អាមេរិក៖ ស្រ្តីជាម្ចាស់ហាងលក់ប្រភេទនំដុតមួយកន្លែងបានប្រកាសស្វែងរកចិញ្ចៀនពេជ្យដ៏តម្លៃរបស់គាត់ដោយគាត់បានបញ្ជាក់ថា ចិញ្ចៀនដែលបានបាត់នោះគឺបានកប់នៅក្នុងនំដែលអតិថិជនរបស់គាត់បានទិញចេញពីហាងរួចទៅហើយ។ យោងតាមការចុះផ្សាយរបស់បណ្តាញសារព័ត៌មាន The Strait Time កាលពីយប់ថ្ងៃព្រហស្បតិ៍ ទី១២ ខែមេសានេះបានបញ្ជាក់ថា ស្រ្តីជាម្ចាស់ចិញ្ចៀនមានឈ្មោះថា Dawn Monroe ជាម្ចាស់ហាងលក់នំយីហោ Sis Sweets Cookies & Cafe ដែលមានទីតាំងស្ថិតនៅក្នុងទីក្រុងញូវយ៉ក សហរដ្ឋអាមេរិក។ បើតាមលោកស្រី Dawn Monroe បានឱ្យដឹងថា ចិញ្ចៀនពេជ្រដែលបានបាត់នោះគឺតម្លៃប្រមាណជា ៤,០០០ដុល្លារនៅក្នុងទីផ្សារនាពេលបច្ចុប្បន្ននេះ តែសម្រាប់រូបគាត់វិញគឺចិញ្ចៀនពេជ្រមួយវង់នេះមានតម្លៃមិនអាចកាត់ថ្លៃបាននោះទេ ដ្បិតវាជាចិញ្ចៀនរៀបការដែលប្តីរបស់គាត់មានទិញជូនគាត់តាំងពី ៤០ឆ្នាំមុនម្លេះ។ លោកស្រីបានបន្តថា ក្រោយពេលដែលរូបគាត់បានដឹងខ្លួនថាចិញ្ចៀនបានបាត់ចេញពីដៃ គាត់បានព្យាយាមរកចិញ្ចៀនគ្រប់ទីកន្លែងក្នុងផ្ទះបាយ ក្នុងហាង និងក្នុងផ្ទះតែរកមិនឃើញទាល់តែសោះ ទើបគាត់ជឿជាក់ថាចិញ្ចៀននោះប្រាកដជាបានរបូតចេញពីដៃរបស់គាត់នៅអំឡុងពេលដែលគាត់កំពុងកូរម្សៅនំ

វៀតណាម៖ ទីបំផុតតុលាការវៀតណាមបានសម្រេចកាតទោសប្រហារជីវិតលោកស្រី Truong My Lan ហើយ ជុំវិញករណីដែលរូបគាត់បានគៃបន្លំប្រាក់ចំនួនជាង ១២ពាន់លានដុល្លារ នេះបើយោងតាមសេចក្តីរាយការណ៍របស់បណ្តាញសារព័ត៌មាន Channel News Asia កាលពីយប់ថ្ងៃព្រហស្បតិ៍ ទី១១ ខែមេសានេះ។ គួររម្លឹកជូនថា លោកស្រី Truong My Lan គឺសេដ្ឋីនីអចលនទ្រព្យដ៏មានឥទ្ធិពលមួយរូបរបស់វៀតណាម មានអាយុ ៦៧ឆ្នាំ និងធ្លាប់មានតួនាទីជាប្រធានក្រុមហ៊ុន Van Thinh Phat Holdings Group។ បើតាមតុលាការវៀតណាមបានរកឃើញថា នាពេលកន្លងមកលោកស្រី Truong My Lan បានប្រព្រឹត្តិបទល្មើសជាច្រើនករណីមានទាំងការ​ប្រព្រឹត្តអំពើពុករលួយ បន្លំឯកសារ និងរំលោភច្បាប់ធនាគារដើម្បីអាចបន្លំយកប្រាក់ដែលមានចំនួនសរុបរហូតដល់ជាង

វៀតណាម៖ ប្រទេសវៀតណាមគ្រោងនឹងចាប់ផ្តើមសាងសង់ផ្លូវរថភ្លើងល្បឿនលឿនចំនួន ២ខ្សែឆ្ពោះទៅកាន់ប្រទេសចិនដោយផ្ទាល់ឱ្យបានមុនឆ្នាំ២០៣០​ នេះបើយោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ នៅក្នុងថ្ងៃពុធ ទី១០ ខែមេសានេះ។ នៅក្នុងចំណោមរថភ្លើងល្បឿនលឿនទាំង ២ខ្សែនោះគឺមានផ្លូវរថភ្លើងមួយខ្សែនឹងតភ្ជាប់ទីក្រុងកំពង់ផែរបស់វៀតណាមគឺទីក្រុង Haiphong និងទីក្រុង  Quang Ninh កាត់តាមទីក្រុង Hanoi ឆ្ពោះទៅកាន់ខេត្ត Lao Cai របស់ប្រទេសចិន។ ចំណែកឯរថភ្លើងល្បឿនលឿនមួយខ្សែទៀតគឺជាផ្លូវរថភ្លើងចេញដំណើរពីទីក្រុង Hanoi ឆ្ពោះទៅកាន់ខេត្ត Lang Son នៃប្រទេសចិន។ បើតាមក្រសួងផែនការនិងវិនិយោគវៀតណាមបានបញ្ជាក់ថា ផ្លូវរថភ្លើងល្បឿនលឿនទាំង ២ខ្សែនេះនឹងជួយជម្រុញការធ្វើដំណើររបស់ប្រជាពលរដ្ឋ ការដឹកទំនិញ និងការវិនិយោគរវាងប្រទេសវៀតណាមនិងប្រទេសចិនឱ្យកាន់មានតែមានសក្តានុពលកាន់ខ្លាំងបន្ថែមទៀត ហើយវាក៏ជាសញ្ញាបង្ហាញពីទំនាក់ទំនងដ៏ល្អរវាងប្រទេសទាំង ២ផងដែរ។ សូមបញ្ជាក់ថា ចិនគឺជាដៃគូពាណិជ្ជកម្មដ៏ធំបំផុតរបស់ចិន ហើយបើគិតត្រឹមត្រីមាសទី១ នៃឆ្នាំ២០២៤នេះការដោះដូរពាណិជ្ជកម្មរវាងប្រទេសទាំង ២មានតម្លៃរហូតដល់ ៤៣,៦ពាន់លានដុល្លារឯណោះ៕ អត្ថបទ៖

តៃវ៉ាន់៖ អាជ្ញាធរតៃវ៉ាន់បានរកឃើញសាកសពជនរងគ្រោះដែលបានស្លាប់បាត់បង់ជីវិតនៅក្នុងហេតុការណ៍រញ្ជួយដីកាលពីថ្ងៃទី៣ ខែមេសាកន្លងទៅចំនួន ៣នាក់បន្ថែមទៀត នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅយប់ថ្ងៃពុធ ទី១០ ខែមេសានេះ។ ដូចនេះគិតត្រឹមពេលនេះតួលេខអ្នកដែលបានស្លាប់បាត់បង់ជីវិតសរុបទាំងអស់គឺមានចំនួន ១៦នាក់ហើយ ខណៈមនុស្សចំនួន ៣នាក់នៅតែបន្តបាត់ខ្លួន។ ប្រភពខាងលើបានបន្តថា នៅក្នុងចំណោមមនុស្ស ៣នាក់ដែលកំពុងតែបាត់ខ្លួននោះគឺមានពលរដ្ឋជនជាតិសិង្ហបុរីចំនួន២នាក់ដែលជាគូស្នេហ៍និងគ្នា ហើយគិតត្រឹមពេលនេះក្រុមអ្នកជួយសង្គ្រោះតៃវ៉ាន់នៅមិននាន់អាចរកឃើញតម្រុយណាមួយទាក់ទងនឹងពួកគេទាល់តែសោះ ពោលគឺគេនៅមិនទាន់អាចធ្វើការសន្និដ្ឋានបានថាពួកទំនងជាបានជាប់នៅតំបន់ណាមួយ ឬក៏បានស្លាប់ដោយរបៀបណានោះទេ។ ដោយឡែកសម្រាប់តួលេខជនរងគ្រោះវិញគឺមានការកើនឡើងបន្តិចផងដែរ ដោយតួលេខចុងក្រោយរបស់អាជ្ញាធរតៃវ៉ាន់បានបង្ហាញថាចំនួនអ្នករងរបួសមានចំនួនរហូតដល់ ១,១០០នាក់៕  អត្ថបទ៖ ភក្តី ប្រភព៖ Channel News Asia

ហ្សឺណែវ៖ មានមនុស្សជាង ៣,៥០០នាក់បានស្លាប់ជារៀងរាល់ថ្ងៃដោយសារមេរោគនៃជំងឺរលាកថ្លើម នេះបើយោងតាមរបាយការណ៍មួយរបស់អង្គការសុខភាពពិភពលោក (WHO) ដែលត្រូវបានចុះផ្សាយបន្តដោយបណ្តាញសារព័ត៌មាន The Strait Time នៅក្នុងថ្ងៃអង្គារ​ ទី៩ ខែមេសានេះ។ ជុំវិញការរកឃើញថ្មីនេះ អង្គការសុខភាពពិភពលោកបានអំពាវនាវឱ្យពិភពលោកត្រូវចាត់វិធានការជាបន្ទាន់ដើម្បីឆ្លើយតបជាមួយនឹងមេរោគនៃជំងឺរលាកថ្លើម ខណៈគិតត្រឹមពេលនេះវាបានក្លាយជាមេរោគដែលបានសម្លាប់មនុស្សច្រើនបំផុតលំដាប់ទី២នៅលើពិភពលោកផងដែរ។ ប្រភពខាងលើបានបន្តថា លទ្ធផលនៅក្នុងរបាយការណ៍ខាងលើនេះគឺត្រូវបានគេសិក្សាទៅលើចំនួនអ្នកស្លាប់ដោយមេរោគនៃជំងឺរលាកថ្លើមដែលបានកើតឡើងនៅក្នុងបណ្តាប្រទេសចំនួន ១៨៧នៅជុំវិញពិភពលោកនៅក្នុងចន្លោះពីឆ្នាំ ២០១៩ រហូតដល់ឆ្នាំ ២០២២។ ក្នុងរបាយការណ៍បានបញ្ជាក់ថា នៅក្នុងរយៈពេល៣ឆ្នាំនេះនៅទូទាំងពិភពលោកមានអ្នកស្លាប់ដោយសារមេរោគនៃជំងឺរលាកថ្លើមសរុបចំ​នួនជាង ១,៣ពាន់លាននាក់ ដែលចំនួននេះមានការកើនឡើងយ៉ាងខ្ពស់បំផុតបើធៀបទៅនឹងតួលេខដែលគេធ្លាប់បានសិក្សានាពេលកន្លងមក។ នៅក្នុងរបាយការណ៍ដដែលនេះក៏បានបញ្ជាក់លម្អិតផងដែរថា នៅក្នុងចំណោមមនុស្សជាង ៣,៥០០នាក់ដែលបានស្លាប់បាត់បង់ជីវិតដោយសារមេរោគនៃជំងឺរលាកថ្លើមជារៀងរាល់ថ្ងៃនោះគឺមាន ៨៣%បានស្លាប់ដោយសារជំងឺរលាកថ្លើមប្រភេទ B និង ១៧%បានស្លាប់ដោយសារជំងឺរលាកថ្លើមប្រភេទ C៕ អត្ថបទ៖ភក្តី

សិង្ហបុរី៖ អាជ្ញាធរសិង្ហបុរីបានដាក់ចេញនូវបទបញ្ជាដ៏តឹងរឹងមួយជុំវិញករណីជក់បារីអេឡិចត្រូនិចក្នុងចំណោមកូនសិស្សសាលា​ដោយអាជ្ញាធរបានកំណត់ថា ប្រសិនបើខាងអាជ្ញាធរចាប់បានកូនសិស្សណាម្នាក់ជក់បារីអេឡិចត្រូនិចនោះ គឺអាជ្ញាធរនឹងធ្វើការពិន័យជាប្រាក់ចំនួន ២,០០០ដុល្លារសិង្ហបុរី ឬស្នើនឹង ១,៤៨០ដុល្លារអាមេរិក។ យោងតាមការចុះផ្សាយរបស់បណ្តាញសារព័ត៌មាន Channel News Asia បានបញ្ជាក់ថា ការដាក់ចេញវិធានការដ៏តឹងរឹងខាងលើនេះត្រូវបានធ្វើឡើងក្រោយអាជ្ញាធរសិង្ហបុរីបានមើលឃើញថា ការជក់បារីអេឡិចត្រូនិចនៅក្នុងចំណោមក្រុមកូនសិស្សបានកំពុងតែក្លាយជារឿងដ៏ពេញនិយមមួយហើយចំនួនអ្នកជក់បានបន្តកើនឡើងខ្ពស់គួរកត់សម្គាល់។ ប្រភពខាងលើបានបន្តថា ក្នុងការសម្រេចចដាក់ចេញនិងការអនុវត្តចំពោះវិធានការខាងលើនេះ គឺមានក្រសួង និងស្ថាប័នចំនួន ៣របស់សិង្ហបុរី ដែលត្រូវធ្វើការងាររួមគ្នាមានដូចជា ក្រសួងសុខាភិបាល អាជ្ញាធរវិទ្យាសាស្ត្រសុខាភិបាល និងក្រសួងអប់រំផងដែរ។ ចំពោះក្រសួងអប់រំវិញ ក៏បានដាក់បន្ថែមនូវបទបញ្ជាតឹងរឹងមួយចំនួនចំពោះសិស្ស ដែលត្រូវបានរកឃើញថា បានជក់បារីអេឡិចត្រូនិចផងដែរ ដូចជា ខាងសាលានឹងជូនដំណឹងទៅកាន់ឪពុកម្តាយ ព្យួរការសិក្សា ឬដាក់ទណ្ឌកម្មផ្សេងៗក្រោមការចោទប្រកាន់ថាបានបំពានទៅនឹងវិន័យ ឬ បទបញ្ជារបស់សាលារៀន។ សូមបញ្ជាក់ជូនថា

វៀតណាម៖ ពលរដ្ឋវៀតណាមរាប់ពាន់នាក់ដែលកំពុងរងផលប៉ះពាល់ពីគ្រោះរាំងស្ងួតបាននាំគ្នាមករង់ចាំជំនួយទឹកសប្បុរធម៌ពេញមួយយប់ដើម្បីទទួលបានទឹកស្អាតយកទៅប្រើប្រាស់ នេះបើយោងតាមការចុះផ្សាយរបស់បណ្តាញសារព័ត៌មាន VN Express នៅក្នុងថ្ងៃអង្គារ ទី៩​​ ខែមេសានេះ។ តំបន់ដែលកំពុងរងការគំរាមគំហែងពីគ្រោះរាំងស្ងួតនេះគឺបណ្តាសហគមន៍ជាច្រើននៅក្នុងខេត្ត Tien Giang ភាគខាងត្បូងនៃប្រទេសវៀតណាម ខណៈអាជ្ញាធរវៀតណាមបានប្រកាសដាក់ខេត្តមួយនេះស្ថិតនៅក្នុងស្ថានភាពប្រកាសអាសន្នពីគ្រោះរាំងស្ងួតរួចហើយកាលពីចុងសប្តាហ៍កន្លងទៅនេះ។ ប្រភពខាងលើនេះបានបន្តថា ក្រុមពលរដ្ឋវៀតណាមដែលកំពុងប្រឈមនឹងបញ្ហាខ្វះទឹកស្អាតសម្រាប់ប្រើប្រាស់មានចំនួនប្រមាណជា ៣០,០០០នាក់ ហើយទឹកស្អាតដែលអាជ្ញាធរវៀតណាមបានយកទៅចែកជូនពួកគាត់កាលពីពេលលថ្មីៗនេះគឺជាទឹកដែលដឹកចេញពីទីក្រុងហូជីមិញនិងមានបរិមាណសរុបចំនួន ៤០ម៉ែត្រគីប ខណៈអាជ្ញាធរនឹងបន្តធ្វើសកម្មភាពបែបនេះជាច្រើនបន្ថែមទៀតរហូតដល់ស្ថានភាពនៃគ្រោះរាំងស្ងួតបានធូរស្រាលឡើងវិញ។ សូមបញ្ជាក់ជូនថា គ្រោះរាំងស្ងួតនៅតំបន់ខាងលើនេះបានកើតឡើងក្រោយសីតុណ្ហភាពបានកើនឡើងខ្ពស់ក្នុងរយៈពេលជាច្រើនសប្តាហ៍ចុងក្រោយនេះ ដែលធ្វើឱ្យប្រភពទឹកសំខាន់ត្រូវរីងស្ងួតអស់និងបណ្តាលឱ្យពលរដ្ឋជាច្រើនត្រូវប្រឈមនឹងបញ្ហាខ្វះទឹកស្អាតប្រើប្រាស់ ខណៈគ្រោះរាំងស្ងួតនៅមិនទាន់បានបង្កឱ្យមានពលរដ្ឋវៀតណាមណាម្នាក់បានរងគ្រោះថ្នាក់ធ្ងន់ធ្ងរនៅឡើយទេ៕     អត្ថបទ៖ ភក្តី ប្រភព៖ VN Express

ម៉ាឡេស៊ី៖ ក្មេងប្រុសអាយុ ៣ឆ្នាំម្នាក់បានស្លាប់បាត់បង់ជីវិតដោយសារខ្យល់គរ ក្រោយរូបគេបានចូលទៅសម្ងំលេងនៅក្នុងរថយន្តអស់រយៈពេល ២-៣ម៉ោង ទាំងអាកាសធាតុកំពុងតែក្តៅខ្លាំង នេះបើយោងតាមការចុះផ្សាយរបស់បណ្តាញសារព័ត៌មាន World of Buzz កាលពីពេលថ្មីៗនេះ។ ហេតុការណ៍អកុសលនេះបានកើតឡើងនៅក្នុងតំបន់ Kampung Teluk នៃរដ្ឋ Kelantan ភាគខាងជើងនៃប្រទេសម៉ាឡេស៊ី។ ប្រភពខាងលើបានបន្តថា នៅក្នុងថ្ងៃកើតហេុតនោះម្តាយរបស់កុមារារងគ្រោះបានទៅលេងផ្ទះម្តាយឪពុករបស់គាត់ ហើយក្រោយពេលទៅដល់ភ្លាមកុមារារងគ្រោះនិងបងរបស់គេ ក៏បាននាំគ្នារត់លេងនៅទីធ្លាមុខមុខផ្ទះ និងថែមទាំងបាននាំគ្នាចូលទៅលេងក្នុងរថយន្តរបស់ជីតាពួកគេដែលកំពុងចតចោលនៅមុនផ្ទះផងដែរ។ ឃើញក្មេងៗនាំគ្នារត់លេងយ៉ាងសប្បាយដូចនេះ ក្រុមមនុស្សចាស់ៗក៏នាំគ្នាធ្វើម្ហូបនៅផ្ទះបាយ និងរវល់ជាមួយកិច្ចការរៀងៗខ្លួន ហើយពួកគាត់ហាក់ភ្លេចខ្លួនមិនបានចាប់អារម្មណ៍ជាមួយនឹងក្មេងៗឡើយ ដោយម្នាក់ៗគិតថា ប្រហែលជាអ្នកនេះ ឫអ្នកនោះ កំពុងតែមើលក្មេងៗលេងហើយ។ ក្រោយភ្លេចខ្លួនមួយសន្ទុះ ស្រាប់តែក្មេងៗដែលកំពុងលេងនៅក្នុងរថយន្ត ក៏បានចាក់សោរទ្វាររថយន្តជាប់ហើយក៏នាំគ្នាបន្តលេងនៅក្នុងរថយន្តនោះក្រោមសីតុណ្ហភាពយ៉ាងក្តៅអស់រយៈពេល២-៣ម៉ោង។ នៅពេលដែលម្តាយរបស់ពួកគេចាប់ភ្លឹកទៅរកពួកគេនោះស្រាប់តែកុមារារងគ្រោះ បានកំពុងតែក្អួតនៅក្នុងរថយន្តទៅហើយ និងក្រោយមកកុមារារងគ្រោះក៏ត្រូវបញ្ជូនទៅមន្ទីរពេទ្យដែរ

ថៃ៖ អាជ្ញាធរថៃបានជូនដំណឹងជាថ្មីថា ទឹកអាស៊ីតដែលបានធ្លាយចូលក្នុងទឹកទន្លេនៅប្រទេសឡាវនោះគឺនៅមិនទាន់ហូរមកដល់ប្រទេសថៃនៅឡើយទេ នេះបើយោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ នៅព្រឹកថ្ងៃអង្គារ ទី៩ ខែមេសានេះ។ បើតាមលោក Somsak Thepsutin ឧបនាយករដ្ឋមន្ត្រី និងជាប្រធានគណៈកម្មាធិការទន្លេមេគង្គជាតិថៃបានបញ្ជក់ថា គិតត្រឹមយប់ថ្ងៃចន្ទនេះស្ថានភាពទឹកទន្លេមេគង្គនៅក្នុងប្រទេសថៃគឺនៅមានសុវត្ថិភាព១០០% ពោលគឺពលរដ្ឋនៅតែអាចប្រើប្រាស់ទឹកទន្លេបានជាធម្មតា។ យ៉ាងណាក្តីលោក Somsak Thepsutin បញ្ជាក់ថា វិធានការប្រុងប្រយ័ត្ននិងការពារត្រូវតែបន្តធ្វើឡើង ខណៈក្រុមអ្នកជំនាញកំពុងតែតាមដានស្ថានភាពទឹកទន្លេមេគង្គយ៉ាងយកចិត្តដាក់បំផុត ហើយក្នុងករណីដែលបានគេរកឃើញពីភាពប្រែប្រួលនៃគុណភាពទឹកទន្លេក្នុងកម្រិតណាមួយនោះគឺខាងអាជ្ញាធរនឹងធ្វើការជូនដំណឹងភ្លាមៗតែម្តង។ សូមបញ្ជាក់ជូនថា បញ្ហាខាងលើនេះបានកើតឡើងតាំងតែពីថ្ងៃពុធសប្តាហ៍មុនម្លេះដោយមានសាឡាងមួយគ្រឿងដឹកទឹកអាស៊ីតស៊ុលហ្វួរីកចំនួន ៣០តោនបានក្រឡាប់នៅក្នុងទឹកទន្លេ Nam Khan នៃប្រទេសឡាវ ហើយក្រោយពេលក្រឡាប់ទឹកអាស៊ីតទាំងអស់នោះក៏បានធ្លាយចូលទៅក្នុងទន្លេ ខណៈទន្លេនេះក៏មា​នខ្សែទឹកត្រូវហូរចូលទៅក្នុងទន្លេមេគង្គក្នុងប្រទេសឡាវនិងបន្តហូរឆ្លងដែនចូលមកក្នុងទន្លេមេគង្គក្នុងប្រទេសថៃផងដែរ៕ អត្ថបទ៖ ភក្តី ប្រភព៖ បាងកកប៉ុស្តិ៍

ថៃ៖ អាជ្ញាធរថៃបានទាញសញ្ញាព្រមានមួយអំពីគ្រោះថ្នាក់ដែលអាចបង្កឡើងពីករណីធ្លាយទឹកអាស៊ីតពីប្រទេសឡាវហូរចូលមកកាន់ប្រទេសថៃតាមរយៈទឹកទន្លេមេគង្គ នេះបើយោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ នៅក្នុងថ្ងៃអាទិត្យ ទី៧ ខែមេសានេះ។ បើតាមសេចក្តីជូនដំណឹងរបស់អាជ្ញាធរថៃបានបញ្ជាក់ថា ដើម្បីចៀសវាងពីគ្រោះថ្នាក់ផ្សេងៗពលរដ្ឋថៃដែលកំពុងរស់នៅតាមបណ្តាខេត្តចំនួន៧ ក្បែរព្រំដែនជាមួយប្រទេសឡាវនិងមានទន្លេមេគង្គហូរឆ្លងកាត់ទាំងអស់ត្រូវប្រុងប្រយ័ត្នចំពោះការប្រើប្រាស់ទឹកទន្លេ ការធ្វើសកម្មភាពនេសាទ ឬសកម្មភាពផ្សេងៗនៅលើផ្ទៃទឹកទន្លេចន្លោះពីថ្ងៃទី ៨ ដល់ថ្ងៃទី ១០ ខែមេសានេះ។ ខេត្តទាំង ៧របស់ថៃដែលត្រូវបង្កើនការប្រុងប្រយ័ត្នចំពោះការប្រើ​ប្រាស់ទឹកទន្លេមេគង្គនោះរួមមាន ខេត្តLoei ខេត្តNong Khai ខេត្តBueng Kan ខេត្តNakhon Phanom ខេត្តMukdahan ខេត្តAmnat Charoen និង​ ខេត្តUbon Ratchathani។ យ៉ាងណាក្តី គិតត្រឹមពេលនេះអាជ្ញាធរនៅមិនទាន់អាចបញ្ជាក់ពីកម្រិតគ្រោះថ្នាក់របស់ទឹកទន្លេមេគង្គនៅតាមបណ្តាខេត្តទាំងអស់នេះបាននៅឡើយទេ ដ្បិតសារធាតុអាស៊ីតនៅមិនទាន់បានហូរមកដល់ផ្ទៃទឹកទន្លេមេគង្គនៅក្នុងប្រទេសថៃនៅឡើយទេ