ខេត្តព្រះសីហនុ៖ ក្រៅពីការប្រើសត្វសុនខ ហិតក្លិន នៅរសៀលថ្ងៃទី៣០ ខែតុលា ឆ្នាំ២០១៩នេះ អាជ្ញាធរបានឈានដល់ការប្រើឧទ្ធម្ភាគចក្រ ក្នុងការស្វែងរកស្ត្រីជនជាតិអង់គ្លេសម្នាក់ដែលបាត់ខ្លួនយ៉ាងអាថ៍កំបាំងលើកោះរ៉ុង ខេត្តព្រះសីហនុ បន្ទាប់ពីប្រតិបត្តិការរុករកដោយថ្មើរជើង នៅលើដីកោះ និងក្នុងលំហរសមុទ្រមិនជួបប្រទះ ។ សម្រាប់ប្រតិបត្តិការស្វែងរក មន្ត្រីថ្លែងថា កំពុងធ្វើបន្តរហូតមកដល់ល្ងាច ថ្ងៃទី៣០​ ខែតុលា ឆ្នាំ២០១៩នេះ គេនៅមិនទាន់ប្រទះឃើញស្ត្រីជនជាតិអង់គ្លេសឈ្មោះAmelia Bambridge អាយុ 21ឆ្នាំ ដែលបាត់ខ្លួននៅលើកោះរ៉ុងតាំងពីទៀបភ្លឺថ្ងៃ២៤ ខែតុលានោះ និងមិនទាន់ដឹងពីជោគវាសនារបស់ស្ត្រីជនជាតិអង់គ្លេសរូបនោះថាយ៉ាងណានៅឡើយ។ ក្រៅពីការស្វែងរកមនុស្ស ការស្រាវជ្រាវផ្សេងៗក៏កំពុងធ្វើដែរពីសមត្ថកិច្ចជំនាញ ដើម្បីរកប្រភពនិងដើមហេតុដែលនាំទៅដល់ការបាត់ខ្លួននេះ៕ ប្រភព៖ លោក ហ៊ុយ ប៊ុនឡេង

ក្រុមហ៊ុនបច្ចេកវិទ្យាអាមេរិក Apple ទើបតែបានដាក់បង្ហាញនូវកាសជំនាន់ថ្មីរបស់ខ្លួនគឺ AirPods Pro ដែលមានតម្លៃលក់ក្នុងទីផ្សាររហូតដល់ ២៤៩ ដុល្លារឯណោះ។ វត្តមានរបស់ AirPods Pro ទទួលបានការចាប់អារម្មណ៍យ៉ាងខ្លាំងជាពិសេសគឺរូបរាងរបស់វាតែម្តង ដែលត្រូវបានរចនាប្លែកខុសពីជំនាន់មុនៗ ព្រមទាំងបំពាក់បច្ចេកវិទ្យាថ្មីៗចុងក្រោយជាច្រើនដូចជា ការពារសំលេងរំខាន (Noise cancelation) ការពារញើស និងភ្លៀងតិចៗ (IPX4) និងមុខងារពិសេសៗជាច្រើនទៀត។ សម្រាប់អ្នកប្រើប្រាស់បណ្ដាញសង្គមវិញបាននាំគ្នាប្រដូចរូងរាងរបស់ AirPods Pro ទៅនឹងវត្ថុជាច្រើន ដោយអ្នកខ្លះថាដូចជាតួរអង្គតុក្កតា Pokémon Bellsproutt ដូចមាស៊ីនសម្ងួតសក់ ដូចរុក្ខជាតិ Peashooter នៅក្នុងហ្គេមសម្រាប់បាញ់ Zombies ឬដូចក្បាលផ្កាឈូកសម្រាប់ងូតទឹកជាដើម។ លោកអ្នកអាចទស្សនារូបនៃការប្រៀបប្រដូច

ដងខ្លួនបដិមាព្រះពុទ្ធចំនួនមួយនិងព្រះសិរបដិមាព្រះពុទ្ធចំនួនមួយ ត្រូវបានប្រទះឃើញក្នុងកំណាយស្រាវជ្រាវសិក្សាអំពីរចនាសម្ពន្ធនៅខាងមុខខឿនតួកណ្តាលនៃប្រាសាទ តុបខាងលិច កាលពីព្រឹកថ្ងៃទី២៤ ខែតុលា ឆ្នាំ ២០១៩កន្លងទៅនេះ។ លោក សុខ កែវសុវណ្ណារ៉ា បុរាណវិទូនៃវិទ្យាស្ថានណារ៉ាដែលកំពុងតែអនុវត្តគម្រោងជួសជុលប្រាសាទតុបខាងលិច បានឱ្យដឹងថា៖ “ដងខ្លួននិងព្រះសិរបដិមាព្រះពុទ្ធនេះរកឃើញនៅទីតាំងផ្សេងពីគ្នា ហើយជាបំណែកពីរផ្សេងគ្នា កសាងឡើងក្នុងសម័យកណ្តាល (១៤៣១-១៨៦៣) ។ លោក សុវណ្ណារ៉ា បញ្ជាក់ថា ដងខ្លួនបដិមាព្រះពុទ្ធត្រូវបានរកឃើញក្នុងជម្រៅ១ម៉ែត្រជាងក្រោមគ្រឹះបល្ល័ង្គព្រះ និងក្នុងសភាពព្រះភ្នែនផ្ងារឡើងលើ។ ចំណែកឯព្រះសិរវិញ ត្រូវបានប្រទះឃើញកប់ក្នុងដីជម្រៅ ៤០សង់ទីម៉ែត្រ ឃ្លាតពីកន្លែងរកឃើញដងខ្លួនបីម៉ែត្រ”។ ចំពោះ ដងខ្លួនបដិមាព្រះពុទ្ធរួមនិងព្រះសិរប្រទះឃើញក្នុងការដ្ឋានកំណាយ ត្រូវបានយកទៅរក្សាទុកនៅវិទ្យាសា្ថនណារ៉ាដើម្បីសម្អាត និងចុះ បញ្ជីសារពើភណ្ឌទុកជា ឯកសារសម្រាប់ស្រាវជ្រាវនិងការជួសជុល៕ អត្ថបទ៖ កញ្ញា

បើតាមប្រភពព័ត៌មានចចាមអារ៉ាមថ្មីមួយបានចេញផ្សាយមកថា OPPO ជំនាន់ថ្មីមួយទៀតអាចនឹងបង្ហាញខ្លួននៅចុងឆ្នាំ២០១៩នេះផងដែរ។ របាយការណ៍ចុងក្រោយ ដែលត្រូវបានចេញផ្សាយដោយ 91Mobiles បានអះអាងថា ម៉ូដែល OPPO RENO S អាចនឹងបង្ហាញខ្លួនជាលើកដំបូងនៅក្នុងប្រទេសឥណ្ឌាក្នុងខែធ្នូខាងមុខនេះ ហើយជឿជាក់ដែរថានឹងបំពាក់មកជាមួយនឹងកាម៉េរាទំហំរហូតទៅដល់ 64MP និងកម្លាំងសាកថ្មទូរស័ព្ទល្បឿនលឿន Super VOOC រហូតដល់ 65W។ លើសពីនេះគេអាចដឹងបានទៀតថា RENO S នឹងប្រើប្រាស់បន្ទះឈីបរបស់ក្រុមហ៊ុន Qualcomm ម៉ូដែល Snapdragon 855 និងថាមពលថ្ម 4000mAh ដែលជាកម្រិតអាចគាំទ្រ និងដំណើរបានងាយស្រួលជាមួយនឹងបច្ចេកវិទ្យាសាកថ្មលឿន Super VOOC ។

សៀមរាប៖​ ឯកឧត្តម យ៉ាណូស អាឌ័រ (János Áder) ប្រធានាធិបតីនៃសាធារណរដ្ឋហុងគ្រី និងលោកជំទាវ អញ្ជើញទស្សនាប្រាសាទនានាក្នុងតំបន់រមណីយដ្ឋានអង្គរ។ ដោយឯកឧត្តមនិងលោកជំទាវ បានធ្វើទស្សនកិច្ចនៅរមណីយដ្ឋានអង្គរចំនួនពីរថ្ងៃ គឺពីថ្ងៃទី២៩ ដល់ថ្ងៃទី៣០ ខែតុលា ឆ្នាំ២០១៩ ដើម្បីទស្សនាប្រាសាទបុរាណខ្មែរ ស្វែងយល់ពីប្រវត្តិសាស្ត្រ អារ្យធម៌ និងភាពដ៏អស្ចារ្យនៃសំណង់ប្រាសាទបុរាណខ្មែរ។ សូមបញ្ជាក់ថា ការអញ្ជើញបំពេញទស្សនកិច្ចផ្លូវការរបស់ឯកឧត្តមប្រធានាធិបតីហុងគ្រីនិងលោកជំទាវ បានធ្វើឡើងតបតាមការអញ្ជើញ​របស់ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជារយៈពេល៤ថ្ងៃ ចាប់ពីថ្ងៃទី២៧ដល់ថ្ងៃទី៣០ ខែតុលា ឆ្នាំ២០១៩៕ ប្រភពនិងរូបភាព៖ អាជ្ញាធរជាតិអប្សរា/អេង បញ្ញាវុទ្ធី ដោយ៖ណារ៉ែន

ខេត្តកំពង់ស្ពឺ​៖​ កាលពី​វេលាម៉ោង០៣ និង២០នាទីទៀបភ្លឺ​ នាថៃ្ងទី​៣០ ខែតុលា​ ឆ្នាំ​២០១៩​ មានករណីគុបក​ញ្ចក់រថយន្ត នៅតាមបណ្ដោយផ្លូវជាតិ​លេខ​ ៣​ភូមិ​ក្រាំង​លាវ​ បង្កឡេីងដោយ​មនុស្សមួយក្រុម ៣​នាក់​៖ ១-ឈ្មោះ​ ​​ជួន វិន ភេទប្រុស អាយុ​ ២៣ឆ្នាំ ជាអ្នក​បើកម៉ូតូ​ រស់នៅភូមិឯកភាព​ ឃុំព្រៃវិហារ ស្រុកគងពិសី ខេត្តកំពង់ស្ពឺ​ ទី២-ឈ្មោះ​​ ឡេង ស្រីកា ភេទស្រី អាយុ​ ១៩ឆ្នាំ អ្នករួមដំណើរ​ រស់នៅភូមិព្រៃស្តី ឃុំម្លប់ស ស្រុកសំពៅមាស ខេត្តពោធិ៍សាត់ បច្ចុប្បន្នបំរើការងារ​ពេលរាត្រី​

ថៃ៖ បើនិយាយពីរឿងអបិយជំនឿ ប្រទេសថៃត្រូវបានចាត់ទុកថាជាប្រទេសមួយដែលមានប្រជាជនជឿលើរឿងអបិយជំនឿខ្លាំងមិនធម្មតាឡើយ ជាពិសេសគឺការបន់ស្រន់សុំលេខសំណាង ឬលេខឆ្នោត ដោយរោងអ្នកតា ឬតាមដើមឈើធំ ដែលមានអាយុកាលយូរឆ្នាំត្រូវបានក្លាយជាតំបន់ប្រជាប្រិយបំផុតសម្រាប់ក្នុងបន់សុំលេខឆ្នោត និងសេចក្តីសុខ។ កាលពីថ្ងៃទី២៨ ខែតុលា ឆ្នាំ២០១៩កន្លងទៅនេះ ស្រាប់តែមានករណីភ្លើងឆេះរោងអ្នកតា ដែលអ្នកស្រុកហៅថា ព្រះម៉ែឃុងតាគៀនថង ដែលស្ថិតក្នុងខេត្តឈុនបុរី ប្រទេសថៃ។ តាមការរៀបរាប់របស់ប្រជាពលរដ្ឋប្រចាំតំបន់បានឲ្យដឹងថា អាស្រមព្រះម៉ែឃុងតាគៀនថង គឺជាអាស្រមដ៏សក្តិសិទ្ធិមួយប្រចាំខេត្ត ដោយប្រជាពលរដ្ឋទីនេះតែងបន់សុំអ្វីៗ ហើយភាគច្រើនទទួលជោគជ័យ។ អ្នកដែលធ្វើដំណើរឆ្លងកាត់ទីនេះ តែងឈប់ចូលបន់ស្រន់សុំសេចក្តីសុខពីព្រះម៉ែ ជាពិសេសភាគច្រើនគឺសុំលេខផ្សេងសំណាង។ ពេលដែលឃើញហេតុការណ៍មានភ្លើងឆេះបែបនេះ ធ្វើឲ្យអ្នកស្រុករន្ធត់​ចិត្តជាខ្លាំង ដល់ថ្នាក់អ្នកខ្លះត្រូវយំចេញមកព្រោះតែខឹងនឹងអ្នកដែលធ្វើទង្វើបែបនេះ ដោយគេសង្ឃឹមថាព្រះម៉ែនឹងមកពន្យល់សប្តិប្រាប់ថាអ្នកណាជាអ្នកដុត។ ហើយអ្នកដែលធ្វើមុខជាគេចមិនផុតពីបារមីព្រះម៉ែនោះឡើយ ព្រោះតែពលរដ្ឋនៅទីនោះបានជឿថា ព្រះម៉ែឃុងតាគៀនថង គឺមានពិត ហើយសក្តិសិទ្ធិខ្លាំង។

ទោះជា​យើងធ្វើការ​នៅក្នុង​បន្ទប់មាន​ម៉ាស៊ីនត្រជាក់​ក៏ដោយ តែ​ខោក្នុង អាវក្នុង​របស់​យើង បាន​ប្រឡាក់ជាប់​បាក់តេរី និងមេរោគ​ជាច្រើន ពីរាងកាយ​របស់​យើង ហើយ​អ្នកជំនាញ​ផ្នែក​អនាម័យ​បញ្ជាក់​ថា យើង​បោកគក់​វាមិន​បាន​ត្រឹមត្រឹម​ទេ និង​មិនអាច​សម្លាប់​មេរោគ​បាន​ទាំងស្រុង​នោះទេ។ វេជ្ជបណ្ឌិត​ផ្នែក​អនាម័យ Lisa Ackerley នៅ​អង់គ្លេស បញ្ជាក់​ថា ការបោកគក់​ខោក្នុង អាវក្នុង នៅកម្រិត​សីតុណ្ហភាព ៣០-៤០​អង្សាសេ មិន​អាច​សម្អាត និង​សម្លាប់​ពពួក​បាក់តេរី​បាន​នោះទេ។ លោកស្រី​ណែនាំ​ឲ្យ​បោកគក់​ក្នុង​កម្រិត​សីតុណ្ហភាព លើស ៦០​អង្សាសេ។ ប៉ុន្ដែប្រសិន​បើមិន​អាច​បោកគក់​ខោក្នុង អាវក្នុង នៅ​កម្រិត​សីតុណ្ហភាព​ខ្ពស់​បាន​ទេ វេជ្ជបណ្ឌិត​ខាងលើ ណែនាំ​ឲ្យ​ប្រើទឹកអនាម័យ​សម្រាប់បោកគក់ (Laundry Sanitiser) ដែល​អាចរកទិញ​បាន​នៅ​តាម​ផ្សារទំនើប។ ចំណែក​វេជ្ជបណ្ឌិត Jenna Macciochi

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នៅម៉ោងប្រមាណ៥:៥០នាទីល្ងាច ថ្ងៃទី២៩ ខែតុលា ឆ្នាំ២០១៩នេះ បានអញ្ជើញទៅដល់វត្តសន្សំកុសល ដើម្បីចូលរួមពិធីបុណ្យសព សម្តេចព្រះធម្មលិខិត លាស់ ឡាយ ព្រះចៅអធិការវត្តសន្សំកុសល។ សម្តេចព្រះធម្មលិខិត លាស់ ឡាយ សម្តេចព្រះសង្ឃនាយករងទីមួយ បានព្រះអនិច្ចធម្ម (សុគត) នៅថ្ងៃទី ២៩ ខែតុលា ឆ្នាំ ២០១៩ វេលាម៉ោងជិត៤ រសៀលថ្ងៃនេះ ដោយព្រះជរាពាធក្នុងព្រះជន្ម ១០៦ព្រះវស្សា៕ រូបភាព៖ Fresh News ដោយ៖

ថៃ៖​ កាលពីថ្ងៃទី២៨ ខែតុលា ឆ្នាំ២០១៩ កន្លងទៅនេះមានករណីក្មេងប្រុសអាយុ៣ឆ្នាំដាំក្បាលចូលក្នុងទឹកឈ្លក់រហូតស្លាប់ ក្រោយពីព្យាយាមអោនរើសផ្តិលទឹក។ យើងធ្លាប់បានឃើញការចេញព្រមាន និងហាមប្រាមកុំបណ្តោយក្មេងតូចៗងូតទឹកម្នាក់ឯង ជាច្រើនលើកច្រើនសារមកហើយ ព្រោះដើម្បីជៀសវាងករណីបែបនេះ ពេលនេះគឺមិនអាចជៀសផុតវាបានកើតឡើងមែន ដោយទីតាំងកើតហេតុស្ថិតនៅក្នុងផ្ទះ 292/7 ក្នុងស្រុកពិស្ណុលោក ប្រទេសថៃ។ ក្មេងប្រុសដែលមានឈ្មោះ ឃីវ អាយុ ៣ឆ្នាំ ត្រូវបានស្ថិតក្រោមការគ្រប់គ្រងរបស់លោកយាយ ខណៈពេលដែលឪពុកម្តាយទៅធ្វើការបាត់ល្ងាចបានមកវិញ។ លុះស្រាប់តែទទួលដំណឹងថាកូនលង់ទឹកស្លាប់ ឪពុកម្តាយហាក់ស្លុតចិត្តជាខ្លាំង។ តាមការរៀបរាប់បានឲ្យដឹងថា នៅពេលកើតហេតុលោកយាយប្អូន ឃីវ ដែលមានអាយុ៥១ឆ្នាំ បានធ្វើដំណើរទៅផ្ទះអ្នកជិតខាងមួយភ្លែត ដោយទុករូបគេឲ្យចាំផ្ទះ។ លុះពេលត្រលប់មកវិញស្រាប់តែឃើញចៅប្រុសខ្លួនដាំដូងក្នុងធុងទឹកសន្លប់ ក៏ប្រញ៉ាប់ប្រញ៉ាល់ស្រែករកគេជួយ តែជាអកុសលក្មេងប្រុសរូបនេះបានស្លាប់បាត់​បង់ជីវិតទៅហើយ បន្សល់តែក្តីសោកស្តាយតែប៉ុណ្ណោះ។ សាកសពក្មេងប្រុសរូបនេះនឹងត្រូវរៀបចំពិធីបុណ្យតាមប្រពៃណី។