ជប៉ុន៖ ៥ថ្ងៃក្រោយកើតមានហេតុការណ៍រញ្ជួយដី អាជ្ញាធរជប៉ុនបានរកឃើញសាកសពជនរងគ្រោះចំនួន ៩២នាក់ហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃសុក្រ ទី៥ ខែមករា។ តួលេខអ្នកស្លាប់អាចបន្តកើនឡើងផងដែរ ដ្បិតពេលនេះនៅមានពលរដ្ឋចំនួន ២៤២នាក់ផ្សេងទៀតកំពុងតែបាត់ខ្លួន។ ប្រតិបត្តិការណ៍ស្វែងជនរងគ្រោះនៅក្រោមគំនរបាក់បែកនៅតែបន្តធ្វើឡើង ខណៈអ្នកដែលនៅរស់រានមានជីវិតក៏ត្រូវបានរកឃើញជាបន្តបន្ទាប់ផងដែរ។ តួយ៉ាងមុននេះបន្តិចមានស្រ្តីចំណាស់ចំនួន ២នាក់ត្រូវគេជួយសង្គ្រោះចេញពីគំនរបាក់បែកក្រោយបានជាប់នៅក្រោមនោះអស់រយៈពេលជាច្រើនថ្ងៃ។ ដោយឡែកចំពោះអ្នករងរបួសវិញគឺគិតត្រឹមពេលនេះមានពលរដ្ឋរងរបួសចំនួន ៣៣០នាក់ ដែលកំពុងស្ថិតក្រោយការព្យាបាលនៅក្នុងមន្ទីរពេទ្យ៕  អត្ថបទ៖ ភក្តី ប្រភព៖ Channel News Asia

ជប៉ុន៖ ក្រុមហ៊ុនអាកាសចរណ៍ជប៉ុន Japan Airlines ត្រូវខាតបង់ប្រាក់អស់ប្រមាណជា ១៥ពាន់លានយេន (ជាង ១០៤ដុល្លារអាមេរិក) ពីហេតុការណ៍យន្តហោះបុកគ្នាកាលពីថ្ងៃទី២ ខែមករាកន្លងទៅ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងរសៀលថ្ងៃទី៤ ខែមករានេះ។ ប្រាក់ដែលត្រូវខាតបង់នោះគឺរួមបញ្ចូលទាំងថ្លៃខូចខាតយន្តហោះផ្ទាល់ ការបង់ប្រាក់ថ្លៃធានារ៉ាប់រង និងការខាតបង់ប្រាក់ចំណូលព្រោះតែឧបទ្ទវហេតុនោះផងដែរ។ គួររម្លឹកជូនថា នៅក្នុងថ្ងៃកើតហេតុនោះមានយន្តហោះដឹកអ្នកដំណើរមួយគ្រឿងប្រភេទ Airbus 350 របស់ក្រុមហ៊ុនអាកាសចរណ៍ Japan Airlines​ ដែលត្រូវចុះចតក្នុងអាកាសយានដ្ឋាន Haneda នៃទីក្រុងតូក្យូបានប៉ះទង្គិចគ្នាជាមួយយន្តហោះមួយគ្រឿងរបស់ឆ្មាំសមុទ្រជប៉ុនដែលត្រូវចេញដំណើរយ៉ាងប្រញ៉ាប់ដើម្បីទៅជួយពលរដ្ឋរងគ្រោះដោយគ្រោះរញ្ជួយដី។ ឧបទ្ទវហេតុបានបណ្តាលឲ្យយន្តហោះ Airbus 350 ដែលមានផ្ទុកអ្នកដំណើរសរុបចំនួន ៣៧៩នាក់ត្រូវឆាបឆេះយ៉ាងខ្លាំង ប៉ុន្តែអ្នកដំណើរនៅលើយន្តហោះទាំងអស់បាននាំគ្នារត់ចេញពីយន្តហោះទាន់ពេលវេលាទើបគ្មានអ្នកណាម្នាក់ត្រូវរងគ្រោះថ្នាក់ដល់អាយុជីវិតនោះទេ។ ដោយឡែកសម្រាប់យន្តហោះខ្នាតតូចរបស់ឆ្មាំសមុទ្រជប៉ុនវិញក៏បានរងនូវការខូចខាតយ៉ាងខ្លាំងដែរ

ប្រេស៊ីល៖ អាជ្ញាធរសុខាភិបាលប្រចាំទីក្រុង Dourados នៃរដ្ឋ Mato Grosso do Sul ប្រទេសប្រេស៊ីលនឹងចាប់ផ្តើមចាក់វ៉ាក់សាំងបង្ការជំងឺគ្រុនឈាមទ្រង់ទ្រាយធំជាលើកដំបូងនៅក្នុងសប្តាហ៍នេះ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃព្រហស្បតិ៍ ទី៤ ខែមករា។ វ៉ាក់សាំងដែលអាជ្ញាធរសុខាភិបាលប្រេស៊ីលនឹងយកទៅប្រើប្រាស់នោះមានឈ្មោះថា QDENGA ត្រូវបានផលិតឡើងដោយក្រុមហ៊ុន Takeda Pharmaceutical Company​ ដែលមានមូលដ្ឋាននៅក្នុងប្រទេសជប៉ុន។ ប្រភពខាងលើបានបន្តថា នៅក្នុងយុទ្ធនាការចាក់វ៉ាក់សាំងខាងលើនេះអាជ្ញាធរសុខាភិបាលប្រេស៊ីលនឹងចាក់វ៉ាក់សាំងជូនពលរដ្ឋដែលមានអាយុចាប់ពី ៤ឆ្នាំរហូតដល់៥៩ឆ្នាំ​​ ខណៈពលរដ្ឋគោលដៅដែលត្រូវមកទទួលវ៉ាក់សាំងដោយមិនគិតថ្លៃនោះមានចំនួនសរុប ១៥០,០០០នាក់។ ចំពោះបរិមាណវ៉ាក់សាំងដែលត្រូវចាក់ជូនពលរដ្ឋវិញគឺពលរដ្ឋម្នាក់នឹងត្រូវមកទទួលយកវ៉ាក់សាំងចំនួន២ដូស ដោយការចាក់ដូសទី​២ នឹងត្រូវធ្វើឡើងក្រោយការទទួលបានវ៉ាក់សាំងដូសទី១រយៈពេល ៣ខែ។ សូមបញ្ជាក់ជូនថា នៅក្នុងឆ្នាំ២០២៣កន្លងទៅនេះប្រទេសប្រេស៊ីលបានរកឃើញអ្នកឆ្លងជំងឺគ្រុនឈាមចំនួន ១,៦លានករណី ខណៈ

ជប៉ុន៖ ហេតុការណ៍គ្រោះថ្នាក់រ​វាងយន្តហោះចំំនួន ២ ដែលបានប៉ះទង្គិចគ្នានៅព្រលានយន្តហោះក្នុងប្រទេសជប៉ុនកាលពីល្ងាចម្សិលមិញនៅតែជាប្រធានបទដ៏ក្តៅគគុកមួយសម្រាប់ក្រុមអ្នកជំនាញផ្នែកអាកាសចរណ៍ និងបណ្តាញសារព័ត៌មានល្បីៗជាច្រើននៅជុំវិញពិភពលោក។ ជាក់ស្តែងកាសែត Channel News Asia នៅរសៀលថ្ងៃទី៣ ខែ​មករានេះ បានចុះផ្សាយអត្ថបទមួយដោយបង្ហាញនូវការចាប់អារម្មណ៍អំពីរៀបដែលអ្នកដំណើរ និងក្រុមអ្នកបម្រើការងារនៅលើយន្តហោះសរុបជិត ៤០០អាចរត់គេចខ្លួនពីយ​​ន្តហោះដែលឆេះបានដោយប្រើពេលត្រឹមតែ ៩០វិនាទីប៉ុណ្ណោះ។ ប្រភពខាងបានបញ្ជាក់ថា វាគឺជារឿងដ៏មិនគួរឲ្យជឿមួយដែលមនុស្សជិត ៤០០នាក់ប្រើពេលត្រឹមតែ ១នាទីកន្លះដើម្បីរត់គេចចេញឧប្បតិ្តហេតុភ្លើងឆេះយន្តហោះដោយសុវត្ថិភាព ពោលគឺគ្មានអ្នកណាម្នាក់ក្នុងចំណោមពួកគេបានរងរបួសធ្ងន់ធ្ងរនោះទេ។ ប្រភពខាងលើបានបន្តថា​ អ្វីដែលគេអាចកត់សម្គាល់បាននោះ គឺក្រុមអ្នកដំណើរនៅលើយន្តហោះទាំងអស់មិនភ័យស្លន់ស្លោររហូតបាត់បង់ម្ចាស់ការលើខ្លួនឯងឡើយ ផ្ទុយទៅវិញពួកគេបានស្តាប់ និងអនុវត្តតាមពិធីការក្នុងគ្រាមានអាសន្នយ៉ាងខ្ជាប់ខ្ជួន ពោលគឺពួកគេព្យាយាមលោតរំអិលខ្លួនចេញតាមទ្វារចេញក្នុងគ្រាមានអាសន្នគ្រប់ៗគ្នា មិនបានខ្វាយខ្វល់ជាមួយនឹងសម្ភារៈនៅលើយន្តហោះឡើយ។ បន្ថែមពីលើនេះទៀត ច្រកចេញពេលមានអាសន្ននិងពោងសម្រាប់លោតរំអិលខ្លួននោះក៏ដំណើរការបានយ៉ាងល្អទៀត ទើបធ្វើឲ្យពួកគេអាចប្រើប្រាស់ពេលវេលាដ៏ខ្លីដើម្បីរក្សាអាយុជីវិតរបស់ពួកគេបាន៕  អត្ថបទ៖ ភក្តី ប្រភព៖ Channel News Asia

ជប៉ុន៖ តួលេខអ្នកបាត់បង់ជីវិតដោយសារគ្រោះរញ្ជួយដីនៅក្នុងប្រទេសជប៉ុនបានបន្តកើនឡើងរហូតរហូតដល់ ៦២នាក់ហើយ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅព្រឹកថ្ងៃពុធ ទី៣ ខែមករានេះ។ ក្រោយបញ្ហារញ្ជួយដីហាក់បានស្ងប់ស្ងាត់ទៅវិញ នៅពេលនេះអាជ្ញាធរជប៉ុនកំពុងប្រឈមនឹងបញ្ហាមួយផ្សេងទៀតគឺធានាសុវត្ថិភាពក្រុមពលរដ្ឋរងគ្រោះដែលនៅរស់រានមានជីវិត។ ប្រភពខាងលើបានបន្តថា បញ្ហាចម្បងៗមួយចំនួនដែលកំពុងបង្កការគំរាមគំហែងដល់ក្រុមពលរដ្ឋនៅតំបន់រងគ្រោះនាពេលនេះមានដូចជា​ អាកាសធាតុបានចុះត្រជាក់ខ្លាំង ដែលអាចបង្កបញ្ហាសុខភាពយ៉ាងធ្ងន់ធ្ងរចំពោះក្រុមពលរដ្ឋដែលបានជម្លៀសខ្លួនចេញពីផ្ទះសម្បែងរបស់ពួកគេ ខណៈពលរដ្ឋដែលមិនបានធ្វើការជម្លៀសវិញខ្លួនក៏កំពុងប្រឈមនឹងបញ្ហាបាក់ស្រុតដី​យ៉ាងឆាប់រហ័សផងដែរ​ ដ្បិតនៅក្នុងតំបន់កើតហេតុកំពុងមានធ្លាក់យ៉ាង​ខ្លាំង។ ក្រៅតែពីប្រឈមនឹងបញ្ហាចម្បងទាំងនេះអាជ្ញាធរជប៉ុន ក៏ត្រូវដោះស្រាយបញ្ហាសង្គមយ៉ាងច្រើនផងដែរ ដូចជាជួសជុលផ្លូវ ស្ពាន អគារ ដែលបានរងនូវការខូចខាត និងសាងសង់ផ្ទះមួយចំនួនជូនប្រជាពលរដ្ឋវិញផងដែរ៕ អត្ថបទ៖ ភក្តី ប្រភព៖ The Strait Time

ជប៉ុន៖ តួលេខអ្នកបាត់បង់ជីវិតដោយគ្រោះរញ្ជួយដីនៅក្នុងប្រទេសជប៉ុនបានបន្តកើនឡើងរហូតដល់ ៣០នាក់ហើយ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅរសៀលថ្ងៃទី២ ខែមករា។ តួលេខអ្នកស្លាប់ខាងលើនេះអាចមិនមែនជាតួលេខចុងក្រោយឡើយ ដ្បិតប្រតិបត្តិការណ៍ស្វែងរកជនរងគ្រោះនៅក្រោមគំនរបាក់បែកនៅមិនទាន់បិទបញ្ចប់នៅឡើយទេ។ នៅចំពោះមុខស្ថានភាពបន្ទាន់នេះអាជ្ញាធរជប៉ុនបានដាក់ពង្រាយកងយោធា ក្រុមអ្នកសង្គ្រោះបន្ទាន់ ក្រុមអ្នកពន្លត់អគ្គីភ័យរាប់ពាន់នាក់ដើម្បីត្រៀមចាំជួយជម្លៀសពលរដ្ឋទៅកាន់កន្លែងមានសុវត្ថិភាព។ បើតាមអាជ្ញាធរជប៉ុនបានបញ្ជាក់ថា អាកាយដ្ឋាន Noto ដែលស្ថិតនៅក្នុងអាណាខេត្ត Ishikawa ត្រូវបានបិទជាបន្ទាន់ ហើយផ្លូវរត់ភ្លើង សាឡាង និងផ្លូវមួយចំនួនឆ្ពោះទៅកាន់តំបន់មួយនេះក៏ត្រូវបានកាត់ផ្តាច់ដែរ ខណៈគិតត្រឹមពេលនេះគឺនៅមានពលរដ្ឋជប៉ុនប្រមាណជា ៥០០នាក់ដែលកំពុងនៅជាប់នៅក្នុងចំណតរថយន្តនៅតាមទីតាំងផ្សេងៗគ្នាជាច្រើនកន្លែងព្រោះតែមានការបាក់ស្រុតដីយ៉ាងឆាប់រហ័សដែលជាឧបសគ្គមិនឲ្យពួកគេអាចចេញទៅណារួច៕  អត្ថបទ៖ ភក្តី ប្រភព៖ The Strait Time

ជប៉ុន៖ របាយការណ៍ចុងក្រោយមួយស្តីពីហេតុការណ៍រញ្ជួយដីក្នុងប្រទេសជប៉ុនដែលត្រូវបានចុះផ្សាយដោយបណ្តាញសារព័ត៌មាន BBC ដោយគិតត្រឹមពេលថ្ងៃត្រង់នៃថ្ងៃទី២ ខែមករានេះបានឲ្យដឹងថា​ តួលេខអ្នកបាត់បង់ជីវិតបានបន្តកើនឡើងរហូតដល់ចំនួន ១៣នាក់ហើយ ខណៈជាច្រើននាក់ផ្សេងទៀតកំពុងតែបាត់ខ្លួន។ គ្រោះរញ្ជួយដីដែលបានផ្តើមកើតឡើងតាំងតែល្ងាចម្សិលមិញបានបង្កឲ្យការរំញ័រជាង ៩០ដង ខណៈគិតត្រឹមពេលនេះការរំញ័រហាក់បានស្ងប់ស្ងាត់ទៅវិញហើយ។ ចំពោះផលប៉ះពាល់ជាទូទៅវិញគឺមានមួយចំនួនដូចជា ពលរដ្ឋប្រមាណជា ៣៣,០០០គ្រួសារកំពុងរស់នៅដោយគ្មានភ្លើងអគ្លិសនីប្រើប្រាស់ ពលរដ្ឋប្រមាណជា ១០០,០០០នាក់ត្រូវបានជម្លៀសខ្លួនចេញពីផ្ទះសម្បែងទៅរស់នៅកន្លែងមានសុវត្ថិភាពជាបណ្តោះអាសន្ន​​ ផ្លូវថ្នល់មួយចំនួនត្រូវបានកាត់ផ្តាច់​ អគារមួយចំនួនត្រូវបានដួលរលំទាំងស្រុង ខណៈអាជ្ញាធរជប៉ុននៅមិនទាន់អាចវាយតម្លៃអំពីទំហំនៃការខូចខាតបាននៅឡើយទេ។ សូមបញ្ជាក់ជូនថា គ្រោះរញ្ជួយដីខាងលើនេះបានកើតឡើងក្នុងកម្រិត ៧,៦រ៉ិចទ័រ ដែលជាកម្រិតដ៏គ្រោះថ្នាក់មួយ ហើយអាជ្ញាធរជប៉ុនបានព្រមានផងដែរថា គ្រោះរញ្ជួយដីនេះក៏អាចបង្កឲ្យមានរលកស៊ូណាមីនៅតាមតំបន់ឆ្នេរសមុទ្រមួយចំនួនផងដែរ៕ អត្ថបទ៖ ភក្តី ប្រភព៖ BBC  

ជប៉ុន៖ យ៉ាងហោចណាស់មានមនុស្សចំនួន ៦នាក់បានស្លាប់បាត់បង់ជីវិតដោយសារគ្រោះរញ្ជួយដីនៅក្នុងប្រទេសជប៉ុន នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅព្រឹកថ្ងៃអង្គារ ទី២ ខែមករានេះ។ ក្រៅតែពីបានរកឃើញអ្នកស្លាប់បាត់បង់ជីវិតហើយមានអគារជាច្រើនកន្លែងត្រូវបានរាយការណ៍ថា បានដួលរលំនិងរងនូវការខូចខាតទាំងស្រុងតែម្តង។ គួររម្លឹកជូនថា គ្រោះរញ្ជួយដីដែលបានវាយប្រហារប្រទេសជប៉ុននេះគឺបានផ្តើមកើតឡើងតាំងតែពីល្ងាចម្សិលមិញម្លេះដោយគ្រោះរញ្ជួយដីមានកម្រិតរហូតដល់ ៧,៦រ៉ិចទ័រ។ បើតាមអាជ្ញាធរជប៉ុនបានព្រមានថា គ្រោះរញ្ជួយដីខាងលើនេះអាចបណ្តាលឲ្យមានរលកយក្សស៊ូណាមីវាយប្រហារនៅតាមតំបន់ឆ្នេរសមុទ្រមួយចំនួនផងដែរ ដូចនេះអាជ្ញាធរបានណែនាំឲ្យពលរដ្ឋនៅតាមតំបន់ងាយរងគ្រោះមួយចំនួនត្រូវធ្វើការជម្លៀសខ្លួនទៅកាន់កន្លែងមានសុវត្ថិភាពមួយរយៈសិន ខណៈគិតត្រឹមពេលនេះមានពលរដ្ឋរាប់ពាន់គ្រួសារកំពុងរស់នៅដោយគ្មានភ្លើងអគ្គិសនីប្រើប្រាស់៕ អត្ថបទ៖ ភក្តី ប្រភព៖ The Strait Time

ថៃ៖ ចំ​នួន​ជនរងគ្រោះដែលបានស្លាប់បាត់បង់ជីវិតដោយសារទឹកជំនន់នៅភាគខាងត្បូងប្រទេសថៃបានបន្តកើនឡើងរហូតដល់ ១២នាក់ហើយ នេះបើយោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ នៅព្រឹកថ្ងៃសៅរ៍ ទី៣០ ខែធ្នូនេះ។ គិតត្រឹមពេលនេះទឹកជំនន់កំពុងតែបង្កការគំរាមគំហែងយ៉ាងខ្លាំងនៅក្នុងខេត្តPattani ខណៈស្ថានភាពទឹកជំនន់នៅក្នុងខេត្ត Narathiwat ​និងខេត្ត Yala បានធូរស្រាលជាងមុនបន្តិច។ នៅចំពោះមុខស្ថានភាពបន្ទាន់នេះអាជ្ញាធរថៃបានបង្កើតមជ្ឈមណ្ឌលសម្រាប់ជួយជនរងគ្រោះចំនួន ៤៣កន្លែង និងបានបញ្ជូនកញ្ចប់ជំនួយបន្ទាន់ចំនួន ៤,៣០០កញ្ចប់ទៅកាន់មជ្ឈមណ្ឌលទាំងអស់នោះរួចរាល់ហើយ ខណៈកញ្ចប់ជំនួយនឹងត្រូវបញ្ជូនទៅបន្ថែមជាបន្តបន្ទាប់ទៀតផងដែរ។ ប្រភពខាងលើបានបន្តថា ក្រៅតែពីបានរកឃើញអ្នកស្លាប់ហើយទឹកជំនន់ក៏កំពុងតែបង្កការគំរាមដល់ការរស់នៅរបស់ប្រជាពលរដ្ឋសរុបចំនួន ៩៧,២២០គ្រួសារ ហើយក្នុងនោះមានជនរងគ្រោះប្រមាណជា ៧,០០០នាក់កំពុងស្ថិតនៅក្នុងស្ថានភាពគ្រោះថ្នាក់ធ្ងន់ធ្ងរផងដែរ៕ អត្ថបទ៖ ភក្តី ប្រភព៖ បាងកកប៉ុស្តិ៍  

កូរ៉េខាងត្បូង៖ ប្រទេសកូរ៉េខាងត្បូងនឹងចាប់ផ្តើមដាក់ឲ្យប្រើប្រាស់ទិដ្ឋការពិសេសមួយចាប់ពីថ្ងៃទី១ ខែមករា ឆ្នាំ២០២៤នេះតទៅ ដោយទិដ្ឋការថ្មីនេះមានឈ្មោះថា “Digital Nomad” ដែលអនុញ្ញាតឲ្យជនបរទេសអាចមកស្នាក់នៅក្នុងប្រទេសកូរ៉េខាងត្បូងក្នុងរយៈពេលរហូតដល់ ២ឆ្នាំ។ គោលបំណងនៃការដាក់ឲ្យប្រើប្រាស់ទិដ្ឋការនេះគឺដើម្បីផ្តល់ភាពងាយស្រួលដល់ក្រុមជនបរទេស ដែលមានបំណងចង់មកកម្សាន្តរយៈពេលវែងឬស្នាក់នៅក្នុងប្រទេសកូរ៉េខាងត្បូងក្នុងអំឡុងពេលដែលពួកគេកំពុងបំពេញការ Online ជាមួយក្រុមហ៊ុនដែលមានមូលដ្ឋាននៅក្នុងប្រទេសកំណើត ឬនៅក្នុងប្រទេសណាមួយផ្សេងទៀត។ គួរបញ្ជាក់ថា នាពេលបច្ចុប្បន្ននេះជនបរទេសទូទៅអាចមានសិទ្ធស្នើសុំទិដ្ឋការមកស្នាក់នៅក្នុងប្រទេសកូរ៉េខាងត្បូងយូរបំផុតត្រឹម ៩០ថ្ងៃប៉ុណ្ណោះ ខណៈទិដ្ឋការនេះមិនរួមបញ្ចូលទិដ្ឋការប្រើប្រាស់ក្នុងលក្ខខណ្ឌពិសេសមួយចំនួន ដូចជាទិដ្ឋការការទូត ទិដ្ឋការទៅសិក្សា ឬទៅបំពេញការងារផ្សេងៗនៅក្នុងប្រទេសកូរ៉េខាងត្បូងនោះទេ។ បើតាមអាជ្ញាធរកូរ៉េខាងត្បូងបានបញ្ជាក់ថា ដើម្បីអាចស្នើសុំទិដ្ឋការ “Digital Nomad” បានគឺក្រុមជនបរទេសទាំងអស់ត្រូវមានលក្ខខណ្ឌដូចខាងក្រោមនេះ៖ -មានអាយុលើសពី ១៨ឆ្នាំ និងមានការងារធ្វើច្បាស់លាស់យ៉ាងតិចមួយឆ្នាំ -មានប្រាក់ចំណូលប្រចាំឆ្នាំជាមធ្យម ៨៤,៩៦លានវ៉ុន (៣,៨៣១ដុល្លារអាមេរិក) -មានប័ណ្ណធានារ៉ាប់រងសុខភាពជាលក្ខណៈឯកជនដែលមានតម្លៃយ៉ាងតិចណាស់ ១០០លានវ៉ុន (៧៧,២៤៨ដុល្លារអាមេរិក)