ការ​រាតត្បាត​របស់​វីរុស ​COVID-19 នៅ​មិន​ទាន់​ធូរ​ស្រាល​នៅ​ឡើយ​ទេ​ក្នុង​បណ្តា​ប្រទេស​មួយ​ចំនួន​ជុំវិញ​ពិភពលោក តែ​យើង​សង្កេត​ឃើញ​ថា នៅ​ក្នុង​ប្រទេស​កម្ពុជា ពី​មួយ​ថ្ងៃ​ទៅ​មួយ​ថ្ងៃ កាន់​តែ​មាន​ការ​ប្រសើរ​ឡើងៗ។ យោង​តាម​សេច​ក្តី​ប្រកាស​ស្តី​ពី​ស្ថានភាព​ COVID-19 របស់​ក្រសួង​សុខាភិបាល គិត​ត្រឹម​ព្រឹក​ថ្ងៃ២៤ ខែ​មេសានេះ គឺ​នៅ​តែ​គ្មាន​ករណី​វិជ្ជមាន COVID-19 បន្ត​ទៀត​ដដែល ពោល​គឺ​ក្នុង​រយៈពេលប្រមាណ​១០ថ្ងៃ​នេះ គឺ​គ្មាន​ករណី​ឆ្លង ប៉ុន្តែ​មាន​ករណី​ជាសះស្បើយ​ជា​បន្តបន្ទាប់ រាប់​ចាប់​តាំង​ពីថ្ងៃ​ទី១២ ខែមេសា រហូត​មកដល់​បច្ចុប្បន្ន។ ប្រទេស​កម្ពុជា​​បាន​រក​ឃើញ​ករណី​វិជ្ជមាន​វីរុស COVID-19 ដំបូង​គេលើ​បុរស​ជន​ជាតិ​ចិន នៅ​ក្នុង​ខេត្ត​ព្រះសីហនុ កាល​ពី​ថ្ងៃទី២៧ ខែ​មករា ឆ្នាំ២០២០ ហើយ​ករណី​វិជ្ជមាន​ចុង​ក្រោយ​ត្រូវ​បាន​រក​ឃើញ​កាលពី​ថ្ងៃទី១១ ខែមេសា នៅ​លើ​ស្រ្តី​ជនជាតិ​វៀតណាម និង​ស្វាមី។ ចាប់​តាំង​ពី​ថ្ងៃ​ផ្ទុះ​ដំបូង រហូត​មក​ដល់ថ្ងៃទី២៣

ក្នុងរយៈពេលប្រមាណជាង១០ថ្ងៃនេះ កម្ពុជា មិនទាន់រកឃើញវិជ្ជមានថ្មីទៀតទេនៃជំងឺកូវីដ-១៩ ហើយប្រជាពលរដ្ឋចាប់ផ្តើមធ្វើដំណើរចេញក្រៅផ្ទះច្រើនជាងមុន ដែលធ្វើអោយចរាចរណ៍ចាប់ផ្តើមណែនរកកល់ស្ទះចរាចរណ៍ទៀតផង។ ក្នុងនោះដែរដោយឃើញស្ថានការណ៍បែបនេះសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក៏មានការព្រួយបារម្ភ ហើយបង្ហោះសារក្រើនរំលឹកដល់ប្រជាពលរដ្ឋថា៖ “សុខសប្បាយជាទេបងប្អូនជនរួមជាតិ ក្នុងប៉ុន្មានថ្ងៃកន្លងមកនេះ នៅក្នុងប្រទេសយើង ទោះបីអត្រាឆ្លងរោគកូវីដ-១៩ មិនបានកើនឡើងខ្លាំងដូចប្រទេសដទៃ ហើយចំនួនអ្នកព្យាបាលដែលបានជាសះស្បើយក៏កាន់តែមានច្រើនពិតមែន ប៉ុន្តែយើងត្រូវមានការប្រុងប្រយ័ត្នជាប់ខ្លួនជានិច្ច ជាពិសេស ត្រូវបង្កើនការប្រុងប្រយ័ត្នទេ្វដង។ ព្រោះមេរោគកូរ៉ូណា២០១៩ (Coronavirus 2019) ដែលយើងហៅថាកូវីដ-១៩ (covid-19)ដែលជាជំងឺឆ្លងដ៏កាចសាហាវនេះគឺពុំទាន់មានថ្នាំព្យាបាលនៅឡើយទេ។ ក្នុងប៉ុន្មានថ្ងៃនេះ នៅតាមដងផ្លូវក៏មានការធ្វើដំណើររណែនរកកល់ស្ទះចរាចរណ៍ទៀតផង។ សូមក្រើនរំឮកដល់បងប្អូនប្រជាពលរដ្ឋត្រូវចងចាំនឹងបង្កើនការប្រុងប្រយ័ត្នជាប់ខ្លូនជានិច្ច គឺត្រូវពាក់ម៉ាសការពារ មានទឹកអាល់កុល និងជឹលសម្អាតមេរោគនិងបាក់តេរីផ្សេងៗ ចៀសវាងការចម្លងរោគពីម្នាក់ទៅម្នាក់ដោយសារខ្វះការប្រុងប្រយ័ត្នឬគិតស្រាលៗថាស្រុកយើងមិនអីទេនោះ។ បើគ្មានការចាំបាច់ទៅខាងក្រៅផ្ទះទេ សូមកុំទៅ

យោងតាមការរបាយការណ៍ដែលចុះផ្សាយដោយគេហទំព័រ worldometers បានឲ្យដឹងថា គិតត្រឹមថ្ងៃទី២៤ ខែមេសា ឆ្នាំ២០២០នេះ ចំនួនអ្នកឆ្លងវីរុសកូវីដ១៩ទាំងអស់នៅសហរដ្ឋអាមេរិកបានកើនឡើងជិត៩០ម៉ឺននាក់ហើយ និងមានចំនួនស្លាប់រហូតដល់ជាង ២,៣០០នាក់ក្នុងរយៈពេលតែ២៤ម៉ោង ដែលជានេះចំនួនច្រើនជាងគេបំផុតនៅលើពិភពលោក។ បច្ចុប្បន្នសហរដ្ឋអាមេរិកមានអ្នកឆ្លងទូទាំងប្រទេសសរុប ៨៨០,២០៤ នាក់ (កើនឡើង ៣១,៤៨៧ នាក់) អ្នកស្លាប់សរុប ៤៩,៨៤៥ នាក់ (កើនឡើង ២,៣២៥ នាក់) និងជាសះស្បើយចំនួន ៨៥,៩២២ នាក់ ខណៈនៅទូទាំងពិភពលោកមានអ្នកឆ្លង ២,៧១៨,១៣៩ នាក់ អ្នកស្លាប់ ១៩០,៦៣៥នាក់ និងជាសះស្បើយជាង ៧៤៥,៥០០នាក់៕ អត្ថបទ៖ សេម ប្រភព៖ worldometers

រាជធានីភ្នំពេញ៖ កាលពីថ្ងៃទី១៩ ខែមេសា ឆ្នាំ២០២០ នៅចំណុចមុខយានដ្ឋានលាងរថយន្ត ផ្លូវ៤៨៤ សង្កាត់បឹងត្របែក ខណ្ឌចំការមន ក្រោយពីបានទទួលពាក្យបណ្ដឹងមានចោរឆក់កាបូបរួចមក កម្លាំងជំនាញ នៃអធិការដ្ឋាននគរបាលខណ្ឌចំការមន បានចុះធ្វើការស្រាវជ្រាវរហូតឈានដល់ការឃាត់ខ្លួនជនសង្ស័យចំនួន ០១នាក់ ឈ្មោះ មឿន សុគន្ធ អាយុ ៣០ឆ្នាំ ភេទប្រុស ទីលំនៅបច្ចុប្បន្ន ផ្ទះជួល ផ្លូវ៣៧១ ភូមិក្បាលទំនប់ សង្កាត់បឹងទំពុន២ ខណ្ណ័មានជយ័ មុខរបរគ្មាន នៅថ្ងៃទី២៣ ខែមេសា ឆ្នាំ២០២០ វេលាម៉ោង ១០:០៥នាទី ។ បច្ចុប្បន្នជនសង្ស័យខាងលើនេះ កំពុងកសាងនីតិវិធីនៅអធិការដ្ឋាននគរបាលខណ្ឌចំការមន៕

ភ្នំពេញ៖ មុននេះបន្តិចក្រសួងសុខាភិបាលបានប្រកាសដំណឹងពីស្ថានភាពអ្នកជំងឺកូវីដនៅកម្ពុជា ដែលព្រឹកថ្ងៃទី២៤ ខែមេសា ឆ្នាំ២០២០ នេះក្រសួងសុខាភិបាល បានឲ្យដឹងថា មិនមានករណីវិជ្ជមានកូវីដ១៩ថ្មីឡើយ ហើយក៏គ្មានអ្នកជាសះស្បើយ ដែលធ្វើឲ្យចំនួនអ្នកជាសះស្បើយសរុបកើនដល់១១០នាក់ដដែល ហើយចំនួនអ្នកកំពុងសម្រាកព្យាបាលថយចុះនៅសល់ចំនួន១២នាក់ប៉ុណ្ណោះ រីឯអ្នកមានវីរុសកូវីដ១៩ ដែលបានរកឃើញទាំងអស់ រាប់ទាំងអ្នកដែលបានព្យាបាលជាសះស្បើយ និងអ្នកកំពុងព្យាបាល នៅទូទាំងប្រទេសសរុបមានចំនួន ១២២នាក់ដដែល។ គួរបញ្ជាក់ផងដែរថា គិតមកត្រឹមថ្ងៃនេះ រដ្ឋាភិបាលបានសម្រេចផ្អាកអាជីវកម្មបៀរហ្កាឌិន ជាបណ្តោះអាសន្នទូទាំងប្រទេស ចាប់ពីថ្ងៃទី ២៥ មីនា ២០២០ រហូតដល់មានការជូនដំណឹងជាថ្មី និងបាន ប្រកាសអោយសាលាទូទាំងប្រទេស និងគ្រប់កម្រិតសិក្សាអនុវត្តវិស្សមកាលតូចមុនកាលកំណត់ បិទ KTV រោងកុន ក្លឹបកំសាន្ត ហាមមិនអោយមានការជួបជុំរៀបចំពិធីសាសនាផ្សេងៗ

យោងតាមផេក ស្នងការដ្ឋាននគរបាលរាជធានីភ្នំពេញ បានបង្ហោះឲ្យដឹងថា៖ ២៤ម៉/២៤ម៉ រីករាយនឹងបម្រេីប្រជាពលរដ្ឋជានិច្ច មិនបង្អង់យូរ ទទួលបានខំមិនប្រជាពលរដ្ឋភ្លាម សមត្ថកិច្ចចុះដល់ទីតាំងភ្លាមៗដេីម្បីណែនាំ អប់រំ និងបញ្ឈប់រាល់សកម្មភាពដែលបង្កសម្លេងរំខានអ្នកជិតខាងមិនអាចសម្រាកបាន ដោយការជួបជុំ ផឹកសុី ចាក់ធុងបាស់ ស្រែកច្រៀងឡូឡា ។ សូមចូលរួមគោរពសិទ្ធិអ្នកជិតខាង ក៏ដូចជាការស្តាប់តាមការណែនាំរបស់ក្រសួងសុខាភិបាល កាត់បន្ថយការជួបជុំ ដេីម្បីចូលរួមបង្ការ និងទប់ស្កាត់ការឆ្លងរាលដាលវីរុសកូវីដ ១៩៕  

រាជធានីភ្នំពេញ ៖ បើតាមសម្ដីលោកវរសេនីយ៍ត្រី អ៊ុំ រតនា មេប៉ុស្តិ៍ចាក់អង្រែលើ ខណ្ឌមានជ័យ បានបញ្ជាក់អោយដឹងមុននេះបន្តិចថា កាលពីព្រលប់ថ្ងៃទី២៣ ខែមេសា ឆ្នាំ២០២០នេះ កម្លាំងនគរបាលរបស់លោក ក្រោមការចង្អុលបង្ហាញពីលោកវរសេនីយ៍ទោ ម៉េង វិមានតារា អធិការខណ្ឌមានជ័យ និងដឹកនាំដោយរូបលោកជាមេប៉ុស្តិ៍ បានធ្វើការឃាត់ខ្លួនជនសង្ស័យ២នាក់ បានហើយ ដែលជាចោរធ្វើសកម្មភាពបន្លំយកលុយយ៉ាងសកម្ម ។ ក្រុមចោរទាំងនេះ ទើបធ្វើសកម្មភាពបន្លំលួចយកលុយពីកន្លែងវេរលុយ វីង នាពេលថ្មីៗនេះ នៅសង្កាត់ស្វាយរលំ ក្រុងតាខ្មៅ ខេត្តកណ្ដាល ផងដែរ។ សូមរងចាំព័ត៌មានលំអិតនៅពេលក្រោយ! អត្ថបទ&រូបភាព៖ បងម៉េង ខ្មែរណូត

ឆ្នាំ2020នេះ ក្រុមហ៊ុនហួវៃហាក់កំពុងសម្រុកបំបែកឯកត្តកម្មចំណែកទីផ្សារកម្ពុជាតាមរយៈដាក់ចរាចរណ៍លក់កំពូលស្មាតហ្វូនស៊េរីថ្មី ខ្លាំងថតវីដេអូស្អាតស៊ីដាច់គេលំដាប់ពិភពលោកឈ្នះពាន់រង្វាន់ពី TIPA Award និងហ្ស៊ូមដល់ឋានព្រះច័ន្ទជំនាន់ទី2 Huawei P40 5G តម្លៃ $669 P40 Pro 5G តម្លៃ $899 ដែលទ្រទ្រង់បច្ចេកវិទ្យាShare អេក្រង់ទៅកាន់កុំព្យូទ័រយួរដៃ Huawei Matebook D15 តម្លៃ $569។ លោក ថង សារី នាយកផ្នែកគ្រប់គ្រងទីផ្សារ និងចែកចាយផលិតផលឧបករណ៍ឆ្លាតវៃក្រុមហ៊ុនហួវៃប្រចាំប្រទេសកម្ពុជាបានឲ្យដឹងថា “ហួវៃប្តេជ្ញាផ្តល់នូវផលិតផលឧបករណ៍ឆ្លាតវៃបំពាក់នូវបច្ចេកវិទ្យាឈានមុខគេចុងក្រោយ ដល់អ្នកប្រើប្រាស់ទូទាំងពិភពលោក ជាពិសេសការផ្សារភ្ជាប់គ្នានៃអេក្រង់ទូរស័ព្ទដៃ Huawei P40 ស៊េរី

រាត្រីទីមួយ៖ ទិដ្ឋភាពថ្មីនៃភូមិបន្ទាយស្រី! ជាផ្នែកមួយនៃយុទ្ធនាការ”ផ្ទះ១ អំពូល១” រដ្ឋបាលស្រុកបានសម្រេចកែប្រែពីគម្រោងដើមបន្តិច ពីការដាក់អំពូលតាមផ្ទះនីមួយៗ មកជាបង្គោលភ្លើងតាមដងផ្លូវដើម្បីបំភ្លឺជារួមជំនួសវិញ ដោយហេតុតែទីនេះគឺជាទីប្រជុំជនរបស់ស្រុក។ ការផ្លាស់ប្តូរនេះតម្រូវអោយប្រើប្រាស់អំពូលសូឡាដែលមានវ៉ាត់ធំជាងមុន បង្គោលខ្ពស់ជាងមុន តែមានចំនួនអំពូលតិចជាងមុន។ ផ្សារ សាលារៀន មណ្ឌលសុខភាព អធិការដ្ឋាន សាលាស្រុក វត្តអារាម… ពិតមែនតែជាទីប្រជុំជនដែលសំខាន់ជាងគេ តែកន្លងមកនៅទីនេះពុំទាន់បានរៀបចំអោយសមនឹងឋានៈជាទីរួមស្រុកនៅឡើយទេ។ សង្ឃឹមថាការចាប់ផ្តើមថ្ងៃនេះ នឹងបើកទំព័រថ្មីសម្រាប់ស្រុកបន្ទាយស្រី ដើម្បីបន្តរៀបចំអោយរឹតតែមានសោភ័ណភាពទាក់ទាញបន្ថែមទៀត។ ជួសមុខអោយអ្នកភូមិបន្ទាយស្រី ខ្ញុំសូមថ្លែងអំណរគុណយ៉ាងជ្រាលជ្រៅចំពោះ ឯកឧត្តម នាយឧត្តមសេនីយ៍ សែម សុវណ្ណនី ប្រធានក្រុមការងារចុះជួយឃុំខ្នារសណ្តាយ ដែលបានចូលរួមឧបត្ថម្ភគាំទ្រយុទ្ធនាការ”ផ្ទះ១ អំពូល១” ជំហាននេះ សម្រាប់ភូមិបន្ទាយស្រីនៃឃុំខ្នារសណ្តាយ៕ ប្រភពហ្វេសបុក៖

នៅមុននេះបន្តិចទំព័រ Facebook ផ្លូវការរបស់ក្រសួងសាធារណការ និងដឹកជញ្ជូន បានចេញផ្សាយពីដំណឹងមួយទាក់ទងទៅនឹងអាងហែលទឹកខ្នាតអន្តរជាតិ នៅពហុកីឡដ្ឋានអូឡាំពិក ដែលត្រូវបានជួសជុលរួច១០០% ដោយចំណាយថវិការប្រមាណជិត៣លានដុល្លារសហរដ្ឋអាមេរិក។ ក្នុងនោះដែរ ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន និងជាប្រធានសហព័ន្ធខ្មែរកីឡាហែលទឹក បានអញ្ជើញដឹកនាំគណៈប្រតិភូក្រសួងចុះទទួលអាងហែលទឹកនៅពហុកីឡដ្ឋានអូឡាំពិក ក្រោយពីជួសជុលរួច១០០ភាគរយ ដោយមានការអញ្ជើញចូលរួមពីសំណាក់ថ្នាក់ដឹកនាំក្រសួង តំណាងក្រុមហ៊ុនសាងសង់ សមាជិកសមាជិកាសហព័ន្ធ និងកីឡាករ កីឡាការិនីជាច្រើនរូបផងដែរ។ ឯកឧត្ដមទេសរដ្ឋមន្ត្រីបានឱ្យដឹងថា អាងហែលទឹកនេះត្រូវបានជួសជុល និងពង្រីកបន្ថែម ដែលមានបណ្ដោយប្រវែង ៥០ម៉ែត្រ និងទទឹងប្រវែង ២៥ម៉ែត្រ និងមាន១០បន្ទាត់ ជាខ្នាតអន្តរជាតិ សាងសង់ដោយក្រុមហ៊ុន Shanghai Construction