ក្រុមហ៊ុនផលិតឱសថ Pfizer និង BioNTech បានឲ្យដឹងកាលពីថ្ងៃពុធ ទី៨ ខែធ្នូ ម្សិលមិញថា ការចាក់វ៉ាក់សាំងរបស់ក្រុមហ៊ុនខ្លួនចំនួន ៣ដូសអាចបន្សាបមេរោគកូវីដ ១៩ បំប្លែងខ្លួនប្រភេទអូមីក្រុងបាន។ គួររម្លឹកថា វ៉ាក់សាំងបង្ការជំងឺកូវីដ ១៩ ដែលជាទូទៅគេស្គាល់ថា វ៉ាក់សាំងឈ្មោះ Pfizer នោះ គឺជាផលិតផលរួមរបស់ក្រុមហ៊ុនផលិតឱសថអាមេរិក Pfizer សហការណ៍ជាមួយក្រុមហ៊ុនផលិតឱសថអាឡឺម៉ង់ BioNTech ហើយនាពេលកន្លងមកវ៉ាក់ប្រភេទនេះត្រូវបានគេរកឃើញថា ជាវ៉ាក់សាំងដែលមានប្រសិទ្ធភាពខ្ពស់ក្នុងការប្រឆាំងទៅនឹងមេរោគនៃជំងឺកូវីដ ១៩ ទូទៅ ពោលគឺប្រសិទ្ធភាពរបស់វាអាចមានរហូតដល់ជាង ៩០% ឯណោះ សម្រាប់ការចាក់ចំនួន ២ដូស។ បើតាមលោក Ozlem Tuereci ដែលជាប្រធានផ្នែកវេជ្ជសាស្ត្រនៃក្រុមហ៊ុន BioNTech បានលើកយកលទ្ធផលនៃការសិក្សាមួយមកបង្ហាញថា

កូរ៉េខាងត្បូង៖ យោងតាមការចុះផ្សាយនៅក្នុងបណ្តាញសារព័ត៌មាន Channel News Asia បានឲ្យដឹងថា នៅក្នុងថ្ងៃពុធ ទី៨ ខែធ្នូនេះ ប្រទេសកូរ៉េខាងត្បូងបានរកឃើញអ្នកឆ្លងជំងឺកូវីដ ១៩ ប្រចាំថ្ងៃជាង ៧,០០០នាក់ ដែលចំនួននេះគឺជាតួលេខដ៏ច្រើនបំផុតមិនធ្លាប់មានទាល់តែសោះសម្រាប់កូរ៉េខាងត្បូងរាប់ចាប់តាំងពីមានការរាតត្បាតជំងឺកូវីដ ១៩មក។​ បើតាមលោកនាយករដ្ឋមន្ត្រីកូរ៉េខាងត្បូង Kim Boo-kyum បានបញ្ជាក់ថា ក្នុងរយៈពេល ២៤ម៉ោងចុងក្រោយនេះអាជ្ញាធរសុខាភិបាលកូរ៉េខាងត្បូងបានរកឃើញអ្នកឆ្លងជំងឺកូវីដ ១៩ ថ្មីចំនួន ៧,១៧៥ករណីនិងបានរកឃើញអ្នកស្លាប់ចំនួន ៦៣ករណីផងដែរ។ គួររម្លឹកថា ក្នុងរយៈពេល ១ខែកន្លងមកនេះចំនួនអ្នកឆ្លងជំងឺកូវីដ ១៩ នៅក្នុងប្រទេសកូរ៉េខាងត្បូងបានបន្តកើនឡើងគួរឲ្យកត់សម្គាល់ ក្រោយពេលរដ្ឋាភិបាលកូរ៉េខាងត្បូងសម្រេចអនុវត្តយន្តការមួយគឺ “រស់នៅជាមួយកូវីដ ១៩” ដែលតាមរយៈយន្តការនេះអាជ្ញាធរកូរ៉េខាងត្បូងបានលុបចោលវិធានការរឹតបន្តឹងប្រទេសជាច្រើនផងដែរ។

អូស្រ្តាលី៖ បណ្តាញសារព័ត៌មាន Daily Mail  បាយរាយការណ៍នៅព្រឹកថ្ងៃពុធ ទី៨ ខែធ្នូនេះថា រដ្ឋ Queensland ប្រទេសអូស្ត្រាលីបានរកឃើញករណីអ្នកឆ្លងជំងឺកូវីដ ១៩ បំប្លែងខ្លួនថ្មីប្រភេទអូមីក្រុងជាលើកដំបូងហើយ ខណៈអាជ្ញាធរសុខាភិបាលប្រចាំរដ្ឋមួយបានអះអាងថា បានរកឃើញមេរោគបំប្លែងខ្លួនថ្មីមួយប្រភេទបន្ថែមទៀតផងដែរ។ ការរកឃើញករណីឆ្លងវ៉ារ៉្យង់អូមីក្រុងនេះគឺត្រូវបានរកឃើញចំពោះអ្នកដំណើរចំនួន ២ នាក់ ដោយក្នុងនោះមានម្នាក់គឺជាពលរដ្ឋនីហ្សេរីយ៉ា ដែលបានធ្វើដំណើរពីទីក្រុង Sydney ទៅកាន់ទីក្រុង Cairns រដ្ឋ Queensland កាលពីថ្ងៃទី ៣​​ ខែធ្នូកន្លងទៅ ហើយនៅថ្ងៃទី ៨ ខែធ្នូនេះរូបគាត់ត្រូវបានធ្វើតេស្តវិជ្ជមានជំងឺកូវីដ ១៩ ប្រភេទអូមីក្រុង ដែលជាមេរោគកំពុងបង្កការព្រួយបារម្ភខ្លាំងនៅជុំវិញពិភពលោកនាពេលបច្ចុប្បន្ននេះ។ ដោយឡែកសម្រាប់ករណីទី

អាហ្រ្វិកខាងត្បូង៖ ការសិក្សាមួយបានរកឃើញថា វ៉ាក់សាំងបង្ការជំងឺកូវីដ ១៩ ប្រភេទ Pfizer  មានប្រសិទ្ធភាពអាចការពារវ៉ារ្យ៉ង់អូមីក្រុងបានត្រឹមផ្នែកខ្លះប៉ុណ្ណោះ នេះបើយោងតាមការចុះផ្សាយនៅក្នុងបណ្តាញសារព័ត៌មាន Channel News Asia កាលពីព្រឹកថ្ងៃពុធ ទី៨ ខែធ្នូនេះ។ ការសិក្សាខាងលើនេះត្រូវបានធ្វើឡើងដោយវិទ្យាស្ថានស្រាវជ្រាវសុខភាពអាហ្វ្រិក ដែលមានមូលដ្ឋាននៅក្នុងប្រទេសអាហ្វ្រិកខាងត្បូង ហើយនៅក្នុងការសិក្សានោះគេបានធ្វើការពិសោធន៍ទៅលើឈាមមនុស្សចំនួន ១២នាក់ផ្សេងគ្នា ដែលធ្លាប់បានចាក់វ៉ាក់សាំងបង្ការជំងឺកូវីដ ១៩ ប្រភេទ Pfizer រួចរាល់នាពេលកន្លងមក។ លោកវេជ្ជបណ្ឌិត Alex Sigal ដែលជាសាស្ត្រាចារ្យដឹកនាំការសិក្សាខាងលើបានបកស្រាយអំពីលទ្ធផលនៃការសិក្សាថា ឈាមមនុស្ស ៥នាក់ក្នុងចំណោមមនុស្សចំនួន ៦នាក់ ដែលជាអ្នកបានចាក់វ៉ាក់សាំងបង្ការជំងឺកូវីដ ១៩រួច ក៏ដូចជាអ្នកធ្លាប់មានប្រវត្តិកើតជំងឺកូវីដ ១៩ នោះគឺពួកគេនៅតែមានហានិភ័យខ្ពស់ក្នុងការឆ្លងមេរោគអូមីក្រុង។

អគ្គនាយកក្រុមហ៊ុនផលិតឱសថអាមេរិក Moderna  គឺលោក Stephane Bancel បានឲ្យដឹងថា វ៉ាក់សាំងបង្ការជំងឺកូវីដ ១៩ នាពេលបច្ចុប្បន្ននេះទំនងជាមិនអាចប្រឆាំងនឹងមេរោគអូមីក្រុងបាននោះទេ ដ្បិតមេរោគប្រភេទនេះមានសមត្ថភាពអាចផ្លាស់ប្តូររូបរាងបានច្រើនខ្លាំងណាស់។ ការថ្លែងដូចនេះត្រូវបានធ្វើឡើងក្នុងឱកាសដែលលោកបានផ្តល់បទសម្ភាសន៍ជាមួយបណ្តាញសារព័ត៌អន្តរជាតិ Financial Times កាលពីថ្ងៃអង្គារកន្លងទៅនេះដោយលោកបានពន្យល់ថា មេរោគអូមីក្រុងអាចធ្វើការផ្លាស់ប្តូររូបរាងបានចន្លោះពី ៣២-៥០ ដង ហើយកត្តានេះហើយដែលអាចជួយឲ្យមេរោគអូមីក្រុងអាចគេចខ្លួនពីការតាមកម្ចាត់របស់វ៉ាក់សាំងគ្រប់ប្រភេទដែលគេកំពុងប្រើប្រាស់នាពេលបច្ចុប្បន្ន។ លោក Stephane Bancel លោក Stephane Bancel បានបន្តថា ការសិក្សាស៊ីជម្រៅអំពីប្រសិទ្ធភាពរបស់វ៉ាក់សាំងនាពេលបច្ចុប្បន្នជាមួយនឹងមេរោគអូមីក្រុងអាចនឹងបង្ហាញលទ្ធផលជាផ្លូវការនៅក្នុងរយៈពេល ២ខែបន្ទាប់ទៀត តែយ៉ាងណាក្តីក្រុមអ្នកវិទ្យាសាស្រ្តគ្មានសុទិដ្ឋិនិយមថា វ៉ាក់សាំងនាពេលបច្ចុប្បន្នអាចយកឈ្នះលើមេរោគអូមីក្រុងបាននោះទេ។ ដោយការយល់ឃើញដូចនេះហើយទើបក្រុមហ៊ុនផលិតឱសថជាច្រើនកំពុងតែរិះរករូបមន្តដើម្បីផលិតវ៉ាក់សាំងថ្មីដែលមានលក្ខណៈពិសេសសម្រាប់ប្រឆាំងនឹងមេរោគអូមីក្រុង។ លោក Stephane Bancel បានបញ្ជាក់ផងដែរថា

ចិន៖ ទីប្រឹក្សាជាន់ខ្ពស់របស់រដ្ឋាភិបាលចិនម្នាក់បានបានថ្លែងថា ចិនមិនអាចរស់នៅជាមួយកូវីដ-១៩ បានទោះទេ ព្រោះកូវីដ-១៩ អាចបង្កឲ្យពលរដ្ឋចិនជាច្រើននាក់ត្រូវមានជំងឺធ្ងន់ធ្ងរឬស្លាប់បាត់បង់ជីវិត ហើយវាក៏អាចបង្កឲ្យមានវិបត្តិនយោបានធ្ងន់ធ្ងរផងដែរ។ ទីប្រឹក្សាជាន់ខ្ពស់រូបនេះមានឈ្មោះថា Liang Wannian ជាអតីតមន្ត្រីនៃគណៈកម្មការសុខភាពជាតិ ហើយបច្ចុប្បន្នរូបគាត់ជាប្រធានក្រុមអ្នកជំនាញប្រឹក្សារដ្ឋាភិបាលចិន។ ក្នុងកិច្ចសម្ភាសន៍មួយជាមួយបណ្តាញទូរទស្សន៍ China Central Television លោក Liang Wannian បានពន្យល់ថា ចិនជាប្រទេសដែលមានប្រជាជនច្រើនពោលគឺរហូតដល់ ១,៤ ពាន់លាននាក់ ដែលកត្តានេះគឺងាយបង្កឲ្យមានការចម្លងជំងឺកូវីដ ១៩ ពីមនុស្សម្នាក់ទៅកាន់មនុស្សម្នាក់ទៀតខ្លាំងណាស់ ដូចនេះបើកូវីដ-១៩ នៅបន្តកើតមានក្នុងសហគមន៍ចិន គឺវាអាចធ្វើឲ្យពលរដ្ឋចិនជាច្រើននាក់ត្រូវធ្លាក់ខ្លួនឈឺធ្ងន់ធរឬស្លាប់តែម្តង។ លោកបានបន្តថា វិបត្តិនៃជំងឺកូវីដ ១៩ ក៏បានធ្វើឲ្យប៉ះពាល់ដល់វិស័យសុខាភិបាលសាធារណៈ បង្កឲ្យមានវិបត្តិសង្គម

អាមេរិក៖ កាលពីថ្ងៃចន្ទ ទី៦​ ខែធ្នូ ម្សិលមិញនេះសហរដ្ឋអាមេរិកបានប្រកាសជាផ្លូវការអំពីការធ្វើពហិការការទូតចំពោះព្រឹត្តិការណ៍កីឡាអូឡាំពិករដូវរងានៅក្នុងទីក្រុងប៉េកាំង ប្រទេសចិន ដែលគ្រោងនឹងរៀបចំឡើងនៅក្នុងអំឡុងខែកុម្ភៈ ឆ្នាំ ២០២២ ខាងមុខនេះ។ ពហិការការទូតរបស់ទីក្រុងវ៉ាស៊ីនតោននៅពេលនេះត្រូវបានធ្វើឡើងដើម្បីថ្កោលទោសចំពោះសកម្មភាពរំលោភបំពានសិទ្ធមនុស្ស ដែលអាជ្ញាធរចិនបានធ្វើយ៉ាង​ព្រៃផ្សៃចំពោះក្រុមពលរដ្ឋកាន់សាសនាឥស្លាមអ៊ុយហ្គួ នៅតំបន់ Xinjiang ភាគខាងជើងប្រទេសចិន នាពេលកន្លងមក។ សូមបញ្ជាក់ថា ក្នុងការធ្វើពហិការការទូតនេះគឺអាមេរិកនឹងមិនបញ្ជូនអ្នកតំណាងការទូតឬមន្ត្រីតំណាងឲ្យសហរដ្ឋអាមេរិកណាម្នាក់ទៅចូលរួមក្នុងព្រឹត្តិការណ៍កីឡាអូឡាំពិករដូវរងាឡើយ ខណៈក្រុមអត្តពលិកជម្រើសជាតិអាមេរិកនឹងបន្តចូលរួមក្នុងព្រឹត្តិការណ៍កីឡានេះជាធម្មតាតាមការគ្រោងទុក។ ភ្លាមៗក្រោយការប្រកាសធ្វើពហិការការទូតរបស់អាមេរិក ទីក្រុងប៉េកាំងនៅមិននាន់មានប្រតិកម្មឆ្លើយតបទៅវិញនៅឡើយទេ តែក្រសួងការបរទេសចិនបានអះអាងថានឹងចាត់វិធានការយ៉ាងម៉ឺងម៉ាត់បំផុតចំពោះការធ្វើពហិការនេះ។ ដោយឡែកសម្រាប់គណៈកម្មាធិការអូឡាំពិកអន្តរជាតិ (IOC) វិញបានលើកឡើងថា រឿងរ៉ាវចម្រូងចម្រាសនេះគឺជាបញ្ហានយោបាយរបស់អាមេរិកនិងចិន ខណៈគណៈកម្មាធិការអូឡាំពិកអន្តរជាតិអនុវត្តគោលការណ៍គោរពអព្យាក្រឹតភាពនយោបាយរបស់ប្រទេសនីមួយៗ ដូចនេះគ្មានអ្នកណាម្នាក់មានសិទ្ធលូកដៃចូលទៅធ្វើអន្តរាគមន៍រឿងនេះឡើយក្រៅតែពីភាគីចិននិងអាមេរិក៕ អត្ថបទ៖ ភក្តី ប្រភព៖ Channel News Asia

អាហ្សង់ទីន៖ ប្រទេសអាហ្សង់ទីនបានរកឃើញករណីអ្នកឆ្លងជំងឺកូវីដ ១៩ បំប្លែងខ្លួនថ្មីប្រភេទអូមីក្រុងជាលើកដំបូងហើយ នេះបើយោងតាមការចុះផ្សាយនៅក្នុងបណ្តាញសារព័ត៌មាន Channel News Asia កាលពីល្ងាចថ្ងៃចន្ទ ទី៦ ខែធ្នូ ម្សិលមិញនេះ។ អ្នកជំងឺកូវីដ ១៩ រូបនេះគឺជាពលរដ្ឋអាហ្សង់ទីនមានអាយុ ៣៨ ឆ្នាំ រស់នៅក្នុងខេត្ត San Luis ភាគខាងលិចប្រទេសអាហ្សង់ទីន ហើយរូបគាត់ធ្លាប់មានប្រវត្តិធ្វើដំណើរមកពីប្រទេសអាហ្វ្រិកខាងត្បូងកាលពីថ្ងៃទី ៣០ ខែវិច្ឆិកាកន្លងទៅនេះ។ ប្រភពខាងលើបានបន្តថា មុនពេលចេញដំណើរមកពីប្រទេសអាហ្វ្រិកខាងត្បូងអ្នកជំងឺរូបនេះបានធ្វើតេស្តរកជំងឺកូវីដ ១៩ ដោយម៉ាស៊ីនធំម្តង (PCR ) ហើយពេលទីដល់ទីក្រុង Buenos Aires ប្រទេសអាហ្សង់ទីនភ្លាមគាត់ក៏បានធ្វើតេស្តដោយឧបករណ៍តេស្តរហ័សម្តងទៀត​ តែលទ្ធផលគឺអវិជ្ជមានទាំងអស់។

ឥណ្ឌូនេស៊ី៖ ភ្នំភ្លើងដ៏ខ្ពស់មួយដែលមានឈ្មោះថា Semeru មានទីតាំងស្ថិតនៅលើកោះចាវ៉ា ប្រទេសឥណ្ឌូនេស៊ីបានផ្ទុះឡើងកាលថ្ងៃអាទិត្យ ទី៥ ខែធ្នូម្សិលមិញនេះ ខណៈគិតត្រឹមពេលនេះឥទ្ធិពលនៃការផ្ទុះភ្នំភ្លើងនៅតែបន្តគំរាមគំហែងដល់សុវត្ថិភាពប្រជាពលរដ្ឋនៅឡើយ នេះបើយោងតាមការចុះផ្សាយនៅក្នុងបណ្តាញសារព័ត៌មាន Channel News Asia នាព្រឹកថ្ងៃច​ន្ទ ទី៦ ខែធ្នូនេះ។ បើតាមរបាយការណ៍របស់អាជ្ញាធរគ្រប់គ្រងគ្រោះមហន្តរាយឥណ្ឌូនេស៊ីបានបង្ហាញថា គិតត្រឹមនេះមានពលរដ្ឋឥណ្ឌូនេស៊ីចំនួន ១៤នាក់បានស្លាប់ ជាច្រើននាក់រងរបួសធ្ងន់ធ្ងរ និងមួយចំនួនផ្សេងទៀតកំពុងបាត់ខ្លួនក្រោយកើតមានហេតុការណ៍ផ្ទុះភ្នំភ្លើងខាងលើនេះ។ ប្រភពខាងលើបានបន្តថា ប្រតិបត្តិការណ៍ស្រាវជ្រាវនិងជួយសង្គ្រោះជនរងគ្រោះកំពុងជួបប្រទះនឹងឧបសគ្គយ៉ាងខ្លាំង ដ្បិតនៅពេលនេះភ្លៀងបានធ្លាក់យ៉ាងច្រើននិងមានខ្យល់យ៉ាងខ្លាំងទៀតផងនៅជុំវិញតំបន់ដែលមានការផ្ទុះភ្នំភ្លើងនោះ។ ទន្ទឹមគ្នានេះលោក Liswanto ដែលជាអ្នកជំនាញនិងបានតាមដានហេតុការណ៍ផ្ទុះភ្នំភ្លើង Semeru​ យ៉ាងយកចិត្តទុកដាក់នោះបានបញ្ជាក់ថា  ក្នុងពេលនេះផេះនិងផ្សែងពុលដែលបានភាយចេញពីភ្នំភ្លើងគឺនៅតែអាចបង្កគ្រោះថ្នាក់ដល់សុខភាពប្រជាពលរដ្ឋ ដូចនេះលោកបានណែនាំមិនឲ្យពលរដ្ឋដែលបានរត់គេចខ្លួនកាលពីថ្ងៃម្សិលមិញប្រញាប់ត្រលប់ទៅផ្ទះវិញនៅពេលនេះទេ ហើយរូបលោកនឹងជូនដំណឹងនៅពេលក្រោយទៀតអំពីពេលវេលាជាក់លាក់ដែលពលរដ្ឋទូទៅអាចចូលទៅកាន់តំបន់ភ្នំភ្លើងវិញដោយសុវត្ថិភាព៕ អត្ថបទ៖ ភក្តី ប្រភព៖ Channel

អាមេរិក៖ បណ្តាញសារព័ត៌មាន Channel News Asia បានរាយការណ៍ថា អាមេរិកបន្តរកឃើញករណីឆ្លងជំងឺកូវីដ ១៩ បំប្លែងខ្លួនថ្មីប្រភេទអូមីក្រុងកាន់តែច្រើនឡើង ខណៈបើគិតត្រឹមថ្ងៃទី ៥ ខែធ្នូម្សិលមិញនេះ វ៉ារ៉្យង់អូមីក្រុងកំពុងតែមានវត្តមាននៅក្នុងរដ្ឋប្រមាណជា ១/៣ នៃរដ្ឋសរុបរបស់អាមេរិកហើយ។ បើទោះជាមានការកើនឡើងនៃករណីឆ្លងកូវីដ ១៩ អូមីក្រុងក៏ដោយ តែលោកវេជ្ជបណ្ឌិត Anthony Fauci ដែលជាមន្ត្រីជាន់ខ្ពស់ផ្នែកជំងឺឆ្លងអាមេរិកបានថ្លែងថា គិតត្រឹមពេលនេះគេនៅមិនទាន់មើលឃើញថាវ៉ារ្យ៉ង់អូមីក្រុងពិតជាអាចបង្កគ្រោះថ្នាក់ធ្ងន់ធ្ង​រដូចការលើកឡើងនាពេលកន្លងមកនោះទេ។ លោកវេជ្ជបណ្ឌិត Anthony Fauci បានបន្តថា វាហាក់ដូចជាលឿនពេកដែលគេហ៊ានសន្និដ្ឋានថា វ៉ារ្យ៉ង់អូមីក្រុងមានគ្រោះថ្នាក់ធ្ងន់ធ្ងរទាំងដែលគេមិនទាន់បានសិក្សាអំពីវាឲ្យស៊ីជម្រៅនៅឡើយ។ យ៉ាងណាក្តី លោកវេជ្ជបណ្ឌិតរូបនេះក៏មិនបានមើលស្រាលចំពោះវ៉ារ្យ៉ង់អូមីក្រុងដែរ ដោយលោកបានអំពាវនាវឲ្យពលរដ្ឋអាមេរិកប្រញាប់ទៅចាក់វ៉ាក់សាំងបង្ការជំងឺកូវីដ ១៩ឲ្យបានគ្រប់ៗគ្នានិងបានណែនាំមិនឲ្យពលរដ្ឋមានការភ័យស្លន់ស្លោខ្លាំងពេកនោះទេ ព្រោះលោកយល់ឃើញថាការចាក់វ៉ាក់សាំងនិងអនុវត្តវិធានការអនាម័យនៅតែមានប្រសិទ្ធភាពក្នុងការប្រឆាំងទៅនឹងមេរោគកូវីដ