ថ្មីៗនេះមានរឿងដ៏កម្រមួយបានកើតឡើង ដោយស្ត្រីចំណាស់ម្នាក់នៅភាគឦសានប្រទេសប្រេស៊ីល បានប្រគល់ប្រាក់ដែលគាត់មានទាំងប៉ុន្មានទៅឱ្យលោកចោរប្រដាប់អាវុធម្នាក់ ប៉ុន្តែចម្លើយរបស់លោកចោរគឺគួរឱ្យគោរពមែនទែន ដោយគេនិយាយថា មិនត្រូវការលុយលោកយាយនោះទេ ហើយបានថើបថ្ងាសរបស់លោកយាយមុននឹងរៀបចេញពីឱសថស្ថាននោះ។ កាមេរ៉ាឃ្លាំមើលនៅខាងក្នុងឱសថស្ថានបានបង្ហាញជនសង្ស័យ ដែលបាននិយាយជាមួយលោកយាយ ខណៈដែលបក្ខពួករបស់គេបានប្លន់បុគ្គលិកនៅក្នុងហាង នារសៀលថ្ងៃអង្គារ នៅទីក្រុង Amarante ។ ចោរម្នាក់នោះ និងបក្ខពួករបស់គេបានចូលទៅប្លន់នៅក្នុងឱសថស្ថានមួយ ហើយស្ត្រីចំណាស់នោះគាត់មានការភ័យខ្លាចទើបបានជាគាត់ប្រាប់ឱ្យលោកចោរ គួរតែយកប្រាក់របស់គាត់ដែរផងទៅ ប៉ុន្តែចោរនោះមិនយកនោះទេ ហើយនិយាយថា “មិនត្រូវការលុយលោកយាយ” រួចគេថែមទាំងបានថើបថ្ងាសដើម្បីឱ្យគាត់បានស្ងប់ចិត្តទៀតផង។ យ៉ាងណាមិញតាមចម្លើយម្ចាស់ឱសថស្ថានលោក Samuel Almeida ឱ្យដឹងថា លោកចោរបានប្លន់លុយពីបុគ្គលិករបស់គាត់ចំនួន ២៤០ដុល្លារអាមេរិក និងទំនិញមួយចំនួនប៉ុណ្ណោះ គ្មានអ្នករបួសនោះទេ ហើយមន្ដ្រីប៉ូលីសក៏កំពុងតាមចាប់ខ្លួនពួកគេផងដែរ៕ អត្ថបទ៖ លីដា

អ្នកនាង Sue Austin បានចាប់ផ្តើមរៀនហែលទឹក បន្ទាប់ពីនាងមានជំងឺម៉្យាងដែលធ្វើឱ្យនាងនៅជាប់នឹងកៅអីរុញរហូត មិនអាចដើរបានរយៈពេលជាង ១៦ឆ្នាំ មកហើយ។ ដោយទទួលបានការបំផុសគំនិតពីបទពិសោធន៍នេះ នាងក៏បានចាប់ផ្តើមអភិវឌ្ឍលំហាត់ថ្មីទាំងស្រុងមួយ នោះគឺមុជចូលក្នុងទឹកដោយជិះកៅអីរុញ។ ក្រោយមកអ្នកនាង Sue Austin បានស្វែងយល់ពីពិភពក្រោមទឹក ជាមួយនឹងជំនួយព្រុយប្លាស្ទិចភ្ជាប់នឹងបាតជើងកៅអីរបស់នាង។ គម្រោងនេះប្រៀបដូចជាសេរីភាពថ្មីមួយ ដែលអាចឱ្យអ្នកជិះកៅអីរុញអាចជំនះ និងទទួលបានបទពិសោធន៍ថ្មី។ ហើយ Sue Austin កំពុងកំណត់និយមន័យថ្មីនៃ “ពិការភាព” ជាមួយនឹងការរុករកក្នុងសមុទ្រដោយការប្រើកៅអីរុញរបស់នាង។ នាងក៏បានបង្ហាញវានៅឯមហោស្រពភាពយន្តក្រុង Adelaide ហើយនាងក៏បានក្លាយជាជនពិការដំបូងដែលហែលទឹកដោយខ្លួន​ឯងផងដែរ៕ អត្ថបទ៖ លីដា

ប្រព័ន្ធផ្សព្វផ្សាយជាតិ NHK បាននិយាយនៅថ្ងៃព្រហស្បតិ៍នេះថា ការដង្ហែក្បួនដើម្បីអបអរសាទរការឡើងគ្រងរាជ្យផ្លូវការរបស់អធិរាជជប៉ុន ណារុហ៊ីតូ នឹងត្រូវបានពន្យារពេលទៅថ្ងៃទី១០ ខែវិច្ឆិកា ខណៈដែលរដ្ឋាភិបាលកំពុងទប់ទល់នឹងព្យុះទីហ្វុង Hagibis ។ Hagibis បានសម្លាប់មនុស្សយ៉ាងហោចណាស់ ៧៧នាក់ ចាប់ពីចុងសប្ដាហ៍មុន ដែលព្យុះនេះបានបោកបក់ពេញប្រទេសជប៉ុន នាំយកជាមួយនឹងភ្លៀងធ្លាក់ខ្លាំង និងខ្យល់បក់ខ្លាំង បណ្តាលឱ្យបាក់ដី និងទឹកជំនន់ បាក់ច្រាំង និងទំនប់ជាដើម។ មនុស្ស ១០នាក់ កំពុងបាត់ខ្លួននៅឡើយ និង ៣៤៦នាក់ បានរងរបួស។ ព្រះចៅអធិរាជ ណារុហ៊ីតូ (Naruhito) គ្រោងនឹងប្រកាសគ្រងរាជ្យជាផ្លូវការក្នុងពិធីតាមប្រពៃណីរាប់សតវត្សរ៍របស់ជប៉ុន ដែលចូលរួមដោយមនុស្សប្រមាណ ២,៥០០នាក់ រួមទាំងប្រមុខរដ្ឋ

គុណភាពខ្យល់កំពុងតែមានការកែលម្អនៅអឺរ៉ុប ប៉ុន្តែការបំពុលបរិយាកាសនៅតែបន្តប៉ះពាល់ដល់សុខភាពប្រជាជន និងសេដ្ឋកិច្ចរបស់ទ្វីបមួយនេះ។ យោងតាមរបាយការណ៍ថ្មីមួយរបស់ទីភ្នាក់ងារបរិស្ថានអឺរ៉ុប (EEA) បានឱ្យដឹងថា កាលពីឆ្នាំ២០១៦ ខ្យល់ពុលបាននាំឱ្យមនុស្សចំនួន ៤០០,០០០នាក់ ស្លាប់មុនអាយុនៅទូទាំងអឺរ៉ុប។ របាយការណ៍នោះគឺផ្អែកលើទិន្នន័យដែលប្រមូលបានក្នុងឆ្នាំ២០១៧ ពីស្ថានីយ៍ជាង ៤,០០០កន្លែង នៅទូទាំងទ្វីបអឺរ៉ុប ដែលបានបង្ហាញថា មនុស្សភាគច្រើនបានប៉ះពាល់នឹងខ្យល់បំពុលលើសកម្រិត ដែលកំណត់ដោយអង្គការសុខភាពពិភពលោក (WHO)។ នៅតាមទីប្រជុំជន និងទីក្រុងនានា ការបំពុលដែលបង្កគ្រោះថ្នាក់បំផុតរួមមានភាគល្អិតៗ ឧស្ម័នអាស៊ូតអ៊ុកស៊ីត និងអូហ្សូន។ ទីភ្នាក់ងារនេះបានកត់សម្គាល់ថា គិតត្រឹមតែភាគល្អិតតូចៗតែមួយមុខ បានបង្កការស្លាប់មុនអាយុចំនួន ៤១២,០០០នាក់ ពី ៤១ ប្រទេសមកពីអ៊ឺរ៉ុប ហើយក្នុងនោះមាន ៣៧៤,០០០នាក់ នៅសហភាពអឺរ៉ុប។ ការបំពុលក៏ធ្វើឱ្យខូចខាតដល់សេដ្ឋកិច្ចផងដែរ

ក្រុមហ៊ុន Yahoo បានប្រកាសនៅថ្ងៃពុធនេះថា ខ្លួនកំពុងបិទគេហទំព័រ Yahoo Groups ដែលបានដំណើរការជាយូរមកហើយ។ គិតត្រឹមថ្ងៃទី២១ ខែតុលា អ្នកប្រើប្រាស់នឹងមិនអាចផ្សាយមាតិកាថ្មីទៅកាន់គេហទំព័របានទៀតទេ ហើយនៅថ្ងៃទី១៤ ខែធ្នូ Yahoo នឹងលុបចោលរាល់មាតិកា ដែលបានចុះផ្សាយពីមុនៗមកទាំងអស់។ ដូច្នេះអ្នកនឹងមានពេលវេលាក្នុងការចូលទៅទាញ data មករក្សាទុក មុនពេលដែលថ្ងៃផុតកំណត់មកដល់។ Yahoo Groups ដែលត្រូវបានបង្កើតឡើងក្នុង ឆ្នាំ២០០១ គឺជាមូលដ្ឋានរវាងវេទិកាសម្រាប់បញ្ជីសំបុត្រ និងវេទិកាអ៊ីនធឺណេត។ ក្រុមអាចនឹងត្រូវបានធ្វើអន្តរកម្មជាមួយគេហទំព័រ Yahoo Groups ផ្ទាល់ ឬតាមរយៈអ៊ីមែល។ រយៈពេល ១៨ឆ្នាំ នៃការបម្រើជូននូវមាតិកាជាច្រើន ពេលនេះ

មហាសេដ្ឋីលោក Richard Branson ដែលជាស្ថាបនិក Virgin Group បានប្រាប់ស្ថានីយទូរទស្សន៍ CNBC កាលពីថ្ងៃពុធថា គម្រោងទេសចរណ៍លំហអាកាស Virgin Galactic អាចនឹងជិតចុះបញ្ជីភាគហ៊ុនរបស់ខ្លួនជាសាធារណៈ នៅពេលជើងហោះហើរក្នុងលំហររបស់វាចាប់ផ្តើមជាផ្លូវការ។ លោក Branson បានថ្លែងបែបនេះ ចំពេលដែលលោកធ្វើការប្រកាស និងបង្ហាញអំពីឈុតសំលៀកបំពាក់ថ្មី សម្រាប់ឱ្យអតិថិជនរបស់ Virgin Galactic ដើម្បីពាក់នៅក្នុងដំណើរកម្សាន្តរបស់ពួកគេផងដែរ។ Virgin Galactic កំពុងត្រៀមពង្រីកអាជីវកម្មរបស់ខ្លួនជាក្រុមហ៊ុនអវកាសមនុស្សដំបូងគេ ដែលបានផ្សព្វផ្សាយជាសាធារណៈតាមរយៈការរួមបញ្ចូលគ្នាជាមួយក្រុមហ៊ុន Social Capital Hedosophia ឬ SCH ដែលជាក្រុមហ៊ុនទទួលបានគោលបំណងពិសេស ដែលបង្កើតឡើងដោយអ្នកវិនិយោគទុនឈ្មោះ

ចិន៖ គ្រូបង្រៀននៅសាលាបឋមសិក្សាមួយក្នុង ខេត្តហឺណាន ត្រូវបានឃាត់ខ្លួន បន្ទាប់ពីបង្ខំឱ្យសិស្សឱ្យហូបសំរាម។ ការដាក់ទណ្ឌកម្មលើសិស្សនេះត្រូវបានចេញបញ្ជាដោយគ្រូដែលមានឈ្មោះថា Jiang ក្នុងអំឡុងពេលគាត់ចូលត្រួតពិនិត្យអន្តេវាសិកដ្ឋាននិស្សិត (កន្លែងសិស្សស្នាក់នៅ) នៅថ្ងៃទី០៧ ខែកញ្ញា ហើយគាត់បានរកឃើញថា មានបន្ទប់របស់សិស្សប្រុសមួយក្រុមមិនបានយកសំរាមទៅចាក់ចោលនោះទេ។ ខណៈពេលដែលគ្មាននរណាម្នាក់ទទួលខុសត្រូវរឿងសំរាមនោះ លោក Jiang បានដាក់ទោសពួកគេឱ្យហូបសំរាមទាងនោះឱ្យអស់។ បន្ទាប់មកលោកគ្រូម្នាក់នោះក៏ដើរចេញពីបន្ទប់របស់ពួកគេ ហើយកូនសិស្សទាំងនោះក៏ហូបសំរាមទាំងនោះពិតមែន ដោយសារពួកគេភ័យខ្លាច។ ព្រឹកថ្ងៃបន្ទាប់ទើបពួកគេត្រូវបានបញ្ជូនទៅមន្ទីរពេទ្យ ដោយសារក្មេងប្រុសទាំងនោះចុកពោះ និងរាក។ គ្រូពេទ្យបានរកឃើញមានក្រដាសខ្ចប់ ប្លាស្ទិច និងសំបកផ្លែឈើនៅក្នុងលាមករបស់ពួកគេ។ បន្ទាប់មកឪពុកម្តាយក្រុមក្មេងប្រុសបានរាយការណ៍ពីឧប្បត្តិហេតុនេះទៅការិយាល័យអប់រំក្នុងតំបន់នៃស្រុក Fugou ។ យ៉ាងណាមិញពេលនេះគ្រូ Jiang ត្រូវបានគេចាប់ខ្លួន និងត្រូវគេបណ្ដេញពីការងារ ទោះបីជាគ្នាគាត់ម្នាក់បាននិយាយថា

លោក Jimmy Sham ដែលជាមេដឹកនាំឈានមុខនៃចលនាគាំទ្រលទ្ធិប្រជាធិបតេយ្យរបស់ហុងកុង ត្រូវបានគេបញ្ជូនទៅកាន់មន្ទីរពេទ្យដោយសារគាត់បានរងរបួសដោយក្រុមចោរ (មិនស្គាល់អត្តសញ្ញាណ) ប្រដាប់ដោយញញួរវាយសំពងកាលពីល្ងាចថ្ងៃពុធ។ រណសិរ្សសិទ្ធិមនុស្សស៊ីវិល (CHRF) បាននិយាយថា មេដឹកនាំលោក Jimmy Sham ត្រូវបានវាយប្រហារដោយមនុស្សបួនទៅប្រាំនាក់ ហើយពួកគេពិពណ៌នាវាថាជា “អំពើភេរវកម្មនយោបាយ” ។ ក្រុមរបស់គាត់បាននិយាយថា គាត់បានបែកក្បាលយ៉ាងខ្លាំង ហើយខណៈពេលនេះកំពុងសម្រាកនៅឯមន្ទីរពេទ្យ។ CHRF និយាយថា Sham គឺជាអ្នកនាំពាក្យសំខាន់របស់ CHRF ហើយពួកគេជាក្រុមតស៊ូមតិអហិង្សា និងរៀបចំការបំបែកឯតទគ្គកម្មដោយសន្តិវិធីជាបន្តបន្ទាប់កាលពីដើមរដូវក្តៅនេះ ដែលប្រឆាំងនឹងច្បាប់ដែលអនុញ្ញាតឱ្យធ្វើបត្យាប័នទៅកាន់ចិនដីគោក។ ៤ខែនៃការតវ៉ាដ៏ធំ និងកាន់តែខ្លាំងឡើងៗរបស់ទីក្រុងហុងកុង ដែលចាប់តាំងពីច្បាប់នេះត្រូវបានប្រកាស ហើយទៅបីជាវាត្រូវលុបចោលវិញក៏ដោយ។ ប៉ុន្តែចាប់តាំងពីពេលនោះមកក្រុមអ្នកប្រឆាំងបានចូលទៅជាចលនាធំមួយ ដែលទាមទារឱ្យមានលទ្ធិប្រជាធិបតេយ្យ

ថៃ៖ រដ្ឋាភិបាលថៃគ្រោងនឹងកំណត់គោលការណ៍ថ្មី ដើម្បីគ្រប់គ្រងទៅលើបញ្ហាសុខភាពរបស់ភ្ញៀវទេសចរណ៍បរទេសមានអាយុលើសពី ៥០ ឆ្នាំ និងមានបំណងស្នើសុំទិដ្ឋការស្នាក់នៅក្នុងប្រទេសថៃក្នុងរយៈពេលវែង។ យោងតាមរដ្ឋមន្ត្រីក្រសួងសុខាភិបាល​ថៃលោក Sathit Pitutecha បានឲ្យដឹងថាគោលការណ៍ថ្មីនេះនឹងតម្រូវឲ្យជនបរទេសដែលមានអាយុលើសពី ៥០ ឆ្នាំ ទាំងអស់ត្រូវតែបង្ហាញលិខិតធានារ៉ាប់រងសុខភាព ដែលអាចផ្គត់ផ្គង់គ្រប់គ្រាន់លើសេវាសុខភាពរបស់ពួកគេក្នុងអំឡុងពេលស្នាក់នៅប្រទេសថៃយ៉ាងតិចមួយឆ្នាំជាមុនសិន ទើបអាចទទួលបានទិដ្ឋការចូលមកក្នុងប្រទេសថៃ។ សូមបញ្ជាក់ជូនថា កន្លងមកមានជនបរទេសដែលមានអាយុលើសពី ៥០ ឆ្នាំជាច្រើនទៅកំសាន្តនៅក្នុងប្រទេសថៃ ហើយពេលដែលពួកគេមានបញ្ហាសុខភាពមនុស្សមួយចំនួនគ្មានលទ្ធភាពគ្រប់គ្រាន់ដើម្បីព្យាបាលជំងឺរបស់ពួកគេឡើយ ដូចនេះហើយរដ្ឋាភិបាលត្រូវចាយលុយបន្ថែមលើសេវាសុខភាពរបស់ពួកគេក្នុងគោលការណ៍មនុស្សធម៌។ តួលេខដែលបង្ហាញដោយក្រសួងសុខាភិបាលថៃបានបង្ហាញថា ក្នុងមួយឆ្នាំថៃបានខាតបង់ប្រាក់ប្រមាណជា ១៦,៤៩ លានដុល្លារចំពោះការចំណាយខាងលើនេះ៕ អត្ថបទ៖ ភក្តី

រូបថតជាច្រើនសន្លឹកដែលត្រូវបានចេញផ្សាយដោយ KCNA បង្ហាញថា មេដឹកនាំកូរ៉េខាងជើងលោក គីម ជុងអ៊ុន បានជិះសេះសនៅលើភ្នំ Paektu ដែលគ្របពោរពេញដោយព្រិល។ នេះមិនមែនជាលើកទីមួយទេដែលគាត់បានជិះឡើងដល់កំពូលភ្នំ ដែលមានកម្ពស់ ២,៧៥០ម៉ែត្រ ហើយអ្នកវិភាគខ្លះនិយាយថា លោក គីម ច្រើនតែជិះសេះឡើងភ្នំបែបនេះមុនការប្រកាសរឿងសំខាន់ៗ។ ភ្នំនេះជាកន្លែងពិសេសដែលដក់ជាប់ក្នុងចិត្តរបស់ប្រជាជន ហើយវាក៏ជាកន្លែងកំណើតរបស់ឪពុកលោកផងដែរ។ របាយការណ៍ KCNA ចេញផ្សាយនៅថ្ងៃពុធនេះបាននិយាយថា គាត់ជិះនៅលើខ្នងសេះឡើងលើភ្នំ Paektu គឺជាព្រឹត្តិការណ៍ដ៏សំខាន់មួយ ដែលមានសារៈសំខាន់ក្នុងប្រវត្តិសាស្ត្រនៃបដិវត្តកូរ៉េ។ ដោយអង្គុយលើខ្នងសេះនៅលើកំពូលភ្នំ គាត់បានផ្ដោតអារម្មណ៍ជ្រាលជ្រៅអំពីផ្លូវនៃការតស៊ូ ដែលគាត់បានតស៊ូដើម្បីបុព្វហេតុដ៏អស្ចារ្យនៃការកសាងប្រទេស ដែលមានឥទ្ធិពលបំផុតដោយមានជំនឿ និងឆន្ទៈមុតមាំដូចជាភ្នំ Paektu។ យ៉ាងណាមិញគ្មាននរណាដឹងថា គាត់ហ្នឹងប្រកាសរឿងអ្វីនោះទេ ប៉ុន្តែក្នុងឆ្នាំ២០១៧