ប្រេស៊ីល៖ អាជ្ញាធរប្រេស៊ីលបានសម្រេចធ្វើការពិន័យកំពូលកីឡាករបាល់ទាត់ Neymar ជាប្រាក់ចំនួន ១៦លានរ៉ៃ (៣,៣ លានដុល្លារ) ជុំវិញករណីជីកបឹងមួយដោយគ្មានការអនុញ្ញាត នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃអង្គារ ទី៤ ខែកក្កដានេះ។ បឹងដែលជាដើមហេតុបង្កឲ្យមានរឿងរ៉ាវចម្រូងចម្រាសនេះត្រូវបានជីកនៅក្នុងវិមានដ៏ស្កឹមស្កៃរបស់កីឡាករវ័យ ៣១ឆ្នាំរូបនេះនៅឯជាយទីក្រុង Rio de Janeiro នៃប្រទេសប្រេស៊ីល។ ប្រភពខាងលើបានបន្តថា បើទោះជាបឹងសិប្បនិម្មិតខាងលើនេះត្រូវបានជីកនៅក្នុងគេហដ្ឋានផ្ទាល់ខ្លួនរបស់របស់កីឡាករ Neymar ក៏ដោយ តែយោងទៅតាមច្បាប់គឺរូបគាត់ត្រូវតែសុំការអនុញ្ញាតពីសំណាក់អាជ្ញាធរបរិស្ថានជាមុនសិន ដើម្បីឲ្យមន្ត្រីជំនាញមកពិនិត្យនិងវាយតម្លៃថា បឹងនោះពិតជាមិនបានបង្កឲ្យមានផលប៉ះពាល់ដល់បរិស្ថាននោះទេទាំងក្នុងពេលបច្ចុប្បន្ន និងពេលអនាគត។ យ៉ាង​ណាក្តី កីឡាករ Neymar មានពេល ២០ថ្ងៃ ដើម្បីប្តឹង​ឧទ្ធរណ៍​ជុំវិញការសម្រេចខាងលើ ខណៈគិតត្រឹមពេលនេះគេនៅមិនទាន់ឃើញកីឡាករ Neymar បង្ហាញប្រតិកម្ម

វៀតណាម៖ អាជ្ញាធរវៀតណាមបានសម្រេចធ្វើការហាមឃាត់មិនឲ្យមានការចាក់ផ្សាយរឿង “Barbie”​ នៅក្នុងប្រទេសរបស់ខ្លួនឡើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia កាលពីយប់ថ្ងៃចន្ទ ទី៣ ខែកក្កដានេះ។ ការហាមឃាត់នេះត្រូវបានធ្វើឡើងក្រោមហេតុផលថា នៅក្នុងខ្សែភាពយន្តដ៏ល្បីល្បាញមួយនេះមានឈុតឆាកបង្ហាញពី ទឹកដីដែលទាមទារដោយឯកតោភាគីពីសំណាក់ប្រទេសចិននៅតំបន់សមុទ្រចិនខាងត្បូង។ សូមបញ្ជាក់ជូនថា ចិននិងវៀតណាមតែងកើតមានជម្លោះជាមួយគ្នាជាញឹកញាប់ជុំវិញបញ្ហានៅតំបន់សមុទ្រចិនខាងត្បូងត្រង់ខ្សែបន្ទាត់ទី ៩ ដែលមានរាងអក្ស U ដោយចិនបានអះអាងតំបន់នេះជាតំបន់ខ្លួន ខណៈវៀតណាមក៏ចាត់ទុកថាតំបន់ជារបស់ខ្លួនផងដែរ។ គួររម្លឹកផងដែរថា​ នាពេលកន្លងមកវៀតណាមក៏ធ្លាប់បានធ្វើការហាមឃាត់ខ្សែភាពយន្តមួយចំនួនផងដែរជុំវិញហេតុផលដូចគ្នានេះ ដោយរឿងទាំងនោះមានដូចជា រឿង “Abominable” រឿង “Unchartered” និងរឿង “Pine Gap” ជាដើម៕ អត្ថបទ៖ ភក្តី ប្រភព៖ Channel

ចិន៖ នៅថ្ងៃអាទិត្យ ទី២ ខែកក្កដានេះ ទីក្រុងប៉េកាំងបានទាញសញ្ញាព្រមានមួយទៅកាន់ក្រុមពលរដ្ឋរបស់ខ្លួនដែលកំពុងមានវត្តមាននៅក្នុងប្រទេសបារាំង ជុំវិញករណីបាតុកម្មដ៏ហឹង្សានៅក្នុងក្រុង Marseille ប្រទេសបារាំង។ បើយោងតាមការចុះផ្សាយរបស់បណ្តាញសារព័ត៌មាន South China Morning Post បានបញ្ជាក់ថា ការជូនដំណឹងអំពីបញ្ហាសុវត្ថិភាពនេះត្រូវបានធ្វើឡើងក្រោយអាជ្ញាធរចិនទទួលបានដំណឹងថា មានពលរដ្ឋខ្លួនចំ​នួន ៥នាក់បានរងរបួសនៅក្នុងការធ្វើបាតុកម្មពីសំណាក់ពលរដ្ឋបារាំងជាច្រើនម៉ឺននាក់នោះ។ បើតាមអាជ្ញាធរចិនបានបញ្ជាក់ថា នៅក្នុងរដូវក្តៅនេះមានពលរដ្ឋចិនជាច្រើននាក់បានធ្វើដំណើរកំសាន្តទៅកាន់តំបន់អឺរ៉ុប ហើយនៅក្នុងនោះបារាំងគឺជាដែនដីមួយ ដែលក្រុមអ្នកទេសចរណ៍ចិនមិនដែលមើលរំលងនោះទេ។ សូមបញ្ជាក់ជូនថា​ បាតុកម្មនៅបារាំងបានផ្តើមកើតឡើងតាំងតែពីថ្ងៃពុធមកម្លេះ ក្រោយប៉ូលិសបារាំងបានបាញ់សម្លាប់យុវជនម្នាក់នៅក្នុងករណីត្រួតពិនិត្យចរាចរណ៍។ គិតត្រឹមពេលនេះអាជ្ញាធរបារាំងបានឃាត់ខ្លួនហ្វូងបាតុករជាង ២ពាន់នាក់ហើយ ខណៈកងកម្លាំងបារាំងចំនួន ៤៥,០០០នាក់ត្រូវបានដាក់ពង្រាយពេញទីក្រុង Marseille ដើម្បីត្រៀមទប់ទល់នឹងហ្វូងបាតុករ៕ អត្ថបទ៖ ភក្តី ប្រភព៖ South China Morning

បារាំង៖ ប៉ូលិសបារាំងបានសម្រេចបាញ់ឧស្ម័នបង្ហូរទឹកភ្នែកដើម្បី​បង្ក្រាបហ្វូងបាតុករ ក្រោយសកម្មភាពនៃការធ្វើបាតុកម្មកាន់តែមានសភាពអាក្រក់ទៅៗ នេះបើយោងតាមការចុះផ្សាយរបស់បណ្តាញសារព័ត៌មាន BBC នៅព្រឹកថ្ងៃអាទិត្យ ទី២ ខែមិថុនានេះ។ ទន្ទឹមនឹងការបាញ់ឧស្ម័នបង្ហូរទឹកភ្នែកប៉ូលិសបារាំងក៏បានចាប់ខ្លួនក្រុមបាតុករចំនួន ៥៦នាក់បន្ថែមទៀតផងដែរ ខណៈគិតត្រឹមពេលនេះប៉ូលិសបារាំងបានចាប់ខ្លួនក្រុមបាតុករសរុបជាង ២ពាន់នាក់ហើយ។ គួររម្លឹកជូនថា សកម្មភាពបាតុកម្មបានកើតឡើងតាំងតែពីថ្ងៃពុធមកម្លេះ ពោលគឺមានរយៈពេល ៥ថ្ងៃហើយ បើគិតត្រឹមថ្ងៃអាទិត្យទី ២ ខែកក្កដានេះ។ បាតុកម្មបានកើតឡើងនៅក្នុងទីក្រុង Marseille ក្រោយប៉ូលិសបារាំងបានបាញ់សម្លាប់យុវជនម្នាក់ឈ្មោះ Nahel M អាយុ ១៧ឆ្នាំ ក្រោយយុវជនរូបនេះមិនបានឈប់រថយន្តឲ្យប៉ូលិសធ្វើការត្រួតចពិនិត្យ។ បុព្វហេតុនៃការធ្វើបាតុកម្មគឺពលរដ្ឋបារាំងចង់សម្តែងនូវការមិនចេញចិត្តចំពោះប៉ូលិសបារាំង ដែលបានបាញ់សម្លាប់យុវជនម្នាក់យ៉ាងឃោឃៅបំផុត ចំពោះករណីល្មើសច្បាប់កម្រិតស្រាលមួយ។ យ៉ាងណាក្តី បាតុករមួយចំនួនមិនបានសម្តែងនូវការមិនពេញចិត្តដោយអហិង្សានោះទេ តែពួកគេបាននាំគ្នាវាយកម្ទេចសម្បត្តិសាធារណៈអស់ជាច្រើនផងដែរ ហើយអាជ្ញាធរបារាំងបានប្រើប្រាស់ប៉ូលិសចំនួន ៤៥,០០០នាក់ ដើម្បីទប់ទល់និងហ្វូងបាតុករ៕

សិង្ហបុរី៖ ចំនួនអ្នកបានបញ្ចប់ជីវិតខ្លួនឯងនៅក្នុងប្រទេសសិង្ហបុរីបានកើនឡើងយ៉ាងខ្លាំងមិនធ្លាប់មាននៅក្នុងរយៈពេល ២២ឆ្នាំចុងក្រោយ នេះបើយោងតាមការសិក្សាមួយដែលត្រូវបានចុះផ្សាយដោយបណ្តាញសារព័ត៌មាន NDTV កាលពីថ្ងៃសោរ៍ ទី១ ខែកក្កដានេះ។ ការសិក្សាមួយនេះត្រូវបានធ្វើឡើងដោយមជ្ឈមណ្ឌល Samaritans of Singapore (SOS) ដែលជាអង្គការក្រៅរដ្ឋាភិបាលមួយមានមូលដ្ឋាននៅក្នុងប្រទេសសិង្ហបុរី។ នៅក្នុងរបាយការណ៍នៃការសិក្សាបានបង្ហាញថា នៅក្នុងឆ្នាំ ២០២២ គឺមានពលរដ្ឋសិង្ហបុរីចំនួន ៤៧៦នាក់បានបញ្ចប់ជីវិតខ្លួនឯង ខណៈកាលពីឆ្នាំ ២០២១ កន្លងទៅតួលេខអ្នកបានបញ្ចប់ជីវិតខ្លួនឯងនេះមានត្រឹម ៣៧៨នាក់ប៉ុណ្ណោះ។ បើគេធ្វើការប្រៀបធៀបតួលេខអ្នកដែលបានបញ្ចប់ជីវិតខ្លួនឯងនៅក្នុងឆ្នាំ ២០២២ ជាមួយនឹងតួលេខនៅក្នុងឆ្នាំកន្លងទៅគឺមានការកើនឡើងចំនួន ២៦% ដែលជាកំណើនដ៏ខ្ពស់មិនធ្លាប់មាននោះទេ បើគិតចាប់តាំងពីឆ្នាំ ២០០០ មក។ បើតាមលោក Jared Ng ដែលអ្នកជំនាញផ្នែកចិត្តសាស្រ្ត និងអ្នកប្រឹក្សាសុខភាពផ្លូវចិត្តសិង្ហបុរីបានបង្ហាញចំណាប់អារម្មណ៍ជុំវិញលទ្ធផលនៃការសិក្សាខាងលើថា

ជប៉ុន៖ ប្រទេសជប៉ុនបានទទួលរងនូវការវាយប្រហារយ៉ាងខ្លាំងដោយព្យុះភ្លៀងកម្រិតធ្ងន់មួយមេ នេះបើយោងតាមសេចក្តីរាយការណ៍របស់បណ្តាញសារព័ត៌មាន The Strait Time នៅថ្ងៃទី ១ ខែកក្កដានេះ។ ព្យុះភ្លៀងបានកើតមាននៅទូទាំងប្រទេសជប៉ុន តែតំប​ន់ដែលទទួលរងការគំរាមគំហែងធ្ងន់ធ្ងរនោះគឺ អាណាខេត្ត Oita និងអាណាខេត្ត Yamaguchi ដែលស្ថិតនៅភាគខាងលិចនៃប្រទេសជប៉ុន។ បើយោងតាមអាជ្ញាធរគ្រប់គ្រងគ្រោះមហន្តរាយជប៉ុនបានបញ្ជាក់ថា គិតត្រឹមពេលនេះគឺគេបានរកឃើញសាកសពបុរសជនជាតិជប៉ុនម្នាក់​ ដែលបានស្លាប់នៅក្នុងរថយន្ត ក្រោយរថយន្តរបស់គាត់ត្រូវបានព្យុះភ្លៀងបោកបក់ឲ្យធ្លាក់ចូលទៅក្នុងទន្លេ ខណៈពលរដ្ឋម្នាក់ទៀតត្រូវបានរាយការណ៍ថា កំពុងតែបាត់ខ្លួន។ ជាងនេះទៅទៀត អាជ្ញាធរជប៉ុនក៏បានណែនាំឲ្យពលរដ្ឋជិត ២លាននាក់ត្រៀមធ្វើការជម្លៀសខ្លួនផងដែរ ក្នុងករណីដែលស្ថានភាពអាកាសធាតុកាន់តែធ្ងន់ធ្ងរជាងនេះ។ បើតាមការព្យាករណ៍របស់អាជ្ញាធរជប៉ុនបានបង្ហាញថា ព្យុះភ្លៀងនឹងបន្តជះឥទ្ធិពលអាក្រក់ជាច្រើនថ្ងៃទៀត និងអាចបង្កឲ្យមានទឹកជំនន់ក្នុងទីតាំងមួយចំនួនដែលស្ថិតនៅតំបន់ភាគខាងលិច ភាគខាងកើត និងភាគកណ្តាលប្រទេសជប៉ុនផងដែរ៕ ប្រភព៖ The Strait Time

កូរ៉េខាងត្បូង៖ កូរ៉េខាងត្បូងគ្រោងនឹងបើកវិទ្យាល័យឯកទេស K-pop ដ៏ធំមួយ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time កាលពីថ្ងៃសោរ៍ ទី១​ ខែកក្កដានេះ។ តាមគម្រោងគឺសាលាជំនាញ K-pop ដ៏កម្រនេះនឹងត្រូវបើកដំណើរនៅក្នុងឆ្នាំ ២០២៨ នៅក្នុងទីក្រុងប៊ូសាន ដែលជាក្រុងធំបំផុតលំដាប់ទី ២ របស់ប្រទេសកូរ៉េខាងត្បូង។ បើតាមលោក Ha Yoon-su អគ្គនាយកនៃការអប់រំប្រចាំក្រុងប៊ូសានបានបញ្ជាក់ថា​ សាលាឯកទេស K-pop​ នឹងបើកបង្រៀនពីជំនាញច្រៀង រាំ និពន្ធបទភ្លេង និពន្ធទំនុកច្រៀង ការសម្តែង និងកិច្ចការសំខាន់ៗមួយចំ​នួនទៀត ដែលជាប់ពាក់ព​ន្ធក្នុងវិស័យ K-pop។ លោកអគ្គនាយករូបនេះបានបន្តថា សាលាឯកទេស K-pop នេះក៏បើទទួលសិស្សអន្តរជាតិមកពីបណ្តាប្រទេសនានានៅជុំវិញពិភពលោកផងដែរ៕ អត្ថបទ៖ ភក្តី

អូស្រ្តាលី៖ យ៉ាងហោចណាស់មានអ្នកដំណើរនៅលើយន្តហោះចំនួន ១០នាក់បានរងរបួសធ្ងន់និងស្រាល ក្រោយយន្តហោះដែលកំពុងតែហោះហើរមួយគ្រឿងស្រាប់តែត្រូវជួបប្រទះនឹងរលកខ្យល់ដ៏អាក្រក់មួយ។ បើយោងតាមការចុះផ្សាយរបស់បណ្តាញសារព័ត៌មាន The Strait Time  នៅថ្ងៃសៅរ៍ ទី១ ខែកក្កដានេះបានបញ្ជាក់ថា ហេតុការណ៍ដ៏កម្រនេះបានកើតឡើងចំពោះយន្តហោះដឹកអ្នកដំណើរ The Airbus A330 ដែលបានចាកចេញពីព្រលានយន្តហោះក្នុងទីក្រុងហូណូលូលូឆ្ពោះទៅកាន់ទីក្រុងស៊ីដនី ក្នុងប្រទេសអូស្រ្តាលី។ ប្រភពខាងលើបានបន្តថា នៅពេលយន្តហោះធ្វើដំណើរបានពាក់កណ្តាលផ្លូវ ស្រាប់តែខ្យល់ដ៏ខ្លាំងមួយផ្តើមបោកបក់មកលើយន្តហោះ ធ្វើឲ្យយន្តហោះត្រូវហោះទាំងច្របូកច្របល់ ឡើងចុះៗអស់រយៈពេលប្រមាណជា ៥ម៉ោង ខណៈហេតុការណ៍នេះបានបង្កឲ្យអ្នកដំណើរ ៤នាក់ និងក្រុមបុគ្គលិកបម្រើការងារនៅយន្តហោះ ៣នាក់បានរងរបួស​ តែពួកគេត្រូវបានព្យាបាលភ្លាមៗដោយគ្រូពេទ្យប្រចាំការនៅលើយន្តហោះ។ ដោយឡែកអ្នកដំណើរ ៣នាក់ផ្សេងទៀតបានរងរបួសធ្ងន់ និងត្រូវបញ្ជូនទៅព្យាបាលនៅមន្ទីរពេទ្យ ដើម្បីធ្វើការសង្គ្រោះបន្ទាន់ផងដែរ ក្រោយពេលយន្តហោះបានចុះចតដល់ព្រលានយន្តហោះ។ គួរបញ្ជាក់ជូនថា នៅក្នុងថ្ងៃកើតហេតុនោះប្រទេសអូស្រ្តាលីបានរងឥទ្ធិពលពីបញ្ហាអាកាសធាតុដ៏អាក្រក់បំផុតមួយ

ចិន៖ Trip.com Group ដែលជាភ្នាក់ងារទេសចរណ៍ធ៏ធំបំផុតនៅក្នុងប្រទេសចិនបានប្រកាសនៅថ្ងៃសុក្រ ទី៣០ ខែមិថុនានេះថា ក្រុមហ៊ុនបានសម្រេចអនុម័តកញ្ចប់ថវិកាចំនួន ១ពាន់លានយន់ (ជាង ១៣៧លានដុល្លារ) សម្រាប់ផ្តល់ជូនក្រុមបុគ្គលិករបស់ខ្លួន ដើម្បីលើកទឹកចិត្តឲ្យពួកគេយកកូនឲ្យបានច្រើនតាមបំណងប្រាថ្នារបស់ពួកគេ។ បើយោងតាមការចុះផ្សាយរបស់បណ្តាញសារព័ត៌មាន The Strait Time បានបញ្ជាក់ថា ថវិកាដ៏ច្រើនខាងលើនេះនឹងត្រូវផ្តល់ជូនតាមរយៈកម្មវិធីផ្តល់ប្រាក់ឧបត្ថម្ភចំនួន ១០,០០០យន់ (១,៣៧៧ដុល្លារ) ជារៀងរាល់ឆ្នាំទៅកាន់បុគ្គលិករូបណាដែលមានកូនម្នាក់។ ប្រភពខាងលើបានបន្តថា ការផ្តល់ជូនប្រាក់ឧបត្ថម្ភនេះនឹងត្រូវបន្តធ្វើឡើងនៅក្នុងរយៈពេល ៥ឆ្នាំជាប់គ្នា ដូចនេះវាមានន័យថា បុគ្គលិកដែលមានកូនម្នាក់នឹងត្រូវទទួលបានប្រាក់ឧបត្ថម្ភសរុបចំនួន ៥០,០០០យន់ (៧៤,៣៦៧ដុល្លារ) សម្រាប់កូនម្នាក់ ខណៈប្រាក់ឧបត្ថម្ភនេះនឹងត្រូវផ្តល់ជូនគ្រប់ចំនួនកូនទាំងអស់ដែលបុគ្គលិកម្នាក់ៗមាន។ តាមគម្រោងគឺកម្មវិធីផ្តល់ជូនប្រាក់ឧបត្ថម្ភនេះនឹងត្រូវចាប់ផ្តើមអនុវត្តចំពោះបុគ្គលិករូបណាដែលមានកូនចាប់ពីថ្ងៃទី ១ ខែកក្កដានេះតទៅ និងអនុវត្តគ្រប់បុគ្គលិករបស់ក្រុមហ៊ុន Trip.com Group

អាមេរិក៖ សភាអាមេរិកបានអនុម័តលើកគម្រោងលក់គ្រឿងសភាវុធក្នុងទំហំទឹកប្រាក់ជាង ៤៤០លានដុល្លារ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅព្រឹកថ្ងៃសុក្រ ទី៣០ ខែមិថុនានេះ។ គម្រោងលក់គ្រឿងសភាវុធខាងលើនេះគឺត្រូវបានធ្វើឡើងក្នុងគោលបំណងដើម្បីជួយឲ្យកោះតៃវ៉ាន់យកទៅពង្រឹងលើវិស័យការពារជាតិរបស់ខ្លួន។ ប្រភពខាងលើបានបន្តថា គ្រឿងសភាវុធដែលអាមេរិកនឹងត្រូវលក់ទៅឲ្យកោះតៃវ៉ាន់ក្នុងគម្រោងខាងលើនេះគឺមានចំនួន ២កញ្ចប់ ដោយកញ្ចប់ទី ១គឺជាគ្រាប់រំសេវ ដែលមានតម្លៃចំនួន ៣៣២,២លានដុល្លារ និងកញ្ចប់ទី២ គឺជាគ្រឿងបន្លាស់របស់កាំភ្លើងជាច្រើនប្រភេទ ដែលមានតម្លៃចំនួន ១០៨លានដុល្លារ។ គួរកត់សម្គាល់ថា អាមេរិកគឺជាសម័ន្ធមិត្តដ៏ល្អជាមួយនឹងកោះតៃវ៉ាន់ ហើយនាពេលកន្លងមកអាមេរិកតែងជួយគាំទ្រកោះតៃវ៉ាន់ស្ទើរតែគ្រប់វិស័យ និងជាពិសេសនោះគឺជួយការពារកោះតៃវ៉ាន់ពីការគំរាមគំហែងរបស់ប្រទេសចិនតែម្តង៕ អត្ថបទ៖ ភក្តី ប្រភព៖ The Strait Time