មិចស៊ិចកូ៖ យ៉ាងហោចណាស់មានមនុស្សចំនួន​ ២៤នាក់បានស្លាប់ និងមនុស្សចំនួន ៧៩នាក់ផ្សេងទៀតរួមទាំងកូនក្មេងផង បានរងរបួសនៅក្នុងហេតុការណ៍បាក់ផុសផ្លូវរថភ្លើងលើអាកាសមួយនៅក្នុងទីក្រុងមិចស៊ិចកូ កាលពីដើមសប្តាហ៍នេះ។ បើយោងតាមការចុះផ្សាយរបស់សារព័ត៌មាន Daily Mail  បានឲ្យដឹងថា គ្រោះថ្នាក់នេះបានកើតឡើងនៅម៉ោង ១០ និង ៣០នាទីយប់ កាលពីយប់ថ្ងៃចន្ទ កន្លងទៅនេះ​ តែប្រតិបត្តិការស្ទូចរថភ្លើងត្រូវបានគេចាប់ផ្តើមធ្វើនៅថ្ងៃអង្គារម្សិលមិញនេះ។ ប្រភពបានបន្តថា ក្នុងចំណោមជនរងគ្រោះដែលបានស្លាប់បាត់បង់ជីវិតនោះមានតែជនរងគ្រោះចំនួន ៥​នាក់ប៉ុណ្ណោះដែលត្រូវបានគេស្គាល់អត្តសញ្ញាណ ខណៈក្រៅពីនេះអាជ្ញាធរមិនអាចកំណត់អត្តសញ្ញាណរបស់ពួកគាត់បានឡើយ។ អាជ្ញាធរមិចស៊ិចកូក៏បានប្រកាសឲ្យពលរដ្ឋណាដែលបានបាត់សាច់ញាតិឬមិត្តភក្តិ ប្រញាប់មកពិនិត្យមើលសាកសពផងដែរ ក្រែងបានស្គាល់ថាសាកសពជាអ្នកណានិងអាចយកសាកសពទៅធ្វើបុណ្យបាន។ គួរបញ្ជាក់ថា​ ពេលនេះអាជ្ញាធរមិចស៊ិចកូកំពុងបើកការស៊ើបអង្កេតជាពិសេសមួយជុំវិញករណីនេះ ដើម្បីរកមូលហេតុពិតប្រាកដនៃគ្រោះថ្នាក់ដ៏អាក្រក់នេះ៕ អត្ថបទ៖ ភក្តី ប្រភព៖ Daily Mail

ថៃ៖ យោងតាមការចុះផ្សាយនៅក្នុងសារព័ត៌មាន The Thaiger បានឲ្យដឹងថា នៅព្រឹកថ្ងៃពុធ ទី ៥ ខែ ឧសភានេះ ប្រទេសថៃបានរកឃើញអ្នកឆ្លងជំងឺកូវីដ ១៩ ចំនួន ២,១១២ នាក់ ខណៈអាជ្ញាធរសុខាភិបាលថៃក៏បានរកឃើញមានអ្នកស្លាប់ចំនួន ១៥ នាក់បន្ថែមទៀតផងដែរ ដែលអ្នកស្លាប់ទាំងនេះសុទ្ធតែមានជំងឺទាក់ទងទៅនឹងជំងឺកូវីដ ១៩ ។​ គួរបញ្ជាក់ថា ចំនួនអ្នកឆ្លងថ្មីនៅប្រទេសថៃក្នុងថ្ងៃនេះហាក់កើនឡើងវិញបន្តិច បើធៀបទៅនឹងថ្ងៃម្សិលមិញ ដោយកាលពីថ្ងៃម្សិលមិញនេះថៃបានឃើញអ្នកឆ្លងថ្មីត្រឹមតែជាង ១ ពាន់នាក់ប៉ុណ្ណោះ។ គិតជាសរុបរួមមកទល់នឹងពេលនេះថៃបានរកឃើញអ្នកឆ្លងជំងឺកូវីដ ១៩ ចំនួនជាង ៧ ម៉ឺននាក់ និងស្លាប់ជាង ៣០០

ស្ថានទូតថៃប្រចាំនៅក្នុងប្រទេសឥណ្ឌាបានណែនាំឲ្យពលរដ្ឋថៃវិលត្រលប់ទៅកាន់ប្រទេសថៃវិញ ក្រោយស្ថានទូតមើលឃើញថា ការរាតត្បាតជំងឺកូវីដ ១៩ នៅក្នុងប្រទេសឥណ្ឌាកាន់តែធ្ងន់ធ្ងរឡើងនិងឈានដល់កម្រិតមួយដែលលែងអាចគ្រប់គ្រងបាន។ ទន្ទឹមនឹងធ្វើសេចក្តីជូនដំណឹងនេះ ខាងស្ថានទូតថៃក៏បានរៀបចំជើងហោះហើរពិសេសមួយសម្រាប់ពលរដ្ឋខ្លួនផងដែរ ដោយជើងហោះហើរនឹងត្រូវចេញដំណើរពីទីក្រុង Chennai ប្រទេសឥណ្ឌា មកកាន់ប្រទេសថៃនៅក្នុងថ្ងៃទី ១៥ ខែឧសភាខាងមុខនេះ។  ពលរដ្ឋថៃដែលមានបំណងចង់វិលមកប្រទេសកំណើតវិញអាចទៅធ្វើការចុះឈ្មោះចាប់ពីថ្ងៃជូនដំណឹងនេះតទៅ ខណៈការហោះហើរនឹងមិនត្រូវគិតថ្លៃឡើយ ព្រោះជើងហោះហើរពិសេសមួយនេះត្រូវបានរៀបចំឡើងក្នុងលក្ខខណ្ឌជាជំនួយសប្បុរសធម៌ពីសំណាក់រដ្ឋាភិបាលថៃទៅកាន់ពលរដ្ឋខ្លួន។ គួរបញ្ជាក់ថា បច្ចុប្បន្នភាពនៅក្នុងប្រទេសឥណ្ឌាគឺប្រទេសមួយនេះកំពុងតែប្រឈមនឹងការរាតត្បាតជំងឺកូវីដ ១៩ក្នុងកម្រិតដ៏ធ្ងន់ធ្ងរបំផុតមួយដោយក្នុងមួយថ្ងៃឥណ្ឌាអាចមានអ្នកឆ្លងជំងឺកូវីដ ១៩ ថ្មីក្នុងខ្ទង់ជាង ៣០ ម៉ឺននាក់ និងមានអ្នកស្លាប់រាប់ពាន់នាក់។ នៅតាមមន្ទីរពេទ្យក្នុងប្រទេសឥណ្ឌាកំពុងប្រឈមនឹងបញ្ហាខ្វះខាតសម្ភារៈបរិក្ខាពេទ្យ គ្រែពេទ្យ និងអ៊ុកស៊ីសែនយ៉ាងខ្លាំង ហើយចំពោះអ្នកស្លាប់រួចហើយវិញក៏ត្រូវប្រឈមនឹងបញ្ហាខ្វះកន្លែងបូជាសាកសពផងដែរ។ គិតជាសរុបរួមមកទល់នឹងពេលនេះឥណ្ឌាមានអ្នកឆ្លងជំងឺកូវីដ ១៩ ជាង ២០ លាននាក់ និងស្លាប់ជាង ២០

ថៃ៖ យោងតាមការចុះផ្សាយនៅក្នុងសារព័ត៌មាន The Thaiger បានឲ្យដឹងថា នៅព្រឹកថ្ងៃទី ៤ ខែ ឧសភា នេះ ប្រទេសថៃបានរកឃើញអ្នកឆ្លងជំងឺកូវីដ ១៩ ចំនួន ១ ៧៦៣ នាក់ និងស្លាប់ដោយជំងឺកូវីដ ១៩ ចំនួន ២៧នាក់ ដែលតួលេខនេះហាក់ធ្លាក់ចុះបន្តិចបើធៀបទៅនឹងតួលេខអ្នកឆ្លងនិងស្លាប់ប្រចាំថ្ងៃកាលពីប៉ុន្មានថ្ងៃមុននេះ។ យ៉ាងណាក្តី បើគេធ្វើការសរុបអំពីចំនួនអ្នកឆ្លងក្នុងរយៈពេល ១០ ថ្ងៃចុងក្រោយនេះគឺប្រទេសថៃមានអ្នកឆ្លងសរុបចន្លោះពី ១ ៥០០ ទៅ ២ ០០០ នាក់ ដែលវាជាចំនួនអ្នកឆ្លងដ៏ច្រើនបំផុតមួយក្នុងរយៈដ៏ខ្លី។ ដោយឡែកបើនិយាយអំពីចំនួនអ្នកស្លាប់វិញ បើទោះជាមានការធ្លាក់ចុះបន្តិចក៏ពិតមែន

ឥណ្ឌូនេស៊ី៖ យោងតាមការចុះផ្សាយនៅក្នុងសារព័ត៌មាន World of Buzz បានឲ្យដឹងថា មានស្រ្តីម្នាក់បានដាក់ថ្នាំពុលក្នុងអាហារផ្ញើទៅឲ្យអតីតមិត្តប្រុសញ៉ាំដើម្បីបំពុលសម្លាប់គាត់ តែជាអកុសលអ្នកដែលត្រូវពុលស្លាប់នោះបែរជាធ្លាក់ចំកូនប្រុសអ្នកដឹកជញ្ជូនម្ហូបអាហារដែលមិនដឹងអីទៅវិញ។ ហេតុការណ៍បំពុលសម្លាប់មនុស្សនេះបានកើតឡើងនៅក្នុងក្រុង Yogyakarta ខេត្តចាវ៉ាខាងលិច នៃប្រទេសឥណ្ឌូនេស៊ី កាលពីថ្ងៃទី ២៥ មេសាកន្លងមកទៅនេះ​ តែប្រតិបត្តិការចាប់ខ្លួនស្រ្តីជាជនបង្កហេតុដែលមានអាយុ ២៥ឆ្នាំ ទើបត្រូវបានធ្វើឡើងដោយជោគជ័យកាលពីពេលថ្មីៗនេះ។ ប្រភពខាងលើបានបញ្ជាក់ថា នៅក្នុងថ្ងៃកើតហេតុនោះស្រ្តីជាជនបង្កហេតុបានទិញសាច់គោអាំងនិងបានដាក់ថ្នាំពុលរួចជាសម្រេច ក្នុងគោលបំណងសម្លាប់អតីតសង្សារដែលទើបនឹងរៀបការជាមួយស្ត្រីម្នាក់ផ្សេងទៀត។ រូបតំណាង ពេលផ្ញើអាហារនោះស្រ្តីជាជនបង្កហេតុមិនបានប្រើប្រាស់ App ឬធ្វើការផ្ញើតាម Online ដែលមានការបញ្ជាក់ឈ្មោះនិងអាសយដ្ឋានពិតប្រាកដរបស់គាត់នោះទេ ពោលគឺគាត់បានយកទៅអាហារពុលនោះទៅប្រគល់ជូនអ្នកដឹកជញ្ជូនដោយផ្ទាល់ ដោយគ្រាន់តែប្រាប់ឈ្មោះនិងអាយសដ្ឋានរបស់អ្នកទទួលប៉ុណ្ណោះ ហើយគាត់បានអះអាងប្រាប់អ្នកដឹកជញ្ជូនថា គាត់មិនចេះផ្ញើតាម Online នោះទេ។ យ៉ាងណាក្តី

មហាសេដ្ឋីលំដាប់ពិភពលោកគឺលោក Bill Gates បានប្រកាសតាមគណនី Twitter ផ្លូវការរបស់គាត់ថា គាត់បានបញ្ចប់ចំណងអាពាហ៍ពិពាហ៍ជាមួយនិងភរិយារបស់គាត់ហើយ ក្រោយបានរៀបការជាមួយអស់រយៈពេល ២៧ ឆ្នាំមក។ ភរិយារបស់អគ្គនាយក្រុមហ៊ុន Microsoft រូបនេះមានឈ្មោះថា Melinda Gates អាយុ ៥៦ ឆ្នាំ គឺជាប្រធានគ្រប់គ្រងផលិតផលនៅក្នុងក្រុមហ៊ុន Microsoft ហើយពួកគាត់បានជួបគ្នាដំបូងនៅក្នុងក្រុមហ៊ុន Microsoft នេះផ្ទាល់តែម្តង និងបានរៀបការជាមួយកាលពីឆ្នាំ ១៩៩៤ ។ ក្រោយរៀបការជាមួយគ្នាជាង ២០ ឆ្នាំមកនេះប្តីប្រពន្ធមួយគូនេះក៏ទទួលបានកូនចំនួន ៣ នាក់ជាចំណងដៃផងដែរ។ គួរបញ្ចាក់ថា បច្ចុប្បន្នលោក Bill Gates មានអាយុ

ឥណ្ឌូនេស៊ី៖ យោងតាមការចុះផ្សាយនៅក្នុងសារព័ត៌មាន Channel News Asia បានឲ្យដឹងថា ប្រទេសឥណ្ឌូនេស៊ីបានរកឃើញករណីអ្នកឆ្លងជំងឺកូវីដ ១៩ បម្លែងខ្លួនមកពីប្រទេសនៅលើទឹកដីខ្លួនជាលើកដំបូងហើយ ដែលការរកឃើញបានក្លាយជាក្តីកង្វល់ថ្មីមួយសម្រាប់អាជ្ញាធរឥណ្ឌូនេស៊ីផងដែរព្រោះនៅពាក់កណ្តាលខែនេះឥណ្ឌូនេស៊ីត្រូវមានពិធីបុណ្យបែបសាសនាម៉ូស្លីមដ៏ធំមួយដែលអាចមានការជួបជុំមនុស្សយ៉ាងច្រើនផងដែរ។ បើតាមលោក Budi Gunadi Sadikin ដែលជារដ្ឋមន្ត្រីក្រសួងសុខាភិបាលឥណ្ឌនេស៊ីបានបញ្ជាក់ថា ករណីអ្នកឆ្លងមេរោកកូវីដ ១៩ បម្លែងខ្លួនមកពីប្រទេសឥណ្ឌាគឺត្រូវបានរកឃើញនៅក្នុងទីក្រុងចាកាតាចំនួន ២ ករណី ខណៈនៅកោះបាលីឯណោះវិញក៏បានរកឃើញមេរោគបម្លែងខ្លួនមកអាហ្វ្រិកខាងត្បូងជាលើកដំបូងផងដែរ។ ទន្ទឹមនឹងការរកឃើញនេះអាជ្ញាធរសុខាភិបាលឥណ្ឌូនេស៊ីបានជូនដំណឹងឲ្យពលរដ្ឋខ្លួនត្រូវបង្កើនការប្រុងប្រយ័ត្ននិងការពារខ្លួនឲ្យបានខ្ជាប់ខ្ជួន ហើយអាជ្ញាធរក៏បានអំពាវនាវកុំឲ្យពលរដ្ឋធ្វើដំណើរត្រលប់ទៅស្រុកកំណើតវិញផងដែរនៅក្នុងឱកាសបុណ្យ Eid al-Fitr ដែលនឹងចាប់ផ្តើមនៅថ្ងៃទី ១២ និង ១៣ ខែ ឧសភានេះ ព្រោះការធ្វើដំណើររបស់ក្រុមប្រជាពលរដ្ឋគឺអាចប្រឈមនឹងការរាតត្បាតជំងឺកូវីដ ១៩ ខ្លាំងណាស។ គួរបញ្ជាក់ថា

ឥណ្ឌូនេស៊ី៖​ យោងតាមការចុះផ្សាយនៅក្នុងសារព័ត៌មាន World of Buzz បានឲ្យដឹងថា មានសាស្ត្រាចារ្យម្នាក់ដែលកំពុងសម្រាកព្យាបាលជំងឺដាច់សរសៃឈាមក្នុងខួរក្បាលនៅក្នុងមន្ទីរពេទ្យទៅហើយនោះ តែរូបគាត់នៅតែឆ្លៀតបង្រៀនកូនសិស្សតាមប្រព័ន្ធ Online ទៀត ដែលនេះជាសកម្មភាពគួរឲ្យគោរពបំផុតមួយនិងមិនអាចកាត់ថ្លៃបាននោះទេ។ លោកសាស្ត្រាចារ្យរូបនេះមានឈ្មោះថា Aceng Muhtaram​ ជាគ្រូបង្រៀនម្នាក់នៅក្នុងទីក្រុង Bandung នៃប្រទេសឥណ្ឌូនេស៊ី ហើយរូបគាត់ត្រូវបានបញ្ចូនទៅសង្គ្រោះបន្ទាន់នៅក្នុងមន្ទីរពេទ្យអស់មួយសប្តាហ៍ទៅហើយ។ យ៉ាងណាក្តី មុនពេលទៅសម្រាកព្យាបាលជំងឺនៅក្នុងមន្ទីរពេទ្យលោកសាស្ត្រាចារ្យរូបនេះត្រូវបង្រៀនមុខវិទ្យា “ស្រាវជ្រាវរដ្ឋបាលអប់រំ” ទៅកាន់កូនសិស្សជាច្រើននាក់ ដើម្បីត្រៀមសម្រាប់ការប្រលងរបស់ពួកគេផងដែរ។ ដំបូងឡើយពេលចាប់ផ្តើមរៀននៅក្នុងប្រព័ន្ធ Zoom កូនសិស្សទាំងអស់មិនបានដឹងថា លោកគ្រូរបស់ពួកគេនៅក្នុងមន្ទីរពេទ្យនោះទេ តែក្រោយមកនៅពេលលោកគ្រូចាប់ផ្តើមរកសម្ភារៈបន្ថែមនោះទើបកូនសិស្សមើលឃើញដោយចៃដន្យថា តាមការពិតគឺរូបគាត់កំពុងតែសម្រាកនៅលើគ្រែក្នុងមន្ទីរពេទ្យ ហើយក្រោយមកទើបក្រុមកូនសិស្សដឹងថា គាត់បានរងគ្រោះដោយជំងឺដាច់សរសៃឈាមនិងទៅសម្រាកនៅក្នុងមន្ទីរពេទ្យអស់មួយសប្តាហ៍មកហើយ។ ទោះជាមានជំងឺធ្ងន់ធ្ងរប្រចាំខ្លួនក្តី ក៏លោកគ្រូមិនបានគេចវេះពីការងារឡើយ ហើយគាត់ថែមទាំងមិនបានប្រាប់ឲ្យសិស្សដឹងទៀតផង​ នេះហើយគឺជាទឹកចិត្តដែលមិនអាចកាត់ថ្លៃបានក្នុងនាមជាគ្រូបង្រៀនម្នាក់៕ អត្ថបទ៖

ក្រុងវ៉ូហាន៖ យោងតាមការចុះផ្សាយនៅក្នុងសារព័ត៌មាន The Thaiger បានឲ្យដឹងថា ទីក្រុងវ៉ូហាន ប្រទេសចិន​ ដែលជាកន្លែងកំណើតនៃមេរោគកូវីដ ១៩ នោះបានរៀបចំការប្រគុំតន្រ្តីចុងសប្តាហ៍ដ៏ធំមួយរយៈ ២ថ្ងៃ និងមានអ្នកចូលរួមទស្សនារាប់ម៉ឺននាក់ដោយក្រុងមួយនេះលែងមានការព្រួយបារម្ភពីការចម្លងជំងឺកូវីដ ១៩ ទៀតហើយ។ ប្រភពខាងលើបានបញ្ជាក់ថា ការប្រគុំតន្រ្តីនេះមានឈ្មោះថា ​The Wuhan Strawberry Music Festival បានរៀបចំឡើងកាលពីថ្ងៃសោរ៍និងអាទិត្យចុងសប្តាហ៍កន្លងទៅនេះនៅឯឧទ្យាន Garden Expo ហើយតាមអ្នករៀបចំកម្មពិធីបានបញ្ជាក់ថា ចំនួនចូលរួមទស្សនាអាចមានដល់ខ្ទង់ ១១ ០០០ នាក់ក្នុងមួយថ្ងៃ។ គួរម្លឹកថា ការប្រគុំតន្ត្រីនេះត្រូវបានធ្វើឡើងជារៀងរាល់ឆ្នាំនិងទើបតែខកខានមិនបានរៀបចំជាសាធារណៈកាលពីឆ្នាំកន្លងទៅនេះ ព្រោះពេលនោះទីក្រុងវ៉ូហានត្រូវបិទខ្ទប់ព្រោះតែការរាតត្បាតនៃជំងឺកូវីដ ១៩ ។ គួរចាប់អារម្មណ៍ថា​

ថៃ៖ យោងតាមការចុះផ្សាយជាបន្ទាន់មួយតាមរយៈ Page Facebook ផ្លូវការរបស់សារព័ត៌មាន The Nation Thailand បានឲ្យដឹងថា នៅក្នុងថ្ងៃ ចន្ទ ទី ៣  ខែ ឧសភានេះ ប្រទេសថៃបានរកឃើញអ្នកស្លាប់ដោយជំងឺកូវីដ ១៩ ក្នុងចំនួនដ៏ច្រើនបំផុតមិនធ្លាប់មាន ពោលគឺតួលេខអ្នកស្លាប់មានរហូតដល់ ៣១ នាក់ បើគិតត្រឹមម៉ោង ៩ ព្រឹកនេះ។ ក្រៅតែពីបានរកឃើញអ្នកស្លាប់ដោយជំងឺកូវីដ ១៩ ក្នុងចំនួនដ៏ច្រើនដូចនេះ អាជ្ញាធរសុខាភិលបាលថៃក៏បានរកឃើញអ្នកឆ្លងថ្មីចំនួន ២ ០៤១ នាក់ផងដែរ។ គួររម្លឹកថា ចំនួនអ្នកឆ្លងជំងឺកូវីដ ១៩