ក្រសួងសុខាភិបាលជប៉ុននិយាយថា វីរុសជំងឺរលាកសួតថ្មី (pneumonia) ដែលនៅក្នុងក្រុម coronavirus ត្រូវបានគេពិនិត្យឃើញនៅក្នុងខ្លួនបុរសម្នាក់ ដែលគាត់បានទៅលេងទីក្រុង Wuhan ប្រទេសចិន។ រំលឹកដែរថា ក្រុង Wuhan បានរងការវាយប្រហារដោយជំងឺរលាកសួតយ៉ាងចម្លែក ដែលទំនងជាបណ្តាលមកពីវីរុសនេះ។ នេះជាករណីដំបូងដែលបញ្ជាក់ពីការឆ្លងវីរុសថ្មីនៅជប៉ុន។ មន្ត្រីក្រសួងនិយាយថា បុរសនោះគឺអាយុជាង ៣០ឆ្នាំ ដែលរស់នៅក្នុងខេត្ត Kanagawa ជិតទីក្រុង Tokyo ហើយគាត់មានអាការៈគ្រុនក្តៅនៅពេលកំពុងនៅទីក្រុង Wuhan កាលពីថ្ងៃទី០៣ ខែមករា។ ក្រោយមកបុរសនោះបានទៅជួបគ្រូពេទ្យបន្ទាប់ពីត្រឡប់ទៅប្រទេសជប៉ុនវិញ នៅថ្ងៃទី០៦ ហើយបន្ទាប់មកក៏ស្នាក់នៅមន្ទីរពេទ្យដើម្បីរង់ចាំការធ្វើតេស្ត។ ក្រសួងនិយាយថា បុរសនោះបានជាសះស្បើយ ហើយត្រូវបានបញ្ជូនចេញពីមន្ទីរពេទ្យកាលពីថ្ងៃពុធ។ បុរសនោះបានប្រាប់មន្ត្រីថា គាត់មិនបានទៅផ្សារលក់គ្រឿងសមុទ្រនៅក្រុង

នាយករដ្ឋមន្រ្តីរុស្ស៊ីលោក Dmitry Medvedev បានប្រកាសលាលែងពីរដ្ឋាភិបាលរបស់លោកកាលពីថ្ងៃពុធ ម្សិលមិញនេះ បន្ទាប់ពីប្រធានាធិបតី Vladimir Putin (វ្លាឌីមៀពូទីន) បានស្នើឱ្យមានកំណែទម្រង់នយោបាយថ្មីមួយ។ អ្នកវិភាគខ្លះយល់ថា ចំណាត់ការនេះជាជំហានមួយរបស់ប្រធានាធិបតី ដើម្បីរក្សាអំណាចរបស់គាត់នៅក្នុងរចនាសម្ព័ន្ធនយោបាយរបស់ប្រទេស បន្ទាប់ពីការកាន់កាប់របស់គាត់បញ្ចប់នៅឆ្នាំ២០២៤។ នៅក្នុងសុន្ទរកថាសហជីពប្រចាំឆ្នាំរបស់លោក ពូទីន បានស្នើឱ្យមានការធ្វើប្រជាមតិមួយ ដើម្បីធ្វើវិសោធនកម្មរដ្ឋធម្មនុញ្ញ និងពង្រឹងអំណាចនៃសភាជាន់ទាបក្នុងការតែងតាំងនាយករដ្ឋមន្រ្តី និងរដ្ឋមន្រ្តីគណៈរដ្ឋមន្រ្តីផ្សេងទៀត។ កំណែទម្រង់នេះក៏នឹងជួយបង្កើនឋានៈក្រុមប្រឹក្សារដ្ឋ ដែលជាស្ថាប័នប្រឹក្សាមួយដល់ប្រធានាធិបតី និងដឹកនាំដោយលោក ពូទីន ផ្ទាល់។ លោក Dmitry Medvedev បានប្រកាសពីការលាលែងពីរដ្ឋាភិបាល ដោយនិយាយថា វានឹងផ្តល់សមត្ថភាពដល់ប្រធានាធិបតីក្នុងការសម្រេចចិត្តគ្រប់យ៉ាងទាំងអស់។ លោកបាននិយាយថា សំណើរបស់ ពូទីន

Airbus Beluga XL គឺជាយន្តហោះដឹកទំនិញ និងដឹកជញ្ជូនដ៏ធំមួយ ដែលមានរូបរាងប្រហាក់ប្រហែលនឹងត្រីបាឡែនស Beluga ហើយឥឡូវនេះវាកំពុងបម្រើសេវាកម្មជាផ្លូវការ។ យន្តហោះនេះធ្លាប់មានប្រតិបត្តិការហោះហើរលើកដំបូងរបស់ខ្លួននៅថ្ងៃទី០៩ ខែមករា ហើយនឹងជំនួសតំណែងយន្តហោះ Airbus Beluga ដែលជាម៉ូដែលចាស់។ Beluga XL មានសមត្ថភាពខ្ពស់ជាង Beluga ដែលមានស្រាប់ ៣០% និងវាមានប្រវែង ២០៧ហ្វីត ហើយទម្ងន់ត្រឹមតែ ២៨១,០០០ផោន ប៉ុណ្ណោះ។ ប៉ុន្តែយ៉ាងណាសម្រាប់តម្លៃរបស់វានៅមិនទាន់ច្បាស់នៅឡើយ។ Beluga XL ដែលជាអ្នកស្នងតំណែង Airbus A300-600ST (Beluga ST) បានភ្ជាប់មកជាមួយឥរិយាបថដូចត្រីបាឡែនស

បើនិយាយទៅឧបករណ៍ចល័តនាំទាំងអត្ថប្រយោជន៍ និងផលវិបាកដល់មនុស្សក្នុងសម័យទំនើបនេះ។ វាជាឧបករណ៍ដែលឱ្យមនុស្សធំអាចមានទំនាក់ទំនងនឹងគ្នា,កម្សាន្ត និងស្រាវជ្រាវ ក៏ដូចជាការចែករំលែកផ្សេងៗ។ ប៉ុន្តែបញ្ហាដែលយើងតែងតែឃើញជារឿយ​ៗ គឺភាគច្រើនវាត្រូវបានប្រើប្រាស់ដោយកុមារតូចៗ នៅពេលដែលម្ដាយឪពុករបស់ពួកគេរវល់ ហើយចង់កាត់បន្ថយពេលវេលាមើលថែពួកគេដោយផ្ទាល់។ នេះហើយគឺជាអ្វីដែលគួរឱ្យបារម្ភបំផុត ហើយពេលខ្លះហានិភ័យវាលើសពីការគិតទុក។ ជាក់ស្ដែងដូចក្មេងប្រុងវ័យ ៥ឆ្នាំម្នាក់នេះ គេមានទម្លាប់ប្រើទូរស័ព្ទលេងហ្គេមតាំងតែពីអាយុ ៣ឆ្នាំ លុះក្រោយមកបាន ២ឆ្នាំ រូបគេក៏បានមានបញ្ហាទូរន្ធភាព (មីញ៉ូប) ហើយឡើងដល់ជិត ១,០០០ដឺក្រេ​ ឯណោះ។ បើយោងតាម Sin Chew Daily និយាយថា ក្មេងប្រុសនោះមានអាយុ ៥ឆ្នាំ មកពីស្រុក Dongguan ប្រទេសចិន។ រូបគេតែងតែត្អូញត្អែរថាពិបាកក្នុងការមើល ហើយជួនកាលក្មេងប្រុសនោះបានញីភ្នែក

យោងតាមរបាយការណ៍មួយរបស់អង្គភាព NASA បានបង្ហាញថា ផ្សែងដែលបានភាយចេញពីភ្លើងឆេះព្រៃនៅក្នុងប្រទេសអូស្រ្តាលីនឹងរសាត់អណ្តែតមួយជុំពិភពលោកក្នុងពេលដ៏ឆាប់ខាងមុខនេះ។ របាយការណ៍មួយនេះត្រូវបានធ្វើឡើងដោយផ្អែកទៅលើបរិមាណដ៏ច្រើនរបស់ផ្សែង ដែលកំពុងមាននៅក្នុងបរិយាកាស និងការព្យាករណ៍ពីលក្ខខណ្ឌអាកាសធាតុរបស់ពិភពលោកក្នុងពេលអនាគតដ៏ខ្លីខាងមុខនេះ។ អង្គការ NASA​ បានបញ្ជាក់ថា ផ្សែងនឹងធ្វើដំណើរកាត់ប្រទេសជាច្រើននៅក្នុងតំបន់អាមេរិកខាងត្បូង ហើយចុងក្រោយផ្សែងទាំងនោះអាចនឹងវិលទៅដល់ប្រទេសអូស្ត្រាលីវិញផងដែរ។ សូមបញ្ជាក់ជូនថា ពេលនេះផ្សែងដែលកំពុងរសាត់នៅក្នុងបរិយកាសមានកម្រាស់ប្រមាណជា ១៧,៧ គីឡូម៉ែត្រ ហើយគុណភាពខ្យល់នៅក្នុងក្រុងសំខាន់ៗមួយចំនួនរបស់អូស្រ្តាលីដូចជាក្រុង Sydney, Melbourne, Canberra, និង Adelaide បានឆ្លាក់ចុះយ៉ាងខ្លាំងស្ទើរតែដល់កម្រិតប្រកាសអាសន្នហើយ។ បញ្ហាភ្លើងឆេះព្រៃនៅអូស្រ្តាលីបានសម្លាប់មនុស្សចំនួន ២៨ នាក់ បំផ្លាញផ្ទះសម្បែងចំនួន ២ ០០០ ខ្នង និងសម្លាប់សត្វព្រៃប្រមាណជា ៥០០ ពាន់លានក្បាល៕ អត្ថបទ៖

អាជ្ញាធរសុខាភិបាលក្នុងប្រទេសចិនបាននិយាយថា ពួកគេមិនអាចប្រកែកថារីរុសដែលកំពុងផ្ទុះឡើងយ៉ាងចម្លែកនេះមិនឆ្លងគ្នាតាមរយៈមនុស្សនោះទេ ដោយសម្អាងលើករណីដែលទាក់ទងនឹងប្តីប្រពន្ធមួយគូបានឆ្លងវីរុសនេះពីគ្នា។ រំលឹកដែរថា ស្រុក Wuhan ក្នុងខេត្ត Hubei រងការវាយប្រហារដោយការផ្ទុះឡើងនៃវីរុសជំងឺរលាកសួត (pneumonia) យ៉ាងចម្លែកចាប់តាំងពីខែធ្នូ ចុងឆ្នាំ២០១៩ មកម៉្លេះ។ ប្រភេទមេរោគថ្មីនេះត្រូវបានឆ្លងទៅមនុស្សចំនួន ៤១នាក់ និងនៅប្រទេសថៃ ១នាក់ ហើយវាបានសម្លាប់លោកតាម្នាក់ ដែលមានវ័យ ៦១ឆ្នាំផងដែរ។ អាជ្ញាធរសុខាភិបាល Wuhan បាននិយាយកាលពីថ្ងៃពុធថា ករណីដែលសង្ស័យថាជំងឺនេះអាចឆ្លងពីមនុស្សទៅកាន់មនុស្ស គឺដោយសារតែប្តីប្រពន្ធដែលរស់នៅជាមួយគ្នាមួយគូ បានឆ្លងជំងឺនេះតពីគ្នា។ ដោយដំបូងឡើយគឺប្ដីជាអ្នកឆ្លងជំងឺនេះមុន នៅពេលដែលគាត់បានទៅផ្សារលក់គ្រឿងសមុទ្រដែលមានផ្ទុះវីរុសនោះ ហើយប្រពន្ធគាត់មិនបានទៅប៉ះទីនោះទេ។ ក្រោយមកអ្នកទាំង២ ត្រូវបានគេរកឃើញថា មានឆ្លងវីរុសនេះទាំង២នាក់ ដែលនេះនាំឱ្យគេអាចសន្និដ្ឋានថា វាអាចដែលថាវីរុសនេះឆ្លងតគ្នា។

វៀតណាម៖ ប្រភពខាងឧស្សាហកម្មបាននិយាយថា ការផ្គត់ផ្គង់ការនាំចូលយ៉ាងសម្បូរបែប ការដាក់បញ្ចូលម៉ូដែលថ្មីៗ និងការប្រកួតប្រជែងដ៏តឹងរឹង បានធ្វើឱ្យតម្លៃរថយន្តធ្លាក់ចុះ។ ក្នុងនោះរថយន្ត Toyota Innova ដែលជាក្រុមរថយន្តពហុបំណង ដែលពេញនិយមបំផុតនៅប្រទេសវៀតណាម ត្រូវបានគេឃើញថា បានធ្លាក់ចុះតម្លៃរហូត ១៣% ដែលស្មើនឹង ៤,៣៣០ដុល្លារអាមេរិក កាលពីខែមុន។ ពោលគឺ Toyota Innova ធ្លាក់ថ្លៃនៅសល់តែ ៣៣,៣៦០ ដុល្លារអាមេរិកប៉ុណ្ណោះ។ តម្លៃរថយន្ត Toyota Vios ថយចុះ ១៣%, រថយន្ត Kia ថយចុះ ១២% ហើយរថយន្តប្រណីត រួមមានរថយន្ត

ប្រសិនបើអ្នកជាអ្នកទេសចរញឹកញាប់សម្រាប់ការងារ ឬការកម្សាន្ត ឬក៏ទាំងពីរនោះ អ្នកនឹងដឹងអំពីសារៈ​សំខាន់នៃការទទួលបានលិខិតឆ្លងដែនដែលមានឥទ្ធិពល។ ប្រសិនបើលិខិតឆ្លងដែនរបស់អ្នកមិនខ្លាំងនោះទេ អ្នកនឹងត្រូវប្រឈមនឹងការសុំទិដ្ឋាការ ថ្លៃឈ្នួលថ្លៃ និងចំណាយពេលវេលាជាច្រើនក្នុងការរង់ចាំមើលលទ្ធផល ទម្រាំតែអ្នកអាចដឹងថា អាច ឬមិនអាចទៅកាន់ប្រទេសណាមួយ។ ដូច្នេះនៅពេលដែលអ្នកមានលិខិតឆ្លងដែលពោរពេញដោយអនុភាព អ្នកនឹងដឹងថាវាចំណេញ ហើយងាយស្រួលសម្រាប់អ្នកប៉ុណ្ណា។ សម្រាប់ចំណាត់ឆ្នាំនេះក៏មិនខុសពីឆ្នាំមុនប៉ុន្មានដែរ ដោយជប៉ុននៅតែបន្តឈរលេខ១ ជាមួយនឹងការផ្តល់ជូនសិទ្ធិក្នុងការចូលទៅកាន់ប្រទេសចំនួន ១៩១ ដោយមិនចាំបាច់មានទិដ្ឋាការអ្វីឡើយ។ យ៉ាងណាមិញខាងក្រោមនេះជាចំណាត់ថ្នាក់ទាំង១០ និងចំនួនប្រទេស ដែលពួកគេអាចចូលទៅដោយមិនត្រូវការទិដ្ឋការ៖ ១. ជប៉ុន -​ ១៩១ ប្រទេស ២. សឹង្ហបុរី – ១៩០ ប្រទេស ៣. កូរ៉េខាងត្បូង

ឥណ្ឌូនេស៊ី៖ ក្រុមអ្នកប្រើប្រាស់បណ្ដាញសង្គម Facebook នៅក្នុងប្រទេសឥណ្ឌូនេស៊ីបាននាំគ្នាផ្ទុះការចាប់អារម្មណ៍យ៉ាងខ្លាំងទៅលើអ្នកលក់ការ៉េមម្នាក់ ដែលមានមុខមាត់ស្រដៀងគ្នាជាមួយនឹងកំពូលតារាសម្តែងក្បាច់គុណហុងកុងម្នាក់គឺលោក Donnie Yen ឬប្រជាពលរដ្ឋខ្មែរតែងហៅគាត់ថា កុំកុំ។ ដំបូងឡើយគេគិតថា ប្រហែលជាតារាសម្តែង កុំកុំ មកថត ឈុតឆាកក្នុងខ្សែភាពយន្តណាដែលតម្រូវឲ្យលោកសម្តែងជាអ្នកលក់ការ៉េម តែពេលគេពិនិត្យឲ្យច្បាស់មែនទែនទៅទើបគេដឹងថា បុរសជាអ្នកលក់ការ៉េមនោះមិនមែនជាលោក កុំកុំ ឡើយ តែគាត់គឺជាបុរសជនជាតិឥណ្ឌូនេស៊ីម្នាក់ដែលមានមុខមាត់ស្រដៀងនឹងលោក កុំកុំ តែប៉ុណ្ណោះ។ សូមបញ្ជាក់ថា រឿងរ៉ាវចៃដន្យខាងលើនេះត្រូវបានគេប្រទះឃើញនៅក្នុងក្រុង Singkawang កោះ Borneo ភាគខាងលិចប្រទេសឥណ្ឌូនេស៊ី។ សូមអញ្ជើញលោកអ្នកទស្សនារូបភាពក្រោមនេះ ដើម្បីពិនិត្យមើលថារវាងបុរសអ្នកលក់ការ៉េមនិងលោក កុំកុំ មានលក្ខណៈស្រដៀងគ្នាដូចម្តេចខ្លះ៖ អត្ថបទ៖ ភក្តី

ចិន៖ យ៉ាងហោចណាស់មនុស្ស ៦នាក់ ត្រូវបានស្លាប់ និងបាត់ខ្លួន ១០នាក់ បន្ទាប់ពីរណ្ដៅ sinkhole យ៉ាងធំមួយ បានលេបយកឡានក្រុងសាធារណៈមួយគ្រឿង នៅក្នុងរដ្ឋធានី Qinghai នៃទីក្រុង Xining កាលពីល្ងាចថ្ងៃច័ន្ទ។ រូបភាពពីកន្លែងកើតហេតុបានបង្ហាញថា ផ្លូវបានផុងស្រុតចុះដែលធ្វើឱ្យឡានក្រុងលិប​ចុះ​ក្នុងរណ្ដៅ sinkhole យ៉ាងជ្រៅនោះ។ ឡានក្រុងបានលិចចូលក្នុងអន្លង់នោះស្ទើរតែទាំងស្រុង ដែលជាហេតុបង្កឱ្យមានការស្លាប់ និងបាត់ខ្លួនកើតឡើង។ ហើយនៅក្នុង sinkhole នោះក៏មានការផ្ទុះឆេះកើតឡើងផងដែរ។ នៅព្រឹកថ្ងៃអង្គារនេះអាជ្ញាធរមូលដ្ឋានបានប្រកាសថា ពួកគេបានរកឃើញសាកសពមនុស្ស ៦នាក់ នៅខាងក្នុងដីស្រុតនោះ។ មនុស្ស ១០នាក់ ត្រូវបានគេរាយការណ៍ថាបានបាត់ខ្លួន ខណៈដែល ១៦នាក់