អ្នកជំនាញបានរកឃើញថា អ្នកបរិភោគរបបអាហារតាមបែបជប៉ុន ឬអាស៊ី ដែលភាគច្រើនបរិភោគបាយសជាគោល ភាគច្រើនគឺមិនសូវមានជំងឺធាត់ ដូចអ្នករស់នៅក្នុងប្រទេសដែលមិនសូវមានទម្លាប់បរិភោគបាយច្រើននោះទេ។ អ្នកស្រាវជ្រាវបាននិយាយថា របបអាហារដែលមានសារធាតុកាបូអ៊ីដ្រាតទាបដូចជាបាយស គឺជាយុទ្ធសាស្ត្រសម្រកទម្ងន់ដ៏មានប្រជាប្រិយចំពោះបណ្តាប្រទេសអភិវឌ្ឍន៍ ប៉ុន្តែឥទ្ធិពលរបស់អង្ករទៅលើការធាត់នៅតែមិនទាន់មានភាពច្បាស់លាស់។ នៅក្នុងការស្រាវជ្រាវនេះពួកគេបានតាមដានរបៀបនៃការប្រើប្រាស់អង្ករ (គិតជាក្រាម/ថ្ងៃ) របស់មនុស្សមកពី ១៣៦ប្រទេស ហើយពួកគេក៏បានមើលទៅលើទិន្នន័យនៃសន្ទស្សន៍ម៉ាសនៃរាងកាយ (BMI) ផងដែរ។ ក្នុងនោះពួកគេរកឃើញថា នៅក្នុងចក្រភពអង់គ្លេសប្រជាជនប្រើប្រាស់អង្ករតែ ១៩ក្រាម/ថ្ងៃ ដែលវាទៀបជាងនៅប្រទេសកាណាដា អេស្ប៉ាញ និងសហរដ្ឋអាមេរិកទៅទៀត។ អ្នកស្រាវជ្រាវក៏បានគណនាថា សូម្បីការប្រើប្រាស់អង្ករ ៥០ក្រាម/ថ្ងៃ (មនុស្សម្នាក់) អាចបន្ថយអត្រាកើតជំងឺធាត់របស់ពិភពលោកបានរហូតដល់ ១ ភាគរយឯណោះ។ សាស្រ្តាចារ្យ Tomoko Imai មកពីមហាវិទ្យាល័យ

Blind Spot Warning (BSW) ៖ មុខងារនេះអាចជួយមើលស្ថានភាពយានយន្ត ដែលនៅលើគន្លងផ្លូវអមសងខាងអ្នក (មិនថាខាងឆ្វេង ឬស្តាំ ដែលអ្នកមិនអាចឃើញផ្ទាល់) ហើយវានឹងរាយការណ៍ការព្រមានណាមួយមកកាន់លោកអ្នកតាមរយៈសំឡេង និងពន្លឺហ្វ្លាស់ (indicator light) នៅជាប់សរសរទ្វារយានយន្តរបស់អ្នក។ Intelligent Blind Spot Intervention® (i-BSI) ៖ មុខងារនេះអាចជួយមើលស្ថានភាពយានយន្ត ដែលនៅលើគន្លងផ្លូវអមសងខាងលោកអ្នក (មិនថាខាងឆ្វេង ឬស្តាំ ដែលអ្នកមិនអាចឃើញផ្ទាល់) ហើយវានឹងរាយការណ៍ការព្រមានជាសញ្ញាណាមួយមកកាន់អ្នកបើកបរ តាមរយៈអេក្រង់ Advanced Drive-Assist Display (ADAD)។ សម្រាប់ព័ត៌មានលំអិតទាក់ទងនឹងរថយន្ត Nissan

ថ្មីៗនេះរថយន្ត Bugatti ម៉ូដែល La Voiture Noire បានក្លាយជារថយន្តថ្លៃបំផុតនៅលើពិភពលោក ដែលវាមានតម្លៃរហូតដល់ជិត 19 លានដុល្លារអាមេរិក។ ដំបូងឡើយវាត្រូវបានគេគិតថា អតីតប្រធានក្រុម VW Group លោក Ferdinand Piech គឺជាអ្នកទិញ hypercar មួយនេះ ប៉ុន្ដែរបាយការណ៍ថ្មីដោយកាសែត Marca របស់អេស្ប៉ាញបានអះអាងថា ម្ចាស់ដ៏មានសំណាងរបស់វាគឺកំពូលកីឡាករបាល់ទាត់ Cristiano Ronaldo ។ យ៉ាងណាក៏ដោយ CR7 ក៏នៅតែត្រូវរង់ចាំរហូតដល់ ឆ្នាំ2021 ទើបបានជិះរថយន្ត Bugatti La

វីដេអូនៅក្នុង TikTok មួយកំពុងមានភាពល្បីល្បាញលើអ៊ីនធឺណេត ដោយក្នុងនោះវាបានបង្ហាញពិធីមង្គលការគូស្នេហ៍ថ្មីថ្មោងមួយគូយ៉ាងគួរឱ្យហួសចិត្ត។ នៅក្នុងវីដេអូនោះបានបង្ហាញពីពិធីមង្គលការតាមបែបប្រពៃណីមួយ ប៉ុន្តែអ្វីដែលធ្វើឱ្យគ្រប់គ្នាភ្ញាក់ផ្អើលនោះគឺខាងកូនកំលោះ គាត់មិនបានយកចិត្តទុកដាក់មើលមុខប្រពន្ធ ឬខ្វល់ជាមួយពិធីនោះទេ។ កូនកំលោះគាត់មិនបានខ្វល់ថា វាជាពិធីមង្គលដែលក្នុងជីវិតយើងរាល់គ្នាប្រាថ្នាចង់បាននោះទេ ដោយគាត់គិតតែលេងហ្គេម PUBG ចំណែកកូនក្រមុំដ៏ស្រស់ស្អាតរបស់គាត់បានត្រឹមតែពាក់មុខស្មើ។ ដូចដែលបានរាយការណ៍ដោយ India Express ប្រពន្ធរបស់គាត់ដែលអង្គុយនៅជិតគាត់មិនបាននិយាយអ្វីមួយម៉ាត់ឡើយ ហើយនាងបានត្រឹមតែមើលមុខអនាគតប្តីដែលកំពុងតែវក់ជាមួយ PUBG ។ កូនកំលោះហាក់ដូចជាមិនខ្វល់នឹងពិភពលោកខាងក្រៅឡើយ ដែលសូម្បីតែនៅពេលភ្ញៀវចូលរួមបានប្រគល់អំណោយដល់គាត់ ក៏គាត់គ្រាន់តែរុញវាចេញ ហើយធ្វើមុខដូចជាធុញនឹងមនុស្សជុំវិញខ្លួន។ ប៉ុន្តែយ៉ាងណាក៏ដោយវាមិនទាន់អាចសន្និដ្ឋានបានទេថា វីដេអូមួយនេះគឺជាការពិត ឬយ៉ាងណា ខណៈដូចយើងធ្លាប់ដឹងរួចមកហើយថា អ្នកលេង TikTok តែងមានគំនិតប្លែកៗ៕ អត្ថបទ៖ លីដា ប្រភព៖

ក្រុមអ្នកកាន់សាសនាហិណ្ឌូនិយមឥណ្ឌា ដែលបានចងសម្ព័ន្ធភាពជាមួយនាយករដ្ឋមន្ត្រី Narendra Modi បានអំពាវនាវឱ្យមានការហាមឃាត់ឈុត​​គ្រប​មុខ​ជិតរបស់ជនជាតិមូស្លីម បន្ទាប់ពីមានការវាយប្រហារពីក្រុម ISIS នៅចំថ្ងៃបុណ្យអ៊ីស្ទើ ក្នុងប្រទេសស្រីលង្កា។ ប្រទេសស្រីលង្កាបានដាក់ការហាមឃាត់នេះកាលពីថ្ងៃចន្ទ ដើម្បីជួយកងកម្លាំងសន្តិសុខកំណត់អត្តសញ្ញាណមនុស្ស បន្ទាប់ពីមានការបំផ្ទុះគ្រាប់បែកអត្តឃាតសម្លាប់មនុស្សអស់ច្រើនជាង ២៥០នាក់ និងរបួសរាប់រយនាក់។ ក្រុមសាសនាហិណ្ឌូប្រកាន់ខ្ជាប់យ៉ាងម៉ឺងម៉ាត់ថា ឈុត​​គ្រប​មុខ​ជិត burqas និង niqab (សម្រាប់ស្ត្រី) មិនទាក់ទងនឹងសាសនាអ៊ីស្លាមនោះទេ វាគ្រាន់តែជាការធ្វើតាមប្រពៃណីរបស់ប្រទេសអារ៉ាប់ ដែលស្ត្រីពាក់វានៅពេលចេញក្រៅ ដើម្បីការពារខ្លួនពីព្រះអាទិត្យ។ ប៉ុន្តែយ៉ាងណាមិញមេដឹកនាំមូស្លីមមួយចំនួនបាននិយាយថា ការហាមប្រាមលើឈុត burqa នឹងក្លាយជាការវាយប្រហារលើសេរីភាពស៊ីវិល ហើយការទាមទារមួយក៏កំពុងត្រូវបានធ្វើឡើងនៅពេលនេះ ខណៈមានស្ត្រីមូស្លីមសេរីបាននិយាយថា ឈុតទាំងនេះជាផ្នែកមួយនៃវប្បធម៌ដែលទប់ស្កាត់សេរីភាពរបស់ស្ត្រី៕ អត្ថបទ៖ លីដា ប្រភព៖

ថៃ៖ មនុស្សរាប់ពាន់នាក់បានចូលរួមយ៉ាងច្រើកុះករនៅវត្ត Thamai ក្នុងខេត្ត Samut Sakhon នៃភាគខាងលិចទីក្រុងបាងកក ដើម្បីញ៉ាំទុរេនចំនួន ៧តោន ដែលវត្តនេះបានរៀបចំសម្រាប់ពលករនៅទិវាពលកម្មអន្តរជាតិ។ នៅខាងក្រៅវត្តមានការកកស្ទះចរាចរមានចម្ងាយ ៣គីឡូម៉ែត្រ ខណៈដែលពិធីមួយត្រូវបានរៀបចំនៅម៉ោង ៩ព្រឹក ដើម្បីថ្វាយគុណូបការៈទៅដល់អតីតព្រះមហាក្សត្រថៃ Bhumibol Adulyadej (Rama IX) និងព្រះមហាក្សត្របច្ចុប្បន្ន Maha Vachiralongkorn ។ បន្ទាប់ពីពិធីសម្រាប់អតីតព្រះមហាក្សត្រថៃ និងមហាក្សត្រថ្មីនេះរួច ទុរេនដែលពុះរួចស្រេចរាប់ពាន់ថង់ និងអ្នកស្ម័គ្រចិត្តបានចែកផ្លែឈើបន្លែ និងអាហារសម្រន់ផ្សេងៗដល់អ្នកដែលចូលរួម ហើយមានអ្នកខ្លះបានមកដល់តាំងពីម៉ោង ៥ ព្រឹក។ យ៉ាងណាមិញទុរេនចំនួន ៧តោន ត្រូវបានគេឱ្យដឹងថា

ព្រះមហាក្សត្រថៃ Maha Vajiralongkorn បានតែងតាំងឧត្តមសេនីយ៍ Suthida Vajiralongkorn na Ayudhya ជាព្រះមហាក្សត្រត្រីយានីរបស់ទ្រង់ កាលពីថ្ងៃពុធម្សិលមិញនេះ។ ព្រះមហាក្សត្របានរៀបអភិសេកជាមួយឧត្តមសេនីយ៍ Suthida យ៉ាងស្របតាមច្បាប់ និងប្រពៃណី។ មហាក្សត្រត្រីយានីទ្រង់ប្រសូតនៅថ្ងៃទី ០៣ ខែមិថុនា ឆ្នាំ១៩៧៨ ទ្រង់ព្រះ Suthida ក៏ធ្លាប់ជាអតីតអ្នកបម្រើលើយន្តហោះរបស់ក្រុមហ៊ុនអាកាសចរណ៍ Thai Airways ។ ទ្រង់ព្រះ Suthida ត្រូវបានតែងតាំងជាមេបញ្ជាការឆ្មាំការពារព្រះបរមរាជវាំងឱ្យព្រះមហាក្សត្រ Maha Vajiralongkorn នៅខែសីហា ឆ្នាំ២០១៤។ បន្ទាប់មកទ្រង់ត្រូវបានគេតែងតាំងជាមេបញ្ជាការនៃអង្គភាពប្រតិបត្តិការពិសេស ហើយត្រូវបានតំឡើងឋានៈជាឧត្តមសេនីយ៍នៅថ្ងៃទី ១

ក្រុមហ៊ុន Netflix បានឱ្យដឹងកាលពីថ្ងៃអង្គារនេះថា ខ្លួនបានធានានូវសិទិ្ធបង្កើតខ្សែភាពយន្តប្រភេទ «miniseries» ស្តីពីការជួយសង្គ្រោះក្មេងប្រុសទាំង ១២នាក់ និងគ្រូបង្វឹកបាល់ទាត់របស់ពួកគេ ពីរូងភ្នំថាំហ្លួងនៅភាគខាងជើងប្រទេសថៃកាលពីឆ្នាំមុន ដែលវាធ្វើឱ្យមានការចាប់អារម្មណ៍ជាអន្តរជាតិ។ លោកស្រី Erika North ប្រធានក្រុមហ៊ុន Netflix បាននិយាយថា៖ «រឿងនេះរួមបញ្ចូលគ្នានូវភាពពិសេសជាលក្ខណៈក្នុងស្រុក និងជាសកល ដែលផ្សាភ្ជាប់មនុស្សពីគ្រប់ស្រទាប់មកពីគ្រប់ទិសទីនៅជុំវិញពិភពលោក»។ អ្នកស្រីបានបន្ថែមថា ប្រទេសថៃគឺជាទីផ្សារដ៏សំខាន់បំផុតរបស់ក្រុមហ៊ុន Netflix ហើយគាត់កំពុងទន្ទឹងរង់ចាំនាំយករឿងរ៉ាវដ៏មានភាពបំផុសគំនិតមួយនេះ មកធ្វើជាភាពយន្តឱ្យពិភពលោកបានដឹង។ គួររំលឹកផងដែរថា ក្រុមកីឡាបាល់ទាត់ «Wild Boars» ដែលជាក្រុមមានកុមារាអាយុចន្លោះពី ១១ ទៅ ១៦ឆ្នាំ និងគ្រូបង្វឹកវ័យ ២៥ឆ្នាំ

ព្រះចៅអធិរាជជប៉ុន Akihito ក្នុងថ្ងៃអង្គារនេះ បានចាប់ផ្តើមពិធីដាក់រាជ្យរបស់ព្រះអង្គ ដែលវាគឺជាលើកទីមួយហើយក្នុងរយៈពេល ២០០ឆ្នាំ សម្រាប់រាជាធិបតេយ្យដែលមានវ័យចំណាស់ជាងគេរបស់ពិភពលោកមួយនេះ។ ព្រះចៅអធិរាជ Akihito កំពុងនឹងប្រគល់រាជ្យបល្ល័ង្ក Chrysanthemum របស់ព្រះអង្គទៅឱ្យព្រះរាជបុត្រាច្បងរបស់ទ្រង់ គឺព្រះអង្គម្ចាស់ Naruhito មានព្រះជន្ម ៥៩វស្សា នៅក្នុងពិធីបុណ្យយ៉ាងឱឡារិក មុនការមកដល់នៃពិធីគ្រងរាជ្យបល្ល័ង្កជាផ្លូវការនៅថ្ងៃស្អែក (ថ្ងៃពុធ ទី០១ ខែឧសភា) ។ ពិធីនេះក៏នឹងជាកិច្ចបញ្ចប់នៃសម័យកាល «Heisei» ផងដែរ ដើម្បីនាំមកនូវសម័យកាលអធិរាជថ្មីមានឈ្មោះថា «Reiwa» ដែលមានន័យថា «ភាពសុខដុមដ៏ស្រស់ស្អាត» ដែលនឹងមានរយៈពេលពេញមួយរជ្ជកាលស្ដេចថ្មីអង្គនេះ។ ខណៈដែលហ្វូងមនុស្សបានចាប់ផ្តើមប្រមូលផ្ដុំគ្នាកាលពីព្រឹកថ្ងៃអង្គារ៍ ខាងក្រៅវិមានព្រះបរមរាជវាំងនៅចំកណ្តាលទីក្រុងតូក្យូ ព្រះចៅអធិរាជ Akihito

Lane Departure Warning (LDW) ៖ ប្រព័ន្ធនេះប្រើប្រាស់កាមេរ៉ាមួយដែលមានទីតាំងនៅពីក្រោយកញ្ចក់ផ្នែកខាងមុខ (ក្បាំងមុខ) របស់យានយន្ត ដើម្បីរកមើលសញ្ញាសំគាល់របស់ផ្លូវនៅនឹងមុខរថយន្ត ហើយនៅពេលដែលវារកឃើញថា យានយន្តរបស់លោកអ្នកកំពុងវេរចេញពីគន្លងផ្លូវ (current lane) វានឹងផ្តល់ជូននូវការព្រមានជារូបភាព និងសម្លេង ដែលអាចឱ្យលោកអ្នកបានទទួលនូវដំណឹងភ្លាមៗ។ Intelligent Lane Departure Intervention (i-LI) ៖ មុខងារនេះនឹងជួយដល់យានយន្តរបស់លោកអ្នក ឱ្យស្ថិតនៅលើគន្លងផ្លូវដដែល។ ប្រសិនបើយានយន្តរបស់លោកអ្នកបើកលយចេញពីគំនូសរបស់គន្លងផ្លូវ វានឹងបង្កើតកម្លាំងបង្វែរ ដើម្បីជួយឱ្យអ្នកបើកបរត្រឡប់យានយន្តទៅគន្លងផ្លូវ (lane) របស់ខ្លួនវិញ។ សម្រាប់ព័ត៌មានលំអិតទាក់ទងនឹងរថយន្ត Nissan គ្រប់ម៉ូដែល សូមទំនាក់ទំនងទៅកាន់គេហទំព័ររបស់ Nissan