លោក Mark Gurman ភ្នាក់ងារសារព័ត៌មានរបស់ Bloomberg បានរាយការណ៍ថា Apple កំពុងធ្វើការលើមុខងារសុខភាពថ្មីៗ សម្រាប់កាស់ទំនើបឥតខ្សែរបស់ខ្លួន។ ទី១ ក្នុងចំណោមមុខងារថ្មីៗទាំងនោះ គឺវានឹងអនុញ្ញាតឱ្យ AirPods អាចធ្វើតេស្តលើការស្តាប់របស់អ្នកប្រើប្រាស់។ ការពិតទៅ AirPods អាចគាំទ្រកម្រិតការស្ដាប់ audiogram រួចទៅហើយ ដែលធ្វើឱ្យកាស់ឥតខ្សែមួយនេះ អាចលៃលកកម្រិតសំឡេងសមស្របសម្រាប់អ្នកដែលមានបញ្ហាខ្សោយការស្ដាប់ តាមរយៈកម្មវិធីភាគីទី៣ ដូចជា Mimi។ ដូច្នេះប្រសិនបើ Apple អាចធ្វើតេស្ដវាដោយខ្លួនឯង វានឹងអនុញ្ញាតឱ្យអ្នកប្រើប្រាស់អាចវាយតម្លៃការស្តាប់របស់ពួកគេកាន់តែងាយស្រួលតាមរយៈ AirPods ដោយផ្ទាល់។ លោក Gurman បាននិយាយថា Apple

រថយន្ត​ហោះដើរដោយ​អគ្គិសនី​សុទ្ធសាធ និងមាន​តម្លៃ​ប្រហែល ៣០០,០០០ ដុល្លារ របស់ក្រុមហ៊ុន Alef Aeronautics ​ទើប​បាន​ទទួលការ​យល់ព្រម​ឱ្យចាប់​ផ្តើម​ការ​សាកល្បង​ទាំងនៅ​លើ​ផ្លូវ និង​លើ​អាកាស នៅសហរដ្ឋអាមេរិក។ Alef Aeronautics ដែលជាក្រុមហ៊ុនផលិតរថយន្តនៅរដ្ឋកាលីហ្វ័រញ៉ា បាននិយាយនៅក្នុងសេចក្តីប្រកាសព័ត៌មានមួយថា ខ្លួនបានទទួលវិញ្ញាបនប័ត្រពិសេស ពីរដ្ឋបាលអាកាសចរណ៍សហព័ន្ធ (FAA) សម្រាប់ Model A។ វាជាការអនុម័តលើកដំបូងសម្រាប់រថយន្តដែលមានសមត្ថភាពហោះហើរ នេះបើយោងតាមក្រុមហ៊ុនថ្មីថ្មោង ដែលត្រូវបានគាំទ្រដោយក្រុមហ៊ុន SpaceX មួយនេះ។ នាយកប្រតិបត្តិក្រុមហ៊ុន Alef Aeronautics លោក Jim Dukhovny បាននិយាយថា៖«វាអនុញ្ញាតឱ្យយើងកាន់តែខិតជិតទៅរកការធ្វើដំណើរប្រកបដោយភាពស្និទ្ធស្នាលទៅនឹងបរិស្ថាន និងការធ្វើដំណើរលឿនជាងមុន ដោយជួយសន្សំសំចៃពេលវេលារបស់បុគ្គល និងក្រុមហ៊ុនជាច្រើនម៉ោងក្នុងមួយសប្តាហ៍។

មនុស្សជាង ៣,០០០នាក់ ត្រូវបានឃុំខ្លួននៅក្នុងប្រទេសបារាំង នៅក្នុងការតវ៉ាដោយហិង្សា ដែលត្រូវបានបង្កឡើងដោយការបាញ់ប្រហាររបស់ប៉ូលីស ទៅលើក្មេងជំទង់ម្នាក់កាលពីសប្ដាហ៍កន្លងទៅ។ រំលឹកដែរថា ក្មេងអាយុ ១៧ឆ្នាំម្នាក់ ត្រូវបានបាញ់សម្លាប់ក្នុងអំឡុងពេលប៉ូលីសឃាត់រថយន្ត នៅជាយក្រុងប៉ារីសនៃ Nanterre កាលពីថ្ងៃអង្គារ។ រដ្ឋាភិបាលបារាំងបានបញ្ជូនមន្ត្រីប៉ូលិស ៤៥,០០០នាក់ និងបុគ្គលិកផ្សេងទៀតដាក់ពង្រាយតាមដងផ្លូវ ខណៈដែលក្រុមអ្នកតវ៉ាបានដុតរថយន្ត និងអគារនានា។ មន្ត្រី​ក្រសួង​មហាផ្ទៃ​បាន​និយាយ​ថា មនុស្ស ៧១៩ នាក់​ត្រូវ​បាន​ឃុំ​ខ្លួន​ គិតចាប់​ពី​យប់​ថ្ងៃ​សៅរ៍​ដល់​ព្រឹក​ថ្ងៃ​អាទិត្យ។ ប្រព័ន្ធ​ផ្សព្វផ្សាយ​ក្នុង​ស្រុក​បាននិយាយ​ថា ក្មេង​ជំទង់​ដែល​ត្រូវ​គេ​បាញ់​សម្លាប់​នោះ​មាន​ដើម​កំណើត​អាហ្វ្រិក​ខាង​ជើង។ អ្នកនាំពាក្យរបស់ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សបាននិយាយកាលពីថ្ងៃសុក្រថា នេះគឺជាពេលមួយសម្រាប់ប្រទេសបារាំងដើម្បី «ដោះស្រាយបញ្ហាដ៏ស៊ីជម្រៅនៃការរើសអើងជាតិសាសន៍ និងការរើសអើងនៅក្នុងការអនុវត្តច្បាប់»។ រដ្ឋាភិបាលបារាំងបាននិយាយជាការឆ្លើយតបថា ការចោទប្រកាន់ណាមួយអំពីការរើសអើងជាតិសាសន៍ជាប្រព័ន្ធ ឬការរើសអើងដោយប៉ូលីសនៅក្នុងប្រទេសបារាំង គឺគ្មានមូលដ្ឋានទាំងស្រុង។ ឥឡូវនេះ

តុលាការបោះឆ្នោតកំពូលរបស់ប្រទេសប្រេស៊ីល បានហាមឃាត់អតីតប្រធានាធិបតីលោក Jair Bolsonaro មិនឱ្យឈរឈ្មោះក្នុងតំណែងរយៈពេល ៨ ឆ្នាំ។ កាលពីថ្ងៃសុក្រចៅក្រម ៥នាក់ ក្នុងចំណោមចៅក្រមទាំង ៧រូប បានបោះឆ្នោតកាត់ទោសលោក Bolsonaro ពីបទរំលោភអំណាច នៅមុនការបោះឆ្នោតប្រធានាធិបតីកាលពីឆ្នាំមុន និងបង្ហាញការសង្ស័យដោយគ្មានមូលដ្ឋានលើប្រព័ន្ធបោះឆ្នោតរបស់ប្រទេស។ រំលឹកដែរថា លោក Bolsonaro បានចាញ់ការបោះឆ្នោតនៅខែតុលា។ មុនពេលបោះឆ្នោត លោកបានបរិហារប្រព័ន្ធបោះឆ្នោតអេឡិចត្រូនិករបស់ប្រទេសប្រេស៊ីលម្តងហើយម្តងទៀត ដោយនិយាយថា វាងាយនឹងមានការក្លែងបន្លំ។ តុលាការបានពិនិត្យមើលថា តើការរិះគន់របស់លោក Bolsonaro លើម៉ាស៊ីនបោះឆ្នោត នៅក្នុងកិច្ចប្រជុំជាមួយអ្នកការទូតបរទេសកាលពីខែកក្កដាឆ្នាំមុន គឺជាការបំពានអំណាច ឬយ៉ាងណា។ លោក Bolsonaro បានឆ្លើយតបទៅនឹងសេចក្តីសម្រេចរបស់តុលាការ

ប្រធាន​សមាគម​បាល់ទាត់​ថៃ (FAT) លោក Somyot Poompanmoung បាន​ប្រកាស​ថា ​លោក​ត្រៀម​ខ្លួន​ជា​ស្រេច​ក្នុង​ការ​លាលែង​ពី​តំណែង​ តាម​សំណើ​របស់​ឧបនាយករដ្ឋមន្ត្រី​ថៃ Prawit Wongsuwan។ ជាមួយគ្នានេះ លោក Somyot នឹងជូនដំណឹងអំពីលទ្ធផល ក៏ដូចជាមូលហេតុនៃការលាលែងពីតំណែងទៅកាន់សហព័ន្ធបាល់ទាត់អាស៊ាន (AFF) សហព័ន្ធបាល់ទាត់អាស៊ី (AFC) និងសហព័ន្ធបាល់ទាត់អន្តរជាតិ (FIFA)។ មុននេះ នៅក្នុងមហាសន្និបាតគណៈកម្មាធិការអូឡាំពិកថៃ លោក Prawit Wongsuwan បាននិយាយថា ប្រធានសហព័ន្ធកីឡាបាល់ទាត់ថៃ លោក Somyot Poompanmoung ត្រូវតែលាលែងពីតំណែង ដើម្បីទទួលខុសត្រូវចំពោះការបរាជ័យរបស់ថៃក្នុងការឈ្នះមេដាយមាសនៅស៊ីហ្គេម ឆ្នាំ២០២៣។ ហើយ​ជម្លោះ​រវាង​កីឡាករ

សមាជិកនៃអង្គការអប់រំ វិទ្យាសាស្ត្រ និងវប្បធម៌របស់អង្គការសហប្រជាជាតិ បានយល់ព្រមអនុញ្ញាតឱ្យសហរដ្ឋអាមេរិកចូលរួមក្រុមនេះឡើងវិញ។ ពួកគេបានបោះឆ្នោតកាលពីថ្ងៃសុក្រ ក្នុងអំឡុងពេលសម័យប្រជុំនៅទីក្រុងប៉ារីស ដើម្បីទទួលយកសំណើរពីក្រសួងការបរទេសសហរដ្ឋអាមេរិក។ រំលឹកដែរថា មន្ត្រីរដ្ឋបាលរបស់អតីតប្រធានាធិបតី ដូណាល់ ត្រាំ បានដកសហរដ្ឋអាមេរិកចេញពីអង្គការយូណេស្កូក្នុងឆ្នាំ២០១៨ ដោយចោទប្រកាន់ថា យូណេស្កូ «ប្រឆាំងនឹងអ៊ីស្រាអែល»។ ពួកគេបានចង្អុលបង្ហាញពីរបៀបដែលក្រុមនេះ ទទួលស្គាល់ប៉ាឡេស្ទីនជារដ្ឋអ្នកសង្កេតការណ៍ ទោះបីជាមានការជំទាស់ពីមេដឹកនាំអ៊ីស្រាអែលក៏ដោយ។ យ៉ាងណាក៏ដោយ អ្នកដែលនៅក្នុងរដ្ឋបាល បៃដិន បាននិងកំពុងព្យាយាមស្តារទំនាក់ទំនងឡើងវិញ។ ជាក់ស្ដែង រដ្ឋលេខាធិការលោក Antony Blinken បានស្នើសុំសភាកាលពីខែមីនា ដើម្បីផ្តល់មូលនិធិរាប់លានដុល្លារសម្រាប់អង្គការយូណេស្កូ។ លោកបាននិយាយថា ប្រទេសចិនបានក្លាយជាអ្នករួមចំណែកធំបំផុតតែមួយគត់ដល់អង្គការ ហើយថា សហរដ្ឋអាមេរិកមិនបានចូលរួមអ្វីនោះទេ។ លោកក៏បានព្រមានផងដែរថា មេដឹកនាំនៅក្នុងទីក្រុងប៉េកាំងកំពុងឈានជើងចូលទៅក្នុងការបង្កើតច្បាប់ និងស្តង់ដារនៅក្នុងវិស័យដូចជា

ក្រុមហ៊ុន OceanGate ដែលប្រតិបត្តិការនាវាមុជទឹក Titan និងបានលិចលង់ចូលក្នុងបាតសមុទ្រអាត្លង់ទិក កាលពីពេលថ្មីៗនេះ ត្រូវបានគេរាយការណ៍ថា នៅតែបន្ដផ្សព្វផ្សាយពាណិជ្ជកម្មអំពីដំណើរកម្សាន្តតម្លៃ ២៥០,០០០ ដុល្លារអាមេរិក នៅលើគេហទំព័ររបស់ខ្លួន។ រំលឹកដែរថា កាលពីសប្តាហ៍មុន OceanGate Expeditions បានបិទទ្វារដោយគ្មានកំណត់ បន្ទាប់ពី CEO របស់ខ្លួន គឺលោក Stockton Rush, មហាសេដ្ឋីអង់គ្លេសលោក Hamish Harding, អ្នកជំនាញមុជទឹកបារាំងលោក Paul-Henri Nergeolet និងពាណិជ្ជករប៉ាគីស្ថានលោក Shahzada Dawood និងលោក Suleman អាយុ១៩ឆ្នាំ បានស្លាប់

រដ្ឋមន្ត្រីក្រសួងមហាផ្ទៃបារាំង លោក Gerald Darmanin បាននិយាយតាមរយៈ Twitter នៅថ្ងៃសុក្រ ទី៣០ ខែមិថុនានេះថា មនុស្សយ៉ាងហោចណាស់ ៦៦៧នាក់ ត្រូវបានចាប់ខ្លួននៅក្នុងប្រទេសបារាំង ខណៈដែលរលកនៃការតវ៉ាបានសាយភាយពាសពេញប្រទេស បន្ទាប់ពីប៉ូលីសបានបាញ់សម្លាប់ក្មេងប្រុសជំទង់ម្នាក់នៅអំឡុងពេលត្រួតពិនិត្យចរាចរណ៍។ ក្មេងប្រុសម្នាក់នោះមានអាយុ ១៧ឆ្នាំ និងត្រូវបានគេស្គាល់ថា ជាក្មេងដឹកភីហ្សាឈ្នោះថា Nahel M។ ក្រសួងមហាផ្ទៃបានប្រកាសនៅថ្ងៃសុក្រនេះថា ការតវ៉ាបានធ្វើឱ្យប៉ូលីស និងកងអាវុធហត្ថចំនួន ២៤៩ នាក់បានរងរបួស ដោយបន្ថែមថា គ្មាននរណាម្នាក់រងរបួសធ្ងន់ធ្ងរនោះទេ។ ក្រសួងបាននិយាយថា ប៉ូលីសប្រហែល ៤០,០០០ នាក់ ត្រូវបានដាក់ពង្រាយនៅទូទាំងប្រទេស ដើម្បីដោះស្រាយជាមួយនឹងអំពើហិង្សានេះ។ គួរជម្រាបដែរថា មុនឈានដល់ការសម្លាប់ក្មេងប្រុស

កាបូបដែលមានទំហំតូចជាងគ្រាប់អំបិលមួយ ត្រូវបានលក់ចេញក្នុងតម្លៃ ៦៣,៧៥០ ដុល្លារអាមេរិក នៅក្នុងការដេញថ្លៃមួយរបស់ក្រុមហ៊ុន Joopiter នេះបើតាមការចុះផ្សាយរបស់សារព័ត៌មាន BBC។ កាបូបដ៏តូចនេះមានទំហំត្រឹមតែ ៦៥៧ x ២២២ x ៧០០ មីក្រូម៉ែត្រ និងធ្វើចេញពីជ័រ photopolymer ហើយប្រសិនបើចង់ឃើញកាបូបនេះឱ្យបានច្បាស់ គឺទាល់តែប្រើមីក្រូទស្សន៍។ កាបូបដែលមានតម្លៃដើម ១៥,០០០ ដុល្លារអាមេរិកមួយនេះ ត្រូវបានរចនាឡើងដោយសមាគមសិល្បៈ MSCHF (mischief) ដែលមានមូលដ្ឋាននៅតំបន់ Brooklyn របស់ទីក្រុង New York សហរដ្ឋអាមេរិក។ ទស្សនាវដ្តី Smithsonian បានរាយការណ៍ថា ដោយសារតែកាបូបនេះវាតូចខ្លាំងពេក

សាលាជាតិ Abellana ដែលជាសាលាបង្រៀនដ៏ធំបំផុតមួយនៅទីក្រុង Cebu នៃប្រទេសហ្វីលីពីន បានដាក់ចេញការហាមឃាត់សិស្សពីការនាំយកប្រដាប់លេងម្យ៉ាងហៅថា «lato-lato» (ឡាតូ) ទៅក្នុងបរិវេណសាលា។ លោកនាយកសាលា Nathanael Flores របស់ Abellana បានចេញអនុស្សរណៈមួយ កាលពីថ្ងៃទី២០ ខែមិថុនា ដោយបានណែនាំគ្រូបង្រៀនទាំងអស់ ត្រូវជូនដំណឹងទៅកាន់អាណាព្យាបាល ឬសិស្សរបស់ពួកគេស្ដីពីការហាមឃាតនេះ។ លោក Flores បានរៀបរាប់ថា ការហាមឃាត់នេះបានធ្វើឡើង ក្រោយពីបានមើលឃើញពីសន្ទុះនៃការលេងឡាតូ ខណៈដែលប្រដាប់លេងមួយនេះបានធ្វើឱ្យកុមារមួយចំនួនរងរបួស ហើយអ្នកខ្លះបានយកវាធ្វើជាអាវុធ ដែលអាចមានហានិភ័យខ្ពស់នៅក្នុងចំណោមកុមារផ្សេងទៀត។ លោកនាយក Flores ក៏បានលើកឡើងពីអនុស្សរណៈដែលចេញដោយរដ្ឋបាលចំណីអាហារ និងឱសថ (FDA) ដែលណែនាំដល់សាធារណជនកុំឱ្យទិញឡាតូ ជាច្រើនប្រភេទផ្សេងៗគ្នា។