ថៃ៖ សាលារៀនមួយនៅក្នុងខេត្ត ប៉ាទុំតានី ប្រទេសថៃបានសម្រេចលុបចោលបទបញ្ជាចម្លែកមួយ ដែលតម្រូវឲ្យសិស្សទាំងអស់ត្រូវស្រែកច្រៀងបទភ្លេងជាតិខ្លាំងៗ ពោលគឺដល់កម្រិត ៨៥ Decibel (ឯកតាសម្រាប់វាស់កម្រិតសំឡេង)។ សូមបញ្ជាក់ជូនថា​  កាលពីពេលថ្មីៗនេះសាលារៀនមួយនេះ បានដាក់ចេញនូវបញ្ជាយ៉ាងតឹងរឹងបំផុតចំពោះការច្រៀងភ្លេងជាតិ ដោយតម្រូវឲ្យសិស្សទាំងអស់ត្រូវបង្ហាញខ្លួននៅមុខដងទង់ជាតិដើម្បីច្រៀងភ្លេងជាតិឲ្យបានគ្រប់ៗគ្នាទើបអាចចូលរៀនបាន។ ការច្រៀងបទភ្លេងជាតិនេះទៀតសោធ គឺខាងសាលាបានបានបំពាក់នូវឧបករណ៍សម្រាប់វាស់កម្រិតសំឡេង ហើយទាល់តែសិស្សប្រឹងស្រែកច្រៀងដល់កម្រិត ៨៥ Decibel ទើបអាចចូលរៀនបាន បើមិនដូចនោះទេក្រុមសិស្សទាំងអស់ត្រូវតែប្រឹងច្រៀងម្តងហើយម្តងទៀតរហូតដល់កម្រិតខាងលើ។ ការធ្វើដូចនេះត្រូវបានខាងសាលាបញ្ជាក់ថា ដើម្បីបង្កើនសាមគ្គីភាព និងភក្តីភាពកាន់តែខ្លាំងសម្រាប់ជាតិថៃ។ យ៉ាងណាក្តី មានសាធារណៈជាច្រើនបានធ្វើការរិះគន់យ៉ាងខ្លាំងចំពោះបទបញ្ជាចម្លែកនេះ រហូតដល់មានការសិក្សាមួយបានឃើញទៀតថា ការប្រឹងស្រែកច្រៀងដល់កម្រិតសំឡេង ៨៥ Decibel អាចបង្កឲ្យមានបញ្ហាដល់បំពងកសិស្សទៀតផង ខណៈកម្រិតសំឡេងស្ដង់ដារនៅអាមេរិកគឺត្រឹមតែ ៧៥ Decibel តែប៉ុណ្ណោះ។ រហូតមកទល់នឹងពេលនេះសាលារៀនខាងលើ បានសម្រេចលុបចោលបទបញ្ជាខាងលើនេះជាផ្លូវការហើយ៕

អាជ្ញាធរចិនបានរាយការណ៍ថា មានករណីការស្លាប់ទីមួយហើយ ចាប់តាំងពីវីរុសរលាកសួត pneumonia បានផ្ទុះឡើងយ៉ាងចម្លែកមិនធ្លាប់មានពីមុនមក។ មន្ត្រីសុខាភិបាលនៅទីក្រុង Wuhan និយាយថា មានមនុស្សម្នាក់បានស្លាប់ និង ៧នាក់ទៀត ស្ថិតក្នុងស្ថានភាពធ្ងន់ធ្ងរ។ ហើយមកទល់ពេលនេះមាន ៤១ករណី ហើយដែលអ្នកជំងឺបានឆ្លងជំងឺនេះ ចាប់តាំងពីមានការផ្ទុះកាលពីខែមុនមក។ អង្គការសុខភាពពិភពលោកនិយាយថា រោគសញ្ញារបស់អ្នកជំងឺបង្ហាញថា ជំងឺនេះបណ្តាលមកពីវីរុសក្រុម coronavirus ។ អាជ្ញាធរនៅទីក្រុង Wuhan និយាយថា មិនមានករណីថ្មីណាមួយត្រូវបានរកឃើញទេចាប់តាំងពីថ្ងៃទី០៣ ខែមករា ហើយក៏មិនមានភ័ស្តុតាងនៃការឆ្លងពីមនុស្សទៅមនុស្សទេ។ ដូច្នេះពេលនេះពួកគេនៅមិនទាន់ច្បាស់ថា តើមេរោគនោះបានរាលដាលតាមរយៈអ្វីនោះទេ។ ប៉ុន្តែមន្ត្រីក្នុងតំបន់និយាយថា ភាគច្រើននៃអ្នកជំងឺគឺជាអ្នកធ្វើការនៅផ្សារលក់គ្រឿងសមុទ្រមួយ ដែលពេលនេះផ្សារនោះក៏ត្រូវបានគេបិទទ្វារដើម្បីសិក្សាផងដែរ៕ អត្ថបទ៖ លីដា

ចិន៖​ បុរសជាឪពុកម្នាក់បានបង្ហោះសារតាមបណ្តាញសង្គមជាសាធារណៈថា គាត់មានបំណងចង់លក់កូនប្រុសបង្កើតរបស់គាត់ម្នាក់ក្នុងតម្លៃ ២ ៨៨០ ដុល្លារអាមេរិក ដើម្បីយកប្រាក់សងបំណុល ដែលគាត់បានជំពាក់គេព្រោះតែចាញ់ការភ្នាល់ល្បែងស៊ីសង។ សារដែលមានអត្ថន័យនេះដូចខាងលើនេះបានផ្ទុះការចាប់អារម្មណ៍យ៉ាងខ្លាំងនៅក្នុងបណ្តាញសង្គម WeChat ក្នុងប្រទេសចិន ហើយអត្តអញ្ញាណរបស់ឪពុកចិត្តខ្មៅរូបនេះមិនត្រូចបានគេស្គាល់ច្បាស់ឡើយ តែគេអាចដឹងត្រឹមថាគាត់កំពុងរស់នៅក្នុងខេត្ត Guangdong ភាគខាងត្បូងប្រទេសចិន។ ក្រោយបង្ហោះសារលក់កូនប្រុសជាសាធារណៈរួច ក្រុមអ្នកប្រើប្រាស់បណ្តាញសង្គមជាច្រើនបាននាំគ្នាផ្តល់មតិថា ការសម្រេចចិត្តធ្វើដូចនេះពិតជាមិនត្រឹមត្រូវឡើយ ហើយវាគឺជាសកម្មភាពខុសច្បាប់ទៀតផង។ នៅថ្ងៃបន្ទាប់បុរសជាឪពុកដដែលនេះបានបង្ហោះសារថ្មីមួយដោយបានរៀបរាប់ថា គាត់សុំទោសចំពោះការបង្ហោះសារលក់កូន ព្រោះកាលពីម្សិលមិញនេះតែគាត់មួមៅខ្លាំងពេក ហើយឥលូវនេះគាត់សម្រេចចិត្តឈប់កូនប្រុសនេះវិញហើយ។ បើទោះជាយ៉ាងក្តីអាជ្ញាធរចិនបានឲ្យដឹងថា ពេលនេះប៉ូលិសជំនាញកំពុងបើកការស៊ើបអង្កេតជុំវិញករណីនេះហើយដើម្បីស៊ើបឲ្យដឹងការពិតថា តើបុរសជាឪពុកពិតជារក្សាកូនទុកវិញមែន ឬក៏លក់ឲ្យគេបាត់ហើយតែបង្ហោះសារកុហកសាធារណៈជនដើម្បីកុំឲ្យប៉ូលិសតាមចាប់ខ្លួន។ សូមបញ្ជាក់ថា តាមច្បាប់នៅក្នុងប្រទេសចិនបានចែកថាជនណាដែលបានធ្វើសកម្មភាពជួញដូរកុមារត្រូវប្រឈមនឹងការជាប់គុកពី ៥ ទៅ ១០ ឆ្នាំ៕” អត្ថបទ៖

១. ព្រះមហាក្សត្រីអេលីហ្សាប៊ែតទី២ ប្រសូត្រនៅម៉ោង ២ និង ៤នាទីព្រឹក នាថ្ងៃទី២១ ខែមេសា ឆ្នាំ១៩២៦។ ព្រះមាតាបិតារបស់ទ្រង់ គឺស្តេចចច VI និង មហាក្សត្រីអេលីសាប៊ែត គឺជា Duke និង Duchess of York ។ ២. ទ្រង់ត្រូវបានតែងតាំងជាព្រះមហាក្សត្រី នៅថ្ងៃទី០២ ខែមិថុនា ឆ្នាំ១៩៥៣ ជាមួយនឹងអ្នកទស្សនាការឡើងគ្រងរាជ្យរបស់ទ្រង់តាមទូរទស្សន៍ រហូតដល់ទៅ ២០លាននាក់។ ៣. ទ្រង់គឺជាព្រះមហាក្សត្រ ដែលគ្រងរាជ្យយូរជាងគេបំផុតនៅចក្រភពអង់គ្លេស យូរជាងម្ចាស់ក្សត្រី Victoria

ម៉ាឡេស៊ី៖ វីដអូមួយដែលបង្ហាញអំពីយុវតីម្នាក់ហ៊ានដេកបើកម៉ូតូលើផងផ្លូវសាធារណៈទទួលបានការចាប់អារម្មណ៍យ៉ាងខ្លាំងនៅក្នុងបណ្តាញសង្គម យ៉ាងណាក្តីពេលនេះស្រ្តីក្លាហានរូបនេះត្រូវបានប៉ូលិសតាមចាប់ខ្លួនបានហើយ។ ហេតុការណ៍នេះបានកើតឡើងនៅក្នុងរដ្ឋ Pahang ប្រទេសម៉ាឡេស៊ី។ យុវតីទំនើងដែលបានបើកបរម៉ូតូក្នុងលក្ខណៈគ្រោះថ្នាក់ខាងលើនេះ មានអាយុត្រឹមតែ ១៧ ឆ្នាំប៉ុណ្ណោះ បើគិតត្រឹមពេលដែលប៉ូលិសបានចាប់ខ្លួននាង។ បើតាមប៉ូលិសបង្រ្កាបបទល្មើសចរាចរណ៍ផ្លូវគោកម៉ាឡេស៊ីបានបញ្ជាក់ថា ការតាមចាប់ខ្លួនយុវតីរូបនេះគឺគេមិនចង់ឲ្យនាងបង្កើតជាគំរូអាក្រក់មួយសម្រាប់ក្មេងជំនាន់ក្រោយ ព្រោះសកម្មភាពរបស់នាងគឺជាសកម្មភាពខុសច្បាប់ តែទទួលបានការចាប់អារម្មណ៍ខ្លាំងនៅក្នុងបណ្តាញសង្គម។ យ៉ាងណាក្តី នៅពេលឆាប់ខ្លួននាងបានគេបានរកឃើញថា នាងបានប្រព្រឹត្តិបទល្មើសចរាចរណ៍មួយបន្ថែមទៀតគឺគ្មានប័ណ្ណបើកបរ។ នៅស្ថានីយ៍ប៉ូលិសក្មេងស្រីរូបនេះត្រូវពិន័យជាប្រាក់សរុបចំនួន ១ ០០០ RM (២៤៥ ដុល្លារអាម៉េរិក) និងចុះកិច្ចសន្យាលែងធ្វើសកម្មភាពដូចនេះទៀត៕ អត្ថបទ៖ ភក្តី

ការជក់បារីអេឡិចត្រូនិចបានក្លាយជាសកម្មភាពរីករាយថ្មីមួយរបស់ក្រុមយុវជនសម័យទំនើប ខណៈឥរិយាបថនេះត្រូវបានក្រុមអ្នកជំនាញអះអាងថាបានប៉ះពាល់ដល់សុខភាពយ៉ាងខ្លាំង។ ជាក់ស្តែងយុវតីវ័យ ១៩ ឆ្នាំ ម្នាក់បានឲ្យដឹងថា នាងមានបញ្ហាសុខភាពស្ទើរតែស្លាប់ខ្លួន ព្រោះតែបារីអេឡិចត្រូនិចនេះ។ យុវតីដែលកំពុងរស់នៅក្នុងសហរដ្ឋអាមេរិករូបនេះបានសរសេររៀបរាប់ក្នុងបណ្តាញសង្គមរបស់នាងថា នាងមានអាការៈក្តៅខ្លួនយ៉ាងខ្លាំងរហូតដល់ ៤០ អង្សាសេ ហើយដំបូងឡើយនាងគិតថា នាងប្រហែលជាមានជំងឺគ្រុនក្តៅ ឬគ្រុនផ្តាសាយធំជាដើម។ យ៉ាងណាក្តី កម្តៅក្នុងរាងកាយនាងមិនថយចុះទាល់តែសោះក្នុងរយៈពេល ២ ថ្ងៃ ហើយរាងកាយកាន់តែចុះខ្សោយរហូតត្រូវបញ្ជូនទៅកាន់មន្ទីរពេទ្យជាបន្ទាន់ទៀតផង។ ក្រោយបញ្ជូនទៅដល់មន្ទីរពេទ្យគេបានរកឃើញថា​ នាងមានបញ្ហារលាកសួតខ្លាំង ហើយបញ្ហានេះគឺបង្កឡើងដោយសារតែផ្សេងបារីអេឡិចត្រូនិចដែលនាងបានជក់ជាប្រចាំតែម្តង។ ក្រោយកើតមានបញ្ហាសុខភាពដូចខាងលើនេះ យុវតីរងគ្រោះខាងលើបានផ្តាំផ្ញើទៅកាន់ក្រុមយុវជនផ្សេងទៀតថា បើស្រលាញ់សុខភាពសុំកុំជក់បារីឲ្យសោះ​ បើទោះជាបារីធម្មតាឬបារីអេឡិចត្រូនិចក៏ដោយ៕ អត្ថបទ៖ ភក្តី

ក្រុមអ្នកពន្លត់អគ្គីភ័យអាមេរិកត្រូវបានស្វាគមន៍ដោយការទះដៃ និងអបអរសាទរ នៅឯអាកាសយានដ្ឋានស៊ីដនីប្រទេសអូស្ត្រាលី កាលពីពេលប៉ុន្មានថ្ងៃមុននេះ នៅពេលដែលពួកគេបានមកដល់ព្រលាន ចេញពីកន្លែងឆែកចេញជាមួយឧបករណ៍ត្រៀមបម្រុង សម្រាប់ជួយប្រយុទ្ធប្រឆាំងនឹងភ្លើងឆេះព្រៃដែលកំពុងរាលដាលយ៉ាងខ្លាំងក្លា។ កាលពីថ្ងៃព្រហស្បតិ៍លោក Shane Fitzsimmons ស្នងការទទួលបន្ទុកសេវាកម្មអគ្គីភ័យជនបទ New South Wales បានចែករំលែកវីដេអូយ៉ាងរំជើបរំជួលចិត្តនេះនៅលើ Twitter ហើយវាក៏ត្រូវបានគេបង្ហោះបន្តតាមបណ្ដាញសង្គមផ្សេងៗជាហូរហែ។ នេះជាលើកទីមួយហើយចាប់តាំងពីឆ្នាំ២០១០ ដែលសហរដ្ឋអាមេរិកបានបញ្ជូនអ្នកពន្លត់អគ្គិភ័យទៅជួយអូស្ត្រាលីប្រយុទ្ធនឹងភ្លើងឆេះព្រៃ។ ទីភ្នាក់ងាររដ្ឋាភិបាលសម្របសម្រួលអ្នកពន្លត់អគ្គីភ័យអាមេរិកទៅអូស្ត្រាលីបានប្រាប់កាសែត Los Angeles Times ថាអ្នកពន្លត់អគ្គិភ័យប្រហែល ១០០នាក់ ត្រូវបានបញ្ជូននៅក្នុងខែធ្នូ ហើយនៅដើមខែមករានេះគឺមាន ៥០ ទៅ ៦០នាក់ទៀត កំពុងនឹងបញ្ជូនមកផងដែរ។ ប្រទេសកាណាដាក៏បានបញ្ជូនក្រុមពន្លត់អគ្គីភ័យទៅប្រទេសអូស្ត្រាលីជាលើកដំបូងដែរ។ អ្នកពន្លត់អគ្គីភ័យទាំងនោះក៏ត្រូវបានទទួលការអបអរសាទរនៅឯព្រលានយន្តហោះ នេះបើយោងតាមអ្នកឆ្លើយឆ្លងព័ត៌មាន

ថៃនឹងផ្ដល់រង្វាន់លើកទឹកចិត្តចំនួន ៥០០,០០០បាត ស្មើនឹង ១៦,៥០០ដុល្លារអាមេរិក ជូនដល់នរណាម្នាក់ដែលអាចចាប់ខ្លួនចោរប្លន់ហាងមាស ដែលបានសម្លាប់មនុស្ស ៣នាក់ (មានក្មេងប្រុសម្នាក់) និងបង្កឱ្យមានការរងរបួសចំនួន ៤នាក់ទៀត នៅក្នុងផ្សារទំនើបមួយក្នុងស្រុក Muang កាលពីយប់ថ្ងៃព្រហស្បតិ៍។ ប្រាក់រង្វាន់ត្រូវបានប្រកាសនៅថ្ងៃសុក្រដោយអគ្គស្នងការប៉ូលីសជាតិ ឧត្តមសេនីយ៍ឯកលោក Chakthip Chaijinda ។ បុរសជាចោរបានចូលទៅក្នុងហាងមាស Aurora នៅខាងក្នុងផ្សារ Robinson បណ្ដោយផ្លូវហាយវេ Phahon Yothin ក្នុងឃុំ Kok Ko នាម៉ោងប្រហែល ៨ និង ៤៤ នាទីយប់។ ចោរប្លន់បានបិទមុខជិត,

ម៉ាឡេស៊ី៖ ស្រ្តីមេផ្ទះម្នាក់ត្រូវបានគេរាយការណ៍ថា អាចរកប្រាក់បានជាង ៤ ពាន់ដុល្លារពីការ Live វីដេអូអំពីសកម្មភាពលេងហ្គេម PUBG។ ស្ត្រីមេផ្ទះរូបនេះមានឈ្មោះថា Roslinda Embran ឬនៅក្នុងបណ្តាញសង្គមគាត់បានប្រើឈ្មោះថា Miss Rose Gaming និងកំពុងរស់នៅក្នុងប្រទេសម៉ាឡេស៊ី។ អ្នកស្រី Roslinda Embran បានឲ្យដឹងថា ពេលដែលគាត់ផ្តើម Live វីដអូអំពីសកម្មភាពលេងហ្គេម PUBG ដំបូងនោះ មានមនុស្សត្រឹមតែ ៥ នាក់ប៉ុណ្ណោះ ដែលចូលមើលវីដេអូរបស់គាត់ ព្រោះពេលនោះគាត់មិនសូវមានជំនាញក្នុងការលេងហ្គេមប៉ុន្មានទេ។ ក្រោយមកគាត់បានខិតខំស្រាវជ្រាវ និងព្យាយាមលេងហ្គេមបានយ៉ាងល្អ ទើបធ្វើឲ្យវីដេអូរបស់គាត់មានអ្នកចូលមើលច្រើនឡើងៗជាប្រចាំផងដែរ។ រហូតមកទល់នឹងពេលនេះ

លក្ខណៈពិសេសសុវត្ថិភាពរបស់ Nissan TERRA រួមមាន៖ ឧបករណ៍ចាប់សញ្ញាចតពីក្រោយ 4-Eye Rear Parking, កាមេរ៉ាបញ្ច្រាស Reverse Camera, ប្រព័ន្ធប្រឆាំងនឹងចោរកម្មមានសំឡេងរោទិ៍ Anti-Theft system Immobiliser with VSS Alarm, មុខងារ Follow-Me-Home, ប្រឆាំងនឹងការចាក់សោហ្វ្រាំង (ABS), Electronic Brake-force Distribution, ជំនួយហ្វ្រាំង (BA), Vehicle Dynamic Control, សោសុវត្ថិភាពកុមារ Child Safety Lock