យោងតាមការចុះផ្សាយរបស់សារពត៌មាន BBC បានឱ្យដឹងថា តុលាការរបស់ប្រទេសថៃ បានកាត់ទោសអ្នកតវ៉ាម្នាក់ឱ្យជាប់ពន្ធនាគាររយៈពេល ២ឆ្នាំ ពីបទប្រមាថព្រះមហាក្សត្រ ដោយការស្លៀកសំលៀកបំពាក់ប្រពៃណីនៅក្នុងបាតុកម្ម ដែលជាទង្វើគេមើលឃើញថា ជាការចំអកដល់ព្រះមហាក្សត្រីរបស់ថៃ។ កាលពីថ្ងៃច័ន្ទនេះ តុលាការព្រហ្មទណ្ឌបានកាត់ទោសលោក Jatuporn Saeoueng ហៅ New ដែលទើបតែមានអាយុ ២៣ឆ្នាំ ពីបទចូលរួមក្នុងកម្មវិធីបង្ហាញម៉ូដបែបចំអក នៅទីក្រុងបាងកក ក្នុងខែតុលា កាលពីឆ្នាំ២០២០ ខណៈព្រឹត្តិការណ៍នោះផ្ទាល់ គឺជាអំពាវនាវឱ្យមានកំណែទម្រង់របបរាជានិយមរបស់ប្រទេសថៃ។ ក្រុមបាតុករប្រឆាំងរដ្ឋាភិបាលរាប់ពាន់នាក់បានពេញផ្លូវក្នុងប្រទេសថៃ បន្ទាប់ពីខែកក្កដា ឆ្នាំ២០២០ ដោយទាមទារឱ្យនាយករដ្ឋមន្ត្រីលោក ប្រាយុទ្ធ ចាន់អូចា ដែលឡើងកាន់អំណាចក្រោយដឹកនាំរដ្ឋប្រហារកាលពីឆ្នាំ២០១៤ ត្រូវតែចុះចេញពីតំណែង។ មនុស្សមួយចំនួនក៏បានរិះគន់របបរាជានិយម ចំពេលមានស្ថានភាពធ្ងន់ធ្ងរកំឡុងពេលមានវិបត្តិជំងឺរាតត្បាត COVID-19

ក្រសួងយុត្តិធម៌របស់ប្រទេសជប៉ុនបានបញ្ជូនក្រុមព្រះរាជអាជ្ញា ទៅកាន់តុលាការឧក្រិដ្ឋកម្មអន្តរជាតិ ICC ដើម្បីជួយស៊ើបអង្កេតឧក្រិដ្ឋកម្មសង្គ្រាម ដែលត្រូវបានចោទប្រកាន់នៅក្នុងប្រទេសអ៊ុយក្រែន។ រដ្ឋមន្ត្រីក្រសួងយុត្តិធម៌ លោក Hanashi Yasuhiro បានប្រាប់អ្នកសារព័ត៌មានកាលពីថ្ងៃអង្គារនេះថា ក្រសួងរបស់លោកបានបញ្ជូនព្រះរាជអាជ្ញាចំនួន ២នាក់ ទៅតុលាការ ICC នៅទីក្រុងឡាអេ នៅរដូវក្តៅនេះ។ លោក Hanashi Yasuhiro ​បាន​បន្ថែម​ថា ជប៉ុន​បាន​បញ្ជូន​អ្នក​ច្បាប់​ទៅ​ពង្រឹង​កិច្ច​សហប្រតិបត្តិការ​របស់​ខ្លួន។ លោក​ថា ICC មាន​តួនាទី​រក្សា​ក្នុង​ការ​ពង្រឹង​សណ្តាប់ធ្នាប់​អន្តរជាតិ​ ដោយ​ផ្អែក​លើ​នីតិរដ្ឋ។ ប្រទេសជប៉ុនក៏បានបង់ប្រាក់ជាមុន សម្រាប់ការរួមចំណែករបស់ខ្លួនដល់ ICC ដើម្បីគាំទ្រដល់ការស៊ើបអង្កេតរបស់តុលាការលើឧក្រិដ្ឋកម្មសង្គ្រាម និងឧក្រិដ្ឋកម្មប្រឆាំងមនុស្សជាតិ ដែលត្រូវបានចោទប្រកាន់ថា បានកើតឡើងបន្ទាប់ពីការលុកលុយរបស់រុស្ស៊ីលើអ៊ុយក្រែនបានចាប់ផ្តើម៕ អត្ថបទ៖ លីដា ប្រភព៖ NHK

នាយកដ្ឋានសុខភាពសាធារណៈរបស់ទីក្រុង Los Angeles កាលពីថ្ងៃចន្ទ ទី១២ ខែកញ្ញា ឆ្នាំ២០២២ បានប្រកាសថា ខ្លួនបានបញ្ជាក់ពីការស្លាប់ដំបូង ដោយសារជំងឺអុតស្វា monkeypox ដោយនិយាយថា បុគ្គលនោះមានស្ថានភាពជំងឺធ្ងន់ធ្ងរ ហើយត្រូវបានបញ្ជូនទៅមន្ទីរពេទ្យ។ នាយកដ្ឋានបានអះអាងពីការស្លាប់នេះនៅក្នុង Los Angeles ខោនធី ខណៈមជ្ឈមណ្ឌលគ្រប់គ្រង និងការពារជំងឺ ដែលមិនបានឆ្លើយតបភ្លាមៗ ចំពោះសំណើសុំការអត្ថាធិប្បាយនោះទេ។ មន្ត្រីសុខាភិបាលបាននិយាយថា ជំងឺអុតស្វាកម្រនឹងស្លាប់ណាស់ ប៉ុន្តែអ្នកដែលមានប្រព័ន្ធការពាររាងកាយចុះខ្សោយ អាចងាយនឹងឈឺធ្ងន់ ឬឈានដល់ស្លាប់។ នរណាក៏ដោយក៏អាចឆ្លងជំងឺអុតស្វា ដែលវាឆ្លងតាមរយៈការទំនាក់ទំនងជិតស្និទ្ធជាមួយអ្នកឆ្លង។ យោងតាម ​​CDC បានឱ្យដឹងថា ស្ទើរតែទាំងអស់នៃករណីជំងឺអុតស្វាច្រើនជាង ២១,៩៨៥ ករណី នៅសហរដ្ឋអាមេរិក

នាយករដ្ឋមន្ត្រីលោកស្រី Jacinda Ardern បាននិយាយកាលពីថ្ងៃចន្ទថា នូវែលសេឡង់នឹងមិនទាន់ចាត់វិធានការណាមួយ ដើម្បីក្លាយខ្លួនជាសាធារណរដ្ឋ ក្រោយពីការសោយទីវង្គត់របស់ម្ចាស់ក្សត្រី Elizabeth នោះទេ បើទោះបីជាលោកស្រីរំពឹងថា ប្រទេសរបស់គាត់នឹងក្លាយជាសាធារណរដ្ឋនៅពេលណាមួយក៏ដោយ។ លោកស្រី Ardern បានប្រាប់អ្នកយកព័ត៌មានថា៖«ខ្ញុំមិនប្រញាប់ប្រញាល់នោះទេ។ មានបញ្ហាប្រឈមជាច្រើនដែលយើងប្រឈមមុខ។ នេះគឺជាការជជែកវែកញែកដ៏សំខាន់។ ខ្ញុំមិនគិតថា វាជារឿងមួយដែលនឹងកើតឡើង ឬគួរតែកើតឡើងក្នុងពេលឆាប់ៗនេះទេ»។ គួរឱ្យដឹងដែរថា នូវែលសេឡង់ គឺជាអាណាចក្រមួយក្នុងចំណោម ១៥ អាណាចក្រ ដែលរាប់ស្តេចអង់គ្លេសជាប្រមុខរដ្ឋ រួមទាំងប្រទេសអូស្ត្រាលី និងកាណាដា ទោះបីជាតួនាទីនេះភាគច្រើនគ្រាន់តែជាតំណាងក៏ដោយ។ ប៉ុន្តែក៏មានការជជែកដេញដោលមួយរយៈក្រោយនេះមកថា តើនូវែលសេឡង់គួរតែក្លាយជាសាធារណៈរដ្ឋ ដោយមានពលរដ្ឋជាប្រមុខរដ្ឋ ឬយ៉ាងណា។ លោកស្រី Ardern

ប្រទេសរុស្ស៊ី​បាន​បញ្ជាក់​ជាថ្មី​ពី​ការ​តាំងចិត្ត​របស់ខ្លួន ​ក្នុងការ​បន្ត​ប្រតិបត្តិការ​យោធា​ក្នុង​ប្រទេស​អ៊ុយក្រែន បើទោះបីជា​មានការ​ដកថយ​នាពេល​ថ្មីៗ​នេះ ​នៅក្នុង​តំបន់ Kharkiv ភាគ​ខាងកើតប្រទេស​អ៊ុយក្រែន​ក៏ដោយ។ អ្នកនាំពាក្យវិមានក្រឹមឡាំង លោក Dmitry Peskov បាននិយាយកាលពីថ្ងៃចន្ទថា ប្រតិបត្តិការយោធានឹងបន្តរហូតដល់គោលដៅទាំងអស់ត្រូវបានសម្រេច។ វិទ្យាស្ថាន​សិក្សា​អំពី​សង្គ្រាម​នៅ​សហរដ្ឋ​អាមេរិក​និយាយ​ថា​ តំបន់​ Kharkiv ភាគ​ច្រើន​ពេលនេះ ស្ថិត​ក្រោម​ការ​គ្រប់​គ្រង​របស់​អ៊ុយក្រែនវិញ។ វាក៏និយាយផងដែរថា ប្រជាជនអ៊ុយក្រែនបានកាន់កាប់ទីក្រុង Izyum មកវិញ ដែលជាចំណុចយុទ្ធសាស្ត្រនៅ Kharkov សម្រាប់ផ្លូវផ្គត់ផ្គង់របស់រុស្ស៊ីទៅកាន់ជួរមុខ។ ក្រសួងការពារជាតិរុស្ស៊ីបានប្រកាសមុននេះថា កងទ័ពរបស់ខ្លួននឹងត្រូវរំសាយឡើងវិញចាប់ពីក្រុង Izyum ។ ការផ្លាស់ប្តូរនេះត្រូវបានគេមើលឃើញយ៉ាងទូលំទូលាយថា ជាការប្រកាសដកខ្លួនចេញពីទីក្រុងនោះ។ សមាជិកជាន់ខ្ពស់នៃក្រុមបំបែកខ្លួនគាំទ្ររុស្ស៊ី នៅទីក្រុង Kharkiv បានប្រាប់ទូរទស្សន៍រដ្ឋរុស្ស៊ីថា

រដ្ឋាភិបាលជប៉ុនបានបង្ហាញពីផែនការពង្រីកទំហំនៃការកែច្នៃ និងប្រើប្រាស់ឡើងវិញនៅក្នុងប្រទេស ដែលនេះគឺជាផ្នែកមួយនៃគោលដៅរបស់ខ្លួន ដើម្បីសម្រេចបាននូវសង្គមគ្មានកាបូននៅឆ្នាំ២០៥០។ ផែនទីបង្ហាញផ្លូវរបស់រដ្ឋាភិបាល ក៏រួមមានផែនការបង្កើនទ្វេដងនៃបរិមាណសំណល់ និងលោហៈផ្សេងទៀត ដែលបានមកពីបន្ទះស្រូបពន្លឺព្រះអាទិត្យដែលគេប្រើប្រាស់រួច និងផលិតផលអេឡិចត្រូនិក ឱ្យបាននៅត្រឹមឆ្នាំ២០៣០។ យុទ្ធសាស្ត្រនេះក៏មានគោលបំណងបង្កើនទ្វេដងនៃបរិមាណប្លាស្ទិក ដែលបានកែច្នៃឡើងវិញផងដែរ។ ក្រសួងបរិស្ថានសង្ឃឹមថា នឹងពង្រីកទំហំទីផ្សារកែច្នៃ និងប្រើប្រាស់ឡើងវិញដល់ជាង ៥៦០ ពាន់លានដុល្លារ ខណៈបច្ចុប្បន្នវាមានតម្លៃប្រហែល ៦០% នៃចំនួននោះ។ វាក៏រួមបញ្ចូលផងដែរ នូវគោលដៅកាត់បន្ថយកាកសំណល់អាហារលើសពី ១ លានតោន ហើយក្រសួង​គ្រោង​នឹង​សម្រេច​បាន​នូវ​កម្មវិធី​ជំរុញ​អាហារ​សម្រាប់​អ្នក​ខ្វះខាត។ វាក៏នឹងជំរុញការប្រើប្រាស់កាកសំណល់ ដើម្បីផលិតឥន្ធនៈប្រកបដោយនិរន្តរភាពផងដែរ។ រដ្ឋាភិបាលប៉ាន់ប្រមាណថា កិច្ចខិតខំប្រឹងប្រែងបែបនេះនឹងកាត់បន្ថយការបំភាយឧស្ម័នផ្ទះកញ្ចក់ក្នុងស្រុកប្រហែល ៣៦% ៕ អត្ថបទ៖ លីដា ប្រភព៖

ការដាច់ភ្លើងទ្រង់ទ្រាយធំមួយ បានវាយប្រហារភាគខាងកើតអ៊ុយក្រែន បន្ទាប់ពីកងកម្លាំងរុស្ស៊ីបានបាញ់ផ្លោងមីស៊ីល លើរោងចក្រថាមពលកម្ដៅ និងកន្លែងផ្គត់ផ្គង់ទឹក នៅក្នុងតំបន់ Kharkov ។ មន្ត្រីអ៊ុយក្រែនបាននិយាយថា ការវាយប្រហារបានកើតឡើងកាលពីថ្ងៃអាទិត្យ ដែលបណ្តាលឱ្យមានការដាច់ភ្លើងយ៉ាងទូលំទូលាយនៅជុំវិញតំបន់ Kharkiv និង Donetsk ។ អភិបាលក្រុង Kharkiv បាននិយាយថា រុស្ស៊ីបានទម្លាក់មីស៊ីលនៅក្នុងការវាយប្រហារ «សងសឹក» នៅពេលដែលកងកម្លាំងអ៊ុយក្រែន ដណ្តើមបានទឹកដីមួយចំនួននៅភាគខាងកើតអ៊ុយក្រែនឡើងវិញ។ ប្រធានាធិបតីអ៊ុយក្រែនលោក Volodymyr Zelenskyy បានបរិហាររុស្ស៊ីនៅក្នុងសារមួយ ដែលបានបង្ហោះនៅលើប្រព័ន្ធផ្សព្វផ្សាយសង្គមថា៖«ភេរវកររុស្ស៊ី … វាយប្រហារហេដ្ឋារចនាសម្ព័ន្ធសំខាន់ៗ»។ គាត់បានបន្តថា៖«គោលដៅរបស់ពួកគេ គឺដើម្បីឱ្យពលរដ្ឋអត់អគ្គិសនី ជំនួសឱ្យការផ្តោតទៅលើទីតាំងយោធា»៕ អត្ថបទ៖ លីដា

ជាធម្មតាយើងគ្រប់គ្នាបានដឹងហើយថា លេខ 911 គឺជាលេខសម្រាប់ការហៅទូរសព្ទបន្ទាន់នៅសហរដ្ឋអាមេរិក ដូចជាការរាយការណ៍អំពីឧក្រិដ្ឋកម្ម ករណីអគ្គីភ័យ ឬការស្នើសុំរថយន្តសង្គ្រោះបន្ទាន់ជាដើម។ លេខ 911 មិនត្រឹមតែជាលេខសុំជំនួយបន្ទាន់ សម្រាប់ការហៅនៅប្រទេស ឬតំបន់ណាមួយនោះទេ គឺវាត្រូវបានគេប្រើប្រាស់ជាសកលនៅគ្រប់ទីកន្លែងទាំងអស់។ យ៉ាងណាក៏ដោយតើអ្នកដឹងទេថា តើលេខ 911 មានប្រភពមកពីណា? ហើយវាចាប់ផ្ដើមក្លាយជាលេខសង្គ្រោះបន្ទាន់ជាសកលតាំងពីឆ្នាំណាមក? កាលពីឆ្នាំ១៩៦៨ នៅមុនពេលដែលលេខ «911» ត្រូវបានគេណែនាំឱ្យប្រើប្រាស់ជាសកល ប្រទេសនានានៅលើពិភពលោកយើងនេះ មិនមានលេខច្បាស់លាស់ណាមួយ សម្រាប់ការទាក់ទងក្នុងគ្រាមានអាសន្ននោះទេ។ ពោលគឺប្រសិនបើមានមនុស្សស្វែងរកការសង្គ្រោះពីមន្ទីរពេទ្យ ឬការរាយការណ៍ទៅប៉ូលីស ពួកគេត្រូវទាក់ទងទៅលេខទូរសព្ទរបស់មន្ទីរពេទ្យ ឬប៉ូលីសនៅក្នុងតំបន់របស់ពួកគេ ហើយលេខទាំងនោះសុទ្ធតែជាលេខខុសៗគ្នាមិនងាយស្រួលក្នុងការចងចាំនោះទេ។ សហរដ្ឋអាមេរិក មានលេខទូរស័ព្ទសង្គ្រោះបន្ទាន់ទូទាំងប្រទេសនៅឆ្នាំ១៩៥៧ នៅពេលដែលប្រធានសមាគមនៃអគ្គីភ័យជាតិ បានណែនាំឱ្យប្រើលេខ

អាមេរិក៖ យោងតាមទីភ្នាក់ងារព័ត៌មានចិនស៊ិនហួ កាលពីពេលថ្មីៗកន្លងទៅនេះ បានឲ្យដឹងថា តាមរយៈមជ្ឈមណ្ឌលគ្រប់គ្រង និងការពារជំងឺរបស់សហរដ្ឋអាមេរិក ឬហៅកាត់ថា (CDC) ដោយអាជ្ញាធរអាមេរិកបានបញ្ជាក់អំពី ចំនួនសរុបនៃករណីជំងឺអុតស្វាដែលមានរហូតដល់ទៅ ២១,០០០ ករណី គិតត្រឹមថ្ងៃច័ន្ទ ទី១២ ខែកញ្ញានេះ ហើយរដ្ឋដែលមានករណីឆ្លងច្រើនជាងគេគឺ រដ្ឋកាលីហ្វ័រញ៉ា មានចំនួន ៤,៣០០ករណី ហើយទី២ គឺទីក្រុងញូវយ៉ក មាន ៣,៥១៩ករណី និងទី៣រដ្ឋផ្លរីដាចំនួន ២,១៩៣ ករណី។ ចំណែកគណៈកម្មាធិការប្រតិបត្តិដឹកនាំដោយប្រធានាធិបតីសហរដ្ឋអាមេរិកលោក Joe Biden កំពុង​ប្រឈម​នឹង​ការ​រិះគន់​ជុំវិញ​ការ​ដោះស្រាយ​ជំងឺ​នេះ ដោយរាប់បញ្ចូលទាំងការខកខានក្នុងការបញ្ជាទិញវ៉ាក់សាំងអោយបានគ្រប់គ្រាន់ ការព្យាបាលរហ័ស និងការពិនិត្យជំងឺពេញលេញ ដើម្បីបញ្ចប់ការរាតត្បាតនៃជំងឺអុតស្វានេះ។

យោងតាមកាសែត New York Times បានរាយការណ៍នៅថ្ងៃទី១០ ខែកញ្ញា អំពីស្ថានភាពគ្រោះមហន្តរាយនៅក្នុង រដ្ឋកាលីហ្វ័រញ៉ា សហរដ្ឋអាមេរិក ដែលក្រុមអ្នកពន្លត់អគ្គីភ័យកំពុងចល័តដើម្បីពន្លត់ភ្លើងឆេះព្រៃ “Fire Fairville” នៅជិតទីក្រុង Hemet នាតំបន់មាត់ទន្លេ (Riverside) បន្ទាប់ពីមានការផ្ទុះមួយបានកើតឡើងចាប់តាំងពីថ្ងៃទី ៥ ខែកញ្ញា ដែលបានដុតបំផ្លាញផ្ទៃដីជិត ៧០,០០០ រ៉ៃក្នុងរយៈពេលបីថ្ងៃមកនេះ ដោយមានមនុស្សពីរនាក់បានស្លាប់ ហើយអាជ្ញាធរបានប្រកាសពង្រីកតំបន់ជម្លៀសដល់មនុស្សជាង ២០,០០០នាក់។ នេះបើយោងតាមកងកម្លាំងពន្លត់អគ្គីភ័យនៅរដ្ឋកាលីហ្វ័រញ៉ា បាននិយាយថា៖ កម្លាំងពន្លត់អគ្គីភ័យ នៃភ្លើង Fairville ទើបបានពន្លត់ចំនួន ៥% តែប៉ុណ្ណោះបើធៀបនឹងទំហំនៃការឆេះទាំងស្រុង ព្រមទាំងបានលើហេតុផងថា