អ៊ីតាលី៖ មនុស្សមួយចំនួននៅតែចចេសមិនចង់ពាក់ម៉ាស់បើទោះជាដឹងច្បាស់ហើយថា ការពាក់ម៉ាស់នៅតាមទីសាធារណៈគឺរឿងចាំបាច់បំផុតក្នុងការទប់ស្កាត់ការចម្លងជំងឺកូវីដ ១៩។ សម្រាប់មនុស្សគ្មានសីលធម៌មួយចំនួនវិញមិនត្រឹមតែព្រងើយកន្តើយនឹងកាតព្វកិច្ចពាក់ម៉ាស់នោះទេ តែពួកគេថែមទាំងមានប្រតិកម្មបែបអវិជ្ជមានទៀតផងនៅពេលដែលមានអ្នកណាម្នាក់ណែនាំឲ្យពួកគេពាក់ម៉ាស់។ ជាក់ស្តែងមានស្រ្តីអ្នកដំណើរជនជាតិអ៊ីតាលីម្នាក់បានវាយគេផ្អើលពេញយន្តហោះ ព្រោះតែគេបានណែនាំឲ្យគាត់ពាក់ម៉ាស់ក្នុងអំឡុងពេលជិះយន្តហោះ ខណៈដែលនៅក្នុងយន្តហោះនោះគឺមានតែគាត់ម្នាក់ប៉ុណ្ណោះដែលមិនព្រមពាក់ម៉ាស់ឲ្យបានត្រឹមត្រូវ។ បើយោងតាមការចុះផ្សាយនៅក្នុងសារព័ត៌មាន DAILY MAIL បានឲ្យដឹងថា ហេតុការណ៍នេះបានកើតឡើងនៅលើយន្តហោះដឹកអ្នកដំណើររបស់ក្រុមហ៊ុនអាកាសចរណ៍ Ryanair  ដែលមានទិសដៅហោះហើរចេញពីក្រុង Ibiza ឆ្ពោះទៅកាន់ក្រុង Milan ក្នុងប្រទេសអ៊ីតាលី។ ប្រភពបានបន្តថា ពេលអ្នកដំណើរបានឡើងលើយន្តហោះរួចអស់និងកំពុងរៀបចំខ្លួនសម្រាប់ការហោះហើរនោះ ស្រាប់តែគេបានប្រទះឃើញស្រ្តីជាជនបង្កហេតុខាងលើបានទាញម៉ាស់មកទុកត្រឹមចង្កាដែលសកម្មភាពនេះគឺស្មើនឹងគាត់មិនបានពាក់ម៉ាស់ដែរ។ ភ្លាមនោះទាំងអ្នកបម្រើការងារនៅលើយន្តហោះនិងអ្នកដំណើរដែលអង្គុយក្បែរគាត់បានព្យាយាមស្នើសុំឲ្យគាត់ពាក់ម៉ាស់ឲ្យបានត្រឹមត្រូវ តែរូបគាត់បែជាខឹងគេហើយស្រែងឡូឡាផ្អើកគេផ្អើលឯងនិងស្ទុះទៅវាយតប់គេតែម្តង។ រំពេចនោះក្រុមអ្នកបម្រើការងារនៅលើយន្តហោះបានចាប់គាត់ចេញពីយន្តហោះនិងដកសិទ្ធលែងឲ្យគាត់ធ្វើដំណើរតែម្តង។ លោកអ្នកអាចទស្សនាហេតុការណ៍នេះដូចក្នុងវីដេអូខាងក្រោម៖ អត្ថបទ៖ ភក្តី ប្រភព៖ DAILY MAIL

ថៃ៖ យោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានឲ្យដឹងថា នៅក្នុងថ្ងៃអង្គារ ទី១ ខែ មិថុនានេះ អាជ្ញាធរសុខាភិបាលនៃប្រទេសថៃបានរកឃើញអ្នកឆ្លងជំងឺកូវីដ ១៩ ថ្មីចំនួន ២,២៣០នាក់ រីឯអ្នកស្លាប់ដោយសារជំងឺកូវីដ ១៩ វិញគឺមានចំនួន ៣៨នាក់។ បើយោងតាមមជ្ឈមណ្ឌលគ្រប់គ្រងជំងឺកូវីដ ១៩ ថៃបានបញ្ជាក់ថា ក្នុងចំណោមអ្នកឆ្លងទាំងអស់ ក្នុងនោះមានអ្នកឆ្លងចំនួន ២,១៥៣នាក់ជាអ្នកឆ្លងទូទៅ ចំណែកឯ ៧៧នាក់ទៀតគឺជាអ្នកទោសដែលកំពុងជាប់ឃុំឃាំង។ សូមបញ្ជាក់ថា គិតមកទល់នឹងពេលនេះថៃបានរកឃើញអ្នកឆ្លងជំងឺកូវីដ ១៩ សរុបចំនួន ១៦២,០២២នាក់ និងស្លាប់សរុបចំនួន ១,០៦៩នាក់៕ អត្ថបទ៖ ភក្តីប្រភព៖ បាងកកប៉ុស្តិ៍

ម៉ាឡេស៊ី៖ យោងតាមការចុះផ្សាយនៅក្នុងសារព័ត៌មាន Channel News Asia បានឲ្យដឹងថា កាលពីថ្ងៃចន្ទ ទី ៣១ ខែ ឧសភា ម្សិលមិញនេះប្រទេសម៉ាឡេស៊ីបានរកឃើញអ្នកឆ្លងជំងឺកូវីដ ១៩ ចំនួន ៦,៨២៤នាក់បន្ថែមទៀត ខណៈអ្នកស្លាប់ដោយសារមានជំងឺជាប់ទាក់ទងនឹងជំងឺកូវីដ ១៩ វិញមានចំនួន ៦៧ នាក់ផងដែរ។ បើយោងតាមអាជ្ញាធរសុខាភិបាលម៉ាឡេស៊ីបានឲ្យដឹងថា ការចម្លងជំងឺកូវីដ ១៩ ក្នុងចំណោមកូនក្មេងគឺជាក្តីបារម្ភថ្មីមួយដែលខាងអាជ្ញាធរកំពុងយកចិត្តទុកដាក់បំផុត​ ព្រោះមួយរយៈចុងក្រោយនេះគឺករណីវិជ្ជមានកូវីដ ១៩ បានកើតមានក្នុងចំណោមពលរដ្ឋក្មេងៗច្រើនណាស់។ គិតចាប់តាំងពីមានការផ្ទុះជំងឺកូវីដ ១៩រហូតមកទល់នឹងពេលនេះម៉ាឡេស៊ីបានរកឃើញអ្នកឆ្លងកូវីដ ១៩ ជាកូនក្មេងជាច្រើនករណីដូចជា កូនក្មេងមានអាយុ​ក្រោម ៤ឆ្នាំមានចំនួន  ១៩,៨៥១

ឥណ្ឌា៖ យោងតាមការចុះផ្សាយនៅក្នុងសារព័ត៌មាន South China Morning Post បានរាយការណ៍ថា យ៉ាងហោចណាស់មានប្រជាពលរដ្ឋឥណ្ឌាចំនួន ២៥ នាក់បានពុលស្រាក្លែងក្លាយស្លាប់កាលពីថ្ងៃអាទិត្យ ទី៣០ ខែឧសភា ម្សិលមិញនេះ។ ហេតុការណ៍អកុសលនេះបានកើតឡើងនៅក្នុងរដ្ឋ Uttar Pradesh ភាគខាងជើងនៃប្រទេសឥណ្ឌា ដែលជារដ្ឋមានប្រជាជនឥណ្ឌារស់នៅច្រើនបំផុត ហើយក្នុងពេលបច្ចុប្បន្ននេះរដ្ឋមួយនេះក៏កំពុងប្រឈមនឹងការរាតត្បាតជំងឺកូវីដ ១៩ ខ្លាំងណាស់ដែរ។ ប្រភពខាងលើបានបន្តថា ក្រុមជនខិលខូចដែលជាអ្នកចែកចាយស្រាក្លែងក្លាយនោះមានចំនួន ១០ នាក់ ហើយសកម្មភាពនៃការលក់ស្រាក្លាយក្លាយនេះបានកើតឡើងស្របពេលអាជ្ញាធរឥណ្ឌាបានចេញបំរាមហាមឃាត់មិនឲ្យពលរដ្ឋធ្វើការជួបជុំគ្នាឬផឹកស៊ីក្នុងចំណោមមនុស្សច្រើននៅតាមទីសាធារណៈដើម្បីទប់ស្កាត់ការរាតត្បាតជំងឺកូវីដ ១៩។  ស្ថិតក្នុងស្ថានភាពអំណោយផលដូចនេះហើយ ទើបក្រុមជនខិលខូចមានគំនិតផលិតស្រាក្លែងក្លាយដើម្បីលក់ជូនពលរដ្ឋដែលមិនអាចចេញទៅផឹកស៊ីជុំគ្នានៅក្រៅផ្ទះបាន។ យ៉ាងណាក្តីរហូតមកទល់នឹងពេលនេះប៉ូលិសបានចាប់ខ្លួនជនខិលខូចទាំងនោះបានអស់ហើយ និងអាចកាត់ផ្តាច់ចរន្តនៃការចែកចាយស្រាក្លែងក្លាយទាំងអស់នោះបានផងដែរ។ តាមរបាយការណ៍មួយបានបញ្ជាក់ថា គិតជាមធ្យមប្រទេសឥណ្ឌាមានតម្រូវការប្រើប្រាស់គ្រឿងស្រវឹងប្រមាណជា ៥

ម៉ាឡេស៊ី៖ យោងតាមការចុះផ្សាយនៅក្នុងសារព័ត៌មាន Thestar បានឲ្យដឹងថា ក្រុមវេជ្ជបណ្ឌិតនៅក្នុងប្រទេសម៉ាឡេស៊ីនឹងទទួលបានសិទ្ធធ្វើការសម្រេចចិត្តផ្តល់គ្រែពេទ្យដែលមានសេវាសង្គ្រោះបន្ទាន់ទៅកាន់អ្នកជំ​ងឺកូវីដ ១៩ ណាម្នាក់តាមការចាំបាច់ជាក់ស្តែង ខណៈអ្នកជំងឺកូវីដ ១៩ នៅក្នុងប្រទេសម៉ាឡេស៊ីបានបន្តកើនឡើងយ៉ាងគំហុករហូតធ្វើឲ្យខាងមន្ទីរពេទ្យត្រូវខ្វះខាតគ្រែសង្គ្រោះបន្ទាន់យ៉ាងច្រើន។ លោកវេជ្ជបណ្ឌិត Noor Hisham Abdullah ដែលជានាយកផ្នែកសុខាភិបាលនៃប្រទេសម៉ាឡេស៊ីបានបញ្ជាក់ថា អ្នកជំងឺកូវីដ ១៩ ដែលនឹងត្រូវផ្តល់គ្រែពេទ្យសង្គ្រោះបន្ទាន់នោះគឺជាអ្នកជំងឺដែលមានភាគរយខ្ពស់ក្នុងការជួយសង្គ្រោះជីវិត ហើយចំណែក​ឯអ្នកជំងឺកូវីដ ១៩ ដែលគ្មានលទ្ធភាពខ្ពស់ក្នុងការសង្គ្រោះជីវិតនោះទេគឺមិនត្រូវផ្តល់ជូនគ្រែសង្គ្រោះបន្ទាន់ឡើយ​ ឬអាចនិយាយដោយងាយយល់ថា ពួកគេនឹងត្រូវផ្តល់ជូនត្រឹមការព្យាបាលធម្មតាហើយលទ្ធភាពនៃការជួយសង្គ្រោះជីវិតពួកគេបានឬអត់នោះគឺទុកឲ្យវាទៅតាមដំណើរតែម្តងទៅ។                  លោកវេជ្ជបណ្ឌិត Noor Hisham

ថៃ៖ យោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានឲ្យដឹងថា នៅក្នុងថ្ងៃចន្ទ ទី៣១ ខែ ឧសភានេះ អាជ្ញាធរសុខាភិបាលនៃប្រទេសថៃបានរកឃើញអ្នកឆ្លងជំងឺកូវីដ ១៩ ថ្មីចំនួន ៥,៤៨៥នាក់ រីឯអ្នកស្លាប់ដោយសារជំងឺកូវីដ ១៩ វិញគឺមានចំនួន ១៩ នាក់។ បើយោងតាមមជ្ឈមណ្ឌលគ្រប់គ្រងជំងឺកូវីដ ១៩ ថៃបានបញ្ជាក់ថា ក្នុងចំណោមអ្នកឆ្លងទាំងអស់ ក្នុងនោះមានអ្នកឆ្លងចំនួន ៣,៥៣២នាក់ជាអ្នកឆ្លងទូទៅ ចំណែកឯ ១,៩៥៣នាក់ទៀតជាអ្នកទោសដែលកំពុងជាប់ឃុំឃាំង។ សូមបញ្ជាក់ថា គិតមកទល់នឹងពេលនេះថៃបានរកឃើញអ្នកឆ្លងជំងឺកូវីដ ១៩ សរុបចំនួន ១៥៩,៧៩២នាក់ និងស្លាប់សរុបចំនួន ១,០៣១នាក់៕ អត្ថបទ៖ ភក្តី

ម៉ាឡេស៊ី៖ យោងតាមការចុះផ្សាយនៅក្នុងសារព័ត៌មាន Channel News Asia បានរាយការណ៍ថា ម៉ាឡេស៊ីនឹងធ្វើការបិទខ្ទប់ប្រទេសទាំងមូលចាប់ពីថ្ងៃទី ១ ខែ មិថុនា រហូតដល់ថ្ងៃទី ១៤ ខែ មិថុនា ក្រោយចំនួនអ្នកឆ្លងជំងឺកូវីដ ១៩ នៅក្នុងប្រទេសមួយនេះបានបន្តកើនឡើងយ៉ាងគំហុកជាងមួយសប្តាហ៍មកហើយ។ សេចក្តីប្រកាសអំពីការបិទខ្ទប់ប្រទេសទាំងមូលនេះត្រូវបានធ្វើឡើងដោយផ្ទាល់ពីសំណាក់លោកនាយករដ្ឋមន្ត្រីម៉ាឡេស៊ី Muhyiddin Yassin តាមរយៈបណ្តាញសង្គម Facebook ផ្លូវការរបស់គាត់ កាលពីយប់ថ្ងៃសុក្រទី ២៨ ឧសភា ម្សិលមិញនេះ ដែលជាថ្ងៃម៉ាឡេស៊ីបានរកឃើញអ្នកឆ្លងជំងឺកូវីដ ១៩ ក្នុងចំ​នួនដ៏ច្រើនបំផុតមិនធ្លាប់មាន ពោលគឺមានចំនួនរហូតដល់ ៨,២៩០ នាក់។ គួររម្លឹកជូនថា

ម៉ាឡេស៊ី៖ យោងតាមការចុះផ្សាយនៅក្នុងសារព័ត៌មាន Channel News Asia បានឲ្យដឹងថា កាលពីថ្ងៃសុក្រ ទី ២៨ ខែ ឧសភា ម្សិលមិញនេះប្រទេសម៉ាឡេស៊ីបានរកឃើញអ្នកឆ្លងជំងឺកូវីដ ១៩ ក្នុងចំនួនដ៏ច្រើនបំផុតមិ​នធ្លាប់មាន ពោលគឺមានអ្នកឆ្លងប្រចាំថ្ងៃរហូតដល់ ៨,២៩០នាក់។ ប្រភពបានបន្តថា កន្លែងដែលបានរកឃើញមានផ្ទុះការរាតត្បាតខ្លាំងជាងគេគឺតំបន់​ Klang Valley  ដែលតំបន់មួយនេះមានករណីឆ្លងចំនួន ២,០៥២ នាក់ បន្ទាប់មកគឺទីក្រុងកូឡាឡាំពួ មានករណីឆ្លងចំនួន ៨៣០ នាក់ដូចគ្នា។ ក្រៅតែពីបានរកឃើញអ្នកឆ្លងថ្មីក្នុងចំនួនដ៏ច្រើនដូចនេះ អាជ្ញាធរសុខាភិបាលម៉ាឡេស៊ីក៏បានរកឃើញអ្នកមានករណីអ្នកស្លាប់ដោយសារមានជំងឺជាប់ទាក់ទងនឹងជំងឺកូវីដ ១៩ ចំនួន ៦១ នាក់ផងដែរ។ គួរបញ្ជាក់ថា គិតជារួមត្រឹមពេលនេះម៉ាឡេស៊ីបានរកឃើញអ្នកឆ្លងកូវីដ ១៩

ថៃ៖ យោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានឲ្យដឹងថា នៅក្នុងថ្ងៃសោរ៍ ទី ២៩ ខែ ឧសភានេះ អាជ្ញាធរសុខាភិបាលនៃប្រទេសថៃបានរកឃើញអ្នកឆ្លងជំងឺកូវីដ ១៩ ថ្មីចំនួន ៤,៨០៣នាក់ ដែលចំនួននេះមានការកើនឡើងប្រមាណជា ១ពាន់នាក់ ដើមធៀបទៅនឹងតួលេខអ្នកឆ្លងកាលពីថ្ងៃម្សិលមិញ។ ចំឡែកចំនួនអ្នកស្លាប់ដោយសារមានជំងឺជាប់ទាក់ទងនឹងជំងឺកូវីដ ១៩ វិញគឺមានចំនួន ៣៤ នាក់ ដូចគ្នាទៅនឹងតួលេខថ្ងៃម្សិលមិញដែ។ បើយោងតាមមជ្ឈមណ្ឌលគ្រប់គ្រងជំងឺកូវីដ ១៩ ថ្ងៃបានបញ្ជាក់ថា ក្នុងចំណោមអ្នកឆ្លងទាំងអស់នេះមានអ្នកឆ្លងចំនួន ២,៧០២នាក់គឺជាអ្នកទោសដែលកំពុងជាប់ឃុំឃាំង ​និងអ្នកឆ្លងចំនួន ២,១០១នាក់ផ្សេងទៀតគឺជាពលរដ្ឋថៃធម្មតា។ សូមបញ្ជាក់ថា គិតមកទល់នឹងពេលនេះថៃបានរកឃើញអ្នកឆ្លងជំងឺកូវីដ ១៩ សរុបចំនួន ១៤៩,៧៧៩នាក់ និងស្លាប់សរុបចំនួន ៩៨៨នាក់៕

ថៃ៖ កងកម្លាំងប៉ូលិសថៃជាច្រើននាក់ត្រូវបានដាក់ពង្រាយជាបន្ទាន់ដើម្បីការពារសន្តិសុខ ខណៈអ្នកជំងឺកូវីដ ១៩ នៅក្នុងមន្ទីរពេទ្យមួយកន្លែងព្យាយាមរត់ចេញពីមន្ទីរពេទ្យ។ បើយោងតាមការចុះផ្សាយនៅក្នុងសារព័ត៌មាន Nation Thailand បានឲ្យដឹងថា ហេតុការណ៍នេះបានកើតឡើងកាលពីម៉ោងប្រមាណជា ៦ ល្ងាច ថ្ងៃទី ២៨ ខែ ឧសភា ម្សិលមិញនេះ នៅក្នុងមន្ទីរពេទ្យដែលគេសាងសង់នៅទីវាលមួយកន្លែងនៅក្នុងខេត្ត Phetchaburi  ភាគខាងលិចប្រទេសថៃ។ នៅក្នុងមន្ទីរពេទ្យនោះមានផ្ទុកអ្នកជំងឺកូវីដ ១៩ ដែលក្រុមកម្មករជនជាតិមីយ៉ាន់ចំនួន ៦៨២ នាក់។ ប្រភពខាងលើបានបន្តថា មូលហេតុដែលនាំអ្នកជំងឺកូវីដ ១៩ ទាំងនោះមិនសប្បាយចិត្តនិងចង់នាំគ្នាចាកចេញពីមន្ទីរពេទ្យ ព្រោះតែចរន្តអគ្គិសនីនៅក្នុងមន្ទីរពេទ្យបានដាច់មិនអាចប្រើកង្ហារបាន ខណៈអាកាសធាតុកំពុងក្តៅស្អុះស្អាប់យ៉ាងខ្លាំង។ បើតាមអាជ្ញាធរថៃបានបញ្ចាក់ថា ក្រុមអ្នកជំងឺដែលចង់សម្រុកចេញពីមន្ទីរពេទ្យនោះមានចំនួនប្រហែលជា ៥០០ នាក់