មន្ត្រីស៊ើបការណ៍ជាន់ខ្ពស់អាមេរិកម្នាក់បាននិយាយកាលពីថ្ងៃអង្គារថា សកម្មភាពក្រុមវាយលុកតាមអ៊ីនធឺណេត (CYBER) របស់ចិននៅក្នុងសហរដ្ឋអាមេរិកបានកើនឡើងគួរឱ្យគត់សម្គាល់នៅក្នុងប៉ុន្មានខែថ្មីៗនេះ ដោយពួកគេផ្តោតលើហេដ្ឋារចនាសម្ព័ន្ធសំខាន់ៗដែលអាចជាការព្យាយាមបង្កើតមូលដ្ឋានសម្រាប់ការវាយប្រហារមកលើអាមេរិកនាពេលអនាគត។ មន្ដ្រីសន្តិសុខជាតិលោក Rob Joyce ដែលជាអតីតទីប្រឹក្សាផ្នែកប្រព័ន្ធអ៊ីនធឺណេតរបស់សេតវិមានសម្រាប់លោកប្រធានាធិបតី Donald Trump មិនបានបញ្ជាក់លម្អិតអ្វីទេលើបញ្ហានេះ តែគាត់បាននិយាយសំដៅទៅលើការវាយប្រហារឌីជីថលប្រឆាំងនឹងថាមពល វិស័យហិរញ្ញវត្ថុ ដឹកជញ្ជូន និងថែទាំសុខភាពរបស់សហរដ្ឋអាមេរិក។ យ៉ាងណាមិញប្រទេសចិនបានបដិសេធម្តងហើយម្តងទៀតចំពោះការចោទប្រកាន់របស់សហរដ្ឋអាមេរិកថាខ្លួនបានធ្វើការវាយប្រហារតាមអ៊ីនធឺណិតនេះ។ ចំណែកការកត់សម្គាល់របស់លោក Rob Joyce គឺស្របគ្នានឹងព្រះរាជអាជ្ញារបស់សហរដ្ឋអាមេរិក ដែលកំពុងរៀបចំបង្ហាញខ្លួននៅដើមសប្តាហ៍នេះលើការចោទប្រកាន់ការលួចបច្ចេកវិទ្យាព្រហ្មទណ្ឌថ្មីប្រឆាំងនឹងក្រុមវាយលុកតាមអ៊ីនធឺណេតរបស់ចិន៕ អត្ថបទ៖ លីដា ប្រភព៖ voanews

ប្រទេសឥណ្ឌា៖ កាលពីថ្ងៃពុធនេះមហាសេដ្ឋីដែលមានទ្រព្យសម្បត្តិ និងជាអ្នកមានជាងគេនៅតំបន់អាស៊ី លោក Mukesh Ambani បានរៀបការកូនស្រីរបស់គាត់ឈ្មោះ Isha ទៅឱ្យលោក Anand ដែលត្រូវជាកូនប្រុសរបស់មហាសេដ្ឋី  Ajay Piramal ។ អាពាហ៍ពិពាហ៍នេះត្រូវបានគេឱ្យដឹងថា ចំណាយអស់ប្រហែលជា ១០០លានដុល្លារ ប៉ុន្តែមានអ្នកអះអាងដោយសុំមិនបញ្ចេញឈ្មោះម្នាក់បាននិយាយថាវាចំណាយមិនច្រើនជាង ១៥លានដុល្លារទៅវិញ តែទោះជាយ៉ាងណាចំនួនទាំងពីរនៅតែថ្លៃកប់ពពកសម្រាប់មនុស្សសាមញ្ញ។ ចំណែកក្នុងពិធីមុនចូលរោងការវិញគេឃើញមានអ្នកល្បីល្បាញក្នុងស្រុក និងអន្តរជាតិចូលរួមជាច្រើនដូចជា៖ Beyoncé,  Shah Rukh Khan, ហ៊ីលឡារីគ្លីនតុន និងមហាសេដ្ឋីពាណិជ្ជកម្មជាច្រើន។ របាយការណ៍មួយបានឱ្យដឹងថា ដោយការដឹងគុណដល់ទីក្រុង Udaipur និងអបអរដល់ថ្ងៃល្អនេះ ក្រុមគ្រួសារត្រកូល Ambani បានបរិច្ចាគនូវអាហារដល់មនុស្សចំនួន ៥​

Google របស់ក្រុមហ៊ុន Alphabet Inc កំពុងពិនិត្យមើល ដើម្បីបើកការិយាល័យតំណាងរបស់ខ្លួននៅក្នុងប្រទេសវៀតណាម។ នេះបើយោងតាមរដ្ឋាភិបាលរបស់ប្រទេសអាស៊ីអាគ្នេយ៍បាននិយាយនៅលើគេហទំព័ររបស់ខ្លួនថា លោក Kent Walker អនុប្រធានជាន់ខ្ពស់របស់ Google បានកំពុងសិក្សាអំពីជំហានរបស់ខ្លួនដើម្បីបើកការិយាល័យតំណាងនៅវៀតណាម។ ព័ត៌មាននេះបានលេចចេញឡើងនៅពេលដែលច្បាប់ស្តីពីអ៊ីធើណែតដ៏ចម្រូងចម្រាសត្រូវបានកំណត់ឱ្យមានប្រសិទ្ធភាពនៅដើមឆ្នាំក្រោយ ដែលតម្រូវឱ្យក្រុមហ៊ុនបច្ចេកវិទ្យាសកលនានាបើកការិយាល័យក្នុងស្រុក និងរក្សាទុកទិន្នន័យនៅក្នុងប្រទេស។ យ៉ាងណាមិញលោក Kent Walker អនុប្រធានជាន់ខ្ពស់របស់ Google ក៏បានបន្ថែមថា Google នឹងអនុវត្តតាមគោលការណ៍ ដោយធានាថា បទបញ្ជារបស់ម្ចាស់ផ្ទះមិនផ្ទុយនឹងការសន្យាអន្តរជាតិ។ អត្ថបទ៖ លីដា ប្រភព៖ channelnewsasia

យោងតាមការសិក្សាមួយបានឱ្យដឹងថា អ្នកបរិភោគអាហារសរុបចំនួន៤០ភាគរយ នឹងបង្ហោះរូបថតនៃអាហាររបស់ពួកគេទៅលើប្រព័ន្ធផ្សព្វផ្សាយសង្គមនៅពេលញ៉ាំអាហារពេលល្ងាច។ ការស្រាវជ្រាវនេះបានស្ទង់មតិមនុស្សពេញវ័យចំនួន ២​,០០០នាក់ ដែលបានញ៉ាំអាហារក្នុងអំឡុងពេល១២ខែកន្លងមកនេះ និងបានរកឃើញថា បណ្តាញសង្គមដូចជា Instagram និងហ្វេសប៊ុក ដើរតួនាទីយ៉ាងសំខាន់នៅពេលដែលពួកគេចេញទៅញ៉ាំអាហារ។ ការសិក្សានេះក៏បានបង្ហាញថា ១/៤នៃមនុស្សដែលមានអាយុពី ២៥ ទៅ ៣៤ឆ្នាំ នឹងបង្ហោះរូបភាពអាហាររបស់ពួកគេ ក្នុងគោលបំណងដើម្បីទាក់ទាញចំណាប់អារម្មណ៍ពីមិត្តភក្តិ និង Followers របស់ពួកគេ ហើយ៤២ភាគរយផ្សេងទៀត នឹងចែករំលែកនូវរូបភាពតាមប្រព័ន្ធផ្សព្វផ្សាយសង្គមដើម្បីណែនាំទីកន្លែងល្អៗឱ្យមិត្តភក្តិរបស់ពួកគេ។ យ៉ាងណាមិញវត្តមានភោជនីយដ្ឋានអាហារពេលល្ងាចនៅលើបណ្តាញសង្គមគឺមានសារៈសំខាន់ណាស់ ដែល១៥ភាគរយនៃអ្នកចូលចិត្តបរិភោគអាហារពេលល្ងាចតាមភោជនីយដ្ឋាននឹងមិនទៅភោជនីយដ្ឋានណាដែលមិនមានវត្តមានលើប្រព័ន្ធផ្សព្វផ្សាយសង្គម ឬមានម៉ឺនុយដើម្បីមើលលើអ៊ីនធឺណិតទេ។ លើសពីនេះទៀត ២៨ភាគរយនៃអ្នកចូលចិត្តបរិភោគអាហារពេលល្ងាចនឹងធ្វើការកក់ភោជនីយដ្ឋានទាំងនោះតាមរយៈ Facebook, Twitter ល ។ អនុវត្តតាម OnePoll

ផ្លូវថ្នល់របស់ប្រទេសថៃនៅតែស្ថិតក្នុងចំណោមប្រទេសដែលមានគ្នគ្រោះថ្នាក់បំផុតនៅក្នុងអាស៊ីអាគ្នេយ៍ ទោះបីព្រះរាជាណាចក្រមួយនេះបានធ្លាក់ចុះអត្រាគ្រោះថ្នាក់ពីលេខរៀងទី២ មកនៅលំដាប់ទី៨ ក្នុងពិភពលោកវិញក៏ដោយ។ យ៉ោងតាមរបាយការណ៍ថ្មីមួយរបស់អង្គការសុខភាពពិភពលោកបង្ហាញថា ស្ថានភាពសុវត្ថិភាពចរាចរណ៍នៅប្រទេសថៃ នៅតែមិនមានភាពប្រសើរឡើង។​ របាយការណ៍នេះក៏បានបង្ហាញពីអត្រាមរណភាពរបស់ប្រជាជនថៃដោយលើកឡើងថា មនុស្សប្រហែល៣២នាក់ ក្នុងចំណោម ១០០,០០០នាក់ ត្រូវបានស្លាប់ជាមធ្យមនៅក្នុងឆ្នាំ២០១៦។ ចំនួននេះបានធ្វើឱ្យផ្លូវថ្នល់ក្នុងប្រទេសថៃ ក្លាយជាផ្លូវថ្នល់ដែលមានមនុស្សស្លាប់ច្រើនបំផុតនៅក្នុងអាស៊ាន និងក្នុងចំណោមអ្នកស្លាប់ច្រើនបំផុតក្នុងពិភពលោក។ របាយការណ៍ដែលចងក្រងដោយប្រើទិន្នន័យតាំងពីឆ្នាំ២០១៦ និងចូលរួមពីប្រទេសចំនួន១៧៥ បានបង្ហាញថា ទ្វីបអឺរ៉ុបមានផ្លូវថ្នល់ដែលមានសុវត្ថិភាពបំផុតដោយមានចំនួនមនុស្សត្រឹម ៩.៣នាក់ ក្នុងចំណោមប្រជាជន ១០០,០០០នាក់ប៉ុណ្ណោះដែលមានការស្លាប់ដោយគ្រោះថ្នាក់លើផ្លូវថ្នល់នេះ។ របាយការណ៍នេះបានបង្ហាញថា ប្រទេសថៃជាមធ្យមមានមនុស្សចំនួន ២២,៤៩១នាក់ បានស្លាប់នៅលើផ្លូវថ្នល់ជារៀងរាល់ឆ្នាំ។ របាយការណ៍ដដែលនេះក៏បានរកឃើញថា ស្ថានភាពទាក់ទងនឹងការស្លាប់ដោយសារគ្រោះថ្នាក់ចរាចរណ៍ផ្លូវគោកកាន់តែអាក្រក់ទៅៗមិនថាតែក្នុងប្រទេសថៃតែមួយទេ ហើយយ៉ាងហោចណាស់មានមនុស្សម្នាក់នឹងស្លាប់ជារៀងរាល់២៤វិនាទី នៅក្នុងពិភពលោកយើងនេះ៕ អត្ថបទ៖ លីដា ប្រភព៖ nationmultimedia

មន្ត្រីល្បាតព្រំដែនសហរដ្ឋអាមេរិកបានធ្វើការចាប់ខ្លួនមនុស្ស ៣២នាក់ របស់ក្រុម Quaker នៅឯព្រំដែនរដ្ឋ San Diego – Tijuana ( អាមេរិក – ម៉ិចស៊ីកូ ) ។ បើយ៉ោងតាមអ្នកថតរូបម្នាក់របស់សារព័ត៌មាន The Associated Press បានឱ្យដឹងថា មនុស្សជាច្រើននាក់ត្រូវបានគេចាប់ដាក់ខ្នោះ បន្ទាប់ពីពួកមន្ត្រីបានព្យាយាមមិនឱ្យពួកគេឆ្លងកាត់របងព្រំដែនឆ្នេរសមុទ្រ​ប៉ា​ស៊ិ​ហ្វិ​ក ដែលទីនោះគឺជា «តំបន់សមយុទ្ធយោធា» ។ មូលហេតុឈានដល់ការចាប់ខ្លួននេះគឺមិនទាន់មានរបាយការណ៍ណាប្រាប់ពីមូលហេតុជាក់លាក់នោះទេ ប៉ុន្តែក្រុម Quaker ទាំង៣០០នាក់នេះគឺកំពុងតែធ្វើបាតុកម្មដើម្បីបង្ហាញពីការគាំទ្រដល់ជនអន្តោប្រវេសន៍ caravan ដែលស្វែងរកទីជម្រកថ្មី ហើយក្រុមនេះគឺរៀបចំដោយគណៈកម្មាធិការសេវាមិត្តអាមេរិកផ្ទាល់តែម្តង៕ អត្ថបទ៖ លីដា ប្រភព៖

ជម្លោះរវាងក្រុមហ៊ុនបច្ចេកវិទ្យាធំៗពីរគឺ ក្រុមហ៊ុន Apple និងក្រុមហ៊ុន Qualcomm បានកើតមានរយៈពេលជាច្រើនឆ្នាំមកហើយ ដោយក្រុមហ៊ុន Qualcomm បានអះអាងថាក្រុមហ៊ុន Apple កំពុងតែរំលោភលើច្បាប់ប៉ាតង់ចំនួនពីររបស់ខ្លួន ក្នុងបច្ចេកវិទ្យា ដែលត្រូវបានប្រើប្រាស់នៅក្នុង iPhone 6S, iPhone 6S Plus, iPhone 7, iPhone 7 Plus, iPhone 8, iPhone 8 Plus និង iPhone X ។ ម៉ូដែលទាំងនេះបានធ្វើឱ្យក្រុមហ៊ុន Apple

អគ្គនាយកក្រុមហ៊ុនអាកាសចរណ៍ Lion Air លោក Edward Sirait បានប្រកាសថា ចំនួនអ្នកដំណើររបស់ខ្លួនបានធ្លាក់ចុះជាង 5% នៅក្នុងខែវិច្ឆិកានេះ បើប្រៀបធៀបទៅនឹងឆ្នាំមុន បន្ទាប់ពីយន្ដហោះបូអ៊ីង 737 MAX របស់ខ្លួនបានធ្លាក់នៅចុងខែតុលា និងបានសម្លាប់អស់មនុស្ស១៨៩នាក់នៅលើយន្តហោះ។ លោកបានបន្តថា ក្រុមហ៊ុន Lion Air មិនបានយល់ច្បាស់ថាតើ «ការធ្លាក់យន្តហោះបូអ៊ីង 737 MAX» របស់ខ្លួនគឺជាមូលហេតុ ចំពោះការធ្លាក់ចុះនៃចរាចរណ៍នៅក្នុងខែវិច្ឆិកានេះទេ។ គួរឱ្យដឹងផងដែរថា ក្រុមហ៊ុនអាកាសចរណ៍ ដែលធំជាងគេបំផុតរបស់ប្រទេសឥណ្ឌូណេស៊ីនេះ គឺជាកម្មសិទ្ធិឯកជន ហើយពួកគេនឹងមិនចេញផ្សាយជាសាធារណៈនូវស្ថិតិចរាចរណ៍ ឬលទ្ធផលហិរញ្ញវត្ថុឱ្យដឹងឡើយ។ យ៉ាងណាមិញលោក Edward

ប្រធានាធិបតីបារាំងលោក Emmanuel Macron បានសុំុចុះចាញ់ជាមួយក្រុមបាតុករ «អាវលឿង» ហើយនៅថ្ងៃច័ន្ទម្សិលមិញនេះ ដែលក្រុមនេះបានធ្វើបាតុកម្មនៅក្នុងប្រទេសបារាំងប៉ុន្មានអាទិត្យមកហើយ និងបានបិទផ្លូវជាច្រើនតាំងពីខែមុន។ លោក Emmanuel Macron បានទទួលចុះចាញ់ដោយផ្តល់ការដំឡើងប្រាក់បៀវត្សរ៍ និងការកាត់បន្ថយពន្ធដារ ដែលនឹងចាប់ផ្តើមអនុវត្តន៍នៅឆ្នាំក្រោយ។ ថ្លែងទៅកាន់ពលរដ្ឋជាតិតាមកញ្ចក់ទូរទស្សន៍បន្ទាប់ពីមានការតវ៉ាជាច្រើនអាទិត្យមក ប្រធានាធិបតីបារាំងលោក Emmanuel Macron បានហៅការតវ៉ារបស់ក្រុមបាតុករថាជាការ «គិតជ្រៅជ្រះ» ហើយលោកបានស្នើសុំឱ្យមានការរំសាយកំហឹងពីពួកបាតុករទាំងនោះ ដោយលោកបានបន្តថា៖ «ខ្ញុំនឹងស្នើសុំឱ្យនិយោជកទាំងអស់ ឱ្យបង់ប្រាក់រង្វាន់ប្រចាំឆ្នាំដល់បុគ្គលិករបស់ពួកគេ»។ លោកក៏បានបន្ថែមដែរថា លោកប្រហែលជាមិនអាចធ្វើឱ្យមានការឆ្លើយតបគ្រប់គ្រាន់ទៅនឹងច្បាប់ថ្មីដែលលោកចង់ដាក់ឱ្យអនុវត្តន៍នេះទេ ដូចនេះលោកត្រូវសម្រេចចិត្តតាមពលរដ្ឋរបស់លោក៕ អត្ថបទ៖ លីដា ប្រភព៖ washingtontimes

ប្រទេសចិន៖ ស្ពានដែកដែលមានប្រវែងវែងជាងគេក្នុងពិភពលោកត្រូវបានលេចចេញជារូបរាងហើយ ដោយស្ពាន់នេះគឺឆ្លងកាត់ទន្លេ Nujiang ស្ថិតនៅភាគនិរតីនៃខេត្ត Yunnan របស់ប្រទេសចិន។ ស្ពាននេះមានបណ្តោយប្រវែង ១,០២៤ម៉ែត្រ និងទទឹង ២៥ម៉ែត្រ រួមជាមួយរមូរដែកចំនួន ៨០០,០០០ និងដែកថែបចំនួន ៩២២ប្រភេទផ្សេងៗគ្នា ហើយមានកម្ពស់ប្រហែល ២៣០ម៉ែត្រពីផ្ទៃទន្លេ Nujiang។ ស្ពាននេះគឺជាគម្រោងផ្លូវដែក Dali-Ruili ដែលជាផ្នែកសំខាន់មួយនៃផ្លូវដែកអន្តរជាតិរវាង ចិន – មីយ៉ាន់ម៉ា ដែលភ្ជាប់ទីក្រុងគុនមីងរដ្ឋធានីខេត្តយុនណានជាមួយនឹង ទីក្រុងយ៉ានហ្គនដែលជារដ្ឋធានីនៃប្រទេសមីយ៉ាន់ម៉ា។ អត្ថបទ៖ លីដា ប្រភព៖ xinhuanet