អាមេរិក៖ លោកប្រធានាធិ​បតីអាមេរិក ដូណាល់ ត្រាំ បានឱ្យដឹងថា​ លោកសុខចិត្តកាត់បន្ថយអត្រាពន្ធនាំចូលពីប្រទេសចិន​ ដើម្បីទទួលបានកិច្ចព្រមព្រៀងមួយជាមួយក្រុមហ៊ុន TikTok នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃព្រហស្បតិ៍ ទី២៧ ខែមីនា។ ការថ្លែងរបស់លោក ដូណាល់ ត្រាំ នៅពេលនេះ គឺត្រូវបានធ្វើឡើងស្របពេលដែលការពន្យាពេលបិទបណ្តាញសង្គម TikTok នៅលើទឹកដីអាមេរិក នឹងត្រូវអស់សុពលភាពនៅក្នុងថ្ងៃទី៥ ខែមេសាខាងមុខនេះហើយ។ ដូចនេះគឺមានន័យថា ចាប់ពីថ្ងៃនេះរហូតដល់ថ្ងៃទី៥ ខែមេសា គឺក្រុមហ៊ុន TikTok អាចពិចារណាក្នុងការស្វែងរកកិច្ចព្រមព្រៀងណាមួយជាមួយលោក ដូណាល់ ត្រាំ សារជាថ្មីម្តងទៀតបាន តែបើគ្មានកិច្ចព្រមព្រៀងណាមួយត្រូវបានបង្កើឡើងនោះទេ គឺបណ្តាញសង្គម TikTok នឹងលែងមានវត្តមាននៅសហរដ្ឋអាមេរិកទៀតហើយចាប់ពីថ្ងៃទី៥

កូរ៉េខាងត្បូង៖ តួលេខអ្នកស្លាប់បាត់បង់ជីវិតដោយសារភ្លើងឆេះព្រៃនៅក្នុងប្រទេសកូរ៉េខាងត្បូងបានកើនឡើងដល់ចំនួន ២៤នាក់ហើយ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅល្ងាចថ្ងៃពុធ ទី២៦ ខែមីនា។ នៅក្នុងចំណោមអ្នកស្លាប់ទាំងអស់នោះក៏មានជនរងគ្រោះម្នាក់ជាអ្នកបើកបរឧទ្ធម្ភាគចក្រ ដែលបានស្លាប់ដោយសារធ្លាក់ឧទ្ធម្ភាគចក្រក្នុងអំឡុងពេលធ្វើប្រតិបត្តិការណ៍ពន្លត់ភ្លើងឆេះព្រៃនេះផងដែរ។ ក្រៅតែពីបានសម្លាប់មនុស្សអស់ជាច្រើននាក់ហើយ បញ្ហាភ្លើងឆេះព្រៃក៏បានបង្ខំឱ្យពលរដ្ឋជាច្រើនរយនាក់ ដែលកំពុងរស់នៅក្នុងតំបន់ភាគខាងត្បូង នៃប្រទេសកូរ៉េខាងត្បូង ត្រូវធ្វើការជម្លៀសខ្លួនចេញពីផ្ទះសម្បែងជាបន្ទាន់ផងដែរ ដើម្បីរក្សាសុវត្ថិភាពពីគ្រោះថ្នាក់ផ្សេងៗដែលអាចកើតមានឡើងដោយយថាហេតុ។ សូមបញ្ជាក់ជូនថា បញ្ហាភ្លើងឆេះព្រៃខាងលើនេះបានកើតមានឡើងអស់រយៈពេល ៥ថ្ងៃជាប់គ្នាមកហើយ ហើយវាក៏ជាបញ្ហាភ្លើងព្រៃដ៏ធ្ងន់ធ្ងរបំផុតមួយ ដែលប្រទេសកូរ៉េខាងត្បូងមិនធ្លាប់ជួបប្រទះផងដែរ បើគិតក្នុងរយៈពេលជាច្រើនទសវត្សរ៍ចុងក្រោយនេះ៕ អត្ថបទ៖ ភក្តី ប្រភព៖ The Strait Time

ឥណ្ឌា៖ រដ្ឋាភិបាលនៃប្រទេសឥណ្ឌាគ្រោងនឹងកាត់បន្ថយពន្ធនាំចូលពីអាមេរិក ដែលមានទំហំជាទឹកប្រាក់ចំនួន ២៣ពាន់លានដុល្លារ ជាថ្នូរនឹងការការពារទំនិញខ្លួនដែលត្រូវនាំចូលទៅអាមេរិកវិញមានតម្លៃសរុបជាប្រាក់ចំនួន ៦៦ពាន់លានដុល្លារ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃពុធ ទី២៦ ខែមីនា។ យន្តការខាងលើនេះត្រូវបានធ្វើឡើងនៅក្នុងកិច្ចព្រមព្រៀងពាណិជ្ជកម្មមួយ ដែលត្រូវបានរៀបចំឡើងជាផ្លូវការរវាងរដ្ឋាភិបាលនៃប្រទេសទាំង ២។ ប្រភពខាងលើបានបន្តថា តាមគម្រោងគឺកិច្ចព្រមព្រៀងខាងលើនេះនឹងត្រូវចាប់ផ្តើមអនុវត្តចាប់ពីថ្ងៃទី២ ខែមេសានេះតទៅ​ រហូតដល់មានការចរចារជាថ្មីម្តងទៀតរវាងភាគីទាំងសងខាង។ សូមបញ្ជាក់ជូនថា ការកាត់បន្ថយតម្លៃពន្ធពីសំណាក់រដ្ឋាភិបាលនៃប្រទេសឥណ្ឌានៅពេលនេះ គឺស្មើនឹងការកាត់បន្ថយតម្លៃពន្ធចំនួន ៥៥% នៃតម្លៃពន្ធសរុប ដែលសហរដ្ឋអាមេរិកត្រូវបង់លើគ្រប់មុខទំនិញនាំចូលទៅលក់នៅក្នុងប្រទេសឥណ្ឌា ហើយវាក៏ជាកាត់បន្ថយអត្រាពន្ធក្នុងកម្រិតដ៏ខ្ពស់បំផុតមិនធ្លាប់មានផងដែរ៕ អត្ថបទ៖ ភក្តី ប្រភព៖ The Strait Time  

កូរ៉េខាងត្បូង៖ ឧទ្ធម្ភាគចក្រដែលអាជ្ញាធរកូរ៉េខាងត្បូងបានប្រើប្រាស់ក្នុងប្រតិបត្តិការណ៍ពន្លត់ភ្លើងឆេះព្រៃមួយគ្រឿងបានធ្លាក់ និងបានបណ្តាលឱ្យអ្នកបើកបរម្នាក់ត្រូវស្លាប់បាត់បង់ជីវិត នេះបើយោងតាមការចុះផ្សាយរបស់បណ្តាញសារព័ត៌មាន Korea Herald នៅក្នុងថ្ងៃពុធ ទី២៦ ខែមីនា។ ហេតុការណ៍ធ្លាក់ឧទ្ធម្ភាគចក្របានកើតឡើងនៅក្នុងតំបន់ Uiseong នៃខេត្ត Gyeongsang ដែលស្ថិតនៅតំបន់ភាគខាងត្បូង នៃប្រទេសកូរ៉េខាងត្បូង។ ប្រភពខាងលើបានបន្តថា ឧទ្ធម្ភាគចក្រដែលបានធ្លាក់នោះ គឺជាឧទ្ធម្ភាគចក្រម៉ូដែល S-76 ដែលអាជ្ញាធរកូរ៉េតែងប្រើប្រាស់ក្នុងពេលមានអាសន្នឬហេតុការណ៍បន្ទាន់ណាមួយ តែយ៉ាងណាក្តីអត្តសញ្ញាណរបស់អ្នកបើកបរឧទ្ធម្ភាគចក្រដែលបានស្លាប់បាត់បង់ជីវិតនោះគឺនៅមិនទាន់មានការបង្ហាញជាសាធារណៈនៅឡើយទេ។ សូមបញ្ជាក់ជូនថា នៅតំបន់ភាគខាងត្បូងនៃប្រទេសកូរ៉េខាងត្បូងបានកើតមានបញ្ហាភ្លើងឆេះព្រៃរយៈពេល ៥ថ្ងៃជាប់គ្នាមកហើយ ខណៈគិតត្រឹមពេលនេះអគ្គីភ័យហាក់នៅមិនទាន់ថយចុះឥទ្ធិពលនៅឡើយទេ៕ អត្ថបទ៖ ភក្តី ប្រភព៖ Korea Herald

អាមេរិក៖ យន្តហោះដឹកអ្នកដំណើរមួយគ្រឿងបានបង្ខំចិត្តហោះត្រលប់ក្រោយវិញ ក្រោយធ្វើដំណើរបានជាង ២ម៉ោង ដោយសារតែអ្នកបើកបរយន្តហោះភ្លេចយកលិខិតឆ្លងដែនតាមខ្លួន នេះបើយោងតាមការចុះផ្សាយរបស់បណ្តាញសារព័ត៌មាន Phil Star Life នៅក្នុងថ្ងៃអង្គារ ទី២៥ ខែមីនា។ យន្តហោះដឹកអ្នកដំណើរមួយគ្រឿងនេះគឺជាយន្តហោះស្ថិតនៅក្រោមការគ្រប់គ្រងរបស់ក្រុមហ៊ុនអាកាសចរណ៍ United Airlines ដែលជាក្រុមហ៊ុនអាកាសចរណ៍ដ៏ធំមួយ មានមូលដ្ឋាននៅក្នុងសហរដ្ឋអាមេរិក។ ប្រភពខាងលើបានបន្តថា យន្តហោះដឹកអ្នកដំណើរមួយគ្រឿងនេះមានទិសដៅធ្វើដំណើរចេញពីទីក្រុង Los Angeles សហរដ្ឋអាមេរិកឆ្ពោះទៅកាន់ទីក្រុងសៀងហៃ ប្រទេសចិន ដោយមានផ្ទុកអ្នកដំណើរសរុបចំនួន ២៥៧នាក់ និងក្រុមបុគ្គលិកបម្រើការងារនៅលើយន្តហោះចំនួន ១៣នាក់។ ក្រោយទទួលបានដំណឹងថា មានអ្នកបើកបរយន្តហោះម្នាក់ភ្លេចលិខិតឆ្លងដែន ក្រុមអ្នកគ្រប់គ្រងការហោះហើរក៏បានសម្រេចឱ្យយន្តហោះធ្វើដំណើរត្រឡប់ក្រោយមកវិញ និងបានស្នើសុំការចុះចតជាបន្ទាន់មួយ ខណៈខាងក្រុមហ៊ុនក៏បានតៀមអ្នកបើកបរថ្មីម្នាក់ទៀតដើម្បីជំនួយអ្នកបើកបរដែលភ្លេចលិខិតឆ្លងដែនផងដែរ។ យ៉ាង​ណាក្តី ការហោះត្រលប់មកវិញ ប្តូរអ្នកបើកបរ និងចាប់ផ្តើមធ្វើការហោះហើរជាថ្មីម្តងទៀតនោះគឺត្រូវចំណាយពេលជាច្រើនម៉ោង ហើយជាលទ្ធផលយន្តហោះមួយគ្រឿងនេះត្រូវចុះចតនៅក្នុងទីក្រុងសៀងហៃ

អាមេរិក៖ សហរដ្ឋអាមេរិកនឹងធ្វើការនាំចូលស៊ុតក្នុងបរិមាណយ៉ាងច្រើនសម្រាប់យកទៅផ្គត់ផ្គង់ទីផ្សារក្នុងស្រុក និងដោះស្រាយបញ្ហាតម្លៃស៊ុតកំពុងឡើងថ្លៃ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងសៅរ៍ ទី២២ ខែមីនា។ ប្រទេសដែលនឹងក្លាយជាអ្នកផ្គត់ផ្គង់ស៊ុតឱ្យអាមេរិកមានចំនួន ២ គឺប្រទេសកូរ៉េខាងត្បូង និងប្រទេសតួគី ខណៈបរិមាណស៊ុតដែលត្រូវផ្គង់ផ្គង់វិញគឺអាចមានរហូតដល់ខ្ទង់រាប់រយលានគ្រាប់ឯណោះ។ ប្រភពខាងលើបានបន្តថា បញ្ហាខ្វះខាតស៊ុតនិងស៊ុតឡើងថ្លៃនៅក្នុងទីផ្សារសហរដ្ឋអាមេរិកបានកើតឡើងដោយសារតែការរាតត្បាតនៃជំងឺផ្តាសាយបក្សី​កាលពីពេលថ្មីៗនេះ ដែលបង្ខំឱ្យអាជ្ញាធរអាមេរិកត្រូវកំចាត់សត្វមាន់ចោលអស់ជាង ៣០លានក្បាល និងបិទកសិដ្ឋានចិញ្ចឹមមាន់យកពងទ្រង់ទ្រាយធំមួយចំនួនជាបណ្តោះអាសន្នសិនផងដែរ។ សូមរម្លឹកជូនផងដែរថា ថ្មីៗនេះរដ្ឋាភិបាលអាមេរិកបានអនុម័តថវិកាចំនួន ១ពាន់លានដុល្លារដើម្បីប្រើប្រាស់ប្រយុទ្ធប្រឆាំងនឹងការរាតត្បាតជំងឺផ្តាសាយបក្សី ខណៈអាជ្ញាធរអាមេរិកបានរកឃើញ ករណីឆ្លងជំងឺផ្តាសាយបក្សីទៅកាន់មនុស្សចំនួន ៧០ករណី និងនៅក្នុងនោះមានករណីស្លាប់មួយករណីផងដែរ៕  អត្ថបទ៖ ភក្តី ប្រភព៖  Channel News Asia

អាមេរិក៖ រដ្ឋបាលអាមេរិកក្រោមការដឹកនាំរបស់លោកប្រធានាធិបតី ដូណាល់ ត្រាំ គ្រោងនឹងដកហូតសិទ្ធរស់នៅស្របច្បាប់ជាបណ្តោះអាសន្នពីជនសំណាកស្រុកជាងកន្លះលាននាក់ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃសៅរ៍ ទី២២ ខែមីនា។ តាមគម្រោងគឺច្បាប់ដែលអនុញ្ញាតឱ្យអាជ្ញាធរអាមេរិកអាចអនុវត្តវិធានការខាងលើនេះបាននឹងត្រូវចូលជាធរមាននៅក្នុងថ្ងៃទី២៥​ ខែមីនានេះហើយ។ គួររម្លឹកជូនថា​ ពលរដ្ឋចំណាកស្រុកទាំងនេះទទួលសិទ្ធស្របច្បាប់ទៅស្នាក់នៅជាបណ្តោះអាសន្នក្នុងទឹកដីអាមេរិកក្រោមគោលនយោបាយមនុស្សធម៌មួយ ដែលត្រូវបានអនុវត្តក្នុងអាណត្តិដឹកនាំរបស់លោកប្រធានាធិបតី ចូ បៃឌិន ដោយពួកគេមានចំនួនសរុប ៥៣២,០០០នាក់។ យ៉ាងណាក្តី រដ្ឋបាលរបស់លោក ដូណាល់ ត្រាំ បានសម្រេចលុបចោលកម្មវិធីមនុស្សធម៌នោះហើយ ដែលមានន័យថា ក្រុមពលរដ្ឋចំណាកស្រុកទាំងអស់នេះនឹងត្រូវក្លាយជាជនភៀសខ្លួនខុសច្បាប់នៅលើទឹកដីអាមេរិក ពោលគឺត្រូវប្រឈមនឹងការចាប់បញ្ជូនមកប្រទេសកំណើតវិញតែម្តង៕ អត្ថបទ៖ ភក្តី ប្រភព៖ The Strait

ម៉ាឡេស៊ី៖ ក្រុមហ៊ុនអាកាសចរណ៍ធំៗចំនួន ៣របស់ម៉ាឡេស៊ីសម្រេចដាក់ចេញវិធានការហាមឃាត់មិនឱ្យអ្នកដំណើរទុកដុំ Power Bank ក្នុងធ្នើរដាក់អីវ៉ាន់នៅពីលើក្បាលអ្នកដំណើរជាដាច់ខាត នេះបើយោងតាមការចុះផ្សាយរបស់បណ្តាញព័ត៌មាន The Strait Time នៅក្នុងថ្ងៃសុក្រ ទី២១ ខែមីនា។ ក្រុមហ៊ុនអាកាសចរណ៍ទាំង ៣នោះរួមមាន ក្រុមហ៊ុន Malaysia Airlines ក្រុមហ៊ុន Firefly និងក្រុមហ៊ុន MASwings ខណៈវិធានការដ៏តឹងរឹងនេះនឹងត្រូវផ្តើមអនុវត្តចាប់ពីថ្ងៃទី ១ ខែមេសានេះតទៅ។ យ៉ាងណាក្តី ​​​​​​​​​អ្នកដំណើរទាំងអស់នៅតែអាចយកដុំ Power Bank តាមខ្លួនបានក្នុងពេលធ្វើដំណើរតាមយន្តហោះ​ តែពួកគេត្រូវកាន់ដុំ Power Bank ជាប់ខ្លួនជានិច្ច ឬទុកនៅក្នុងកាបូបដែលពួកគេស្ពាយជាប់ខ្លួន។ ប្រភពខាងលើបានបន្តថា

ឥណ្ឌូណេស៊ី៖ ភ្នំភ្លើង Lewotobi Laki-laki ដែលជាភ្នំភ្លើងដ៏ធំមួយមានទីតាំងស្ថិតនៅក្នុងខេត្ត Tenggara ភាកខាងកើត នៃប្រទេសឥណ្ឌូណេស៊ីបានផ្ទុះឡើងយ៉ាងខ្លាំង និងកំពុងបង្កឱ្យបញ្ហាជាច្រើន នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃសុក្រ ទី២១ ខែមីនា។ ឥទ្ធិពលនៃការផ្ទុះភ្នំភ្លើងបានបង្កឱ្យមានផ្សែងពុលហោះឡើងទៅកាន់បរិកាយក្នុងកម្ពស់ប្រមាណជា ៨គឺឡូម៉ែត្រ និងបង្កឱ្យមានផេះលាយឡំជាមួយកម្ចេចភ្លើងជាច្រើនសាយភាយទៅកាន់តំបន់ដែលមានប្រជាពលរដ្ឋកំពុងរស់នៅផងដែរ។ នៅចំពោះមុខហេតុការណ៍បន្ទាន់នេះ អាជ្ញាធរឥណ្ឌូណេស៊ីបានសម្រេចទាញសញ្ញាគ្រោះថ្នាក់កម្រិតខ្ពស់មួយ ដើម្បីឱ្យពលរដ្ឋជាច្រើននាក់ត្រូវធ្វើការជម្លៀសខ្លួនជាបន្ទាន់ ឬក៏ត្រៀមការពារខ្លួនឱ្យបានខ្ពស់ផងដែរ។ ប្រភពខាងលើបានបន្តថា គិតត្រឹមពេលនេះបន្ទុះភ្នំភ្លើងបានធ្វើឱ្យពលរដ្ឋឥណ្ឌូណេស៊ីម្នាក់បានរងរបួសធ្ងន់ធ្ងរក្នុងអំឡុងពេលរូបគាត់កំពុងព្យាយាមរត់ចេញពីផ្ទះទៅកាន់កន្លែងមានសុវត្ថិភាព ខណៈជើងហោះហើរទៅកាន់កោះបាលី ដែលជាតំបន់រដ្ឋមរណីយដ្ឋានដ៏ល្បីនៅលើពិភពលោក ជាច្រើនជើងត្រូវបានលុបចោលជាបន្ទាន់ ដើម្បីរក្សាសុវត្ថិភាពក្នុងការហោះហើរ៕ អត្ថបទ៖ ភក្តី ប្រភព៖ The Strait Time

ម៉ាឡេស៊ី៖ អាជ្ញាធរម៉ាឡេស៊ីបានស​ម្រេចធ្វើការជម្លៀសពលរដ្ឋជាង ១០,០០០នាក់ជាបន្ទាន់ដោយសារតែបញ្ហាទឹកជំនន់ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃសុក្រ ទី២១ ខែមីនា។ ទីតាំងដែលកំពុងតែរងនូវការវាយប្រហារដោយទឹកជំនន់ពេលនេះ គឺស្ថិតនៅក្នុងរដ្ឋ Johor ភាគខាងត្បូង នៃប្រទេសម៉ាឡេស៊ី។ យ៉ាងណាក្តី គិតត្រឹមពេលនេះនៅមិនទាន់មានជនរងគ្រោះធ្ងន់ធ្ងររហូតត្រូវស្លាប់បាត់បង់ជីវិតនៅឡើយទេ ខណៈពលរដ្ឋដែលបានធ្វើការជម្លៀសខ្លួនទាំងអស់គឺកំពុងស្នាក់ជាបណ្តោះអាសន្នក្នុងជំរំជនភៀសខ្លួនចំនួន ៥កន្លែងផ្សេងគ្នា។ បើតាមអាជ្ញាធរគ្រប់គ្រងគ្រោះមហន្តរាយម៉ាឡេស៊ីបានបញ្ជាក់ថា គ្រោះថ្នាក់ដែលអាចបង្កឡើងដោយជំនន់ទឹកភ្លៀងខាងលើអាចបន្តកើតឡើងច្រើនជាងនេះ ដ្បិតការព្យាការណ៍បានបង្ហាញថា នឹងត្រូវមានភ្លៀងធ្លាក់ខ្លាំងជាច្រើនថ្ងៃបន្ថែមទៀតផងដែរ៕  អត្ថបទ៖ ភក្តី ប្រភព៖ The Strait Time