យោងតាមការចុះផ្សាយរបស់ ក្រសួងព័ត៌មាន នៅថ្ងៃទី ១១ ខែធ្នូ ឆ្នាំ ២០២៥ នេះ បានឱ្យដឹងថា បងប្អូនប្រជាពលរដ្ឋរស់នៅក្នុងឃុំថ្មដារ ស្រុកវាលវែង ខេត្តពោធ៍សាត់ ជាឃុំដែលរងការបាញ់ផ្លោងដោយកាំភ្លើងធំពីក្រុមទាហានឈ្លានពានថៃ ក្នុងប៉ុន្មានថ្ងៃចុងក្រោយនេះ បានមកស្នាក់នៅមណ្ឌលសុវត្ថិភាព វត្តប្រមោយ ក្នុងឃុំប្រមោយ ស្រុកវាលវែង ដែលត្រូវបានរៀបចំដោយអាជ្ញាធរខេត្ត ដើម្បីជួយទំនុកបំរុងផ្សេងៗ។ សូមបញ្ជាក់ថាប្រជាពលរដ្ឋមកពីឃុំថ្មដារ មានប្រមាណ ៩០០គ្រួសារ ដោយប្រមាណ ៧០០គ្រួសារ ស្នាក់នៅមណ្ឌលសុវត្ថិភាពដែលរៀបចំដោយអាជ្ញាធរខេត្ត និងប្រមាណ ២០០គ្រួសារ ស្នាក់នៅផ្ទះសាច់ញាតិ។ ប្រភព៖ ក្រសួងព័ត៌មាន

(ភ្នំពេញ)៖ យោងតាម ក្រសួងព័ត៍មាន នៅថ្ងៃទី៨ ខែធ្នូ ឆ្នាំ២០២៥ នេះបានឱ្យដឹងថា ក្រសួងការពារជាតិកម្ពុជា នៅរសៀលថ្ងៃទី៨ ខែធ្នូ ឆ្នាំ២០២៥ នេះ បានចេញសេចក្តីប្រកាសព័ត៌មានប្រតិកម្មយ៉ាងខ្លាំង និងបដិសេធទាំងស្រុងចំពោះការចុះផ្សាយរបស់ផេកផ្លូវការកងទ័ពថៃ និងបណ្តាញសារព័ត៌មានថៃមួយចំនួន ដែលបានចោទប្រកាន់ថា កម្ពុជាបានធ្វើការចល័តសព្វាវុធធុនធ្ងន់នៅតាមបណ្តោយព្រំដែន។ លោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ បានគូសបញ្ជាក់ថា ក្រសួងបានកត់សម្គាល់ឃើញសកម្មភាពរបស់ផេកផ្លូវការកងទ័ពភូមិភាគទី១ របស់ថៃ បានផ្សព្វផ្សាយព័ត៌មានដែលខុសពីការពិតទាំងស្រុង។ ការផ្សាយនោះត្រូវបានសារព័ត៌មានថៃមួយចំនួនយកទៅពន្លាត និងចុះផ្សាយបន្ត ដោយចោទប្រកាន់ថា «កម្ពុជាបានចល័តសព្វាវុធធុនធ្ងន់នៅតាមបណ្តោយព្រំដែនកម្ពុជា-ថៃ»។ អ្នកនាំពាក្យក្រសួងការពារជាតិ បានចាត់ទុកទង្វើនេះថាជាចេតនាទុច្ចរិតក្នុងការបំភ័ន្តសាធារណមតិជាតិ និងអន្តរជាតិ ដើម្បីយកធ្វើជាលេសបង្កឱ្យមានភាពតានតឹងផ្នែកយោធាជាមួយកម្ពុជាឡើងវិញ។

(ភ្នំពេញ)៖ យោងតាម ក្រសួងព័ត៍មាន នៅថ្ងៃទី៨ ខែធ្នូ ឆ្នាំ២០២៥ នេះបានឱ្យដឹងថា ក្រសួងការពារជាតិកម្ពុជា បានចេញសេចក្តីបំភ្លឺច្រានចោលទាំងស្រុងចំពោះការចុះផ្សាយរបស់បណ្តាញសារព័ត៌មានថៃមួយចំនួន ដែលបានចោទប្រកាន់ថា កម្ពុជាបានបើកការបាញ់ប្រហារមុន និងប្រើប្រាស់សព្វាវុធធុនធ្ងន់នៅតាមបណ្តោយព្រំដែន។ ក្រសួងបានចាត់ទុកការផ្សាយនេះថាជា «ព័ត៌មានមិនពិត» និងបានបញ្ជាក់ច្បាស់ៗថា ភាគីថៃទេដែលជាអ្នកចាប់ផ្តើមបើកការវាយប្រហារមកលើកងកម្លាំងកម្ពុជា។ យោងតាមប្រភពពីក្រសួងការពារជាតិ បានឱ្យដឹងថា នៅព្រឹកថ្ងៃទី៨ ខែធ្នូ ឆ្នាំ២០២៥ វេលាម៉ោង ៥:០០នាទីព្រឹក កងកម្លាំងយោធាថៃបានបើកការវាយប្រហារមកលើកងកម្លាំងយោធាកម្ពុជា។ សកម្មភាពនេះ ត្រូវបានចាត់ទុកថាជាការបន្តសកម្មភាពបង្កហេតុ បន្ទាប់ពីភាគីថៃបានធ្វើសកម្មភាពញុះញង់ជាច្រើនលើកច្រើនសារអស់រយៈពេលជាច្រើនថ្ងៃមកហើយ ជាពិសេសគឺឧបទវហេតុដែលបានកើតឡើងកាលពីម្សិលមិញនៅតំបន់ «ព្រលានថ្ម» ដែលមានចេតនាចង់ឱ្យមានការប៉ះទង្គិចគ្នាកើតឡើង។ ឆ្លើយតបនឹងស្ថានការណ៍ដ៏តានតឹងនេះ ភាគីកម្ពុជាបានប្រកាន់ខ្ជាប់នូវភាពអត់ធ្មត់កម្រិតខ្ពស់។ ក្រសួងការពារជាតិបានបញ្ជាក់ថា ដោយឈរលើស្មារតីនៃការគោរពកិច្ចព្រមព្រៀង

(ភ្នំពេញ)៖ យោងតាម ក្រសួងព័ត៍មាន នៅព្រឹកថ្ងៃទី៨ ខែធ្នូ ឆ្នាំ២០២៥ នេះ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃកម្ពុជា បានប្រកាសជាផ្លូវការអំពីការផ្អាក និងលុបចោលរាល់កម្មវិធីការងារដែលបានគ្រោងទុកទាំងអស់ ដើម្បីមកកាន់ការងារអាទិភាពខ្ពស់បំផុតចំពោះមុខ គឺការការពារបូរណភាពទឹកដី។ តាមរយៈសំណេរនៅលើបណ្តាញសង្គមផ្លូវការ សម្តេចតេជោ បានគូសបញ្ជាក់យ៉ាងច្បាស់ថា សម្តេចនឹងចូលរួមសហការដោយផ្ទាល់ជាមួយ សម្តេចមហាបវរធិបតី នាយករដ្ឋមន្ត្រីនៃកម្ពុជា ក្នុងការបញ្ជា និងដឹកនាំកងកម្លាំងប្រដាប់អាវុធ ដើម្បីឆ្លើយតប និងទប់ទល់នឹងសកម្មភាពឈ្លានពាននៅតាមបណ្តោយព្រំដែន។ សម្តេចតេជោ បានសង្កត់ធ្ងន់ត្រង់ចំណុចនេះថា៖ «ខ្ញុំបានលុបចោលកម្មវិធីការងារផ្សេងទៀតអស់ហើយ ដើម្បីមករួមជាមួយនាយករដ្ឋមន្ត្រី បញ្ជាលើកម្លាំងប្រដាប់អាវុធ ទប់ទល់ជាមួយការឈ្លានពាន»។ ការសម្រេចចិត្តដ៏សំខាន់នេះ បានបង្ហាញឱ្យឃើញពីការយកចិត្តទុកដាក់ខ្ពស់បំផុត និងការរួបរួមគ្នារវាងថ្នាក់ដឹកនាំកំពូលរបស់ជាតិ

(ភ្នំពេញ)៖ ស្របពេលដែលការគាំទ្រផលិតផលខ្មែរកាន់តែកើនឡើង កាន់តែធ្វើឱ្យក្រុមហ៊ុន ខ្មែរ ប៊ែវើរីជីស បន្តបង្កើនភាពសម្បូរបែបលើផលិតផលខ្មែរ ដោយប្រកាសដាក់សម្ពោធជាផ្លូវការ ស្វាគមន៍សមាជិកចុងក្រោយក្នុងឆ្នាំ ២០២៥ Cambodia Sport+ ភេសជ្ជៈអ៊ីយ៉ុង បំពេញជាតិទឹក ដែលធ្វើការចែកចាយលើទីផ្សារកម្ពុជាចាប់ពីពេលនេះតទៅ។ ជាមួយនឹងកំណើននៃការលេងកីឡាថែរក្សាសុខភាពរបស់បងប្អូន CAMBODIA SPORT+ ភេសជ្ជៈកីឡាកម្ពុជា គឺជាភេសជ្ជៈបំពេញជាតិទឹក ដែលសម្បូរទៅដោយសារធាតុរ៉ែចាំបាច់ជាច្រើនប្រភេទសម្រាប់រាងកាយ ជាពិសេស គឺសារធាតុអេឡិតត្រូលីត ដែលអាចជួយបំពេញជាតិទឹកបានលឿន គ្រប់ពេលអស់កម្លាំង នឿយហត់ ឬមានអារម្មណ៍ថាខ្សោះជាតិទឹក ពេលលេងកីឡា ឬពេលនៅក្រោមកម្តៅថ្ងៃ។ ​ មិនតែប៉ុណ្ណោះ Cambodia Sport+ ក៏ផ្តល់ឱកាសឈ្នះរង្វាន់ដូចជា៖ កង់

(ភ្នំពេញ)៖ យោងតាម ក្រសួងព័ត៍មាន កាលពីថ្ងៃទី ៦ ខែធ្នូ ឆ្នាំ ២០២៥ នេះបានឱ្យដឹងថា សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា នៅថ្ងៃទី៦ ខែធ្នូ ឆ្នាំ២០២៥ នេះ បានចេញសារជាថ្មីដើម្បីបំភ្លឺ និងឆ្លើយតបទៅកាន់មតិរិះគន់របស់ពលរដ្ឋថៃមួយចំនួន ដែលបានចោទប្រកាន់ថា កម្ពុជាប្រើប្រាស់លុយចិនដើម្បីរៀបចំស៊ីហ្គេមឆ្នាំ២០២៣ និងបានមើលងាយកម្ពុជាថាជាប្រទេសក្រីក្រ។ ការចេញមុខបំភ្លឺនេះ ធ្វើឡើងបន្ទាប់ពីសម្តេចបានបង្ហោះវីដេអូកាលពីថ្ងៃទី៤ ខែធ្នូ ស្តីពីការបិទបញ្ចប់ស៊ីហ្គេមនៅកម្ពុជា ដែលត្រូវបានជនជាតិថៃមួយចំនួនបកស្រាយខុសថា ជាការឌឺដងឱ្យប្រទេសថៃដែលត្រៀមធ្វើម្ចាស់ផ្ទះស៊ីហ្គេមឆ្នាំ២០២៥។ នៅក្នុងសារលិខិតបំភ្លឺ សម្តេចតេជោ បានសម្តែងការហួសចិត្តចំពោះការលើកឡើងរបស់ជនជាតិថៃមួយចំនួន ដែលតាំងខ្លួនជាប្រទេសអ្នកមាន ហើយមើលងាយកម្ពុជាថាជា «ប្រទេសអ្នកក្រ

យោងតាម ក្រសួងការងារ និងបណ្តុះបណ្តាលវិជ្ជាជីវៈ កាលពីថ្ងៃទី ៦ ខែធ្នូ ឆ្នាំ ២០២៥ នេះបានឱ្យដឹងថា រាជធានីភ្នំពេញ មានឱកាសការងារ ចំនួន ២៥ ០៨៨ កន្លែង ជូនបងប្អូនអតីតពលករ ដែលវិលត្រឡប់មកពីប្រទេសថៃ។ ប្រភព៖ ក្រសួងការងារ និងបណ្តុះបណ្តាលវិជ្ជាជីវៈ

ភ្នំពេញ ៖ យោងតាម ក្រសួងព័ត៍មាន នាថ្ងៃទី ៦ ខែធ្នូ ឆ្នាំ ២០២៥ នេះបានឱ្យដឹងថា អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ក្រសួងមហាផ្ទៃ បានផ្ញើសារក្រើនរំលឹកដល់ប្រជាពលរដ្ឋប្រុងប្រយ័ត្នករណីលោកអ្នកទទួលបានសារជូនដំណឹងពីជនអនាមិក ឬក្រុមឧក្រិដ្ឋជនបច្ចេកវិទ្យាផ្ញើសារជូនដំណឹងដើម្បីលួចយកគណនី Telegram របស់លោកអ្នក ដូចករណីក្នុងរូបភាពនេះ។ ជាទូទៅក្រុមហ៊ុន Telegram មិនមានការផ្ញើសារជូនដំណឹងឱ្យប្តូរលេខកូដសម្ងាត់ជាបន្ទាន់បែបនេះទេ ។ វិធីសាស្រ្តទប់ស្កាត់ និងការពារ សូមលុបសារជូនដំណឹង ឬ Block ចោលជាការស្រេច៕ ប្រភព៖ ក្រសួងព័ត៍មាន

យោងតាម ក្រសួងព័ត៍មាន នាថ្ងៃទី ៦ ខែធ្នូ ឆ្នាំ ២០២៥ នេះបានឱ្យដឹងថា ទំនប់ដូនទ្រី​ ជាអាងស្តុកទឹកដ៏ធំមួយទៀត​ ក្នុងចំណោមអាងស្តុកជាច្រើននៅខេត្តបាត់ដំបង​ ពោរពេញដោយសក្កានុពលកសិកម្ម​ អាចផ្គត់ផ្គង់ទឹកស្រោចស្រពផ្ទៃដីកសិកម្មរដូវវស្សាចំនួន ៣៣០០០ហិកតា និងរដូវប្រាំងចំនួន ៤៥០០ហិកតា គ្របដណ្តប់លើឃុំចំនួន ១១នៃស្រុកមោងឫស្សី និងស្រុករុក្ខគិរី ខេត្តបាត់ដំបង និងស្រុកបាកាន ខេត្តពោធិ៍សាត់ ព្រមទាំងចូលរួមចំណែកនៅក្នុងការផ្គត់ផ្គង់ទឹកស្អាត និងកាត់បន្ថយទឹកជំនន់តាមតំបន់មួយចំនួននៅផ្នែកខាងក្រោម។ ទំនប់ដូនទ្រី បានសម្រេចការសាងសង់​ ១០០% ក្រោយពីបានចាប់ផ្តើមការដ្ឋានកាលពីឆ្នាំ២០១៨ ដោយមានហេដ្ឋារចនាសម្ព័ន្ធសំខាន់ៗ៖ ទី១/ ទំនប់ស្នូលដីថ្មបំពេញ Earth-Core Rockfill Dam

យោងតាម ក្រសួងព័ត៍មាន នាថ្ងៃទី ៥ ខែធ្នូ ឆ្នាំ ២០២៥ នេះបានឱ្យដឹងថា បន្ទាប់ពីបញ្ចប់ពិធីផ្លាស់ប្តូរអនុស្សរណៈនៃការយោគយល់ជាមួយប្រទេសជាមិត្តនិងដៃគូអភិវឌ្ឍន៍ ក្រសួងប្រៃសណីយ៍និងទូរគមនាគមន៍ បានរៀបចំព្រឹត្តិការណ៍ប្រវត្តិសាស្រ្ត គឺ ការបើកឱ្យដំណើរការជាផ្លូវការនៃការធ្វើប្រតិបត្តិការសេវាទូរសព្ទចល័តជំនាន់ទី៥ ឬសេវា 5G ជាផ្លូវការនៅកម្ពុជា ចាប់ពីឆ្នាំ២០២៦ តទៅ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម វង្សី វិស្សុត ឧបនាយករដ្ឋមន្រ្តីប្រចាំការ រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី។ អត្ថប្រយោជន៍សំខាន់ៗដែលសេវា 5G នឹងនាំមកឱ្យកម្ពុជា ដូចខាងក្រោម៖ – ល្បឿនទិន្នន័យលឿនបំផុត — លឿនជាងសេវា 4G ដល់ទៅ