ថៃ៖ នាយកដ្ឋានគ្រប់គ្រងជំងឺឆ្លងនៃប្រទេសថៃបានបង្ហាញនូវក្តីកង្វល់ជាថ្មីជុំវិញហានិភ័យនៃការរាតត្បាតជំងឺកូវីដ-១៩ ក្នុងចំណោមពលរដ្ឋវ័យចំណាស់ក្នុងអំឡុងពេលនៃពិធីបុណ្យចូលប្រពៃណីខាងមុននេះ ឬជាធម្មតាគេតែងហៅថា “សង្ក្រាន្តថៃ” នេះបើយោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ នៅព្រឹកថ្ងៃចន្ទ ទី២១ ខែមីនានេះ។ ការបង្ហាញនូវក្តីព្រួយបារម្ភនេះត្រូវបានធ្វើឡើងក្រោយអាជ្ញាធរសុខាភិបាលថៃបានបន្តរកឃើញអ្នកឆ្លងជំងឺកូវីដ-១៩ជាមនុស្សចាស់ក្នុងចំនួនដ៏ច្រើនក្នុងរយៈពេលជាច្រើនសប្តាហ៍ចុងក្រោយនេះ​ ហើយក្រុមមនុស្សចាស់ទាំងនោះគឺភាគច្រើនជាអ្នកដែលមិនទាន់បានចាក់វ៉ាក់សាំងបង្ការនោះទេ។ ឆ្លើយតបនឹងក្តីព្រួយបារម្ភមួយនេះ នាយកដ្ឋានគ្រប់គ្រងជំងឺឆ្លងថៃបានអំពាវនាវឲ្យក្រុមពលរដ្ឋវ័យចំណាស់ដែលមិនទាន់បានចាក់វ៉ាក់សាំងបង្ការជំងឺកូវីដ-១៩ទាំងអស់ត្រូវប្រញាប់ទៅចាក់វ៉ាក់សាំងឲ្យបានឆាប់រហ័ស ពោលគឺត្រូវចាក់ឲ្យបានរួចរាល់រាល់មុនពេលដែលបុណ្យ “សង្ក្រាន្តថៃ” ចូលមកដល់។ តាមរបាយការណ៍របស់អាជ្ញាធរសុខាភិបាលថៃបានបង្ហាញថា គិតត្រឹមពេលនេះគឺមានពលរដ្ឋវ័យចំណាស់នៅទូទាំងប្រទេសថៃប្រមាណជា ២,១ លាននាក់នៅមិនទាន់បានចាក់វ៉ាក់សាំងបង្ការជំងឺកូវីដ-១៩ សូម្បីតែ ១ដូស ខណៈមានពលរដ្ឋវ័យចំណាស់ចំនួន ១០លាននាក់បានចាក់ត្រឹមដូសទី ២ និងមាន ៤,២លាននាក់បានចាក់ដល់ដូសជម្រុញ៕ អត្ថបទ៖ ភក្តី ប្រភព៖ បាងកកប៉ុស្តិ៍ 

លោកប្រធានាធិបតីអាមេរិក Joe Biden នឹងអញ្ជើញធ្វើដំណើរទៅកាន់ប្រទេសប៉ូឡូញនៅថ្ងៃសុក្រ ទី២៥ ខែមីនា ដើម្បីពិភាក្សាអំពីបញ្ហាដែល​ប្រទេសរុស្ស៊ីបានឈ្លានពានចូលទៅក្នុងប្រទេសអ៊ុយក្រែនជាមួយនឹងប្រធានាធិបតីប៉ូឡូញគឺលោក Andrzej Duda​ នេះបើយោងតាមការចុះផ្សាយនៅក្នុងបណ្តាញសារព័ត៌មាន Channel News Asia នៅព្រឹកថ្ងៃចន្ទ ទី២១​ ខែមីនានេះ។ បើតាមលោក  Jen Psaki ដែលជាអ្នកនាំពាក្យឲ្យសេតវិមានអាមេរិកបានឲ្យដឹងថា ដំណើរទស្សនៈកិច្ចរបស់លោកប្រធានាធិបតី Joe Biden ទៅកាន់ប្រទេសប៉ូឡូញនឹងត្រូវរៀបចំឡើងបន្ទាប់ពីលោកបានធ្វើដំណើរទៅកាន់ប្រទេសបែលហ្សិកដើម្បីជួបជាមួយក្រុមមេដឹកនាំមកពីអង្គការសន្ធិសញ្ញាអាត្លង់ទិកខាងជើង(NATO) ក្រុមប្រទេស G7 និងសហភាពអឺរ៉ុប។ អ្នកនាំពាក្យឲ្យសេតវិមានរូបនេះបានបន្តថា ប្រធានបទសំខាន់នៅក្នុងជំនួបរវាងលោកប្រធានាធិបតីអាមេរិកជាមួយនិងលោកប្រធានាធិបតីប៉ូឡូញនោះគឺរបៀបដែលអាមេរិកនិងប្រទេសជាសម្ព័ន្ធមិត្តត្រូវឆ្លើយតបចំពោះវិបត្តិមនុស្សធម៌និងសិទ្ធមនុស្សដែលរុស្ស៊ីបានធ្វើឡើងយ៉ាងអយុតិ្តធម៌ជាទីបំផុតទៅលើប្រទេសអ៊ុយក្រែន។ ជាងនេះទៅទៀត ក្នុងជំនួបរវាងថ្នាក់ដឹកនាំកំពូលទាំង ២រូបនេះក៏មានការពិភាក្សាអំពីបញ្ហាដែលពិភពលោកត្រូវបន្តជួយគាំទ្រប្រទេសអ៊ុយក្រែនរហូតដល់ពេលសង្គ្រាមត្រូវបិទបញ្ចប់ផងដែរ។ យ៉ាងណាក្តី លោកប្រធានាធិបតីអាមេរិកគ្មានគម្រោងធ្វើទស្សនកិច្ចទៅកាន់ប្រទេសអ៊ុយក្រែននោះទេ៕

ថៃ៖ អ្នកជំនាញថៃម្នាក់បានអះអាងថា ការបើកម៉ាស៊ីនត្រជាក់នៅសីតុណ្ហភាព ២៧ អង្សាសេនិងបើកកង្ហារប​​ន្ថែមមួយទៀតនឹងជួយកាត់បន្ថយការប្រើប្រាស់អគ្គិសនីជាងការប្រើម៉ាស៊ីនត្រជាក់តែមួយហើយបើកវាឲ្យនៅសីតុណ្ណភាពទាប។ បើយោងតាមការចុះផ្សាយរបស់បណ្តាញសារព័ត៌មាន Nation Thailand បាន​ឲ្យដឹងថា អ្នកជំនាញថៃរូបនេះមានឈ្មោះថា Jessada Denduangboripant ជាសាស្រ្តាចារ្យផ្នែកវិទ្យាសាស្រ្តនៃសាកលវិទ្យាល័យជូឡាឡុងកន ប្រទេសថៃ។ លោកសាស្រ្តាចារ្យរូបនេះបានពន្យល់ថា នៅពេលដែលលោកអ្នកបើកម៉ាស៊ីនត្រជាក់នៅសីតុណ្ហភាព ២៧ អង្សាសេហើយបើកកង្ហារថែមមួយទៀតវានឹងធ្វើឲ្យម៉ាស៊ីនត្រជាក់អាចបង្កើនលំហូរខ្យល់បានច្រើនជាងមុន​ ហើយសីតុណ្ហភាពក៏កាន់តែចុះត្រជាក់ដែរ។ វិធីនេះបានជួយកាន់បន្ថយការប្រើប្រាស់ថាមពលអគ្គិសនីបានក្នុងចន្លោះពី ១០-៣០% បើប្រៀបធៀបនឹងការប្រើម៉ាស៊ីនត្រជាក់តែមួយហើយបើកវានៅសីតុណ្ហភាព ២៣-២៤ អង្សាសេ៕ អត្ថបទ៖ ភក្តី ប្រភព៖ Nation Thailand

ស្ថានទូតអ៊ុយក្រែនប្រចាំនៅប្រទេសថៃកាលពីថ្ងៃសុក្របានឱ្យដឹងថា ជនជាតិថៃជាង ១០០ នាក់ កំពុងដាក់ពាក្យស្នើផ្តល់កន្លែងស្នាក់នៅដោយឥតគិតថ្លៃដល់ជនជាតិអ៊ុយក្រែន ដែលជាប់គាំងក្នុងប្រទេសថៃ ចំពេលដែលប្រទេសអ៊ុយក្រែនកំពុងមានសង្រ្គាមជាមួយរុស្ស៊ី។ លោក Oleksandr Lysak ឯកអគ្គរាជទូតអ៊ុយក្រែនប្រចាំប្រទេសថៃ បាន​និយាយ​ថា​៖«​សម្រាប់​ពេល​នេះ ​មាន​សំណើ​ជាង ១០០ ពី​ពលរដ្ឋ​ថៃ​ដែល​យើង​បាន​ទទួលបាន ហើយ​យើង​ជា​ជនជាតិ​អ៊ុយក្រែន​មាន​អំណរគុណ​យ៉ាង​ខ្លាំង​ចំពោះ​ឱកាស​នេះ ​ក្នុង​ការ​ស្នាក់​នៅ​ប្រទេស​ថៃ​ ដោយ​មាន​កន្លែង​ស្នាក់នៅ​មិន​គិត​ថ្លៃ»។ លោក​បាន​និយាយ​ថា មាន​ជនជាតិ​អ៊ុយក្រែន​ជាង ៣ ពាន់​នាក់ កំពុង​ជាប់​គាំងនៅ​ក្នុង​ប្រទេស​ថៃ។ លោកបានមានប្រសាសន៍ថា ស្ថានទូតបានស្នើទៅការិយាល័យអន្តោប្រវេសន៍ ពិចារណាផ្តល់ការពន្យារទិដ្ឋាការដល់ជនជាតិអ៊ុយក្រែនដែលមិនអាចត្រឡប់ទៅផ្ទះវិញបាន ដោយបន្ថែមថា ស្ថានទូតក៏បាននិងកំពុងព្យាយាមផ្តល់ជំនួយដល់ពួកគេផងដែរ។ ទាក់ទងនឹងការបរិច្ចាគជាសាច់ប្រាក់ លោកបាននិយាយថា ប្រាក់ដែលផ្តល់ដោយជនជាតិថៃ ត្រូវបានផ្ញើទៅធនាគារជាតិនៃអ៊ុយក្រែនជារៀងរាល់ថ្ងៃ ដោយកត់សម្គាល់ថា ការផ្ទេរប្រាក់អាចត្រូវបានតាមដានក្នុងគោលបំណងតម្លាភាព។

ចាប់តាំងពីមានការឈ្លានពានរបស់រុស្ស៊ីមកលើអ៊ុយក្រែន មានពលរដ្ឋអ៊ុយក្រែនជាង ៣,២៥ លាននាក់ បានភៀសខ្លួនពីប្រទេសរបស់ពួកគេ ដោយក្នុងនោះមានជិត ២លាននាក់បានឆ្លងកាត់ព្រំដែនប៉ូឡូញ នេះបើយោងតាមរបាយការណ៍របស់អង្គការសហប្រជាជាតិ។ ឧត្តមស្នងការអង្គការសហប្រជាជាតិទទួលបន្ទុកជនភៀសខ្លួន (UNHCR) បាននិយាយថា មនុស្សចំនួន ៣, ២៧០,៦៦២ នាក់ បានក្លាយជាជនភៀសខ្លួន ចាប់តាំងពីសង្គ្រាមបានចាប់ផ្តើមនៅថ្ងៃទី២៤ ខែកុម្ភៈ ខណៈមាន ១០០,៧៦៥ នាក់បន្ថែមទៀត គិតចាប់តាំងពីការធ្វើបច្ចុប្បន្នភាពកាលពីថ្ងៃព្រហស្បតិ៍។ អ្នកនាំពាក្យរបស់ UNHCR បាននិយាយថា ៩០% នៃអ្នកជនភៀសខ្លួន គឺជាស្ត្រីនិងកុមារ ដោយសារតែបុរសអ៊ុយក្រែន ដែលមានអាយុពី ១៨ ទៅ ៦០ ឆ្នាំ ត្រូវបានហោះហៅឱ្យចូលបម្រើកងទ័ព

ថៃ៖ ក្រសួងសុខាភិបាលសាធារណៈថៃបានប្រកាសឲ្យដឹងថា ប្រទេសថៃបានត្រៀមខ្លួនរួចរាល់ហើយដើម្បីដោះស្រាយជាមួយនឹងមេរោគនៃជំងឺកូវីដ-១៩ វ៉ារ្យ៉ង់ថ្មីប្រភេទ “ដែលតាក្រុង” នេះបើយោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ នៅព្រឹកថ្ងៃសុក្រ ទី១៨ ខែមីនានេះ។ បើតាមលោក Anutin Charnvirakul ដែលជាឧបនាយករដ្ឋមន្ត្រីនិងជារដ្ឋមន្ត្រីក្រសួងសុខាភិបាលសាធារណៈថៃបានបញ្ជាក់ថា​ ក្នុងអំឡុងពេលនេះក្រុមអ្នកជំនាញថៃនិងអង្គការសុខភាពពិភពលោកកំពុងតាមដានការវិវឌ្ឍន៍របស់វ៉ារ្យ៉ង់ថ្មីមួយនេះយ៉ាងយកចិត្តទុកដាក់បំផុតដើម្បីត្រៀមដាក់ចេញវិធានការទប់ស្កាត់ឲ្យបានទាន់ពេលវេលា មុនពេលមេរោគបានចម្លងចូលទៅក្នុងសហគមន៍ជាលក្ខណៈទ្រង់ទ្រាយធំ។ រដ្ឋមន្ត្រីសុខាភិបាលរូបនេះបានបន្តថា គិតត្រឹមពេលនេះអាជ្ញាធរថៃបានត្រៀមឧបរកណ៍វេជ្ជសាស្រ្ត ថ្នាំ វ៉ាក់សាំង និងវិធានការសំខាន់ៗជាច្រើន ដែលគេអាចយកមកប្រើប្រាស់ឬអនុវត្តបានភ្លាម ប្រសិនបើវ៉ារ៉្យង់ “ដែលតាក្រុង” ផ្ទុះឡើងខ្លាំងនៅតាមសហគមន៍ ។ លោករដ្ឋមន្ត្រីបានបន្ថែមទៀតថា បើទោះជាមានការត្រៀមខ្លួនដើម្បីឆ្លើយតបនឹង “ដែលតាក្រុង” ក៏ពិតមែន តែពលរដ្ឋគ្រប់រូបមិនត្រូវមានគំនិតសន្តិភាពនិយមជាមួយនឹងមេរោគខ្លាំងពេលនោះទេ ពោលគឺត្រូវតែចេះបន្តការពារខ្លួន តាមដានសុខភាពរបស់ខ្លួន និងព្យាយាមកាត់បន្ថយហានិភ័យនៃការឆ្លងជំងឺចំពោះខ្លួនឯងឲ្យនៅទាបបំផុតតាមតែអាចធ្វើទៅបាន៕

កូរ៉េខាងត្បូង៖ កាលពីថ្ងៃព្រហស្បតិ៍ ទី១៧ ខែមីនា ម្សិលមិញនេះប្រទេសកូរ៉េខាងត្បូងបានបំបែកកំណត់ត្រារកឃើញអ្នកឆ្លងកូវីដ-១៩ប្រចាំថ្ងៃច្រើនបំផុតមិនធ្លាប់មានទាល់តែសោះ ពោលគឺតួលេខអ្នកឆ្លងមានរហូតដល់ ៦២១,៣២៨នាក់។ នៅចំពោះមុខតួលេខអ្នកឆ្លងដ៏ច្រើននេះអាជ្ញាធរសុខាភិបាលកូរ៉េខាងត្បូងបាននិយាយថា ស្ថានភាពរាតត្បាតជំងឺកូវីដ-១៩នៅកូរ៉េខាងត្បូងជិតឈានដល់កម្រិតខ្ពស់បំផុត ឬ ដំណាក់កាលប្រកាសអាសន្នកម្រិតខ្ពស់បំផុតហើយ។ បើយោងតាមរបាយការណ៍របស់អង្គការសុខភាពពិភពលោកបានឲ្យដឹងថា កូរ៉េខាងត្បូងជាប្រទេសដែលមានកំណើតអ្នកឆ្លងជំងឺកូវីដ-១៩ច្រើនបំផុតក្នុងរយៈពេល ៧ថ្ងៃចុងក្រោយនេះ។ គួរបញ្ជាក់ជូនថា គិតត្រឹមពេលនេះកូរ៉េខាងត្បូងបានរកឃើញអ្នកឆ្លងជំងឺកូវីដ-១៩​សរុបជាង ៨,៦លាននាក់ និងស្លាប់ជាង ១ម៉ឺននាក់ផងដែរ។ ចំពោះផែនការចាក់វ៉ាក់សាំងបង្ការជំងឺកូវីដ-១៩វិញ គឺគិតត្រឹមពេលនេះមានពលរដ្ឋកូរ៉េខាងត្បូង ៨៥%បានចាក់វ៉ាក់សាំងរួចរាល់ចំនួន ២ដូស និង ៦២%ផ្សេងទៀតបានចាក់រហូតដល់ដូសជម្រុញ ខណៈកូរ៉េខាងត្បូងមានពលរដ្ឋសរុប ៥២លានាក់៕ អត្ថបទ៖ ភក្តី ប្រភព៖ បាងកកប៉ុស្តិ៍  

វិមានក្រឹមឡាំងបានប្រាប់ទៅកាន់អាមេរិកថា លោកប្រធានាធិបតីអាមេរិក ចូ បៃឌិន គ្មានសិទ្ធបង្រៀនរុស្ស៊ីអំពីឧក្រិដ្ឋកម្មសង្គ្រាមនោះទេ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃសុក្រ ទី១៨ ខែមីនានេះ។ ការថ្លែងរបស់វិមានក្រឹមឡាំងដូចខាងលើនេះត្រូវបានធ្វើឡើងបន្ទាប់ពីលោក ចូ បៃឌិន កាលពីថ្ងៃពុធ កន្លងទៅបានអះអាងថា លោកប្រធានាធិបតីរុស្ស៊ី វ្ល៉ាឌីមៀ ពូទីន គឺជាឧក្រិដ្ឋជនសង្គ្រាម ព្រោះរូបលោកជាអ្នក​បញ្ជាឲ្យមានការឈ្លានពានដោយកម្លាំងយោធាចូលទៅក្នុងប្រទេសអ៊ុយក្រែនដែលបង្កឲ្យមានអ្នកស្លាប់និងបញ្ហាជាច្រើននៅជុំវិញពិភពលោក។ គួរបញ្ជាក់ជូន គិតត្រឹមពេលនេះសង្គ្រាមរបស់រុស្ស៊ីនៅលើទឹកដីអ៊ុយក្រែនបានបង្កឲ្យមានមនុស្សរាប់ពាន់នាក់ស្លាប់ ពលរដ្ឋប្រមា​ណជា ៣លាននាក់ត្រូវបង្ខំចិត្តជម្លៀសខ្លួនទៅកាន់តំបន់មានសុវត្ថិភាពឬភៀសខ្លួនទៅកាន់ប្រទេសទី២ ខណៈពលរដ្ឋអ៊ុយក្រែនជាច្រើននាក់ផ្សេងទៀតកំពុងតែរស់នៅក្នុងភាពភ័យខ្លាចជាទីបំផុត។ នៅចំពោះមុខសកម្មភាពឈ្លានពានរបស់រុស្ស៊ីនេះ ពិភពលោកបាននាំគ្នាថ្កោលទោសនិងដាក់ទណ្ឌកម្មចំពោះប្រទេសរុស្ស៊ីតាមរូបភាពផ្សេងៗជាបន្តបន្ទាប់ តែប៉ុន្តែរុស្ស៊ីហាក់មិនបន្ទន់ឥរិយាបថទាល់តែសោះចំពោះសង្គ្រាមមួយនេះ៕ អត្ថបទ៖ ភក្តី ប្រភព៖ Channel News

ថៃ៖ រដ្ឋាភិបាលនៃប្រទេសថៃបានសម្រេចអនុញ្ញាតឲ្យគ្រប់អ្នកដំណើរទាំងអស់អាចធ្វើដំណើរចូលទៅក្នុងប្រទេសខ្លួនបានដោយមិនចាំបាច់ធ្វើតេស្តរកជំងឺកូវីដ-១៩ ដោយម៉ាស៊ីនធំ (PCR) នោះទេ នេះបើយោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ នៅព្រឹកថ្ងៃព្រហស្បតិ៍ ទី១៧ ខែមីនានេះ។ យ៉ាងណាក្តី អ្នកដំណើរត្រូវតម្រូវឲ្យអនុវត្តវិធានការ  Test & Go ពោលគឺពេលមកដល់ទឹកដីថៃភ្លាមត្រូវធ្វើតេស្តដោយឧបករណ៍រហ័ស ហើយបើគ្មានលទ្ធផលវិជ្ជមានទេគឺពួកគេអាចបន្តដំណើរគ្រប់ទីកន្លែងក្នុងប្រទេសថៃបានភ្លាមតែម្តង។ គួររម្លឹកជូនថា នាពេលកន្លងអ្នកដំណើរអន្តរជាតិដែលចង់ទៅប្រទេសថៃត្រូវតែបង្ហាញលទ្ធផលតេស្តកូវីដ-១៩ ដោយម៉ាស៊ីនធំដែលបានធ្វើក្នុងរយៈពេលយ៉ាងតិចណាស់ ៧២ម៉ោងមុនពេលចេញដំណើរមកកាន់ប្រទេសថៃ។ ក្រោយពេលមកដល់ប្រទេសថៃភ្លាមពួកគេក៏តម្រូវឲ្យធ្វើតេស្តដោយម៉ាស៊ីនធំនៅក្នុងប្រទេសថៃម្តងទៀតផងដែរ និងត្រូវចំណាយពេលស្នាក់នៅក្នុងសណ្ឋាគារមួយយប់ដើម្បីរង់ចាំមើលលទ្ធផលតេស្តមុននឹងអាជ្ញាធរថៃអនុញ្ញាតឲ្យបន្តដំណើរទៅកាន់កន្លែងផ្សេងទៀត៕ អត្ថបទ៖ ភក្តី ប្រភព៖ បាងកកប៉ុស្តិ៍

ជប៉ុន៖ បណ្តាញសារព័ត៌មាន Channel News Asia បានរាយការណ៍ថា កាលពីយប់ថ្ងៃពុធ ទី១៦ ខែមីនា ម្សិលមិញនេះប្រទេសជប៉ុនបានទទួលរងនូវការវាយប្រហារដោយគ្រោះរញ្ជួយដីដ៏ធ្ងន់ធ្ងរមួយ ដែលមានកម្រិតរញ្ជួយរហូតដល់ ៧,៣ រ៉ិចទ័រ។ គ្រោះរញ្ជួយដីបានវាយប្រហារនៅលើតំបន់កោះភាគខាងជើងនៃអាណាខេត្ត Fukushima ខណៈគ្រោះធម្មជាតិមួយនេះបានបណ្តាលឲ្យមានមនុស្ស ២នាក់បានស្លាប់បាត់បង់ជីវិតនិង ៩៤នាក់ផ្សេងទៀតត្រូវរងរបួស។ ក្រៅតែពីមានអ្នកស្លាប់និងរបួសហេតុការណ៍អកុសលមួយនេះក៏បានបង្កឲ្យមានផលប៉ះពាល់ជាច្រើនផ្សេងទៀងផងដែរ​ដូចជា ហេដ្ឋារចនាសម្ព័ន្ធមួយចំ​នួនត្រូវបានបំផ្លាញ ពលរដ្ឋប្រហែលជា ២លាននាក់គ្មានអគ្គិសនីប្រើប្រាស់ ខណៈចរន្តដឹកជញ្ចូនមួយចំនួនត្រូវបានកាត់ផ្តាច់ផងដែរ។ លោកអ្នកអាចទស្សនាសកម្មភាពមួយចំនួននៃហេតុការណ៍រញ្ជួយដីនេះដូចក្នុងវីដេអូខាងក្រោម៖ Big earthquake hits Tohoku area. Tokyo shakes too. It’s 2 separate