យោងតាមការចុះផ្សាយរបស់សារព័ត៌មាន NHK បានរាយការណ៍ថា ព្រះនាងម្ចាស់ Mako របស់ប្រទេសជប៉ុន និងអតីតមិត្តរួមថ្នាក់របស់ព្រះនាង ដែលធ្លាប់រៀនជាមួយគ្នានៅមហាវិទ្យាល័យ Komuro Kei នឹងប្រារព្ធពិធីរៀបអាពាហ៍ពិពាហ៍ នៅថ្ងៃអង្គារ ទី២៦ ខែតុលា ឆ្នាំ២០២១ នេះផ្ទាល់។ ប្រភពបាននិយាយថា ភ្នាក់ងាររបស់គ្រួសារអធិរាជជប៉ុន (Imperial Household Agency) នឹងត្រូវធ្វើការចុះបញ្ជីអាពាហ៍ពិពាហ៍ជួសមុខឱ្យអ្នកទាំង ២ ជាមួយនឹងអភិបាលក្រុង ខណៈការចុះបញ្ជីនេះនឹងសម្គាល់ការចាកចេញរបស់ព្រះនាងពីគ្រួសាររាជវង្ស។ ព្រះនាងមានសិទ្ធិទទួលបានប្រាក់ទូទាត់ថ្លៃរៀបអាពាហ៍ពិពាហ៍ ក៏ប៉ុន្តែព្រះនាងមិនទទួលយកប្រាក់ទាំងនោះឡើយ។ ជម្រាបផងដែរថា ព្រះនាង និងអនាគតស្វាមី នឹងមិនរៀបចំពិធីអាពាហ៍ពិពាហ៍តាមបែបប្រពៃណី ដូចជាសមាជិកគ្រួសាររាជវង្សដទៃឡើយ។ នៅ​ពេល​រសៀល ព្រះនាង Mako និងលោក

ក្រុមហ៊ុនអាមេរិក Moderna កាលពីថ្ងៃអាទិត្យ ទី២៥ ខែតុលា ឆ្នាំ២០២១ បានរាយការណ៍ពី «ការឆ្លើយតបនៃអង់ទីករការពារដ៏រឹងមាំ» របស់វ៉ាក់សាំងបង្ការជំងឺ COVID-19 របស់ខ្លួន (mRNA-1273) ចំពោះកុមារដែលមានអាយុពី ៦ ទៅ ១១ឆ្នាំ ហើយខ្លួនគ្រោងនឹងបញ្ជូនលទ្ធផលនេះ ទៅដល់និយតករនៅទូទាំងសកលលោកឆាប់ៗ នេះបើតាមការចុះផ្សាយរបស់សារព័ត៌មាន Channel News Asia ។ ក្រុមហ៊ុនបានសិក្សាលើអ្នកចូលរួមប្រមាណ ៤,៧៥៣ នាក់ ហើយក្រោយពួកគេទទួលវ៉ាក់សាំងដូសទី២ បានរយៈពេល ១ខែ វាបានបង្ហាញថា ពួកគេមានការឆ្លើយតបនៃប្រព័ន្ធភាពស៊ាំខ្ពស់ ខណៈផលរំខានមានដូចជា៖ អស់កម្លាំង ឈឺក្បាល

វេជ្ជបណ្ឌិតនៅវិទ្យាស្ថាន Child Mind Institute ដែលជាអង្គការមិនរកប្រាក់ចំណេញមួយ ដែលបម្រើឱ្យសុខភាពផ្លូវចិត្តរបស់កុមារបានណែនាំថា មិនគួរមានក្មេងណាម្នាក់មើលរឿង «Squid Game» នោះទេ បើទោះបីជាពួកគេមើលរឿងនោះជាមួយឪពុកម្ដាយក៏ដោយ នេះបើតាមការចុះផ្សាយរបស់សារព័ត៌មាន CNN ។ លោក David Anderson ជានាយកសាលា និងកម្មវិធីសហគមន៍របស់វិទ្យាស្ថានបាននិយាយថា កម្រិតការប្រើអំពើហិង្សារបស់រឿងគឺពិតជាគួរឱ្យខ្លាចខ្លាំងណាស់ ហើយវាដូចជាកម្មវិធីឃាតកម្មរង្គាលមួយ នៅពេលដែលរឿងនិយាយអំពីការដណើ្ដមគ្នាយករស់តែម្នាក់ នៅក្នុងចំណោមអ្នកចូលរួមទាំងអស់ ៤០០ នាក់។ គេហទំព័ររបស់ CMI បានកត់សម្គាល់ថា តួអង្គទាំងអស់ត្រូវបានធ្វើទារុណកម្ម និងសម្លាប់ជាប្រព័ន្ធ សម្រាប់ការសប្បាយរបស់ម្ចាស់ហ្គេម។ មានទាំងឈុតរួមភេទរបស់មនុស្សពេញវ័យ ហើយមានការគំរាមកំហែងនៃអំពើហិង្សាផ្លូវភេទ៖ ស្ត្រីត្រូវបានចាប់ក្របួចសក់

នីហ្សេរីយ៉ា៖ ក្រុមប្រដាប់អាវុធមួយក្រុមបានសម្រុកចូលទៅក្នុងពន្ធនាគារ Abonlogo នៅឯភាគនិរតីរបស់ប្រទេសនីហ្សេរីយ៉ា និងបានដោះលែងអ្នកទោសប្រមាណជាង ៨០០ នាក់ ខណៈវាគឺជាការហែកគុកជាលើកទី៣ នៅក្នុងឆ្នាំនេះផ្ទាល់។ ប្រភពព័ត៌មាន The Guardian បាននិយាយថា ការវាយប្រហារនេះបានកើតឡើងកាលពីយប់ថ្ងៃសុក្រ ទី២២ ខែតុលា ឆ្នាំ២០២១ នៅក្នុងរដ្ឋ Oyo ដោយក្រុមខ្មាន់កាំភ្លើង​បានចូលទៅក្នុងទីធ្លាពន្ធនាគារ បំផ្ទុះជញ្ជាំងពន្ធនាគារ ហើយបាញ់តបតជាមួយនឹងមន្ត្រីនៅយាមនៅទីនោះ។ មន្ត្រីក្នុងតំបន់បាននិយាយថា ពួកគេបានចាប់ខ្លួនអ្នកទោសបានប្រហែល ២៦០ នាក់ ត្រឡប់មកវិញ ប៉ុន្តែអ្នកទោសប្រហែល ៥៧៥ នាក់ នៅតែបាត់ខ្លួន។ រំលឹកដែរថា ប្រទេស​នេះ​មានការហែក​ពន្ធនាគារ​ស្រដៀង​គ្នានេះ នៅ​ក្នុង​ខែ​មេសា និង​កញ្ញា រដ្ឋផ្សេងៗគ្នា។ ដោយនៅក្នុង​ខែ​មេសាតែមួយ

យោងតាមការចុះផ្សាយរបស់ NHK បានរាយការណ៍ថា រដ្ឋាភិបាលសិង្ហបុរីនឹងដាក់ការចាក់វ៉ាក់សាំងបង្ការជំងឺ COVID-19 ជាកាតព្វកិច្ចសម្រាប់កន្លែងធ្វើការ ចាប់ពីថ្ងៃទី០១ ខែមករា ឆ្នាំក្រោយនេះ។ គួរឱ្យដឹងដែរថា ប្រហែល ៨៤% នៃចំនួនប្រជាជនសិង្ហបុរីបានចាក់វ៉ាក់សាំងពេញលេញទៅហើយ ប៉ុន្តែករណីឆ្លងរាលដាលថ្មីៗកំពុងកើនឡើងម្តងទៀត បន្ទាប់ពីការរឹតបន្តឹងត្រូវបានបន្ធូរបន្ថយនៅក្នុងខែសីហា ហើយជាលទ្ធផលការឆ្លងថ្មីគឺមានលើសពី ៣,០០០ នាក់ នៅក្នុងខែនេះ។ រដ្ឋាភិបាលសិង្ហបុរីបានប្រកាសវិធានការនេះកាលពីថ្ងៃសៅរ៍ ដោយបាននិយាយថា គោលបំណងរបស់ខ្លួនគឺ «រក្សាកន្លែងធ្វើការឱ្យមានសុវត្ថិភាព»។ នៅក្រោមច្បាប់ថ្មីនេះ អ្នកដែលមិនបានទទួលថ្នាំបង្ការជំងឺ COVID-19 នឹងតម្រូវឱ្យមានការធ្វើតេស្តអវិជ្ជមានដែលមានសុពលភាពរយៈពេល ២៤ ម៉ោង ឬបានជាសះស្បើយពីជំងឺនេះក្នុងរយៈពេល ២៧០ ថ្ងៃកន្លងមក។ តួយ៉ាងប្រទេសសិង្ហបុរីសព្វថ្ងៃនេះ ក៏បានហាមប្រាមអ្នកដែលមិនបានទទួលថ្នាំបង្ការ ពីការចូលទៅក្នុងផ្សារទំនើប

យោងតាមការចុះផ្សាយរបស់សារព័ត៌មាន រ៉យទ័រ បានរាយការណ៍ថា ក្រុមហ៊ុនឱសថយក្សអាមេរិក Pfizer កាលពីថ្ងៃសុក្របាននិយាយថា វ៉ាក់សាំងបង្ការជំងឺ COVID-19 ដែលខ្លួនសហការផលិតជាមួយក្រុមហ៊ុនអាល្លឺម៉ង់ BioNTech បានបង្ហាញប្រសិទ្ធភាព ៩០.៧% ប្រឆាំងនឹងជំងឺ COVID-19 នៅក្នុងការសាកល្បងព្យាបាលលើកុមារអាយុពី ៥ ទៅ ១១ឆ្នាំ។ នៅក្នុងឯកសារសង្ខេបដែលដាក់ជូនទៅរដ្ឋបាលចំណីអាហារ និងឱសថអាមេរិក (FDA) ក្រុមហ៊ុនបាននិយាយថា នៅក្នុងការសាកល្បងដែលមានការចូលរួមពីកុមារចំនួន ២,២៦៨ នាក់ មានកុមារចំនួន ១៦ នាក់ ដែលបានទទួលការព្យាបាលបែប Placebo បានឆ្លងជំងឺ COVID-19 ខណៈក្នុងចំណោមកុមារដែលបានចាក់វ៉ាក់សាំង មានតែ ៣នាក់ ប៉ុណ្ណោះ ដែលបានឆ្លងជំងឺ

ក្រុមសិទ្ធិមនុស្សមីយ៉ាន់ម៉ាបាននិយាយថា ពលរដ្ឋប្រមាណ ១១០ នាក់ ត្រូវបានចាប់ខ្លួនឡើងវិញភ្លាមៗ បន្ទាប់ពីពួកគេត្រូវបានដោះលែង ហើយក្នុងនោះក៏រួមជាមួយនឹងអ្នកទោសនយោបាយមួយចំនួនផងដែរ។ រំលឹកផងដែរថា ក្នុងរយៈពេលចុងក្រោយនេះ យោធា​មីយ៉ាន់ម៉ា​បាន​ចាប់​ផ្តើម​ដោះលែង​ពលរដ្ឋ​ជាង ៥,៦០០ ​នាក់​ ដែលភាគច្រើនពួកគេត្រូវបានចាប់ខ្លួននៅអំឡុងពេលមានការតវ៉ាប្រឆាំងនឹងរដ្ឋប្រហារ ដោយសារតែមានសម្ពាធជាច្រើនពីអន្តរជាតិ។ ប្រភពបាននិយាយថា ពលរដ្ឋ​ទាំង​នោះ​ត្រូវ​បាន​ចាប់​ខ្លួន​ប៉ុន្មាន​ម៉ោង​ បន្ទាប់​ពី​ពួកគេបាន​ជួប​ក្រុម​គ្រួសារ ឬ​សូម្បី​តែមិនទាន់ចេញផុតពី​មាត់​ទ្វារ​ពន្ធនាគារ។ នេះគឺជាទម្រង់នៃការធ្វើទារុណកម្មផ្លូវកាយ និងផ្លូវចិត្តសម្រាប់អ្នកទោសនយោបាយ និងក្រុមគ្រួសាររបស់ពួកគេ។ ស្ថានភាព​ក្នុង​ប្រទេស​មីយ៉ាន់ម៉ា​បាន​និង​កំពុង​ប៉ះពាល់​ដល់​នយោបាយ​នៃ​សមាគម​ប្រជាជាតិ​អាស៊ីអាគ្នេយ៍ (ASEAN) ខណៈអាស៊ាន​ផ្ទាល់ក៏បានសម្រេច​ដក​ឧត្តមសេនីយ​មី​យ៉ាន់​ម៉ាលោក មីន អ៊ុង​ឡាំង ចេញពី​កិច្ចប្រជុំ​កំពូល​របស់ខ្លួន​នៅ​សប្តាហ៍​ក្រោយ ហើយនេះ​ជា​រឿង​មិន​ធ្លាប់​មាន​ក្នុង​ប្រវត្តិសាស្ត្រ​អាស៊ានឡើយ។ ជាមួយគ្នានេះដែរ រដ្ឋមន្ត្រីការបរទេសម៉ាឡេស៊ីលោក Saifuddin Abdullah បាននិយាយកាលពីថ្ងៃព្រហស្បតិ៍ថា អាស៊ានគួរតែគិតឡើងវិញនូវគោលនយោបាយមិនជ្រៀតជ្រែករបស់ខ្លួន

យោងតាមការចុះផ្សាយរបស់សារព័ត៌មាន BBC បានរាយការណ៍ថា ទីភ្នាក់ងារសន្តិសុខសុខភាពចក្រភពអង់គ្លេស (UKHSA) កំពុងដាក់ការស៊ើបអង្កេតទៅលើជំងឺ COVID-19 បំប្លែងខ្លួន «Delta Plus» ឬ AY.4.2 ដោយសារអ្នកជំនាញខ្លះយល់ថា វ៉ារ្យ៉ង់នេះមានការឆ្លងរាលដាលឆាប់រហ័សជាងវ៉ារ៉្យង់ Delta ធម្មតា។ យ៉ាងណាក៏ដោយវានៅមិនទាន់ច្បាស់ថា វ៉ារ្យ៉ង់នេះអាចមានសមត្ថភាពធ្វើឱ្យមានការឆ្លងធ្ងន់ធ្ងរ ហើយអ្នកវិទ្យាសាស្ត្រសង្ឃឹមថា វ៉ាក់សាំងបង្ការជំងឺ COVID-19 បច្ចុប្បន្ន គឺនៅតែមានប្រសិទ្ធភាពចំពោះវ៉ារ្យ៉ង់ប្រភេទនេះ។ នៅក្នុងឯកសារមួយរបស់ UKHSA បានអះអាងថា ចំនួនតួលេខជាផ្លូវការនៃអ្នកឆ្លងជំងឺ COVID-19 នៅចក្រភពអង់គ្លេសចំនួន ៦% គឺបានឆ្លងវ៉ារ្យ៉ង់ Delta Plus នៅក្នុងប៉ុន្មានខែចុងក្រោយនេះ ហើយវាទំនងជាមានអត្រាកំណើននៅក្នុង UK ផ្ទាល់ផងដែរ។ យ៉ាងណាក៏ដោយ

ប្រទេសកូរ៉េខាងត្បូងគ្រោងនឹងធ្វើការបាញ់បង្ហោះរ៉ុក្កែត ដែលផលិតក្នុងស្រុកជាលើកដំបូងទៅក្នុងអវកាស នៅថ្ងៃព្រហស្បតិ៍ ទី២១ ខែតុលា ឆ្នាំ២០២១ នៅក្នុងជំហានដ៏សំខាន់ឆ្ពោះទៅរកការចាប់ផ្តើមនៃកម្មវិធីអវកាសរបស់ខ្លួន។ រ៉ុក្កែត ៣ ដំណាក់កាល KSLV-II NURI ដែលមានរូបទង់ជាតិកូរ៉េខាងត្បូង ត្រូវបានដាក់បញ្ឈរនៅឯមជ្ឈមណ្ឌលអវកាស Naro មុនការគ្រោងទុកនៅវេលាម៉ោង ៥ ល្ងាច។ រ៉ុក្កែត NURI ឬមានន័យថា «ពិភពលោក» ជាភាសាកូរ៉េ ត្រូវបានរចនាឡើងដើម្បីផ្ទុកទម្ងន់ ១.៥ តោន ចូលទៅក្នុងគន្លងចម្ងាយ ៦០០ ទៅ ៨០០ គីឡូម៉ែត្រ ពីផ្ទៃផែនដី។ ការបាញ់បង្ហោះនេះត្រូវបានគ្រោងទុកមួយម៉ោងមុន ប៉ុន្តែមន្រ្តីបាននិយាយថា

យ៉ាងហោចណាស់មានមនុស្សចំនួន ៣នាក់ បានបាត់បង់ជីវិត និង ៣០នាក់ បានរងរបួស ដោយសារការផ្ទុះហ្គាសនៅភោជនីយដ្ឋានមួយនៅភាគឦសានប្រទេសចិន។ ប្រព័ន្ធផ្សព្វផ្សាយក្នុងស្រុកបាននិយាយថា ក្រុមសង្គ្រោះបន្ទាន់បានប្រញាប់ប្រញាល់ទៅរកកន្លងកើតហេតុភ្លាម ដែលស្ថិតនៅតាមបណ្ដោយផ្លូវបំបែកមួយ នៅក្នុងទីក្រុង Shenyang កាលពីព្រឹកថ្ងៃព្រហស្បតិ៍។ នៅវីដេអូឃ្លីបមួយបានបង្ហាញថា កម្លាំងផ្ទុះរបស់ហ្គាសបានធ្វើឱ្យជញ្ជាំងអគារបែកចេញពីគ្នា ចរាចរណ៍ត្រូវបានផ្អាក ហើយតំបន់នោះត្រូវបានបិទភ្លាមៗ។ ក្នុងនោះផងដែរ អ្នកពន្លត់អគ្គីភ័យជាង ១០០ នាក់ ត្រូវបានគេរាយការណ៍ថា បានបញ្ជូនមកដើម្បីប្រតិបត្តិការជួយសង្គ្រោះនេះ។ សារព័ត៌មាន Global Times បានរាយការណ៍ថា បណ្តាញហ្គាសនៅក្បែរនោះកំពុងស្ថិតនៅក្រោមការថែទាំ ខណៈក្រុមអ្នកជំនាញកំពុងចាប់ផ្ដើមការស៊ើបអង្កេតរបស់ខ្លួន។ ជម្រាបដែរថា ការផ្ទុះហ្គាសគឺជារឿងធម្មតានៅក្នុងប្រទេសចិន ដោយសារតែស្តង់ដារសុវត្ថិភាពខ្សោយ និងការអនុវត្តមិនបានល្អ។ ការផ្ទុះមួយកាលពីខែមិថុនា