ចិន៖ ​ប្រទេសចិនបានអះអាងថា អាមេរិកបានប្រើប្រាស់កុំព្យូទ័រខ្លួនដើម្បីធ្វើការវាយប្រហារតាមបណ្តាញអ៊ីនធឺណិតក្នុងប្រទេសរុស្ស៊ី អ៊ុយក្រែន និងបេឡារុស្ស នេះបើយោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ ដោយបានស្រង់យកខ្លឹមសារទាំងពីស្រុងពីបណ្តាញសារព័ត៌មានរដ្ឋចិនស៊ីនហួរ កាលពីថ្ងៃសុក្រ ទី១១ ខែមីនាម្សិលមិញនេះ។ បើតាមក្រុមបច្ចេកទេសឆ្លើយតបបន្ទាន់បណ្តាញកុំព្យូទ័រជាតិនិងមជ្ឈមណ្ឌលសម្របសម្រួលនៃប្រទេសចិនបានបញ្ជាក់ថា គឺចាប់តាំងពីខែកុម្ភៈមកចិនបានទទួលរងនូវការវាយប្រហារតាមបណ្តាញអ៊ីនធឺណិតជាបន្តបន្ទាប់ ហើយក្រោយពីការពិនិត្យរួចគេបានរកឃើញថា ការវាយប្រហារនោះបានបង្កឡើងដោយកុំព្យូទ័រចេញពីសហរដ្ឋអាមេរិក។ ស្ថាប័នកំពូលរបស់ចិនខាងនេះបានបន្តថា ក្រោយពីបានវាយប្រហារនិងចូលគ្រប់គ្រងលើបណ្តាញកុំព្យូររបស់ខ្លួនហើយគឺអាមេរិកបានបន្តប្រើប្រាស់បណ្តាញកុំព្យូទ័រចិនទៅវាយប្រហារចូលក្នុងបណ្តាញកុំព្យូទ័រនៅក្នុងប្រទេសអ៊ុយក្រែន រុស្ស៊ី និងបេឡារុស្សជាបន្តទៀត។ ស្ថានភាពនេះត្រូវបានក្រុមអ្នកជំនាញចិនហៅថា គឺជាការខ្ចីដៃមនុស្សប្រើ  ពោលគឺអាមេរិកបានលួចប្រើប្រាស់បណ្តាញកុំព្យូទ័រចិនដើម្បីស៊ើបការឬធ្វើការវាយប្រហារតាមរូបភាពណាមួយដើម្បីផលប្រយោជន៍របស់ខ្លួន តែបានទម្លាក់កំហុសនេះទៅឲ្យចិនជាអ្នកទទួលជំនួស។ យ៉ាងណាក្តី រហូតមកទល់នឹងពេលនេះភាគីចិននៅមិនបានបញ្ជាក់ឲ្យច្បាស់ទេថា ការវាយប្រហារតាមអ៊ីនធឺណិតពីសំណាក់អាមេរិកនេះបានបង្កផលប៉ះពាល់អ្វីខ្លះសម្រាប់ចិន ហើយចិនក៏មិនបានបញ្ជាក់ថានឹងចាត់វិធានការយ៉ាងដូចម្តេចដើម្បីឆ្លើយតបទៅកាន់អាមេរិកវិញនោះទេ៕ អត្ថបទ៖ ភក្តី ប្រភព៖ បាងកកប៉ុស្តិ៍

អ៊ុយក្រែន៖ អភិបាលរដ្ឋធានីកៀវនៃប្រទេសអ៊ុយក្រែននិងជាអតីតកំពូលកីឡាប្រដាល់ទម្ងន់ធ្ងន់គឺលោក Vitali Klitschko បានឲ្យដឹងកាលពីថ្ងៃសុក្រ ទី១១ ខែមីនា ម្សិលមិញនេះថា គិតត្រឹមពេលនេះគឺមានប្រជាពលរដ្ឋប្រមាណជា ២លាននាក់ដែលកំពុងស្នាក់នៅក្នុងទីក្រុងកៀ​វ ក្រោយពួកគេត្រូវបានរារាំងដោយកងកម្លាំងរុស្ស៊ីមិនឲ្យចេញទៅណារួច។ លោកអភិបាលក្រុងរូបនេះបានបន្តថា តាមធម្មតាគឺទីក្រុងកៀវមានពលរដ្ឋសរុបប្រមាណជា ៣,៥លាននាក់ ហើយរដ្ឋបាលក្រុងមានស្បៀងអាហារសម្រាប់ផ្គត់ផ្គង់ពលរដ្ឋទាំងអស់ក្នុងរយៈពេលយ៉ាងតិចណាស់ ២សប្តាហ៍។ លោក Vitali Klitschko បានបញ្ជាប់ប្រាប់អ្នកសារព័ត៌មានថា៖ “យើងមានអគ្គិសនី មានហ្គាស ទឹក និងអាហារសម្រាប់ពលរដ្ឋយើងយ៉ាងតិចណាស់ក៏ ២សប្តាហ៍ទៀតដែរ ហើយពេលនេះបណ្តាញផ្គត់ផ្គង់ទាំងក្នុងក្រុងនិងពីក្រៅក្រុងបានបើកគ្រប់ទីកន្លែងហើយដើម្បីធានានូវការផ្គត់ផ្គង់ជូនពលរដ្ឋមិនឲ្យដាច់ស្បៀងនោះទេ”។​ លោកក៏បានឲ្យដឹងផងដែរថា ពេលនេះមានពលរដ្ឋចំនួនដែលបានរត់ចេញពីទីក្រុងក្រៀវរួចហើយ ក៏កំពុងធ្វើដំណើរត្រលប់មកវិញផងដែរ គឺពួកគេមកជួយការពារទីក្រុងនិងស័្មគ្រចិត្តរស់នៅក្នុងទីក្រុងមួយនេះរហូតដល់សង្គ្រាមត្រូវបានបញ្ចប់៕ អត្ថបទ៖ ភក្តី ប្រភព៖ Channel

ជប៉ុន៖ ផេះមួយប្រភេទដែលបានភាយចេញពីបំផ្ទុះភ្នំភ្លើងត្រូវបានអាជ្ញាធរជប៉ុនយកទៅកែច្នៃប្រើប្រាស់បានយ៉ាងមានប្រសិទ្ធបំផុត ខណៈដែលមនុស្សជាច្រើនតែងគិតថាផេះប្រភេទនេះគ្មានប្រយោជន៍នោះទេហើយក៏មិនដែលចាប់អារម្មណ៍យកវាមកសាកល្បងប្រើប្រាស់ដែរ។ យោងតាមគណនី Facebook រដ្ឋភិបាលជប៉ុនបានបញ្ជាក់ថា ផេះដែលគេកំពុងយកទៅប្រើប្រាស់យ៉ាងមានសក្តានុពលនេះត្រូវបានគេហៅថា “Shirasu”  ហើយគិតត្រឹមពេលនេះផេះប្រភេទនេះត្រូវបានគេប្រើប្រាស់នៅលើតំបន់ដីគោកក្នុងទីក្រុង Kagoshima នៃប្រទេសជប៉ុនប្រហែលជា ៦០%ទៅហើយ។ ប្រភពខាងលើបានបន្តថា តាមធម្មជាតិផេះ “Shirasu” ជាប្រភេទដីស្តើង ផ្តល់ផលិតផលទាប តែនៅពេលដែលគេយកវាទៅកែច្នៃជាដុំបេតុងមួយប្រភេទគឺវាបានក្លាយជាដីដែលមានអំណោយផលបំផុតសម្រាប់ដំណាំស្មៅ ជាពិសេសប្រភេទស្មៅសម្រាប់ដាំលម្អតាមសួនក្នុងទីក្រុង។ គួររម្លឹកជូនថា ផេះ “Shirasu” ត្រូវបានអាជ្ញាធរជប៉ុនប្រើប្រាស់ក្នុងគម្រោងបៃតងក្នុងទីក្រុង Kagoshima ចាប់តាំងពីឆ្នាំ ២០០៦ មកម្លេះទើបរហូតមកទល់នឹងពេលនេះវាបានគ្របដណ្តប់លើផ្ទៃដីគោកក្នុងទីក្រុងសំខាន់មួយរហូតដល់ ៦០%៕ អត្ថបទ៖ ភក្តី ប្រភព៖ The Government of Japan

យោងតាមការចុះផ្សាយរបស់បណ្តាញសារព័ត៌មាន Mac Rumors បានឲ្យដឹងថា App Store‌ និង iTunes Store បានសម្រេចបិទមិនអនុញ្ញាតឲ្យអ្នកប្រើប្រាស់អាចទិញកម្មវិធីផ្សេងៗដោយប្រើកាតធនាគាររុស្ស៊ីនោះទេ ដោយធនាគារទាំងមានរួមបញ្ជូលទាំងធនាគារកម្រិតអន្តរជាតិរបស់រុស្ស៊ីមួយចំនួនផងដែរដូច ធនាគារ Alfa-Bank, ធនាគារ Sber និង ធនាគារ Tinkoff ជាដើម។ ការសម្រេចនេះគឺជាសារមួយបង្ហាញថា App Store‌ និង iTunes Store មិនគាំទ្រចំពោះសង្គ្រាមរុស្ស៊ីនោះទេ និងជាការបញ្ជាក់ថាការឈ្លានពានរបស់កងកម្លាំងរុស្ស៊ីនៅលើទឹកដីងអ៊ុយក្រែនគឺជារឿងខុសឆ្គងធ្ងន់ធ្ងរបំផុត។ គួរបញ្ជាក់ថា ការសម្រេចរបស់ App Store‌ និង iTunes Store

ក្រុមហ៊ុន Meta នឹងអនុញ្ញាតឲ្យអ្នកប្រើប្រាស់បណ្តាញសង្គម Facebook និង Instagram នៅក្នុងប្រទេសមួយចំនួនអាចបង្ហោះសារអំពាវនាវឲ្យមានអំពើហឹង្សាប្រឆាំងប្រទេសរុស្ស៊ីនិងកងទ័ពរុស្ស៊ីបាន  នេះបើយោងតាមការចុះផ្សាយនៅក្នុងបណ្តាញសារព័ត៌មាន Channel News Asia ដែលបានចុះផ្សាយនៅព្រឹកថ្ងៃសុក្រ ទី១១ ខែមីនានេះ។ ការអនុញ្ញាតនេះនឹងត្រូវបានធ្វើឡើងតែក្នុងរយៈពេលខ្លីនិងត្រូវធ្វើឡើងដោយផ្អែកតែលើបរិបទរុស្ស៊ីឈ្លានពានអ៊ុយក្រែនប៉ុណ្ណោះ ខណៈតាមធម្មតាក្រុមហ៊ុន Meta មានគោលការណ៍ដាច់ខាតមួយគឺមិនអនុញ្ញាតឲ្យអ្នកប្រើប្រាស់បណ្តាញសង្គមរបស់ខ្លួនអាចបង្ហោះសារដែលមានលក្ខណៈញុះញង់ឲ្យមានអំពើហឹង្សាជាសាធារណៈនោះទេ។ ប្រភពខាងលើបានបន្តថា ការអនុញ្ញាតនេះនឹងត្រូវបានធ្វើឡើងសម្រាប់តែនៅក្នុងប្រទេសអ៊ុយក្រែន រុស្ស៊ី និងប៉ូឡូញ ហើយខ្លឹមសារនៃសារដែលក្រុមហ៊ុន Meta នឹងអនុញ្ញាតឲ្យបង្ហោះនោះអាចមានដល់ការអំពាវនាវសម្រាប់ការស្លាប់របស់លោកប្រធានាធិបតីរុស្ស៊ី Vladimir Putin  និងលោកប្រធានាធបិតីបេឡារុស្ស Alexander Lukashenko ទៀតផង។ តែយ៉ាណាក្តី ការបង្ហោះសារដែលមានខ្លឹមសាររហូតដល់ការស្លាប់នេះត្រូវបានអនុញ្ញាតដោយភ្ជាប់ជាមួយនិងលក្ខខណ្ឌមួយចំនួនដូចជា គោលដៅច្បាស់លាស់ ទីតាំងច្បាស់លាស់

អង្គការសុខភាពពិភពលោកកាលពីថ្ងៃពុធ ទី៩ ខែមីនាម្សិលមិញនេះបានប្រកាសសាជាថ្មីថា បើទោះជាជំងឺកូវីដ-១៩ បានបន្តរាតត្បាតអស់រយៈ ២ឆ្នាំមកហើយក្តី តែគិតត្រឹមពេលនេះគឺកូវីដ-១៩ ហាក់នៅឆ្ងាយពីបញ្ចប់ណាស់ ឬអាចនិយាយដោយងាយថា កូវីដ-១៩នឹងត្រូវអូសបន្លាយក្នុងរយៈពេលយ៉ាងយូរទៀតដោយមិនដឹកបញ្ចប់ទៅពេលណានោះទេ។ គួររម្លឹកជូនថា អគ្គនាយកអង្គការសុខភាពពិភពលោកគឺលោក Tedros Adhanom Ghebreyesus បានប្រកាសទទួលស្គាល់ថា កូវីដ-១៩ជាប្រភេទជំងឺរាតត្បាតកាចសាហាវ នៅថ្ងៃទី ១១ ខែមីនា ឆ្នាំ ២០២០កន្លងមក ហើយបើគិតត្រឹមថ្ងៃសុក្រ ទី១១ ខែមីនាស្អែកនេះគឺវាមានរយៈពេល ២ឆ្នាំពេញតែម្តង។ លោក Tedros Adhanom Ghebreyesu គួរបញ្ជាក់ជូនថា គិតត្រឹមពេលនេះគឺពិភពលោកទាំងមូលបានរកឃើញអ្នកឆ្លងជំងឺកូវីដ-១៩ សរុបជាង ៤៥១លាននាក់

មូលនិធិរូបិយវត្ថុអន្តរជាតិ (IMF) បានឲ្យដឹងកាលពីថ្ងៃពុធ ទី៩ ខែមីនាម្សិលមិញនេះថា ក្រុមប្រឹក្សាប្រតិបត្តិរបស់ខ្លួនបានអនុម័តហិរញ្ញប្បទានសង្គ្រោះបន្ទាន់ចំនួន ១,៤ពាន់លានដុល្លារសម្រាប់ប្រទេសអ៊ុយក្រែន។ បើយោងតាមការបញ្ជាក់របស់បណ្តាញសារព័ត៌មាន Channel News Asia គឺកញ្ចប់ថវិកាទាំងនោះនឹងត្រូវប្រើប្រាស់ដើម្បីជួយបំពេញតម្រូវការចំណាយបន្ទាន់ និងកាត់បន្ថយផលប៉ះពាល់សេដ្ឋកិច្ចក្នុងប្រទេសអ៊ុយក្រែនដែលបង្កឡើងដោយការលុកលុយពីសំណាក់យោធារបស់រុស្ស៊ី។ គួររម្លឹកថា កងទ័ពរុស្ស៊ីបានផ្តើមធ្វើការឈ្លានពានចូលក្នុងប្រទេសអ៊ុយក្រែនចាប់តាំងពីថ្ងៃទី ២៤ ខែកុម្ភៈមក ហើយរហូតមកទល់នឹងពេលនេះការប្រឈមគ្នាផ្នែកយោធារវាងប្រទេសទាំង ២បានឈានចូលដល់សប្តាហ៍ទី ២ហើយ។ ក្នុងរយៈពេលជាង ១០ ថ្ងៃមកនេះ កងទ័ពរុស្ស៊ីបានបើកការវាយប្រហារចូលទៅក្នុងតំបន់សំខាន់ៗ កាន់កាប់ក្រុងចំនួន និងបំផ្លាញហេដ្ឋារចនាសម្ព័ន្ធរបស់អ៊ុយក្រែនជាច្រើនផងដែរ។ ចំពោះពលប៉ះពាល់សម្រាប់ពលរដ្ឋវិញគឺគិតត្រឹមពេលនេះមានពលរដ្ឋអ៊ុយក្រែនជាង ១,៥លាននាក់បានរត់ភៀសខ្លួនចេញក្រៅប្រទេស ជាច្រើនរយនាក់ត្រូវស្លាប់ និងរាប់ពាន់នាក់ផ្សេងទៀតត្រូវរងរបួសផងដែរ៕ អត្ថបទ៖ ភក្តី ប្រភព៖  Channel

មជ្ឈមណ្ឌលវេជ្ជសាស្ត្រនៃសាកលវិទ្យាល័យ Maryland បានឲ្យដឹ​ងថា បុរសអាមេរិកម្នាក់ដែលទទួលបានការវះកាត់ផ្លាស់ប្តូរដាក់បេះដូចសត្វជ្រូកនាពេលកន្លងមកនោះគឺពេលនេះគាត់បានទទួលមរណភាពហើយ។ គួររម្លឹកជូនថា បុរសដែលទទួលបានការវះកាត់ដ៏អស្ចារ្យដំបូងគេនេះមានឈ្មោះថា David Bennett អាយុ ៥៧ឆ្នាំ រស់នៅក្នុងរដ្ឋ Maryland សហរដ្ឋអាមេរិក ហើយរូបគាត់ជាអ្នកដែលមានជំងឺរ៉ាំរ៉ៃជាច្រើនប្រភេទផងដែរ។ នាពេលកន្លងមកក្រុមអ្នកវិទ្យាសាស្រ្តអាមេរិកបានធ្វើការវះកាត់ផ្លាស់ប្តូរដាក់បេះដូងសត្វជ្រូកដែលជាប្រភេទសត្វជ្រូកគេចិញ្ចឹមដោយបានផ្លាស់ប្តូរហ្សែនដើម្បីជួយសង្គ្រោះជីវិតអ្នកជំងឺរូបនេះ ហើយប្រតិបត្តិការណ៍វះកាត់នោះក៏បានទទួលជោគជ័យជាលើកដំបូងក្នុងប្រវត្តិសាស្រ្តនៃវិស័យវេជ្ជសាស្រ្តផងដែរ។ យ៉ាងណាក្តី បើតាមលោកវេជ្ជបណ្ឌិត  Bartley P. Griffith បានឲ្យដឹងតាមរយៈបណ្តាញសារព័ត៌មាន CNN កាលពីថ្ងៃពុធ ទី៩ ខែមីនាម្សិលមិញនេះថា លោក David Bennett បានទទួលមរណភាពហើយ ព្រោះតែសុខភាពរបស់គាត់ចុះទ្រុឌទ្រោមខ្លាំងរហូតខាងគ្រូពេទ្យជួយសង្គ្រោះជីវិតគាត់លែងបាន។ លោកវេជ្ជ​បណ្ឌិតរូបនេះបានបន្តថា វិស័យវេជ្ជសាស្រ្តអាមេរិកទាំងមូលមានការសោកស្តាយយ៉ាងខ្លាំងចំពោះការបាត់បង់លោក David

ក្រុមហ៊ុនផលិតភេសជ្ជៈលំដាប់ពិភពលោកចំនួន ២គឺក្រុមហ៊ុន Coca-Cola និងក្រុមហ៊ុន Pepsi បានប្រកាសកាលពីថ្ងៃអង្គារ ទី៨ ខែកុម្ភៈម្សិលមិញនេះថា ក្រុមហ៊ុននឹងបញ្ឈប់ការធ្វើអាជីវកម្មនៅក្នុងប្រទេសរុស្ស៊ី ដែលការសម្រេចនេះគឺជាការបង្ហាញនូវការប្រឆាំងមួយចំពោះសកម្មភាពដែលរុស្ស៊ីបានលើកទ័ពឈ្លានពានចូលទៅក្នុងប្រទេសអ៊ុយក្រែន។ បើតាមសេចក្តីថ្លែងការរបស់ក្រុមហ៊ុន Coca-Cola ដែលបានចុះតាមរយៈបណ្តាញសារព័ត៌មាន Channel News Asia បានឲ្យដឹងថា៖ “បេះដូងរបស់ពួកយើងគឺនៅជាមួយនិងពលរដ្ឋដែលកំពុងរងផលប៉ះពាល់ដោយសង្គ្រាមរបស់រុស្ស៊ី ហើយពួកយើងមិនគាំទ្រការធ្វើសង្គ្រាមនេះទេ ដូចនេះហើយទើបពួកយើងសម្រេចផ្អាកអាជីវកម្មនៅក្នុងប្រទេសរុស្ស៊ី”។ នៅក្នុងសេចក្តីថ្លែងការបស់ក្រុមហ៊ុន Coca-Cola ក៏បានបញ្ជាក់ផងដែរថា កាលពីឆ្នាំ ២០២១ កន្លងទៅ ទីផ្សារលក់ផលិតផលរបស់ខ្លួននៅលើទឹកដីរុស្ស៊ីគឺមានទំហំទឹកប្រាក់ចន្លោះពី ១-២% នៃទំហំប្រាក់ចំណូលសរុបរបស់ក្រុមហ៊ុនដែលប្រមូលបានពីការលក់នៅជុំវិញពិភពលោក។ សម្រាប់ក្រុមហ៊ុន Pepsi វិញក៏បានបញ្ជាក់ផងដែរថា៖ “ក្រុមហ៊ុននឹងសម្រេចផ្អាកលក់ផលិតផលរបស់ខ្លួនទាំងអស់នៅក្នុងប្រទេសរុស្ស៊ីដោយរួមមានទាំងផលិតផលល្បីៗរបស់ខ្លួនដូចជាទឹកក្រូច 7Up

រុស្ស៊ី៖ គិតចាប់តាំងពីថ្ងៃទី ២៤ ខែកុម្ភៈមកគឺវាមានរយៈពេលប្រមាណជា ២សប្តាហ៍ហើយ ដែលកងទ័ពរុស្ស៊ីបានឈ្លានពានចូលទៅក្នុងប្រទេសអ៊ុយក្រែន។ ឆ្លើយតបនឹងសកម្មភាពឈ្លានពាននេះ បណ្តាប្រទេសធំៗនិងស្ថាប័នកំពូលៗជាច្រើនបានសម្រេចដាក់ទណ្ឌកម្មនិងសម្ពាធទៅកាន់រដ្ឋាភិបាលរុស្ស៊ីតាមរូបភាពផ្សេងៗដើម្បីឲ្យរុស្ស៊ីបញ្ឈប់សកម្មភាពឈ្លានពានរបស់ខ្លួន។ យ៉ាងណាក្តី រដ្ឋាភិបាលរុស្ស៊ីហាក់មិនមានការភ័យខ្លាចចំពោះការដាក់ទណ្ឌកម្មទាំងអស់នោះទេ​ ហើយផ្ទុយទៅវិញកាលពីដើមសប្តាហ៍នេះរុស្ស៊ីបានសម្រេចបញ្ចេញបញ្ជីឈ្មោះប្រទេសមួយចំនួនដែលរុស្ស៊ីចាត់ទុកថាជាប្រទេស “អមិត្ត” របស់ខ្លួនទៀតផង។ យោងតាមការចុះផ្សាយរបស់បណ្តាញសារព័ត៌មាន AA បានឲ្យដឹងថា ប្រទេស “អមិត្ត” របស់រុស្ស៊ីទាំងនោះរួមមាន ប្រទេសអាល់បានី អង់ដូរ៉ា អូស្ត្រាលី ចក្រភពអង់គ្លេស រួមមាន ជេស៊ី អង់ហ្គីឡា កោះ British Virgin កោះ Gibraltar រដ្ឋសមាជិកសហភាពអឺរ៉ុប អ៊ីស្លង់ កាណាដា