មជ្ឈមណ្ឌលគ្រប់គ្រង និងការពារជំងឺរបស់សហរដ្ឋអាមេរិក (CDC) កាលពីថ្ងៃព្រហស្បតិ៍ ទី១៦ ខែធ្នូ ឆ្នាំ២០២១ បានផ្តល់អនុសាសន៍ឱ្យជនជាតិអាមេរិកជ្រើសរើសវ៉ាក់សាំង ១ ក្នុងចំណោមវ៉ាក់សាំងបង្ការជំងឺ COVID-19 របស់ Moderna និង Pfizer/BioNTech ដោយមិនបានណែនាំឱ្យប្រើប្រាស់វ៉ាក់សាំង Johnson & Johnson នោះទេ។ អនុសាសន៍របស់ CDC បានកើតមានឡើង បន្ទាប់ពីគណៈកម្មាធិការប្រឹក្សារបស់ខ្លួនស្តីពីការចាក់ថ្នាំបង្ការ បានបោះឆ្នោតជាឯកច្ឆ័ន្ទដើម្បីធ្វើការណែនាំវ៉ាក់សាំង ដែលផលិតឡើងដោយ Moderna និង Pfizer/BioNTech ។ ជនជាតិអាមេរិកទៅទទួលការចាក់វ៉ាក់សាំង J&J កាន់តែតិចជាងមុន ជាងវ៉ាក់សាំងទាំង ២

រដ្ឋាភិបាលនៃប្រទេសបារាំងបាននិយាយថា ខ្លួននឹងកំណត់យ៉ាងតឹងរ៉ឹងនូវការចូលមកពីចក្រភពអង់គ្លេស ដោយសារជំងឺ COVID-19 បំប្លែងខ្លួនថ្មី Omicron កំពុងវាយប្រហារយ៉ាងខ្លាំងនៅទីនោះ។ រដ្ឋាភិបាលបាននិយាយកាលពីថ្ងៃព្រហស្បតិ៍ថា ខ្លួននឹងហាមឃាត់ការធ្វើដំណើរអាជីវកម្ម និងទេសចរណ៍ពីចក្រភពអង់គ្លេស ប៉ុន្តែនឹងអនុញ្ញាតឱ្យចូលសម្រាប់មនុស្សមួយចំនួន រួមទាំងជនជាតិបារាំង និងពលរដ្ឋសហភាពអឺរ៉ុបផ្សេងទៀត ដែលត្រឡប់ទៅផ្ទះវិញកាត់តាមប្រទេសបារាំង។ ច្បាប់ថ្មីនឹងតម្រូវឱ្យរាល់ការមកដល់ពីចក្រភពអង់គ្លេស ត្រូវធ្វើតេស្តអវិជ្ជមានជាមួយជំងឺ​ COVID-19 ក្នុងអំឡុងពេលតិចជាង ២៤ ម៉ោង មុនពេលចេញដំណើរ ដោយមិនគិតពីស្ថានភាពនៃការទទួលថ្នាំបង្ការ។ ពួកគេក៏នឹងត្រូវដាក់ឱ្យនៅដាច់ដោយឡែករយៈពេល ៧ថ្ងៃ នៅពេលមកដល់ប្រទេសបារាំង ទោះបីជារយៈពេលនេះនឹងត្រូវកាត់បន្ថយមកត្រឹម ៤៨ ម៉ោង ប្រសិនបើពួកគេធ្វើតេស្តអវិជ្ជមានបន្ទាប់ពីបានមកដល់ប្រទេសបារាំងក៏ដោយ។ យ៉ាងណាក៏ដោយ អ្នកបើកបរឡានដឹកទំនិញនឹងត្រូវបានលើកលែងពីតម្រូវការទាំងនេះ ដើម្បីជៀសវាងការរំខានដល់ខ្សែសង្វាក់ផ្គត់ផ្គង់។ រំលឹកដែរថា ឡានដឹកទំនិញជាច្រើនធ្លាប់បានស្ទះជាជួរនៅច្រក

ប្រទេសវៀតណាមកាលពីយប់ថ្ងៃព្រហស្បតិ៍ បានរាយការណ៍ពីករណីជំងឺ Covid-19 រហូតដល់ទៅ ៣៤,០៥៩ ករណី ដែលនាំឱ្យចំនួននៃការឆ្លងនៅក្នុងរលកទី០៤ របស់ខ្លួនមានរហូតដល់ ១,៤៨៦,៨៧៥ ករណី។ ក្នុងចំណោមករណី Covid-19 ថ្មីៗទាំងអស់នោះ មានករណីចំនួន ១៥,៦២៧ ករណី ត្រូវបានកត់ត្រានៅក្នុងទីក្រុង និងខេត្តចំនួន ៦០ របស់ខ្លួន ខណៈដែលខេត្ត Tay Ninh មានករណីចំនួន ១៩,៧២៤ ករណី ដែលច្រើនជាងគេបំផុត ក៏ព្រោះតែខេត្តនេះបានបញ្ចូលតួលេខអ្នកជំងឺ COVID-19 ពីមុនៗដែលមិនទាន់បានកត់ត្រា។ ជាមួយគ្នានេះដែរ អ្នកជំងឺ Covid-19 ចំនួន ១,០៣៣

យោងតាមការចុះផ្សាយរបស់សារព័ត៌មាន VNExpress បានរាយការណ៍ថា ក្រសួងសុខាភិបាលវៀតណាមកាលពីយប់ថ្ងៃអង្គារ ទី១៥ ខែធ្នូ ឆ្នាំ២០២១ បានប្រកាសពីករណីជំងឺ COVID-19 ថ្មីចំនួន ១៥,២០៣ ករណី ចេញពីខេត្តនិងក្រុងចំនួន ៦២ របស់ខ្លួន។ តំបន់ដែលមានចំនួនករណីថ្មីខ្ពស់បំផុតគឺខេត្ត Ca Mau ដែលមាន ១,០១១ ករណី ដែលជាចំនួនករណីប្រចាំថ្ងៃខ្ពស់បំផុតមិនធ្លាប់មាន។ ទីក្រុងហូជីមិញជាប់ចំណាត់ថ្នាក់លេខ ២ ដោយមាន ៩៩១ ករណី និងខេត្តតៃនិញ មានចំនួន ៩៣១ ករណី។ ចំនួនអ្នកស្លាប់ដោយសារជំងឺ COVID-19 នៅក្នុងប្រទេសវៀតណាម បានកើនឡើងដល់ ២៨,៣៣៣

អ្នកនាំពាក្យគណៈកម្មាធិការរៀបចំការបោះឆ្នោតហ្វីលីពីនបាននិយាយថា ប្រធានាធិបតីហ្វីលីពីនគឺលោក Rodrigo Duterte បានដកខ្លួនចេញពីការឈរឈ្មោះជាបេក្ខភាពសមាជិកព្រឹទ្ធសភា នៅថ្ងៃអង្គារ ទី១៤ ខែធ្នូ ឆ្នាំ២០២១។ ជម្រាបផងដែរថា លោក Duterte នឹងបញ្ចប់អាណត្តិ ៦ឆ្នាំ ក្នុងនាមជាប្រធានាធិបតីរបស់លោក នៅខែមិថុនា ឆ្នាំ២០២២ ហើយតាមច្បាប់រដ្ឋធម្មនុញ្ញរបស់ហ្វីលីពីន គឺលោកមិនអាចធ្វើជាប្រធានាធិបតីនៅអាណត្តិបន្ទាប់ទេ។ ដំបូងឡើយគឺគាត់បានប្រកាសថា នឹងចូលនិវត្តន៍ពីនយោបាយ ហើយក្រោយមកទៀតក៏មានពាក្យថា គាត់នឹងឈរឈ្មោះជាបេក្ខភាពព្រឹទ្ធសភា ខណៈលើកនេះក៏ប្ដូរទៅជាមិនឈរឈ្មោះទៅវិញ។ ការឈរឈ្មោះសម្រាប់ព្រឹទ្ធសភារបស់គាត់ ត្រូវបានគេមើលឃើញថា ជាការប៉ុនប៉ងដើម្បីបន្តកាន់អំណាចនៅក្នុងនយោបាយ ខណៈពេលដែលគាត់ប្រឈមមុខនឹងការស៊ើបអង្កេតអន្តរជាតិ ចំពោះសង្គ្រាមគ្រឿងញៀនដ៏សាហាវរបស់គាត់។ ការដកខ្លួនរបស់គាត់មិនមានន័យថា គាត់គ្រោងនឹងចូលនិវត្តន៍ពីនយោបាយភ្លាម បន្ទាប់ពីការបោះឆ្នោតនៅក្នុងខែឧសភានោះទេ ដោយសារនៅក្រោមច្បាប់បោះឆ្នោត គាត់អាចជំនួសបេក្ខជនម្នាក់ទៀតដែលមាននាមត្រកូលដូចគាត់។

ប្រធានអង្គការសុខភាពពិភពលោកនិយាយថា ជំងឺ COVID-19 បំប្លែងខ្លួនថ្មី «អូមីក្រុង» ប្រហែលជាកំពុងឆ្លងរីករាលដាលនៅក្នុងប្រទេសភាគច្រើន បើទោះបីជាវាមិនទាន់ត្រូវបានរកឃើញក៏ដោយ។ អគ្គនាយក WHO លោក Tedros Adhanom Ghebreyesus បាននិយាយនៅក្នុងសន្និសីទសារព័ត៌មានកាលពីថ្ងៃអង្គារថា ឥឡូវនេះមានប្រទេសចំនួន ៧៧ បានរាយការណ៍ពីករណីទាក់ទងនឹងអូមីក្រុង ដោយបន្ថែមថា៖ «វ៉ារ្យ៉ង់ថ្មីមួយអូមីក្រុង គឺកំពុងឆ្លងរាលដាលក្នុងកម្រិត ដែលយើងមិនធ្លាប់ជួបពីមុនជាមួយនឹងវ៉ារ្យ៉ង់ដទៃ»។ លោក Tedros បានសម្តែងការព្រួយបារម្ភថា មនុស្សកំពុងគិតថា «អូមីក្រុង» គឺជារោគស្រាលៗ ហើយគាត់បានព្រមានថា៖«ទោះបីជាអូមីក្រុងបង្កឱ្យមានជំងឺមិនសូវធ្ងន់ធ្ងរក៏ដោយ ចំនួនករណីដ៏ច្រើនអាចដាក់សម្ពាធលើប្រព័ន្ធសុខភាពដែលមិនបានត្រៀមទុកជាមុន»។ លោក Tedros បានអំពាវនាវឱ្យប្រទេសនានាចាត់វិធានការឱ្យបានហ្មត់ចត់ ដូចជាការចាក់វ៉ាក់សាំង និងពាក់ម៉ាស់ជាដើម។

យោងតាមទីភ្នាក់ងារស្ទាបស្ទង់ភូមិសាស្ត្រសហរដ្ឋអាមេរិក (USGS) បានឱ្យដឹងថា ការរញ្ជួយដីកម្រិត ៧.៣ រ៉ិចទ័រ បានវាយប្រហារនៅឆ្នេរសមុទ្រភាគខាងកើតប្រទេសឥណ្ឌូណេស៊ី នៅថ្ងៃអង្គារ ទី១៤ ខែធ្នូ ឆ្នាំ២០២១ ដែលធ្វើឱ្យពលរដ្ឋនៅទីនោះត្រូវស្វែងរកទីទួលខ្ពស់ដើម្បីសុវត្ថិភាពរបស់ពួកគេ។ គ្រោះរញ្ជួយដីនេះបានវាយប្រហារចម្ងាយ ១១២ គីឡូម៉ែត្រ ភាគខាងជើងនៃក្រុង Maumere នៅលើកោះ Flores ។ USGS បាននិយាយថា វាបានវាយប្រហារក្នុងជម្រៅ ១៨.៥ គីឡូម៉ែត្រ ក្នុងសមុទ្រ Flores នៅម៉ោង ១០ និង ២០ នាទី ព្រឹក ម៉ោងក្នុងស្រុក

ក្រសួងសុខាភិបាលវៀតណាមបានបញ្ជាក់ពីករណីជំងឺ COVID-19 ថ្មីចំនួន ១៥,៣៤៩ ករណី កាលពីយប់ថ្ងៃចន្ទ ខណៈទីក្រុងហាណូយកំពុងមើលឃើញពីការឆ្លងរាលដាលថ្មីៗក្នុងចំនួនច្រើន។ មូលដ្ឋានចំនួន ៣ ដែលមានចំនួនករណីថ្មីខ្ពស់បំផុត គឺទីក្រុងហាណូយ ១,០០០ ករណី, ខេត្ត Binh Phuoc ៩៩៨ ករណី និង ខេត្តតាយនិញ ៩១៩ ករណី។ ក្នុងចំណោមចំនួនសរុបប្រចាំថ្ងៃអង្គារទាំងអស់ មានករណីចំនួន ៨,៨៩១ ករណី ត្រូវបានរកឃើញនៅក្នុងសហគមន៍ ដែលនាំឱ្យចំនួនឆ្លងនៅក្នុងរលកឆ្លងទី០៤ របស់ប្រទេសនេះមានដល់ ១,៤២២,០៩១ ករណី។ ក្រសួងសុខាភិបាលក៏បានបញ្ជាក់ពីអ្នកជាសះស្បើយចំនួន ១,១៩២ នាក់

ក្រសួងសុខាភិបាលថៃបានប្រកាសកាលពីថ្ងៃអាទិត្យថា បុរសជនជាតិថៃម្នាក់ ដែលទើបត្រឡប់មកពីប្រទេសកុងហ្គោ ត្រូវបានគេដាក់ការសង្ស័យថា គឺជាករណីទី០៤ នៃមេរោគ COVID-19 បំប្លែងថ្មីអូមីក្រុង ដែលត្រូវបានរកឃើញនៅក្នុងប្រទេសថៃ នេះបើតាមការចុះផ្សាយរបស់សារព័ត៌មាន The Nation Thailand ។ ជម្រាបផងដែរថា ចាប់តាំងពីមានការផ្ទុះឡើងនៃករណីរបស់ អូមីក្រុង ប្រទេសថៃបានរកឃើញករណីចំនួន ៣ រួចមកហើយ ចេញពីអ្នកដំណើរមកពីបរទេស ដោយមាន ១ ករណី គឺជាជនជាតិអាមេរិក ទើបត្រឡប់មកពីប្រទេសអេស្ប៉ាញ និង ២ នាក់ទៀត គឺជាស្ត្រីជនជាតិថៃ ដែលទើបតែត្រឡប់មកពីប្រទេសនីហ្សេរីយ៉ា។ ជាក់ស្ដែងសម្រាប់ករណីដែលគេកំពុងសង្ស័យនេះ គឺជាបុរសជនជាតិថៃដែលត្រឡប់មកពីកុងហ្គោ ដែលបានធ្វើតេស្តវិជ្ជមានជំងឺ

យោងតាមទីភ្នាក់ងារសារព័ត៌មាន Channel News Asia បានរាយការណ៍ថា ប្រទេសកូរ៉េខាងត្បូងនឹងសាកល្បងប្រព័ន្ធសម្គាល់មុខ ដែលដំណើរការដោយ AI ដើម្បីតាមដានអ្នកឆ្លង COVID-19 ហើយគម្រោងសាកល្បងនេះនឹងចាប់ផ្តើមនៅក្នុងខែមករាឆ្នាំក្រោយ ក្នុងទីក្រុង Bucheon ដែលជាទីក្រុងមួយ នៅចន្លោះរដ្ឋធានីសេអ៊ូល និងអ៉ីនឈុន។ ប្រព័ន្ធនេះនឹងវិភាគវីដេអូពីកាមេរ៉ា CCTV ច្រើនជាង ១០,០០០ គ្រឿង និងតាមដានចលនារបស់អ្នកជំងឺ COVID-19 ក៏ដូចជាទំនាក់ទំនងជិតស្និទ្ធរបស់ពួកគេ។ រដ្ឋាភិបាលបានបញ្ចូលទឹកប្រាក់ចំនួន ១.៦ ពាន់លានវ៉ុន (១.៣ លានដុល្លារ) ទៅក្នុងគម្រោងនេះ ខណៈដែលទីក្រុង Bucheon បានបន្ថែម ៥០០ លានវ៉ុន