មនុស្សរាប់សិបនាក់ត្រូវបានចាប់ខ្លួននៅក្នុងប្រទេសក្រិក បន្ទាប់ពីការតវ៉ាប្រឆាំងនឹងកាតព្វកិច្ចនៃការចាក់វ៉ាក់សាំងបង្ការជំងឺ COVID-19 សម្រាប់បុគ្គលិកសុខាភិបាល ខណៈការតវ៉ាក៏បានបង្កទៅជាអំពើហិង្សារវាងប៉ូលីស និងក្នុងចំណោមអ្នកតវ៉ាប្រមាណ ៧,៥០០ នាក់ នៅឯទីលាន Syntagma Square។ អ្នកតវ៉ាបានគ្រវីទង់ជាតិរបស់ប្រទេសក្រិក ដោយមានទាំងកាស្រែកទាមទារឱ្យមានការកែប្រែឡើងវិញ ចំពោះច្បាប់កំណត់ការចាក់វ៉ាក់សាំងបង្ការជំងឺ COVID-19 ដែលនឹងចូលជាធរមាននៅថ្ងៃទី០១ ខែកញ្ញានេះ។ យោងតាម ​​AFP បាននិយាយថា ក្រុមបាតុករបានកាន់បដាដែលសរសេរថា៖«យើងមិនប្រឆាំងនឹងវ៉ាក់សាំងទេ ប៉ុន្តែប្រឆាំងនឹងហ្វាស៊ីសនិយម» (fascism)។ ក្នុងនោះ អ្នកបើករថយន្តសង្គ្រោះបន្ទាន់ម្នាក់បានប្រាប់ទីភ្នាក់ងារថា គាត់មានការភ្ញាក់ផ្អើលយ៉ាងខ្លាំងដោយខាងមន្ទីរពេទ្យឱ្យគាត់ឈប់សម្រាក (sick leave) ព្រោះគាត់មិនបានចាក់វ៉ាក់សាំងបង្ការ ខណៈដែលបុគ្គលិកជួរមុខបានព្យាយាមយ៉ាងខ្លាំង ក្នុងការប្រឆាំងទប់ស្កាត់ជំងឺ COVID-19 នាពេលកន្លងមក។ ចំណែកប៉ូលីសបាននិយាយនៅក្នុងសេចក្តីថ្លែងការណ៍មួយនៅល្ងាចថ្ងៃអាទិត្យថា

តារាសម្ដែងលោក Ed Asner ដែលដើរតួជាអ្នកយកព័ត៌មានឈ្មោះថា Lou Grant នៅក្នុងកម្មវិធីទូរទស្សន៍របស់ប៉ុស្តិ៍ CBS បានទទួលមរណភាពក្នុងវ័យ ៩១ឆ្នាំ កាលពីព្រឹកថ្ងៃអាទិត្យ ទី២៩ ខែសីហា ឆ្នាំ២០២១ (ម៉ោងក្នុងតំបន់)។ លោកទទួលបានភាពជោគជ័យយ៉ាងខ្លាំងនៅក្នុងការសម្ដែងជាតួអង្គ Lou Grant ហើយលោកថែមទាំងបានទទួលពានរង្វាន់ Emmy ចំនួន ៧ដង នៅក្នុងអាជីពរបស់លោក ដែលជាចំនួនច្រើនបំផុតសម្រាប់តួសម្ដែងប្រុស។ លោកធ្លាប់ជាអ្នកបញ្ចូលសំឡេងឱ្យតួអង្គពោះម៉ាយ Carl Fredricksen នៅក្នុងភាពយន្តគំនូជីវចល «UP» របស់ក្រុមហ៊ុន Pixar ហើយលោកក៏ជាតួអង្គតាណូអែល ក្នុងរឿងកំប្លែង «Elf» ផងដែរ។

កាលពីពេលថ្មីៗនេះ ទីភ្នាក់ងារសារព័ត៌មានចិនស៊ិនហួបានរាយការណ៍ថា ក្រុមហ៊ុនចិន Tuoren Group ដែលជាក្រុមហ៊ុនផលិតសម្ភារៈប្រើប្រាស់វេជ្ជសាស្ត្រ មានមូលដ្ឋាននៅទីក្រុងស៊ីនស៊ាំង ខេត្តហឺណាន ភាគកណ្តាលនៃប្រទេសចិន បានបង្កើតឈុតការពារវេជ្ជសាស្ត្រ (PPE) ដែលមានបំពាក់ជាមួយប្រព័ន្ធម៉ាស៊ីនត្រជាក់ ជួយសម្រួលឱ្យមានខ្យល់ត្រជាក់សម្រាប់បុគ្គលិកពេទ្យ ដែលត្រូវការបំពេញការងារនៅក្រោមអាកាសធាតុក្ដៅ ឬបំពេញការងារជាច្រើនម៉ោងជាដើម។ របាយការណ៍បានបង្ហាញថា ឈុតការពារជំងឺ COVID-19 មួយនេះ មានភ្ជាប់ជាមួយម៉ាស៊ីនត្រជាក់ ហើយមានសុវត្ថិភាព ​និងប្រសិទ្ធភាពនៅក្នុងការប្រើប្រាស់។ ឈុតការពារនេះមានការដំឡើងបន្ទះបន្សុទ្ធខ្យល់ ហើយដំណើរការដោយគ្រាន់តែចុចលើប៊ូតុងបិទ/បើក យ៉ាងងាយស្រួលបំផុត។ អ្នកប្រើប្រាស់អាចគ្រប់គ្រងសីតុណ្ហភាពឈុតការពារចន្លោះពី ២៦-២៩ អង្សាសេ ដែលធ្វើឱ្យការងាររបស់បុគ្គលិកពេទ្យកាន់តែមានផាសុកភាពនៅពេលរដូវក្តៅចូលមកដល់៕ អត្ថបទ​៖ លីដា ប្រភព៖ ស៊ីនហួរ

គណៈកម្មាធិការជាតិសម្រាប់ក្រមសីលធម៌ការស្រាវជ្រាវជីវវេជ្ជសាស្ត្រ ក្រោមក្រសួងសុខាភិបាលវៀតណាមនៅក្នុងសេចក្តីប្រកាសព័ត៌មានមួយកាលពីថ្ងៃសៅរ៍ បាននិយាយថា អ្នកជំនាញវៀតណាមនឹងពិចារណាលើការអនុញ្ញាតឱ្យមានការប្រើប្រាស់ក្នុងស្ថានភាពបន្ទាន់ សម្រាប់វ៉ាក់សាំង Nano Covax ដែលជាវ៉ាកសាំងផលិតក្នុងស្រុករបស់ខ្លួន។ គណៈកម្មាធិការបាននិយាយថា ខ្លួនបានយល់ព្រមឱ្យមានការបញ្ជូនទិន្នន័យនៃការសាកល្បងលើមនុស្សលើកទី៣ ក្រុម A របស់វ៉ាក់សាំង Nano Covax ទៅក្រុមប្រឹក្សាពិគ្រោះយោបល់ជាតិ ដើម្បីពិចារណាការចេញអាជ្ញាប័ណ្ណលើការប្រើប្រាស់មានលក្ខខណ្ឌសម្រាប់វ៉ាក់សាំង Nano Covax ។ គណៈកម្មាធិការក៏បានស្នើសុំក្រុមហ៊ុន Nanogen Biopharmaceuticals និងក្រុមស្រាវជ្រាវ បញ្ចប់របាយការណ៍របស់ពួកគេដោយគិតគូរពីមតិរបស់អ្នកជំនាញ រួមទាំងផ្ដល់ព័ត៌មានបន្ថែម ដើម្បីធានាបាននូវភាពជឿជាក់នៃលទ្ធផលស្រាវជ្រាវ ដូចជាជួរនៃលទ្ធផលតេស្ត និងទំហំសំណាកនៃការធ្វើតេស្តនីមួយៗ។ ពួកគេក៏តម្រូវឱ្យធ្វើបច្ចុប្បន្នភាពលទ្ធផលនៃការសាកល្បងគ្លីនិក សម្រាប់ទាំងគណៈកម្មាធិការ និងក្រុមប្រឹក្សាដើម្បីការវាយតម្លៃ។ ប្រសិនបើ Nano Covax ត្រូវបានផ្តល់អាជ្ញាប័ណ្ណសម្រាប់ការប្រើប្រាស់ វាអាចប្រើបានតែជាមួយលក្ខខណ្ឌដែលបានអនុម័តដោយក្រសួងសុខាភិបាលប៉ុណ្ណោះ។

ប្រទេសវៀតណាមកាលពីយប់ថ្ងៃអាទិត្យ បានកត់ត្រាករណីថ្មីនៃជំងឺ COVID-19 ក្នុងសសហគមន៍ចំនួន ១២,៧៥២ ករណី ចេញពីក្នុងទីក្រុង និងខេត្តចំនួន ៣៩ ដែលធ្វើឱ្យចំនួនករណីឆ្លងនៅក្នុងរលកទី៤ កើនឡើងដល់ ៤៣១,០៧៣ ករណី។ តួលេខនៅថ្ងៃអាទិត្យគឺជាកំណត់ត្រាក្នុងមួយថ្ងៃខ្ពស់បំផុត ចាប់តាំងពីជំងឺ COVID-19 បានផ្ទុះឡើងនៅប្រទេសវៀតណាម បន្ទាប់ពីករណីចំនួន ១៧,៤០៩ ត្រូវបានកត់ត្រានៅថ្ងៃទី២៧ ខែសីហា និង ១៣,៤១៧ ករណី នៅថ្ងៃទី២១ ខែសីហា។ តំបន់ចំនួន ៣ ដែលមានអ្នកឆ្លងច្រើនជាងគេគឺខេត្តប៊ិញឌួង ដែលមាន ៥,៤១៤ ករណី, ទីក្រុងហូជីមិញ  ៤,៩៥៧

ទិន្នន័យពីប្រទេសអង់គ្លេសបានបង្ហាញថា អ្នកដែលឆ្លងជំងឺ COVID-19 បំប្លែងខ្លួន Delta ទំនងជានឹងមានតម្រូវការថែទាំសុខភាពពីមន្ទីរពេទ្យទ្វេដង ច្រើនជាងអ្នកឆ្លងជំងឺ COVID-19 វ៉ារ្យ៉ង់ Alpha ដែលរកឃើញដំបូងនៅចក្រភពអង់គ្លេស នេះបើតាមការចុះផ្សាយរបស់សារព័ត៌មាន BBC ។ ក្រុមអ្នកជំនាញបាននិយាយថា ការសិក្សាដែលបានចុះផ្សាយនៅក្នុងទិនានុប្បវត្តិ The Lancet បានបញ្ជាក់ថា អ្នកដែលឆ្លងវ៉ារ្យ៉ង់ Delta មានហានិភ័យខ្ពស់ក្នុងការធ្លាក់ខ្លួនឈឺធ្ងន់ធ្ងរ ហើយបើទោះបីជាពលរដ្ឋបានចាក់វ៉ាក់សាំងបង្ការជំងឺ COVID-19 បានពេញលេញក៏ដោយ ក៏វ៉ារ្យ៉ង់ Delta នៅតែអាចជាបញ្ហាប្រឈមផងដែរ។ ការសិក្សាដែលដឹកនាំដោយសេវាសុខភាពសាធារណៈអង់គ្លេស (PHE) និងក្រុមប្រឹក្សាស្រាវជ្រាវវេជ្ជសាស្ត្រ បានពិនិត្យមើលលើករណីជំងឺ COVID-19 ចំនួន ៤៣,៣៣៨

ក្រសួងសុខាភិបាលជប៉ុន នៅថ្ងៃសៅរ៍ ទី២៨ ខែសីហា ឆ្នាំ២០២១ បានរាយការណ៍ថា ពលរដ្ឋរបស់ខ្លួនចំនួន ២នាក់ បានស្លាប់បន្ទាប់ពីចាក់វ៉ាក់សាំងបង្ការជំងឺ COVID-19 របស់ក្រុមហ៊ុន Moderna នេះបើតាមការចុះផ្សាយរបស់សារព័ត៌មាន រ៉យទ័រ ។ ក្រសួងបាននិយាយថា ជនរងគ្រោះទាំង ២នាក់ គឺជាបុរស ដែលមានអាយុប្រមាណ ៣០ឆ្នាំ ហើយពួកគេបានស្លាប់បន្ទាប់ពីទទួលវ៉ាក់សាំងដូសទី២ នៅក្នុងខែនេះផ្ទាល់តែម្ដង។ មូលហេតុនៃការស្លាប់របស់អ្នកទាំង ២ កំពុងត្រូវបានគេស៊ើបអង្កេត ហើយវ៉ាក់សាំង Moderna មួយចំនួននៅក្នុងប្រទេសជប៉ុន ក៏ត្រូវបានគេផ្អាកការប្រើប្រាស់ផងដែរ។ គួរឱ្យដឹងដែរថា ប្រទេសជប៉ុនបានបញ្ឈប់ការប្រើប្រាស់វ៉ាក់សាំង Moderna ចំនួន ១.៦៣

យោធាអាមេរិកបានបើកការវាយប្រហារដោយយន្តហោះគ្មានមនុស្សបើក ប្រឆាំងនឹងក្រុមរៀបចំផែនការរដ្ឋអ៊ីស្លាម (ISIS-K) នៅភាគខាងកើតប្រទេសអាហ្វហ្គានីស្ថាន មួយថ្ងៃបន្ទាប់ពីការបំផ្ទុះគ្រាប់បែកអត្តឃាតនៅអាកាសយានដ្ឋានក្រុងកាប៊ុល ដែលបានសម្លាប់ទាហានអាមេរិក ១៣នាក់ និងជនស៊ីវិលអាហ្វហ្គានីស្ថានជាច្រើននាក់ផ្សេងទៀត នេះបើតាមការចុះផ្សាយរបស់សារព័ត៌មាន រ៉យទ័រ នៅថ្ងៃសៅរ៍ ទី២៨ ខែសីហា ឆ្នាំ២០២១។ ភ្លាមៗបន្ទាប់ពីការបំផ្ទុះគ្រាប់បែក ប្រធានាធិបតីលោក ចូ បៃដិន បានបញ្ជាក់រួចមកហើយថា សហរដ្ឋអាមេរិកនឹងតាមប្រមាញ់អ្នកនៅពីក្រោយការវាយប្រហារនេះ ហើយលោកបានបញ្ជាឱ្យមន្ទីរបញ្ចកោណ បង្កើតផែនការវាយប្រហារលើជនដៃដល់ទាំងអស់។ ទីបញ្ជាការកណ្តាលអាមេរិកបាននិយាយថា ការវាយប្រហារនេះបានកើតឡើងនៅក្នុងខេត្ត Nangarhar ភាគខាងកើតទីក្រុងកាប៊ុល និងជាប់ព្រំដែនប្រទេសប៉ាគីស្ថាន។ សេចក្តីថ្លែងការណ៍មួយរបស់យោធាអាមេរិកបាននិយាយថា៖«តាមការចង្អុលបង្ហាញដំបូង គឺយើងបានសម្លាប់គោលដៅដោយជោគជ័យ ហើយមិនមានជនស៊ីវិលណាមួយរងគ្រោះជាមួយការវាយប្រហារនេះទេ»។ វាមិនបាននិយាយថា តើគោលដៅត្រូវបានភ្ជាប់ជាមួយការវាយប្រហារព្រលានយន្តហោះ ឬយ៉ាងណានោះទេ។ ប៉ុន្តែមន្រ្តីអាមេរិកម្នាក់ដែលនិយាយក្នុងលក្ខខណ្ឌអនាមិកបាននិយាយថា ការធ្វើវាយប្រហារនេះគឺប្រឆាំងនឹងក្រុមសកម្មប្រយុទ្ធរដ្ឋអ៊ីស្លាម

ប្រធានាធិបតីអាមេរិកលោក ចូ បៃដិន នៅថ្ងៃសុក្រ ទី២៧ ខែសីហា ឆ្នាំ២០២១ (ម៉ោងនៅអាមេរិក) បាននិយាយថា ទីក្រុងវ៉ាស៊ីនតោន និងសម្ព័ន្ធមិត្តរបស់ខ្លួន នឹងបន្តដាក់សម្ពាធរដ្ឋាភិបាលចិន ដើម្បីរកចម្លើយអំពីប្រភពដើមនៃជំងឺ COVID-19 ។ រំលឹកផងដែរថា ប្រទេសចិនធ្លាប់បានចោទប្រកាន់អាមេរិកថា ការទាមទាររកប្រភពដើមនៃជំងឺ COVID-19 គឺជាល្បែងនយោបាយរបស់អាមេរិក ខណៈរបាយការណ៍ដែលដឹកនាំដោយ WHO បានច្រានចោលការចោទប្រកាន់ ដែលថាជំងឺនេះបានបែកធ្លាយចេញពីមន្ទីរពិសោធន៍។ ប៉ុន្តែទោះជាយ៉ាងណាក៏ដោយ សហរដ្ឋអាមេរិកត្រូវការការគាំទ្ររបស់ប្រទេសចិនក្នុងបញ្ហានេះ ទើបភាគីទាំងអស់អាចជជែកវែកញែកគ្នាបាន។ លោក ចូ បៃដិន បានចោទប្រកាន់ចិនពីបទមានចេតនារារាំងព័ត៌មានអំពីប្រភពដើមនៃជំងឺ COVID-19 បន្ទាប់ពីលោកបានទទួលរបាយការណ៍ដាច់ដោយឡែកមួយ ដែលសង្ខេបពីការស៊ើបអង្កេតដែលគាត់បានបញ្ជាកន្លងមក។ លោកបាននិយាយថា៖«ព័ត៌មានសំខាន់អំពីដើមកំណើតនៃជំងឺរាតត្បាតនេះ

ក្រសួងសុខាភិបាលវៀតណាមបានប្រកាសពីករណីជំងឺ COVID-19 នៅក្នុងសហគមន៍ចំនួន ១៧,៤០៩ ករណីបន្ថែមទៀត កាលពីយប់ថ្ងៃសុក្រ ដែលធ្វើឱ្យចំនួនឆ្លងនៅក្នុងរលកទី០៤ កើនឡើងដល់ ៤០៦,២២៤ ករណី ខណៈចំនួនករណីទាំងអស់ចាប់តាំងពីប្រទេសវៀតណាមបានកត់ត្រា មានដល់ ៤១០,៣៦៦ ករណី។ ទីក្រុងហូជីមិញបាននាំមុខគេនៅក្នុងចំនួនឆ្លងថ្មីៗ ដោយមានករណីចំនួន ៥,៣៨៣ ករណី បន្ទាប់មកគឺខេត្តប៊ិញឌួង ​មានចំនួន ៤,១៨៧ ករណី និងខេត្តដុងណៃ មានចំនួន ៩៩៦ ករណី។ ជាមួយគ្នានេះដែរ ការជាសះស្បើយថ្មីចំនួន ១០,១២៦ នាក់ ក៏ត្រូវបានប្រកាសនៅថ្ងៃដដែលនោះ ដែលធ្វើឱ្យចំនួននៃអ្នកជាសះស្បើយ និងរំសាយចេញទាំងអស់កើនដល់ ១៩៨,៦១៤