុំគួរកក់សក់រាល់ថ្ងៃទេ? ចម្លើយ៖ មិនចាំបាច់កក់សក់រាល់ថ្ងៃទេ ប្រសិនបើអ្នកនៅផ្ទះ ឬមិននៅកន្លែងដែលធ្វើឱ្យសក់របស់អ្នកកខ្វក់។ ប៉ុន្តែ​ប្រសិន​បើ​ចេញ​ក្រៅ​ហើយ​មាន​ញើស ឬ​ធូលី​លើ​សក់ អ្នក​គួរ​កក់​សក់​ដើម្បី​ឲ្យ​សក់​ស្អាត។ ទោះជាយ៉ាងណាក៏ដោយជម្រើសនៃសាប៊ូកក់សក់ត្រូវតែត្រូវបានជ្រើសរើសដោយយោងទៅតាមស្ថានភាពនៃស្បែកក្បាល នឹងការពារស្បែកក្បាលមិនឱ្យស្ងួត និងមិនធ្វើឱ្យស្បែកក្បាលរមាស់ រហូតបង្កទៅជាបញ្ហារលាក។ សំណួរ៖ តើការដកសក់ស្កូវនឹងធ្វើឱ្យដុះសក់ស្កូវមកវិញរឺទេ? ចម្លើយ៖ មិនមានភស្តុតាងដែលថាការដកសក់ស្កូវនឹងពន្លឿនការលូតលាស់សក់ស្កូវទេ។ ប៉ុន្តែ​ការ​ដក​សក់​ស្កូវ​ចេញ​ធ្វើ​ឲ្យ​ខូច​អេពីធីលីយ៉ូម​លើ​ស្បែក​ក្បាល ដូច្នេះ​ហើយ​សក់​ថ្មី​មិន​អាច​ផុស​ចេញ​ពី​ក្រោម​ស្បែក​ឡើយ ទើបបណ្តាលអោយវាលូតលាស់នៅក្រោមស្បែកក្បាល បង្កអោយកើតជាបញ្ហារលាកស្បែកក្បាល។ លើសពីនេះ ការដកសក់ស្កូវម្តងហើយម្តងទៀត នឹងធ្វើឱ្យខូចឫសសក់ ហើយនៅទីបំផុតនាំឱ្យសក់ស្តើង។ សំណួរ៖

អ្នកនាំពាក្យវិមានក្រឹមឡាំងបាននិយាយថា រុស្ស៊ីមានឆន្ទៈពិចារណាលើសំណើណាមួយពីកូរ៉េខាងជើង សម្រាប់វ៉ាក់សាំងបង្ការជំងឺ COVID-19 ។ យោងតាមរបាយការណ៍របស់ រ៉យទ័រ បានឱ្យដឹងថា លោក Dmitry Peskov បាននិយាយថា ប្រសិនបើសំណើបែបនេះត្រូវបានធ្វើឡើង ប្រទេសរុស្ស៊ីនឹងឆ្លើយតបទៅវិញភ្លាមៗ។ លោកថា៖«សមមិត្តកូរ៉េខាងជើងយល់ដឹងយ៉ាងច្បាស់អំពីការបង្ការផ្សេងៗរបស់យើង។ ពួកគេដឹងពីបទពិសោធន៍ដ៏ទូលំទូលាយរបស់យើងជាមួយ COVID-19 ។ ប្រសិន​បើ​មាន​ការ​អំពាវនាវ​ពី​ក្រុង​ព្យុងយ៉ាង ពួក​គេ​នឹង​ត្រូវ​ដោះ​ស្រាយបាន​ភ្លាមៗ»។ ប្រទេសកូរ៉េខាងជើង បានរក្សាភាពស្ងប់ស្ងាត់យ៉ាងជាយូរមកហើយអំពីស្ថានភាពជំងឺ COVID-19 របស់ខ្លួន ប៉ុន្តែឥឡូវនេះ ខ្លួនបានបញ្ជាក់ថា យ៉ាងហោចណាស់មានមនុស្ស ១នាក់ បានស្លាប់ ហើយមនុស្សរាប់សែននាក់កំពុងបង្ហាញរោគសញ្ញាគ្រុនក្តៅ ខណៈពលរដ្ឋជាង ១ លាននាក់ កំពុងវិជ្ជមានជាមួយជំងឺ

នាយករដ្ឋមន្ត្រីថ្មីរបស់ប្រទេសស្រីលង្កាគឺលោក Ranil Wickremesinghe បាននិយាយថា ប្រទេសរបស់លោកពុំមានប្រេងសាំងទៀតនោះទេ ដោយអាចផ្គត់ផ្គង់បានតែ ១ ថ្ងៃទៀតប៉ុណ្ណោះ ខណៈដែលប្រទេសនេះប្រឈមនឹងវិបត្តិសេដ្ឋកិច្ចដ៏អាក្រក់បំផុតក្នុងរយៈពេលជាង ៧០ឆ្នាំ។ នៅក្នុងសុន្ទរកថាតាមទូរទស្សន៍មួយ លោក Wickremesinghe បាននិយាយថា ប្រទេសស្រីលង្កាត្រូវការរូបិយប័ណ្ណបរទេសចំនួន ៧៥ លានដុល្លារ ជាបន្ទាន់ ក្នុងរយៈពេលពីរបីថ្ងៃខាងមុខ ដើម្បីទូទាត់ថ្លៃដើមសម្រាប់ការនាំចូលសំខាន់ៗ។ លោក Wickremesinghe ក៏បានបន្ថែមថា ក្រុមហ៊ុនអាកាសចរណ៍ស្រីលង្កាដែលគ្រប់គ្រងដោយរដ្ឋ អាចនឹងត្រូវប្រែក្លាយជាក្រុមហ៊ុនរបស់ឯកជនវិញ។ សេដ្ឋកិច្ចរបស់ប្រទេសកោះមួយនេះ ត្រូវបានរងផលប៉ះពាល់យ៉ាងខ្លាំងដោយជំងឺរាតត្បាត COVID-19, ការកើនឡើងតម្លៃថាមពល និងការកាត់បន្ថយពន្ធប្រជាជន។ ជាមួយគ្នានេះដែរ កង្វះខាតរូបិយប័ណ្ណបរទេសរ៉ាំរ៉ៃ និងអតិផរណាកើនឡើង (លុយហើម)

ប្រធានាធិបតីបារាំងលោក Emmanuel Macron បានតែងតាំងលោកស្រី Elisabeth Borne ធ្វើជានាយករដ្ឋមន្ត្រីថ្មីនៃប្រទេសបារាំង ហើយនេះគឺជាលើកដំបូងបំផុត​ក្នុង​ប្រវត្តិសាស្ត្ររយៈពេល​ ៣០​ឆ្នាំ របស់ប្រទេសបារាំង ដែលស្ត្រីត្រូវបានគេតែងតាំងឱ្យដើរតួនាទីនេះ។ លោក Macron បាន​ធ្វើការ​តែងតាំងលោកស្រី​កាលពី​ថ្ងៃ​ចន្ទ ត្រឹមតែ​ប៉ុន្មាន​ថ្ងៃ​ប៉ុណ្ណោះ​បន្ទាប់ពីគាត់បានជាប់​អាណត្តិ​ទី២ ជាប្រធានាធិបតីរបស់ប្រទេសបារាំង ក្រោយឈ្នះការបោះឆ្នោតប្រធានាធិបតីកាលពីខែមេសា។ មុននេះ លោក Jean Castex ដែលជានាយករដ្ឋមន្ត្រីនៅអាណត្តិមុន ក៏គាត់បានផ្ញើលិខិតលាលែងពីតំណែងរបស់គាត់ ទៅកាន់លោក Macron ផងដែរ។ នាយករដ្ឋមន្ត្រីថ្មី Elisabeth Borne ដែលមានវ័យ ៦១ ឆ្នាំរូបនេះ បានបម្រើការជារដ្ឋមន្ត្រីដឹកជញ្ជូន រដ្ឋមន្ត្រីបរិស្ថាន