នៅព្រឹកថ្ងៃទី០៦ ខែកញ្ញា ឆ្នាំ២០១៩នេះ និស្សិត ហុង ភារិន ព្រមទាំងបងប្រុសរបស់លោក​ទទួលបានឱកាសជួបជាមួយនឹង សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី​ នៃព្រះរាជាណាចក្រកម្ពុជា និង សម្តេចគតិព្រឹទ្ធបណ្ឌិត ប៊ុន រ៉ានី ហ៊ុន ស៊ែន នៅ​​គេហដ្ឋានសម្តេចតេជោផ្ទាល់តែម្តង។ ដោយសម្តេចតេជោ ហ៊ុន សែន​ បានសរសេររៀបរាប់យ៉ាងដូច្នេះថា៖ “ខ្ញុំនិងភរិយាទើបបានជួប យុវជនហុង ភារិន និងបងប្រុសរបស់គាត់ឈ្មោះហុង ភារុន នៅមុននេះបន្តិចនៅគេហដ្ឋានរបស់ខ្ញុំ។ គោលបំណងនៃការជួបរបស់ខ្ញុំគឺចង់ស្វែងយល់នូវបំណងនិងគោលដៅដែល ហុង ភារិនចង់ទៅដើម្បីងាយស្រួលដល់ការជួយរបស់យើងឱ្យស្របជាមួយបំណងដែលភារិនចង់ទៅនិងចង់បាន។ ខ្ញុំក៏បានជួយដល់ហុង ភារុន

ក្រុមអ្នកវិទ្យាសាស្ត្រផ្នែកបច្ចេកវិទ្យា និងវិស្វករជំនាញផ្នែកយន្តហោះទើបតែរួមគា្នអភិវឌ្ឍន៍យន្តហោះល្បឿនលឿនមួយប្រភេទ ដែលមានសមត្ថភាពអាចហោះចេញពីក្រុងឡូសអេនជឺលេស សហរដ្ឋអាមេរិក ទៅកាន់ ក្រុងតូក្យូ ប្រទេសជប៉ុន ដោយប្រើពេលត្រឹមតែ ២ ម៉ោងប៉ុណ្ណោះ។ យន្តហោះល្បឿនលឿននេះត្រូវគេដាក់ឈ្មោះថា Stratofly MR3 ដែលមានសមត្ថភាពអាចហោះបានក្នុងល្បឿនរហូតដល់ ៨,៦៩០ គីឡូម៉ែត្រ/មួយម៉ោង។ យោងតាមការចុះផ្សាយរបស់សារព័ត៌មានអេឡិចត្រូនិច Nextshark បានឲ្យដឹងថា យន្តហោះ Stratofly MR3 គឺជាសមិទ្ធផលរួមគ្នារវាងក្រុមអ្នកវិទ្យាសាស្រ្តនៅក្នុងសាលកវិទ្យាល័យ Polytechnic University of Turin ប្រទេសអ៊ីតាលី និងក្រុមវិស្វករនៅស្ថាប័ន ៣ ផ្សេងគ្នានៅតំបន់អ៊ឺរ៉ុប។ យ៉ាងណាក្តី  Stratofly MR3 គឺជាប្រភេទយន្តហោះចម្បាំងខ្នាតតូចមិនអាចប្រើសម្រាប់ដឹកអ្នកដំណើរបានឡើយ។ លោកអ្នកទស្សនារូបភាពរបស់យន្តហោះ

ថៃ៖ ក្រុមសិស្សស្រីនៅតាមសាលារៀនក្នុងប្រទេសថៃភាគច្រើននិយមស្លៀកសំពត់ខ្លីៗជាមួយនឹងអាវរឹបរាងយ៉ាងតឹង ពេលពួកនាងទៅរៀនម្តងៗ។ ការស្លៀកពាក់បែបនេះវាបានបង្ហាញនូវភាពសិចស៊ីរបស់ពួកគេ តែវាហាក់មិនសមរម្យទាល់តែសោះសម្រាប់ពួកគេជាសិស្សសាលា។ យ៉ាងណាក្តី សកម្មភាពខាងលើនឹងមិនអាចកើតមានទៀតទេ ក្រោយអាជ្ញាធរថៃសម្រេចដាក់បញ្ជូលសកម្មភាពទាំងនេះជាសកម្មភាពខុសនឹងច្បាប់ប្រទេស។ យោងតាមសារព័ត៌មាន Coconuts របស់ថៃបានចុះផ្សាយថា រដ្ឋាភិបាលថៃបានសម្រេចធ្វើការកែប្រែច្បាប់មួយចំនួន ដើម្បីគ្រប់គ្រងសកម្មភាពរបស់សិស្សឲ្យមានប្រសិទ្ធភាពជាងមុន ដែលច្បាប់ថ្មីនោះមានដូចជា សិស្សស្រីទាំងអស់មិនអនុញ្ញាតឲ្យស្លៀកសំពត់ខ្លីជ្រុល និងអាវរឹបជ្រុលពេកឡើយ។ សិស្សសាលាទាំងអស់មិនអនុញ្ញាតឲ្យទៅចូលរួមជាមួយនឹងក្រុមក្មេងស្ទាវនៅក្រៅសាលាឡើយ។ ចំពោះសិស្សទាំងឡាយណាដែលប្រពឹត្តិផ្ទុយនឹងច្បាប់នេះនឹងត្រូវពិន័យជាប្រាក់ ៣០,០០០ បាត (៩៨០ ដុល្លារអាមេរិក) ឬជាប់គុករហូតដល់  ៣ ខែ។  ក្រុមឪពុកម្តាយសិស្ស និងអង្គការការពារស្រ្តីមួយចំនួនបានសម្តែងនូវការសាទរជាខ្លាំងចំពោះច្បាប់ខាងលើនេះ ព្រោះវាបានជួយកាត់បន្ថយឱកាសនៃការរំលោភបំពាន និងបៀតបៀនផ្លូវភេទមកកាន់ក្រុមសិស្សស្រីបានមួយផ្នែក។ កន្លងមកគេបានកត់សម្គាល់ឃើញថា ការស្លៀកពាក់បែបសិចស៊ីជ្រុលនេះហើយ ដែលជំរុញឲ្យមានភាពស្រើបស្រាល និងការបៀតបៀនផ្លូវភេទនោះ។ យ៉ាងណាក្តី

យោងតាមការបញ្ជាក់ពី ក្រសួងសាធារណការ និងដឹកជញ្ជូន បានឲ្យដឹងថា កាលពីថ្ងៃទី ០៥ខែ កញ្ញា ឆ្នាំ ២០១៩ ផ្លូវបេតុងឡើងភ្នំអានសេះប្រវែង ១២០ម ទទឹង ៩ម ចាប់ពីគ.ម ២+០០០ ដល់ ២+១២០ ត្រូវបានខូចខាតដោយភ្លៀងធ្លាក់ខ្លាំងចំនួនបួនថ្ងៃជាប់ៗគ្នាបានបង្កទៅជាជំនន់ទឹកភ្លៀងហូរច្រោះផ្លូវដែលធ្វើឱ្យមានការស្រុតបាក់។ បច្ចុប្បន្ន ក្រសួង និងភាគីពាក់ពន័្ធកំពុងតែយកចិត្តទុកដាក់ក្នុងកិច្ចការជួសជុលឡើងវិញនៅកំណាត់ផ្លូវដែលរងការខូចខាតនេះដើម្បីសម្រួលចរាចរណ៍ជូនបងប្អូនប្រជាពលរដ្ឋ។ សូមបញ្ជាក់ដែរថា ប៉ុន្មានថ្ងៃនេះប្រទេសកម្ពុជា បានទទួលរងឥទ្ធិពលព្យុះជាប់ៗគ្នា ធ្វើឱ្យមានភ្លៀងធ្លាក់បន្តបន្ទាប់ឥតឈប់ឈរ ដែលកំពុងគំរាមគំហែងដល់ផ្លូវមួយចំនួននៅក្នុងប្រទេសកម្ពុជា អា្រស័យហេតុនេះសូមបងប្អូនប្រជាពលរដ្ឋមេត្តាអធ្យាស្រ័យ និងមានការប្រុងប្រយត័្ន៕ ប្រភព៖ ក្រសួងសាធារណការ និងដឹកជញ្ជូន

ក្រោយព័ត៌មានចចាមអារ៉ាមជាច្រើនកន្លងមកទីបំផុតមកដល់សប្តាហ៍នេះព័ត៌មានផ្លូវការបានបញ្ជាក់ថា ក្រុមហ៊ុនអេឡិកត្រូនិកយក្សរបស់កូរ៉េខាងត្បូង Samsung នឹងដាក់ការលក់ស្មាតហ្វូនដែលអាចបត់បានជាលើកដំបូង Galaxy Fold របស់ខ្លួនហើយនៅថ្ងៃសុក្រ ទី៦ខែកញ្ញានេះហើយ។ ប៉ុន្តែការលក់ជាផ្លូវការនេះនឹងធ្វើឡើងដំបូងតែនៅក្នុងប្រទេសកូរ៉េខាងត្បូងជាមុនសិន។ កន្លងមកពោលគឺកាលពីខែមេសា ក្រុមហ៊ុន Samsung ធ្លាប់បានពន្យាពេលម្តងហើយក្នុងការបង្ហាញខ្លួនស្មាតហ្វូន ដែលអាចបត់បាននេះនៅក្នុងទីផ្សាររបស់សហរដ្ឋអាមេរិក ប៉ុន្តែក្រោយមកត្រូវបានពន្យាពេលទៅវិញ ដោយសារតែបញ្ហាអេក្រង់មិនដំណើរការ។ ប្រភពដ៏ទុកចិត្តរបស់ Samsung ដែលបានធ្វើការថ្លែងប្រាប់កាសែតរ៉យទ័រ ប៉ុន្តែដោយស្នើសុំមិនបញ្ចេញឈ្មោះបានបញ្ជាក់ទៀតថា ស្មាតហ្វូនមួយនេះនឹងមានតម្លៃប្រហែល ២.៤ លានវ៉ុនឬ ១,៩៨០ ដុល្លារសម្រាប់អ្នកទិញជនជាតិកូរ៉េខាងត្បូង និងមិនបានផ្តល់ផ្តល់ព័ត៌មានអ្វីលម្អិតលើសនេះនោះទេ។ គួររំលឹកផងដែរថា Galaxy Fold មានអេក្រង់មុខទំហំ 4.6 អ៊ីញ និងអេក្រង់បត់ខាងក្នុងទំហំ 7.3

មនុស្សគ្រប់គ្នាតែងគិតថា ការធ្វើដំណើរកំសាន្តនៅក្នុងប្រទេសជប៉ុនមានតម្លៃខ្ពស់ តែបន្ទាប់ពីលោកអ្នកអានអត្ថបទនេះរួច លោកអ្នកនឹងបានដឹងថា ការកំសាន្តនៅកន្លែងសំខាន់ៗមួយចំនួននៅក្នុងប្រទេសជប៉ុនមានតម្លៃសមរម្យពោលគឺអស់ត្រឹម​២៤ ដុល្លារប៉ុណ្ណោះ។ យោងតាមសារព័ត៌មាន WORLDOFBUZZ របស់ម៉ាឡេស៊ី បានចុះផ្សាយថា កន្លែងចំនួន ៥ ដែលលោកអ្នកអាចទៅកំសាន្តដោយប្រើលុយតិចនោះមានដូចជា៖ ១. ទីសក្ការៈបូជាប្រវត្តិសាស្រ្ត Naritasan Shinshoji ក្នុងក្រុង Narita៖ ដើម្បីទៅដល់កន្លែងនេះពេលលោកអ្នកចុះពីព្រលានយន្តហោះ Narita ភ្លាម លោកអ្នកត្រូវដើរប្រមាណជា ១៥ នាទី ដើម្បីទៅទស្សនាកន្លែងនេះដោយសេរី តែបើលោកអ្នកធ្វើដំណើរតាមមធ្យោបាយផ្សេងក៏មានតម្លៃថោកដែរ។ ២. ទៅជិះទូកដោយសេរីនៅឧទ្យាន Yokojikkengawa Shinsui Park៖ ដើម្បីទៅដល់កន្លែងនេះពេលលោកអ្នកចេញពីព្រលានយន្តហោះ Narita

ថ្មីៗនេះផ្ទុះការចែករំលែកពេញបណ្តាញសង្គមថៃ ក្រោយមានអំពើល្អមួយបានធ្វើចេញពីក្រុមជួយសង្គ្រោះ ដោយផ្តើមចេញពីលោកយាយម្នាក់កូនប្រុសបានស្លាប់បាត់បង់ជីវិត ត្រូវបញ្ជូនមកធ្វើបុណ្យតែគាត់មានប្រាក់មិនដល់១០០បាតក្នុងខ្លួន មិនមានលទ្ធភាពរៀបចំពិធីបុណ្យ ចៃដន្យបានជួបក្រុមជួយសង្គ្រោះចិត្តល្អបានស្ម័គ្រចិត្តរៀបចំពិធីបុណ្យ និងថ្លៃចំណាយផ្សេងៗជូនគាត់។ លោកយាយកម្សត់ដែលមានឈ្មោះថា សាំងវៀន វង់ច័ន្ទ អាយុ ៦៧ឆ្នាំ រស់នៅឯខេត្តស្រៈបុរី ប្រទេសថៃ បានរំភើបចិត្តរហូតដល់ស្រក់ទឹកភ្នែកព្រោះតែទឹកចិត្តសប្បុរសរបស់ក្រុមសង្គ្រោះដែលបានជួយរៀបចំពិធីបុណ្យសពកូនប្រុសខ្លួនដែលបានបាត់បង់ជីវិតព្រោះតែគ្រោះថ្នាក់ចរាចរណ៍។ ដំបូងនៅពេលដែលដឹងថាកូនប្រុសលោកយាយបានស្លាប់បាត់បង់ជីវិតលោកយាយមានការសោកសៅជាខ្លាំង ហើយលោកយាយហាក់អស់សង្ឃឹមជាខ្លាំង ព្រោះតែសពកូនប្រុសលោកយាយត្រូវបញ្ជូនចេញពីមន្ទីរពេទ្យដើម្បីទៅដាក់វត្តរៀបចំពិធីបុណ្យ។ ភ្លាមៗនោះលោកយាយបានយកកាបូបដែលលោកយាយសន្សំដើម្បីបង្ហាញថាលោកយាយគ្មានលុយទេ ដោយប្រាក់ក្នុងកាបូបសន្សំនោះមានមិនដល់១០០បាតឡើយ ដែលជាហេតុធ្វើឲ្យក្រុមសង្គ្រោះ កើតក្តីអាណិតអាសូរជាពន់ពេកសម្រេចប្រមូលលុយគ្នារៀបចំពិធីបុណ្យជូន និងពុំគិតប្រាក់អ្វីទាំងអស់ពីលោកយាយ។ ពួកគេក៏បានបង្កើតជាមូលនិធិនៅក្នុងបណ្តាញសង្គមដើម្បីស្វែងរកថវិកាផ្តល់ជូនលោកយាយ ដើម្បីទុកចំណាយរស់រានពេលគ្មានកូនប្រុសផងដែរ៕

ដោយសារតែមេឃភ្លៀង និងទឹកទន្លេឡើងព្រមជាមួយរលកខ្លាំងផងនោះ បណ្តាលឱ្យបាក់ច្រាំងទន្លេ នៅក្នុងឃុំតាលន់ ស្រុកស្អាង ខេត្តកណ្ដាល បាក់ជាច្រើនកន្លែងចូលទៅក្នុងទន្លេ ដែលចាប់ផ្តើមតាំងយប់ថ្ងៃទី៣១ ខែសីហា រហូតដល់ថ្ងៃទី០៥ ខែកញ្ញា ឆ្នាំ២០១៩នេះ នៅតែបាក់បន្តទៀត។ យោងតាមការបង្ហោះរបស់ សេនាធិការ នគរបាលស្រុកស្អាង បានឲ្យដឹងថា ច្រាំងទន្លេ ស្ថិតនៅភូមិក្បាលកោះតូច និងភូមិកណ្ដាលកោះតូច ឃុំតាលន់ ស្រុកស្អាង កាន់តែបាក់ខ្លាំងអស់ជិតពាក់កណ្តាលផ្លូវលេខ១១០ហើយ គិតមកដល់ថ្ងៃទី05-09-2019 នេះដូច្នេះសូមបងប្អូនធ្វើដំណើរតាមដងផ្លូវលេខ110 ដល់កន្លែងនេះ មេត្តាប្រុងប្រយ័ត្ន ពិសេស រថយន្តដឹកធ្ងន់”៕ ប្រភព៖ សេនាធិការ នគរបាលស្រុកស្អាង

យោងតាមប្រភពព័ត៌មាន The Phonearena បានឲ្យដឹងថា ការបង្ហាញខ្លួនរបស់ស៊េរី iPhone 11នាថ្ងៃអង្គារសប្តាហ៍ក្រោយនេះត្រូវបានគេជឿជាក់ថា ក៏នឹងមានវត្តមានរបស់ម៉ូដេលនាឡិកាដៃថ្មី Apple Watch Series 5 ព្រមទាំង iPad ទំហំ១០,២អ៊ីញផងដែរ។ ប្រភពដដែលបានសរសេរទៀតថា ក្រុមហ៊ុន Apple នឹងបង្ហាញវត្តមានឧបករណ៍ដ៏ពិសេសម្យ៉ាងទៀតក្នុងពេលតំណាលគ្នាផងដែរ ដើម្បីធ្វើឲ្យទីផ្សារមានការភ្ញាក់ផ្អើលខ្លាំង ដោយមិនបានត្រៀមខ្លួនជាមុននោះគឺជាវ៉ែនតាដំបូងបំផុតរបស់ខ្លួនគឺ AR Glass។ កន្លងមកក៏ធ្លាប់មានការរាយការណ៍ផងដែរអំពីវត្តមានរបស់វ៉ែនតាប្រភេទនេះ ប៉ុន្តែអះអាងថា វានឹងមិនទាន់បង្ហាញខ្លួនរហូតដល់ចុងឆ្នាំ២០១៩ឬពាក់កណ្តាលឆ្នាំ២០២០។វាជាឧបករណ៍ដំបូងមិនធ្លាប់មានរបស់ក្រុមហ៊ុន Apple នេះបើយោងតាមការអះអាងអ្នកវិភាគលោក Ming Chi Kuo កន្លងមកបានសរសេរវិភាគដែរថា AR Glass

ចាប់តាំងពីឆ្នាំ២០០៩មក កំណើនភ្ញៀវទេសចរណ៍ដែលធ្វើដំណើរកម្សាន្តក្រៅប្រទេសជុំវិញពិភពលោកគឺហាក់មានការកើនឡើងគួរជាទីកត់សម្គាល់ ដោយគិតមកទល់ពេលបច្ចុប្បន្ននេះគឺមានការកើនឡើងដល់ទៅ ៧៦% ទូទាំងពិភពលោក។ ថ្មីៗយោងតាមរបាយការណ៍របស់ Mastercard’s Global Destination Cities Index បានឲ្យដឹងថាទីក្រុងបាងកក ប្រទេសថៃបានផ្តួល ទីក្រុងល្បីៗឈ្មោះរបស់ពិភពលោកដូចជា ប៉ារីស ទីក្រុងឡុងដ៍ និងឌូបៃ ដោយឈរនៅលំដាប់លេខរៀងទី១ រយៈពេល៤ឆ្នាំជាប់គ្នា សម្រាប់តំណែងទីក្រុងដែលទទួលបានភ្ញៀវធ្វើដំណើរកម្សាន្ត និងស្នាក់នៅលើសពីមួយយប់ច្រើនបំផុតក្នុងពិភពលោក។ យោងតាមរបាយការណ៍ទេសចរណ៍ពិភពលោកប្រចាំឆ្នាំ២០១៨ បានឲ្យដឹងថាទីក្រុងបាងកក ប្រទេសថៃ គឺទទួលបានភ្ញៀវទេសចរណ៍ ដល់ទៅចំនួនជាង ២២.៧៨ លាននាក់ ដោយគិតជាមធ្យមភ្ញៀវទេសច​រណ៍ទាំងនោះចាយអស់ចំនួន ១៨៤ដុល្លារ ក្នុងរយៈពេលមួយថ្ងៃ។ ការកើនឡើងនៃចំនួនភ្ញៀវទេសចរណ៍នេះបានធ្វើឲ្យទីក្រុងបាងកក អាចដណ្តើមយកជ័យលាភីលេខ១ ពីប្រទេសប៉ែកខាងអឺរ៉ុបដូចជា