ប្រទេសចិននឹងតម្រូវឱ្យអ្នកផ្គត់ផ្គង់កម្មវិធីទូរស័ព្ទទាំងអស់នៅក្នុងប្រទេសនេះ ត្រូវដាក់ព័ត៌មានលម្អិតអំពីអាជីវកម្មរបស់ពួកគេជាមួយរដ្ឋាភិបាល ដែលនេះគឺជាកិច្ចខិតខំប្រឹងប្រែងថ្មីចុងក្រោយបំផុតរបស់ទីក្រុងប៉េកាំង ក្នុងការរក្សាឧស្សាហកម្មនេះឱ្យស្ថិតនៅក្រោមការគ្រប់គ្រង។ ក្រសួងឧស្សាហកម្ម និងបច្ចេកវិទ្យាព័ត៌មានចិន (MIIT) បាននិយាយថា អ្នកបង្កើតកម្មវិធីដែលមិនមានឯកសារត្រឹមត្រូវនឹងត្រូវពិន័យ បន្ទាប់ពីរយៈពេលអនុគ្រោះនឹងផុតកំណត់នៅខែមីនាឆ្នាំក្រោយ។ អ្នកជំនាញនិយាយថា ការផ្លាស់ប្តូរនេះនឹងអាចដាក់កម្រិតលើចំនួនកម្មវិធីដែលមានស្រាប់ ហើយក៏ប៉ះពាល់ដល់អ្នកអភិវឌ្ឍន៍តូចៗយ៉ាងធ្ងន់ធ្ងរ។ លោក You Yunting មេធាវីនៃការិយាល័យច្បាប់ DeBund ដែលមានមូលដ្ឋាននៅទីក្រុងសៀងហៃ បាននិយាយថា បទបញ្ជានេះទាមទារឱ្យមានការយល់ព្រមពីក្រសួងប្រកបដោយប្រសិទ្ធភាព។ លោកបាននិយាយថា ច្បាប់ថ្មីនេះមានគោលបំណងជាចម្បងក្នុងការប្រយុទ្ធប្រឆាំងនឹងការក្លែងបន្លំតាមអ៊ីនធឺណិត ប៉ុន្តែវានឹងមានផលប៉ះពាល់ដល់កម្មវិធីទូរស័ព្ទទាំងអស់នៅក្នុងប្រទេសចិន។ លោក Rich Bishop ដែលជាសហស្ថាបនិកនៃក្រុមហ៊ុនបោះពុម្ពកម្មវិធី AppInChina បាននិយាយថា ច្បាប់ថ្មីនេះក៏ទំនងជាប៉ះពាល់ដល់អ្នកអភិវឌ្ឍន៍ដែលមានមូលដ្ឋាននៅបរទេស ដែលធ្លាប់តែអាចបង្ហោះកម្មវិធីរបស់ពួកគេបានយ៉ាងងាយស្រួលតាមរយៈ Apple App

ប្រធានាធិបតីអាមេរិកលោក ចូ បៃដិន បានចុះហត្ថលេខាលើបទបញ្ជាប្រតិបត្តិមួយ ដើម្បីគ្រប់គ្រងការវិនិយោគរបស់អាមេរិកនៅក្នុងប្រទេសចិន លើវិស័យបច្ចេកវិទ្យាខ្ពស់ៗចំនួន៣ ដែលរួមមាន៖ បន្ទះឈីប (semiconductors) និងបញ្ញាសិប្បនិម្មិត AI ជាដើម។ ក្រសួងរតនាគារសហរដ្ឋអាមេរិកបាននិយាយកាលពីថ្ងៃពុធថា លោក បៃដិន បានអនុញ្ញាតឱ្យរដ្ឋលេខាធិការរតនាគារត្រូវត្រួតពិនិត្យការវិនិយោគមួយចំនួនចូលទៅក្នុង «ប្រទេសដែលជាការព្រួយបារម្ភសម្រាប់អាមេរិក»។ នាយកដ្ឋាននេះបាននិយាយថា វិស័យទាំង៣ គឺមានដូចជា៖ បន្ទះឈីប semiconductors និង មីក្រូអេឡិចត្រូនិច microelectronics, បច្ចេកវិទ្យាព័ត៌មាន Quantum និង AI។ កម្មវិធីនេះនឹងបំពេញបន្ថែមការគ្រប់គ្រងរបស់សហរដ្ឋអាមេរិកដែលមានស្រាប់ លើការនាំចេញឧបករណ៍អេឡិចត្រូនិកកម្រិតខ្ពស់ និងវត្ថុផ្សេងៗទៀតទៅកាន់ប្រទេសចិន។ វានឹងហាមឃាត់ការវិនិយោគមួយចំនួនទាក់ទងនឹងបច្ចេកវិទ្យា និងផលិតផលដែលអាមេរិកយល់ថា

ប្រព័ន្ធផ្សព្វផ្សាយរដ្ឋរបស់កូរ៉េខាងជើងបាននិយាយថា មេដឹកនាំប្រទេសលោក គីម ជុងអ៊ុន បានអំពាវនាវឱ្យមានការបង្កើនការត្រៀមរៀបចំសម្រាប់សង្រ្គាមយោធា នៅអំឡុង​កិច្ច​ប្រជុំ​ធំ​មួយ​របស់​គណៈ​កម្មាធិការ​យោធា​មជ្ឈិម​នៃ​គណបក្ស​ពលករ​កំពុង​កាន់​អំណាច​កាល​ពី​ថ្ងៃ​ពុធ។ លោក គីម ត្រូវបានគេរាយការណ៍ថា បានចុះហត្ថលេខាលើបទបញ្ជាជាលាយលក្ខណ៍អក្សរលើវិធានការយោធាសំខាន់ៗ ហើយបានអំពាវនាវឱ្យមានសមយុទ្ធជាក់ស្តែងដោយប្រើអាវុធ និងឧបករណ៍ទំនើបចុងក្រោយបង្អស់។ កិច្ចប្រជុំក៏បានសម្រេចចិត្តលើការជំនួសតំណែងអគ្គសេនាធិការ និងបានពិភាក្សាអំពីការរៀបចំសម្រាប់ក្បួនដង្ហែរបស់កងជីវពល ដើម្បីប្រារព្ធខួបលើកទី៧៥ នៃការបង្កើតប្រទេសនៅថ្ងៃទី០៩ ខែកញ្ញា។ រូបថតប្រព័ន្ធផ្សព្វផ្សាយរដ្ឋបានបង្ហាញរូបថតលោក គីម កំពុងនិយាយនៅពីមុខអ្វីដែលហាក់ដូចជាផែនទីនៃឧបទ្វីបកូរ៉េ។ ទីភ្នាក់ងារសារព័ត៌មានយ៉ុនហាប់របស់កូរ៉េខាងត្បូងនិយាយថា លោក គីម កំពុងចង្អុលទៅកាន់តំបន់ដែលហាក់ដូចជាទីក្រុងសេអ៊ូល និងទីបញ្ជាការយោធា Gyeryongdae ភាគខាងត្បូងនៃរដ្ឋធានី។ កិច្ចប្រជុំពង្រីកត្រូវបានធ្វើឡើងជាលើកដំបូងចាប់តាំងពីខែមេសា នៅពេលដែលលោក គីម ត្រូវបានគេនិយាយថា បានពិនិត្យមើលផែនការប្រតិបត្តិការវាយលុក។ ជាមួយគ្នានោះ ទីក្រុងព្យុងយ៉ាងក៏បានធ្វើការបាញ់សាកល្បងជាលើកដំបូងនូវអ្វីដែលខ្លួនហៅថា

យោងតាមការចុះផ្សាយរបស់ The Nation Thailand នៅថ្ងៃពុធ ទី០៩ ខែសីហា បានរាយការណ៍ថា គណបក្សភឿថៃរកបានគណបក្សចំនួន ៦ បន្ថែមទៀតដាក់ទៅក្នុងក្រុមសម្ព័ន្ធចម្រុះ ដែលធ្វើឱ្យខ្លួនមានសំឡេងគាំទ្រភាគច្រើននៅក្នុងសភាតំណាងរាស្ត្រ។ ការ​ពិភាក្សា​ជាមួយ​ដៃគូ​ចម្រុះ​ថ្មី​ត្រូវ​បាន​ធ្វើ​ឡើង​នៅ​សភា ​ដើម្បី​ចៀសវាង​ការ​ប្រឈម​មុខ​នឹង​ក្រុម​បាតុករ។ គណបក្សចំនួន ៦ ដែលបានចូលរួមជាមួយក្រុមសម្ព័ន្ធចម្រុះដែលមានភឿថៃជាប្រធាន រួមមាន៖ Prachachart, Seri Ruam Thai, Pheu Thai Ruam Palang, Palang Sangkhom Mai, The Party of Thai Counties និង Chart

ទីភ្នាក់ងារមួយរបស់សហភាព​អឺរ៉ុបបាននិយាយថា ខែកក្កដា ឆ្នាំ២០២៣ គឺជាខែដែលក្តៅបំផុតនៅលើភពផែនដី និងក្ដៅបំផុតក្នុងកម្រិតបំបែកកំណត់ត្រាចាស់។ សេវាអង្កេតការប្រែប្រួលអាកាសធាតុ Copernicus របស់សហភាពអឺរ៉ុប បានប្រកាសកាលពីថ្ងៃអង្គារថា សីតុណ្ហភាពជាមធ្យមក្នុងខែកក្កដា នៅទូទាំងពិភពលោកគឺ ១៦.៩៥ អង្សាសេ។ វាគឺលើសពីកំណត់ត្រាមុនដែលមាន ១៦.៦៣ អង្សាសេ ក្នុងខែកក្កដា កាលពីឆ្នាំ២០១៩ និងក្តៅបំផុតចាប់តាំងពីការប្រមូលទិន្នន័យបានចាប់ផ្តើមនៅឆ្នាំ១៩៤០។ ថ្ងៃទី៦ ខែកក្កដា គឺជាថ្ងៃក្តៅបំផុតនៅរបស់ផែនដី ហើយនៅទូទាំងពិភពលោក កម្ដៅជាមធ្យមបានឡើងដល់ ១៧.០៨ អង្សាសេ។ ទីភ្នាក់ងារបាននិយាយថា សីតុណ្ហភាពលើផ្ទៃសមុទ្រពិភពលោក ក៏មានកម្រិតខ្ពស់ខុសពីធម្មតា ចាប់តាំងពីពាក់កណ្តាលខែឧសភា មកម្ល៉េះ។ កាលពីថ្ងៃទី៣១ ខែកក្កដា សីតុណ្ហភាពលើផ្ទៃសមុទ្រជាមធ្យមបានឡើងដល់

អង្គការសុខភាពពិភពលោក (WHO) បានចេញសេចក្តីប្រកាសអាសន្នជាសកលអំពីស៊ីរ៉ូផ្តាសាយមួយប្រភេទ ដែលផលិតនៅប្រទេសឥណ្ឌា ហើយមានលក់នៅក្នុងប្រទេសអ៊ីរ៉ាក់។ WHO បានប្រកាសកាលពីថ្ងៃចន្ទថា ទឹកស៊ីរ៉ូ Cold Out មួយបាច់ដែលផលិតកាលពីឆ្នាំមុន «មិនមានសុវត្ថិភាព ហើយជាពិសេសអាចធ្វើឱ្យកុមារមានរបួសធ្ងន់ធ្ងរ ឬរហូតដល់ស្លាប់»។ ការប្រកាសអាសន្ននេះបានកើតឡើង ក្រោយពេលដែល Bloomberg News បានទិញគំរូទឹកសុីរ៉ូនៅឱសថស្ថានមួយ ក្នុងទីក្រុងបាកដាដ កាលពីខែមីនា ដោយមានការធ្វើតេស្ដពីមន្ទីរពិសោធន៍ឯករាជ្យ Valisure LLC មានមូលដ្ឋាននៅ Connecticut។ ពួកគេក៏បានបញ្ជូនលទ្ធផលតេស្តនេះទៅ WHO ក៏ដូចជាអាជ្ញាធរអ៊ីរ៉ាក់ និងឥណ្ឌាកាលពីខែមុន។ វាជាការព្រមានទី៦ ដែលអង្គការសុខភាពពិភពលោកបានចេញនាឆ្នាំកន្លងមកទាក់ទងនឹងទឹកស៊ីរ៉ូដែលមានជាតិពុល ហើយ ៥ ក្នុងចំណោមនោះ

យោងតាមរបាយការណ៍ពី Washington Post បានរាយការណ៍ថា ពួក Hacker នៅក្នុងប្រទេសចិនបាន «ចូលប្រើប្រាស់យ៉ាងស៊ីជម្រៅ និងជាប់លាប់» ទៅកាន់បណ្តាញយោធារបស់ប្រទេសជប៉ុន នេះបើតាមការរកឃើញដោយទីភ្នាក់ងារសន្តិសុខជាតិរបស់សហរដ្ឋអាមេរិក (National Security Agency)។ នៅពេលដែល NSA បានរកឃើញការចូលលួចនេះជាលើកដំបូងនៅចុងឆ្នាំ២០២០ លោក Paul Nakasone ដែលជាប្រធានរបស់ NSA និងទីប្រឹក្សាសន្តិសុខជាតិរងរបស់សេតវិមានលោក Matthew Pottinger បានធ្វើដំណើរទៅប្រទេសជប៉ុនភ្លាម ដើម្បីរាយការណ៍ពីការចូលលួចនេះ។ ទោះបីជាបញ្ហានេះបានលឺទៅដល់នាយករដ្ឋមន្ត្រីជប៉ុនក៏ដោយ កាសែត Washington Post បានរាយការណ៍ថា ការលួចចូលពីក្រុម Hacker របស់ចិន នៅតែបន្ដជាបញ្ហាអស់រយៈពេលជាច្រើនខែ នៅចុងបញ្ចប់នៃរដ្ឋបាលលោក

តំបន់ជាច្រើននៅក្នុងប្រទេសជប៉ុនរួមទាំងតំបន់កណ្តាល នឹងត្រូវប្រឈមជាមួយនឹងឥទ្ធិពលនៃព្យុះទីហ្វុង Khanun នៅថ្ងៃអង្គារ ទី០៨ ខែសីហានេះ ខណៈដែលខ្យល់បក់ និងភ្លៀងធ្លាក់ខ្លាំង ត្រូវបានរំពឹងទុកនៅក្នុងតំបន់ជាច្រើនទៀត។ ទីភ្នាក់ងារឧតុនិយមជប៉ុន (JMA) បាននិយាយថា ព្យុះនេះកំពុងគ្របដណ្ដប់នៅរង្វង់ប្រហែល ១៦០ គីឡូម៉ែត្រ ពីភាគខាងកើត-ឦសាននៃទីក្រុង Amami ភាគនិរតីនៃប្រទេសជប៉ុន ហើយរំកិលទៅភាគខាងជើងបន្តិចម្តងៗ គិតត្រឹមម៉ោង ៩ព្រឹក។ យោងតាម ​​JMA បានឱ្យដឹងថា បន្ទាប់ពីលាតសន្ធឹងផ្នែកខាងលិចនៃខេត្ត Nagasaki ព្យុះ Khanun ត្រូវបានគេព្យាករណ៍ថា នឹងធ្វើដំណើរស្របទៅនឹងឆ្នេរសមុទ្រភាគខាងជើងឆ្ពោះទៅប្រទេសកូរ៉េខាងត្បូង។ ព្យុះទីហ្វុង Khanun បានបាត់បង់កម្លាំងបន្តិចម្តងៗ ប៉ុន្តែនៅតែអាចបក់បោកក្នុងល្បឿន ១០៨

ទីភ្នាក់ងារសារព័ត៌មាន រ៉យទ័រ បានរាយការណ៍ថា រុស្ស៊ីបានបង្កើនការចំណាយទ្វេដងលើវិស័យការពារជាតិក្នុងឆ្នាំ២០២៣ ខណៈដែលសង្រ្គាមនៅអ៊ុយក្រែនកាន់តែអូសបន្លាយ។ ការចំណាយប្រចាំឆ្នាំរបស់រុស្ស៊ីឥឡូវនេះ ត្រូវបានប៉ាន់ប្រមាណថាមានចំនួន ៩.៧ ទ្រីលានរូប្ល (ruble) ឬ ច្រើនជាង ១០០ ពាន់លានដុល្លារ ដែលស្មើនឹង ១ ភាគ ៣ នៃការចំណាយសាធារណៈរួមគ្នាទាំងអស់។ អ្នកជំនាញបាននិយាយថា ការចំណាយលើយោធារបស់រុស្ស៊ីមានការកើនឡើង ខណៈដែលការឈ្លានពានអ៊ុយក្រែនបន្តអូសបន្លាយ។ ក្រសួងរតនាគារសហរដ្ឋអាមេរិកជឿជាក់ថា ប្រាក់ចំណូលរបស់រុស្ស៊ីពីការនាំចេញប្រេងបានថយចុះក្នុងរយៈពេលចុងក្រោយនេះ ពោលគឺចាប់តាំងពីក្រុមប្រទេស G7 និងសម្ព័ន្ធមិត្តបានដាក់សម្ពាធលើតម្លៃប្រេងឆៅរបស់រុស្ស៊ី។ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានចុះហត្ថលេខាលើច្បាប់ថ្មីមួយ ដែលណែនាំពីពន្ធខ្យល់លើប្រាក់ចំណេញលើសរបស់ក្រុមហ៊ុនរុស្ស៊ី។ អត្រាពន្ធខ្យល់នឹងមានដល់

បើយោងតាម Business Insider បានរាយការណ៍ថា នាវាទំនើបមួយគ្រឿងដែលមានទំនាក់ទំនងជាមួយនឹងប្រធានាធិបតីរុស្ស៊ី លោក វ្ល៉ាឌីមៀ ពូទីន កំពុងត្រូវបានគេជួសជុលឡើងវិញនៅក្នុងកំពង់ផែអ៊ីតាលី ទោះបីជាត្រូវបានឃាត់កាលពីឆ្នាំមុន ក្រោមការដាក់ទណ្ឌកម្មរបស់សហភាពអឺរ៉ុបក៏ដោយ។ ក្រុមហ៊ុន Italian Sea Group SpA បាននិយាយថា ក្រុមការងាររបស់ខ្លួនកំពុងជួសជុលនាវា Superyacht Scheherazade ដែលមានប្រវែង ៤៥៩ ហ្វីត ហើយបានបន្ដែមថា ម្ចាស់នាវាបានបង់ប្រាក់សម្រាប់ការជួសជុល និងការថែទាំ ប៉ុន្តែបដិសេធមិនផ្តល់ព័ត៌មានលម្អិតបន្ថែម រួមទាំងអត្តសញ្ញាណរបស់ម្ចាស់នាវានោះទេ។ រំលឹកផងដែរថា ទីភ្នាក់ងារព័ត៌មាន Bloomberg ធ្លាប់បានរាយការណ៍កាលពីឆ្នាំមុនថា អាជ្ញាធរសហរដ្ឋអាមេរិកបានចោទប្រកាន់ក្រុមមហាសេដ្ឋីរុស្សី (Russian oligarch)