ហ្សីមបាវេ៖ រូបភាពមួយសន្លឹកកំពុងធ្វើឲ្យក្រុមអ្នកប្រើប្រាស់បណ្តាញសង្គមនៅជុំវិញពិភពលោករំជួលចិត្តយ៉ាងខ្លាំងដោយរូបភាពនោះបានបង្ហាញថា មានសាកសពទារកចំនួន ៧នាក់ ត្រូវបានគេរុំនឹងកន្សែងហើយយកមកដាក់តម្រៀបគ្នានៅលើធ្នើរមួយយ៉ាងអាណោធអាធ័មជាទីបំផុត។ បើតាមការចុះផ្សាយនៅក្នុងសារព័ត៌មាន Daily Mail បានឲ្យដឹងថា រូបភាពនេះត្រូវបានគេថតចេញពីមន្ទីរពេទ្យ Harare Central Hospital ក្នុងប្រទេសហ្សីមបាវេ។ ប្រភពខាងលើបានបញ្ជាក់ថា ទារកទាំងអស់នោះសុទ្ធតែបានស្លាប់មុនពេលចាប់កំណើត ឬស្លាប់មុនពេលសម្រាលចេញពីផ្ទៃម្តាយហើយពួកគេបានស្លាប់នៅក្នុងថ្ងៃមួយនិងក្នុងមន្ទីរពេទ្យតែមួយ។ បើតាមលោកវេជ្ជបណ្ឌិត Peter Magombeyi ដែលជាប្រធានមន្ទីរពេទ្យខាងលើបានប្រាប់អ្នកសារព័ត៌មានថា ហេតុផលដែលជំរុញឲ្យទារកខាងលើនេះស្លាប់ក៏ព្រោះតែសុខភាពម្តាយរបស់ពួកចុះខ្សោយខ្លាំង ហើយការវះកាត់ជួយសង្គ្រោះមិនបានធ្វើឡើងទាន់ពេលវេលានោះទេ។ វេជ្ជបណ្ឌិតរូបនេះបានបន្តថា ក្នុងថ្ងៃកើតហេតុនោះមានស្រ្តីមានផ្ទៃពោះចំនួន ៨នាក់ឯណោះ ដែលត្រូវមកសម្រាលកូនក្នុពេលដំណាលគ្នា ហើយដោយខាងមន្ទីរពេទ្យពុំមានបុគ្គលិកច្រើនគ្រប់គ្រាន់ទើបការធ្វើអន្តរាគមន៍ជួយសង្គ្រោះជនរងគ្រោះមានភាពយឺតយ៉ាវខ្លាំងរហូតថ្លោះធ្លោយឲ្យមានករណីស្លាប់ទារកនេះតែម្តង។ សម្រាប់ក្រុមអ្នកប្រើប្រាស់បណ្ដាញសង្គមមួយចំនួនវិញបានលើកឡើងថា បញ្ហានេះទំនងជាជាប់ពាក់ព័ន្ធជាមួយនឹងវិបត្តិកូវីដ ១៩ ផងដែរ ព្រោះពេលនេះអាជ្ញាធរសុខាភិបាលនៃប្រទេសហ្សីមបាវេក៏កំពុងជាប់ដៃប្រយុទ្ធជាមួយនឹងការរាតត្បាតជំងឺផងដែរ ដោយគិតត្រឹមពេលនេះហ្សីមបាវេមានអ្នកជំងឺកូវីដ ១៩

រដ្ឋាភិបាលទីក្រុងតូក្យូ Yuriko Koike បានបញ្ជាក់ពីការឆ្លងជំងឺ COVID-19 ថ្មីចំនួន ៤៦៣នាក់ នៅថ្ងៃសុក្រ ទី៣១ ខែកក្កដា ឆ្នាំ២០២០។ តួលេខនេះបានវ៉ាដាច់កំណត់ត្រាចាស់ដែលមានចំនួន ៣៦៧នាក់ ត្រូវបានគេកត់ត្រាកាលពីថ្ងៃព្រហស្បតិ៍ ដោយបានបន្ថែមការព្រួយបារម្ភថ្មីអំពីការលេចឡើងវិញនៃការរាលដាលនៃជំងឺ COVID-19 នៅទូទាំងប្រទេសជប៉ុន។ រដ្ឋាភិបាលក្រុងនៅថ្ងៃព្រហស្បតិ៍នេះ បានស្នើសុំជាថ្មីម្តងទៀតថា គ្រឹះស្ថានដែលបម្រើការ កន្លែងលក់ស្រា និងខារ៉ាអូខេត្រូវបិទទ្វារឱ្យបានឆាប់បំផុត ដើម្បីការពារការរីករាលដាលនៃជំងឺនេះ ដែលមានប្រសិទ្ធិភាពចាប់ពីថ្ងៃច័ន្ទដល់ចុងខែសីហា។ គិតមកទល់ពេលនេះចំនួនសរុបនៃការឆ្លងជំងឺ COVID-19 នៅក្នុងទីក្រុងតូក្យូតែមួយមានចំនួនច្រើនជាង ១២,០០០នាក់ ហើយពាក់កណ្ដាលនៃចំនួននេះត្រូវបានកត់ត្រានៅក្នុងខែកក្កដានេះផ្ទាល់។ តួលេខប្រចាំថ្ងៃដែលប្រកាសដោយរដ្ឋាភិបាលទីក្រុងគឺជាចំនួនសរុបចុងក្រោយ ដែលរាយការណ៍ដោយអាជ្ញាធរសុខាភិបាល និងស្ថាប័នវេជ្ជសាស្ត្រក្នុងរដ្ឋធានី។ ចំនួនសរុបទូទាំងប្រទេសបានកើនឡើងដល់ ៣៥,៤៦១

អាមេរិក៖ សារព័ត៌មាន Daily Mail បានរាយការណ៍ថា អតីតបេក្ខភាពឈរឈ្មោះជាប្រធានធិបតីអាមេរិកមកពីគណៈបក្សសាធារណៈរដ្ឋគឺលោក Herman Cain បានទទួលមរណៈភាពហើយដោយសារជំងឺកូវីដ ១៩។ ប្រភពខាងលើបានបន្តថា បេក្ខភាពប្រធានាធិបតីវ័យ ៧៤ ឆ្នាំរូបនេះត្រូវបានធ្វើតេស្តវិជ្ជមានជាមួយនិងជំងឺកូវីដ ១៩ កាលពីថ្ងៃទី ១ ខែកក្កដាកន្លងទៅនេះនិងត្រូវបានបញ្ជូនទៅព្យាបាលនៅក្នុងមន្ទីរពេទ្យនៅតំបន់អាត្លង់តា តែដោយសុខភាពរបស់គាត់ហាក់ទ្រុឌទ្រោមខ្លាំងទើបគេមិនអាចព្យាបាលជំងឺកូវីដ ១៩ នៅក្នុងខ្លួនរបស់គាត់បាន ហើយនៅព្រឹកថ្ងៃទី ៣០ ខែកក្កដាកន្លងទៅនេះគាត់ក៏បានស្លាប់ដោយសារតែជំងឺកូវីដ ១៩​ តែម្តង។ គេនៅចាំបានថា មុនពេលធ្វើតេស្តវិជ្ជមានជាមួយនឹងជំងឺកូវីដ ១៩ ចំនួន ៩ ថ្ងៃ លោក Herman Cain

យោងតាមការចុះផ្សាយរបស់សារព័ត៌មាន Channel News Asia សម្រាប់ថ្ងៃសុក្រ ទី៣១​ ខែកក្កដា ឆ្នាំ២០២០ បានឱ្យដឹងថា វៀតណាមបានរកឃើញករណីក្នុងសហគមន៍នៃជំងឺ COVID-19 ចំនួន ៤៥ បន្ថែមទៀត ដែលសុទ្ធតែទាក់ទងនឹងការផ្ទុះឡើងថ្មីៗនៅក្រុងដាណាង ហើយវាជាការកើនឡើងប្រចាំថ្ងៃខ្ពស់បំផុតចាប់តាំងពីចុងខែមករា។ ក្រុមអ្នកជំងឺដែលត្រូវបានបញ្ជាក់ថ្មីនេះមានអាយុចន្លោះពី ២៧ ទៅ ៨៧ឆ្នាំ ហើយមានជាប់ទាក់ទងនឹងមន្ទីរពេទ្យ និងសណ្ឋាគារនៅក្រុងដាណាង។ ក្រសួងសុខាភិបាលនិយាយថា ឥឡូវនេះមានពលរដ្ឋចំនួន ៩៣នាក់ហើយ ដែលបានឆ្លងជំងឺ COVID-19 នៅក្នុងសហគមន៍ ចាប់តាំងពីថ្ងៃសៅរ៍សប្ដាហ៍មុន។ សរុបមកទល់ពេលនេះវៀតណាមមានករណីជំងឺ COVID-19 សរុបចំនួន ៥០៩ មកហើយ ប៉ុន្តែគ្មានការស្លាប់នោះទេ។

លោក Lee Teng-hui អតីតប្រធានាធិបតីតៃវ៉ាន់បានទទួលមរណភាពនៅម៉ោង ៧ និង ២៤នាទី យប់ម្សិលមិញ នៅឯមន្ទីរពេទ្យមនុស្សចាស់តៃប៉ិ (Taipei Veterans General) ក្នុងអាយុ ៩៧ឆ្នាំ។ មន្ទីរពេទ្យបានបញ្ជាក់ថា គាត់បានសន្លប់បាត់ស្មារតី និងខ្សោយសរីរាង្គជាច្រើនផ្នែក។ លោក Lee Teng-hui ត្រូវបានបញ្ជូនទៅមន្ទីរពេទ្យនៅទីនោះតាំងពីខែកុម្ភៈ នៅពេលគាត់បានឈ្លក់ទឹកដោះគោយ៉ាងខ្លាំង ដែលបណ្ដាលឱ្យវាចូលសួត។ ក្រោយមកគាត់ត្រូវបានគេធ្វើរោគវិនិច្ឆ័យថា មានជំងឺសួត និងជំងឺរលាកសួតដោយសារការឈ្លក់ (aspiration pneumonia) ។ មន្ទីរពេទ្យបាននិយាយថាលោក Lee Teng-hui ត្រូវបានព្យាបាលដោយថ្នាំអង់ទីប៊ីយោទិច ប៉ុន្តែសុខភាពរបស់គាត់មិនមានភាពប្រសើរឡើងទេ

អង្គការសុខភាពពិភពលោក (WHO) កាលពីថ្ងៃព្រហស្បតិ៍ ទី៣០ ខែកក្កដា បាននិយាយថា ប្រទេសនានាគួរតែបន្ធូរបន្ថយការធ្វើដំណើរអន្តរជាតិជាបណ្តើរៗ ដោយផ្អែកលើការវាយតម្លៃហានិភ័យយ៉ាងហ្មត់ចត់ ហើយត្រូវផ្តល់អាទិភាពដល់ការធ្វើដំណើរចាំបាច់សម្រាប់ភាពអាសន្ន។ អង្គការសុខភាពពិភពលោកបានផ្តល់អនុសាសន៍ថា អាទិភាពគួរតែត្រូវបានផ្តល់ឱ្យសម្រាប់ការធ្វើដំណើរចាំបាច់ក្នុងភាពអាសន្ន សកម្មភាពមនុស្សធម៌ ការធ្វើដំណើររបស់បុគ្គលិកចាំបាច់ និងការធ្វើមាតុភូមិនិវត្តន៍។ ការកើនឡើងនៃការឆ្លងថ្មីនៅក្នុងផ្នែកជាច្រើននៃពិភពលោក បានបង្ខំឱ្យប្រទេសជាច្រើនផ្តល់សិទ្ធិឡើងវិញ ចំពោះការរឹតត្បិតការធ្វើដំណើរមួយចំនួន។ អង្គការសុខភាពពិភពលោកឥឡូវនេះ បានជំរុញឱ្យប្រទេសនីមួយៗធ្វើការវិភាគភាពប្រថុយប្រថានដោយខ្លួនឯង និងសម្រេចចិត្តលើអាទិភាពរបស់ខ្លួនមុនពេលបន្តដំណើរអន្តរជាតិ។ នៅក្នុងការប្រឹក្សាអំពីការធ្វើដំណើរចុងក្រោយរបស់ខ្លួន អង្គការសុខភាពពិភពលោកបាននិយាយថា បណ្តាប្រទេសនានាត្រូវតែគិតគូរពីរោគរាតត្បាត និងការចម្លងតាមមូលដ្ឋាន វិធានការសុខភាព និងសង្គមជាតិដែលមានរួចស្រេច។ អង្គការសុខភាពពិភពលោកបាននិយាយថា ប្រសិនបើប្រទេសនានាជ្រើសរើសការដាក់អ្នកដំណើរឱ្យនៅដាច់ដោយឡែកពីគ្នានៅពេលពួកគេមកដល់ ពួកគេត្រូវតែធ្វើដូច្នេះបន្ទាប់ពីវាយតម្លៃហានិភ័យបែបនេះ ហើយពិចារណាលើកាលៈទេសៈក្នុងតំបន់។ មិនអាចមាន «ហានិភ័យសូន្យ» នោះទេ នៅក្នុងការធ្វើដំណើរអន្តរជាតិទាំងចេញនិងចូល។

មួយរយៈនេះយើងឃើញថាប្រទេសជាមួយចំនួនកំពុងបាញ់បង្ហោះយានអវកាសរបស់ខ្លួនទៅក្រៅភព ដើម្បីបង្ហាញពីភាពរីកចម្រើនក្នុងបេសកកម្មអវកាសរបស់ពួកគេ។ ជាក់ស្ដែងអង្គការណាសាក៏ទើបតែបានបាញ់រ៉ុក្កែត ដែលដឹកយាន Rover ទំនើបថ្មីចុងក្រោយរបស់ខ្លួនដោយជោគជ័យផងដែរ។ រ៉ុក្កែត Atlas V មួយគ្រឿងដែលដឹក Rover ឈ្មោះថា Perseverance បានបាញ់ចេញពី Cape Canaveral ក្នុងរដ្ឋ Florida កាលពីថ្ងៃព្រហស្បតិ៍ម៉ោងក្នុងស្រុក។ រ៉ុក្កែតនេះត្រូវបានឡើងហោះប្រហែល ៥៧នាទី បន្ទាប់ពីការបាញ់ចេញ ហើយអ្នកត្រួតពិនិត្យបេសកកម្មអាចចាប់សញ្ញាទំនាក់ទំនងដំបូងរបស់ពួកគេជាមួយយានអវកាសនៅ ២៣នាទី ក្រោយមក។ យានសម្រាប់បេសកកម្មភពព្រះអង្គារឆ្នាំ២០២០ មួយនេះគ្រោងនឹងទៅដល់ភពព្រះអង្គារ ដែលនៅជិតខាងផែនដី នៅពាក់កណ្តាលខែកុម្ភៈ ហើយបញ្ជូន Perseverance ទៅលើផ្ទៃរបស់វា។ យាន Rover

ប្រទេសឥណ្ឌានៅថ្ងៃព្រហស្បតិ៍ ទី៣០ ខែកក្កដា បានរាយការណ៍ពីករណីថ្មីនៃជំងឺ COVID-19 ច្រើនជាង ៥០,០០០ ជាលើកដំបូងបំផុត ខណៈដែលរដ្ឋាភិបាលកំពុងបន្ធូរបន្ថយការរឹតត្បឹតលើសកម្មភាពនិងពាណិជ្ជកម្ម។ ប្រទេសឥណ្ឌាបានរកឃើញករណីសរុបចំនួន ៥២,១២៣ ករណី នៅក្នុងរយៈពេល ២៤ ម៉ោងចុងក្រោយនេះ ដែលនាំឱ្យចំនួនសរុបមានដល់ជាង ១.៦ លាននាក់។ ក្នុងរយៈពេលដូចគ្នានេះក៏មានមនុស្សចំនួន ៧៧៥នាក់ បានស្លាប់ដោយសារជំងឺ COVID-19 ដែលនាំឱ្យការស្លាប់សរុបកើនដល់ជាង ៣៥,០០០ ករណី។ ខណៈពេលដែលទីក្រុងធំៗដូចជា ញូដេលី និងក្រុងបុមបៃ បានមើលឃើញពីការធូរស្រាលនៃករណីថ្មីៗ នៅតំបន់ជនបទបានបន្តកើនឡើងករណីថ្មីយ៉ាងខ្លាំង ដែលធ្វើឱ្យអ្នកជំនាញបារម្ភពីសមត្ថភាពនៃការផ្គត់ផ្គង់វេជ្ជសាស្ត្រ។ គួរឱ្យដឹងដែរថា ឥណ្ឌាជាប្រទេសមានការឆ្លងច្រើនបំផុតលំដាប់ទី៣ ក្នុងពិភពលោក

ម៉ាឡេស៊ី៖ រដ្ឋមន្ត្រីក្រសួងពាណិជ្ជកម្មម៉ាឡេស៊ីគឺលោក Datuk Alexander Nanta Linggi បានប្រកាសជាសាធារណៈថា តម្លៃម៉ាស់នៅទូទាំងប្រទេសម៉ាឡេស៊ីនឹងបញ្ចុះតម្លៃបន្តិចចាប់ពីថ្ងៃទី ១៥ ខែ សីហាខាងមុខនេះតទៅ។ រដ្ឋមន្ត្រីរូបនេះបានបញ្ជាក់ថា សម្រាប់ការលក់រាយតម្លៃម៉ាស់នឹងធ្លាក់ចុះពី ១,៥ វីងហ្គីត (០,៣៥ ដុល្លារអាមេរិក) មកសល់ត្រឹម ១,២ វីងហ្គីត (០,២៨ ដុល្លារអាមេរិក) ហើយសម្រាប់តម្លៃបោះដុំវិញក៏មានការធ្លាក់ចុះផងដែរ ដោយធ្លាក់ពី ១,៤៥ វីងហ្គីត (០,៣៤ ដុល្លារអាមេរិក) មកសល់ត្រឹម ១,១៥ វីងហ្គីត (០,២៧ ដុល្លារអាមេរិក) ប៉ុណ្ណោះសម្រាប់ម៉ាស់មួយ។

មានមនុស្សម្នាក់បានស្លាប់ និង ១៧នាក់ផ្សេងទៀត បានរងរបួសនៅក្នុងហេតុការណ៍ផ្ទុះហ្គាសនៅភោជនីយដ្ឋានមួយ ក្នុងខេត្ត Fukushima របស់ជប៉ុន នៅព្រឹកថ្ងៃព្រហស្បតិ៍ ទី៣០ ខែកក្កដា ឆ្នាំ២០២០ នេះបើយោងតាមការចុះផ្សាយរបស់ Channel News Asia ។ ការផ្ទុះបានកើតឡើងភ្លាមៗមុនម៉ោង ៩ ព្រឹក (ម៉ោងក្នុងស្រុក) នៅក្នុងភោជនីយដ្ឋានបែបស៊ុបក្ដៅៗមួយ ដែលបណ្ដាលឱ្យមនុស្សម្នាក់ស្លាប់, ២នាក់ របួសធ្ងន់ធ្ងរ និង ១៥នាក់ផ្សេងទៀត រងរបួសស្រាល។ ឥឡូវនេះខាងភោជនីយដ្ឋានបានធ្វើការសុំទោស និងកំពុងធ្វើការជាមួយអាជ្ញាធរដើម្បីកំណត់មូលហេតុ។ ប៉ូលីសនិងនាយកដ្ឋានពន្លត់អគ្គីភ័យបាននិយាយថា ការផ្ទុះនេះបានកើតឡើងនៅក្នុងតំបន់ដែលមានប្រជាជន និងភោជនីយដ្ឋាន និងអគារស្នាក់នៅច្រើន។ ក្រុមអ្នកស៊ើបអង្កេតនៅកន្លែងកើតហេតុបាននិយាយថា