អតីតនាយករដ្ឋមន្រ្តីថៃលោក ថាក់ស៊ីន ស៊ីណាវ៉ាត្រា បាននិយាយថា គាត់បានសម្រាកនៅមន្ទីរពេទ្យប្រហែលជា ២សប្តាហ៍ បន្ទាប់ពីធ្វើរោគវិនិច្ឆ័យឃើញថា មានជំងឺ COVID-19 នេះបើតាមការចុះផ្សាយរបស់សារព័ត៌មាន Channel News Asia សម្រាប់ថ្ងៃសៅរ៍ ទី០៣ ខែតុលា ឆ្នាំ២០២០។ ព័ត៌មានអំពីជំងឺរបស់គាត់បានចាប់ផ្តើមសាយភាយ បន្ទាប់ពីប្រធានាធិបតីអាមេរិក និងលោកជុំទាវទី១ បានតេស្ដវិជ្ជមានជាមួយជំងឺ COVID-19 នេះ។ អ្នកនាំពាក្យរបស់ត្រកូល ស៊ីណាវ៉ាត្រា បានរាយការណ៍កាលពីថ្ងៃសុក្រថា លោក ថាក់ស៊ីន ស៊ីណាវ៉ាត្រា ដែលមានវ័យ ៧១ឆ្នាំ និងជាមហាសេដ្ឋីមានទីលំនៅនៅឌូបៃក្នុងប្រទេសអារ៉ាប់រួម បានឆ្លងជំងឺ COVID-19

ចិន៖ យុវជនជនជាតិចិន និងជានិស្សិតសិក្សានៅក្នុងប្រទេសអង់គ្លេសម្នាក់អាចប្រឈមនឹងការកាត់ទោសប្រហារជីវិត បន្ទាប់រូបគេបានសម្លាប់ឪពុកម្តាយបង្កើតខ្លួនឯងព្រោះតែខឹងឪពុកម្តាយហាមឃាត់មិនឲ្យរូបគេត្រលប់ទៅកាន់ប្រទេសអង់គ្លេសវិញក្នុងអំឡុងពេលនៃការរាតត្បាតនៃជំងឺកូវីដ ១៩។ កូនតិរច្ឆានម្នាក់នេះមានឈ្មោះថា Huang Mouyang អាយុ ២២ ឆ្នាំ ត្រូវបានលោកឪពុកដែលជាមេធារី និងអ្នកម្តាយជាសាស្ត្រាចារ្យបញ្ជូនទៅពីប្រទេសចិនទៅសិក្សានៅក្នុងប្រទេសអង់គ្លេសតាំងពីមុនផ្ទុះករណីរាតត្បាតជំងឺកូវីដ ១៩ ម្លេះ។ យ៉ាងណាក្តី ពេលពិភពលោកផ្ដើមប្រកាសអាសន្នពីជំងឺកូវីដ ១៩ យុវជន Huang Mouyang បានត្រលប់មកកន្លែងកំណើតរបស់គេវិញគឺនៅក្នុងក្រុង Nanning នៃតំបន់ស្វយ័ត Guangxi Zhuang ភាគខាងត្បូងនៃប្រទេសចិន។ កាលពីអំឡុងខែសីហាកន្លងទៅនេះ យុវជន Huang Mouyang ព្យាយាមត្រលប់ទៅកាន់ប្រទេសអង់គ្លេសវិញ តែត្រូវឪពុកម្តាយហាមឃាត់ជាដាច់ខាត ព្រោះពួកគាត់ខ្លាចកូនប្រុសឆ្លងជំងឺកូវីដ ១៩។

អ្នកនិពន្ធកាសែតរដ្ឋរបស់ចិនដ៏មានឥទ្ធិពលមួយ បានចំអកឱ្យលោក ដូណាល់ ត្រាំ បន្ទាប់ពីលោកប្រធានាធិបតី និងលោកជំទាវទី១ មេឡានៀ ត្រាំ បានធ្វើតេស្តវិជ្ជមានចំពោះជំងឺ COVID-19។ លោក Hu Xijin នាយកផ្នែកសរសេររបស់កាសែត Global Times ដែលជាកាសែតធំ និងជាអ្នកនាំពាក្យរបស់បក្សកុម្មុយនីស្តចិនបាននិយាយថា វាសមមុខរបស់លោកប្រធានាធិបតី ត្រាំ និងភរិយា ចំពោះការមើលស្រាលជាមួយជំងឺ COVID-19 នេះ។ លោកបានអះអាងថា ការធ្វើរោគវិនិច្ឆ័យបានបង្ហាញពីភាពធ្ងន់ធ្ងរនៃការផ្ទុះឡើងនៃវីរុសនេះ ហើយនឹងបំផ្លាញការបោះឆ្នោតឡើងវិញនាពេលខាងមុខរបស់លោក ដូណាល់ ត្រាំ។ ការនិយាយចំអករបស់លោក Hu Xijin ធ្វើឡើងបន្ទាប់ពីមេដឹកនាំអាមេរិកបានបញ្ជាក់ពីព័ត៌មាននេះនៅល្ងាចថ្ងៃព្រហស្បតិ៍ ដោយសរសេរថា៖«យប់នេះ

បេក្ខភាពប្រធានាធិបតីអាមេរិក មកពីខាងបក្សប្រជាធិបតេយ្យលោក ចូ បាយដិន បានធ្វើតេស្តអវិជ្ជមានចំពោះជំងឺ COVID-19 ដោយលទ្ធផលនេះ បានចេញនៅក្រោយពេលដែលលោក ដូណាល់ ត្រាំ ត្រូវបានគេបញ្ជាក់ថា វិជ្ជមានជាមួយជំងឺនេះ។ វេជ្ជបណ្ឌិតរបស់គាត់បាននិយាយថា អតីតលោកអនុប្រធានាធិបតី ចូ បាយដិន និងលោកស្រី Jill Biden បានទទួលការធ្វើតេស្ត PCR-19 និងមិនត្រូវបានគេរកឃើញថាឈឺនោះទេ។ ក្រុមយុទ្ធនាការរបស់លោក ចូ បាយដិន បាននិយាយថា អតីតអនុប្រធានាធិបតី និងភរិយារបស់គាត់ គឺលោកស្រី Jill Biden ត្រូវបានសាកល្បងទាំងព្រឹកថ្ងៃសុក្រ ប្រកបដោយការប្រុងប្រយ័ត្នខ្ពស់។ នៅក្នុងអំឡុងពេលជជែកដេញដោលប្រធានាធិបតីនៅថ្ងៃអង្គារ

ឥណ្ឌា៖ ក្នុងនាមជាប្តីល្អម្នាក់បុរសតែងរកវិធីសាស្ត្របែបអហិង្សាផ្សេងៗមកដោះស្រាយជម្លោះដែលកំពុងកើតមាននៅក្នុងគ្រួសារ ដោយពេលខ្លះភាគីខាងប្តីសុខចិត្តនៅស្ងៀមរង់ចាំប្រពន្ធរអ៊ូឲ្យអស់ចិត្ត ពេលខ្លះទោះមិនខុសក៏ដោយតែគាត់សុខចិត្តទទួលខុសនិងសុំទោសប្រពន្ធដើម្បីបញ្ចប់រឿង ឬអ្នកខ្លះជ្រើសរើសការដើរចេញពីជម្លោះមួយសន្ទុះតែម្តងហើយរង់ចាំដល់ពេលភាគីជម្លោះបាត់ខឹងទើបត្រលប់មកវិញ។ ជាក់ស្តែងមានបុរសជនជាតិឥណ្ឌាម្នាក់សុខចិត្តប្រថុយគ្រោះថ្នាក់ឡើងទៅលើបង្គោលអង់តែនទូរស័ព្ទយ៉ាងខ្ពស់ ដើម្បីគេចចេញពីការឈ្លោះគ្នាជាមួយនិងប្រពន្ធគាត់។ បុរសដែលមិនប្រើអំពើហិង្សាដើម្បីដោះស្រាយជម្លោះក្នុងគ្រួសាររូបនេះមានឈ្មោះថា Tejpal Singh រស់នៅក្នុងរដ្ឋ Uttar Pradesh ភាគខាងជើងនៃប្រទេសឥណ្ឌា។ លោក Tejpal Singh លោក Tejpal Singh បានឲ្យដឹងថា ប្រពន្ធរបស់គាត់គឺជាមនុស្សស្រីសាំញ៉ាំម្នាក់ដែលតែងរករឿងឈ្លោះជាមួយគាត់ជាប្រចាំ ហើយពេលខ្លះគាត់ក៏ចង់ដើរចេញពីទំនាក់ទំនងស្នេហានេះដែរ តែជីវិតជាប្តីប្រពន្ធនិងថែមទាំងមានកូនទៀតនោះមិនមែនចេះបោះបង់ចោលងាយៗនោះទេ។ នៅក្នុងថ្ងៃហេតុនោះលោក Tejpal Singh និងប្រពន្ធបានកើតមានជម្លោះដូចសព្វដង ហើយដោយធុញទ្រាន់នឹងការឈ្លោះគ្នាពេកគាត់ក៏សម្រេចចិត្តឡើងទៅលើបង្គោលអង់តែនតែម្តង ដើម្បីគេចចេញពីជម្លោះផងនិងដើម្បីបន្ធូរអារម្មណ៍ផង។​ យ៉ាងណាក្តី បន្ទាប់ពីបានឃើញហេតុការណ៍នេះក្រុមអ្នកជិតខាងក៏បានទៅនិយាយលួងលោមលោក Tejpal Singh

ក្រុមហ៊ុន AstraZeneca នៅថ្ងៃសុក្រ ទី០២ ខែតុលា ឆ្នាំ២០២០ បាននិយាយថា ការសាកល្បងគ្លីនិកនៃវ៉ាក់សាំងប្រឆាំងជំងឺ COVID-19 របស់ខ្លួនបានចាប់ផ្តើមឡើងវិញនៅក្នុងប្រទេសជប៉ុន ខណៈពេលដែលក្រុមហ៊ុនបានបន្ថែមថា វាកំពុងពិភាក្សាជាមួយអ្នកតាក់តែងច្បាប់ស្តីពីទិន្នន័យដែលត្រូវការ ដើម្បីចាប់ផ្តើមការសិក្សាឡើងវិញនៅសហរដ្ឋអាមេរិក ដែលនៅទីនោះការសាកល្បងរបស់ពួកគេត្រូវបានផ្អាកនៅឡើយ។ ការសាកល្បងវ៉ាក់សាំង AZD1222 របស់ AstraZeneca ជាសកលត្រូវបានបញ្ឈប់កាលពីខែមុន បន្ទាប់ពីអ្នកចូលរួមក្នុងការសិក្សាម្នាក់បានធ្វើទុក្ខខ្លាំងជាមួយវ៉ាក់សាំង។ រ៉យទ័របានរាយការណ៍កាលពីថ្ងៃពុធថា ចំពេលដែលការសាកល្បងភាគច្រើនបានបន្តឡើងវិញ ការសាកល្បងរបស់សហរដ្ឋអាមេរិកនៅតែត្រូវបានគេផ្អាក ខណៈនិយតករកំពុងពង្រីកការស៊ើបអង្កេតរបស់ពួកគេ។ ក្រុមហ៊ុនផលិតថ្នាំអង់គ្លេសមួយនេះបាននិយាយថា ឥឡូវនេះការសាកល្បងវ៉ាក់សាំងប្រឆាំង COVID-19 របស់ខ្លួនបានបន្តឡើងវិញនៅប្រទេសជប៉ុន បន្ទាប់ពីមានការពិគ្រោះយោបល់ជាមួយនិយតករសុខភាពជាតិ ភ្នាក់ងារឱសថ និងភ្នាក់ងារឧបករណ៍វេជ្ជសាស្ត្រជប៉ុន។ ការសាកល្បងនៅចក្រភពអង់គ្លេស ប្រេស៊ីល អាហ្វ្រិកខាងត្បូង

យោងតាម Page ដែលមានឈ្មោះថា Amazing SEA Culture បានឲ្យដឹងថា មានសណ្ឋាគារថៃមួយដែលមានឈ្មោះថា “Le Palais Hotel”បានយករចនាបថនៃសម្បតិ្តបេតិកភណ្ឌពិភពលោកដែលជាកម្មសិទ្ធរបស់ប្រទេសកម្ពុជាជាច្រើនទៅសង់ឡើងវិញ ដើម្បីតុបតែងលម្អក្នុងបរិវេណសណ្ឋាគាររបស់ពួកគេ។ សណ្ឋាគាររបស់ថៃមួយនេះមានទីទាំងស្ថិតនៅកោះ Ko Pha Ngan ខេត្ត Surat Thani ភាគខាងត្បូងនៃប្រទេសថៃ។ ចំពោះរចនាបថនៃប្រាសាទរបស់ប្រទេសកម្ពុជាដែលសណ្ឋាគារថៃមួយនេះបានយកទៅសង់ឡើងវិញនោះមានដូចជា រូបចម្លាក់នៃប្រាសាទអង្គរវត្ត ប្រាសាទអង្គរធំ និងប្រាសាទបន្ទាយស្រី។ Amazing SEA Culture បានបន្តថា កន្លងមកប្រទេកម្ពុជាធ្លាប់បានផ្តល់សិទ្ធិទៅកាន់ប្រទេសអេស្ប៉ាញនិងថ្មីៗនេះគឺប្រទេសចិន សម្រាប់ឲ្យប្រទេសទាំងពីរនេះអាចយករចនាបថនៃចម្លាក់ប្រាសាទកម្ពុជាទៅសាងសង់ឡើងវិញបាន តែសម្រាប់ប្រទេសថៃនៅមិនទាន់ទទួលបានសិទ្ធិនេះឡើយទេ។ ហេតុដូចនេះហើយ ទើប Amazing

នាយករដ្ឋមន្រ្តីឥណ្ឌាលោក Narendra Modi បានផ្ញើសារមួយ ទៅកាន់ប្រធានាធិបតីអាមេរិកលោក Donald Trump និងលោកជំទាវទី ១ Melania Trump បន្ទាប់ពីពួកគេបានឆ្លងជំងឺ COVID-19 នៅពាក់កណ្តាលយុទ្ធនាការប្រធានាធិបតី។ សាររបស់លោក Modi បានកើតឡើងភ្លាមៗ បន្ទាប់ពីលោក Trump បានប្រកាសថា គាត់និងលោកស្រី Melania នឹងត្រូវដាក់ឱ្យនៅដាច់ដោយឡែកពីគេ។ អ្នកទាំង ២ បានតេស្ដវិជ្ជមានសម្រាប់ជំងឺ COVID-19 បន្ទាប់ពីជំនួយការកំពូលរបស់ប្រធានាធិបតីគឺអ្នកស្រី Hope Hicks បានឆ្លងជំងឺនេះ។ គ្រូពេទ្យរបស់លោក Trump គឺលោក

ប្រធានាធិបតីអាមេរិកលោក ដូណាល់ ត្រាំ បាននិយាយថា លោកនឹងចាប់ផ្តើមធ្វើចត្តាឡីស័កខ្លួនឯង ខណៈរង់ចាំលទ្ធផលនៃការធ្វើតេស្តរកជំងឺ COVID-19 បន្ទាប់ពីអ្នកស្រី Hope Hicks ដែលជាជំនួយការម្នាក់ក្នុងចំណោមជំនួយការជិតបំផុតរបស់គាត់ បានតេស្តវិជ្ជមានជាមួយជំងឺ។ លោក ដូណាល់ ត្រាំ បាននិយាយថា៖«នាងបានតេស្ដវិជ្ជមាន។ ខ្ញុំទើបតែបានដំណឹងនេះ» នៅក្នុងបទសម្ភាសន៍មួយកាលពីយប់ថ្ងៃព្រហស្បតិ៍ នៅលើកញ្ចក់ទូរទស្សន៍ Fox News ប្រហែល ២ម៉ោង បន្ទាប់ពីសារព័ត៌មាន Bloomberg បានរាយការណ៍ជាលើកដំបូងអំពីការធ្វើតេស្តវិជ្ជមានរបស់អ្នកស្រី។ ក្រោយមកនៅក្នុងសារ Twitter លោកប្រធានាធិបតីបាននិយាយថា គាត់និងលោកជំទាវទី១ Melania Trump បានធ្វើតេស្តរកមេរោគ ហើយកំពុងរង់ចាំលទ្ធផល។

ប៉ូលីសហុងកុងបានចាប់ខ្លួនមនុស្សជាង ៨០នាក់ ពីបទចូលរួមក្នុងការជួបជុំខុសច្បាប់ និងបទល្មើសផ្សេងៗកាលពីថ្ងៃព្រហស្បតិ៍ ដែលជាថ្ងៃខួបលើកទី៧១ នៃការបង្កើតសាធារណរដ្ឋប្រជាមានិតចិន។ ក្រុមគាំទ្រលទ្ធិប្រជាធិបតេយ្យ បានរៀបចំការដើរតវ៉ាជារៀងរាល់ឆ្នាំឱ្យដំណាលគ្នានឹងទិវាជាតិរបស់ចិន ប៉ុន្តែយ៉ាងណាប៉ូលីសបានច្រានចោលពាក្យសុំដើរក្បួននៅឆ្នាំនេះ ដោយលើកឡើងពីហានិភ័យនៃការឆ្លងជំងឺ COVID-19 ។ មនុស្សជាច្រើនបានឆ្លើយតបនឹងការអំពាវនាវឱ្យមានការធ្វើបាតុកម្មនៅលើបណ្តាញសង្គម និងបានប្រមូលផ្តុំគ្នានៅទីប្រជុំជននៃកោះហុងកុងកាលពីថ្ងៃព្រហស្បតិ៍។ ពួកគេបានអំពាវនាវឱ្យមានឯករាជ្យភាព និងសេរីភាពសម្រាប់ហុងកុង។ ចំណែកខាងអាជ្ញាធរវិញ ពួកគេបានដាក់ពង្រាយប៉ូលីសប្រហែល ៦,០០០នាក់ ខណៈបានបញ្ជាបាតុករម្តងហើយម្តងទៀតឱ្យចាកចេញភ្លាមៗ។ ប៉ូលីសបានចាប់ខ្លួនមនុស្សចំនួន ៨៦នាក់ ក្នុងនោះមានសមាជិកក្រុមប្រឹក្សាស្រុកចំនួន ៤នាក់។ គិតមកទល់ពេលនេះគឺរយៈពេល ៣ខែ ដែលច្បាប់សន្តិសុខជាតិបានចូលជាធរមាន។ ច្បាប់នេះបាននាំឱ្យមានការធ្លាក់ចុះយ៉ាងខ្លាំងនូវចំនួនបាតុកម្ម និងការប្រមូលផ្តុំធំៗ។ ប៉ុន្តែការមិនសប្បាយចិត្តជាសាធារណៈប្រឆាំងនឹងរដ្ឋាភិបាលចិនដីគោក និងហុងកុងនៅតែមិនមានការផ្លាស់ប្តូរ ដោយមានការតវ៉ាផ្សេងៗជាបន្តបន្ទាប់៕ អត្ថបទ៖ លីដា