យោងតាមការចុះផ្សាយរបស់សារព័ត៌មាន បាងកកប៉ុស្ដិ៍ នៅថ្ងៃព្រហស្បតិ៍ ទី១៥ ខែតុលា ឆ្នាំ២០២០ បានឱ្យដឹងថា ប្រទេសថៃបានហាមឃាត់ការប្រមូលផ្តុំមនុស្ស ៥នាក់ ឬច្រើនជាងនេះ និងការផ្សព្វផ្សាយព័ត៌មាន ឬសារតាមអ៉ីនធឺណេត ដែលអាចបង្កគ្រោះថ្នាក់ដល់សន្តិសុខជាតិ បន្ទាប់ពីក្រឹត្យបន្ទាន់មួយត្រូវបានប្រកាសទាំងព្រឹក ដើម្បីបញ្ចប់ការតវ៉ារបស់ក្រុមបាតុករ។ ការតវ៉ានៅប្រទេសថៃបានកើតឡើងអស់រយៈពេល ៣ខែ រួចមកហើយ ខណៈកាលពីល្ងាចថ្ងៃពុធកន្លងទៅនេះ ក្រុមអ្នកតវ៉ាបានបោះជំរំនៅខាងក្រៅវិមានរដ្ឋាភិបាល  ដើម្បីទាមទារឱ្យនាយករដ្ឋមន្ត្រីលោក ប្រាយុទ្ធ ចានអូចា ចុះចេញពីតំណែង។ ទូរទស្សន៍របស់រដ្ឋបានប្រកាសថា៖«វាចាំបាច់ណាស់ក្នុងការណែនាំវិធានការណ៍បន្ទាន់មួយ ដើម្បីបញ្ចប់ស្ថានភាពនេះប្រកបដោយប្រសិទ្ធភាព និងឆាប់រហ័ស ដើម្បីថែរក្សាសន្តិភាពនិងសណ្តាប់ធ្នាប់»។ ការប្រកាសនេះត្រូវបានអមដោយឯកសារដែលដាក់ចេញនូវវិធានការណ៍ ដែលចូលជាធរមានចាប់ពីម៉ោង ៤ព្រឹក ដើម្បីហាមឃាត់ការជួបជុំធំៗ និងអនុញ្ញាតឱ្យអាជ្ញាធរហាមឃាត់ប្រជាជនមិនឱ្យចូលក្នុងតំបន់ណាមួយដែលពួកគេបានកំណត់។ វាក៏ហាមឃាត់ការផ្សព្វផ្សាយព័ត៌មាន

យោងតាមការចុះផ្សាយរបស់សារព័ត៌មាន Bloomberg បានឱ្យដឹងថា អ្នកដំណើរម្នាក់ ដែលបានរួមដំណើរនៅលើយន្តហោះយុទ្ធនាការឃោសនាបោះឆ្នោតរបស់លោក Joe Biden បានតេស្ដវិជ្ជមានជាមួយជំងឺ COVID-19 ។ អ្នកចាត់ការទូទៅក្នុងយុទ្ធនាការអ្នកស្រី Jen O’Malley Dillon បាននិយាយថា អ្នករួមដំណើរម្នាក់នោះបានធ្វើដំណើរពី Ohio ទៅ Florida ក្នុងសប្ដាហ៍នេះ ប៉ុន្តែរូបគេបានអង្គុយនៅឆ្ងាយពីលោក Joe Biden ច្រើនជាង ៥០ហ្វីត ឬជាង ១៥ម៉ែត្រ។ អ្នកទាំង ២ បានប្រើច្រកចេញចូលខុសគ្នា ហើយក៏បានពាក់ម៉ាស់ទាំង ២នាក់ ផងដែរ។ អ្នកស្រីបានបន្ថែមដែរថា បេក្ខភាពមកពីបក្សប្រជាធិបតេយ្យលោក Joe Biden គឺមិនចាំបាច់នៅដាច់ដោយឡែកនោះទេ។ ចំណែកលទ្ធផលតេស្ដរកជំងឺ COVID-19

តាមការសាកល្បងព្យាបាលដោយអង្គការសុខភាពពិភពលោក (WHO) បានរកឃើញថា Remdesivir របស់ក្រុមហ៊ុនឱសថ Gilead Sciences គឺមានប្រសិទ្ធិភាពតិចតួច ឬគ្មានប្រសិទ្ធភាពទាល់តែសោះ ចំពោះការកាត់បន្ថយអត្រាមរណៈ ឬរយៈពេលសម្រាកព្យាបាលរបស់អ្នកជំងឺ COVID-19 ។ គួររំលឹកផងដែរថាថ្នាំប្រឆាំងវីរុសនេះ ជាថ្នាំមួយក្នុងចំណោមថ្នាំដំបូងគេ ដែលត្រូវបានប្រើសម្រាប់ការព្យាបាលជំងឺ COVID-19 ហើយក៏ជាថ្នាំមួយក្នុងចំណោមថ្នាំដែលត្រូវបានព្យាបាលជំងឺរបស់លោក ដូណាល់ ត្រាំ ផងដែរ។ លទ្ធផលគឺចេញពីការសាកល្បង «សាមគ្គីភាព» របស់អង្គការសុខភាពពិភពលោក ដែលបានវាយតម្លៃផលប៉ះពាល់នៃថ្នាំដែលមានសក្តានុពលចំនួន ៤ រួមមាន៖ Remdesivir, Hydroxychloroquine, ថ្នាំប្រឆាំងនឹងមេរោគអេដស៍រួមបញ្ជូលគ្នា lopinavir/ritonavir និងថ្នាំ Interferon នៅក្នុងចំណោមអ្នកជំងឺ

ក្រុមបាតុករប្រឆាំងរដ្ឋាភិបាលថៃរាប់ពាន់នាក់ បានចាប់ផ្តើមដង្ហែរក្បួនរបស់ពួកគេឆ្ពោះទៅកាន់វិមានរដ្ឋាភិបាលនៅថ្ងៃពុធនេះ ដើម្បីដាក់ការទាមទាររបស់ពួកគេឱ្យនាយករដ្ឋមន្ត្រីលោក ប្រាយុទ្ធ ចាន់អូចា ចុះចេញពីតំណែង និងទាមទារឱ្យមានរដ្ឋធម្មនុញ្ញថ្មី។ នៅពេលដែលក្រុមប្រឆាំងរដ្ឋាភិបាលរើចេញពីវិមានប្រជាធិបតេយ្យ ដែលនៅទីនោះពួកគេក៏បានប្រឈមជាមួយអ្នកគាំទ្ររាជានិយមអាវលឿងផងនោះ ពួកគេបានស្រែកឡើងថា «ចុះចេញរបបផ្តាច់ការ ប្រជាធិបតេយ្យនឹងនៅគង់វង្ស»។ ក្រុមអ្នកតវ៉ាបានដើរចេញពីវិមានប្រជាធិបតេយ្យដែលនៅលើវិថី Ratchdamneon Avenue ឆ្ពោះទៅវិមានរដ្ឋាភិបាល តាមបណ្តោយផ្លូវ Nakhon Sawan ខណៈដែលក្រុមសន្តិសុខបានរារាំងពួកគេពីការដើរក្បួននៅលើវិថី Ratchadamneon Nok Avenue ។ យ៉ាងណាក៏ដោយមេធាវីការពារសិទ្ធិមនុស្សលោក Anon Nampha និងមេដឹកនាំបាតុកម្មដទៃទៀតបានសន្យាហើយថា នឹងមិនមានអំពើហឹង្សាក្នុងអំឡុងពេលបាតុកម្មនេះទេ។ ចំណែកក្រុមអាវពណ៌លឿងដែលគាទ្ររាជានិយម ក៏បានប្រមូលផ្តុំគ្នានៅតាមដងវិថី Ratchadamnoen Avenue ដើម្បីរង់ចាំការហែក្បួនរបស់ព្រះករុណាព្រះមហាក្សត្រ

មេដឹកនាំកូរ៉េខាងជើងលោក គីម ជុងអ៊ុន នាពេលថ្មីៗនេះបានធ្វើការកត់សម្គាល់មិនធ្លាប់មានមួយ ដោយលោកបានលើកឡើងថា លោកគិតមិនដល់ថាស្ថានភាពរស់នៅក្នុងប្រទេសមានភាពលំបាកខ្លាំងយ៉ាងនេះនោះទេ។ លោក គីម ជុងអ៊ុន បានធ្វើការកត់សម្គាល់បែបនេះនៅក្នុងដំណើរទស្សនកិច្ចត្រួតពិនិត្យក្នុងតំបន់មួយ ដែលរងគ្រោះដោយខ្យល់ព្យុះម៉ៃសាក់កាលពីខែមុន។ កាសែតរបស់គណបក្សពលករដែលកំពុងកាន់អំណាច Rodong Sinmun នៅថ្ងៃពុធនេះបានរាយការណ៍ថា លោក គីម ជុងអ៊ុន បានទៅទស្សនាកន្លែងរុករករ៉ែមួយ ក្នុងខេត្ត Hamgyong ភាគខាងជើងប្រទេសកូរ៉េខាងជើង ដែលតំបន់នោះត្រូវរងការខូតខាតយ៉ាងខ្លាំងដោយសារព្យុះ ហើយពេលនេះកំពុងជួសជុលទីតាំងឡើងវិញ។ នៅឯការដ្ឋានសាងសង់ឡើងវិញលោក គីម ជុងអ៊ុន បានថ្លែងអំណរគុណដល់កងទ័ពយោធាដែលបានជួយ នៅក្នុងការស្ដារតំបន់រងគ្រោះដោយគ្រោះមហន្តរាយឡើងវិញ។ លោកបានមានប្រសាសន៍ថា ដោយសារតែមានពលរដ្ឋទើបប្រទេសរបស់លោកអាចប្រារព្ធពិធីអបអរសាទរខួបលើកទី៧៥ នៃការបង្កើតគណបក្ស កាលពីថ្ងៃសៅរ៍កន្លងទៅ។ គួរឱ្យដឹងផងដែរថា

កម្មវិធីស្បៀងអាហារពិភពលោករបស់អង្គការសហប្រជាជាតិ (WFP) នឹងត្រូវរៃអង្គាសថវិកាចំនួន ៦.៨ ពាន់លានដុល្លារ ក្នុងរយៈពេល ៦ខែទៀត ដើម្បីបញ្ចៀសនូវភាពអត់ឃ្លានចំពេលមានវិបត្តិជំងឺ COVID-19 ។ កម្មវិធីស្បៀងអាហារពិភពលោក ដែលទើបតែត្រូវបានផ្តល់រង្វាន់ណូបែលសន្តិភាពកាលពីសប្តាហ៍មុន សម្រាប់កិច្ចខិតខំប្រឹងប្រែងរបស់ខ្លួនប្រឆាំងនឹងភាពអត់ឃ្លានបាននិយាយថា រហូតមកដល់ពេលនេះវាបានរៃអង្គាសប្រាក់បានចំនួន ១.៦ ពាន់លានដុល្លាររួចហើយ។ លោក David Beasley នាយកប្រតិបត្តិនៃកម្មវិធីស្បៀងអាហារពិភពលោក បានថ្លែងនៅក្នុងសន្និសីទមួយកាលពីថ្ងៃអង្គារ ដែលរៀបចំដោយអង្គការស្បៀងអាហារនិងកសិកម្មរបស់អង្គការសហប្រជាជាតិថា៖«យើងត្រូវការប្រមូលថវិកាជាច្រើនបន្ថែមទៀត ដើម្បីធ្វើឱ្យប្រាកដថាយើងអាចបញ្ចៀសបាននូវភាពអត់ឃ្លាន»។ លោក Beasley បានកត់សម្គាល់ថា មនុស្ស ៧លាននាក់ បានស្លាប់ដោយសារភាពអត់ឃ្លាននៅឆ្នាំនេះ ខណៈដែលជំងឺ COVID-19 បានឆក់យកជីវិតមនុស្សជាង ១លាននាក់ រួចមកហើយ។

យោងតាមការចុះផ្សាយរបស់សារព័ត៌មាន CNN បានឱ្យដឹងថា កំពូលកីឡាករបាល់ទាល់ Cristiano Ronaldo បានតេស្ដវិជ្ជមានជាមួយជំងឺ COVID-19 ។ យោងតាមសេចក្តីថ្លែងការណ៍បានឱ្យដឹងថា កីឡាករ Ronaldo គឺ «មានសុខភាពល្អ គ្មានរោគសញ្ញា និងកំពុងនៅដាច់ដោយឡែក»។ រំលឹកដែរថាខ្សែប្រយុទ្ធរបស់ក្រុមសេះបង្កង់វ័យ ៣៥ឆ្នាំរូបនេះ បានលេងឱ្យក្រុមជម្រើសជាតិព័រទុយហ្កាល់ ទទល់ជាមួយបារាំង ក្នុងពានរង្វាន់ UEFA Nations League កាលពីថ្ងៃអាទិត្យ និងបានជួបអេស្ប៉ាញ ក្នុងការប្រកួតមិត្តភាពកាលពីសប្តាហ៍មុន។ ដូច្នេះកីឡាករ Ronaldo នឹងត្រូវខកខានការប្រកួត UEFA Nations League ទទល់ជាមួយស៊ុយអែតនៅថ្ងៃពុធ

ក្រុមហ៊ុន Apple ទើបតែបានប្រកាសពីវត្តមានរបស់ iPhone 12 ជាមួយនឹងបច្ចេកវិទ្យា 5G ល្បឿនលឿនជាងមុន ដែលក្រុមហ៊ុនមានមូលដ្ឋាននៅ Cupertino រដ្ឋ California មួយនេះសង្ឃឹមថា នឹងជំរុញកំណើននៃការធ្វើឱ្យប្រសើរឡើង និងរក្សាការលក់របស់ខ្លួនឱ្យរីកចម្រើននៅចុងឆ្នាំនេះ។ ត្រកូល iPhone 12 នៅឆ្នាំនេះគឺមាន 4 ប្រភេទដូចជា៖ iPhone 12, iPhone 12 Mini, iPhone 12 Pro និង iPhone 12 Pro Max

អាជ្ញាធរចិននៅថ្ងៃពុធនេះបាននិយាយថា ចិនដីគោកបានរកឃើញករណីថ្មីនៃជំងឺ COVID-19 ចំនួន ២០ កាលពីថ្ងៃអង្គារ ទី១៣ ខែតុលា ហើយក្នុងនោះមានករណីចំនួន ១៤ ជាការនាំចូលមកពីបរទេស ខណៈ ៦ករណី គឺជាករណីក្នុងស្រុកមកពីខេត្តសានទុង។ រដ្ឋាភិបាលទីក្រុងឈីងតាវនៃខេត្តសានទុង ក៏កំពុងធ្វើតេស្ដជំងឺ COVID-19 លើពលរដ្ឋខ្លួនទូទាំងក្រុង បន្ទាប់ពីមានការឆ្លងមេរោគជាបន្តបន្ទាប់នៅក្នុងទីក្រុង ភ្ជាប់ទៅនឹងមន្ទីរពេទ្យមួយ ដែលត្រូវបានកំណត់ដើម្បីព្យាបាលអ្នកជំងឺ COVID-19 នាំចូលពីបរទេស។ គណៈកម្មការក៏បាននិយាយផងដែរថា ករណីអ្នកជំងឺ COVID-19 ដែលមិនចេញរោគសញ្ញាចំនួន ១៨ ករណី ត្រូវបានរាយការណ៍នៅថ្ងៃទី១៣ ខែតុលា បើប្រៀបធៀបទៅនឹង ១៧នាក់ ថ្ងៃមុន។

នាយករដ្ឋមន្រ្តីជប៉ុន Suga Yoshihide គ្រោងនឹងធ្វើទស្សនកិច្ចនៅប្រទេសវៀតណាម និងឥណ្ឌូនេស៊ីនៅសប្តាហ៍ក្រោយ ក្នុងដំណើរទស្សនកិច្ចលើកដំបូងរបស់លោកនៅក្រៅប្រទេសចាប់តាំងពីចូលកាន់តំណែង។ មន្ត្រីរដ្ឋាភិបាលកំពុងរៀបចំឱ្យលោក Suga Yoshihide ជួបជាមួយនាយករដ្ឋមន្រ្តីវៀតណាមលោក Nguyen Xuan Phuc និងប្រធានាធិបតីឥណ្ឌូនេស៊ីលោក Joko Widodo ក្នុងដំណើរទស្សនកិច្ចរយៈពេល ៤ថ្ងៃ ដោយចាប់ផ្តើមពីថ្ងៃអាទិត្យ។ លោក Suga Yoshihide បានបង្ហាញពីផែនការនេះ នៅឯការប្រជុំប្រតិបត្តិនៃគណបក្សប្រជាធិបតេយ្យសេរីនៅថ្ងៃអង្គារ។ លោកបានពិពណ៌នាសមាគមប្រជាជាតិអាស៊ីអាគ្នេយ៍ថា ជាគន្លឹះឆ្ពោះទៅរក «ឥណ្ឌូប៉ាស៊ីហ្វិក» ដោយសេរី និងបើកចំហ។ លោកបានមានប្រសាសន៍ថា លោកមានគោលបំណងបង្ហាញទាំងក្នុងនិងក្រៅប្រទេសថា ប្រទេសជប៉ុននឹងចូលរួមចំណែកដល់សន្តិភាព និងវិបុលភាពនៅក្នុងតំបន់៕ អត្ថបទ៖