តៃវ៉ាន់៖ “ឈប់គំរាមគំហែងតៃវ៉ាន់” នេះគឺជាពាក្យដែលលោក William Lai បានថ្លែងទៅកាន់ប្រទេសចិនតាមរយៈសន្ទរកថាផ្លូវការជាលើកដំបូងក្នុងនាមជាប្រធានាធិបតីថ្មីរបស់តៃវ៉ាន់ នេះបើយោងតាមចុះផ្សាយរបស់បណ្តញសារព័ត៌មាន BBC ។ គួរកត់សម្គាល់ថា លោក William Lai អាយុ ៦៤ឆ្នាំ បានស្បថចូលកាន់តំណែងជាប្រធាធិបតីតៃវ៉ាន់នៅក្នុងថ្ងៃទី២០ ខែឧសភានេះ ខណៈនៅក្នុងពិធី​ស្បថ​ឡើង​កាន់តំណែង​នោះ ក៏មានការចូលរួមពីសំណាក់​ប្រតិភូ​បរទេស​ចំនួន​៥១ ប្រទេស​ផងដែរ។ ជាមួយនឹងរៀបរាប់អំពីគោលនយោបាយថ្មីៗមួយចំនួនសម្រាប់អភិវឌ្ឍន៍តៃវ៉ាន់ឱ្យក្លាយជាដែនដីប្រកបដោយសក្តានុពលមួយនៅលើពិភលោកនោះ លោក William Lai ក៏បានថ្លែងចំៗនៅកាន់ប្រទេសចិនឱ្យបញ្ឈប់​ការធ្វើ​ទុក្ខ​បុកម្នេញ ​គំរាម​កំហែងគ្រប់​រូបភាព​ ទាំងលូវ​​នយោបាយ​និង​ទាំង​​យោធាមកកាន់តៃវ៉ាន់។ ភ្លាមៗក្រោយការថ្លែងរបស់លោក William Lai ទីក្រុងប៉េកាំងបានឆ្លើយតបវិញថា តៃវ៉ាន់​នៅតែជាផ្នែកមួយរបស់ប្រទេសចិន​ ហើយ​រាល់​ការ​ប្រកាស​ឯករាជ្យរបស់តៃវ៉ាន់​​ ទោះបីជា​​ក្នុង​ទម្រង់​ណា​ក៏ដោយ គឺនឹងត្រូវជួប​ភាពបរាជ័យ​​ជានិច្ច៕ អត្ថបទ៖ ភក្តី ប្រភព៖ BBC

កូរ៉េខាងត្បូង៖ អាជ្ញាធរកូរ៉េខាងត្បូងនឹងធ្វើការហាមឃាត់គណនី TikTok ដែលបានបង្ហោះវីដេអូចម្រៀងមានអត្ថន័យលើកសរសើរ លោក គីម ជុងអ៊ុន ដែលជាមេដឹកនាំផ្តាច់ការរបស់ប្រទេសកូរ៉េខាងជើង នេះបើយោងតាមការចុះផ្សាយរបស់បណ្តាញសារព័ត៌មាន BBC នៅក្នុងថ្ងៃអង្គារ ទី២១ ខែឧសភា។  វិធានការខាងលើនេះត្រូវបានធ្វើឡើងក្រោយមានវីដេអូចម្រៀងដែលមាននិន្នាការគាំទ្រ លោក គីម ជុងអ៊ុន ចំនួន២៩ ត្រូវបានគេបង្ហោះចូលទៅក្នុងបណ្តាញសង្គម TikTok នៅក្នុងប្រទេសកូរ៉េខាងត្បូងកាលពីពេលថ្មីៗនេះ។ បើតាមអាជ្ញាធរគ្រប់គ្រងប្រព័ន្ធផ្សព្វផ្សាយកូរ៉េខាងត្បូងបានបញ្ជាក់ថា ចម្រៀងដែលមានអត្ថន័យលើកសរសើរ លោក គីម ជុងអ៊ុន នោះមានចំណងជើងថា  “Friendly Father” ហើយខ្លឹមសារទាំងស្រុងនៅក្នុងបទចម្រៀងមួយបទនេះគឺបានរៀបរាប់ថា លោក គីម ជុងអ៊ុន គឺជាមេដឹកនាំដ៏អស្ចារ្យមួយរូបនៅក្នុងប្រវត្តិសាស្រ្តរបស់ប្រទេសកូរ៉េខាងជើង ហើយរូបលោកមានទឹកចិត្តស្រលាញ់ពលរដ្ឋកូរ៉េខាងជើងគ្រប់រូបជាទឹកចិត្តដែលឪពុកមានចំពោះកូនអញ្ចឹងដែរ។ យ៉ាងណាក្តី សម្រាប់អាជ្ញាធរកូរ៉េខាងត្បូងបានយល់ឃើញថា អត្ថន័យនៅក្នុងបទចម្រៀងនេះ គឺវាផ្ទុយទាំងស្រុងទៅនឹងស្ថានភាពជាក់ស្តែង ហើយវីដេអូចម្រៀងប្រភេទនេះ

ឌូបៃ៖ លោក Ebrahim Raisi ប្រធានាធិបតីនៃប្រទេសអ៊ីរ៉ង់ត្រូវបានបណ្តាញសារព័ត៌មាន Channel News Asia នៅព្រឹកថ្ងៃចន្ទ ទី២០ ខែឧសភានេះរាយការណ៍ថា បានស្លាប់បាត់បង់ជីវិតហើយក្រោយជួបគ្រោះថ្នាក់ធ្លាក់ឧទ្ធម្ភាគចក្រនៅតំបន់ព្រំដែនរវាងប្រទេសអ៊ឺរ៉ង់ និងប្រទេសអាស៊ែបៃហ្សង់។ ក្រៅតែពីលោកប្រធាធិបតី Ebrahim Raisi​ នៅក្នុងឧទ្ធម្ភាគចក្រនោះក៏មានមន្ត្រីជាន់ខ្ពស់អ៊ីរ៉ង់មួយចំនួនទៀតដូចជា លោក Hossein Amirabdollahian រដ្ឋមន្ត្រីក្រសួងការបរទេស និងលោក Malek Rahmati ដែលជាអភិបាលខេត្ត East Azerbaijan ផងដែរ។ ប្រភពខាងលើបានបន្តថា គ្រោះថ្នាក់ធ្លាក់ឧទ្ធម្ភាគចក្រនេះបានកើតឡើងនៅក្នុងអំឡុងពេលដែលក្រុមមេដឹកនាំជាន់ខ្ពស់របស់ប្រទេសអ៊ីរ៉ង់ទាំងនេះបានអញ្ជើញត្រលប់មកពីចូលរួមកម្មវិធីសម្ពោធទំនប់ទឹកមួយមួយកន្លែងនៅតំបន់ព្រំដែនជាប់ជាមួយប្រទេសអាស៊ែបៃហ្សង់ ខណៈកម្មវិធីនោះក៏មានការអញ្ជើញចូលរួមពីលោក Ilham Aliyev ដែលជាប្រធានាធិបតីនៃប្រទេសអាស៊ែបៃហ្សង់ផងដែរ។ សូមបញ្ជាក់ជូនថា ឧទ្ធម្ភាគចក្រដែលបានជួបគ្រោះថ្នាក់ខាងលើនេះគឺជាឧទ្ធម្ភាគចក្រប្រភេទ Bell 212 ផលិតនៅសហរដ្ឋអាមេរិក ហើយគិតត្រឹមពេលនេះគេនៅមិនទាន់បានដឹងអំពីមូលហេតុជាក់ស្តែងដែលបណ្តាលឱ្យឧទ្ធម្ភាគចក្រត្រូវជួបគ្រោះថ្នាក់នៅឡើយទេ តែយោងតាមការសន្និដ្ឋានបឋម

អង់គ្លេស៖ រដ្ឋាភិបាលអង់គ្លេសនឹងផ្តល់ប្រាក់សងជំងឺចិត្តសរុបចំនួន ១០ពាន់លានផោន (១២,៧ពាន់លានដុល្លារអាមេរិក) ទៅកាន់ក្រុមជនរងគ្រោះរាប់ម៉ឺននាក់ ដែលបានរងគ្រោះថ្នាក់ពីការបញ្ចូលឈាមនៅក្នុងទសវត្សរ៍ឆ្នាំ ១៩៧០ និង ១៩៨០  នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃចន្ទ ទី២០ ខែឧសភានេះ។ គ្រោះថ្នាក់ដែលបានកើតឡើងតាមរយៈការបញ្ចូលឈាមនោះគឺជាការបញ្ចូលឈាមដែលមានផ្ទុកទៅដោយមេរោគនៃជំងឺអេដស៍ ឬជំងឺរលាកថ្លើមប្រភេទ C។ សូមបញ្ជាក់ជូនថា បើទោះជារឿងរ៉ាវចម្រូងចម្រាសខាងលើនេះបានកើតឡើងអស់រយៈពេលជាច្រើនឆ្នាំមកហើយក្តី តែក្រុមគ្រួសារបស់ជនរងគ្រោះនៅបន្តទាមទារស្វែងរកយុតិ្តធម៌រហូតមកដល់ពេលបច្ចុប្បន្ននេះ។ ប្រភពខាងលើបានបន្តថា​ ជនរងគ្រោះជាក់ស្តែងនៅក្នុងករណីគ្រោះថ្នាក់ដ៏ធំនេះមានចំនួនប្រមាណជា ៣០,០០០នាក់ ហើយគិតត្រឹមពេលនេះជនរងគ្រោះ ១០% ឬ ៣,០០០នាក់បានស្លាប់បាត់បង់ជីវិតរួចទៅហើយ ខណៈស្ថាប័នដែលជាអ្នកទទួលខុសត្រូវក្នុងការបញ្ចូលឈាមមានផ្ទុកមេរោគនេះគឺនាយកដ្ឋានសេវាសុខភាពជាតិ ដែលជាស្ថាប័នស្ថិតនៅក្រោមការគ្រប់គ្រងរបស់រដ្ឋាភិបាលអង់គ្លេស៕ អត្ថបទ៖ ភក្តី ប្រភព៖  The Strait

ឥណ្ឌូនេស៊ី៖ យ៉ាងហោចណាស់មានពលរដ្ឋឥណ្ឌូនេស៊ីចំនួន ៣នាក់បានស្លាប់បាត់បង់ជីវិតនៅក្នុងហេតុការណ៍ធ្លាក់យន្តហោះមួយគ្រឿង នេះបើយោងតាមការចុះផ្សាយរបស់បណ្តាញាសារព័ត៌មាន The Strait Time នៅយប់ថ្ងៃអាទិត្យ ទី១៩ ខែឧសភានេះ។ ហេតុកាណ៍អកុសលនេះបានកើតឡើងនៅក្នុងក្រុង Tanggerang នៃខេត្ត Banten ដែលស្ថិតនៅប៉ែកខាងលិចនៃប្រទេសឥណ្ឌូនេស៊ី។ ប្រភពខាងលើនេះបានបន្តថា យន្តហោះមួយគ្រឿងនេះ គឺជាយន្តហោះដឹកអ្នកដំណើរខ្នាតតូចរបស់ក្លឹបផ្តល់សេវាហោះហើរបែបកម្សាន្តឈ្មោះ Indonesian Flying Club និងមានលេខសម្គាល់ PK-IFP។ បើតាមលោក Ramli Prasetio ដែលជាប្រធានផ្នែកត្រួតពិនិត្យការហោះហើររបស់ Indonesian Flying Club បានឱ្យដឹងថា យន្តហោះខាងលើបានបាត់ទំនាក់ទំនងនៅម៉ោង ១ និង ៤៣នាទីរសៀលនៃថ្ងៃទី១៩​ ហើយបន្តិចក្រោយមកក៏មានសេចក្តីរាយការណ៍អំពីករណីធ្លាក់យន្តហោះតែម្តង។ គិតត្រឹមពេលនេះគេនៅមិនទាន់អាចរកឃើញពីមូលហេតុជាក់ស្តែង ដែលបណ្តាលឱ្យយន្តហោះត្រូវធ្លាក់នៅឡើយទេ

ចិន៖ រដ្ឋាភិបាលនៃប្រទេសចិនបានសម្រេចដាក់ទណ្ឌកម្មចំពោះក្រុមហ៊ុនចំនួន ៣របស់អាមេរិកជុំវិញករណីដែលក្រុមហ៊ុនទាំងនោះបានលក់អាវុធរបស់ពួកគេឱ្យទៅកោះតៃវ៉ាន់ នេះបើយោងតាមការផ្សាយរបស់បណ្តាញសារព័ត៌មាន The Strait Time នៅក្នុងចន្ទ ទី២០ ខែឧសភានេះ។ ក្រុមហ៊ុនផ្គត់ផ្គង់អាវុធទាំង ៣នោះរួមមាន ក្រុមហ៊ុន General Atomic Aeronautical Systems, ក្រុមហ៊ុន General Dynamics Land Systems and Boeing Defense និង ក្រុមហ៊ុន Space and Security។ ប្រភពខាងលើនបានបន្តថា នៅក្នុងដំណើរការនៃការដាក់ទណ្ឌកម្មនេះគឺរដ្ឋាភិបាលចិននឹងដាក់បញ្ជូលក្រុមហ៊ុនទាំង ៣ខាងលើនៅក្នុងបញ្ជីនៃ “អង្គភាពដែលមិនអាចជឿទុកចិត្តបាន” ហើយក្រុមហ៊ុនទាំងនេះនឹងត្រូវហាមមិនឱ្យសកម្មភាពនាំចេញ

​ថៃ៖ អាជ្ញាធរថៃព្រមានចាត់វិធានការយ៉ាងធ្ងន់ធ្ងរបំផុតចំពោះក្រុមអ្នកនាំចូល និងក្រុមអ្នកលក់តុក្កតា Labubu គ្មានគុណភាព នេះបើយោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍។ គួរកត់សម្គាល់ថា តុក្កតា Labubu កំពុងវាយលុកក្នុងទីផ្សារប្រទេសថៃយ៉ាងខ្លាំង ហើយទំនោរនៃការនាំគ្នាទៅទិញតុក្កតានេះទៀតសោធ គឺវាបានកើតឡើងក្រោយកំពូងតារាចម្រៀង K-pop សញ្ជាតិថៃ គឺអ្នកនាង Lisa បានបង្ហោះរូបថតមួយសន្លឹកដោយបានកាន់តុក្កតា Labubu នេះនៅលើបណ្តាញសង្គម Instagram របស់គាត់កាលពីពេលថ្មីនេះ។ ប្រភពខាងលើបានបន្តថា ក្រោយពលរដ្ឋថៃនិងជាពិសេសគឺក្រុមយុវវ័យបាននាំគ្នាសម្រុកទៅទិញតុក្កតា Labubu មកកាន់លេងនិងរក្សាទុកជាអនុសាវរីយ៍នោះ គេបានសង្កេតឃើញមានហាងជាច្រើនបានដាក់លក់តុក្កតាប្រភេទនេះក្នុងចំនួនយ៉ាងច្រើនរហូតធ្វើឱ្យអ្នកជំនាញថៃបានរម្ភថា ការផលិតតុក្កតា Labubu យ៉ាងច្រើននិងក្នុងរយៈពេលខ្លីដូចនេះ គឺទំនងជាត្រូវបានធ្វើឡើងដោយមិនគោរពទៅតាមស្តង់ដារ​ឧស្សាហកម្ម​នោះទេ។ បើតាមវិទ្យាស្ថាន​ស្តង់ដារ​ឧស្សាហកម្ម​ថៃបានបញ្ជាក់ថា ការផលិតតុក្កតាដែលមានរោមទន់ៗប្រភេទនេះត្រូវតែគោរពទៅតាមស្តង់ដារសុវត្ថិភាពដែលបានកំណត់ក្នុងឧស្សាហកម្មវាយនភណ្ឌ បើមិនដូចនោះទេវាក៏អាចបង្កឱ្យមានបញ្ហាសុខភាពចំពោះអ្នកប្រើប្រាស់ផងដែរ។ ដើម្បីទប់ស្កាត់បញ្ហានេះអាជ្ញាធរបានសម្រេចដាក់ចេញវិធានការពិន័យជាប្រាក់ចំនួន ៥០០,០០០បាត (១៣,៨២៣ដុល្លារ) ឬឱ្យជាប់ពន្ធនាគាររយៈពេល

ប្រេស៊ីល៖ រដ្ឋាភិបាលនៃប្រទេសប្រេស៊ីលបានធ្វើការប៉ាន់ស្មានថា ខ្លួនអាចនឹងត្រូវការប្រើប្រាស់ថវិការហូតដល់ជាង ២,៦ពាន់លានដុល្លារដើម្បីដោះស្រាយបញ្ហាទឹកជំនន់​ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃសៅរ៍ ទី១៨ ខែឧសភានេះ។ គិតត្រឹមពេលនេះទឹកជំនន់ដ៏សាហាវមិនធ្លាប់មានបានបណ្តាលឱ្យពលរដ្ឋប្រេស៊ីលជាង ១៥០នាក់បានស្លាប់បាត់បង់ជីវិត និងជិត១០០នាក់ផ្សេងទៀតកំពុងតែបាត់ខ្លួន។ ក្រៅតែពីបានផ្តាច់យកជីវិតពលរដ្ឋអស់ជាច្រើននាក់ហើយ ឥទ្ធិពលរបស់ជំនន់ទឹកភ្លៀងនេះក៏បានបង្ខំឱ្យពលរដ្ឋប្រមាណជា ៥០០,០០០នាក់ត្រូវធ្វើការជម្លៀសខ្លួនទៅកាន់កន្លែងមានសុវត្ថិភាពជាបណ្តោះអាសន្នសិនផងដែរ។ បើទោះជាគិតត្រឹមពេលនេះឥទ្ធិពលរបស់ទឹកជំនន់បានថយចុះទៅវិញក៏ពិតមែន តែវាបានបន្សល់ទុកនូវបញ្ហាយ៉ាងច្រើនឱ្យអាជ្ញាធរប្រេស៊ីលត្រូវដោះស្រាយ ដូចជាការសាងសង់ផ្ទះជូនពលរដ្ឋមួយចំនួនឡើយវិញ ការឧបត្ថម្ភនិងទ្រទ្រង់ក្រុមពលរដ្ឋដែលកំពុងស្នាក់នៅជំរំភៀសខ្លួន និងការកសាងហេដ្ឋារចនាសម្ព័ន្ធមួយចំនួនឡើយវិញជាដើម៕ អត្ថបទ៖ ភក្តី ប្រភព៖ The Strait Time  

ឡាវ៖ ពុទ្ធបដិមាធំបំផុតចំនួន ២អង្គត្រូវបានគេរកឃើញនៅក្បែរទន្លេមេគង្គ ក្នុងស្រុកទន់ភឿង ខេត្តបកែវ នៃប្រទេសឡាវ នេះបើយោងតាមការចុះផ្សាយរបស់បណ្តាញសារព័ត៌មាន The Laotian Times ។ ពុទ្ធបដិមាទាំង ២អង្គនោះមានកម្ពស់ប្រវែង ២ម៉ែត្រ ខណៈគេនៅមិនទាន់រកឃើញភស្តុតាងដែលអាចបញ្ជាក់ពីប្រភពដើមនិងអាយុកាលជាក់ស្តែងនៃពុទ្ធបដិមាទាំងនេះឡើយទេ។ យ៉ាងណាក្តី យោងតាមការសន្និដ្ឋានបឋមគេអាចដឹងត្រឹមថា ពុទ្ធបដិមាទាំងនេះទំនងជាត្រូវបានសាងសងឡើងនៅក្នុងឡុងសតវត្សទីប្រាំ​ និងជាពុទ្ធបដិមារបស់វត្តមួយចំនួនដែលស្ថិតនៅក្នុងក្រុងសុវណ្ណាខម ដែលជាក្រុងបុរាណមួយ។ ប្រភពខាងលើបានបន្តថា នៅក្នុងបេសកកម្មស្វែងរកវត្ថុបុរាណនេះគេក៏បានរកឃើញរូបព្រះពុទ្ធតូចៗចំនួន ៩អង្គផ្សេងទៀតផងដែរ ហើយភាគច្រើននៃរូបទាំងនោះគឺត្រូវបានធ្វើឡើងអំពីសំរឹទ្ធ៕ អត្ថបទ៖ ភក្តី ប្រភព៖ The Laotian Times

វៀតណាម៖ ប្រទេសវៀតណាមបានធ្វើឱ្យបាត់បង់ឬខកខានមិនបានទទួលយកប្រាក់ជំនួយអន្តរជាតិដែលមានតម្លៃជាទឹកប្រាក់ចំនួន ២,៥ពាន់លានដុល្លារ នេះបើយោងតាមរបាយការណ៍រួមគ្នាមួយរបស់អង្គការសហប្រជាជាតិ ធនាគារពិភពលោក និងម្ចាស់ជំនួយលោកខាងលិច ដែលត្រូវបានចុះផ្សាយបន្តដោយបណ្តាញសារព័ត៌មាន The Strait Time នៅក្នុងថ្ងៃសុក្រ ទី១៧ ខែឧសភានេះ។ ការបាត់បង់ឱកាសទទួលយ​កប្រាក់ជំនួយទាំងនេះ គឺដោយសារតែភាពអសកម្មក្នុងប្រព័ន្ធរដ្ឋបាលវៀតណាម ហើយភាពអសកម្មនេះទៀតសោធ គឺវាបានកើតឡើងស្របពេលដែលវៀតណាមកំពុងអនុវត្តយុទ្ធនាការបង្រ្កាបអំពីពុករលួយទ្រង់ទ្រាយធំនៅទូទាំងប្រទេស។ ប្រភពខាងលើបានបន្តថា ជំនួយអន្តរជាតិដែលមានតម្លៃជាទឹកប្រាក់ ២,៥ពាន់លានដុល្លារនោះ គឺត្រូវបានប្រទេសវៀតណាមចុះហត្ថលេខាប្រគល់ទៅកាន់ម្ចាស់ជំនួយវិញរួចរាល់ហើយ ក្រោយសុពលភាពនៃការប្រើប្រាស់ប្រាក់ជំនួយទាំងនេះបាន​ឈានដល់ពេលផុតកំណត់។ នៅក្នុងរាយការណ៍ដដែលនេះ ក៏បានឱ្យដឹងទៀតថា​ នៅពេលនេះគឺនៅមានចំនួនអភិវឌ្ឍន៍មានតម្លៃជាទឹកប្រាក់ចំនួន​ ១ពាន់លានដុល្លារផ្សេងទៀត ដែលកំពុងរង់ចាំវៀតណាមចុះហត្ថលេខាយកទៅប្រើប្រាស់ ខណៈវៀតណាមអាចនឹងខកខានក្នុងការទទួលយកកញ្ចប់ជំនួយនេះទៀត ប្រសិនបើប្រព័ន្ធរដ្ឋបាលវៀតណាមនៅតែប្រឈមនឹងបញ្ហាអសកម្ម៕ អត្ថបទ៖ ភក្តី ប្រភព៖ The Strait Time