ប្រធានាធិបតីរុស្ស៊ីលោក វ្ល៉ាឌីមៀរ ពូទីន បាននិយាយនៅថ្ងៃព្រហស្បតិ៍នេះថា ប្រទេសរុស្ស៊ីត្រៀមនឹងដាក់សន្ធិសញ្ញាអាវុធនុយក្លេអ៊ែរជាមួយអាមេរិកហើយបានព្រមានអំពី «មហន្តរាយជាសកល» ប្រសិនបើក្រុងវ៉ាស៊ីនតោនបន្តរារាំងរបបគ្រប់គ្រងអាវុធអន្តរជាតិ។ ថ្លែងទៅកាន់ប្រមុខទីភ្នាក់ងារព័ត៌មានអន្ដរជាតិនៅឯវេទិកាសេដ្ឋកិច្ចមួយនៅទីក្រុង Saint Petersburg លោកពូទីនបាននិយាយថា ក្រុងវ៉ាស៊ីនតោនមិនបានបង្ហាញចំណាប់អារម្មណ៍ពិតប្រាកដក្នុងការធ្វើកិច្ចចរចាស្តីពីការពង្រីកសន្ធិសញ្ញា New START ដែលដាក់ក្បាលកាំជ្រួចនុយក្លេអ៊ែរនៅក្រោមដែនកំណត់សង្រ្គាមត្រជាក់។ លោក ពូទីន បាននិយាយថា៖ «ប្រសិនបើគ្មាននរណាម្នាក់មានអារម្មណ៍ថា ដូចជាការពង្រីកកិច្ចព្រមព្រៀង New START នោះទេ។ ល្អ! យើងនឹងមិនធ្វើវានោះទេ»។ លោកបន្តថា៖ «យើងបាននិយាយរាប់រយដងថា យើងត្រៀមរួចរាល់ (ដើម្បីពង្រីកវា) ប៉ុន្តែមិនមានដំណើរការចរចាជាផ្លូវការណាមួយទេ ហើយ ឆ្នាំ២០២១ អ្វីគ្រប់យ៉ាងនឹងចប់»។ សន្ធិសញ្ញានេះត្រូវបានចុះហត្ថលេខាដោយអតីតប្រធានាធិបតីអាមេរិកលោក

បច្ចុប្បន្ននេះតែគុជហាក់ដូចជាមិនបានផ្តល់សញ្ញាថាវានឹងបាត់បង់ទៅវិញនោះទេ ពោលវាគឺជាភេសជ្ជៈដែលពេញនិយមបំផុតសម្រាប់យុវវ័យ ហើយបើនិយាយពីកន្លែងលក់វិញ ក្រឡេកទៅណាខាងណាក៏មានលក់ដែរ។ ខណៈក៏មានផងដែរនូវការព្រមានពីក្រុមវេជ្ជបណ្ឌិតអំពីផលប៉ះពាល់របស់គុជមកលើសុខភាព រឿងរ៉ាវរបស់ក្មេងស្រីវ័យ ១៤ឆ្នាំ ម្នាក់មកពីខេត្ត Zhejiang បានធ្វើឱ្យមានការភ្ញាក់ផ្អើលជាខ្លាំង។ កាលពីថ្ងៃទី២៨ ខែឧសភា ក្មេងស្រីមកពីប្រទេសចិនម្នាក់នេះត្រូវបានបញ្ជូនទៅកាន់មន្ទីរពេទ្យភា្លមៗ បន្ទាប់ពីនាងតូចមានការឈឺចាប់ក្នុងពោះ ពិបាកបរិភោគអាហារ និងបន្ទោរបង់។ ក្រោយធ្វើ CT ស្កេន រួចមកគេបានរកឃើញថា ក្នុងពោះវៀន ក្រពះ និងទ្វារលាមករបស់នាង គឺពោរពេញទៅដោយគ្រាប់គុជ (bubble tea pearls) មូរ​ព័ទ្ធជុំវិញតែម្តង។ យោងតាមការរាយការណ៍របស់កាសែត Sin Chew បានឱ្យដឹងថា វេជ្ជបណ្ឌិតមានការភ្ញាក់ផ្អើល និងបានសាកសួរក្មេងស្រីអំពីទម្លាប់ផឹកតែគុជរបស់នាង

រថយន្តភីកអាប់ជាទូទៅ គឺជារថយន្តដែលលក់ដាច់បំផុតនៅក្នុងព្រះរាជាណាចក្រកម្ពុជា ហើយក្រុមហ៊ុន Tan Chong Motor Cambodia ជាអ្នកចែកចាយ និងលក់ផ្តាច់មុខនូវរថយន្តម៉ាក Nissan ។ ក្រុមហ៊ុនក៏បាននាំចូលនូវរថយន្តប្រភេទសម្រាប់ធ្វើការងារធ្ងន់ៗនេះ ជាបន្តបន្ទាប់ជាមួយនឹងការបន្ថែមលក្ខណៈពិសេស សមត្ថភាព និងបច្ចេកវិទ្យា។ ក្នុងប្រវត្តិសាស្ត្ររថយន្ត Nissan ប្រភេទភីកអាប់គឺជារថយន្តតែមួយគត់ដែលជាទីទុកចិត្តរបស់ឈ្មួញពាណិជ្ជករ កសិករ និងប្រតិបត្តិករពាណិជ្ជកម្ម នៅតាមបណ្តាខេត្ត។ ដូច្នេះហើយមិនថា ជាប្រព័ន្ធខ្យល់ខាងក្រោយ (rear ventilated air-con), គ្រឿងស្បែក (leather upholstery) និងម៉ាស៊ីន turbocharged សុទ្ធតែត្រូវបានបំពាក់យ៉ាងយកចិត្តទុកដាក់បំផុត លើសពីការរំពឹងរបស់អ្នក។ ប៉ុន្តែនាពេលបច្ចុប្បន្ននេះ

សហរដ្ឋអាមេរិកកំពុងស្វែងរកការលក់រថក្រោះ និងអាវុធ ដែលមានតម្លៃជាង ២ពាន់លានដុល្លារ ទៅឱ្យកោះតៃវ៉ាន់ ដែលនេះហាក់ដូចជាការបង្កកំហឹងទៅឱ្យប្រទេសចិន ខណៈសង្គ្រាមពាណិជ្ជកម្មរវាងប្រទេសទាំង ២ នៅតែបន្តតឹងសរសៃកដាក់គ្នា។ ទាកទិននឹងបញ្ហានេះ មានប្រភពចំនួន ៣ បាននិយាយថា ការលក់គ្រឿងសភាវុធរួមមាន៖ រថក្រោះ General Dynamics Corp M1A2 Abrams ចំនួន ១០៨គ្រឿង ដែលមានតម្លៃប្រហែល ២ពាន់លានដុល្លារ ព្រមទាំងគ្រាប់បែកប្រឆាំងរថក្រោះ និងប្រឆាំងយន្តហោះផងដែរ។ អស់រយៈពេលជាច្រើនឆ្នាំមកហើយ ដែលតៃវ៉ាន់បានចាប់អារម្មណ៍ក្នុងការពង្រឹងឃ្លាំងស្តុករថពាសដែកដែលមានស្រាប់នៅសហរដ្ឋអាមេរិកឡើងវិញ ដែលរួមមានទាំងរថក្រោះ M60 Patton ផងដែរ។ សហរដ្ឋអាមេរិកគឺជាអ្នកផ្គត់ផ្គង់អាវុធតែមួយគត់ទៅតៃវ៉ាន់ ដែលប្រទេសចិនយល់ថា

ក្រុមហ៊ុន BMW កាលពីថ្ងៃពុធបានលើកឡើងថា ខ្លួននឹងអភិវឌ្ឍម៉ូទ័រអេឡិចត្រូនិក ប្រអប់លេខ (transmission) និងថាមពលអេឡិចត្រូនិចជំនាន់ក្រោយ ជាមួយនឹងក្រុមហ៊ុន Jaguar Land Rover។ ការសហការនេះវាបានបង្ហាញពីសម្ព័ន្ធភាពពាណិជ្ជកម្មមួយ ដែលត្រូវបានរចនាឡើងដើម្បីកាត់បន្ថយតម្លៃរថយន្តអគ្គិសនី ដែលកំពុងតែរីកលូតលាស់។ លោក Klaus Froehlich សមាជិកក្រុមប្រឹក្សាភិបាលរបស់ក្រុមហ៊ុន BMW បាននិយាយថា ការសហការនេះនឹងធ្វើឱ្យពួកគេមានឱកាសដើម្បីទទួលបានជោគជ័យបន្ថែមទៀត សម្រាប់តម្រូវការអតិថិជន និងទីផ្សារ ឱ្យបានលឿន។ ក្រុមហ៊ុន BMW និង Jaguar Land Rover បានលើកឡើងថា ពួកគេអាចសន្សំសំចៃថ្លៃចំណាយតាមរយៈការចែករំលែកកំណើនផែនការផលិតកម្ម និងការទិញរួមគ្នា។ ក្រុមហ៊ុននីមួយៗនឹងផលិតឧបករណ៍អេឡិចត្រូនិក

ក្រុមហ៊ុន Huawei របស់ចិន ដែលត្រូវបានសហរដ្ឋអាមេរិកចោទប្រកាន់ថា ជាការគំរាមកំហែងផ្នែកសន្តិសុខរបស់ប្រទេស កាលពីថ្ងៃពុធ ទី៥ ខែមិថុនា ម្សិលមិញនេះបានចុះហត្ថលេខាលើកិច្ចព្រមព្រៀងមួយជាមួយក្រុមហ៊ុនទូរគមនាគមន៍ MTS ដើម្បីអភិវឌ្ឍន៍បណ្តាញ 5G នៅក្នុងប្រទេសរុស្ស៊ីនៅឆ្នាំក្រោយនេះ។ កិច្ចព្រមព្រៀងនេះត្រូវបានចុះហត្ថលេខានៅខាងក្រៅកិច្ចប្រជុំរវាងមេដឹកនាំចិនលោក ស៊ី ជីនពីង និងប្រធានាធិបតីរុស្ស៊ីលោក វ្ល៉ាឌីមៀរ ពូទីន នៅក្នុងទីក្រុងម៉ូស្គូ។ ក្រុមហ៊ុន MTS បានឱ្យដឹងក្នុងសេចក្តីថ្លែងការណ៍មួយថា កិច្ចព្រមព្រៀងនេះនឹងបង្ហាញពី «ការអភិវឌ្ឍបច្ចេកវិទ្យា 5G និងការចាប់ផ្តើមសាកល្បងនៃបណ្តាញជំនាន់ ទី៥ ឆ្នាំ២០១៩-២០២០»។ នៅក្នុងសេចក្តីថ្លែងការណ៍ដដែលលោក Guo Ping តំណាងឱ្យក្រុមហ៊ុន Huawei

ដើម្បីត្រៀមខ្លួនចូលរួមជាចំណែកអបអរដល់មហាព្រឹត្តិការណ៍កីឡាអូឡាំពិក ឆ្នាំ២០២០ ក្រុមហ៊ុនផលិតស្រោមអនាម័យមួយនៅប្រទេសជប៉ុន កំពុងរៀបចំរបស់ពិសេសសម្រាប់ទទួលភ្ញៀវទេសចរបរទេស។ ក្នុងនោះផងដែរហាងស្រោមអនាម័យដ៏ល្បីល្បាញនៅទីក្រុងតូក្យូឈ្មោះ Condomania និងក្រុមហ៊ុនស្រោមអនាម័យក្នុងស្រុកមួយឈ្មោះថា Okamoto បានសហការបង្កើតស្រោមអនាម័យថ្មី ដែលរួមមានការរចនារូបភាពបង្ហាញពីសិល្បៈជប៉ុន ukiyo-e បុរាណ។ គំនូរសិល្បៈ Ukiyo-e មានការរីកចម្រើនចាប់ពីសតវត្ស ទី១៧ ដល់សតវត្ស ទី១៩ ហើយវាត្រូវបានគេចាត់ទុកថា មានប្រជាប្រិយភាពខ្លាំងជាមួយអ្នកទេសចរបរទេស។ បើតាមការបង្ហោះរបស់ Soranews24 បានឱ្យដឹងថា ជាមួយនឹងការបោះពុម្ពរូបគំនូសិល្បៈ ukiyo-e ស្រោមអនាម័យថ្មីនេះនឹងត្រូវដាក់លក់នៅរដូវក្តៅនេះហើយ។ អតិថិជនក៏អាចបញ្ជាដាក់ការរចនាណាមួយដែលពួកគេចូលចិត្តទៅលើស្រោមអនាម័យទាំងនេះផងដែរ មិនចាំបាច់តែការរចនាបែបសិល្បៈបុរាណនោះទេ។ បន្ថែមទៅនឹងការពន្យាកំណើតបែបសិល្បៈនេះ ក្រុមហ៊ុន Okamoto ក៏នឹងចាប់ផ្តើមផលិតស្រោមអនាម័យដំបូងជាមួយនឹងសារធាតុប្រឆាំងវីរុសស្រោបពីលើ ឈ្មោះថាស្រោមអនាម័យ VivaGel

ប្រមុខយោធាថៃលោក ប្រាយុទ្ធ ចាន់អូចា (Prayut Chan-o-cha) ត្រូវបានគេជ្រើសតាំងកាលពីល្ងាចថ្ងៃពុធ ទី៥ ខែមិថុនា ឆ្នាំ២០១៩ ជានាយករដ្ឋមន្ត្រីស៊ីវិលដំបូងគេបង្អស់របស់ព្រះរាជាណាចក្រថៃ ចាប់តាំងពីមានរដ្ឋប្រហារ ឆ្នាំ២០១៤ ទម្លាក់លោកស្រី យីង ឡាក់ ដែលជាការដឹកនាំដោយលោក ប្រាយុទ្ធ ចាន់អូចា ផ្ទាល់។ លោកត្រូវបានគេជ្រើសរើសឱ្យធ្វើជានាយករដ្ឋមន្ត្រីថៃ នៅក្នុងការបោះឆ្នោតមួយដោយរដ្ឋសភា ជាមួយសម្ព័ន្ធមិត្តកងទ័ពរាជានិយម។ លោក ប្រាយុទ្ធ ចាន់អូចា បានយកឈ្នះលើគូប្រជែងតែមួយគត់របស់លោក ដែលជាមហាសេដ្ឋីវ័យ ៤០ឆ្នាំ ឈ្មោះ Thanathorn Juangroongruangkit ដែលជាអ្នកដឹកនាំក្រុមប្រឆាំងយោធា។ លោកទទួលបានសំឡេងគាំទ្រពីតំណាងរាស្រ្ត និងសភាចំនួន

ជាការពិតណាស់មនុស្សម្នាក់ៗតែងតែមានទម្លាប់ និងរបៀបក្នុងការគេងផ្សេងៗពីគ្នា។ ហើយចំពោះអ្នកដែលចូលចិត្តគេងផ្អៀង ឬកើយដៃខ្លួនឯង ក៏ដូចជាគូស្នេហ៍ដែលចូលចិត្តគេងកើយដៃគ្នា ច្បាស់ណាស់ថាមានការពិបាកដូចជា មានបញ្ហាចុក ឬស្ពឹកដៃ… ជាដើម។ យ៉ាងណាមិញវាហាក់ដូចជាគំនិតថ្មីសន្លាងមួយ ដោយក្រុមហ៊ុនផលិតផលធ្វើដោយដៃមួយរបស់អាមេរិក បានបង្កើយខ្នើយម៉្យាងដែលមានឈ្មោះថា Coodle សម្រាប់ដោះស្រាយបញ្ហានេះ។ ខ្នើយមួយនេះត្រូវបានគេឱ្យដឹងថា លក់ក្នុងតម្លៃ ៦៥ដុល្លារអាមេរិក នៅលើគេហទំព័ររបស់ខ្នើយផ្ទាល់ (coodlepillow.com) ។ អ្វីដែលកាន់តែគួរឱ្យចាប់អារម្មណ៍គឺថា ខ្នើយនេះមានប្រវត្តិផ្ទាល់ខ្លួនរបស់វា ដោយគំនិតនៃការបង្កើតខ្នើយនេះគឺចេញពីគូស្នេហ៍ឈ្មោះ Bob និង Shirley ។ វាកើតមានឡើងបន្ទាប់ពីមិត្តស្រីរបស់លោក Bob ដេកលើដៃរបស់គាត់ ខណៈកំពុងមើលទូរទស្សន៍ ហើយក្រោយមកគាត់ក៏រកបានវិធីដើម្បីសម្រាលបន្ទុក ដោយបានកាត់ប្លាស្ទីក និងពត់វាឱ្យកោងដាក់ចូលទៅក្នុងឡ

ឥណ្ឌូនេស៊ី៖ បើតាមអាជ្ញាធរបានឱ្យដឹងក្នុងថ្ងៃពុធនេះថា មនុស្ស ១៧នាក់ បានបាត់ខ្លួន បន្ទាប់ពីនាវាដឹកទំនិញមួយបានលិចនៅភាគខាងកើតប្រទេសឥណ្ឌូណេស៊ី។ នាវាដឹកទំនិញនេះបានក្រឡាប់កាលពីរសៀលថ្ងៃសៅរ៍ ជាមួយអ្នកដំណើរទាំងអស់ ១៨នាក់ ដែលធ្វើដំណើរពីក្រុង Bitung ទៅកាន់តំបន់ Morowali នៅភាគខាងត្បូង។ ក្នុងនោះមានអ្នករស់រានមានជីវិត អាយុ ៣៥ឆ្នាំ ម្នាក់ត្រូវបានរកឃើញ ដោយសារគាត់បានអណ្តែតនៅលើផ្ទៃទឹកជាមួយនឹងអាវពោងដែលជាប់នឹងខ្លួនគាត់កាលពីថ្ងៃអង្គារ ហើយពេលនេះគាត់កំពុងទទួលការព្យាបាលវេជ្ជសាស្ត្រនៅមន្ទីរពេទ្យ។ មន្ត្រីខាងរុករក និងសង្គ្រោះឈ្មោះ Basrano បាននិយាយថា សមាជិកនាវិក ១៧នាក់ ដែលបាត់ខ្លួនកំពុងត្រូវបានគេស្វែងរកបន្ត ហើយនាវាសង្គ្រោះក៏ត្រូវបានគេដាក់ពង្រាយ។ យោងតាមអាជ្ញាធរបានឱ្យដឹងថា នាវាដឹកស៊ីម៉ងត៍ឈ្មោះ KM Lintas Timur ប្រវែង