យោងតាមការព្យាករណ៍អាកាសធាតុរបស់ក្រសួងធនធានទឹក និងឧតុនិយម បានឲ្យដឹងថា ចាប់ពីថ្ងៃទី ២៩ ខែកញ្ញារហូតដល់ថ្ងៃទី ០៧ ខែតុលា ឆ្នាំ ២០១៨៖ – ភ្លៀងនឹងបន្តធ្លាក់ក្នុងក្របខ័ណ្ឌទូទាំងប្រទេស – តំបន់ទំនាបកណ្តាល និងតំបន់ខ្ពង់រាប ប្រឈមនឹងជំនន់ទឹកភ្លៀង អត្ថបទ៖ សេម

ប្រធានក្រុមជម្រើសជាតិព័រទុយហ្គាល់វ័យ 33 ឆ្នាំ Cristiano Ronaldo ត្រូវទទួលបានកាតក្រហមក្នុងកំឡុងពេលការប្រកួតរវាង Juventus និង Valencia កាលពីសប្តាហ៍មុនបន្ទាប់ការប៉ះទង្គិចគ្នាជាមួយខ្សែការពារ Jeison Murillo ហើយជាក៏ជាកាតក្រហមលើកទី១សម្រាប់គេនៅ Champions League ដែរ។ Cristiano Ronaldo នឹងត្រូវប៉ះក្លឹបចាស់របស់គាត់ Manchester United នៅក្នុងក្របខ័ណ្ឌ Champions League នៅខែក្រោយបន្ទាប់ពី UEFA បានសំរេចព្យួររូបគេតែមួយប្រកួតប៉ុណ្ណោះសម្រាប់រូបគេ។ Ronaldo នឹងខកខានការប្រកួតក្រោយនេះនៅក្របខ័ណ្ឌ Champions League ពេលប៉ះជាមួយក្លឹបមកពីប្រទេសស្វីស Young Boys

នៅថ្ងៃទី 27 ខែកញ្ញា៖ សន្និសីទព័ត៌មាន និងពិធីចុះហត្ថលេខារបស់អ្នកនាំពាក្យគម្រោង «អ & អេហ្វ ហ័រហ៊្វូ» នៃ«អគារខ្ពស់បំផុត និងលេចធ្លោជាងគេនៅទីក្រុងភ្នំពេញ» បានរៀបចំឡើងយ៉ាងឱឡារិកនៅក្នុងរាជធានីភ្នំពេញ។ ក្រុមហ៊ុន អ & អេហ្វ ប្រផឹធី បានបំពេញបេសកកម្មជាស្ថាបនិកឈានមុខគេក្នុងវិស័យអចលនទ្រព្យដ៏ប្រណីតនៅក្នុងពិភពលោក និងបានឆ្លើយតបយ៉ាងសកម្មទៅនឹងយុទ្ធសាស្រ្តអភិវឌ្ឍន៍ទីក្រុងភ្នំពេញប្រទេសកម្ពុជា។ នៅឆ្នាំ 2018 បន្ទាប់ពីធ្វើការអភិវឌ្ឍន៍ គម្រោងបុរី អ & អេហ្វ ភ្នំពេញ ក្រុមហ៊ុនក៏បានបន្តអភិវឌ្ឍគម្រោងអគារស្នាក់នៅលំដាប់កំពូលមួយទៀត គឺគម្រោង «អ & អេហ្វ ហ័រហ៊្វូ» ដែលជាគម្រោងអភិវឌ្ឍទីក្រុងបែបថ្មី

អាមេរិក៖ យ៉ាងហោចណាស់មានមនុស្ស ២ នាក់បានស្លាប់ និង ២ នាក់ផ្សេងទៀតរងរបួសធ្ងន់នៅក្នុងហេតុការណ៍ធ្លាក់យន្តហោះមួយគ្រឿងនៅក្នុងរដ្ឋ Carolina ខាងត្បូង សហរដ្ឋអាមេរិក។ យន្តហោះមួយគ្រឿងនេះជាប្រភេទយន្តហោះឯកជនខ្នាតតូច ប្រភេទ Dassault-Breguet Falcon  និងមានផ្ទុកមនុស្ស ៤ នាក់ ក្នុងនោះ ២ នាក់ជាអ្នកបើកបរ និង ២​​​​ នាក់ផ្សេងទៀតជាប្តីប្រពន្ធទើបរៀបការរួច។ បន្ទាប់ពីធ្វើការហោះហើយក្នុងព្រលានយន្តហោះបានបន្តិច ស្រាប់តែយន្តហោះមានបញ្ហា និងបានបើកខុសផ្លូវទៅបុកនឹងជញ្ជាំងព្រលានយន្តហោះ និងបានផ្ទុះតែម្តង។ ភ្លាមៗក្រោយកើតហេតុ អ្នកបើកបរយន្តហោះពីរនាក់បានស្លាប់ ហើយប្តីប្រពន្ធទាំងពីរនាក់នោះបានរងរបួសធ្ងន់ និងត្រូវបញ្ជូនទៅកាន់បន្ទប់សង្គ្រោះបន្ទាន់។ ក្រោយការពិនិត្យគេបានរកឃើញថា យន្តហោះមានបញ្ហហៀរប្រេង ទើបបង្កឲ្យមានគ្រោះថ្នាក់ដូចនេះ។ លោកអ្នកអាចទស្សនាហេតុការណ៍គ្រោះថ្នាក់នេះ

ប្រទេសអាល្លឺម៉ង់បានយកឈ្នះប្រទេសទួរគីដើម្បីធ្វើជាម្ចាស់ផ្ទះពានរង្វាន់អឺរ៉ុបឆ្នាំ 2024 បន្ទាប់ពីការបោះឆ្នោតដោយគណៈកម្មាធិការប្រតិបត្តិរបស់ UEFA កាលពីថ្ងៃព្រហស្បតិ៍។ ប្រទេសទាំងពីរគឺជាប្រទេសចុងក្រោយដែលបានដេញថ្លៃមុនពេលការបោះឆ្នោតបានធ្វើឡើងនៅក្នុងទីក្រុង Nyon ប្រទេសស្វីស។ ការសម្រេចចិត្តនេះមានន័យថាប្រទេសអាឡឺម៉ង់នឹងរៀបចំការប្រកួតជើងឯកអ៊ឺរ៉ុបជាលើកដំបូងក្នុងនាមជាប្រទេសបង្រួបបង្រួមជាមួយនឹងអាល្លឺម៉ង់ខាងលិចដែលបានរៀបចំការប្រកួតកាលពីឆ្នាំ 1988។ ប្រទេសតួកគីមិនទាន់បានរៀបចំការប្រកួតបាល់ទាត់អន្តរជាតិសំខាន់ៗនៅឡើយទេ។ អត្ថបទ៖ ប៊ុនហួរ ប្រភព៖ BBC

ហាង មីស៊ុប High School ដែលជាយីហោបង្កើតដោយកូនខ្មែរ ទើបតែដំណើរការបានប្រមាណមិនដល់មួយសប្ដាហ៍ផង តែមានអ្នក ចរចារសុំទិញសិទ្ធធ្វើអាជីវកម្មបន្ត( Franchise) ជាហូរហែ។ បើតាមការលើកឡើងរបស់ លោក ផន វីរះបុត្រ ប្រធានគ្រប់គ្រងទូទៅ ហាងមីស៊ុប High School បានឲ្យដឹង​ថា​ ហាង មីស៊ុប High School នេះទើបតែទើបបើកដំណើរការផ្លូវ បានប្រហែល ២ ឬ៣ថ្ងៃប៉ុណ្ណោះ តែមានអ្នកសុំទិញ Franchise ប្រមាណ៤ទៅ៥ នាក់ហើយ។ យ៉ាងណមិញ លោកបានបញ្ជាក់ថា ហាង

ចិន៖ បុរសម្នាក់ត្រូវបានគេរាយការណ៍ថា បានស្លាប់បាត់បង់ជីវិត បន្ទាប់ពីគាត់បានទៅរកសេវាម៉ាស្សាក្នុងហាងមួយកន្លែងជាមួយនឹងមិត្តរួមការងាររបស់គាត់។ បុរសជនរងគ្រោះមានឈ្មោះថា Zhang អាយុ២៧ឆ្នាំ រស់នៅក្នុងទីក្រុងសៀងហៃ ប្រទេសចិន។ មុនពេលកើតហេតុបុរសជនរងគ្រោះបានប្រាប់មិត្តភក្តិគាត់ថា គាត់មានអាការៈចុករោយស្នា និងកជាខ្លាំង ហើយគាត់ និងមិត្តភក្តិរួមការងារក៏បាននាំគ្នាទៅហាងម៉ាស្សាមួយកន្លែងនៅពេលចេញពីធ្វើការ។ ពេលទៅដល់ហាងម៉ាស្សានោះ បុរសជនរងគ្រោះបានប្រាប់គេថា គាត់ចុករោយស្នា និងកខ្លាំងណាស់ ដូចនេះសូមម៉ាស្សាតែត្រង់ពីរចំណុចនេះបានហើយ។ បន្ទាប់ពីម៉ាស្សារួច គាត់បានទៅងូតទឹកភ្លាម និងបានត្រលប់ទៅផ្ទះវិញភ្លាមដែរ។ ក្រោយពេលទៅដល់ផ្ទះគាត់បានដួលសន្លប់ និងបានគ្រួសារបញ្ជូនទៅកាន់មន្ទីរពេទ្យ។ យ៉ាងណាក្តី គាត់បានស្លាប់បាត់បង់ជីវិតក្រោយពេលទៅដល់មន្ទីរពេទ្យ។ បើតាមការអះអាងរបស់វេជ្ជបានឲ្យដឹងថា មូលហេតុចម្បងដែលធ្វើឲ្យបុរសនេះស្លាប់គឺដោយសារតែគាត់ទទួលការម៉ាស្សាខុសបច្ចេកទេស ឬការម៉ាស្សា ដែលគ្មានវិជ្ជាជីវៈត្រឹមត្រូវ៕ អត្ថបទ៖ ភក្តី ប្រភព៖ worldofbuzz

ថៃ៖ រដ្ឋាភិបាលថៃកំពុងតែរៀបចំបង្កើតច្បាប់ថ្មីមួយ ដើម្បីធ្វើការលើកលែងពន្ធលើការប្រើប្រាស់ទឹកធ្វើកសិកម្ម ចំពោះកសិកម្មខ្នាតតូច។ បើយោងតាមលោក Akanit Muensawad ប្រធានរដ្ឋសភាថៃបានឲ្យដឹងកាលពីថ្ងៃព្រហស្បតិ៍ម្សិលមិញនេះថា សេចក្តីព្រាងច្បាប់ខាងលើនេះត្រូវបានរៀបចំឡើងរួចហើយ និងកំពុងរង់ចាំការត្រួតពិនិត្យលើកទី ២ និងទី ៣ បន្ថែមទៀត មុននឹងធ្វើការអនុម័ត។ ច្បាប់ដែលមានគោលបំណង់លើកលែងមិនយកពន្ធលើការប្រើប្រាស់ប្រព័ន្ធទឹកសម្រាប់កសិកម្មខ្នាតតូចនេះ ត្រូវបានបង្កើតឡើងក្នុងគោលបំណងបន្ថយសំពាធដល់ក្រុមកសិករ ក៏ដូចជាជួយលើកកម្ពស់ជីវភាពពួកគាត់ផងដែរ។ បើគ្មានអ្វីប្រែប្រួលនោះទេ ច្បាប់នេះនឹងត្រូវគេអនុម័តនៅចុងឆ្នាំនេះហើយ។ សម្រាប់ប្រជាកសិករថៃបានសម្តែងនូវការសាទរយ៉ាងខ្លាំង ចំពោះសេចក្តីព្រាងច្បាប់មួយនេះ ហើយពួកគាត់សង្ឃឹមថា ច្បាប់ថ្មីនេះនឹងផ្តល់អត្ថប្រយោជន៍បានច្រើនសម្រាប់ប្រជាកសិករទូទាំងប្រទេសថៃ៕ អត្ថបទ៖ ភក្តី ប្រភព៖ bangkokpost

កាលពីឆ្នាំ២០១៤ ក្រុមហ៊ុន Facebook បានទិញក្រុមហ៊ុន WhatsApp ក្នុងតម្លៃ ១៩ ពាន់លានដុល្លារ ហើយពេលនេះមានសហស្ថាបនិកក្រុមហ៊ុន WhatsApp ម្នាក់គឺលោក Brian Acton បានទម្លាយពីមូលហេតុ ដែលគាត់ចេញពីក្រុមហ៊ុន Facebook និងប្រាប់ពីរបៀបធ្វើការងាររបស់លោក Mark Zuckerberg ប្រាប់ដល់សារព័ត៌មានពេញពិភពលោក។ ក្នុងកិច្ចសម្ភាសន៍ជាមួយនឹងទស្សនាវត្តី Forbes លោក Brian Acton បានឲ្យដឹងថា លោកបានបោះបង់ក្រុមហ៊ុន Facebook ក្នុងខែឆ្នូ ឆ្នាំ២០១៧ ព្រោះតែការមិនយល់ស្របមួយជាមួយនឹង Mark Zuckerberg ជុំវិញបញ្ហារកលុយតាមរយៈការផ្សាយពាណិជ្ជកម្មតាមរយៈបណ្តាញសង្គម។

ស័ង្កសីត្រូវបានគេស្គាល់ថាជាផលិតផលដែលគេពេញនិយមប្រើធ្វើជាដំបូល ឬជញ្ជាំង សម្រាប់ផ្ទះ រោងចក្រឧស្សាហ៍កម្ម និងសំណង់អគារផ្សេងៗតាមតម្រូវការ។ នៅកម្ពុជា យើងអាចរកទិញផលិតផលស័ង្កសីបាននៅតាមដេប៉ូចែកចាយ និងដេប៉ូកិនស័ង្កសីនៅទូទាំងប្រទេសជាមួយនឹងស័ង្កសីដែលមានម៉ាកសញ្ញាខុសៗគ្នា។ អ្វីដែលគួរកត់សម្គាល់នោះគឺថា ប្រជាជនកម្ពុជាស្គាល់ថាអ្វីជាស័ង្កសី ប៉ុន្តែពួកគេមិនបានស្គាល់វត្ថុធាតុដើមដែលប្រើសម្រាប់ផលិតស័ង្កសីនោះឡើយ។ វត្ថុធាតុដើមល្អ នាំឲ្យផលិតផលល្អ ដូច្នេះការស្គាល់ពីវត្ថុធាតុដើមច្បាស់នឹងជួយឲ្យអ្នកអាចជាវផលិតផលស័ង្កសីដែលមានគុណភាព។ បន្ទាប់ពីទស្សនាវីដេអូនេះ យើងនឹងដឹងយ៉ាងច្បាស់អំពីវត្ថុធាតុដើមដែលប្រើសម្រាប់ផលិត ស័ង្កសី និងបច្ចេកវិទ្យា នៃការផលិតលំដាប់អន្តរជាតិ ដែលមានកម្រិតស្តង់ដា ISO ថែមទៀតផង។ ជាពិសេសជាងនេះយើងនឹងដឹងច្បាស់ថាតើគួរជ្រើសរើសផលិតផលស័ង្កសីមួយណា ដើម្បីប្រើប្រាស់ ក្នុងគម្រោងសាងសង់។ ផលិតផលស័ង្កសីពណ៍ម៉ាក អាយ អេស អាយ ផាម (ISI PALM) របស់ក្រុមហ៊ុន អាយ