បន្ទាប់ពីនយោបាយរបស់ថៃបានជាប់គាំងអស់ជិត ១០០ថ្ងៃ ទីបំផុតបេក្ខភាពនាយករដ្ឋមន្ត្រីមកពីគណបក្សភឿថៃ គឺលោក Srettha Thavisin (ស្រេតថា ថាវីស៊ីន) បានជាប់ឆ្នោតជានាយករដ្ឋមន្ត្រីទី៣០ របស់ប្រទេសថៃ។ មានការជជែកដេញដោលគ្នាអស់រយៈពេលជាច្រើនម៉ោង ទម្រាំតែអតីតមហាសេដ្ឋីអចលនទ្រព្យរូបនេះ បានទទួលការបោះឆ្នោតនៅក្នុងការប្រជុំរួមគ្នានៅថ្ងៃអង្គារនេះ។ វាមិនច្បាស់ទេថា គាត់មានសំឡេងសរុបប៉ុន្មានទេ ប៉ុន្តែគាត់​ត្រូវការ​សំឡេងគាំទ្រយ៉ាងហោចណាស់ ៣៧៤ សំឡេង ពីសភាទាំងពីរ។ លោក Srettha ​ត្រូវ​បានជ្រោមជ្រែងដោយ​ក្រុមសម្ព័ន្ធ​ចម្រុះ​ដឹកនាំ​ដោយ​គណបក្ស​ភឿ​ថៃ ​ដែល​មាន​គណបក្ស​ចំនួន ១១ ដែលធ្វើឱ្យពួកគេមានសំឡេងភាគច្រើននៅក្នុង​សភាតំណាងរាស្ត្រ ​​ដោយមាន​ ៣១៤ អាសនៈ។ ការ​បែង​ចែក​តំណែង​រដ្ឋមន្ត្រី​ ក៏ត្រូវ​បាន​ធ្វើ​ឡើង​នៅមុន​ការ​បោះឆ្នោត​ជ្រើសរើស​នាយក​រដ្ឋមន្ត្រី​ថ្ងៃ​នេះផងដែរ។ បន្ទាប់ពីឡើងកាន់តំណែង រដ្ឋាភិបាលដឹកនាំដោយគណបក្សភឿថៃបានធ្វើការសន្យាថា នឹងដាក់របៀបវារៈសម្រាប់ធ្វើវិសោធនកម្មរដ្ឋធម្មនុញ្ញបច្ចុប្បន្ន នៅក្នុងកិច្ចប្រជុំគណៈរដ្ឋមន្ត្រីលើកដំបូងរបស់ខ្លួន។ ពួកគេបានអះអាងថា

យ៉ាងហោចណាស់មនុស្សចំនួន ៣ នាក់បានស្លាប់ និង ៣ នាក់ផ្សេងទៀត ត្រូវបានបញ្ជូនទៅកាន់មន្ទីរពេទ្យ បន្ទាប់ពីបាក់តេរី Listeria បានឆ្លងចូលការ៉េមក្រឡុក (milkshakes) ដែលលក់នៅហាងប៊ឺហ្គឺមួយ នៅក្រុង Tacoma រដ្ឋវ៉ាស៊ីនតោន របស់សហរដ្ឋអាមេរិក។ នាយកដ្ឋានសុខាភិបាលរដ្ឋវ៉ាស៊ីនតោនបានប្រកាសថា បាក់តេរីត្រូវបានរកឃើញនៅក្នុងម៉ាស៊ីនការ៉េមនៅហាង Frugals បន្ទាប់ពីបុគ្គលិកមិនបានសម្អាតវាឱ្យបានត្រឹមត្រូវ។ នាយកដ្ឋានបាននិយាយថា ករណីនេះបានកើតឡើងនៅចន្លោះថ្ងៃទី២៧ ខែកុម្ភៈ ដល់ថ្ងៃទី២២ ខែកក្កដា ឆ្នាំ២០២៣ ហើយអ្នកដែលរងផលប៉ះពាល់ទាំងអស់ជាក្រុមមានប្រព័ន្ធភាពស៊ាំចុះខ្សោយ។ ហាង Frugals បានឈប់ប្រើប្រាស់ម៉ាស៊ីនការ៉េមរបស់ខ្លួនកាលពីដើមខែនេះ ប៉ុន្តែមនុស្សអាចចាប់ផ្តើមបង្ហាញរោគសញ្ញានៃការឆ្លងបាក់តេរី Listeria រហូតដល់ ៧០ថ្ងៃ បន្ទាប់ពីការប៉ះពាល់ដំបូង។

ប្រទេសថៃបានដាក់ចេញការណែនាំសម្រាប់ក្រុមបុរសស្រឡាញ់ភេទដូចគ្នា ឱ្យពួកគេត្រូវអនុវត្តការរួមភេទដោយសុវត្ថិភាព បន្ទាប់ពីមនុស្សប្រហែល ២១៧ នាក់ បានឆ្លងជំងឺអុតស្វា ឬឈ្មោះថ្មីហៅថា Mpox នៅក្នុងរយៈពេលប៉ុន្មានខែកន្លងមកនេះ។ នាយកដ្ឋានគ្រប់គ្រងជំងឺ (DCD) បាននិយាយថា ការឆ្លងត្រូវបានរកឃើញនៅក្នុងខេត្តចំនួន ១៩ ហើយមានតែក្នុងចំនោមបុរសប៉ុណ្ណោះ។ អគ្គនាយករង DCD លោក Sopon Iamsirithaworn បាននិយាយថា អត្រាឆ្លងបានកើនឡើងយ៉ាងគួរឱ្យព្រួយបារម្ភ ហើយអ្នកជំងឺស្ទើរតែទាំងអស់ត្រូវបានគេរកឃើញថា បានរួមភេទដោយប្រថុយប្រថាន ឬគេងជាមួយមនុស្សចម្លែក។ ក្នុង​ចំណោម​បុរស ​២១៧​ នាក់​ ដែល​ឆ្លង​ជំងឺ​អុត​ស្វា Mpox មាន​អ្នកជំងឺ ៣០​នាក់ ​ជា​ជនបរទេស​ ហើយផ្សេងទៀតគឺជា​ជនជាតិ​ថៃទាំងអស់

យានអវកាសគ្មានមនុស្សបើក Luna-25 របស់ប្រទេសរុស្ស៊ី បានធ្លាក់ចុះទៅលើឋានព្រះច័ន្ទ បន្ទាប់ពីវាបានបាត់បង់ម្ចាស់ការ នៅកំឡុងពេលត្រៀមចុះចតតាមគន្លង។ Luna-25 គឺ​ជា​បេសកកម្ម​ឋានព្រះច័ន្ទ​ដំបូង​របស់ប្រទេស​រុស្ស៊ី​ក្នុង​រយៈពេល​ជិត​ ៥០​ឆ្នាំ ហើយ Luna-25 ក៏គ្រោងក្លាយជាយានចុះចតដំបូងបំផុតនៅលើប៉ូលខាងត្បូងរបស់ឋានព្រះច័ន្ទ។ ប៉ូលខាងត្បូងរបស់ឋានព្រះច័ន្ទ គឺមិនធ្លាប់មានយានមួយណាទៅដល់នោះទេ ហើយក្រុមអ្នកវិទ្យាសាស្ត្រយល់ថា នៅទីនោះមានផ្ទុកទឹកកក និងធាតុដ៏មានតម្លៃ។ អង្គការ Roscosmos ដែលជាសាជីវកម្មអវកាសរដ្ឋរបស់រុស្ស៊ីបាននិយាយនៅព្រឹកថ្ងៃអាទិត្យថា ខ្លួនបានបាត់បង់ការទាក់ទងជាមួយ Luna-25 ភ្លាមៗ បន្ទាប់ពីម៉ោង ១៤:៥៧ រសៀល (១១:៥៧ GMT) កាលពីថ្ងៃសៅរ៍។ វាបាននិយាយនៅក្នុងសេចក្តីថ្លែងការណ៍មួយថា ការរកឃើញបឋមបានបង្ហាញថា យានចុះចតទម្ងន់ ៨០០ គីឡូក្រាមមួយនេះ «បានដាច់ទំនាក់ទំនងដែលជាលទ្ធផលនៃការបុកទង្គិចជាមួយផ្ទៃឋានព្រះច័ន្ទ»។

យោងតាមរបាយការណ៍ប្រចាំឆ្នាំរបស់ក្រុមហ៊ុនវិភាគអាមេរិក Gallup ដែលជាអ្នកស្រាវជ្រាវដ៏លេចធ្លោមួយ ដែលវាស់ស្ទង់បទពិសោធន៍វិជ្ជមាន និងអវិជ្ជមានរបស់មនុស្សជុំវិញពិភពលោក បានបង្ហាញនូវលទ្ធផលស្ទង់មតិចុងក្រោយនៃ «ប្រទេសអាស៊ីអាគ្នេយ៍ដែលពោរពេញទៅដោយស្នាមញញឹម» សម្រាប់ឆ្នាំ២០២២ កន្លងទៅនេះ។ កម្ពុជាបានជាប់ចំណាត់ថ្នាក់លេខ២ ចំណែក​ថៃ ដែល​ធ្លាប់តែស្គាល់ថាជា «​ទឹកដី​នៃ​ស្នាមញញឹម​» គឺជាប់​ចំណាត់​ថ្នាក់​លេខ៩ នៅបាតតារាង។ ស្ថិតិនេះត្រូវបានធ្វើឡើងលើអ្នកឆ្លើយសំណួរចំនួន ១,០០០ នាក់ ដែលមានអាយុពី ១៥ឆ្នាំឡើងទៅ មកពីជាង ១០០ ប្រទេសចន្លោះឆ្នាំ២០២១ ដល់ដើមឆ្នាំ២០២២។ ការស្ទង់មតិបានរកឃើញថា ប្រទេសអាស៊ានដែលមានភាពរួសរាយរាក់ទាក់ និងផ្តល់ស្នាមញញឹមច្រើនជាងគេ គឺប្រទេសឥណ្ឌូនេស៊ី ដែលមាន ៩០% បន្ទាប់មកគឺកម្ពុជា ដែលមាន ៨៩% និងឡាវ

ក្រុមមន្ត្រីប៉ូលីស និងនាយកដ្ឋានកែប្រែរបស់ថៃ នឹងធ្វើការចាប់ខ្លួនអតីតនាយករដ្ឋមន្ត្រីលោក ថាក់ស៊ីន ស៊ីណាវ៉ាត្រា ភ្លាមៗនៅពេលដែលគាត់ត្រឡប់មកដល់ប្រទេសថៃ តាមរយៈអាកាសយានដ្ឋានដុនមឿងនៅថ្ងៃអង្គារស្អែកនេះ។ ដំណឹងនេះបានកើតមានឡើង បន្ទាប់ពីកូនស្រីពៅរបស់គាត់ គឺលោកស្រី Paetongtarn Shinawatra បានបង្ហោះសារនៅលើបណ្ដាញ Instagram កាលពីថ្ងៃសៅរ៍ថា គាត់នឹងទៅជួបលោកឪពុកនៅអាកាសយានដ្ឋានដុនមឿង នៅម៉ោង ៩ ព្រឹកថ្ងៃអង្គារ។ ប្រសិនបើគាត់មកដល់ក្នុងម៉ោងតុលាការកំពុងធ្វើការ គាត់នឹងត្រូវបញ្ជូនទៅផ្នែកព្រហ្មទណ្ឌនៃអង្គតុលាការកំពូល សម្រាប់អ្នកកាន់ការិយាល័យនយោបាយ មុនពេលដែលមន្ត្រីនាយកដ្ឋានកែប្រែនាំគាត់ទៅពន្ធនាគារ Remand នៃទីក្រុងបាងកក។ ប្រសិនបើគាត់មកដល់ក្រោយម៉ោងតុលាការ គាត់នឹងត្រូវគេនាំទៅប៉ុស្ដិ៍ប៉ូលីស ជាកន្លែងដែលគាត់នឹងត្រូវឃុំខ្លួនបណ្ដោះអាសន្ន មុនពេលដែលគាត់ត្រូវបាននាំទៅតុលាការកំពូលនៅព្រឹកបន្ទាប់។ ប្រភព​ក៏​បាន​និយាយដែរ​ថា នៅ​ពេល​លោក ថាក់ស៊ីន មក​ដល់ទឹកដីប្រទេសថៃ គាត់​នឹង​ត្រូវ​ប៉ូលីស​អន្តោ​ប្រវេសន៍​ចាប់​ខ្លួន

បណ្ដាញសង្គម X ហាក់បីដូចជាកំពុងធ្វើការលើមុខងារផ្ទៀងផ្ទាត់អត្តសញ្ញាណ (ID verification) ជាច្រើនខែក្រោយមានការក្លែងបន្លំជាបន្តបន្ទាប់ដែលប៉ះពាល់ដល់អតិថិជនដែលបង់ប្រាក់របស់ក្រុមហ៊ុន។ ឥឡូវនេះវេទិកានេះកំពុងធ្វើការលើមុខងារផ្ទៀងផ្ទាត់បន្ថែមទៀត ដែលតម្រូវឱ្យអ្នកប្រើប្រាស់បង្ហោះច្បាប់ចម្លងនៃអត្តសញ្ញាណប័ណ្ណដែលចេញដោយរដ្ឋាភិបាលរបស់ពួកគេ និងថតរូបសែលហ្វី នេះបើយោងតាមរូប screenshot  ដែលចែករំលែកដោយអ្នកស្រាវជ្រាវកម្មវិធីលោក Nima Owji ។ កាលពីដើមខែលោក Owji បានប្រទះឃើញសញ្ញា “ID verified” នៅលើប្រវត្តិរូប bio របស់លោក Musk ហើយឥឡូវនេះ គាត់ក៏បានរកឃើញសារនៅក្នុងកម្មវិធីដែលរៀបរាប់លម្អិតអំពីរបៀបដែលវាដំណើរការ ដោយផ្តល់យោបល់ថា វានឹងកាន់តែខិតជិតដល់ការបើកដំណើរការជាផ្លូវការ។ វាបាននិយាយថា «ផ្ទៀងផ្ទាត់គណនីរបស់អ្នក ដោយផ្តល់អត្តសញ្ញាណប័ណ្ណដែលចេញដោយរដ្ឋាភិបាល។ ហើយជាធម្មតាវាចំណាយពេលប្រហែល ៥ នាទី»។

និយតករប្រឆាំងការទុកចិត្តរបស់កូរ៉េខាងត្បូងបាននិយាយថា ខ្លួននឹងដាក់ពិន័យសរុបជាប្រាក់ ៣៣.៦ ពាន់លានវ៉ុន ឬ ២៥.០៦ លានដុល្លារ លើក្រុមហ៊ុនផ្គត់ផ្គង់សេវាទូរស័ព្ទក្នុងស្រុកចំនួន ៣ សម្រាប់ការបំផ្លើសល្បឿនបណ្តាញ 5G របស់ពួកគេ។ គណៈកម្មការពាណិជ្ជកម្មយុត្តិធម៌កូរ៉េ (KFTC) បាននិយាយថា ក្រុមហ៊ុនទូរគមនាគមន៍ចំនួន ៣ រួមមាន៖ SK Telecom, KT និង LG Uplus បានបំផ្លើសពីល្បឿនបណ្តាញ 5G របស់ពួកគេ ហើយបានផ្សាយពាណិជ្ជកម្មបំប៉ោងថា ពួកគេគឺជាក្រុមហ៊ុនដែលផ្គត់ផ្គត់ 5G លឿនជាងដៃគូប្រកួតប្រជែងរបស់ពួកគេ។ KFTC បាននិយាយនៅក្នុងសេចក្តីថ្លែងការណ៍មួយថា៖«ក្រុមហ៊ុនទូរគមនាគមន៍ទាំង ៣ បានផ្សព្វផ្សាយថា

ក្រុមហ៊ុន Moderna កាលពីថ្ងៃព្រហស្បតិ៍ ទី១៧ ខែសីហា ឆ្នាំ២០២៣ បានបង្ហាញពីទិន្នន័យនៃការសិក្សាដំបូងរបស់ខ្លួន សម្រាប់វ៉ាក់សាំងបង្ការជំងឺ COVID-19 ដែលបានធ្វើបច្ចុប្បន្នភាពថ្មី និងបាននិយាយថា វាមានប្រសិទ្ធភាពប្រឆាំងនឹងវ៉ារ្យ៉ង់ Eris និង Fornax នៅលើមនុស្ស។ ក្រុមហ៊ុនរំពឹងថា វ៉ាក់សាំងថ្មីនេះនឹងអាចរកបានទាំងនៅអឺរ៉ុប និងកន្លែងផ្សេងទៀតក្នុងប៉ុន្មានសប្តាហ៍ខាងមុខ សម្រាប់រដូវកាលចាក់វ៉ាក់សាំងរដូវស្លឹកឈើជ្រុះ ខណៈខ្លួនក៏កំពុងដាក់សំណើទៅនិយតករសុខភាពនៅសហរដ្ឋអាមេរិក។ ជម្រាបដែរថា Moderna និងអ្នកផ្សេងទៀតដូចជា៖ Novavax, Pfizer និង BioNTech SE កំពុងតែបង្កើតកំណែវ៉ាក់សាំងរបស់ពួកគេ ដោយមានគោលដៅប្រឆាំងនឹង XBB.1.5។ ជាក់ស្ដែងនៅព្រឹកថ្ងៃព្រហស្បតិ៍ Pfizer

អភិបាលរដ្ឋហាវ៉ៃ លោក Josh Green នៅក្នុងសន្និសីទសារព័ត៌មានមួយកាលពីថ្ងៃពុធ បាននិយាយថា ចំនួនអ្នកស្លាប់ដោយសារភ្លើងឆេះព្រៃ Maui បានកើនឡើងដល់ ១១០ នាក់ហើយ។ លោក Green បាននិយាយថា ក្រុមស្វែងរករហូតមកដល់ពេលនេះបានរុករក ៣៨% នៃតំបន់ដែលរងផលប៉ះពាល់។ លោកបាននិយាយថា អាជ្ញាធរបានបន្ថែមមនុស្ស និងឆ្កែស្វែងរកបន្ថែមទៀត ទៅក្នុងកិច្ចខិតខំប្រឹងប្រែងនេះ ហើយបានចុះឈ្មោះអ្នកជំនាញបន្ថែម ដើម្បីជួយវាយតម្លៃ DNA ក្នុងគោលបំណងដើម្បីកំណត់អត្តសញ្ញាណអ្នកស្លាប់។ លោក Green បាននិយាយថា កាលពីថ្ងៃពុធគាត់បានទទួលសារពីប្រធានាធិបតី ចូ បៃដិន ដោយសន្យាថា នឹងផ្តល់ជំនួយបន្ថែមរាប់រយលានដុល្លារពីរដ្ឋាភិបាលសហព័ន្ធ សម្រាប់កិច្ចខិតខំប្រឹងប្រែងស្តារឡើងវិញ ដែលគាត់បាននិយាយថា នឹងមានរយៈពេលយូរ