អាមេរិក៖ សាកលវិទ្យាល័យ Harvard ​គ្រោងនឹងខ្ចីប្រាក់គេចំនួន ៧៥០លានដុល្លារ ដើម្បីយកមកបន្តដំណើរនៅក្នុងសាកលវិទ្យាល័យ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃអង្គារ ទី៨​ ខែមេសា។ គម្រោងខ្ចីប្រាក់ដ៏ច្រើននេះបានកើតឡើងក្រោយលោកប្រធានាធិបតីអាមេរិក ដូណាល់ ត្រាំ សម្រេចផ្តាច់ជំនួយទៅកាន់សាកលវិទ្យាល័យមួយនេះ ខណៈនាពេលកន្លងមកសាកលវិទ្យាល័យ Harvard ធ្លាប់បានទទួលជំនួយពីរដ្ឋាភិបាលអាមេរិកក្នុងទំហំទឹកប្រាក់ប្រមាណជា ៩ពាន់លានដុល្លារ។ ប្រភពខាងលើបានបន្តថា ក្រុមហ៊ុន Wall Street គឺអ្នកផ្តល់ប្រាក់កម្ចីដ៏ច្រើននេះទៅកាន់សាកលវិទ្យាល័យ Harvard ខណៈលក្ខខណ្ឌនៃប្រាក់កម្ចីនិងការសងត្រឡប់ទៅវិញយ៉ាងណានោះគឺនៅមិនទាន់មានការបញ្ជាក់នៅឡើយទេ។ សូមបញ្ជាក់ជូនថា សាកលវិទ្យាល័យ Harvard គឺជាសាកលវិទ្យាល័យដ៏ធំនិងល្បីល្បាញបំផុតលំដាប់ទី ៤ នៅលើពិភពលោក ហើយនាពេលកន្លងមកសាកលវិទ្យាល័យ ដែលមានមូលដ្ឋាននៅក្នុងរដ្ឋ Massachusetts សហរដ្ឋអាមេរិកមួយនេះ

អាមេរិក៖ យ៉ាងហោចណាស់មានពលរដ្ឋអាមេរិកចំនួន ១៦នាក់បានស្លាប់បាត់បង់ជីវិតដោយសារតែបញ្ហាព្យុះភ្លៀង នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃអាទិត្យ ទី៦ ខែមេសា។ ព្យុះភ្លៀងបានបន្តកើតមានឡើងជាច្រើនថ្ងៃមកហើយ និងកំពុងបង្កការគំរាមគំហែងយ៉ាងខ្លាំងនៅតំបន់ភាគកណ្តលនិងភាគខាងកើតសហរដ្ឋមេរិក ក្នុងនោះមានរាប់ចាប់តាំងពីរដ្ឋ Arkansas រហូតដល់រដ្ឋ Ohio ។ ប្រភពខាងលើបានបន្តថា ក្រៅតែពីបានបណ្តាលឱ្យមានអ្នកស្លាប់អស់ជាច្រើននាក់ហើយ បញ្ហាព្យុះភ្លៀងក៏បានធ្វើឱ្យពលរដ្ឋប្រមាណជា ១០០,០០០នាក់កំពុងរស់នៅដោយគ្មានភ្លើងអគ្គិសនីប្រើប្រាស់ផងដែរ។ ជាងនេះទៅទៀតនៅមានពលរដ្ឋជាច្រើននាក់ផ្សេងទៀតកំពុងតែរងផលប៉ះពាល់ដោយប្រយោល ដូចជាពិបាកធ្វើដំណើរទៅធ្វើការងារ មិនអាចប្រកបអាជីវកម្មបាន ឬប្រឈមកើតមានបញ្ហាខុសភាពផ្សេងជាច្រើន ដ្បិតព្យុះភ្លៀងនោះបានបង្កឱ្យមានជំនន់ទឹកភ្លៀងយ់ាងឆាប់រហ័សផងដែរ៕ អត្ថបទ៖ភក្តី ប្រភព៖ Channel News Asia

អាមេរិក៖ ពលរដ្ឋអាមេរិករាប់ពាន់នាក់បាននាំគ្នាចុះថ្នល់ធ្វើបាតុកម្មប្រឆាំងនឹងលោកប្រធានាធិបតី ដូណាល់ ត្រាំ និងលោកមហាសេដ្ឋី​ អេឡុន ម៉ាសក៍ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃអាទិត្យ ទី៦​ ខែមេសា។ បាតុកម្មត្រូវបានរៀបចំឡើងនៅក្នុងរដ្ឋធានីវ៉ាស៊ីនតោន ដែលមានអ្នកចូលរួមប្រមាណជា ១,២០០នាក់ ខណៈនៅតាមបណ្តារដ្ឋនិងក្រុងផ្សេងៗទៀតនៅទូទាំងសហរដ្ឋអាមេរិកក៏មានចលនាជួបជុំគ្នាសម្តែងការមិនពេញចំពោះយោបាយដឹកនាំរបស់លោកប្រធានាធិបតី ដូណាល់ ត្រាំផងដែរ។ តំណាងក្រុមបាតុករម្នាក់បានឱ្យដឹងថា នឹងបន្តរៀបចំការតវ៉ាឱ្យកាន់តែធំជាងនេះបន្ថែមទៀតផងដែរនៅតំបន់ National Mall ក្នុងទីក្រុងវ៉ាស៊ីនតោន ដោយគេរំពឹងថាមានអ្នកចូលរួមរហូតដល់ ២០,០០០នាក់។ គួរកត់សម្គាល់ថា តាមគោលនយោបាយដឹកនាំថ្មីរបស់លោកប្រធានាធីបតី ដូណាល់ ត្រាំ ក្នុងរយៈពេលប៉ុន្មានខែមកនេះ គឺគាត់បានបញ្ហាឱ្យលុបចោលស្ថានប័នរដ្ឋជាច្រើនដើម្បីសន្សំសំចៃថវិការរដ្ឋ ដែលបង្ខំឱ្យបុគ្គលិករដ្ឋជាច្រើនត្រូវឈប់ពីការងារ លោក ដូណាល់

មីយ៉ាន់ម៉ា៖​ តួលេខអ្នកស្លាប់បាត់បង់ជីវិតដោយសារតែការរញ្ជួយដីនៅក្នុងប្រទេសមីយ៉ាន់ម៉ាបានកើនឡើងដល់ចំនួន ៣,៤៧១នាក់ហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងរសៀលថ្ងៃអាទិត្យ ទី៦ ខែមេសា។ ដំណើរការនៃការរុករកអ្នកបាត់ខ្លួននៅពេលលនេះកំពុងជួបប្រទះនឹងបញ្ហាលំបាកយ៉ាងខ្លាំង ដ្បិតនៅកំបន់កើតហេតុកំពុងមានភ្លៀងយ៉ាងច្រើនជាបន្តបន្ទាប់គ្នា។ ប្រភពខាងលើបានបន្តថា គិតត្រឹមពេលនេះអាជ្ញាធរមីយ៉ាន់ម៉ាបានរកឃើញអ្នករងរបួសសរុបចំនួន ៤,៦៧១នាក់​ និងមនុស្សចំនួន ២១៤នាក់កំពុងតែបាត់ខ្លួន។ សូមបញ្ជាក់ជូនថា ហេតុការណ៍រញ្ជួយដីនៅក្នុងប្រទេសមីយ៉ាន់ម៉ាបានកើតឡើងតាំងតែពីចុងសប្តាហ៍មុនម្លេះ ខណៈតំបន់ដែលទទួលរងការវាយប្រហារដោយគ្រោះធម្មជាតិនោះគឺក្រុង  Mandalay ដែលជាទីក្រុងធំបំផុតលំដាប់ទី ២ស្ថិតនៅភាគខាងជើងនៃប្រទេសមីយ៉ាន់ម៉ា និងមានប្រជាពលរដ្ឋកំពុងរស់នៅសរុបជាង ១,៧លាននាក់៕ អត្ថបទ៖ ភក្តី ប្រភព៖ Channel News Asia

ថៃ៖ ​យ៉ាងហោចណាស់មានបុរសម្នាក់បានស្លាប់បាត់បង់ជីវិតនៅក្នុងហេតុការណ៍បាញ់ប្រហារមួយ ដែលបានកើតឡើងនៅក្នុងខេត្ត​ Samut Prakan ភាគខាងត្បូង ប្រទេសថៃ នេះបើយោងតាមការចុះផ្សាយរបស់បណ្តាញសារព័ត៌មាន​ បាងកកប៉ុស្តិ៍ នៅក្នុងថ្ងៃសុក្រ​ ទី៤ ខែមេសា។ ក្រៅតែពីបានបណ្តាលឱ្យមានអ្នកស្លាប់បាតបង់ជីវិតហើយ ហេតុការណ៍នេះក៏បានបណ្តាលឱ្យមានមនុស្សចំនួន ២នាក់ផ្សេងទៀតបានរងរបួសផងដែរ។ បើតាមប៉ូលិសថៃបានឱ្យដឹងថា ការបាញ់ប្រហារខាងលើនេះបានកើតឡើងនៅក្នុងផ្សារមួយកន្លែងឈ្មោះ Tonsai ស្ថិតនៅក្នុងតំបន់ Bang Yor ខណៈហេតុការណ៍អកុសលនេះបានកើតឡើងចំថ្ងៃបើកសម្ពោធផ្សារ Tonsai តែម្តង។ ប្រភពខាងលើបានបន្តថា មូលហេតុដែលជម្រុញឱ្យមានអ្នកបាញ់ប្រហារនេះ គឺបង្កឡើងដោយសារតែជម្លោះរវាងជំនួយការរបស់អ្នកគ្រប់គ្រងផ្សារម្នាក់ជាមួយនឹងដៃគូប្រគួតប្រជែងរបស់គេ។ ខ្មាន់កាំភ្លើងត្រូវបានគេស្គាល់ថា មានឈ្មោះថា Bird ភេទប្រុស អាយុ ៣០ឆ្នាំ ហើយរូបគេបានរត់គេចខ្លួនបាត់ក្រោយបានធ្វើសកម្មភាព ខណៈរហូតមកទល់នឹងពេលនេះប្រតិបត្តិការណ៍តាមចាប់ជនសង្ស័យកំពុងធ្វើឡើងយ៉ាងសកម្មបំផុត៕ អត្ថបទ៖ ភក្តី ប្រភព៖  បាងកកប៉ុស្តិ៍

កូរ៉េខាងត្បូង៖ តុលាការធម្មនុញ្ញនៃប្រទេសកូរ៉េខាងត្បូង បានបោះឆ្នោតជាឯកច្ឆ័ន្ទដើម្បីដកលោកប្រធានាធិបតី Yoon Suk-yeol ចេញពីដំណែងហើយ នេះបើយោងតាមការចុះផ្សាយរបស់បណ្តាញសារព័ត៌មាន South China Morning Post នៅក្នុងថ្ងៃសុក្រ ទី៤​​ ខែមេសា។ សេចក្តីសម្រេចនេះត្រូវបានធ្វើឡើងក្រោយតុលាការបានរកឃើញថា លោក Yoon Suk-yeol ពិតជាបានប្រព្រឹត្តិកំហុស ដែលអាចបង្កឱ្យមានគ្រោះមហន្តរាយធ្ងន់ធ្ងរដល់ប្រទេសជាតិប្រាកដមែន។ ប្រភពខាងលើបានបន្តថា ក្រោយពេលអស់ដំណែកជាប្រធានាធិបតីនៃប្រទេសកូរ៉េខាងត្បូងហើយ លោក Yoon Suk-yeol ក៏អាចប្រឈមនឹងការកាត់ទោសព្រហ្មទណ្ឌនៅក្នុងរយៈពេល ៦០ថ្ងៃ បន្ទាប់ពីថ្ងៃដែលលោកត្រូវចុះចេញជាដំណែងជាផ្លូវការផងដែរ។ គួររម្លឹកជូនថា រឿងរ៉ាវចម្រូងសម្រាសរបស់លោកប្រធានាធិបតី Yoon Suk-yeol បានកើតឡើងក្រោយពេល ដែលរូបលោកបានប្រកាសអនុវត្តច្បាប់អាជ្ញាសឹកយ៉ាងបន្ទាន់មួយទាំងយប់នាពេលកន្លងមក ខណៈការប្រកាសដាក់ប្រទេសក្នុងគ្រាមានអាសន្ននោះ ត្រូវបានតុលាការរកឃើញថា គឺត្រូវបានធ្វើឡើងដើម្បីការពារប្រយោជន៍ផ្ទាល់ខ្លួនរបស់លោកតែប៉ុណ្ណោះ

ថៃ៖ តៃវ៉ាន់បាននិយាយថា អត្រាពន្ធថ្មីរបស់អាមេរិកគឺខ្ពស់ខ្លាំងណាស់និងមិនសមហេតុផលនោះទេ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃព្រហស្បតិ៍ ទី៣ ខែមេសា។ ការលើកឡើងនេះត្រូវបានធ្វើឡើងជាការឆ្លើយតបទៅនឹងសហរដ្ឋអាមេរិក ដែលទើបបង្ហាញអត្រាពន្ធនាំចូលថ្មីខ្ពស់ជាងមុនចំពោះបណ្តាប្រទេសជាច្រើន ក្នុងនោះពន្ធនាំចូលពីតៃវ៉ាន់គឺមានអាត្រារហូតដល់ ៣២%។ ប្រភពខាងលើបានបន្តថា ​តៃវ៉ាន់ក៏គ្រោងនឹងធ្វើការចរចារជាលក្ខណៈផ្លូវការមួយជាអាមេរិកផងដែរ ជុំវិញបញ្ហាដ៏រសើបនេះ ពោលគឺព្យាយាមស្វែងរកយន្តការបន្ថយអត្រាពន្ធនេះឱ្យចុះទាបមកវិញ។ សូមបញ្ជាក់ជូនថា កន្លងមកតៃវ៉ាន់ធ្លាប់ជាដៃគូពាណិជ្ជកម្មដ៏ធំមួយរបស់អាមេរិក ពោលគឺទំនិញដែលតៃវ៉ាន់បានចូលនាំទៅអាមេរិកកាលពីឆ្នាំកន្លងទៅមានទំហំជាប្រាក់រហូតដល់ ១១១,៤ពាន់លានដុល្លារឯណោះ៕ អត្ថបទ៖ ភក្តី ប្រភព៖  The Strait Time

ថៃ៖ អាជ្ញាធរថៃព្រមានពីលទ្ធភាពនៃការមានភ្លៀងធ្លាក់ខ្លាំងរហូតបង្កឱ្យមានទឹកជំនន់ធ្ងន់ធ្ងរនៅតាមបណ្តាខេត្តនៅភាគខាងត្បូងប្រទេស ហើយវាក៏អាចជាគ្រោះធម្មជាតិថ្មីមួយបន្ថែមទៀតផងដែរ ខណៈថៃទើបបានរងគ្រោះពីការរញ្ជួយក្នុងកម្រិតដ៏ធ្ងន់ធ្ងរមួយកាលពីចុងសប្តាហ៍កន្លងទៅនេះ។ សេចក្តីព្រមានខាងលើនេះត្រូវបានធ្វើឡើងដោយនាយកដ្ឋានឧតុនិយមថៃ និងត្រូវបានចុះផ្សាយបន្តដោយបណ្តាញសារព័ត៌មាន បាងកកប៉ុស្តិ៍ នៅក្នុងថ្ងៃពុធ ទី២ ខែមេសា។ យោងតាមទៅការព្យាករណ៍របស់នាយកដ្ឋានឧតុនិយមថៃបានបង្ហាញថា ភ្លៀងនឹងចាប់ផ្តើមធ្លាក់ខ្លាំងចាប់ពីថ្ងៃពុធ ទី២ រហូតដល់ថ្ងៃសុក្រ ទី៤​ ខែមេសា។ ចំពោះខេត្តដែលអាចប្រឈមនឹងបញ្ហាធម្មជាតិដូចបានជម្រាបជូនខាងលើនេះមានដូចជា ខេត្ត Prachuap ខេត្ត Khiri Khan ខេត្ត Chumphon ខេត្ត Surat Thani ខេត្ត Nakhon Si Thammarat ខេត្ត Phatthalung  ខេត្ត

មីយ៉ាន់ម៉ា៖ ប្រទេសមីយ៉ាន់ម៉ាបានរៀបចំពិធីស្មឹងស្មាតមួយនាទីនៅទូទាំងប្រទេសដើម្បីគោរពដល់វិញ្ញាណក្ខន្ធជនរងគ្រោះ ដែលបានស្លាប់បាត់បង់ជីវិតនៅក្នុងហេតុការណ៍រញ្ជួយដី​ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃពុធ ទី២ ខែមេសា។ ក្នុងរយៈពេល ៥ថ្ងៃ ក្រោយកើតមានគ្រោះអកុសលទ្រង់ទ្រាយធំនេះ តួលេខរបស់ជនរងគ្រោះនៅតែបន្តកើនឡើង ខណៈប្រតិបត្តិការណ៍ស្វែងរកអ្នកបាត់ខ្លួននៅមិនទាន់បិទបញ្ចប់នៅឡើយទេ។ គិតត្រឹមពេលនេះតួលេខអ្នកស្លាប់បាត់បង់ជីវិតបានបន្តកើនឡើងរហូតដល់ ២,៧១៩នាក់ តួលេខអ្នករងរបួសបានកើនឡើងដល់ ៤,៥០០នាក់​ និងអ្នកកំពុងបាត់ខ្លួនវិញបានកើនឡើងដល់ ៤៤១នាក់។ គួរកត់សម្គាល់ថា តួលេខជនរងគ្រោះនៅតែអាចបន្តកើនឡើង ដរាបណាប្រតិបត្តិការណ៍ស្វែងរកជនរងគ្រោះនៅមិនទាន់បានបិទបញ្ចប់។ សូមបញ្ជាក់ជូនថា ហេតុការណ៍រញ្ជួយដ៏គ្រោះថ្នាក់ខាងលើនេះបានកើតឡើងនៅក្នុងទីក្រុង Mandalay ដែលជាទីក្រុងធំបំផុតលំដាប់ទី ២ស្ថិតនៅភាគខាងជើងនៃប្រទេសមីយ៉ាន់ម៉ា និងមានប្រជាពលរដ្ឋកំពុងរស់នៅសរុបជាង ១,៧លាននាក់៕  អត្ថបទ៖ ភក្តី ប្រភព៖ The Strait Time

ថៃ៖ ប្រតិបត្តិការណ៍ស្វែងរកអ្នកបាត់ខ្លួនពីហេតុការណ៍ដួលរលំអគារដោយសាររញ្ជួយដីនៅក្នុងទីក្រុងបាងកក ប្រទេសថៃ នៅមិនទាន់បិទបញ្ចប់នៅឡើយទេ បើទោះជាហេតុការណ៍អកុសលនេះបានកើតឡើងអស់រយៈពេលច្រើនថ្ងៃមកហើយក្តី។ យោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ នៅក្នុងថ្ងៃអង្គារ ទី១ មេសានេះបានឱ្យដឹងថា អាជ្ញាធរថៃបានប្រើប្រាស់ម៉ាស៊ីនដ៏ពិសេសមួយរបស់ក្រុមយោធាអាមេរិក ដើម្បីស្កេនមើលពីទីតាំងដែលអាចមានមនុស្សកំពុងកប់ជាប់នៅក្រោមគំនរអគារដែលបានបាក់បែក។ លទ្ធផលដែលគេអាចទទួលបានពីម៉ាស៊ីនស្កេនគឺបង្ហាញថា អាចមានមនុស្សចំនួន ៧០នាក់កំពុងកប់ជាប់នៅចន្លោះអគារពីជាន់ទី ១៧ និងជាន់ទី ២១ ហើយនៅក្នុងនោះក៏មានសាកសពចំនួន ៦នាក់ផងដែរ។ យ៉ាងណាក្តី លោកស្រី Tavida Kamolvej អភិបាលរងក្រុងបាងកកបានចេញមកបញ្ជាក់ថា គេនៅមិនទាន់អាចធ្វើការសន្និដ្ឋានបានបានជាផ្លូវការនៅឡើយទេថា សញ្ញានៃមនុស្សទាំង ៧០នាក់នោះ គឺពិតក្រុមជនរងគ្រោះ ដែលកំពុងបាត់ខ្លួនមែនឬយ៉ាងណានោះ ដ្បិតនេះគ្រាន់តែជាសញ្ញាចាប់បានដោយម៉ាស៊ីនស្កេនប៉ុណ្ណោះ ខណៈក្រុមអ្នកជួយសង្គ្រោះនៅមិនទាន់អាចចូលទៅដល់ទីតាំងជាក់ស្តែងនៅឡើយទេ។ សូមបញ្ជាក់ជូនថា គិតត្រឹមពេលនេះអាជ្ញាធរថៃបានរកឃើញសាកសពជនគ្រោះសរុបចំនួន ១៣នាក់