ក្រុងព្រះសីហនុ-សេចក្តីរាយការណ៍បឋមពីពលរដ្ឋមកថា មានករណីដាក់ថ្នាំកណ្តុរក្នុងចំណី(អំបិលម្ទេស) ប៉ុន្តែដោយឃើញប្លែកនិងសង្ស័យពលរដ្ឋរូបនោះមិនទាន់ហ៊ានបរិភោគទេ ក៏រាយការណ៍និងរកអ្នកពិនិត្យថាជាថ្នាំសម្លាប់កណ្តុរ។ ករណីនេះកើតឡើងនៅជិតរោងចក្រញូស្តារក្នុងសង្កាត់លេខ១ ក្រុងព្រះសីហនុ វេលាម៉ោងជិត១០ព្រឹកថ្ងៃទី១០ ខែកក្កដា ឆ្នាំ២០២០នេះ។ បច្ចុប្បន្នកម្លាំងជំនាញអធិការដ្ឋាននគរបាលក្រុងបានចុះទៅកាន់កន្លែងកើតហេតុដើម្បីពិនិត្យកោសល្យវិច្ចយ័និងវាយតម្លៃរកភាពពិតប្រាកដ។ ទោះជាយ៉ាងនេះក្តី ភ្លាមៗគេនៅមិនទាន់ដឹងពីដើមហេតុ ឬការប្រព្រឹត្តបែបណានៅឡើយ រង់ចាំការបញ្ជាក់ពីសមត្ថកិច្ច៕ ប្រភព៖ លោក Huy Bunleng

ទន្ទឹងនឹងការរង់ចាំអស់រយៈពេលជាច្រើនសប្តាហ៏កន្លងមក កំពូលស្មាតហ្វូនជំនាន់ចុងក្រោយនៃ vivo ត្រកូល X ម៉ូឌែល vivo X50 Series នឹងត្រូវធ្វើការប្រកាសបើកសម្ពោធជាផ្លូវការនៅទីផ្សារកម្ពុជានារសៀលនេះហើយ។ សម្រាប់កម្មវិធីសម្ពោធ ស្មាតហ្វូនសេរីថ្មី X50 Series នេះដែរក៏មានការចូលរួមជាពិសេស ពីសំណាក់កំពូលតារាចម្រៀងប្រចាំប្រទេសកម្ពុជា ដែលតំណាងឲ្យទូរស័ព្ទ vivo ទាំងបីរូប គឺលោក ព្រាប សុវត្ថិ កញ្ញា សុខ ពិសី និងកញ្ញាឡូរ៉ា ម៉ម។ មិនតែប៉ុណ្ណោះព្រមទាំងមានការចូលរួមពីតំណាងតារា KOL លោករៀនថត (ពូជ្រួញ) អ្នកជំនាញផ្នែកបច្ចេកវិទ្យា។ ហើយអ្វីដែរពិសេសតារារបស់យើង នឹងបង្ហាញជូនលោកអ្នកនូវមុខងារ និងបច្ចេកវិទ្យាថ្មីៗរបស់ស្មាតហ្វូន

រាជធានីភ្នំពេញ៖ ព័ត៌មានបឋម-មុននេះបន្តិច មានគ្រោះថ្នាក់ចរាចរណ៍ដ៏រន្ធត់មួយបានកើតឡើង បង្កឡើងដោយរថយន្តបើកបុក អូសម៉ូតូរាប់សិបម៉ែត្រ និងកិនមនុស្សស្លាប់ទៀតហើយ នៅតាមបណ្ដោយផ្លូវ២១៧ ខាងត្បូងច្រមុះជ្រូកស្ទឹងមានជ័យ៣០០ម៉ែត្រ ទល់មុខច្រកចូលសាលាសង្កាត់ស្ទឹងមានជ័យទី៣ ខណ្ឌមានជ័យ នាម៉ោង០៩:២០នាទីព្រឹកថ្ងៃទី១០ ខែកក្តដា ឆ្នាំ២០២០នេះ។ យើងនៅមិនទាន់ដឹងរថយន្តបង្កម៉ាកអ្វី និងស្លាកលេខអ្វីឡើយ ប៉ុន្តែតៃកុងរថយន្តបង្កត្រូវបានបញ្ជូនទៅប៉ុស្តិស្ទឹងមានជ័យ៣ហើយ។ សូមរងចាំដំណឹងបន្ថែម!

រាជធានីភ្នំពេញ ៖ រថយន្ត២គ្រឿងពន្លះគ្នាលាន់ដូចរន្ទះ ខណៈម្ចាស់បើកបរក្នុងល្បឿនលឿនខ្វះការប្រុងប្រយ័ត្ន បានបុកគ្នានៅត្រង់ចំណុចផ្លូវបំបែកជាបួនយ៉ាងពេញទំហឹង បណ្ដាលឲ្យរងការខូចខាតយ៉ាងដំណំ និងបង្កការភ្ញាក់ផ្អើលដល់ប្រជាពលរដ្ឋចោមរោមពេញកន្លែងកើតហេតុ ។ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១២:២០នាទីរំលងអធ្រាត្រ ឈានចូលថ្ងៃទី១០ ខែកក្កដា ឆ្នាំ២០២០ ស្ថិតនៅខាងត្បូងរមណីយដ្ឋានវត្តភ្នំ(ប្រហែល៣០០ម៉ែត្រ) ត្រង់ចំណុចផ្លូវបំបែកជាបួន លើផ្លូវព្រះនរោត្ដម កែងផ្លូវ១០៦ ក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ។ បើតាមប្រភពព័ត៌មានពីកន្លែងកើតហេតុបានឲ្យដឹងថា ដំបូងគេឃើញរថយន្តម៉ាក SIDEKICK ពណ៌សខ្មៅ ពាក់ស្លាកលេខ ឃ8191 ភព2 បើកតាមបណ្ដោយផ្លូវព្រះនរោត្ដមក្នុងទិសដៅពីត្បូងទៅជើងដោយប្រើល្បឿនមធ្យម ខណៈមកដល់ចំណុចកើតហេតុក៏ត្រូវរថយន្តម៉ាក Suzuki ពណ៌ខ្មៅ ពាក់ស្លាកលេខភ្នំពេញ 2U-8494 បើកដោយយុវជនម្នាក់តាមបណ្ដោយផ្លូវលេខ១០៦ ក្នុងទិសដៅពីកើតមកលិចដោយប្រើល្បឿនលឿន

ខេត្តត្បូងឃ្មុំ ៖ ប៉ូលីសពាក់ស័ក្ត៣ នៅខេត្តត្បូងឃ្មុំ បាញ់សម្លាប់នារីម្នាក់ រួចបើករថយន្តរត់គេចខ្លួន តែឈាមស្រែកស្បែកហៅយ៉ាងទាន់ហន់ ក៏ជ្រុលទៅបុករថយន្តមួយគ្រឿងទៀតពីក្រោយ រងរបួសធ្ងន់ ត្រូវបានបញ្ជូនទៅសង្គ្រោះបន្ទាន់ ។ ហេតុការណ៍នេះកើតឡើងកាលពីវេលាម៉ោង០៨:០៦នាទីយប់ ថ្ងៃទី០៩ ខែកក្កដា ឆ្នាំ២០២០ នៅចំណុចមុខ KTV ហ្គោលក្លឹប ស្ថិតក្នុងភូមិជីមាន់កណ្តាល ឃុំក្រែក ស្រុកពញាក្រែក ខេត្តត្បូងឃ្មុំ ។ យោងតាមរបាយការណ៍របស់នគរបាលបានអោយដឹងថា ករណីឃាតកម្មបាញ់សម្លាប់នារីឈ្មោះ ហេង សុខហ៊ាប អាយុ២០ឆ្នាំ បង្កឡើងដោយមន្រ្តីនគរបាលខេត្តត្បូងឃ្មុំម្នាក់ ពាក់ស័ក្ត៣ ឈ្មោះ មូល ទិត្យឧត្តម អាយុ៣៥ឆ្នាំ។ ករណីនេះកើតឡើងដោយបុរសជាមន្រ្តីនគរបាលបានដកកាំភ្លើងបាញ់ចេញពីរថយន្ត

ភ្នំពេញ៖ កាលពីរសៀលថ្ងៃទី​ ៨​ ខែ​ កក្កដា​ ឆ្នាំ​ ២០២០​ លោក​គង់​ ខេមរា​ ជា​ចៅក្រម​ម្នាក់ នៅ​ខេត្តកោះកុង បានរងគ្រោះដោយសារចោរឆក់​កាបូបលុយ នៅជិតសាលា IU ក្នុងខណ្ឌសែនសុខ​ រហូតមានការបើករថយន្តដេញតាមនិងបង្កជាគ្រោះថ្នាក់ចរាចរណ៍បុកចោរស្រីរូបនោះបណ្តាលអោយស្លាប់ភ្លាមៗនៅនឹងកន្លែងផងដែរ។ នៅមុននេះបន្តិចក៏មានការទម្លាយវិដេអូថ្មីមួយទៀតបង្ហាញពីសកម្មភាពចោរស្រីដៃឆៅ ឆក់កាបូបលោកចៅក្រម ដែលចុះពីលើរថយន្តបម្រុងនឹងឆ្លងផ្លូវ ហើយភ្លាមៗលោកចៅក្រម ក៏បានបើករថយន្តត្រឡប់ក្រោយដើម្បីដេញតាមចោរឆក់ យកកាបូបលោកវិញ។ ដើម្បីជ្រាបច្បាស់សូមទស្សនាវិដេអូខាងក្រោម៖ វីដេអូ​សកម្មភាព​ចោរស្រី​ឆក់​កាបូប​ លោក​គង់​ ខេមរា​ ចៅក្រម​អមសាលាដំបូង​ខេត្ត​កោះកុង​ រសៀល​ថ្ងៃ​ទី​ ៨​ ខែ​ កក្កដា​ ឆ្នាំ​ ២០២០​ និង​

ភ្នំពេញ៖ ឲ្យតែដល់ថ្ងៃ OPPO Day ដឹងតែកក្រើកភ្ញាក់ផ្អើល ជាមួយនឹងកាដូពិសេស ពណ៌ថ្មីមានចំនួនមានកំណត់! ខែនេះដឹងតែឡូយលំដាប់ A គ្រប់ពេល ! តើលោកអ្នកកំពុងតែរង់ចាំអ្វីដែលថ្មី អ្វីដែលប្លែកសម្រាប់ OPPO Day មែនទេ? ប្រាកដណាស់! រាល់ថ្ងៃទី10 និង 11 ជារៀងរាល់ខែ ក្រុមហ៊ុន OPPO តែងតែមានអ្វីថ្មីសម្រាប់អតិថិជន និងហ្វេនៗមិនដែលរំលងឡើយ។ ក្រុមហ៊ុន OPPO បានបញ្ជាក់ថា គោលបំណងដែលបង្កើតកម្មវិធី OPPO Day នេះឡើង គឺដើម្បីតបស្នង និងថ្លែងអំណរអរគុណដល់អតិថិជនដែលតែងតែគាំទ្រក្រុមហ៊ុន

ភ្នំពេញ៖ នៅក្នុងកិច្ចប្រជុំដកពិសោធន៍ការអនុវត្តរឹតបន្តឹងច្បាប់ចរាចរណ៍ផ្លូវគោក នៅព្រឹកថ្ងៃទី០៩ ខែកក្កដា ឆ្នាំ២០២០ ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ។ បានដាក់បទបញ្ជាដល់ការរិយាល័យចរាចរណ៍ផ្លូវគោក ការរិយាល័យសណ្តាប់ធ្នាប់ និងអធិការនគរបាលខណ្ឌទាំង១៤ ត្រូវតែចេញកម្លាំង និងរថយន្តស្ទូច ជាប្រចាំដើម្បីចុះរៀបចំសណ្តាប់ធ្នាប់តាមគ្រប់គោលដៅទាំងអស់ ដើម្បីកាត់បន្ថយការកកស្ទះ និងរៀបចំទីក្រុងឲ្យមានសោភ័ណ្ឌភាពល្អ ៕ ប្រភព៖ ស្នងការដ្ឋាននគរបាលរាជធានីភ្នំពេញ

ភ្នំពេញ៖ យោងតាមការចុះផ្សាយរបស់ ក្រសួងព័ត៌មាន បានឲ្យដឹងថា បើគិតត្រឹមសប្តាហ៍ទីមួយនៃខែកក្កដានេះមូលនិធិប្រយុទ្ធប្រឆាំងនឹងជំងឺកូវីដ-១៩ ទទួលបានថវិកាពីសប្បុរសជនជាង១០លានដុល្លារ សម្រាប់យកទៅចូលរួមចំណែកដោះស្រាយលើការងារប្រយុទ្ធប្រឆាំង ការរីករាលដាលជំងឺកូវីដ១៩ នៅកម្ពុជា ។ ក្នុងសារលិខិតអបអរសាទរទិវាប្រជាជនពិភពលោកលើកទី៣១ នៅថ្ងៃទី១១ ខែកក្កដា ឆ្នាំ២០២០ របស់សម្តេចតេជោហ៊ុនសែន នាយករដ្ឋមន្រ្តីនៃព្រះរាជាណាចក្រកម្ពុជាបានឲ្យដឹងគិតត្រឹមសប្តាហ៍ទីមួយនៃខែកក្កដា ឆ្នាំ២០២០ ថ្នាក់ដឹកនាំ មន្ត្រីរាជការស៊ីវិល កងកម្លាំងប្រដាប់អាវុធ អាជីវករ និងប្រជាពលរដ្ឋ ចំនួនជិត៨ម៉ឺននាក់ បានចូលរួមវិភាគទានប្រាក់បៀវត្សនិងប្រាក់ចំណូលផ្ទាល់ខ្លួនដោយស្ម័គ្រចិត្តជូនដល់មូលនិធិប្រយុទ្ធប្រឆាំងនឹងជំងឺកូវីដ-១៩ដោយមានទឹកប្រាក់សរុបកើនដល់ជិត៤២ពាន់លានរៀលឬប្រហាក់ប្រហែលជាង១០លានដុល្លារសហរដ្ឋអាមេរិក។ សម្តេចតេជោបញ្ជាក់ថា នេះជាមោទនភាព ប្រជាជនកម្ពុជាទូទាំងប្រទេសបានសម្តែងនូវស្មារតីសាមគ្គីភាព តាមរយៈវប្បធម៌នៃការចែករំលែកគ្នាក្នុងគ្រាលំបាកតាមរយៈការចូលរួមបរិច្ចាគថវិកាផ្ទាល់ខ្លួនជាមួយនឹងគណៈកម្មការជាតិប្រយុទ្ធនឹងជំងឺកូវីដ-១៩ (COVID-I9) ដែលត្រូវបានបង្កើតនៅថ្ងៃទី១៨ ខែមីនា ឆ្នាំ២០២០។ ជាមួយគ្នានេះដែរ សម្តេចតេជោបញ្ជាក់ថានៅក្នុងវិស័យសង្គមកិច្ច រាជរដ្ឋាភិបាលកម្ពុជាបានបន្តជំរុញអនុវត្តគោលនយោបាយគាំពារសង្គមនិងបានដាក់ចេញវិធានការអន្តរាគមន៍ជំនួយសង្គមបន្ថែមទៀត សំដៅជួយសម្រាលការលំបាកនិងលើកកម្ពស់ជីវភាពរស់នៅរបស់ប្រជាជនដែលមានជីវភាពក្រីក្រ ជាពិសេសស្រ្តីនិងក្មេងស្រី

មន្ទីរ​ពិសោធន៍​ធ្វើ​តេស្ត​រក​វីរុស COVID-19 នៅ​មន្ទីរពេទ្យ​ខេត្ត​សៀមរាប នឹង​ដាក់​ឲ្យ​ដំណើរការ​ក្នុង​ពេល​ឆាប់នេះៗ​នេះ ដើម្បី​ពន្លឿន​ការ​ធ្វើ​តេស្ត​រក​វីរុស COVID-19 ឲ្យ​បាន​កាន់​តែ​ឆាប់​រហ័ស កាន់​តែ​ខិត​ជិត​ប្រជាពលរដ្ឋ និង​ភ្ញៀវ​ទេសចរ។ បច្ចុប្បន្ន​មន្ទីរ​ពិសោធន៍​បាន និង​កំពុង​រៀប​ចំ​ប្រើ​ម៉ាស៊ីន GeneXpert ដែលអាចពិនិត្យរកវីរុស COVID-19 រហ័ស​ហើយ​ទទួល​ស្គាល់​ដោយ​អង្គការ​សុខភាព​ពិភពលោក (WHO) និង​អង្គការ FDA របស់​សហរដ្ឋ​អាមេរិច។ ក្នុង​ដំណើរ​ចុះ​ត្រួត​ពិនិត្យ​ការ​រៀបចំ​បើក​ដាក់​ឲ្យ​ដំណើរ​ការ​មន្ទីរ​ពិសោធន៍​ធ្វើ​តេស្ត​រក​វីរុស COVID-19 នៅ​មន្ទីរពេទ្យ​ខេត្ត​សៀមរាប ព្រឹកថ្ងៃទី ៩ កក្កដា នេះ ឯកឧត្តម ម៉ម ប៊ុនហេង រដ្ឋមន្ត្រី​ក្រសួង​សុខាភិបាល​បាន​ជំរុញ​ធ្វើ​យ៉ាង​ណា​ឲ្យ​មន្ទីរ​ពិសោធន៍​នេះ អាច​ចាប់​ផ្តើម​ធ្វើ​តេស្ត​រក COVID-19 ក្នុង ២-៣