តុលាការមួយបានប្រកាសកាលពីថ្ងៃសុក្រថា YouTuber នៅប្រទេសអេស្ប៉ាញម្នាក់ត្រូវបានផ្តន្ទាទោសឱ្យជាប់ពន្ធនាគាររយៈពេល ១៥ខែ និងពិន័យជាប្រាក់ ២០,០០០អឺរ៉ូ (២២,៣០០ដុល្លារអាមេរិក) សម្រាប់ការបង្ហោះវីដេអូ YouTube ដែលគាត់បានឱ្យនំ Oreo ដែលមានស្នូលដាក់ថ្នាំដុសធ្មេញទៅឲ្យបុរសជាអ្នកសុំទានម្នាក់។ តុលាការបាននិយាយថា លោក Kan-Hua Ren ដែលត្រូវបានគេស្គាល់នៅលើ YouTube ថា «ReSet» ត្រូវបានតុលាការរកឃើញថា មានកំហុសចំពោះបទល្មើសសីលធម៌នៅក្នុងវីដេអូរបស់គាត់ ដែលបានចេញផ្សាយកាលពីខែមករាឆ្នាំ ២០១៧ នៅលើ Channel របស់គាត់។ លោក Kan-Hua Ren ត្រូវបានគេផ្តន្ទាទោសឱ្យជាប់ពន្ធនាគាររយៈពេល ១៥ខែ ប៉ុន្តែមើលទៅគាត់ដូចជាមិនទំនងថា បានទទួលទោសនេះទេ។

ក្មេងប្រុសអាយុ ១៦ឆ្នាំ ម្នាក់បានស្លាប់ដោយសារគាំងបេះដូង (cardiac arrest) ខណៈពេលកំពុងលេងហ្គេម PUBG នៅលើទូរស័ព្ទរយៈពេល ៦ម៉ោង នៅឯរដ្ឋ Madhya Pradesh របស់ឥណ្ឌា។ ក្មេងប្រុសដែលស្លាប់មានឈ្មោះថា Furkan Qureshi ជាសិស្សថ្នាក់ ទី១២ ។ ឧបទ្ទវហេតុនេះបានកើតឡើងនៅ ថ្ងៃទី២៨ ខែឧសភា នៅពេលដែល Furkan និងគ្រួសាររបស់គាត់ ដែលមានទីលំនៅក្នុងក្រុង Nasirabad នៃរដ្ឋ Rajasthan បានទៅលេងទីក្រុង Neemuch ដើម្បីចូលរួមអាពាហ៍ពិពាហ៍មួយ។ នេះបើតាមសម្តីរបស់លោក Haroon

យ៉ាងហោចណាស់មានហាងចំនួន ១០០កន្លែង នៅផ្សារ Chatuchak ដ៏ល្បីនៅទីក្រុងបាងកក (Chatuchak Weekend Market) បានឆេះកាលពីថ្ងៃអាទិត្យ ទី២ ខែមិថុនា ដោយមានមនុស្ស ២នាក់ ត្រូវបានគេរាយការណ៍ថាបានរងរបួស។ នៅក្នុងសេចក្តីថ្លែងការណ៍មួយរបស់នាយកដ្ឋានអគ្គីភ័យ និងជួយសង្គ្រោះ នៅក្រុងបាងកកបាននិយាយថា អគ្គីភ័យបានកើតឡើងនៅហាងមួយនៅតាមច្រកទ្វារលេខ ១ របស់ផ្សារ នៅប្រហែលម៉ោង ៩និង ៣០នាទី យប់។ យ៉ាងណាមិញពួកគេបាននិយាយថា អគ្គីភ័យបានស្ថិតនៅក្រោមការគ្រប់គ្រងនៅម៉ោង ១០ និង ០៨នាទី យប់ដដែល។ យោងតាមគេហទំព័ររបស់ទីផ្សារបានឱ្យដឹងថា ច្រកទ្វារលេខ ១ របស់ផ្សារភាគច្រើនជាតូបលក់សៀវភៅ

ក្រុមអ្នកវិទ្យាសាស្រ្ដបាននិយាយថា អ្នកចូលចិត្តផឹកកាហ្វេអាចស្ងប់ចិត្តបានហើយ ព្រោះការសិក្សាថ្មីបានបង្ហាញថា ពួកអាចផឹកកាហ្វេបានរហូតដល់ ២៥ពែង ក្នុងមួយថ្ងៃដោយមិនមានផលអាក្រក់ចំពោះបេះដូងរបស់ពួកគេនោះទេ។ ការស្រាវជ្រាវពីមុនមួយចំនួនបានណែនាំថា កាហ្វេធ្វើឱ្យសរសៃឈាមអារទែឡើងរឹង ដែលវាបានព្រមានឱ្យអ្នកផឹកកាហ្វេកាត់បន្ថយការរបបនៃការផឹកកាហ្វេរបស់ពួកគេ។ ប៉ុន្តែការសិក្សាថ្មីមួយលើមនុស្សជាង ៨,០០០នាក់ នៅទូទាំងចក្រភពអង់គ្លេសបានរកឃើញថា ការផឹកកាហ្វេ ៥ពែង ឬរហូតដល់ ២៥ពែង ក្នុងមួយថ្ងៃ គឺមិនអាក្រក់ចំពោះសរសៃឈាមអាក់ទែរជាងការផឹកកាហ្វេតិចជាង ១ពែង ក្នុងមួយថ្ងៃនោះទេ។ ការស្រាវជ្រាវនេះត្រូវបានផ្តល់ដោយមូលនិធិដោយមូលនិធិបេះដូងអង់គ្លេស (BHF) ត្រូវបានបង្ហាញនៅឯសន្និសិទសមាគមន៍ជំងឺសរសៃឈាមបេះដូងអង់គ្លេសនៅទីក្រុង Manchester ។ អ្នកជំនាញមកពីសាកលវិទ្យាល័យ Queen Mary University នៃទីក្រុងឡុងដ៍ បានបែងចែកមនុស្សចំនួន ៨,៤១២នាក់ ជា ៣ក្រុម

ជាការពិតនារដូវក្តៅតែងតែមានការរងសម្ពាធពីរលកកម្តៅក្តៅខ្លាំង ដូច្នេះហើយនៅពេលដែលពួកយើងធ្វើដំណើរចេញក្រៅដោយថ្មើរ​ជើងម្តងៗ វាគឺពិតជាមានការពិបាកនឹងទទួលយកភាពក្តៅហួតហែងនេះខ្លាំងណាស់។ ជារឿយៗឆ័ត្រធម្មតាគឺមិនគ្រប់គ្រាន់ ដើម្បីការពារពួកយើងពីកម្តៅព្រះអាទិត្យនោះទេ ជាពិសេសនៅពេលសីតុណ្ហភាពឡើងដល់ប្រហែល (ឬលើស) ៤០អង្សាសេ ខណៈសំណើមក៏ឈានដល់កម្រិតខ្ពស់ផងនោះ។ ប៉ុន្តែថ្មីៗនេះក្រុមច្នៃប្រឌិតរបស់ក្រុមហ៊ុនជប៉ុនបានរកឃើញនូវដំណោះស្រាយដ៏ឈ្លាសវៃមួយ ដោយពួកគេបានផលិតនូវឆ័ត្រម៉្យាង ដើម្បីទប់ទល់នឹងអាកាសធាតុដ៏ស្អុះស្អាប់នេះ។ ក្រុមហ៊ុនជប៉ុនមួយមានឈ្មោះថា Thanko បាននាំពួកយើងទៅកាន់អនាគត ជាមួយនឹងឆ័ត្រ Fanbrella ដែលជាឆ័ត្រកូនកាត់កង្ហារ។ Fanbrella មិនត្រឹមតែផ្ដល់នូវម្លប់ឱ្យលោកអ្នកប៉ុណ្ណោះទេ ប៉ុន្តែក៏រក្សាអ្នកប្រើប្រាស់ឱ្យត្រជាក់ស្រួលខ្លួនជាមួយកូនកង្ហារនៅពីក្នុងផងដែរ។ ប្រសិនបើកង្ហារ និងម្លប់របស់ឆ័ត្រវានៅមិនទាន់មិនគ្រប់គ្រាន់សម្រាប់លោកអ្នកទេនោះ ឆ័ត្រ Fanbrella ក៏នៅមានជម្រើសមួយទៀត ដើម្បីឱ្យអ្នកប្រើប្រាស់អាចបាញ់ចំហាយទឹកត្រជាក់ ដោយគ្រាន់តែដាក់ដបទឹកសុទ្ធនៅចុងដងកាន់របស់វា ហើយចុចលើប៊ូតុងសម្រាប់បាញ់ចំហាយទឹកជាការស្រេច។ លោកអ្នកក៏អាចមើលបានពីរបៀបនៃការប្រើប្រាស់របស់វា តាមរយៈវីដេអូខាងក្រោមនេះផងដែរ៕ អត្ថបទ៖ លីដា ប្រភព៖

រដ្ឋមន្ត្រីការពារជាតិរបស់ប្រទេសចិនបាននិយាយកាលពីថ្ងៃអាទិត្យថា ប្រទេសចិនបានត្រៀមខ្លួនរួចជាស្រេច ដើម្បីប្រយុទ្ធប្រឆាំងនឹងសហរដ្ឋអាមេរិកលើវិស័យពាណិជ្ជកម្ម ប៉ុន្តែពួកគេនៅតែបើកទ្វារចំហសម្រាប់ការចរចា។ លោក Wei Fenghe បានប្រាប់កិច្ចពិភាក្សាសន្តិសុខអន្តរជាតិនៅសិង្ហបុរីថា៖ «នៅក្នុងជម្លោះពាណិជ្ជកម្មដែលបានចាប់ផ្តើមដោយសហរដ្ឋអាមេរិក ប្រសិនបើសហរដ្ឋអាមេរិកចង់និយាយ (ចរចារ) យើងនឹងនៅតែបើកទ្វារទទួល។ ប៉ុន្តែប្រសិនបើពួកគេចង់ប្រយុទ្ធ យើងក៏ត្រៀមខ្លួនរួចរាល់»។ ក្រុងប៉េកាំង និងទីក្រុងវ៉ាស៊ីនតោនត្រូវបានជាប់គាំងនៅក្នុងសង្គ្រាមពាណិជ្ជកម្មដ៏មានភាពតឹងតែង សម្រាប់ការផ្លាស់ប្តូរពន្ធលើទំហំទឹកប្រាក់ ៣៦០ពាន់លានដុល្លារអាមេរិក នៅក្នុងពាណិជ្ជកម្មទ្វេភាគីរហូតមកដល់ពេលនេះ។ ហើយទីក្រុងវ៉ាស៊ីនតោន និងទីក្រុងប៉េកាំងក៏កំពុងប្រជែងគ្នា ដើម្បីទទួលបានឥទ្ធិពលនៅតំបន់អាស៊ីប៉ាស៊ីហ្វិក ដែលនេះជាមូលហេតុបង្កភាពតានតឹងនៅតាមសមុទ្រចិនខាងត្បូង ឧបទ្វីបកូរ៉េ និងច្រកសមុទ្រតៃវ៉ាន់៕ អត្ថបទ៖ លីដា ប្រភព៖ channelnewsasia

សីតុណ្ហភាពបានកើនលើសពី ៥០អង្សាសេ នៅភាគខាងជើងប្រទេសឥណ្ឌា ដោយសាររលកកម្តៅដែលមិនថេរបានបង្កឱ្យមានការព្រមានពីការខ្វះខាតទឹក និងកម្តៅ។ នាយកដ្ឋានអាកាសធាតុបាននិយាយថា កាលពីថ្ងៃសៅរ៍ ទី០១ ខែមិថុនា សីតុណ្ហភាពវាស់ដោយទែម៉ូម៉ែត្របានបានបុកឡើងខ្ពស់រហូតដល់ ៥០.៦អង្សាសេ នៅទីក្រុង Churu រដ្ឋវាលខ្សាច់ Rajasthan របស់ប្រទេស។ កន្លែងផ្សេងទៀតនៅទូទាំងរដ្ឋ Rajasthan បានទទួលរងនូវរលកកម្តៅក្តៅខ្លាំង ដោយទីប្រជុំជនមួយចំនួនមានសីតុណ្ហភាពខ្ពស់ជាង ៤៧អង្សាសេ ទៅទៀត។ នេះមិនមែនទើបតែលើកទី ១ ទេដែលប្រទេសនេះជួបបញ្ហារលកកម្តៅខ្លាំង សូម្បីកាលពីខែឧសភា ឆ្នាំ២០១៦ ក្រុង Phalodi របស់រដ្ឋ Rajasthan នេះមានសីតុណ្ហភាពខ្ពស់បំផុតជាកំណត់ត្រាមិនធ្លាប់មានរបស់ឥណ្ឌា ដោយមានកម្ដៅ ៥១អង្សាសេ។

យ៉ាងហើចណាស់មានអ្នកទេសចរកូរ៉េខាងត្បូងចំនួន ៧នាក់ បានស្លាប់និង ២១នាក់ ផ្សេងទៀតកំពុងបាត់ខ្លួន បន្ទាប់ពីទូកទេសចរណ៍មួយបានលិចនៅទន្លេ Danube ក្នុងរដ្ឋធានី Budapest ប្រទេសហុងគ្រី។ មុនពេលកើតហេតុអ្នកទេសចរកូរ៉េខាងត្បូងចំនួន ៣០នាក់ និងមគ្គុទ្ទេសក៍ទេសចរណ៍ ៣នាក់ ក៏ដូចជានាវិកជនជាតិហុងគ្រី ២នាក់ បានកំពុងជិះទូកទេសចរណ៍មួយ ប៉ុន្តែជាអកុសលទូកនេះក៏បានទៅបុកជាមួយនាវាមួយទៀត។ ហេតុការណ៍អកុសលនេះបានកើតឡើងនៅវេលាម៉ោង ២១ និង ០០ នាទី (ម៉ោងក្នុងប្រទេស) នៅថ្ងៃពុធ។ មនុស្ស ៧នាក់ ត្រូវបានគេជួយសង្គ្រោះ ហើយប្រតិបត្តិការរុករកដ៏ធំមួយក៏កំពុងបន្តនៅក្នុងទន្លេដ៏ធំមួយនេះ។ ភ្លៀងបាននាំឱ្យមានចរន្តទឹកខ្លាំងនៅទន្លេ Danube ហើយក្រុមជួយសង្គ្រោះនិយាយថា មានក្តីសង្ឃឹមតិចតួចក្នុងការស្វែងរកអ្នករស់រានមានជីវិត អាចនិយាយបានថា

កាលពីថ្ងៃព្រហស្បតិ៍ប្រធានាធិបតីអាមេរិកលោក Donald Trump បានប្រកាសពន្ធ ៥% លើការនាំចូលទំនិញពីម៉ិកស៊ិក ដែលការប្រកាសនេះជាវិធីសាស្ត្រមួយទៀតក្នុងកិច្ចខិតខំប្រឹងប្រែងរបស់លោក ដើម្បីទប់ស្កាត់លំហូរជនចំណាកស្រុកពីម៉ិកស៊ិកដែលឆ្លងកាត់ព្រំដែនសហរដ្ឋអាមេរិក។ លោក Donald Trump បានសរសេរនៅលើបណ្តាញ Twitter ថា៖ «នៅថ្ងៃ ទី១០ ខែមិថុនា សហរដ្ឋអាមេរិកនឹងដាក់ពន្ធ ៥% លើទំនិញទាំងអស់ពីម៉ិកស៊ិកដែលនាំចូលមកក្នុងប្រទេសរបស់យើង រហូតដល់ពេលដែលជនចំណាកស្រុកខុសច្បាប់របស់ម៉ិកស៊ិក ឈប់ចូលទៅក្នុងប្រទេសរបស់យើងទៀត» «ពន្ធគយនឹងកើនឡើងជាបន្តបន្ទាប់ រហូតទាល់តែបញ្ហាអន្តោប្រវេសន៍ខុសច្បាប់ត្រូវបានលុបបំបាត់ ទើបពន្ធគយទាំងនេះនឹងត្រូវបានលុបចោលទៅវិញ»។ ពន្ធនេះនឹងកើនឡើងដល់ ១០% ក្នុងខែកក្កដា ១៥% ក្នុងខែសីហា ២០% ក្នុងខែកញ្ញា និង ២៥%

ការរញ្ជួយដីកម្រិត ៦.៦រ៉ិចទ័រ បានវាយប្រហារឆ្នេររបស់ប្រទេសអែលសាវ៉ាឌ័រ (El Salvador) កាលពីថ្ងៃព្រហស្បតិ៍ នៅជិតរដ្ឋធានី San Salvador ។ ភ្នាក់ងារស៊ើបអង្កេតភូមិសាស្រ្តរបស់អាមេរិក USGS បាននិយាយថា ការរញ្ជួយដីបានវាយប្រហារចំងាយប្រហែល ៤០គីឡូម៉ែត្រ នៅភាគខាងត្បូងនៃរដ្ឋធានី ចេញពីជម្រៅ ៦៥គីឡូម៉ែត្រ។ ការព្រមានពីរលកស៊ូណាមីត្រូវបានប្រកាសឡើង ខណៈសាលារៀននៅតំបន់ឆ្នេរត្រូវបានបិទទ្វារចោល។ ការរញ្ជួយត្រូវបានគេរាយការណ៍ថា បានរាលដាលដល់បណ្តាប្រទេសជាច្រើនរួមមាន៖ ហ្គាតេម៉ាឡា ហុងឌូរ៉ាស និងនីការ៉ាហ្គ័រ។ យ៉ាងណាមិញនៅមិនទាន់មានសេចក្តីរាយការណ៍ភ្លាមៗអំពីការស្លាប់ និងរបួសក្នុងការការរញ្ជួយដីនេះនៅឡើយទេ។ អត្ថបទ៖ លីដា ប្រភព៖ CGTN