តៃវ៉ាន់៖ បុរសជនជាតិតៃវ៉ាន់ម្នាក់ត្រូវបានគេរកឃើញថា បានធ្វើពុតជាឈឺដើម្បីបានជិះរថយន្តសង្គ្រោះបន្ទាន់ដោយឥតគិតថ្លៃជាច្រើនដង ព្រោះតែមិនចង់ចំណាយលុយជិះរថយន្តតាក់ស៊ីនិងមិនចង់ចំណាយកម្លាំងធ្វើដំណើរដោយថ្មើរជើងពីផ្សារមកកាន់ផ្ទះរបស់គាត់។ យោងតាមការចុះផ្សាយនៅក្នុងបណ្តាញសារព័ត៌មាន World of Buzz បានបញ្ជាក់ថា បុរសដែលមិនត្រូវបានគេបង្ហាញអត្តសញ្ញាណរូបនេះមានផ្ទះជាប់នឹងមន្ទីរពេទ្យមួយកន្លែង ខណៈសេវាប្រើប្រាស់រថយន្តសង្គ្រោះបន្ទាន់នៅលើកោះតៃវ៉ាន់មិនត្រូវបានគិតថ្លៃនោះទេ។ ប្រភពខាងលើបានបន្តថា ដោយមើលឃើញកត្តាអំណោយផលដូចនេះ បុរសកំហូចរូបនេះតែងធ្វើពុតជាឈឺនិងបានទូរស័ព្ទហៅរថយន្តសង្គ្រោះបន្ទាន់មកយកគាត់ពីផ្សារទំនើបទៅកាន់មន្ទីរពេទ្យ ហើយពេលទៅដល់មន្ទីរពេទ្យគាត់មិនដែលចូលទៅពិនិត្យសុខភាពឡើយតែគាត់បានបន្លំដើរចេញពីពេទ្យទៅផ្ទះរបស់គាត់តែម្តង។ បើតាមអាជ្ញាធរតៃវ៉ាន់បានឲ្យដឹងថា ក្នុងមួយឆ្នាំនេះបុរសរូបនេះបានហៅរថយន្តសង្គ្រោះបន្ទាន់ឲ្យមកទទួលគាត់ចំនួន ៣៩ ដង ហើយចម្ងាយផ្លូវពីផ្សារទៅផ្ទះគាត់នោះគឺមានប្រវែងប្រមាណជា ២០០ម៉ែត្រប៉ុណ្ណោះ។ ខាងអាជ្ញាធរបាបន្តថា ល្បិចគួរឲ្យហួសចិត្តនេះត្រូវបានបែកធ្លាយបន្ទាន់ពីខាងមន្ទីរពេទ្យបានកត់សម្គាល់ឃើញថា  អ្នកជំងឺដែលត្រូវបញ្ជូនទៅមន្ទីរពេទ្យដោយរថយន្តសង្គ្រោះបន្ទាន់រូបនេះតែងគេចមិនចូលពិនិត្យសុខភាពនិងដើរចេញពីមន្ទីរពេទ្យយ៉ាងលឿនដូចមនុស្សមានសុខភាពល្អធម្មតាដែរ។ ពេលនេះបុរសរូបនេះកំពុងត្រូវបានអាជ្ញាធរហៅមកធ្វើការអប់រំនិងទទួលការពិន័យមួយចំនួនផងដែរ៕ អត្ថបទ៖ ភក្តី ប្រភព៖ World of Buzz

ចិន៖ យោងតាមការចុះផ្សាយរបស់បណ្តាញសារព័ត៌មាន Channel News Asia បានឲ្យដឹងថា កាលពីថ្ងៃអង្គារ ទី៣០ ខែវិច្ឆិកា ម្សិលមិញនេះ អាជ្ញាធរសុខាភិបាលចិនបានរកឃើញអ្នកឆ្លងជំងឺកូវីដ ១៩ នៅក្នុងសហគមន៍ចំនួន ៩១ ករណី ដែលវាជាចំនួនអ្នកឆ្លងប្រចាំថ្ងៃដ៏ខ្ពស់បំផុតមួយបើគិតក្នុងរយៈពេល ១ខែចុងក្រោយនេះ។ គណៈកម្មការសុខភាពជាតិចិនបានបញ្ជាក់ថា ករណីឆ្លងទាំងអស់នេះត្រូវបានរកឃើញនៅក្នុងតំបន់ Inner Mongolia ខណៈតួលេខអ្នកឆ្លងបានកើនឡើងគួរឲ្យកត់សម្គាល់ ពោលគឺកើនពី ២១ករណីនៅក្នុងថ្ងៃទី ២៩ វិច្ឆិកា ហើយឡើងរហូតដល់ ៩១ករណីនៅក្នុងថ្ងៃទី ៣០ វិច្ឆិកានេះ។ គួបញ្ជាក់ថា ប្រសិនបើចិននៅតែបន្តរកឃើញអ្នកឆ្លងជំងឺកូវីដ ១៩ ប្រចាំថ្ងៃដូចនេះ

អូស្រ្តាលី៖ នៅព្រឹកថ្ងៃពុធ ទី១ ខែធ្នូនេះ អាជ្ញាធរសុខាភិបាលនៃប្រទេសអូស្ត្រាលីបានជូនដំណឹងអំពីលទ្ធភាពនៃការរកឃើញករណីចម្លងមេរោគកូវីដ ១៩ បំប្លែងខ្លួនថ្មីវ៉ារ៉្យង់អូមីក្រុងជាច្រើនករណីបន្ថែម ក្រោយអាជ្ញាធររកឃើញថាមានអ្នកដំណើរអន្តរជាតិចំនួន ២នាក់បានធ្វើដំណើរទៅកាន់តំបន់កំសាន្តជាច្រើនកន្លែងនៅក្នុងទីក្រុងស៊ីដនី ខណៈពេលនេះអ្នកដំណើរទាំងនោះសុទ្ធតែបានតេស្តវិជ្ជមានជំងឺកូវីដ ១៩។ អ្នកដំណើរទាំង ២នាក់នោះរួមមានបុរសអាយុជាង ៤០ឆ្នាំម្នាក់ធ្វើដំណើរមកពីប្រទេសអាហ្រ្វិកខាងត្បូងនិងមកដល់ទីក្រុងស៊ីដនីនៅថ្ងៃទី២៥ ខែវិច្ឆិកាកន្លងទៅ ហើយការធ្វើតេស្តជាបឋមនៅពេលនេះគឺគាត់វិជ្ជមានជំងឺកូវីដ ១៩ អូមីក្រុង តែយ៉ាងណាក្តី​ក្រុមអ្នកជំនាញកំពុងបន្តធ្វើតេស្តដោយម៉ាស៊ីនទំនើបមួយផ្សេងទៀតដើម្បីបញ្ជាក់ថា មេរោគកូវីដ ១៩ ដែលគាត់បានឆ្លងនោះពិតជាវ៉ារ៉្យង់អូមីក្រុងមែនឬយ៉ាងណា។ ដោយឡែកអ្នកដំណើរម្នាក់ទៀតត្រូវបានគេរកឃើញច្បាស់ហើយថា គាត់ពិតជាវិជ្ជមានជំងឺកូវីដ ១៩ បំប្លែងខ្លួនប្រភេទអូមីក្រុង  ហើយពេលនេះគាត់កំពុងត្រូវបានគេដាក់ឲ្យនៅដាច់ដោយឡែកតែម្នាក់នៅក្នុងមជ្ឈមណ្ឌលធ្វើចត្តាឡីស័កមួយនៅកន្លែងនៅតំបន់ Northern Territory ខណៈអាជ្ញាធរបានបញ្ជាក់ថា អ្នកជំងឺកូវីដ ១៩ រូបនេះមានការពាក់ព័ន្ធជាមួយមនុស្សចំនួន ៣នាក់ផ្សេងទៀត

ថៃ៖ ប្រទេសថៃនឹងមិនលុបចោលគម្រោងបើកប្រទេសឡើងវិញឡើយ បើទោះជាពេលនេះពិភពលោកកំពុងមានការព្រួយបារម្ភចំពោះមេរោគនៃជំងឺកូវីដ ១៩ បំប្លែងខ្លួនថ្មីប្រភេទអូមីក្រុងក៏ដោយ នេះបើយោងតាមការបញ្ជាក់របស់អាជ្ញាធរថៃដែលបានចុះផ្សាយនៅក្នុងកាសែត បាងកកប៉ុស្តិ៍ នៅព្រឹកថ្ងៃអង្គារ ទី៣០ ខែវិច្ឆិកានេះ។ បើតាមលោក Phiphat Ratchakitprakarn រដ្ឋមន្ត្រីក្រសួងទេសចរណ៍និងកីឡាថៃបានឲ្យដឹងថា៖ “គ្មានអ្នកណាចង់បិទព្រំដែនប្រទេសជាថ្មីម្តងទៀតនោះទេព្រោះវាបានធ្វើឲ្យប៉ះពាល់ដល់សេដ្ឋកិច្ចជាតិយ៉ាងខ្លាំង។ រហូតមកទល់នឹងពេលនេះសេដ្ឋកិច្ចរបស់យើង (សេដ្ឋកិច្ចជាតិថៃ) មិនទាន់ឆ្លងផុតពីវិបត្តិផង ដូចនេះយើងមិនអាចបន្តបិទព្រំដែនទៀតទេ ប្រសិនបើគ្មានករណីចាំបាច់ខ្លាំងបំផុតនោះ”។ ផ្ទុយទៅវិញលោករដ្ឋមន្ត្រីរូបនេះបានបន្ថែមថា៖ “ក្រសួងទេសចរណ៍និងកីឡា គ្រោងនឹងស្នើទៅអាជ្ញាធរថៃឲ្យបន្ធូរបន្ថយច្បាប់រឹតបន្តឹងការទទួលទានគ្រឿងស្រវឹងនៅតាមទីសាធារណៈក្នុងប្រទេសថៃទៀតផង ដើម្បីអនុញ្ញាតឲ្យក្រុមភ្ញៀវទេសចរណ៍អន្តរជាតិមានពេលវេលាសប្បាយច្រើនក្នុងអំឡុងពេលមកដើរកំសាន្តក្នុងប្រទេសថៃ”​ ។ សូមបញ្ជាក់ថា តាមរបាយការណ៍របស់អាជ្ញាធរទេសចរណ៍ថៃបានបង្ហាញថា ក្នុងរយៈពេល ២៩ថ្ងៃដំបូងនៃការបើកប្រទេសឡើងវិញប្រទេសថៃអាចទទួលបានភ្ញៀវទេសចរណ៍អន្តរជាតិប្រមា​ណជា ១០០,០០០នាក់ ហើយគេបានព្យាការណ៍ថា គិតត្រឹមចុងឆ្នាំនេះចំនួនភ្ញៀវទេសចរណ៍អន្តរជាតិដែលទៅកំសាន្តនៅក្នុងប្រទេសថៃអាចនឹងកើនឡើងក្នុងចន្លោះពី ៣០០,០០០-៤០០,០០០នាក់ ខណៈវិស័យទេសចរណ៍អន្តរជាតិគឺជាប្រភពចំណូលដ៏សំខាន់មួយសម្រាប់សេដ្ឋកិច្ចជាតិថៃ៕

ហុងកុង៖ យោងតាមការចុះផ្សាយនៅក្នុងបណ្តាញសារព័ត៌មាន Channel News Asia កាលពីព្រឹកថ្ងៃអង្គារ ទី ៣០ ខែវិច្ឆិកានេះ បានឲ្យដឹងថា អាជ្ញាធរក្រុងហុងកុងបានសម្រេចធ្វើការហាមឃាត់អ្នកដំណើរមកពីប្រទេសចំនួន ១៣បន្ថែមទៀត មិនឲ្យចូលក្នុងទឹកដីខ្លួនឡើយដើម្បីទប់ស្កាត់ការចម្លងនៃមេរោគជំងឺកូវីដ ១៩ បំប្លែងខ្លួនថ្មីប្រភេទអូមីក្រុង។ ក្រុមអ្នកដំណើរដែលត្រូវបានហាមឃាត់ដោយអាជ្ញាធរក្រុងកុងនោះ គឺជាក្រុមអ្នកទេសចរណ៍ ឬពលរដ្ឋដែលគ្មានសិទ្ធស្នាក់នៅស្របច្បាប់ក្នុងក្រុងហុងកុងនិងធ្លាប់មានប្រវត្តិធ្វើដំណើរឆ្លងកាត់ប្រទេសអូស្រ្តាលី កាណាដា អ៊ីស្រាអែល ប្រទេសចំនួន ៤ នៅតំបន់អាហ្រ្វិក និងប្រទេសចំនួន ៦នៅតំបន់អឺរ៉ុបក្នុងរយៈពេល ២១ថ្ងៃចុងក្រោយនេះ។ ដោយឡែកសម្រាប់ពលរដ្ឋហុងកុង ឬពលរដ្ឋបរទេសដែលទទួលបានសិទ្ធស្នាក់នៅដោយស្របច្បាប់ក្នុងទីក្រុងហុងកុងអាចធ្វើដំណើរត្រលប់មកក្រុងហុងកុងវិញបាននៅពេលនេះ តែពួកគេត្រូវអនុវត្តតាមវិធានការធ្វើចត្តាឡីស័កថ្មីដែលទើបបានដាក់ចេញដោយអាជ្ញាធរសុខាភិបាលហុងកុង។ វិធានការធ្វើចត្តាឡីស័កថ្មីនេះ គឺតម្រូវឲ្យអ្នកដំណើរត្រូវធ្វើចត្តាឡីស័ករយៈពេល ៣សប្តាហ៍ ដោយក្នុងសប្តាហ៍ទី ១

កាលពីថ្ងៃចន្ទ ទី២៩ ខែវិច្ឆិកា ម្សិលមិញនេះ ក្រុមហ៊ុនផលិតវ៉ាក់សាំងជាច្រើនរួមមានក្រុមហ៊ុន BioNTech, Moderna និង Johnson & Johnson បានផ្តើមធ្វើការសិក្សាអំពីជម្រើសនៃការផលិតវ៉ាក់សាំងថ្មីមួយ ដែលផ្តោតជាពិសេសសម្រាប់ប្រឆាំងនឹងមេរោគជំងឺកូវីដ ១៩ ប្រភេទអូមីក្រុង។ គួរបញ្ជាក់ថា គិតត្រឹមពេលនេះគេនៅមិនទាន់ដឹងច្បាស់ថា មេរោគកូវីដ ១៩ ប្រភេទអូមីក្រុងពិតមានជាមានសមត្ថភាពអាចយកឈ្នះលើវ៉ាក់សាំងនាពេលបច្ចុប្បន្ននេះបានមែនឬអត់នោះទេ តែអ្វីដែលបានដឹងច្បាស់អំពីវានៅពេលនេះគឺអូមីក្រុងអាចចម្លងបានលឿន បើទោះជានៅក្នុងចំណោមពលរដ្ឋដែលបានចាក់វ៉ាក់សាំងបង្ការរួចហើយក៏ដោយ។ បើទោះជាយ៉ាងនេះក្តីក្រុមហ៊ុនផលិតវ៉ាក់សាំងខាងលើបានបញ្ជាក់ថា ពួកគេត្រូវតែត្រៀមខ្លួនទុកមុនព្រោះក្នុងករណីដែលវ៉ាក់សាំងនាពេលបច្ចុប្បន្នពិតជាមិនអាចប្រឆាំងនឹងមេរោគអូមីក្រុងបានមែនទោះ ពួកគេក៏មានជម្រើសអាចផលិតវ៉ាក់សាំងថ្មីសម្រាប់ជួយមនុស្សជាតិឲ្យបានទាន់ពេលវេលាផងដែរ។ បើតាមលោក Stéphane Bance នាយកប្រតិបត្តិក្រុមហ៊ុន Moderna បានឲ្យដឹងថា ក្រុមហ៊ុនរបស់លោកនឹងត្រូវការពេលវេលាជាច្រើនខែសម្រាប់ធ្វើការសិក្សាអំពីជម្រើសនៃការផលិតវ៉ាក់សាំងថ្មីនេះ។​ ដោយឡែក ក្រុមហ៊ុន

សិង្ហបុរី៖ យោងតាមសេចក្តីរាយការណ៍របស់បណ្តាញសារព័ត៌មាន Channel News Asia នៅព្រឹកថ្ងៃចន្ទ ទី២៩ ខែវិច្ឆិកានេះ បានឲ្យដឹងថា ប្រទេសសិង្ហបុរីបានសម្រេចពន្យាពេលអនុវត្តផែនការទទួលយកអ្នកដំណើរអន្តរជាតិដែលបានចាក់វ៉ាក់សាំងបង្ការជំងឺកូវីដ ១៩ រួចពីប្រទេសកាតា អារ៉ាប៊ីសាអូឌីត និងអារ៉ាប់រួមជាបន្ទាន់ ដ្បិតសិង្ហបុរីមានការព្រួយបារម្ភខ្លាំងចំពោះការរាតត្បាតជំងឺកូវីដ ១៩ បំប្លែងខ្លួនថ្មីប្រភេទអូមីក្រុង។ គួរបញ្ជាក់ថា តាមគម្រោងគឺនៅថ្ងៃទី ៦ ខែឆ្នូ ខាងមុខនេះ សិង្ហបុរីនឹងផ្តើមអនុវត្តគម្រោង Vaccinated Travel Lanes (VTL) ដែលតាមរយៈគម្រោងនេះគឺប្រលានយន្តហោះសិង្ហបុរីនឹងអនុញ្ញាតឲ្យមានការចុះចតនូវជើងហោះហើរ ដែលផ្ទុកអ្នកដំណើរចាក់វ៉ាក់សាំងកូវីដ ១៩ រួចពីបណ្តាប្រទេសនៅតំបន់អារ៉ាប់ខាងលើនេះ។ គួររម្លឹកថា កាលពីប៉ុន្មានថ្ងៃមុននេះអាជ្ញាធរសិង្ហបុរីបានសម្រេចផ្អាកជើងហោះហើរពីប្រទេសមួយចំនួននៅតំបន់អាហ្វ្រិករួចហើយមានដូចជាប្រទេសបូតស្វាណា អេសវ៉ាទីនី

ចិន៖ យោងតាមការចុះផ្សាយនៅក្នុងបណ្តាញសារព័ត៌មាន Channel News Asia បានឲ្យដឹងថា​ ក្រុងចំនួន ២នៅតំបន់ភាគខាងជើងប្រទេសចិនបានសម្រចដាក់ចេញនូវវិធានការរឹតបន្តឹងមួយចំនួនដើម្បីទប់ស្កាត់ការរាតត្បាតជំងឺកូវីដ ១៩ ជាពិសេសគឺមេរោគបំប្លែងខ្លួនប្រភេទអូមីក្រុង បើទោះជាពេលនេះចិននៅមិនទាន់រកឃើញករណីឆ្លងមេរោគថ្មីនេះក៏ដោយ។ វិធានការដែលអាជ្ញាធរចិនបានដាក់ឲ្យអនុវត្តនៅក្នុងទីក្រុងដែលមានហានិភ័យនៃការចម្លងមេរោគខ្ពស់នេះរួមមានផ្អាកការដឹកជញ្ជូនសាធារណៈនិងរឹតបន្តឹងរាល់ការធ្វើដំណើររបស់ពលរដ្ឋ បើទោះជាការធ្វើដំណើរនោះមិនចេញក្រៅក្រុងក៏ដោយ។ គួររម្លឹកថា ការសម្រេចដាក់ចេញវិធានការបន្ទាន់ខាងលើនេះត្រូវបានធ្វើឡើងក្រោយអាជ្ញាធរចិនបានរកឃើញករណីចម្លងនៅក្នុងសហគមន៍ក្នុងតំបន់ភាគខាងជើងប្រទេសចំនួន ២១ ករណី កាលពីថ្ងៃអាទិត្យ ទី២៨ ខែវិច្ឆិកា ម្សិលមិញនេះ ដែលចំនួននេះមានការកើនឡើងគួរឲ្យកត់សម្គាល់បើធៀបទៅនឹងរយៈពេលប៉ុន្មានសប្តាហ៍ចុងក្រោយនេះ។ សូមបញ្ជាក់ជូនថា តួលេខអ្នកឆ្លងជំងឺកូវីដ១៩ ចំនួន​ ២១ករណីក្នុងមួយថ្ងៃហាក់មិនច្រើននោះទេសម្រាប់ប្រទេសមួយចំនួន តែចំនួននេះគឺជាឧបសគ្គមួយរារាំងមិនឲ្យចិនអាចសម្រេចបាននៅផែនការដាច់ខាតមួយគឺផែនការទប់ស្កាត់ការចម្លងកូវីដ ១៩ឲ្យនៅត្រឹមកម្រិតសូន្រ មុនពេលចិនត្រូវធ្វើជាម្ចាស់ផ្ទះរៀបចំព្រឹត្តិការណ៍កីឡាអូឡាំពិករដូវរងានៅក្នុងខែកុម្ភៈ ឆ្នាំ ២០២២ ខាងមុខនេះ៕ អត្ថបទ៖ ភក្តី

អង់គ្លេស៖ យោងតាមការចុះផ្សាយនៅក្នុងបណ្តាញសារព័ត៌មាន BBC បានឲ្យដឹងថា ប្រទេសអង់គ្លេសបានរកឃើញករណីវិជ្ជមានមេរោគកូវីដ ១៩ បំប្លែងថ្មី អូមីក្រុងមួយករណីបន្ថែមទៀត ដែលធ្វើឲ្យចំនួនអ្នកវិជ្ជមានមេរោគថ្មីនេះសរុបនៅអង់គ្លេសកើនដល់ ៣ ករណីផងដែរ។ ប្រភពខាងលើបានបន្តថា ការរកឃើញករណីវិជ្ជមានទី ៣នេះ ត្រូវបានធ្វើឡើងចំពោះសំណាកបុរសម្នាក់ដែលធ្លាប់ធ្វើដំណើរមកកាន់តំបន់ Westminster ក្នុងទីក្រុងឡុងដ៍ ខណៈរហូតមកទល់នឹងពេលនេះបុរសរូបនេះបានធ្វើដំណើរចេញពីប្រទេសអង់គ្លេសបាត់ទៅហើយ។ គួរបញ្ជាក់ថា ការរកឃើញខាងលើនេះក៏ត្រូវបានធ្វើឡើងស្របពេលដែលអាជ្ញាធរសុខាភិបាលអង់គ្លេសបានផ្តើមអនុវត្តវិធានការការពារមួយចំនួនឡើងវិញដូចជា ណែនាំឲ្យពលរដ្ឋត្រូវពាក់ម៉ាស់ពេលដើរទិញទំនិញ ឬមកកន្លែងសាធារណៈ ហើយក្មេងៗសិស្សសាលាដែលមានអាយុចាប់ពី ៧ឆ្នាំឡើង និងបុគ្គលិកក្នុងសាលារៀនត្រូវពាក់ម៉ាស់នៅក្នុងសហគមន៍របស់ពួកគេ។ គួរបញ្ជាក់ជូនផងដែរថា អូមីក្រុងគឺជាមេរោគនៃជំងឺកូវីដ ១៩ បំប្លែងខ្លួនថ្មីដែលត្រូវបានគេរកឃើញនៅតំបន់អាហ្វ្រិកខាងត្បូង ហើយតាមការសន្និដ្ឋានជាបឋមគឺមេរោគប្រភេទអាចចម្លងបានលឿននិងទំនងជាអាចយកឈ្នះលើវ៉ាក់សាំងនាពេលបច្ចុប្បន្ននេះទៅទៀត៕ អត្ថបទ៖ ភក្តី ប្រភព៖ BBC  

អាមេរិក៖ បណ្តាញសារព័ត៌មាន Channel News Asia បានរាយការណ៍ថា ថ្នាំប្រឆាំងនឹងជំងឺកូវីដ ១៩ ផលិតឡើងដោយក្រុមហ៊ុន Merck គឺមានប្រសិទ្ធភាពអាចព្យាបាលជំងឺកូវីដ ១៩ បាន  នេះបើយោងតាមការសិក្សារបស់រដ្ឋបាលផ្នែកឱសថនិងចំណីអាហារអាមេរិកដែលបានបង្ហាញកាលថ្ងៃសុក្រ ទី២៦ ខែវិច្ឆិកា ម្សិលមិញនេះ។​ នៅក្នុងការសិក្សានោះគេបានធ្វើការពិសោធន៍ទៅលើក្រុមអ្នកស័្មគ្រចិត្តចំនួន ៧០០នាក់ ហើយលទ្ធផលបានបង្ហាញថា ប្រសិនបើអ្នកជំងឺបានលេបថ្នាំនេះភ្លាមក្រោមពេលឆ្លងជំងឺ ១៩ គឺថ្នាំនឹងមានប្រសិទ្ធភាពជួយកាត់បន្ថយអាត្រាមានជំងឺធ្ងន់ធ្ងរ ឬស្លាប់រហូតដល់ ៣០% ។ យ៉ាងណាក្តី ក្រុមអ្នកជំនាញបានប្រាប់ឲ្យមានការប្រុងប្រយ័ត្នចំពោះការប្រើប្រាស់ថ្នាំដែលមានឈ្មោះថា Molnupiravir នេះទៅលើក្រុមស្រ្តីមានផ្ទៃពោះព្រោះការសិក្សាបានបង្ហាញថា គុណប្រយោជន៍ដែលស្រ្តីមានផ្ទៃពោះអាចទទួលបានពីថ្នាំនេះគឺមានតិចជាងគុណវិបត្តិ។ យ៉ាងណាក្តី គេនៅមិនអាចបញ្ជាក់បានច្បាស់ទេថា ផលប៉ះពាល់ដែលស្រ្តីមានផ្ទៃពោះអាចទទួលបានពីការលេបថ្នាំ Molnupiravir