ប្រទេសកូរ៉េខាងត្បូងបានក្លាយជាប្រទេសចុងក្រោយបង្អស់នៅក្នុងតំបន់អាស៊ីប៉ាស៊ីហ្វិក ដែលនឹងពិចារណាដកការរឹតត្បឹតប្រឆាំងនឹងជំងឺ COVID-19 បើទោះបីជាចំនួនករណីថ្មីនៃជំងឺ COVID-19 កាន់តែកើនឡើងក៏ដោយ។ ទីក្រុងសេអ៊ូលកំពុងព្យាយាមធ្វើឱ្យការផ្ទុះឡើងជាលើកទី៤ នៃជំងឺ COVID-19 និងធំបំផុតរបស់ប្រទេសស្ថិតក្រោមការគ្រប់គ្រង ខណៈការឆ្លងថ្មីក្នុងស្រុកបានកើនឡើងជាង ២,១០០ ករណី ក្នុងរយៈពេល ២៤ ម៉ោងចុងក្រោយនេះ នេះបើយោងតាមទីភ្នាក់ងារត្រួតពិនិត្យ និងបង្ការជំងឺរបស់កូរ៉េ (KDCA) ។ ទីក្រុងសេអ៊ូលនៅតែស្ថិតក្រោមការរឹតត្បិតកម្រិត៤ ដែលជាការរឹតត្បឹតដ៏តឹងរឹងដែលប្រទេសនេះកំពុងអនុវត្ត ហើយការប្រមូលផ្តុំមនុស្សចាប់ពី ៥ នាក់ឡើងទៅ គឺមិនត្រូវបានអនុញ្ញាតនោះទេ។ អាជ្ញាធរក៏បានបារម្ភដែរថា ថ្ងៃបុណ្យ Chuseok Thanksgiving របស់កូរ៉េ ដែលនឹងចាប់ផ្តើមនៅថ្ងៃទី១៧ ខែកញ្ញា ខាងមុខនេះ

យោងតាមការចុះផ្សាយរបស់សារព័ត៌មាន BBC បានរាយការណ៍ថា ប្រទេសកូរ៉េខាងជើងបានធ្វើព្យុហយាត្រាយោធា ដើម្បីរំលឹកខួបលើកទី៧៣ នៃការបង្កើតរដ្ឋកុម្មុយនិស្តរបស់ពួកគេ ប៉ុន្តែអ្វីដែលប្លែកជាងឆ្នាំរាល់ដងនោះគឺថា ពួកគេមិនបានបង្ហាញពីមីស៊ីលផ្លោងធំណាមួយឡើយ ប៉ុន្តែមានការបង្ហាញពីការដើរក្បួនទាហាន និងបុគ្គលិកក្នុងឈុតការពារ ឬឈុតហាសម៉ាត (hazmat) ជំនួសទៅវិញ។ បើតាមរូបភាពក៏បានបង្ហាញដែរថា មេដឹកនាំលោក គីម ជុងអ៊ុន មើលទៅដូចជាស្រកសាច់ជាងមុន ហើយគាត់បានដើរអមសងខាងដោយកូនសិស្សក្មេងៗ និងមានថ្នាក់ដឹកនាំដើរតាមពីក្រោយ។ ជម្រាបផងដែរថា ប្រទេសកូរ៉េខាងជើងកំពុងជួបវិបត្តិកង្វះស្បៀងអាហារ និងវិបត្តិសេដ្ឋកិច្ចកាន់តែធ្ងន់ធ្ងរ ដោយសារការរីករាលដាលនៃជំងឺ COVID-19 ។ ការពិតទៅគឺប្រទេសកូរ៉េខាងជើង មិនទាន់បានរាយការណ៍អំពីករណីជំងឺ COVID-19 ណាមួយឡើយ ប៉ុន្តែការបិទទ្វារប្រទេសតាំងតែពីមានការផ្ទុះឡើងលើកដំបូង បានធ្វើឱ្យប្រទេសនេះកាន់តែនៅឯកោពីគេ ជាពិសេសគឺទំនាក់ទំនងព្រំដែនជាមួយនឹងប្រទេសចិន។ ផ្នែកមួយនៃក្បួនដង្ហែរមានដូចជាឈុតហាសម៉ាតពណ៌ទឹកក្រូច និងរបាំងមុខ

ប្រធានអង្គការសុខភាពពិភពលោក Tedros Adhanom Ghebreyesus បានជំរុញឱ្យមានការបញ្ឈប់ជាសកល លើការចាក់វ៉ាក់សាំងដូសជំរុញ ឬដូសទី៣ រហូតដល់ឆ្នាំក្រោយ និងបាននិយាយថា វ៉ាក់សាំងបន្ថែមទាំងនេះគួរតែត្រូវបានបញ្ជូនទៅប្រទេសដែលមានប្រាក់ចំណូលទាប មិនមែនសម្រាប់អ្នកដែលទទួលបានវ៉ាក់សាំងរួចហើយនោះទេ។ លោកបាននិយាយនៅក្នុងសន្និសីទខ្លីមួយកាលពីថ្ងៃពុធថា៖«ខ្ញុំសូមអំពាវនាវឱ្យមានការពន្យារពេលការចាក់ដូសទី៣ ពន្យារពេលយ៉ាងហោចណាស់រហូតដល់ចុងឆ្នាំនេះ ដើម្បីឱ្យប្រទេសនីមួយៗអាចចាក់វ៉ាក់សាំងយ៉ាងហោចណាស់ ៤០% នៃប្រជាជនសរុបរបស់ខ្លួន»។ លោក Tedros Adhanom Ghebreyesus បានបន្ថែមថា នៅពេលដែលប្រទេសអ្នកមានស្ទើរតែទាំងអស់សម្រេចបានការចាក់វ៉ាក់សាំងយ៉ាងហោចណាស់ ១០% ហើយ ២ ភាគ ៣ នៃពួកគេខ្លះ បានសម្រេចការចាក់វ៉ាក់សាំងរហូតដល់ ៤០% នៃប្រជាជនសរុបរបស់ពួកគេ «គឺគ្មានប្រទេសដែលមានប្រាក់ចំណូលទាបណាមួយ អាចសម្រេចបានគោលដៅនោះទេ»។ ប្រធានអង្គការសុខភាពពិភពលោករូបនេះក៏បានទទួលស្គាល់ដែរថា

រដ្ឋាភិបាលជប៉ុននឹងពន្យារពេលស្ថានភាពគ្រាអាសន្នរបស់ខ្លួន នៅក្នុងខេត្តចំនួន ១៩ រួមទាំងទីក្រុងតូក្យូ និងអូសាកា រហូតដល់ថ្ងៃទី៣០ ខែកញ្ញា ឆ្នាំ២០២១។ ការផ្លាស់ប្តូរនេះបានធ្វើឡើងនៅមុនពេលការផុតកំណត់នៃស្ថានភាពគ្រាអាសន្ន សម្រាប់ខេត្តចំនួន ២១ និងការរឹតត្បឹតកម្រិតស្រាលសម្រាប់ខេត្តចំនួន ១២ ផ្សេងទៀត ដែលនឹងចូលមកដល់នៅថ្ងៃទី ១២ ខែកញ្ញា ខាងមុខនេះ។ ក្នុងចំណោមខេត្តដែលស្ថិតនៅក្រោមស្ថានភាពគ្រាអាសន្ន ខេត្តមីយ៉ាហ្គី និងអូកាយ៉ាម៉ា នឹងត្រូវប្ដូរមកជាការរឹតត្បឹតកម្រិតស្រាល។ ការរឹតត្បឹតកម្រិតស្រាលត្រូវបានគេរំពឹងថា នឹងត្រូវរក្សាទុកនៅក្នុងខេត្តចំនួន ៦ រហូតដល់ថ្ងៃទី៣០ ខែកញ្ញា ឆ្នាំ២០២១ ខណៈដែលខេត្តតូយ៉ាម៉ា យ៉ាម៉ាណាស៊ី អ៊ីហ៊ីមិ កូឈី សាហ្គា និងណាហ្គាសាគី នឹងត្រូវដកចេញការរឹតត្បឹតទាំងអស់។

យោងតាមការចុះផ្សាយរបស់សារព័ត៌មាន VNExpress បានរាយការណ៍ថា អាជ្ញាធរសុខាភិបាលវៀតណាមបានបញ្ជាក់ពីករណីជំងឺ COVID-19 ថ្មីចំនួន ១២,៦៦៣ ករណី កាលពីថ្ងៃពុធ ទី០៨ ខែកញ្ញា ឆ្នាំ២០២១ ពោលគឺធ្លាក់ចុះចំនួន ១,៥៣០ ករណី ពីថ្ងៃអង្គារ។ ទីក្រុងហូជីមិញបានរកឃើញករណីថ្មីចំនួន ៧,៣០៨ ករណី បន្ទាប់មកគឺខេត្តប៊ិញឌួង ៣,១៧២ ករណី និងខេត្តដុងណៃ ៨១៤ ករណី។ តួលេខថ្មីៗនេះបាននាំឱ្យចំនួនករណីឆ្លងជំងឺ COVID-19 សរុបរបស់វៀតណាមចាប់តាំងពីដើមឆ្នាំមុន មានដល់ ៥៦៣,៦៧៦ ករណី។ ជាមួយគ្នានេះដែរ ការស្លាប់ចំនួន ៣៣៥ ករណី

យោងតាមការចុះផ្សាយរបស់សារព័ត៌មាន Channel News Asia នៅថ្ងៃពុធ ទី០៨ ខែកញ្ញា ឆ្នាំ២០២១ បានរាយការណ៍ថា អគ្គិភ័យបានឆាបឆេះពន្ធនាគារមួយនៅប្រទេសឥណ្ឌូណេស៊ី នៅព្រឹកព្រលឹមថ្ងៃពុធនេះ នៅពេលដែលអ្នកទោសភាគច្រើនកំពុងដេកលង់លក់ ដែលធ្វើឱ្យមនុស្សចំនួន ៤១ នាក់ និងរាប់សិបនាក់ផ្សេងទៀតត្រូវរងរបួស។ អគ្គិភ័យនៅខេត្ត Banten បានផ្ទុះឡើងនៅវេលាម៉ោង ១ ដល់ម៉ោង ២ ទៀបភ្លឺ នៅពន្ធនាគារ Tangerang Prison Block C ដែលពួកគេសុទ្ធតែជាអ្នកទោសពាក់ព័ន្ធនឹងគ្រឿងញៀន។ វាត្រូវបានពន្លត់នៅម៉ោងប្រហែល ៣ ព្រឹក ប៉ុន្តែជាអកុសលមានមនុស្សមួយចំនួន ត្រូវបាត់បង់ជីវិតដោយសារអគ្គិភ័យនេះ។ ពន្ធនាគារនៅទីក្រុង

ទីភ្នាក់ងារស្ទាបស្ទង់ភូមិសាស្ត្រអាមេរិកបានរាយការណ៍ថា គ្រោះរញ្ជួយដីកម្រិត ៧.០ រ៉ិចទ័រ ដ៏ខ្លាំងក្លាមួយ បានវាយប្រហារឆ្នេរសមុទ្រប៉ាស៊ីហ្វិករបស់ប្រទេសម៉ិកស៊ិក ដែលបណ្ដាលឱ្យមានការខូចខាតមួយចំនួន ហើយយ៉ាងហោចណាស់មានពលរដ្ឋម្នាក់បានស្លាប់។ គ្រោះរញ្ជួយដីនេះបានវាយប្រហារចំងាយ ២០.៩ គីឡូម៉ែត្រ នៅតំបន់ខ្លះនៃភាគពាយ័ព្យក្រុង Acapulco ដែលជារមណីយដ្ឋានឆ្នេរធំបំផុតរបស់ម៉ិកស៊ិក និងជាកំពង់ផែសមុទ្រដ៏សំខាន់មួយនៅឆ្នេរសមុទ្រប៉ាស៊ីហ្វិក ហើយវាក៏បានវាយប្រហារទៅរដ្ឋធានី Mexico City ផងដែរ។ ទីភ្នាក់ងារស្ទាបស្ទង់ភូមិសាស្ត្រអាមេរិកបាននិយាយថា ដំបូងការរញ្ជួយមានកម្រិត ៧.៤ រ៉ិចទ័រ ហើយក្រោយមកបានធ្លាក់ចុះបន្ដិចនៅត្រឹម ៧.០ រ៉ិចទ័រ ប៉ុន្តែពួកគេរំពឹងថា អាចនឹងមានការខូចខាត ឬការបាត់បង់ជាច្រើនជាងនេះទៀត។ ទោះជាយ៉ាងណាក៏ដោយ លោក Héctor Astudillo ដែលជាអភិបាលរដ្ឋ Guerrero បាននិយាយថា ពុំមានការខូចខាតច្រើននោះទេនៅក្នុងការរញ្ជួយដីនេះ

យោងតាមការចុះផ្សាយរបស់សារព័ត៌មាន Channel News Asia នៅថ្ងៃពុធ ទី០៨ ខែកញ្ញា ឆ្នាំ២០២១ បានរាយការណ៍ថា មូលនិធិជំនួយសហគមន៍ទីក្រុងបាងកក (Bangkok Community Help Foundation) ដែលជាអង្គការសប្បុរសធម៌មួយ បានបើកការធ្វើតេស្ដរកជំងឺ COVID-19 ដ៏ធំមួយ នៅឯតំបន់អនាធិបតេយ្យ Khlong Toei ដើម្បីកំណត់អត្តសញ្ញាណករណីថ្មីៗ ជួយសម្រាលបន្ទុកដល់គ្រួសារ ដែលមានប្រាក់ចំណូលត្រឹមតែ ១៥០ ដុល្លារ ដើម្បីឱ្យពួកគេអាចទទួលបានការធ្វើតេស្ដទាំងអស់គ្នា និងទប់ស្កាត់មិនឱ្យតំបន់នេះក្លាយជាចំណុចកណ្ដាលនៃការឆ្លងថ្មីៗ។ ជម្រាបដែរថា តំបន់អនាធិបតេយ្យ Khlong Toei មានពលរដ្ឋរស់នៅទីនោះប្រហែល ១០០,០០០ នាក់ ខណៈពលរដ្ឋរស់នៅក្នុងផ្ទះតូចៗមានគ្នារហូតដល់ទៅ ១០នាក់

គិតមកទល់នឹងពេលនេះ ចំនួនករណីជំងឺ COVID-19 នៅប្រទេសវៀតណាមក្នុងរលកឆ្លងចុងក្រោយទី០៤ បានកើនឡើងដល់ ៥៤៦,៦៨៤ ករណី បន្ទាប់ពីបានបញ្ជាក់ពីករណីថ្មីចំនួន ១៤,១៩៣ ករណី នៅយប់ថ្ងៃអង្គារ ទី០៧ ខែកញ្ញា ឆ្នាំ២០២១ ចេញពីក្នុងទីក្រុង និងខេត្តចំនួន ៤០ នៅទូទាំងប្រទេស នេះបើយោងតាមការចុះផ្សាយរបស់សារព័ត៌មាន VNExpresss ។ ក្នុងចំណោមអ្នកជំងឺថ្មីទាំងអស់ ទីក្រុងហូជីមិញមានករណីច្រើនជាងគេ ជាមួយនឹងករណីថ្មីចំនួន ៧,៣១០ ករណី បន្ទាប់មកគឺខេត្តប៊ិញឌួង ៣,៩៦៦ ករណី និងខេត្តដុងណៃ ៩៤៥ ករណី។ ចំនួនមរណភាពដោយសារជំងឺ COVID-19

ប្រទេសជប៉ុនបានយល់ព្រមទិញវ៉ាក់សាំងប្រឆាំងជំងឺ COVID-19 របស់ក្រុមហ៊ុនឱសថអាមេរិក Novavax ចំនួន ១៥០ លានដូស ខណៈក្រុមហ៊ុនជប៉ុន Takeda នឹងទទួលបន្ទុកផលិតវាឡើង សម្រាប់ចែកចាយនៅដើមឆ្នាំក្រោយ នេះបើតាមការចុះផ្សាយរបស់សារព័ត៌មាន Channel News Asia ។ តម្លៃនៃកិច្ចព្រមព្រៀងមិនត្រូវបានប្រកាសនោះទេ ហើយវាអាស្រ័យលើការអនុម័តនៅក្នុងប្រទេសជប៉ុន ខណៈក្រុមហ៊ុនផ្ទាល់ ក៏នឹងទទួលបន្ទុកលើការធ្វើតេស្តព្យាបាលនៅក្នុងតំបន់ផងដែរ។ គិតរហូតមកដល់ពេលនេះ ប្រទេសជប៉ុនបានយល់ព្រមលើការប្រើវ៉ាក់សាំង Pfizer/BioNTech, Moderna និង AstraZeneca ។ វ៉ាក់សាំងនេះមិនដូចជាវ៉ាក់សាំងរបស់ BioNTech/Pfizer, Moderna និង Curevac ដែលជាវ៉ាក់សាំងប្រភេទ mRNA