ចិន៖ ក្រុមហ៊ុនផលិតរថយន្តដ៏ល្បីនៅលើពិភពលោក BMW បានប្រកាសប្រមូលយករថយន្តជិត​ ៧០០,០០០គ្រឿងចូលក្នុងក្រុមហ៊ុនវិញដោយសារទើបរកឃើញថា​ រថយន្តទាំងនោះមានហានិភ័យសុវត្ថិភាពផ្នែកអគ្គីភ័យ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time កាលពីយប់ថ្ងៃសុក្រ ទី១៩ ខែតុលា។ វិធានការនេះត្រូវបានអនុវត្តសម្រាប់តែរថយន្តម៉ាក BMW ស៊េរីថ្មី ដែលកំពុងប្រើប្រាស់នៅក្នុងប្រទេសចិនប៉ុណ្ណោះ។ ប្រភពខាងលើបានបន្តថា ហេតុផលនៅក្រោយការប្រមូលយករថយន្តចូលក្នុងក្រុមហ៊ុនដើម្បីត្រួតពិនិត្យឡើងវិញនេះគឺត្រូវបានធ្វើឡើងក្រោយក្រុមអ្នកបច្ចេកទេសទើបរកឃើញថា ដុំទឹកដែលបានបំពាក់នៅក្នុងម៉ាស៊ីនរថយន្តទាំងនោះមានបញ្ហា ដែលនាំឱ្យមានភាពច្រេះដល់គ្រឿងដែកមួយចំនួន ហើយក្នុងរយៈពេលយូរភាពច្រេះនោះក៏អាចនាំឱ្យមានភ្លើងឆេះក្នុងរថយ​ន្តផងដែរ។ បើតាមនិយ័តករទីផ្សាររថយន្តចិនបានបញ្ជាក់ថា នៅក្នុងចំណោមរថយន្ត BMW ដែលត្រូវប្រមូលឱ្យក្រុមហ៊ុនត្រួតពិនិត្យឡើងវិញទាំងអស់នោះគឺរួមមានរថយន្តចំនួន ៤៩៩,៥៣៩គ្រឿងជារថយន្តដំឡើងនៅក្នុងប្រទេសចិនផ្ទាល់តែម្តង និងរថយន្តចំនួន ១៨៨,៣៧១គ្រឿងផ្សេងទៀតគឺជារថយន្តនាំចូលពីក្រៅប្រទេស៕ អត្ថបទ៖ ភក្តី ប្រភព៖ The Strait Time

អ៊ុយក្រែន៖ លោកប្រធានាធិបតីអ៊ុយក្រែន Volodymyr Zelenskyy បាននិយាយថា កូរ៉េខាងជើងកំពុងហ្វឹកហាត់ទាហានចំនួន ១០,០០០នាក់ ដើម្បីជួយប្រទេសរុស្ស៊ីក្នុងការប្រយុទ្ធជាមួយអ៊ុយក្រែន នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃសុក្រ ទី១៨ ខែតុលា។ ការថ្លែងខាងលើនេះត្រូវបានធ្វើឡើងនៅក្នុងកិច្ចប្រជុំពិសេសមួយរវាងលោក Volodymyr Zelenskyy ជាមួយនឹងរដ្ឋមន្ត្រីការពារជាតិរបស់អង្គការណាតូ (NATO) កាលពីពេលថ្មីៗនេះ។ បើតាមលោកប្រធានាធិបតីអ៊ុយក្រែន Volodymyr Zelenskyy បានអះអាងថា ទាហានទាំង ១០,០០០នាក់នោះគឺបានទទួលការហ្វឹកហាត់នៅក្នុងប្រទេសកូរ៉េខាងជើង ប៉ុន្តែគិតត្រឹមពេលនេះក្រុមទាហានទាំងនោះនៅមិនទាន់បានធ្វើដំណើរទៅដល់ប្រទេសរុស្ស៊ី ឬទឹកដីអ៊ុយក្រែននៅឡើយទេ។ គួររម្លឹកជូនថា កូរ៉េខាងជើងនិងរស្ស៊ីគឺជាសម្ព័ន្ធមិត្តចាក់ទឹកមិនលិចជាមួយគ្នាអស់រយៈពេលជាយូរឆ្នាំមកហើយ ខណៈប្រទេសកុម្មុយនីស្តទាំង ២នេះតែងជួយគ្នាទៅវិញទៅមកទាំងក្នុងរូបភាពបើកចំហរនិងលាក់ការសម្ងាត់ផងដែរ។ តួយ៉ាងនាពេលកន្លងមក មានសារព័ត៌មានជាច្រើនបានរាយការណ៍ថា កូរ៉េខាងជើងបានលួចផ្តល់អាវុធយ៉ាងច្រើនជាសម្ងាត់ទៅកាន់រុស្ស៊ីសម្រាប់យកទៅប្រើប្រាស់នៅក្នុងសមរភូមិប្រយុទ្ធជាមួយអ៊ុយក្រែន៕ អត្ថបទ៖

ថៃ៖ អាជ្ញាធរថៃកំពុងបើកការពិភាក្សាជាមួយសមភាគីឡាវអំពីគម្រោងលើកលែងការបង់ថ្លៃទិដ្ឋការពេលមកដល់រវាងពលរដ្ឋនៃប្រទេសទាំង២ នេះបើយោងតាមការចុះផ្សាយរបស់បណ្តាញសារព័ត៌មាន Nation Thailand នៅក្នុងថ្ងៃសុក្រ ទី១៨ ខែតុលា។ គួរកត់សម្គាល់ថា នាពេលបច្ចុប្បន្ននេះតម្លៃទិដ្ឋការពេលមកដល់គឺមានតម្លៃ ១,០០០បាត (៣០ ដុ​ល្លារ) ដែលដំណើរត្រូវឆ្លងកាត់ព្រំដែនឡាវ-ថៃទាំងអស់ត្រូវបង់ប្រាក់នេះនៅការិយាល័យត្រួតពិនិត្យតាមចក្រព្រំដែន។ បើតាមលោក Sorawong Thienthong រដ្ឋមន្ត្រីក្រសួងទេសចរណ៍និងកីឡាថៃបានបញ្ជាក់ថា គោលបំណងនៃការលើកលែងតម្លៃទិដ្ឋាការខាងលើនេះ គឺដើម្បីលើកជំរុញនិងលើកកម្ពស់ការធ្វើដំណើរឆ្លងកាត់ប្រទេសទាំង២ ក៏ដូចជាទាក់ទាញភ្ញៀវទេសចរណ៍អន្តរជាតិឱ្យចូលមកកម្សាន្តនៅក្នុងប្រទេសថៃឱ្យបានកាន់តែច្រើនផងដែរ។ រដ្ឋមន្ត្រីរូបនេះបានបន្តថា ប្រសិនបើគម្រោងលើកលែងតម្លៃទិដ្ឋការទាំងស្រុងមិនអាចធ្វើឡើងបាននោះទេ លោកនឹងមានជម្រើសទី២ សម្រាប់ដាក់ជូនភាគីឡាវបន្ថែមទៀត គឺភាគថៃនឹងប្តូរពីការមិនយកថ្លៃទិដ្ឋាការទៅជាការផ្តល់ជូនប័ណ្ណសម្រាប់ចាយវិញ ពោលគឺអ្នកដំណើរមកពីប្រទេសឡាវទាំងអស់ត្រូវបន្តបង់ថ្លៃទិដ្ឋាការតម្លៃ ១,០០០បាតជាធម្មតា តែក្រោយបង់ប្រាក់នេះរួច ពួកគេនឹងទទួលបានប័ណ្ណដែលមានតម្លៃជាប្រាក់ ១,០០០បាត សម្រាប់យកទៅចាយនៅតាមភោជនីយដ្ឋាន សណ្ឋាគារ និងកន្លែងផ្តល់សេវាកម្សាន្តផ្សេងៗនៅក្នុងប្រទេសថៃបាន៕ អត្ថបទ៖

ឥណ្ឌា៖ មានយន្តហោះដឹកអ្នកដំណើររបស់ប្រទេសឥណ្ឌាចំនួន ២គ្រឿងបន្ថែមទៀតបានទទួលសារគំរាមវាយប្រហារដោយគ្រា​ប់បែកនិងបង្ខំឱ្យជើងហោះហើរទាំងនោះត្រូវចុះចតជាបន្ទាន់ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃព្រហស្បតិ៍ ទី១៧ ខែតុលា។ នៅក្នុងចំណោមយន្តហោះដឹកអ្នកដំណើរទាំង ២គ្រឿងនោះរួមមាន យន្តហោះដឹកអ្នកដំណើរក្នុងស្រុកមួយគ្រឿងរបស់ក្រុមហ៊ុនអាកាសចរណ៍ IndiGo ដែលមានទិសដៅធ្វើដំណើរចេញពីទីក្រុង Mumbai ទៅកាន់ទីរដ្ឋធានី New Delhi នៃប្រទេសឥណ្ឌា។ ក្រោយទទួលបានសារគំរាមវាយប្រហារដោយគ្រាប់បែកភ្លាម យន្តហោះដឹកអ្នកដំណើររបស់ក្រុមហ៊ុនអាកាសចរណ៍ IndiGo មួយគ្រឿងនេះក៏បានបង្វែរទិសដៅទៅចុះចតនៅក្នុងទីក្រុង Ahmedabad ភាគខាងលិចប្រទេសឥណ្ឌាជាបន្ទាន់។ ដោយឡែកយន្តហោះដឹកអ្នកដំណើរមួយគ្រឿងទៀតក៏ជាជើងហោះហើរក្នុងស្រុកដែរ ស្ថិតនៅក្រោមការគ្រប់គ្រងរបស់ក្រុមហ៊ុនអាកាសចរណ៍ Akasa Air មានទិសដៅធ្វើដំណើរចេញពីរដ្ឋធានី New Delhi ឆ្ពោះទៅកាន់ទីក្រុង Bengaluru ភាគខាងត្បូងនៃប្រទេសឥណ្ឌា ខណៈក្រោយទទួលបានសារគំរាមវាយប្រហារដោយគ្រាប់បែកភ្លាម យន្តហោះមួយគ្រឿងនេះបានបង្ខំចិត្តហោះត្រឡប់មកកាន់ព្រលានយន្តហោះក្នុងរដ្ឋ New Delhi វិញជាបន្ទាន់។ បើតាមលោក Zulfiquar

នីហ្សេរីយ៉ា៖ យ៉ាងហោចណាស់មានមនុស្សចំនួនជិត ១៥០នាក់បានស្លាប់បាត់បង់ជីវិតនៅក្នុងហេតុការណ៍មានរថយន្តដឹកសាំងមួយគ្រឿងបានក្រឡាប់នៅក្នុងប្រទេសនីហ្សេរីយ៉ា នេះបើយោងតាមការចុះផ្សាយរបស់បណ្តាញសារព័ត៌មាន BBC នៅក្នុងថ្ងៃព្រហស្បតិ៍ ទី១៧ ខែតុលា។ ហេតុការណ៍គ្រោះថ្នាក់ដ៏កម្រនេះបានកើតឡើងនៅក្នុងក្រុង Ringim រដ្ឋ Jigawa ដែលស្ថិតនៅប៉ែកខាងជើងនៃប្រទេសនីហ្សេរីយ៉ា។ ប្រភពខាងលើបានបន្តថា រថយន្តដឹកសាំងបានក្រឡាប់កាលពីម៉ោង ១១ និង ៣០នាទីយប់នៃក្នុងអង្គារកន្លងទៅនេះ ក្រោយអ្នកបើកបរបានបាត់បង់ការគ្រប់គ្រងទៅលើរថយន្ត។ ក្រោយរថយន្តដឹងសាំងបានក្រឡាប់គឺវាបានធ្វើឱ្យសាំងត្រូវធ្លាយចេញពីស៊ីទែននិងហូរចោលទៅលើផ្លូវថ្នល់និងប្រលាយនៅក្បែរនោះ ខណៈភ្លាមៗនោះប្រជាពលរដ្ឋដែលកំពុងរស់នៅក្បែរតំបន់កើតហេតុក៏បាននាំគ្នាទៅច្រកនិងដួសយកសាំងនោះមកទុក តែជាអកុសលរថយន្តក៏បានផ្ទុះនិងបង្កឱ្យភ្លើងឆាបឆេះយ៉ាងសន្ធោសន្ធៅទៅកាន់ហ្វូងមនុស្សទាំងអស់នោះ។ បើយោងតាមការអាជ្ញាធរនីហ្សេរីយ៉ាបានបញ្ជាក់ថា គិតត្រឹមពេលនេះពលរដ្ឋដែលបានស្លាប់នៅក្នុងហេតុការណ៍គ្រោះថ្នាក់ខាងលើនេះគឺមានចំនួនសរុប ១៤៧នាក់ ខណៈពលរដ្ឋ ១០០នាក់ផ្សេងទៀតបានរងរបួសធ្ងន់និងស្រាលផងដែរ៕ អត្ថបទ៖ ភក្តី ប្រភព៖ BBC

ឥណ្ឌា៖ ជើងហោះហើរមួយរបស់ក្រុមហ៊ុនអាកាសចរណ៍ឥណ្ឌាបានសម្រេចធ្វើការចុះចតជាបន្ទាន់ក្រោយទទួលសារគំរាមវាយប្រហារដោយគ្រាប់បែបតាមបណ្តាញអ៊ីនធឺណិត នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia កាលពីយប់ថ្ងៃអង្គារ ទី១៦ ខែតុលា។ ជើងហោះហើរមួយនេះស្ថិតនៅក្រោមប្រតិបត្តិការណ៍ហោះហើររបស់ក្រុមហ៊ុនអាកាសចរណ៍ Air India ដោយបានប្រើប្រាស់យន្តហោះដឹកអ្នកដំណើរប្រភេទ Airbus A350-900។ ប្រភពខាងលើបានបន្តថា ជើងហោះហើរខាងលើមានទិសដៅចេញដំណើរពីទីក្រុង New Delhi នៃប្រទេសឥណ្ឌា ឆ្ពោះទៅកាន់ទីក្រុង Chicago​ រដ្ឋ Illinois សហរដ្ឋអាមេរិក។ ក្រោយទទួលបានដំណឹងអំពីការគំរាមវាយប្រហារដោយគ្រាប់បែបតាមបណ្តាញអ៊ីនធឺណិតភ្លាម ជើងហោះហើរក៏បានសូមធ្វើការចុះចតជាបន្ទាន់នៅក្នុងព្រលានយន្តហោះ Iqaluit ក្នុងប្រទេសកាណាដា ខណៈក្រុមអ្នកដំណើរទាំងអស់ក៏បានត្រៀមរត់គេចខ្លួនក្នុងស្ថានភាពមានគ្រោះថ្នាក់បន្ទាន់ផងដែរ។ យ៉ាងណាក្តី ក្រោយធ្វើការចុះចតជាបន្ទាន់រួចរាល់ហើយ ជើងហោះហើរខាងលើមិនទាន់ទទួលរងការវាយប្រហារណាមួយនោះទេ ខណៈការស៊ើបអង្កេតពីសំណាក់អាជ្ញាធរឥណ្ឌាបានរកឃើញថា សារគំរាមវាយប្រហារដោយគ្រាប់បែបនោះគឺជាព័ត៌មានក្លែងក្លាយ ដែលគ្រាន់តែមានចេតនាចង់បំភ័យជើងហោះហើរ តែគម្រោងវាយប្រហារដោយគ្រាប់បែបជាក់ស្តែងគឺគ្មាននោះទេ៕ អត្ថបទ៖ ភក្តី

កូរ៉េខាងជើង៖ ប្រទេសកូរ៉េខាងជើងបានអះអាងថា នៅក្នុងសប្តាហ៍នេះនឹងមានយុវជនចំនួន ១,៤លាននាក់ស្ម័គ្រចិត្តចូលបម្រើកងទ័ព នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃពុធ ទី១៦ ខែតុលា។ ក្នុងចំណោមយុវជនទាំង ១,៤លាននាក់នេះគឺរួមមានទាំងយុវជនទើបដាក់ពាក្យចូលបម្រើកងទ័ពថ្មីនិងអ្នកដែលធ្លាប់ចូលហ្វឹកហាត់ជាទាហានម្តងរួចហើយនិងសម្រេចចូលមកក្នុងជួរកងទ័ពជាថ្មីម្តងទៀតនៅពេលនេះ។ បើតាមក្រសួងការពារជាតិកូរ៉េខាងជើងបានបញ្ជាក់ថា ការសម្រេចចូលធ្វើជាទាហានពីសំណាក់ក្រុមយុវជនទាំង ១,៤លាននាក់នេះគឺត្រូវបានធ្វើឡើងស្របតាមស្ថានភាពជាក់ស្ថែងដែលប្រទេសកំពុងត្រូវការកងកម្លាំងជាច្រើននាក់ដើម្បីការពារទឹកដីនិងការគំរាមគំហែងពីសំណាក់បណ្តាប្រទេសជាច្រើន។ ប្រភពខាងលើបានបន្តថា ក្រុមយុវជនទាំងនេះគឺសុទ្ធតែជាក្រុមមនុស្សដែលពោរពេញដោយកម្លាំងកាយនិងកម្លាំងចិត្ត ហើយពួកគេទាំងអស់សុទ្ធតែមានស្មារតីយ៉ាងមោះមុតក្នុងការប្រយុទ្ធគ្រប់ស្ថានភាពដើម្បីការពារដែនដីកូរ៉េខាងជើង៕ អត្ថបទ៖ ភក្តី ប្រភព៖ The Strait Time

អាមេរិក៖ ចៅក្រមសហព័ន្ធនៅក្នុងរដ្ឋកាលីហ្វ័រញ៉ា សហរដ្ឋអាមេរិក បានសម្រេចឱ្យក្រុមហ៊ុន Meta ត្រូវតែចូលមកដោះស្រាយពាក្យបណ្តឹងដែលបានចោទប្រកាន់ថា ក្រុមហ៊ុនបានជម្រុញឱ្យមានបញ្ហាសុខភាពផ្លូវចិត្តនៅក្នុងចំណោមមនុស្សវ័យជំទង់ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃពុធ ទី១៦ ខែតុលា។ គួរបញ្ជាក់ថា ក្រុមហ៊ុន Meta គឺជាក្រុមហ៊ុនគ្រប់គ្រងលើបណ្តាញសង្គមធំៗចំនួន២ គឺបណ្តាញសង្គម Facebook និងប​ណ្តាញសង្គម Instagram ។ ប្រភពខាងបានបន្តថា ពាក្យបណ្តឹងខាងលើនេះត្រូវធ្វើឡើងដោយអាជ្ញាធរប្រចាំរដ្ឋជាង ៣០នៅទូទាំងសហរដ្ឋអាមេរិក​ ក្រោយអាជ្ញាធរទាំងនោះបានមើលឃើញថា បច្ចុប្បន្ននេះមានពលរដ្ឋវ័យក្មេងជាច្រើនកំពុងតែវក់ប្រើប្រាស់បណ្តាញសង្គម Facebook និងប​ណ្តាញសង្គម Instagram យ៉ាងងប់ងុលបំផុត។ ឆ្លើយតបនឹងការចោទប្រកាន់ខាងលើនេះ អ្នកនាំពាក្យរបស់ក្រុមហ៊ុន Meta បានចេញមកបដិសេធចំពោះការចោទប្រកាន់ខាងលើ និងបានអះអាងក្រុមហ៊ុនបានបន្តដាក់ចេញវិធានការនិងមុខងារសំខាន់ៗជាច្រើនដើម្បីជួយការពារក្រុមអ្នកប្រើប្រាស់វ័យក្មេងរួចរាល់ហើយក្នុងរយៈពេលជាច្រើនឆ្នាំចុងក្រោយនេះ។យ៉ាងណាក្តី ក្រុមហ៊ុន Meta

ចិន៖ ចិនបានដាក់ពង្រាយយន្តហោះចម្បាំងនិងនាវាចម្បាំងជាច្រើនគ្រឿងដើម្បីឡោមព័ទ្ធកោះតៃវ៉ាន់ នេះបើយោងតាមការផ្សាយរបស់បណ្តាញសារព័ត៌មាន Channel News Asia នៅក្នុងរសៀលថ្ងៃចន្ទ ទី១៤ ខែតុលា។ ការដាក់ពង្រាយយន្តហោះចម្បាំងនិងនាវាចម្បាំងនៅពេលនេះត្រូវបានអាជ្ញាធរចិនអះអាងថា គឺជាការធ្វើសមយុទ្ធយោធាទ្រង់ទ្រាយធំមួយដែលមានគោលបំណងចង់ព្រមានយ៉ាងម៉ឺងម៉ាត់ទៅកាន់កោះតៃវ៉ាន់ថា ចិនពិតជាមានសមត្ថភាពអាចវាយសម្រុកដើម្បីគ្រប់គ្រងកោះតៃវ៉ាន់បានគ្រប់ពេលវេលា ក្នុងករណីដែលតៃវ៉ាន់ចង់ផ្តាច់ខ្លួនពីប្រទេសចិន។ គួររម្លឹកជូនថា ភាពតានតឹងរវាងកោះតៃវ៉ាន់និងចិនបានកើតឡើងជាថ្មីម្តងទៀត ក្រោយលោក​ប្រធានាធិបតីតៃវ៉ាន់ ឡៃ ឈីងទឿ បានថ្លែងនៅក្នុងពិធីបុណ្យជាតិកាលពីថ្ងៃទី១០ ខែតុលាថា  លោក​នឹង​ដឹកនាំតៃវ៉ាន់ដោយឈរលើគោលជំហររក្សា ​Statu Quo តស៊ូប្រឆាំងដាច់ខាតចំពោះការ​ឈ្លានពាន​មកលើ​​អធិបតេយ្យភាពនិងបូរណភាពទឹកដីតៃវ៉ាន់។ ភ្លាមៗក្រោយការថ្លែងដូចនេះ ក្រសួងការបរទេសចិន​បានចោទប្រកាន់ថា លោក​ ឡៃ ឈីងទឿ គឺជាជនបះបោរចង់បំបែកទឹកដីចិន និងថែមទាំងបានអះអាងទៀតថា សេចក្តីថ្លែងការនេះនឹងនាំមហន្តរាយ​ដល់ប្រជាជន​​តៃវ៉ាន់។ បន្ថែមពីលើការចោទប្រកាន់នេះ លោកស្រី ម៉ៅ នីង អ្នកនាំពាក្យក្រសួងការបរទេសចិនបានចេញមកប្រកាសបញ្ជាក់ទៀតថា

កូរ៉េខាងត្បូង៖ ក្រសួងសុខាភិបាល និងសុខុមាលភាពរបស់ប្រទេសកូរ៉េខាងត្បូងបានផ្តល់មេដាយកិត្តិយសថ្នាក់ជាតិជូនស្រ្តីចំនួន ២រូប ដែលបានផ្តល់កំណើតដល់កូនក្នុងចំនួនដ៏ច្រើនមួយ ពោលគឺពួកគាត់ម្នាក់ៗបានផ្តល់កំណើតដល់កូនរហូតដល់ ១៣នាក់ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time កាលពីយប់ថ្ងៃទី១៣ ខែតុលា។ គួរកត់សម្គាល់ថា នៅកូរ៉េខាងត្បូងការសម្រេចផ្តល់កំណើតឱ្យកូនក្នុងចំនួនដ៏ច្រើនត្រូវបានចាត់ទុកជាសកម្មភាពមួយដែលបានរួមចំណែកជួយសង្គមជាតិ ដ្បិតនាពេលបច្ចុប្បន្ននេះអាត្រាកំណើតនៅក្នុងប្រទេសមួយនេះបានធ្លាក់ចុះយ៉ាងខ្លាំង ខណៈពលរដ្ឋកាន់តែច្រើនឡើងៗផ្តើមមានគំនិតលែងចង់បានកូន ឬយកកូនក្នុងចំនួនតិចតួចបំផុត។ មេដាយ Seongnyu  នៅក្នុងចំណោមស្រ្តីដែលបានទទួលមេដាយកិត្តិយសថ្នាក់ជាតិទាំង ២រូបនោះរួមមាន ទី១គឺ លោកស្រ្តី Eom Gye-suk បច្ចុប្បន្នមានអាយុ ៦០ឆ្នាំ ហើយនៅចន្លោះពីឆ្នាំ ១៩៨៦ ដល់ឆ្នាំ ២០០៧ លោកស្រីបានផ្តល់ដំណើតដល់កូនប្រុសចំនួន ៥នាក់ និងកូនស្រ្តីចំនួន ៨នាក់។