ថៃ៖ និយតករទីផ្សារក្នុងប្រទេសថៃបានសម្រេចធ្វើការហាមឃាត់មិនឲ្យមានការទិញដូរដោយប្រើប្រាស់រូបិយប័ណ្ណគ្រីបតូ (លុយឌីជីថល) នៅលើទីផ្សារក្នុងប្រទេសថៃទៀតនោះទេ នេះបើយោងតាមការចុះផ្សាយរបស់បណ្តាញសារព័ត៌មាន Reuters កាលពីថ្ងៃពុធ  ទី២៣ ខែមីនា ម្សិលមិញនេះ។ ចំពោះសុពលភាពនៃការអនុវត្តសេចក្តីសម្រេចខាងលើនេះ គឺនឹងត្រូវផ្តើមអនុវត្តចាប់ពីថ្ងៃទី ១​ ខែមេសា ខាងមុខនេះតទៅតែម្តង។ ប្រភពខាងបានបន្តថា ការសម្រេចហាមឃាត់មិនឲ្យមានការទូរទាត់ប្រាក់ដោយប្រើប្រាស់លុយឌីជីថលនេះត្រូវបានធ្វើឡើងក្រោយមានកិច្ចពិភាក្សាយ៉ាងល្អិតល្អន់រវាងគណៈកម្មការមូលបត្រនិងប្តូរប្រាក់ (SEC) ជាមួយនឹងធនាគារថៃ (BOT) ដោយស្ថាប័នទាំង ២នេះបានយល់ស្របរួមគ្នាថា ការប្រើប្រាស់លុយឌីជីថលនឹងធ្វើឲ្យមានការប៉ះពាល់ដល់ស្ថិរភាពហិរញ្ញវត្ថុក្នុងប្រទេស និងប៉ះពាល់ដល់សេដ្ឋកិច្ចជាតិផងដែរ។ ក្នុងសេចក្តីសម្រេចរបស់និយតករទីផ្សារថៃនោះក៏បានបញ្ជាក់ផងដែរថា ប្រតិបត្តិករអាជីវកម្មទាំងអស់ដែលធ្លាប់ទូទាត់ការចំណាយតាមរយៈលុយឌីជីថលត្រូវតែគោរពនិងអនុវត្តតាមសេចក្តីសម្រេចមួយនេះឲ្យបានក្នុងរយៈ ៣០ថ្ងៃ ចាប់ពីថ្ងៃដែលសេចក្តីសម្រេចផ្តើមមានសុពលភាព៕ អត្ថបទ៖ ភក្តី ប្រភព៖ Reuters

ម៉ាឡេស៊ី៖ យោងតាមការចុះផ្សាយរបស់បណ្តាញសារព័ត៌មាន World of Buzz បានឲ្យដឹងថា មានស្ត្រីជនជាតិម៉ាឡេស៊ីចំនួន ២នាក់ដែលជាមិត្តល្អនឹងគ្នាបានប្រកាសស្វែងរកបុរសម្នាក់ដែលអាចយល់ព្រមរៀបការមួយពួគាត់ទាំង ២នាក់និងព្រមរស់នៅក្នុងគ្រួសារមួយដែលមានប្តីម្នាក់និងប្រពន្ធ ២នាក់ទាំងអស់គ្នា​។  ករណីស្រ្តី ២នាក់ប្រកាសរកប្តីរួមគ្នាតែម្នាក់នេះត្រូវបានធ្វើឡើងតាមរយៈបណ្តាញសង្គម Facebook ផ្លូវការរបស់ពួកគេគាត់ ខណៈដំណឹងដ៏កម្រនេះត្រូវបានក្រុមអ្នកប្រើប្រាស់បណ្តាញសង្គមក្នុងប្រទេសម៉ាឡេស៊ីចែករំលែកបន្តយ៉ាងច្រើន រហូតមានបណ្តាញសារព័ត៌មានធំៗមួយចំនួនចាប់អារម្មណ៍យកអត្ថបទនេះទៅចុះផ្សាយបន្តទៀតផង។ ប្រភពខាងលើបានបញ្ជាក់ថា ក្រុមស្រ្តីដែលបានចង់បានប្តីរួមគ្នានេះមានម្នាក់ជាស្ត្រីមេម៉ាយ មានអាយុ ៣១ឆ្នាំ មានការងារច្បាស់លាស់ និងម្នាក់ទៀតជាស្រ្តីនៅលីវមានអាយុ ២៧ឆ្នាំ និងជាម្ចាស់ហាងបោកអ៊ុតមួយកន្លែង។ ពួកគាត់ទាំង ២នាក់គឺជាអ្នកកាន់សាសនាឥស្លាមដូចគ្នា និងជាមិត្តល្អបំផុតនឹងគ្នា ឬអាចនិយាយតាមភាសាសាមញ្ញថា ជាមិត្តស្លាប់រស់នឹងគ្នា។ ពួកគាត់មានទំនាក់ទំនងយ៉ាងជិតស្និតជាមួយគ្នាក្នុងជីវិតរស់នៅប្រចាំថ្ងៃជាយូរមកហើយ ហើយភាពស្និតស្នាលមិនអាចខ្វះគ្នាបាននេះបានជម្រុញឲ្យពួកគាត់សម្រេចចង់បានប្តីម្នាក់រួមគ្នាតែម្តង។ យ៉ាងណាក្តី រហូតមកទល់នឹងពេលនេះគេនៅមិនទាន់ឃើញមានបុរសណាម្នាក់ស្ម័គ្រចិត្តព្រមរៀបការជាមួយពួកគាត់នៅឡើយទេ៕ អត្ថបទ៖

ចិន៖ ប្រអប់ខ្មៅចំនួន ១ក្នុងចំណោមប្រអប់ខ្មៅសរុប​ ២ របស់យន្តហោះដឹកអ្នកដំណើរដែលបានធ្លាក់នៅក្នុងប្រទេសចិនកាលពីដើមសប្តាហ៍នេះត្រូវបានក្រុមអាជ្ញាធរអាកាសចរណ៍ចិនរកឃើញហើយ នេះបើយោងតាមសេចក្តីរាយការណ៍របស់បណ្តាញសារព័ត៌មាន Channel News Asia នៅព្រឹកថ្ងៃព្រហស្បតិ៍ ទី២៤ ខែមីនានេះ។ ប្រអប់ខ្មៅដែលគេបានរកឃើញនោះត្រូវបានក្រុមអាជ្ញាធរអាកាសចរណ៍ចិនជឿជាក់ថា ជាឧបរកណ៍ដែលបានផ្ទុកនូវព័ត៌មានសំខាន់ៗមុនពេលយន្តហោះធ្លាក់ ហើយព័ត៌មានទាំងនោះក៏អាចជួយឲ្យគេស្វែងរកឃើញមូលហេតុពិតដែលនាំឲ្យយន្តហោះធ្លាក់ផងដែរ។ ប្រភពខាងលើបានបន្តថា ប្រអប់ខ្មៅត្រូវបានរកឃើញកាលពីយប់ថ្ងៃពុធ ម្សិលមិញនេះ ហើយពេលនេះប្រអប់ខ្មៅកំពុងត្រូវបានគេផ្ញើទៅកាន់ទីក្រុងប៉េកាំងហើយដើម្បីឲ្យក្រុមអ្នកជំនាញធ្វើការពិនិត្យនិងស្រាវជ្រាវលម្អិតអំពីវា។ គួរបញ្ជាក់ជូនថា យន្តហោះដឹកអ្នកដំណើរប្រភេទ Boeing 737-800 បានធ្លាក់កាលពីថ្ងៃចន្ទកន្លងទៅ នៅក្នុងទីក្រុង Guangxi ភាគខាងត្បូងប្រទេសចិន ដោយនៅក្នុងយន្តហោះនោះមានផ្ទុកមនុស្សសរុបចំនួន ១៣២នាក់។ ទោះជាមិនទាន់បានរកឃើញជនរងគ្រោះគ្រប់ចំនួនក៏ដោយ តែតាមការសន្និដ្ឋានគឺមនុស្សទាំងអស់នោះគ្មានសង្ឃឹមនៅរស់មានជីវិតនោះទេ ហើយគ្រោះថ្នាក់មួយនេះគឺជាគ្រោះថ្នាក់ធ្លាក់យន្តហោះដែលមានមនុស្សស្លាប់ច្រើនជាងបំផុតផងដែរសម្រាប់ប្រទេសចិន បើគិតក្នុងរយៈពេលជិត ៣០ឆ្នាំចុងក្រោយនេះ៕

ថៃ៖ មេរោគនៃជំងឺកូវីដ-១៩ កូនកាត់ “ដែលតា” និង “អូមីក្រុង” ឬហៅកាត់ថា “ដែលតាក្រុង” ហាក់កំពុងបន្តការរាតត្បាតគួរឲ្យកត់សម្គាល់នៅក្នុងប្រទេសថៃ នេះបើយោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ នៅព្រឹកថ្ងៃព្រហស្បតិ៍ ទី២៤ ខែមីនានេះ។ ជាក់ស្តែងបើយោងតាមរបាយការណ៍របស់នាយកដ្ឋានវិទ្យាសាស្រ្តវេជ្ជសាស្រ្តថៃបានឲ្យដឹង​ថា កាលពីថ្ងៃពុធ ទី២៣ ម្សិលមិញនេះមានករណីឆ្លងវ៉ារ្យ៉ង់  “ដែលតាក្រុង” ចំនួន ៧៣ ករណីនៅតាមសហគមន៍ទូទាំងប្រទេសថៃ ហើយតួលេខនេះក៏ជាចំនួនអ្នកឆ្លងដ៏ច្រើនមួយផងដែរ បើធៀបទៅនឹងករណីរាតត្បាតមេរោគ “ដែលតាក្រុង” នៅតាមបណ្តាប្រទេសផ្សេងៗទៀត។ គួរបញ្ជាក់ជូនថា ក្នុងរយៈពេលជាច្រើនសប្តាហ៍ចុងក្រោយនេះប្រទេសថៃបានរកឃើញអ្នកឆ្លងជំងឺកូវីដ-១៩ ក្នុងខ្ទង់ជាង​ ២ម៉ឺននាក់ ជាក់ស្តែងសម្រាប់របាយការណ៍នៅក្នុងថ្ងៃព្រហស្បតិ៍ ទី២៤ មីនានេះ គឺប្រទេសថៃបានរកឃើញអ្នកឆ្លងជំងឺកូវីដ-១៩ ចំនួន

ថៃ៖ បណ្តាញសារព័ត៌មាន បាងកកប៉ុស្តិ៍ នៅរសៀលថ្ងៃពុធ ទី២៣ ខែមីនានេះបានរាយការណ៍ថា កម្មវិធី “Phuket Sandbox” បានជួយបង្កើតប្រាក់ចំណូលសម្រាប់សេដ្ឋកិច្ចជាតិថៃបានចំនួនជាង ៥០ពាន់លានបាត (ជាង១,៤៨ ពាន់លានដុល្លារអាមេរិក) ក្នុងរយៈពេល ៨ខែចុងក្រោយនេះ។ បើតាមលោក Nanthasiri Ronnasiri ដែលជានាយកការិយាល័យទេសចរណ៍ខេត្តភូកេតបានឲ្យដឹងថា ចាប់តាំងពីអាជ្ញាធរទេសចរណ៍សម្រេចអនុវត្តកម្មវិធី “Phuket Sandbox” នៅថ្ងៃទី ១ ខែកក្កដា ឆ្នាំ ២០២១មក ប្រទេសថៃបានទទួលភ្ញៀវទេសចរណ៍ជាង ៤០០ ០០០នាក់ ហើយគិតជាមធ្យមភ្ញៀវទេសចរណ៍ម្នាក់ស្នាក់នៅក្នុងប្រទេសថៃក្នុងរយៈពេល ១២យប់។ គួររម្លឹកជូនថា “Phuket

ម៉ាឡេស៊ី៖ ស្ត្រីចំណាស់ជនជាតិម៉ាឡេស៊ីម្នាក់ចាញ់បោកបុរសដែលបានស្គាល់គ្នាតាមបណ្តាញអ៊ីនណឺធិតអស់ប្រាក់ជិត ១ លានដុល្លារ នេះបើយោងតាមការចុះផ្សាយរបស់បណ្តាញសារព័ត៌មាន Next Shark នៅព្រឹកថ្ងៃពុធ ទី២៣ ខែមីនានេះ។ ស្រ្តីជាជនរងគ្រោះមិនត្រូវបានគេបង្ហាញអត្តសញ្ញាណពិតប្រាកដនោះទេដើម្បីរក្សាកិត្តិយសរបស់គាត់ហើយព័ត៌មានដែលគេបានដឹងអំពីរូបគាត់​ គឺគាត់ជាស្ត្រីមេម៉ាយម្នាក់ អាយុ ៦៣ឆ្នាំ បច្ចុប្បន្នកំពុងរស់នៅក្នុងរដ្ឋ Penang ភាគខាងជើងនៃប្រទេសម៉ាឡេស៊ី។ ប្រភពខាងលើបានបន្តថា ស្រ្តីរងគ្រោះបានស្គាល់បុរសម្នាក់តាមរយៈបណ្តាញសង្គម Instagram កាលពីអំឡុងខែឆ្នូ ឆ្នាំ ២០២១ ដោយបុរសជាជនខិលខូចបានប្រើប្រាស់រូបថតនិងវីដេអូបង្ហាញថា គាត់ជាជនជាតិកូរ៉េនិងកំពុងធ្វើការងារនៅក្នុងអណ្តូងរ៉ែមួយកន្លែង។ ក្នុងអំឡុងពេលទាក់ទងគ្នានោះ បុរសជាជនបោកប្រាស់បានលួងលោមថា គាត់នឹងមើលថែស្រ្តីរងគ្រោះគ្រប់បែបយ៉ាងពេលពួកគាត់បានរស់នៅជាមួយគ្នា តែក្នុងអំឡុងពេលនេះគាត់កំពុងមានបញ្ហាសេដ្ឋកិច្ចយ៉ាងខ្លាំងនិងសុំឲ្យស្រ្តីរងគ្រោះផ្ញើប្រាក់មកជួយគាត់ឲ្យបានលឿនដើម្បីឆាប់បានរស់នៅជុំគ្នា។ ក្នុងរយៈពេល ៤ខែចុងក្រោយនេះស្រ្តីជាជនរងគ្រោះបានផ្ញើប្រាក់ឲ្យជនខិលខូចចំនួន ១៨៤ដង ដោយប្រើប្រាស់គណនីធនាគារចំនួន ១៨ផ្សេងគ្នា ហើយទឹកប្រាក់សរុបដែលគាត់បានផ្ញើចេញទៅមានចំនួន ៣,៩

ថៃ៖ អាជ្ញាធរសុខាភិបាលនៃប្រទេសថៃបានព្រមានថា នៅក្នុងអំឡុងពេលនៃពិធីបុណ្យចូលឆ្នាំប្រពៃណីថៃ ឬ “សង្ក្រាន្តថៃ” នៅខែក្រោយនេះនឹងមានការរាតត្បាតជំងឺគ្រុនឈាមប្រភេទ ២ ដែលជាជំងឺដ៏គ្រោះថ្នាក់មួយនិងមានអាការៈស្រដៀងជំងឺកូវីដ-១៩ ដែរ នេះបើយោងតាមការាចុះផ្សាយរបស់បណ្តាញសារព័ត៌មាន National Thailand នៅព្រឹកថ្ងៃពុធ ទី២៣ ខែមីនានេះ។ បើតាមនាយកដ្ឋានគ្រប់គ្រងជំងឺឆ្លងថៃបានបញ្ជាក់ថា គិតត្រឹមរយៈពេល ៣ខែដំបូងក្នុងឆ្នាំ ២០២២ នេះមានពលរដ្ឋថៃចំនួន ៣នាក់ហើយ ដែលបានស្លាប់បាត់បង់ជីវិតដោយសាតែជំងឺគ្រុនឈាមប្រភេទ ២ នេះ។ បើគេធ្វើការប្រៀបធៀបអំពីតួលេខអ្នកស្លាប់នៅក្នុងឆ្នាំមុន​​គឺពេញមួយឆ្នាំ ២០២១ ប្រទេសថៃបានរកឃើញអ្នកស្លាប់ដោយជំងឺគ្រុនឈាមប្រភេទ ២ សរុបចំនួន ៦នាក់ប៉ុណ្ណោះ។ បើតាមលោកវេជ្ជបណ្ឌិត Opas Kankawinpong ដែលជាប្រធាននាយកដ្ឋានគ្រប់គ្រងជំងឺឆ្លងថៃបានបញ្ជាក់ថា​

ថៃ៖ អាជ្ញាធរថៃបានព្រមានមិនឲ្យក្រុមហ៊ុនដឹកជញ្ជូនចំណីអាហារដំឡើងថ្លៃចំពោះសេវាដឹកជញ្ជូននោះទេ បើទោះជាតម្លៃប្រេងសាំងនៅលើទីផ្សារបានឡើងថ្លៃក៏ដោយ។ បើយោងតាមការចុះផ្សាយរបស់បណ្តាញសារព័ត៌មាន National Thailand  បានឲ្យដឹងថា នាយកដ្ឋានពាណិជ្ជកម្មផ្ទៃក្នុងនៃក្រសួងពាណិជ្ជកម្មថៃបានពិភាក្សាជាមួយបណ្តាក្រុមហ៊ុនដែលជាប្រតិបត្តិករដឹកជញ្ជូនចំណីអាហាររួចអស់ហើយជុំវិញបញ្ហានេះ ដោយក្រុមទាំងនោះរួមមានក្រុមហ៊ុន Shopee, Lazada, Grab Food, Lineman, Foodpanda, Robinhood, និងក្រុមហ៊ុន AirAsia Food ជាដើម។ បើតាមលោក Wattanasak Sueaiam ដែលជាប្រធាននាយកដ្ឋានពាណិជ្ជកម្មផ្ទៃក្នុងបានបញ្ជាក់ថា ការសម្រេចព្រមានមិនឲ្យក្រុមហ៊ុនដឹកជញ្ជូនដំឡើងថ្លៃសេវាកម្មរបស់ពួកគេត្រូវបានធ្វើឡើងដោយផ្អែកលើស្ថានភាពជាក់ស្តែងនៃការរាតត្បាតជំងឺកូវីដ-១៩ក្នុងប្រទេសថៃ ពោលគឺក្នុងពេលបច្ចុប្បន្ននេះពលរដ្ឋជាច្រើនបានរស់នៅដោយពឹងផ្អែកលើសេវាកម្មដឹកជញ្ជូននេះជាសំខាន់តែម្តង។ លោកបានបន្តថា ការដំឡើងថ្លៃដឹកជញ្ជូនចំណីអាហារនឹងបង្កឲ្យមានវិបត្តិមួយបន្ថែមទៀតនៅក្នុងសង្គម  ខណៈបញ្ហាកូវីដ-១៩ និងសាំងឡើងថ្លៃបានបង្កឲ្យមានផលប៉ះពាល់យ៉ាងច្រើនរួចទៅហើយ។ ប្រធាននាយកដ្ឋានរូបនេះបានបន្តថា ចំពោះអ្នកដឹកជញ្ជូនណាដែលមិនព្រមធ្វើតាមការណែនាំរបស់អាជ្ញាធរគឺនឹងត្រូវប្រឈមនឹងការពិន័យជាប្រាក់ចំនួន ១០,០០០ បាត (ជិត

អ៊ុយក្រែន៖ យោងតាមវីដេអូមួយដែលបានចុះផ្សាយដោយបណ្តាញសារព័ត៌មាន Daily Mail បានបង្ហាញថា មានមីស៊ីលមួយគ្រាប់របស់កងទ័ពរុស្ស៊ីបានធ្លាក់ចូលទៅក្នុងផ្ទះបាយរបស់ពលរដ្ឋអ៊ុយក្រែនម្នាក់ ហើយអ្នកដែលបានទស្សនាវីដេអូនេះរួចសុទ្ធតែបានបង្ហាញអារម្មណ៍តក់ស្លុតយ៉ាងខ្លាំង ព្រោះគិតថាគ្រាប់មីស៊ីលនោះទំនងជាអាចបង្កគ្រោះថ្នាក់យ៉ាងធ្ងន់ធ្ងរចំពោះអាយុជីវិតមនុស្ស។ ហេតុការណ៍នេះបានកើតឡើងកាលពីថ្ងៃទី២០ ខែមីនា ឆ្នាំ២០២២ ស្ថិតនៅផ្ទះប្រជាពលរដ្ឋមួយកន្លែងក្នុងទីក្រុង Kharkiv។ យ៉ាងណាក្តីប្រភពខាងលើមិនបានរាយការណ៍ថា គ្រាប់មីស៊ីលនោះបានបង្កគ្រោះថ្នាក់ដល់អាយុជីវិតអ្នកណាម្នាក់នោះទេ បើទោះជាគ្រាប់មីស៊ីលបានធ្លាក់ចុះតាមដំបូលផ្ទះនិងធ្លាយរហូតដល់ឡាបូលាងចានក្នុងផ្ទះបាយក៏ដោយ។ រហូតមកទល់នឹងពេលនេះក្រុមអ្នកជំនាញផ្នែកដោះមីនអ៊ុយក្រែនបានទៅយកគ្រាប់មីស៊ីលនោះចេញវិញហើយ ខណៈផ្ទះដែលជាកន្លែងកើតហេតុនោះក៏មិនបានរងនូវការបំផ្លាញធ្ងន់ធ្ងរដែរ។ លោកអ្នកអាចទស្សនាហេតុការណ៍នេះ ដូចក្នុងវីដេអូខាងក្រោម៖ អត្ថបទ៖ ភក្តី ប្រភព៖ ​Daily Mail

ចិន​៖ ករណីធ្លាក់យន្តហោះដឹកអ្នកដំណើរមួយគ្រឿងនៅក្នុងប្រទេសចិននៅតែជាប្រធានបទក្តៅសម្រាប់បណ្តាញសារព័ត៌មានអន្តរជាតិជាច្រើន ជាក់ស្តែងនៅព្រឹកថ្ងៃអង្គារ ទី២២ ខែមីនានេះ កាសែត Daily Mail បានរាយការណ៍អំពីដំណឹងចុងក្រោយមួយនៃហេតុការណ៍នេះថា  អ្នកបើកយន្តហោះទំនងជាបានដឹងខ្លួនឡើងវិញមុនពេលយន្តហោះធ្លាក់បន្តិចហើយបានព្យាយាមជួយសង្គ្រោះយន្តហោះដែរ តែការព្យាយមជួយសង្គ្រោះនោះគឺគ្មានលទ្ធផលនោះទេ នេះបើយោងតាមការសន្និដ្ឋានរបស់ក្រុមអ្នកជំនាញ។ ក្រុមអ្នកជំនាញបានបន្តថា យន្តហោះបានធ្លាក់ដាំក្បាលចុះពីលើអាកាសក្នុងកម្ពស់ជាង ៩គីឡូម៉ែត្រ និងធ្លាក់ចុះមកក្នុងល្បឿនប្រមាណជា ៥៦០គីឡូម៉ែត្រក្នុងមួយម៉ោង។ គួររម្លឹកជូនថា យន្តហោះដែលបានធ្លាក់នោះគឺជាយន្តហោះដឹកអ្នកដំណើរ Boeing 737-800 បានធ្លាក់នៅលើភ្នំមួយក្នុងតំបន់ Guangxi ភាគខាងត្បូងប្រទេសចិន ក្រោយយន្តហោះមួយគ្រឿងនេះបានដាច់ការទាក់ទងពីក្រុមការងារអស់រយៈពេល ១៨ម៉ោង។​ នៅលើយន្តហោះមានផ្ទុកអ្នកដំណើរចំនួន ១២៣នាក់ រួមជាមួយនឹង អ្នកបើកបរយន្តហោះនិងក្រុមអ្នកបម្រើការងារនៅលើយន្តហោះចំនួន ៩នាក់ផ្សេងទៀតផងដែរ ខណៈមនុស្សសរុបទាំង ១៣២នាក់នេះសុទ្ធតែបានស្លាប់បាត់បង់ជីវិតទាំងអស់។ សូ​មអញ្ជើញប្រិយមិត្តទស្សនាវីដេអូនៃការធ្លាក់យន្តហោះមួយគ្រឿងនេះដូចខាងក្រោម៖