នៅក្នុងវីដេអូ​​មួយដែលបានបង្ហោះដោយ Daily Mail បាន​បង្ហាញ​ពី​ទាហាន​រុស្ស៊ី​ម្នាក់ ដែលកំពុង​​ផឹក​តែបណ្ដើរ និងស្រក់ទឹកភ្នែកបណ្ដើរ នៅពេលដែល​ពលរដ្ឋ​អ៊ុយក្រែន ​បាន​ទូរស័ព្ទ​ទៅ​ម្ដាយ​របស់​គាត់​ដើម្បី​ប្រាប់​គាត់​ថា ​គាត់​មិន​បានកើតអី​ទេ បើទោះបីជាភាគីខាងអ៊ុយក្រែនបានចាប់ខ្លួនគាត់ក៏ដោយ។ ពោលគឺទាហានរុស្ស៊ីម្នាក់នោះ បានសារភាពចុះចាញ់ ហើយរូបគេត្រូវបានពលរដ្ឋ និង​រថយន្ត​ជា​ច្រើន ចោមរោមនៅក្នុងហេតុការណ៍នោះ។ ខណៈពេលដែលគាត់កំពុងហូបនំ និងផឹកតែ ដែលពលរដ្ឋអ៊ុយក្រែនបានប្រគល់ឱ្យ ក៏មានស្រ្តីម្នាក់ទៀតបានឱ្យទូរស័ព្ទមកគាត់ ដើម្បីទាក់ទងទៅម្ដាយប្រាប់ពីសុខទុក្ខរបស់គាត់ ទើបបានជាគាត់អួលដើមក ហើយទប់ទឹកភ្នែកមិនជាប់តែម្ដងទៅ។ ទាហានម្នាក់នោះមិន​បាននិយាយ​អ្វី ​ក្រៅ​ពីសម្រួលអារម្មណ៍នៅ​ពេល​គាត់ហូបនំ និង​ផឹកតែ ដែលពលរដ្ឋបានប្រគល់ឱ្យ​ ហើយ​បញ្ចប់​ការទូរស័ព្ទជាមួយម្ដាយ ដោយ​ការ​ថើប​ទៅ​កាន់​ម្ដាយ​របស់​គាត់។ បើតាមវីដេអូដដែលនោះបានបង្ហាញថា រូបគាត់បានហូបនំ និងផឹកតែ ដូចជាមិនបានហូបអាហារគ្រប់គ្រាន់រាប់ថ្ងៃមកហើយ។ គួរឱ្យដឹងដែរថា វីដេអូឃ្លីបនោះបានលេចចេញឡើយ នៅចំពេលដែលមានសេចក្តីរាយការណ៍មកថា ទាហានរុស្ស៊ីខ្លះកំពុងបំផ្លាញរថយន្តខ្លួនឯង

កងកម្លាំងរុស្ស៊ីបានដណ្តើមយកទីក្រុង Kherson របស់ប្រទេសអ៊ុយក្រែន ដែលជាមជ្ឈមណ្ឌលទីក្រុងដ៏សំខាន់ដំបូងគេបង្អស់ ដែលបានដួលរលំ ចាប់តាំងពីរុស្ស៊ីបានលុកលុយអ៊ុយក្រែនកាលពីសប្តាហ៍មុន។ អភិបាលក្រុងលោក Igor Kolykhaiev បានប្រកាសថា លោកនឹងត្រូវពិភាក្សាជាមួយ «ភ្ញៀវប្រដាប់អាវុធ» របស់លោក ដែលកំពុងតែដណ្ដើមយកទីក្រុងនេះ។ គាត់បានសរសេរនៅលើហ្វេសប៊ុកថា «យើងគ្មានអាវុធ ហើយមិនបានឈ្លានពានគេ។ យើងបានបង្ហាញថា យើងកំពុងធ្វើការដើម្បីធានាទីក្រុង និងកំពុងព្យាយាមដោះស្រាយ ជាមួយនឹងផលវិបាកនៃការលុកលុយ»។ យ៉ាងណាក៏ដោយលោក Igor Kolykhaiev បានទទួចមិនឱ្យមានការបាញ់ប្រហារលើពលរដ្ឋនោះទេ ហើយលោកនឹងណែនាំបំរាមគោចរពេលយប់នៅក្នុងទីក្រុង និងការរឹតបន្តឹងលើចរាចរណ៍រថយន្ត។ កងទ័ពរុស្ស៊ីបានប្រកាសពីការរឹបអូសយកក្រុង Kherson ដែលមានទីតាំងនៅមិនឆ្ងាយប៉ុន្មានពីឧបទ្វីបគ្រីមៀ ដែលត្រូវបានគ្រប់គ្រងក្នុងឆ្នាំ២០១៤ ដោយទីក្រុងម៉ូស្គូ កាលពីព្រឹកថ្ងៃពុធ។ ទីក្រុងសមុទ្រខ្មៅបានស្ថិតនៅក្រោមការឡោមព័ទ្ធ ខណៈដែលកងកម្លាំងរុស្ស៊ីបានបន្តការវាយលុករបស់ពួកគេលើមជ្ឈមណ្ឌលទីក្រុងផ្សេងទៀត។

ប្រធានាធិបតីអ៊ុយក្រែនលោក Volodymyr Zelenskyy បាននិយាយថា ទាហានរុស្ស៊ីប្រហែល ៦,០០០ នាក់ ត្រូវបានសម្លាប់ នៅក្នុងរយៈពេល ៦ថ្ងៃ ចាប់តាំងពីរុស្ស៊ីបានឈ្លានពានអ៊ុយក្រែន។ នៅក្នុងសេចក្តីថ្លែងការណ៍មួយ ដែលបានចេញផ្សាយកាលពីថ្ងៃពុធ លោក Zelenskyy បានសំដៅទៅលើការទម្លាក់គ្រាប់បែករបស់រុស្ស៊ីទៅលើប៉មទូរទស្សន៍នៅក្នុងរដ្ឋធានី Kyiv របស់អ៊ុយក្រែន។ លោកបាននិយាយថា មីស៊ីលមួយគ្រាប់ក៏បានវាយប្រហារទីតាំងនៃកន្លែងរំលឹកវិញ្ញាណក្ខន្ធជនជាតិជ្វីហ្វ ដែលត្រូវបានសម្លាប់ដោយពួកណាស៊ីអាល្លឺម៉ង់ ក្នុងអំឡុងសង្គ្រាមលោកលើកទី២ ផងដែរ។ លោក Zelenskyy បាននិយាយថា រុស្ស៊ីកំពុងធ្វើឃាតជនរងគ្រោះនៃពិធីបុណ្យ Holocaust ។ អ្នកនាំពាក្យក្រសួងការពារជាតិរុស្ស៊ី លោក Igor Konashenkov បាននិយាយកាលពីថ្ងៃពុធថា

អាជ្ញាធរសុខាភិបាលក្នុងរដ្ឋញូវយ៉ករបស់សហរដ្ឋអាមេរិក បានចេញផ្សាយការសិក្សាមួយ ដែលបង្ហាញពីការបាត់បង់សមត្ថភាពរបស់វ៉ាក់សាំង Pfizer យ៉ាងឆាប់រហ័ស ចំពោះកុមារដែលមានអាយុពី ៥ ទៅ ១១ឆ្នាំ ក្នុងការការពារពីជំងឺ COVID-19 ។ ជាមួយគ្នានេះ អ្នកស្រាវជ្រាវ រួមទាំងមន្ត្រីសុខាភិបាលរដ្ឋ ក៏បានចេញផ្សាយរបាយការណ៍មួយកាលពីថ្ងៃចន្ទ ស្តីពីប្រសិទ្ធភាពនៃវ៉ាក់សាំង Pfizer ក្នុងការការពារការឆ្លងមេរោគ និងការចូលមន្ទីរពេទ្យក្នុងចំណោមកុមារដែលមានអាយុពី ៥ ទៅ ១៧ ឆ្នាំផងដែរ។ របាយការណ៍បង្ហាញថា ការការពាររបស់វ៉ាក់សាំង Pfizer ប្រឆាំងនឹងការឆ្លងជំងឺ COVID-19 ក្នុងចំណោមកុមារ ដែលមានអាយុពី ១២ ទៅ ១៧ឆ្នាំ បានធ្លាក់ចុះដល់

FIFA បានប្រកាសថា រុស្ស៊ីត្រូវបានបណ្តេញចេញពីការប្រកួតបាល់ទាត់ពិភពលោកឆ្នាំ២០២២ ហើយក្រុមរបស់ប្រទេសនេះ ត្រូវបានផ្អាកពីការប្រកួតបាល់ទាត់អន្តរជាតិទាំងអស់ «រហូតដល់មានការជូនដំណឹងបន្ថែម» បន្ទាប់ពីការលុកលុយរបស់ប្រធានាធិបតីវ្ល៉ាឌីមៀ ពូទីន មកកាន់អ៊ុយក្រែន នេះបើតាមសេចក្តីថ្លែងការណ៍រួមជាមួយ UEFA កាលពីថ្ងៃចន្ទ។ ជម្រាបដែរថា ក្រុមបាល់ទាល់បុរស ត្រូវទៅលេងវគ្គជម្រុះក្នុងខែមីនា សម្រាប់ការប្រកួតបាល់ទាត់ពិភពលោកនៅប្រទេសកាតានៅចុងឆ្នាំនេះ ខណៈដែលក្រុមនារី នឹងត្រូវជម្រុះសម្រាប់ការប្រកួតជើងឯកអឺរ៉ុបនៅប្រទេសអង់គ្លេសដែលនឹងធ្វើឡើងនៅខែកក្កដា។ ការ​ប្រកាស​នេះ​ក៏​ប៉ះពាល់​ដល់​ក្លឹប​រុស្ស៊ី​ ដែលនឹងត្រូវ​ចូល​រួម​ក្នុង​ការ​ប្រកួត​នៅ​អឺរ៉ុបផងដែរ។ ស្ថាប័នគ្រប់គ្រងបាល់ទាត់ពិភពលោក និងអឺរ៉ុបបាននិយាយថា FIFA និង UEFA ថ្ងៃនេះបានសម្រេចចិត្តរួមគ្នាថា ក្រុមរុស្ស៊ីទាំងអស់ មិនថាក្រុមតំណាងជាតិ ឬក្រុមក្លឹប នឹងត្រូវផ្អាកពីការចូលរួមក្នុងការប្រកួតរបស់ FIFA និង UEFA រហូតដល់មានការជូនដំណឹងបន្ថែម។

ណាតូបានបង្កើនការការពាររបស់សម្ព័ន្ធមិត្តនៅអឺរ៉ុបខាងកើត ចំពេលមានការឈ្លានពានរបស់រុស្ស៊ីលើអ៊ុយក្រែន។ វាបាននិយាយកាលពីថ្ងៃអង្គារថា អង្គភាពមួយចំនួននៃកងកម្លាំងឆ្លើយតបរបស់អង្គការណាតូ (NRF) បានមកដល់ប្រទេសរូម៉ានី ដែលមានព្រំប្រទល់ជាប់នឹងអ៊ុយក្រែន។ ជម្រាបដែរថា NRF គឺជាកម្លាំងត្រៀមលក្ខណៈខ្ពស់ ដែលអាចដាក់ពង្រាយបានយ៉ាងរហ័ស ក្នុងករណីមានអាសន្ន។ អគ្គលេខាធិការអង្គការណាតូ លោក Jens Stoltenberg ក៏បានទៅទស្សនាមូលដ្ឋានយោធាក្នុងប្រទេសប៉ូឡូញ និងអេស្តូនី ជាកន្លែងដែលសម្ព័ន្ធមិត្តបានបញ្ជូនកងទ័ព និងយន្តហោះចម្បាំងនៅទីនោះ។ លោក Stoltenberg បានសម្តែងការព្រួយបារម្ភយ៉ាងខ្លាំងចំពោះស្ថានការណ៍កាន់តែតានតឹងក្នុងប្រទេសអ៊ុយក្រែន ខណៈដែលលោកបានកត់សម្គាល់ថា ជួររថពាសដែករុស្ស៊ីធុនធ្ងន់កំពុងធ្វើដំណើរឆ្ពោះទៅកាន់រដ្ឋធានី Kyiv ។ លោក​បាន​និយាយ​ថា វា​នឹង​នាំ​មក​នូវ​ការ​ស្លាប់​កាន់​តែ​ច្រើន និងភាព​រង​ទុក្ខ​វេទនារបស់​ជន​ស៊ីវិល​កាន់​តែ​ច្រើន​។ លោក​បាន​បង្ហាញ​ចេតនា​ក្នុង​ការ​បង្កើន​ការ​គាំទ្រ​របស់​អង្គការ​ណាតូ​ សម្រាប់​អ៊ុយក្រែន ​តាម​មធ្យោបាយ​ដូចជា​សមាជិករបស់ណាតូនឹង​ផ្តល់​អាវុធទៅអ៊ុយក្រែនជាដើម។ នាយករដ្ឋមន្ត្រីអេស្តូនី

យោងតាមការចុះផ្សាយរបស់សារព័ត៌មាន CNN បានរាយការណ៍ថា ក្រុមហ៊ុន Apple បានបញ្ជាក់ថា ខ្លួនបានបញ្ឈប់ការលក់ផលិតផលទាំងអស់នៅក្នុងប្រទេសរុស្ស៊ី ហើយថែមទាំងបានបញ្ឈប់ការនាំចេញទាំងអស់ ទៅក្នុងបណ្តាញលក់នៅក្នុងប្រទេសរុស្ស៊ី ដើម្បីឆ្លើយតបទៅនឹងការឈ្លានពានរបស់រុស្ស៊ីលើអ៊ុយក្រែន។ ក្រុមហ៊ុន Apple ក៏បានបិទចរាចរណ៍ និង live incidents នៅក្នុង Apple Maps ក្នុងប្រទេសអ៊ុយក្រែន ជាវិធានការសុវត្ថិភាពផងដែរ។ ការ​សម្រេច​ចិត្ត​របស់ Apple កើត​ឡើង​ ខណៈ​ក្រុមហ៊ុន​បច្ចេកវិទ្យា​បាន​ប្រឈម​នឹង​សម្ពាធ​សាធារណៈ​កាន់​តែ​ខ្លាំង​ឡើង​ ក្នុង​ការ​ធ្វើ​សកម្មភាព​ប្រឆាំង​នឹង​រុស្ស៊ី។ រដ្ឋាភិបាលអ៊ុយក្រែនកាលពីសប្តាហ៍មុនបានស្នើឱ្យ Apple បញ្ឈប់ការផ្តល់ App Store របស់ខ្លួននៅក្នុងប្រទេសរុស្ស៊ី ប៉ុន្តែអ្នកជំនាញផ្នែកសន្តិសុខ និងលទ្ធិប្រជាធិបតេយ្យមួយចំនួនបាននិយាយថា វាអាចប៉ះពាល់ដល់អ្នកប្រើប្រាស់នៅរុស្ស៊ី ដែលកំពុងតវ៉ាចំពោះវិមានក្រឹមឡាំង

ក្រសួងសុខាភិបាលវៀតណាមបានបញ្ជាក់ពីករណីជំងឺ Covid-19 ក្នុងស្រុកថ្មីចំនួន ៩៤,៣៧៦ ករណី នៅក្នុងទីក្រុង និងខេត្តចំនួន ៦១ កាលពីយប់ថ្ងៃចន្ទ ដែលនាំឱ្យចំនួនករណីសរុបកើនឡើងដល់ ៣,៣៣៦,១១៨ ករណី នេះបើតាមការចុះផ្សាយរបស់សារព័ត៌មាន VNExpress ។ មូលដ្ឋានចំនួន ៣ ដែលមានចំនួនករណីថ្មីខ្ពស់បំផុតគឺ ទីក្រុងហាណូយមាន ១២,៨៥០ ករណី, ខេត្ត Quang Ninh មាន ៩,១០៥ ករណី និង Nghe An មាន ៣,៩៥៨ ករណី។ ជាមួយគ្នានេះ ចំនួនអ្នកស្លាប់ដោយសារ

អ្នកការទូតមកពីរុស្ស៊ី និងអ៊ុយក្រែន បានជួបពិភាក្សាគ្នាជាលើកដំបូងចាប់តាំងពីការចាប់ផ្តើមនៃការលុកលុយរបស់រុស្ស៊ី ប៉ុន្តែយ៉ាង​ណា​ក៏​ដោយ ពួក​គេ​បាន​ត្រឡប់​ទៅ​ផ្ទះ​វិញ​ដោយ​មិន​បាន​សម្រេច​អ្វី​ឡើយ។ អ្នក​ចរចាទាំង ២ភាគី ​បាន​ជួប​គ្នា​នៅ​ប្រទេស​បេឡារុស ដែល​ជា​សម្ព័ន្ធមិត្ត​ជិតស្និទ្ធ​របស់​រុស្ស៊ី ហើយបន្ទាប់​ពី​កិច្ច​ប្រជុំ​ ពួក​គេ​បាន​និយាយ​ថា ពួក​គេ​នឹង​អង្គុយ​ចរចា​បន្ថែម​ទៀត​ក្នុង​រយៈ​ពេល​ប៉ុន្មាន​ថ្ងៃ​ទៀត​។ លោក Mykhailo Podoliak នៃការិយាល័យប្រធានាធិបតីអ៊ុយក្រែនបាននិយាយថា គោលដៅសំខាន់នៃកិច្ចចរចាជុំទីមួយនេះ គឺដើម្បីពិភាក្សាអំពីបទឈប់បាញ់ និងការបញ្ចប់អរិភាពក្នុងប្រទេសអ៊ុយក្រែន។ លោកបានមានប្រសាសន៍ថា គណៈប្រតិភូបានបញ្ជាក់ពីចំណុចសំខាន់ៗមួយចំនួននៃការពិភាក្សា ហើយបានគូសបញ្ជាក់ពីការសម្រេចចិត្តមួយចំនួនអំពីពួកគេ។ លោក វ្ល៉ាឌីមៀ មេឌីនស្គី ប្រធានគណៈប្រតិភូរុស្ស៊ី បាននិយាយថា ភាគីទាំង ២ បានជួបពិភាក្សាគ្នារយៈពេល ៥ ម៉ោង ហើយលោក​បាន​និយាយ​ថា ពួកគេ​បាន​ត្រួត​ពិនិត្យ​គ្រប់​យ៉ាង​នៅ​ក្នុង​របៀបវារៈ​របស់​ពួកគេ

ចំពេលមានការឈ្លានពានរបស់រុស្ស៊ី ប្រធានាធិបតីអ៊ុយក្រែនលោក Volodymyr Zelenskyy បានចុះហត្ថលេខាលើពាក្យសុំមួយ ដើម្បីឱ្យអ៊ុយក្រែនចូលជាសមាជិកនៅក្នុងសហភាពអឺរ៉ុបកាលពីថ្ងៃចន្ទ។ វាកើតឡើងប៉ុន្មានម៉ោងបន្ទាប់ពីសំណើមួយត្រូវបានធ្វើឡើង ដើម្បីអនុញ្ញាតឱ្យអ៊ុយក្រែនទទួលបានសមាជិកភាពក្រោមនីតិវិធីពិសេសមួយ ហើយនៅក្នុងសុន្ទរកថា វីដេអូដែលបានចែករំលែកនៅលើប្រព័ន្ធផ្សព្វផ្សាយសង្គមបានគូសបញ្ជាក់ថា គោលដៅនៃប្រទេសរបស់លោក ដែលបច្ចុប្បន្នស្ថិតនៅក្រោមការឈ្លានពានរបស់រុស្ស៊ី គឺដើម្បីនៅជាមួយអឺរ៉ុប។ លោកបានបន្ថែមនៅក្នុងសុន្ទរកថាវីដេអូថា៖«ខ្ញុំប្រាកដថាវាយុត្តិធម៌។ ខ្ញុំប្រាកដថាយើងសមនឹងទទួលបានវា»។ ប្រធានសហភាពអឺរ៉ុបលោកស្រី Ursula von der Leyen បាននិយាយថា អ៊ុយក្រែនត្រូវតែទទួលបានការយល់ព្រម ព្រោះប្រទេសនេះបានរក្សាទំនាក់ទំនងរឹងមាំជាមួយតំបន់អឺរ៉ុបរួចស្រាប់ទៅហើយ។ លោកស្រីបាននិយាយថា៖«មិត្តភ័ក្តិទាំងអស់គ្នា, នៅក្នុងករណីនៃការចូលជាសមាជិកសហភាពអឺរ៉ុបរបស់អ៊ុយក្រែន ក្រោមនីតិវិធីសាមញ្ញ ស្របតាមច្បាប់របស់សហភាពអឺរ៉ុប រដ្ឋជាសមាជិកអាចបញ្ជូនកងទ័ពរបស់ពួកគេទៅកាន់អ៊ុយក្រែនសម្រាប់សន្តិសុខរួម ទោះបីជានៅខាងក្រៅប្លុកណាតូក៏ដោយ។ ខ្ញុំសង្ឃឹមថាសហភាពនឹងធ្វើឱ្យមានភាពវិជ្ជមាន។ ការ​សម្រេច​ចិត្ត ហើយ​ខ្ញុំ​សូម​អរគុណ​លោក​ប្រធានាធិបតី​សម្រាប់​គំនិត​ផ្ដួចផ្ដើម​នេះ»៕ អត្ថបទ៖ លីដា