អូស្រ្តាលី៖ ក្រុមហ៊ុនអាកាសចរណ៍ Qantas បានចេញមកធ្វើការសុំទោសជាធារណៈចំពោះបញ្ហាបច្ចេកទេស ដែលនាំឱ្យមានការចាក់ផ្សាយនូវភាពយន្តបែបស៊ិចស៊ីនិងអាសអាភាសជូនអ្នកដំណើរទស្សនាពេញមួយយន្តហោះ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃអង្គារ ទី៨ ខែតុលា។ រឿងរ៉ាវចម្រូងចម្រាសនេះបានកើតឡើងតាំងតែពីសប្តាហ៍មុនម្ល៉េះ និងបានកើតឡើងចំពោះជើងហោះហើរ ដែលមានទិញដៅហោះហើរចេញពីទីក្រុងស៊ីដនី ប្រទេសអូស្រ្តាលី ឆ្ពោះទៅកាន់​ទីក្រុងតូក្យូ ប្រទេសជប៉ុន។ បើតាមអ្នកនាំពាក្យឱ្យក្រុមហ៊ុនអាកាសចរណ៍ Qantas បានប្រាប់ឱ្យដឹងថា នៅក្នុងអំឡុងពេលនៃការហោះហើរខាងលើនេះ នៅក្នុងយន្តហោះស្រាប់តែមានបញ្ហាបច្ចេកទេស ដែលធ្វើឱ្យអ្នកដំណើរទាំងអស់មិនអាចជ្រើសរើសខ្សែភាពយន្តឬវីដេអូណាមួយសម្រាប់ទស្សនាបានដោយខ្លួនឯងនោះទេ។ នៅចំពោះមុខបញ្ហានេះ ក្រុមអ្នកបម្រើការងារនៅលើយន្តហោះក៏បានសម្រេចជ្រើសរើសខ្សែភាពយន្តមួយដែលមានចំណងជើងថា “Daddio” ដែលមានការចូលរួមសម្តែងពីតារាស្រីដ៏ល្បីឈ្មោះ Dakota Johnson និងតារាសម្តែងប្រុសឈ្មោះ Sean Penn ឱ្យអ្នកដំណើរទាំងអស់បានទស្សនាដូចៗគ្នា។ យ៉ាង​ណាក្តី នៅក្នុងខែ្សភាពយន្តនេះមានលាយនូវឈុតឆាកនិងប្រើប្រាស់ពាក្យសំដីមួយចំនួនបែបអាសអាភាស ដែលវាគឺរឿងមិនសមរម្យទាល់តែសោះសម្រាប់អ្នកដំណើរភាគច្រើន ជាពិសេសនោះគឺចំពោះអ្នកដំណើរជាកុមារនិងស្រ្តីតែម្តង៕

ឥណ្ឌា៖ យ៉ាងហោចណាស់មានពលរដ្ឋឥណ្ឌាចំនួន ៥នាក់បានស្លាប់បាត់បង់ជីវិតដោយសារបញ្ហាដាច់សរសៃឈាម​ក្នុងខួរក្បាលអំឡុងពេលដែលពួកគេទៅទស្សនា “ពិព័រណ៍ទ័ពអាកាស” នេះបើយោងតាមការចុះផ្សាយរបស់បណ្តាញសារព័ត៌មាន NDTV នៅក្នុងថ្ងៃចន្ទ ទី៧ ខែតុលា។ កម្មវិធី  “ពិព័រណ៍ទ័ពអាកាស” នេះត្រូវបានរៀបចំឡើងនៅលើឆ្នេរសមុទ្រ Marina ក្នុងទីក្រុង Chennai ភាគខាងលិចនៃប្រទេសឥណ្ឌា។ ប្រភពខាងលើបានបន្តថា កម្មវិធីបង្ហាញក្បួនយន្តហោះជាច្រើនគ្រឿងនៅអាកាសមួយនេះបានទាក់ទាញពលរដ្ឋឥណ្ឌាជាង ១,៥លាននាក់ឱ្យមកចូលរួមទស្សនា ពោលគឺជាការប្រមូលផ្តុំហ្វូងមនុស្សយ៉ាងច្រើនកកកុញបំផុតមួយផងដែរ។ បន្ថែមពីលើបរិកាសដែលមានមនុស្សយ៉ាងច្រើនកកកុញគ្នាហើយ សីតុណ្ហភាពនៅតាមបណ្តោយឆ្នេរសមុទ្រ Marina បានកើនឡើងដល់ ៣៥អង្សាសេ ហើយកត្តាទាំង​ពីរនេះហើយដែលជម្រុញអ្នកចូលរួមទស្សនាចំនួន ៥នាក់ត្រូវដាច់សរសៃឈាមក្នុងខួរក្បាលស្លាប់ភ្លាមៗតែម្តង៕ អត្ថបទ៖ ភក្តី ប្រភព៖ NDTV

ថៃ៖ ខេត្តឈៀងម៉ៃដែលជាតំបន់ទេសចរណ៍ដ៏មានសក្តានុពលស្ថិតនៅប៉ែកខាងជើងប្រទេសថៃកំពុងរងការវាយប្រហារដោយសារទឹកជំនន់យ៉ាងធ្ងន់ធ្ងរ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃចន្ទ ទី៧ ខែតុលា។ ទឹកជំនន់បានកើតឡើងយ៉ាងឆាប់រហ័សក្រោយមានភ្លៀងធ្លាក់ខ្លាំងជាច្រើនថ្ងៃជាប់ៗគ្នា ហើយបានជន់លិចផ្លូវ និងហាងលក់ទំនិញជាច្រើនកន្លែងនៅក្នុងខេត្តឈៀងម៉ៃ។ បើតាមអាជ្ញាធរថៃបានបញ្ជាក់ថា​ គិតត្រឹមពេលនេះឥទ្ធិពលរបស់ទឹកជំនន់បានបណ្តាលឱ្យសត្វដំរីចំនួន ២ក្បាលត្រូវលង់ទឹកស្លាប់ មនុស្សចំនួន ៨០នាក់ត្រូវជម្លៀសខ្លួនទៅកាន់កន្លែងមានសុវត្ថិភាពជាបន្ទាន់ និងមនុស្សចំនួន ៣នាក់ស្លាប់បាត់បង់ជីវិតផងដែរ។ ប្រភពខាងលើបានបន្តថា នៅក្នុងចំណោមអ្នកស្លាប់បាត់បង់ជីវិទាំងអស់នោះរួមមាន បុរសអាយុ ៤៤ឆ្នាំម្នាក់បានស្លាប់ដោយសារឆក់ចរន្តអគ្គិសនី ស្រ្តីអាយុ ៣៣ឆ្នាំម្នាក់បានស្លាប់ដោយសារការបាក់ដី និងជនរងគ្រោះម្នាក់ទៀតស្លាប់ដោយសារលង់ទឹក៕ អត្ថបទ៖ ភក្តី ប្រភព៖  Channel News Asia

បង់ក្លាដែស៖ យ៉ាងហោចណាស់មានមនុស្សចំនួន ៥នាក់បានស្លាប់បាត់បង់ជីវិតដោយសារទឹកជំនន់នៅក្នុងប្រទេសបង់ក្លាដែស នេះបើយោងតាមការចុះផ្សាយរបស់បណ្តាញសារព័ត៌មាន The Strait Time កាលពីយប់ថ្ងៃអាទិត្យ ទី៦ ខែតុលា។ ទីតាំងដែលកំពុងរងការគំរាមគំហែងដោយសារទឹកជំនន់នៅពេលនេះគឺក្រុង Sherpur ស្ថិតនៅប៉ែកខាងជើងនៃប្រទេសបង់ក្លាដែស។ ប្រភពខាងលើបានបន្តថា ក្រៅតែពីបានបណ្តាលឱ្យមានអ្នកស្លាប់ហើយ ឥទ្ធិពលរបស់ទឹកជំនន់ក៏បានធ្វើឱ្យពលរដ្ឋបង់ក្លាដែសប្រមាណជា ១០០,០០០នាក់ផ្សេងទៀតត្រូវជាប់គាំងមិនអាចធ្វើដំណើរចេញពីផ្ទះបានផងដែរ។ បើតាមអាជ្ញាធរបង់ក្លាដែលបានបញ្ជាក់ថា ទឹកជំនន់ខាងលើនេះបានកើតឡើងក្រោយមានភ្លៀងធ្លាក់ខ្លាំងជាច្រើនថ្ងៃជាប់គ្នា ហើយវាបានកើតឡើងយ៉ាងឆាប់រហ័សបំផុត ទើបធ្វើឱ្យពលរដ្ឋនៅក្នុងតំបន់កើតហេតុមិនបានត្រៀមខ្លួនក្នុងការឆ្លើយតបទៅនឹងគ្រោះធម្មជាតិមួយនេះឱ្យបានទាន់ពេលវេលានោះទេ៕ អត្ថបទ៖ ភក្តី ប្រភព៖ The Strait Time

នេប៉ាល់៖ ប្រទេសនេប៉ាល់បានទទួលរងការគំរាមគំហែងយ៉ាងខ្លាំងពីបញ្ហាទឹកជំនន់នៅក្នុងរយៈពេលជាងមួយសប្តាហ៍ចុងក្រោយនេះ  ដែលបណ្តាលឱ្យមានអ្នកស្លាប់និងរងរបួសជាច្រើននាក់ផងដែរ។ បើយោងតាមការចុះផ្សាយរបស់បណ្តាញសារព័ត៌មាន The Strait Time ​នៅក្នុងថ្ងៃសៅរ៍ ទី៥ ខែតុលាបានបញ្ជាក់ថា គិតត្រឹមពេលនេះតួលេខអ្នកស្លាប់មានចំនួន ២៣៦នាក់។ ប្រភពខាងលើបានបន្តថា នេប៉ាល់អាចប្រឈមនឹងបញ្ហាទឹកជំនន់កាន់តែធ្ងន់ធ្ងរជាងនេះបន្ថែមទៀត ដ្បិតយោងតាមការព្យាករណ៍អាកាសធាតុបានបង្ហាញថា នេប៉ាល់នឹងត្រូវបន្តប្រឈមបញ្ហាអាកាសធាតុអាក្រក់ ដែលធ្វើឱ្យដុំទឹកកកធំៗជាច្រើនត្រូវរលាយនិងបង្កើតឱ្យសម្ពាធទឹកនៅតាមទ​ន្លេនិងបឹងជាច្រើនកាន់តែឡើងខ្ពស់បន្ថែមទៀតផងដែរ។ នៅចំពោះមុខគ្រោះធម្មជាតិនេះ អាជ្ញាធរនេប៉ាល់បានសម្រេចបិទសាសារៀន ផ្អាកសកម្មភាពអាជីវកម្មមួយចំនួនជាបណ្តោះអាសន្ន ខណៈផ្លូវសំខាន់ជាច្រើនកន្លែងត្រូវបានកាត់ផ្តាច់ដោយសារទឹកជំនន់៕ អត្ថបទ៖ ភក្តី ប្រភព៖ The Strait Time

អាមេរិក៖ អតីតប្រធានាធិបតីអាមេរិក លោក ដូណាល់ ត្រាំ ត្រូវបានគេមើលឃើញថា គឺជាអ្នកនយោដែលពូកែធ្វើទីផ្សារនិងរកប្រាក់ចំណូលដ៏ប៉ិនប្រសប់មួយរូប ដ្បិតរូបលោកតែងអាចប្រមូលប្រាក់បានយ៉ាងច្រើនពីក្រុមអ្នកគាំទ្រចលនានយោបាយរបស់គាត់តាមរយៈការលក់សម្ភារៈជាច្រើនប្រភេទ។ នាពេលកន្លងមក លោក  ដូណាល់ ត្រាំ ធ្លាប់បានដាក់លក់ អាវ អាវយឺត មួក ស្បែកជើង ពែង ដបទឹក បណ្តោងសោរ កន្សែង កាត សាច់ស្តេក ​និងវត្ថុអនុស្សាវរីយ៍ជាច្រើនទៀត​ ដែលស្ថិតនៅក្រោមម៉ាកយីហោជាឈ្មោះរបស់គាត់ផ្ទាល់តែម្តង។ ក្រៅពីលើផលិតផលដូចបានរៀបរាប់ខាងលើ ថ្មីៗនេះលោក ដូណាល់ ត្រាំ បានដាក់លក់នូវផលិតផលថ្មីមួយបន្ថែមទៀតគឺនាឡិកាដៃប្រណិត ដែលត្រូវបានរចនាឡើងដោយប្រើមាសសុទ្ធទម្ងន់ ២០០ក្រាម និងលម្អទៅដោយពេជ្រចំនួន ១០០គ្រាប់ផងដែរ។ បើយោងតាមការចុះផ្សាយរបស់បណ្តាញសារព័ត៌មាន

វៀតណាម៖ រោងចក្រមួយក​ន្លែងនៅក្នុងប្រទេសវៀតណាមត្រូវបានភ្លើងឆេះនិងបានបំផ្លាញកង់អគ្គិសនីនិងម៉ូតូអស់ប្រមាណជា ៣,០០០គ្រឿង នេះបើយោងតាមការចុះផ្សាយរបស់បណ្តាញសារព័ត៌មាន The Strait Time កាលពីយប់ថ្ងៃសុក្រ​ ទី៤ ខែកញ្ញា។ រោងចក្រមួយកន្លែងនេះជាកម្មសិទ្ធរបស់ក្រុមហ៊ុន DK Vietnam-Japan Electric Vehicle ដែលមានទីតាំងស្ថិតនៅក្នុងទីក្រុង  Lang Son ប៉ែកខាងជើងប្រទេសវៀតណាម។ ប្រភពខាងលើនេះបានបន្តថា អគ្គីភ័យបានចាប់ផ្តើមកើតឡើងនៅម៉ោង ៧ ព្រឹក ដោយគេមិនបានដឹងអំពីមូលហេតុនោះពិតប្រាកដនោះទេ។ នៅក្នុងអំឡុងពេលដែលភ្លើងកំពុងតែលេបត្របាក់រោងចក្រនោះ គេក៏បានឮសំឡេងផ្ទុះជាច្រើនដងផងដែរ ប៉ុន្តែងរហូតមកទល់នឹងពេលនេះគេនៅមិនទាន់ទទួលបានរបាយការណ៍បង្ហាញថា មានអ្នកណាម្នាក់បានរងរបួសនោះទេ។​ បើតាមលោក Hoang Van Khoi ជាប្រធានក្រុមហ៊ុននិងជាម្ចាស់រោងចក្រខាងលើបានឱ្យដឹងថា ហេតុការណ៍គ្រោះថ្នាក់បានធ្វើឱ្យលោកត្រូវខាតបង់អស់ប្រាក់ជាច្រើន ហើយរហូតមកទល់នឹងពេលនេះអាជ្ញាធរវៀតណាមនៅមិនទាន់អាចស្វែងរកអ្នកទទួលខុសត្រូវបាននៅឡើយទេ៕  អត្ថបទ៖ ភក្តី

អាមេរិក៖ តួលេខអ្នកស្លាប់បាត់បង់ជីវិតដោយសារតែឥទ្ធិពលរបស់ព្យុះត្រូពិច Helene នៅអាមេរិកបានកើនឡើងដល់ ៩១នាក់ហើយ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅរសៀលថ្ងៃចន្ទ ទី៣០ ខែកញ្ញា។ គួរបញ្ជាក់ជូនថា គិតត្រឹមពេលនេះព្យុះត្រូពិច Helene កំពុងបង្កការគំរាមគំហែងយ៉ាងខ្លាំងនៅតាមរដ្ឋជាច្រើន ដែលស្ថិតតំបន់ប៉ែកខាងត្បូងនៃសហរដ្ឋអាមេរិក។ ប្រភពខាងលើបានបន្តថា នៅក្នុងចំណោមអ្នកស្លាប់បាត់បង់ជីវិតទាំងអស់នោះគឺបានស្លាប់ដោយសារហេតុផលផ្សេងៗគ្នា និងស្ថិតនៅក្នុងទីកន្លែងផ្សេងៗគ្នាដូចជា ជនរងគ្រោះចំនួន ៣៧នាក់បានស្លាប់នៅក្នុងរដ្ឋ North Carolina, ជនរងគ្រោះចំនួន ២៥នាក់បានស្លាប់នៅក្នុងរដ្ឋ South Carolina, ជនរងគ្រោចំនួន ១៧នាក់បានស្លាប់នៅក្នុងរដ្ឋ Georgia, ជនរងគ្រោះចំនួន ១១នាក់បានស្លាប់នៅក្នុងរដ្ឋ Florida  និងជនរងគ្រោះម្នាក់បានស្លាប់នៅក្នុងរដ្ឋ Virginia។ ក្រៅតែពីបានបណ្តាលឱ្យមានអ្នកស្លាប់បាត់បង់ជីវិតអស់ជាង ៩០នាក់ហើយ ឥទ្ធិពលរបស់ព្យុះត្រូពិច Helene ក៏បានបណ្តាលឱ្យពលរដ្ឋអាមេរិកប្រមាណជា ២,៥ លាននាក់ផ្សេងទៀតកំពុងរស់នៅដោយគ្មានភ្លើងអគ្គិសនីប្រើប្រាស់ផងដែរ៕   អត្ថបទ៖ ភក្តី

ឥណ្ឌូនេស៊ី៖ យ៉ាងហោចណាស់ពលរដ្ឋឥណ្ឌូនេស៊ីចំនួន ១៣នាក់បានស្លាប់បាត់បង់ជីវិតនៅក្នុងហេតុការណ៍បាក់ដីនៅអណ្តូងរ៉ែមួយកន្លែង នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃចន្ទ ទី៣០ ខែកញ្ញា។ ក្រៅតែពីបានរកឃើញអ្នកស្លាប់ភ្លាមៗនៅកន្លែងកើតហេតុហើយ ហេតុការណ៍អកុសលនេះក៏បានបណ្តាលឱ្យមនុស្សចំនួន ១២នាក់ផ្សេងទៀតបានរងរបួសធ្ងន់និងស្រាលផងដែរ។ ប្រភពខាងបានបន្តថា អណ្តូងរ៉ែដែលជាកន្លែងកើតហេតុខាងលើនេះមានទីតាំងស្ថិតនៅក្នុងខេត្តស៊ូម៉ាត្រា ភាគខាងលិចនៃប្រទេសឥណ្ឌូនេស៊ី ហើយហេតុការណ៍បាក់ដីបានកើតឡើងក្រោយតំបន់ខាងលើនេះបានទទួលរងសម្ពាធទឹកភ្លៀងក្នុងបរិមាណយ៉ាងច្រើនក្នុងរយៈពេលប្រមាណជា ១សប្តាហ៍ចុងក្រោយនេះ។ បើតាមអាជ្ញាធរឥណ្ឌូនេស៊ីបានបញ្ជាក់ថា អណ្តូងរ៉ែខាងមួយកន្លែងនេះគឺជាអណ្តូងរ៉ែដែលធ្វើប្រតិបត្តិការណ៍ដោយគ្មានការអនុញ្ញាតពីសំណាក់អាជ្ញាធរនោះទេ ពោលគឺវាស្ថិតនៅក្រោមប្រតិបត្តិការរបស់ក្រុមមនុស្សមួយក្តាប់តូច ដែលនាំគ្នាលួចលាក់ធ្វើដោយមិនបានគោរពទៅតាមបទដ្ឋានសុវត្ថិភាពត្រឹមត្រូវនោះទេ៕ អត្ថបទ៖ ភក្តី ប្រភព៖ The Strait Time

នេប៉ាល់៖ តួលេខអ្នកស្លាប់បាត់បង់ជីវិតដោយសារតែឥទ្ធិពលរបស់ទឹកជំនន់និងបញ្ហាបាក់នៅក្នុងប្រទេសនេប៉ាល់បានកើនឡើងរហូតដល់ ១៧០នាក់ហើយ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃចន្ទ ទី៣០ ខែកញ្ញា។ ចំពោះតួលេខអ្នកបាត់ខ្លួនវិញគឺគិតត្រឹមនេះមានចំនួន ៤២នាក់។ បើតាមអាជ្ញាធរនេប៉ាល់បានបញ្ជាក់ថា នៅក្នុងចំណោមអ្នកបាត់ខ្លួនទាំងអស់នោះគឺភាគច្រើនបានបាត់ខ្លួនដោយគ្មានតម្រុយនៃការតាមស្វែងរកទាល់តែសោះ ដូចនេះវាមានសង្ឃឹមតិចតួចណាស់ដែលថាពួកគេអាចមានសំណាងនៅរស់មានជីវិតនោះ។ សូមរម្លឹកជូនថា ទឹកជំនន់និងបញ្ហាបាក់ដីដែលកំពុងបង្កការគំរាមគំហែងយ៉ាងខ្លាំងនៅក្នុងប្រទេសនេប៉ាល់នៅពេលនេះបានកើតឡើងក្រោយភ្លៀងបានបន្តធ្លាក់យ៉ាងខ្លាំងចាប់តាំងពីថ្ងៃសុក្រ ទី២៧  ហើយគិតត្រឹមពេលនេះឥទ្ធិពលរបស់ទឹកជំនន់នៅមិនទាន់ថយចុះនៅឡើយទេ៕  អត្ថបទ៖ ភក្តី ប្រភព៖ The Strait Time