ចិន៖ ប្រទេសចិនបានបើកដំណើរការមន្ទីរពេទ្យ AI (បញ្ញាសិប្បនិម្មិត) ដំបូងគេនៅលើពិភពលោក នេះបើយោងតាមការចុះផ្សាយរបស់បណ្តាញសារព័ត៌មាន Mehr News នៅក្នុងថ្ងៃទី៤​ ខែឧសភា។ មន្ទីរពេទ្យពិសេសនេះត្រូវបានបង្កើតឡើងដោយក្រុមអ្នកស្រាវជ្រាវនៅក្នុងសាកលវិទ្យាល័យ Tsinghua ដែលមានទីតាំងស្ថិតនៅក្នុងទីក្រុងប៉េកាំង ប្រទេសចិន។ ប្រភពខាងលើបានបន្តថា នៅក្នុងមន្ទីរពេទ្យឆ្លាតវ័យខាងលើនេះ មានវេជ្ជបណ្ឌិត AI ចំនួន ១៤នាក់ និងគិលានុបដ្ឋាយិកា AI ចំនួន ៤នាក់។ បើតាមអាជ្ញាធរចិនបានអះអាងថា វេជ្ជបណ្ឌិត AI មានសមត្ថភាពអាចធ្វើរោគវិនិច្ឆ័យត្រឹមត្រូវរហូតដល់កម្រិត ៩៣,០៦% និងអាចផ្តល់សេវាធ្វើរោគវិនិច្ឆ័យនេះដល់អ្នកជំងឺរាប់ពាន់នាក់ក្នុងរយៈពេល ២-៣ថ្ងៃប៉ុណ្ណោះ ខណៈវេជ្ជបណ្ឌិត ដែលជាមនុស្សធម្មតានឹងត្រូវការពេលវេលារហូតដល់ ២ឆ្នាំឯណោះ៕ អត្ថបទ៖ ភក្តី

អាមេរិក៖ លោកប្រធានាធិបតីអាមេរិក ដូណាល់ ត្រាំ ប្រកាសពន្យាពេលនៃការបិទបណ្តាញសង្គម TikTok រហូតដល់ថ្ងៃទី ១៩ ខែមិថុនា នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃចន្ទ ទី៥ ខែឧសភា។​ គួររម្លឹកជូនថា នាពេលកន្លងមកអាជ្ញាធរអាមេរិកធ្លាប់បានកំណត់កាលបរិច្ឆេទខាងលើនេះនៅត្រឹមដើមឆ្នាំ ២០២៥ តែក្រោយមក៏បានពន្យាពេលជាច្រើនដង ដើម្បីរង់ចាំការចរចារគ្នា។ យ៉ាងណាក្តី រហូតមកទល់នឹងពេលនេះ ការចរចារឬដំណោះស្រាយជាក់លាក់ណាមួយ រវាងអាជ្ញាធរអាមេរិកនិងក្រុមហ៊ុន TikTok នៅមិនទាន់លេចចេញជារូបរាងនៅឡើយទេ ហើយនៅចំណោះមុខស្ថានភាពបែបនេះ ទើបលោក ដូណាល់ ត្រាំ សម្រេចពន្យាពេលបន្ថែមទៀត។ សូមបញ្ជាក់ជូនថា រឿងរ៉ាវចម្រូងចម្រាសរវាងក្រុមហ៊ុន TikTok និងអាជ្ញាធរអាមេរិក បានកើតឡើងតាំងតែពីជំនាន់ដឹកនាំរបស់លោក

ចិន៖ យ៉ាងហោចណាស់មានមនុស្សចំនួន ៣នាក់បានស្លាប់បាត់បង់ជីវិតនៅក្នុងហេតុការណ៍មានទូកទេសចរណ៍ចំនួន ២គ្រឿងបានលិចនៅក្នុងប្រទេសចិន នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃចន្ទ ទី៥ ខែឧសភា។ ទូកទេសរចណ៍ទាំង ២គ្រឿងនោះ គឺជាទូកដែលតែងដំណើរការដឹកអ្នកទេសចរកម្សាន្តជាប្រចាំនៅតាមដងទន្លេក្នុងទីក្រុង Qianxi  ខេត្ត Guizhou ភាគខាងត្បូង ប្រទេសចិន។ ប្រភពខាងលើបានបន្តថា ក្រៅតែពីបានបណ្តាលឱ្យមានអ្នកស្លាប់បាត់បង់ជីវិតភ្លាមៗហើយ ហេតុការណ៍អកុសលនេះក៏បានបណ្តាលឱ្យមនុស្សចំនួន ៦០នាក់បានរងរបួសផងដែរ ខណៈគិតត្រឹមពេលនេះនៅមានមនុស្សចំនួន ១៤នាក់ផ្សេងទៀតកំពុងតែបាត់ខ្លួនផងដែរ ហើយគេក៏គ្មានសង្ឃឹមថា ពួកគេអាចមានសំណាងនៅរស់មានជីវិតដែរ។ យ៉ាងណាក្តី អាជ្ញាធរចិននៅមិនទាន់បានបញ្ជាក់លម្អិតអំពីមូលហេតុ ដែលបណ្តាលឱ្យទូកទេសចរណ៍ទាំង ២គ្រឿងនេះត្រូវជួបគ្រោះថ្នាក់ដូចនេះនៅឡើយទេ៕ អត្ថបទ៖ ភក្តី ប្រភព៖ Channel News Asia

អាមេរិក៖ លោកប្រធានាធិបតីអាមេរិក ដូណាល់ ត្រាំ បានស្នើសុំឱ្យមានការកាត់បន្ថយថវិការដ្ឋចំនួន ១៦៣ពាន់លានដុល្លារ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃសៅរ៍ ទី៣ ខែឧសភា។ តាមគម្រោងគឺផែនការកាត់បន្ថយការចំណាយរបស់រដ្ឋនេះនឹងត្រូវនៅឡើងនៅក្នុងឆ្នាំបន្ទាប់ ខណៈផែនការចំណាយនៅក្នុងឆ្នាំនេះត្រូវអនុម័តរួចរាល់ហើយតាំងតែពីអាណត្តិមុនម្លេះ។ ប្រភពខាងលើបានបន្តថា ផែនការកាត់បន្ថយការចំណាយខាងលើនេះគឺជាការកាត់បន្ថយការចំណាយនៅក្នុងវិស័យមួយចំនួនដូចជា អប់រំ លំនៅដ្ឋាន និងការស្រាវជ្រាវផ្នែកវិជ្ជសាស្រ្តជាដើម។ យ៉ាងណាក្តី កាលពីម្សិលមិញនេះ លោក ដូណាល់ ត្រាំ បានបង្ហាញផែនការស្នើសុំការបន្ថែមការចំណាយលើវិស័យសន្តិសុខជាតិទៅវិញ ពោលគឺគ្រោងនឹងបន្ថែមការចំណាយរហូតដល់ ១,០១ ទ្រីលានដុល្លារ ដែលជាទំហំទឹកប្រាក់ដ៏ច្រើនមិនធ្លាប់មាននោះទេនៅក្នុងសហរដ្ឋអាមេរិក៕ អត្ថបទ៖ ភក្តី ប្រភព៖ Channel News Asia

អៀរឡង់៖ និយតករឯកជនភាពរបស់សហភាពអឺរ៉ុបបានពិន័យក្រុមហ៊ុនគ្រប់គ្រងលើបណ្តាញសង្គម TikTok ជាប្រាក់ចំនួន ៥៣០លានអឺរ៉ូ​ (៦០០លានដុល្លារ) ពីបទមិនបានគ្រប់គ្រងទិន្នន័យរបស់អ្នកប្រើប្រាស់ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia។ ការពិន័យនេះត្រូវនេះបានធ្វើឡើងតាមពាក្យបណ្តឹងរបស់អាជ្ញាធរអៀរឡង់ ដែលបានអះអាងថា TikTok បានប្រមូលទិន្នន័យផ្ទាល់ខ្លួនរបស់ពលរដ្ឋនៅតំបន់អឺរ៉ុប ដើម្បីផ្តល់ទៅឱ្យរដ្ឋាភិបាលចិនដោយសម្ងាត់។ គួរកត់សម្គាល់ថា ករណីចម្រូងចម្រាសខាងលើនេះមិនមែនជារឿងថ្មីចំពោះបណ្តាញសង្គម TikTok ឡើយ ដ្បិតនាពេលកន្លងមក សហរដ្ឋអាមេរិក៏បានចោទប្រកាន់បណ្តាញសង្គមដ៏ពេញនិយមនេះក្នុងករណីដូចគ្នានេះដែរ ហើយអាជ្ញាធរអាមេរិកថែមទាំងបានប្រាប់ឱ្យក្រុមហ៊ុន TikTok ត្រូវផ្តាច់ខ្លួនពីក្រុមហ៊ុនចិន និងលក់ភាគហ៊ុនឱ្យអាមេរិកមានសិទ្ធគ្រប់គ្រងមួយផ្នែកផងដែរ ប្រសិនបើ TikTok ចង់បន្តដំណើរការកម្មវិធីរបស់ខ្លួននៅលើទឹកដីអាមេរិក។ សូមបញ្ជាក់ជូនថា គិតត្រឹមពេលនេះនៅក្នុងតំបន់អឺរ៉ុបទាំងមូលកំពុងមានអ្នកប្រើប្រាស់ TikTok ប្រមាណជា ១៧០លាននាក់យ៉ាងសកម្មជារៀងរាល់ថ្ងៃ៕ អត្ថបទ៖ ភក្តី ប្រភព៖ Channel News Asia

អូស្រ្តាលី៖ អូស្រ្តាលីបានដាក់សម្ពោធឱ្យប្រើប្រាស់នាវាកម្សាន្តមួយគ្រឿង ដែលជានាវាដើរដោយថាមពលអគ្គីសនីធំជាងគេបំផុតនៅលើពិភពភព នេះបើយោងតាមការចុះផ្សាយរបស់បណ្តាញសារព័ត៌មាន The Stria Time នៅក្នុងថ្ងៃសៅរ៍ ទី៣ ខែឧសភា។ នាវាដើរដោយថាមពលអគ្គីសនីខ្នាតយក្សនេះមានឈ្មោះថា Hull 096  និងមានសមត្ថភាពអាចផ្តល់កម្លាំងរហូតដល់ជាង ៤០មេហ្គាវ៉ាត់ម៉ោង។ ប្រភពខាងលើបានបន្តថា នាវា​ Hull 096 ត្រូវបានរចនាឡើងយ៉ាងធំទូទាយ ដោយមានប្រវែង ១៣០ម៉ែត្រ អាចផ្ទុកយាន្តជំនិះបានរហូតដល់ ២២៥គ្រឿង និងអាចផ្ទុកអ្នកដំណើរសរុបបានរហូតដល់ ២,១០០នាក់។​ តាមគម្រោងនាវា​ Hull 096 នឹងត្រូវដាក់ឱ្យប្រើប្រាស់នៅក្នុងទន្លេ River Plate ដែលស្ថិតនៅចន្លោះរវាងទីក្រុង Buenos Aires នៃប្រទេសអាហ្សង់ទីន និងប្រទេសអ៊ុយរូហ្គាយ។

ឥណ្ឌា៖ យ៉ាងហោចណាស់មានមនុស្សចំនួន ៤នាក់បានស្លាប់បាត់បង់ជីវិតដោយសារបញ្ហាព្យុះភ្លៀងនៅក្នុងរដ្ឋធានីញូវដេលី នៃប្រទេសឥណ្ឌា នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅល្ងាចថ្ងៃសុក្រ ទី២ ខែឧសភា។ ក្រៅតែពីបានបណ្តាលឱ្យមានអ្នកស្លាប់បាត់បង់ជីវិតហើយ ក៏នៅមានពលរដ្ឋឥណ្ឌាម្នាក់ទៀតបានរងរបួសធ្ងន់ធ្ងរ និងត្រូវបញ្ជូនព្យាបាលនៅក្នុងមន្ទីរពេទ្យផងដែរ។ ប្រភពខាងលើបានបន្តថា ជនរងគ្រោះដែលបានស្លាប់ទាំងអស់នោះគឺជាសមាជិកនៅក្នុងគ្រួសារតែមួយ ហើយពួកគេបានស្លាប់បាត់បង់ជីវិតភា្លមៗក្រោយមានដើមឈើរមួយដើមធំ បានបាក់សង្កត់ទៅលើបន្ទប់គេងរបស់ពួកគេក្នុងអំឡុងពេលកំពុងមានព្យុះភ្លៀងនិងខ្យល់បោកបក់យ៉ាងខ្លាំង។ បើតាមនាយកដ្ឋានឧតុនិយមឥណ្ឌាបានឱ្យដឹងថា​ អាកាសធាតុនឹងបន្តស្ថិតនៅក្នុងលក្ខខណ្ឌអាក្រក់ក្នុងរយៈពេលជាច្រើនថ្ងៃបន្ថែមទៀត ហើយទំហំនៃផលប៉ះពាល់ផ្សេងៗក៏អាចបន្តកើតមានច្រើនជាងនេះបន្ថែមទៀតផងដែរ៕ អត្ថបទ៖ ភក្តី ប្រភព៖ The Strait Time  

អាមេរិក៖ លោកប្រធានាធិបតីអាមេរិក ដូណាល់ ត្រាំ គ្រោងស្នើសុំថវិកាសម្រាប់ចំណាយលើសន្តិសុខជាតិក្នុងទំហំទឹកប្រាក់រហូតដល់ ១,០១ ទ្រីលានដុល្លារ ដែលជាទំហំទឹកប្រាក់ដ៏ច្រើនមិនធ្លាប់មាននោះទេ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃសុក្រ ទី២ ខែឧសភា។ ថវិកាដ៏ច្រើនខាងលើនេះនឹងត្រូវប្រើប្រាស់សម្រាប់ឆ្នាំសារពើពន្ធ ដែលនឹងចាប់ផ្តើមពីថ្ងៃទី១ ខែតុលាខាងមុខនេះតទៅ។ ប្រភពខាងលើបានបន្តថា បើធ្វើការប្រៀបធៀបទំហំទឹកប្រាក់ខាងលើនេះ ទៅនឹងទំហំទឹកប្រាក់ដែលសហរដ្ឋអាមេរិកធ្លាប់បានប្រើប្រាស់នៅក្នុងឆ្នាំកន្លងទៅ គឺមានការកើនឡើងចំនួន ១៣%  ខណៈនៅក្នុងនោះការចំណាយលើប្រាក់ខែយោធាគឺមានការកើនឡើងចំនួន ៣,៨%ផងដែរ។ សូមបញ្ជាក់ជូនថា គម្រោងបង្កើនការចំណាយលើសន្តិសុខជាតិខាងលើនេះក៏បានធ្វើឱ្យមានការភ្ញាក់ផ្អើលយ៉ាងខ្លាំងនៅក្នុងចំណោមមហាជនផងដែរ ដ្បិតនៅក្នុងអាណត្តិថ្មីនេះ លោកប្រធានាធិបតី ដូណាល់ ត្រាំ បានព្យាយាមកាត់បន្ថយការចំណាយលើវិស័យផ្សេងៗជាច្រើនរួចមកហើយ រួមមានទាំងការបិទស្ថាប័នរដ្ឋ កាត់បន្ថយបុគ្គលិក

អាមេរិក៖ ក្រុមហ៊ុនបច្ចេកវិទ្យាខ្នាតយក្ស Apple នឹងត្រូវបន្ថែមការចំណាយប្រាក់ខ្ទង់ ៩០០លានដុល្លារ ដោយសារតែច្បាប់ដំឡើងពន្ធគយរបស់លោកប្រធានាធិបតីអាមេរិក ដូណាល់ ត្រាំ នេះបើយោងតាមការចុះផ្សាយរបស់បណ្តាញសារព័ត៌មាន BBC នៅក្នុងថ្ងៃសុក្រ ទី២ ខែឧសភា។ ទន្ទឹមគ្នានេះ របាយការណ៍លក់របស់ក្រុមហ៊ុន Apple គិតត្រឹមត្រីមាសដំបូងក្នុងឆ្នាំ ២០២៥ បានបង្ហាញថា ការលក់ទូរស័ព្ទ iPhone មានការធ្លាក់ចុះ បើធៀបទៅនឹងរយៈពេលដូចគ្នាកាលពីឆ្នាំមុន។ សូមបញ្ជាក់ជូនថា ក្រុមហ៊ុន Apple ជាក្រុមហ៊ុនបច្ចេកវិទ្យារបស់អាមេរិក ដែលមានរោងចក្រដំឡើងទូរស័ព្ទ iPhone នៅក្នុងប្រទេសចិន ហើយក្រោយដំឡើងចេញជាទូរស័ព្ទរួចរាល់ហើយទើបក្រុមហ៊ុនដឹកជញ្ជូនទូរស័ព្ទទាំងអស់នោះទៅកាន់អាមេរិក និងត្រូវបង់ពន្ធនាំចូលអាមេរិក ក្នុងអត្រាដូចគ្នាទៅនឹងទំនិញរបស់ប្រទេសចិនផ្សេងៗទៀតដែរ ពោលគឺក្នុងអត្រា ១៤៥%។ ដើម្បីគេចចេញពីការបង់ពន្ធក្នុងអត្រាដ៏ខ្ពស់នេះ ថ្មីៗនេះក្រុមហ៊ុន Apple ក៏បានព្យាយាមផ្លាស់ប្តូរទីតាំងដំឡើងទូរស័ព្ទ iPhone

ចិន៖ ប្រទេសចិនបានសម្រេចអនុគ្រោះពន្ធនាំចូលលើទំនិញសំខាន់ៗមួយចំនួនពីអាមេរិកដោយស្ងាត់ៗ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃពុធ ទី៣០ ខែមេសា។ ទំនិញសំខាន់ៗរបស់អាមេរិក ដែលទទួលបានការអនុគ្រោះពន្ធនោះរួមមានម៉ាស៊ីនយន្តហោះនិងឱសថ ដែលសុទ្ធតែជាប្រភេទទំនិញដែលចិនត្រូវការនាំចូលជាចាំបាច់។ ប្រភពខាងលើបានបន្តថា អាជ្ញាធរចិនមិនបានប្រកាសអំពីការសម្រេចអនុគ្រោះពន្ធនេះជាសាធារណៈឡើយ តែអាជ្ញាធរចិនបានជូនដំណឹងទៅកាន់ក្រុមហ៊ុនគោលដៅទាំងនោះដោយស្ងាត់ៗ។ រហូតមកទល់នឹងពេលនេះ នៅពុំទាន់មានសេចក្តីរាយការណ៍អំពីមូលហេតុជាក់លាក់ ដែលជម្រុញឱ្យចិនត្រូវលួចបន្ថយពន្ធនាំចូលលើទំនិញអាមេរិកស្ងាត់ៗដូចនេះទេ តែសម្រាប់ក្រុមអ្នកវិភាគវិញបានមើលឃើញថា ទំនងជាចិនខ្លាចរងនូវភាពអាម៉ាស់ ដែលខ្លួនត្រូវបន្ទន់ឥរិយាបថចំពោះអាមេរិកដូចនេះ ទើបមិនប្រកាសជាសាធារណៈ។ សូមបញ្ជាក់ជូនថា តាមច្បាប់ដែលរដ្ឋាភិបាលចិនបានប្រកាសជាផ្លូវការ គឺអត្រាពន្ធនាំចូលលើទំនិញអាមេរិកមានចំនួន ១២៥% ខណៈអាមេរិកវិញបានកំណត់អត្រាពន្ធនាំចូលលើទំនិញចិនវិញរហូតដល់ ១៤៥%៕ អត្ថបទ៖​ភក្តី ប្រភព៖ Channel News Asia