ចិន៖ អាជ្ញាធរចិនសម្រេចធ្វើការជម្លៀសពលរដ្ឋជិត ៣០០,០០០នាក់ជាបន្ទាន់ដោយសារឥទ្ធិពលរបស់ព្យុះទីហ្វុង Gaemi នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃសុក្រ ទី២៦ ខែកក្កដា។ ពលរដ្ឋចិនដែលកំពុងរងការគំរាមគំហែងដោយព្យុះទីហ្វុង Gaemi នៅពេលនេះគឺជាក្រុមប្រជាពលរដ្ឋរស់នៅក្នុងក្រុង Xiamen ខេត្ត Fujian ភាគខាងកើតនៃប្រទេសចិន ពោលគឺជាតំបន់នៅក្បែរកោះតៃវ៉ាន់។ ទន្ទឹមនឹងធ្វើការជម្លៀសពលរដ្ឋងាយរងគ្រោះជិត ៣០ម៉ឺននាក់ហើយ​ អាជ្ញាធរចិនក៏បានសម្រេចបិទសាលារៀន​ និងផ្អាកសកម្មភាពអាជីវកម្មមួយចំនួននៅក្នុងទីតាំងខាងលើនេះជាបណ្តោះអាសន្នសិនផងដែរ ដើម្បីបញ្ចៀសគ្រោះថ្នាក់ផ្សេងៗដែលអាចបង្កឡើងដោយឥទ្ធិពលរបស់ព្យុះ។ គួររម្លឹកជូនថា មុនធ្វើដំណើរទៅដល់ប្រទេសចិន ព្យុះទីហ្វុង Gaemi បានសម្លាប់ពលរដ្ឋហ្វីលីពីនចំនួន ២០នាក់ និងបង្ខំឱ្យពលរដ្ឋហ្វីលីពីនជាង ៦០០,០០០នាក់ផ្សេងទៀតត្រូវធ្វើការជម្លៀសខ្លួន ហើយបន្ទាប់មកព្យុះទីហ្វុង Gaemi ក៏បានបន្តទៅសម្លាប់ពលរដ្ឋនៅកោះតៃវ៉ាន់ចំនួន ២នាក់ និងបង្កឱ្យពលរដ្ឋតៃវ៉ាន់ជាច្រើនរយនាក់ផ្សេងទៀតបានរងរបួសផងដែរ៕ អត្ថបទ៖ ភក្តី ប្រភព៖ The

ចិន៖ ក្មេងប្រុសដែលទើបមានអាយុត្រឹមតែ ១១ឆ្នាំម្នាក់កំពុងទទួលបានការចាប់អារម្មណ៍យ៉ាងខ្លាំងនៅលើបណ្តាញសង្គមក្នុងប្រទេសចិនក្រោយរូបបានបង្ហាញសមត្ថភាពដ៏អស្ចារ្យមួយក្នុងការសរសេរកូដ (Code) សម្រាប់ផលិតគ្រាប់រ៉ុកកែត។ យោងតាមការចុះផ្សាយរបស់បណ្តាញសារព័ត៌មាន South China Moring Post បានឱ្យដឹងថា ក្មេងប្រុសដែលមានទេពកោសល្យដ៏ពិសេសនេះមានឈ្មោះថា Yan Hongsen ជាកូនសិស្សកំពុងរៀនថ្នាក់ទី ៥ រស់នៅក្នុងខេត្ត Zhejiang ភាគខាងលិចប្រទេសចិន ហើយបច្ចុប្បន្នរូបគេទទួលបានឈ្មោះហៅក្រៅមួយបន្ថែមទៀតគឺ “Rocket Boy”។ ប្រភពខាងលើបានបន្តថា កុមារ​​ Yan Hongsen ឬ Rocket Boy បានធ្វើឱ្យមានការភ្ញាក់ផ្អើលយ៉ាងខ្លាំងនៅលើបណ្តាញសង្គម TikTok ក្នុងប្រទេសចិន ក្រោយរូបគេបានបង្ហោះអំពីសកម្មភាពផលិតគ្រាប់រ៉ុកកែតដោយប្រើកូដចំនួន ៦០០បន្ទាត់ ហើយកូដទាំងនោះគឺត្រូវបានសរសេរឡើងដោយរូបគេផ្ទាល់តែម្តង ខណៈមនុស្សចាស់មួយចំនួនរួមទាំងអ្នកដែលបានបញ្ចប់ការសិក្សាពីមហាវិទ្យាល័យមួយចំនួនផងនៅមិនទាន់មានសមត្ថភាពអាចសរសេរកម្មវិធីដ៏លំបាកនេះបាននៅឡើយទេ។ បើតាមក្រុមគ្រួសាររបស់កុមារ Yan

ហ្វីលីពីន៖ តួលេខអ្នកស្លាប់ដោយសារព្យុះទីហ្វុង Gaemi នៅក្នុងប្រទេសហ្វីលីពីន បានកើតឡើងរហូតដល់ ២០នាក់ហើយ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time កាលពីយប់ថ្ងៃទី២៥ ខែកក្កដា។ ឥទ្ធិពលរបស់ព្យុះដ៏គ្រោះថ្នាក់មួយនេះបានបង្កឱ្យមានភ្លៀងធ្លាក់យ៉ាងខ្លាំងរហូតធ្វើឱ្យមានទឹកជន់លិចនៅតាមតំបន់និងផ្លូវសំខាន់ៗជាច្រើនកន្លែងនៅក្នុងទីក្រុងម៉ានីល ដែលជារដ្ឋធានីរបស់ប្រទេសហ្វីលីពីនផងដែរ។ បើតាមអាជ្ញាធរហ្វីលីពីនបានបញ្ជាក់ថា គិតត្រឹមពេលនេះឥទ្ធិពលរបស់ព្យុះនៅមិនទាន់រសាត់បាត់ទាំងស្រុងនៅឡើយទេ ខណៈតំបន់ដែលបានទទួលរងសម្ពាធទឹកភ្លៀងដ៏ច្រើនមួយចំនួនក៏កំពុងប្រឈមនឹងបញ្ហាធ្ងន់ធ្ងរមួយបន្ថែមទៀតផងដែរ នោះគឺបញ្ហាបាក់ដី ដែលជាបញ្ហាអាចបណ្តាលឱ្យមានមនុស្សស្លាប់យ៉ាងឆាប់រហ័ស ហើយគេក៏មិនអាចត្រៀមការពារខ្លួនទុកជាមុនបាន។ សូមបញ្ជាក់ជូនថា ក្រៅតែពីបានសម្លាប់មនុស្សអស់ជាច្រើននាក់ហើយ ឥទ្ធិពលរបស់ព្យុះក៏បានបង្ខំឱ្យពលរដ្ឋហ្វីលីពីនជាង ៦០០,០០០នាក់ត្រូវធ្វើការជម្លៀសខ្លួនជាបន្ទាន់ផងដែរ៕ អត្ថបទ៖ ភក្តី ប្រភព៖ The Strait Time

អូស្រ្តាលី៖ ក្រុមអ្នកជំនាញអូស្រ្តាលីទើបរកឃើញខ្មោចនាវាមួយគ្រឿង ដែលបានលិចចូលទៅក្នុងសមុទ្រអស់រយៈពេល ៥៥ឆ្នាំមកហើយ នេះបើយោងតាមការចុះផ្សាយរបស់បណ្តាញសារព័ត៌មាន BBC នៅព្រឹកថ្ងៃព្រហស្បតិ៍ ទី២៥ ខែកក្កដា។ នាវាមួយគ្រឿងនេះគឺជាប្រភេទនាវាដឹកទំនិញ មានប្រវែង ៧១ម៉ែត្រ ហើយការស្វែងរកនាវាមួយគ្រឿងគឺបេសកកម្មដ៏ធំបំផុតមួយនៅក្នុងប្រវត្តិសាស្រ្តរបស់អូស្រ្តាលីផងដែរ។ ប្រភពខាងលើបានបន្តថា កាលពីឆ្នាំ ១៩៦៩កន្លងទៅនាវាខាងលើនេះបានដឹកដែកថែបជាច្រើនតោនធ្វើដំណើរចេញពីតំបន់ឆ្នេរសមុទ្រ New South Wales ដោយនៅលើនាវានោះមានផ្ទុកមនុស្សសរុបចំនួន ២៦នាក់។ ក្រោយធ្វើដំណើរចេញពីតំបន់ឆ្នេរបានបន្តិច នាវាក៏ត្រូវប្រឈមនឹងបញ្ហាអាកាសធាតុដ៏អាក្រក់បំផុតមួយ ដែលបានបណ្តាលឱ្យនាវាត្រូវលិចយ៉ាងឆាប់រហ័ស ខណៈភ្លាមៗនោះមនុស្សចំនួន ៥នាក់ត្រូវបានជួយសង្រ្គោះជីវិតបានទាន់ពេល ហើយមនុស្សចំនួន ២១នាក់ទៀតត្រូវស្លាប់បាត់បង់ជីវិត។ នៅក្នុងចំណោមអ្នកស្លាប់ទាំង ២១នាក់នោះទៀតសោធ គឺគេអាចរកឃើញសាកសពជនរងគ្រោះតែម្នាក់ប៉ុណ្ណោះ ហើយសាកសពជនរងគ្រោះចំនួន ២០នាក់ទៀតត្រូវលិចជាមួយនាវាបាត់តាំងពីពេលនោះតែម្តង៕  អត្ថបទ៖ ភក្តី

តៃវ៉ាន់៖ ព្យុះទីហ្វុង Gaemi បានធ្វើដំណើរទៅដល់កោះវ៉ាន់ហើយ និងកំពុងតែបង្កការគំរាមគំហែងយ៉ាងចំពោះការរស់នៅនិងប្រកបអាជីវកម្មរបស់ប្រជាពលរដ្ឋ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃព្រហស្បតិ៍ ទី២៥ ខែកក្កដា។ បើតាមអាជ្ញាធរតៃវ៉ាន់បានបញ្ជាក់ថា ព្យុះបានធ្វើដំណើរក្នុងល្បឿន ២២៧គីឡូម៉ែត្រក្នុងមួយម៉ោង ហើយវាគឺជាព្យុះដ៏មានគ្រោះថ្នាក់បំផុតមួយសម្រាប់កោះតៃវ៉ាន់ បើគិតក្នុងរយៈពេល ៨ឆ្នាំចុងក្រោយនេះ។  ប្រភពខាងលើបានបន្តថា ឥទ្ធិពលរប​ស់ព្យុះទីហ្វុង Gaemi បានបង្កឱ្យមានខ្យល់បោកបក់ និងភ្លៀងធ្លាក់យ៉ាងខ្លាំង ដែលបង្ខំឱ្យក្រុមអ្នកនេសាទតៃវ៉ាន់ជាច្រើនត្រូវផ្អាកសកម្មភាពជាបណ្តោះអាសន្ន ហើយមធ្យោបាយធ្វើដំណើរតាមផ្លូវសមុទ្រជាច្រើនក៏ត្រូវផ្អាកដំណើរការជាបណ្តោះអាសន្នសិនផងដែរ។ ចំពោះគ្រោះថ្នាក់ដែលបានកើតឡើងចំពោះមនុស្សវិញ គឺគិតត្រឹមពេលនេះព្យុះទីហ្វុង Gaemi បានបណ្តាលឱ្យពលរដ្ឋតៃវ៉ាន់ចំនួន ២នាក់បានស្លាប់បាត់បង់ជីវិត ខណៈពលរដ្ឋចំនួន ២៦៦ផ្សេងទៀតបានរងរបួសផងដែរ៕ អត្ថបទ៖ ភក្តី ប្រភព៖ The Strait Time

នេប៉ាល់៖ ​យ៉ាងហោចណាស់មានមនុស្សចំនួន ១៨នាក់បានស្លាប់បាត់បង់ជីវិតនៅក្នុងហេតុការណ៍ធ្លាក់យន្តហោះមួយគ្រឿងនៅក្នុងប្រទេសនេប៉ាល់ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅល្ងាចថ្ងៃពុធ ទី២៤ ខែកក្កដា។ យន្តហោះមួយគ្រឿងនេះគឺជាយន្តហោះដឹកអ្នកដំណើរខ្នាតតូចរបស់ក្រុមហ៊ុន The Saurya Airlines ហើយការហោះហើរនេះទៀតសោធគឺគ្រាន់តែជាការហោះហើរសាកល្បងរបស់ក្រុមហ៊ុនតែប៉ុណ្ណោះ។ បើតាមលោក Dan Bahadur Karki ដែលជាអ្នកនាំពាក្យឱ្យស្ថាប័នប៉ូលិសជំនាញនេប៉ាល់បានបញ្ជាក់ថា នៅក្នុងយន្តហោះដែលជួបគ្រោះថ្នាក់ខាងលើនេះគឺមានផ្ទុកមនុស្សសរុបរហូតដល់ទៅ ១៩នាក់ ក្នុងនោះមនុស្ស ២នាក់គឺជាក្រុមអ្នកបើកបរ និង ១៧នាក់ផ្សេងទៀតគឺជាបុគ្គលិករបស់ក្រុមហ៊ុនអាកាសចរណ៍ The Saurya Airlines ដែលត្រូវបានក្រុមហ៊ុនជ្រើសរើសឱ្យមកជិះយន្តហោះសាកល្បងក្នុងនាមជាអ្នកដំណើរ។ ប្រភពខាងលើនេះបានបន្តថា ភ្លាមៗក្រោយយន្តហោះធ្លាក់ក្រុមអ្នកជួយសង្គ្រោះបានទៅជួយទាញយកអ្នកបើកបរម្នាក់ប៉ុណ្ណោះពីក្នុងអណ្តាតភ្លើង ខណៈ ១៨នាក់ផ្សេងទៀតបានស្លាប់នៅក្នុងអណ្តាតភ្លើងយ៉ាងអាណោចអាធ័មជាទីបំផុត៕ អត្ថបទ៖ ភក្តី

ហ្វីលីពីន៖ យ៉ាងហោចណាស់មានពលរដ្ឋហ្វីលីពីនចំនួន ១៤នាក់បានស្លាប់បាត់បង់ជីវិតដោយសារតែឥទ្ធិពលរបស់ព្យុះទីហ្វុង Gaemi នេះបើយោងតាមការចុះផ្សាយរបស់បណ្តាញសារព័ត៌មាន The Strait Time ​នៅក្នុងរសៀលថ្ងៃពុធ ទី២៤ ខែកក្កដា។ គិតត្រឹមពេលនេះព្យុះទីហ្វុង Gaemi កំពុងតែបង្កឱ្យមានភ្លៀងធ្លាក់ខ្លាំង និងបង្កឱ្យមានទឹកជំនន់ជនលិចផ្លូវសំខាន់ៗជាច្រើននៅក្នុងរដ្ឋធានីរបស់ប្រទេសហ្វីលីពីន។ ក្រៅតែពីបានសម្លាប់មនុស្សអស់ចំនួន ១៤នាក់ហើយ ឥទ្ធិពលរដ្ឋរបស់ព្យុះទីហ្វុង Gaemi​ ក៏បានបង្ខំឱ្យពលរដ្ឋហ្វីលីពីនជាង ៦០០,០០០នាក់ត្រូវធ្វើការជម្លៀសខ្លួនចេញពីផ្ទះស្បែងរបស់ពួកគេជាបន្ទាន់ផងដែរ ក្នុងនោះមានពលរដ្ឋប្រមាណជា ៣៥,០០០នាក់បានសម្រេចទៅស្នាក់នៅក្នុងជំរុំជនភ្លៀសខ្លួនមួយរួមគ្នា។ នៅចំពោះមុខស្ថានភាពគ្រោះថ្នាក់នេះអាជ្ញារហ្វីលីពីនក៏បានសម្រេចបិទសាលារៀន ហាង និងកន្លែងធ្វើការងារមួយចំនួនជាបណ្តោះអាសន្នសិនផងដែរ៕ អត្ថបទ៖ ភក្តី ប្រភព៖ The Strait Time

ហ្វីលីពីន៖ ប្រទេសហ្វីលីពីនកំពុងទទួលរងនូវការវាយប្រហារដោយព្យុះទីហ្វុងដ៏គ្រោះថ្នាក់មួយមានឈ្មោះថា Gaemi នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃពុធ ទី២៤ ខែកក្កដា។ បើតាមអាជ្ញាធរហ្វីលីពីនបានបញ្ជាក់ថា ទីតាំងដែលកំពុងតែទទួលរងការគំរាមគំហែងយ៉ាងខ្លាំងនោះមា​នដូចជា តំបន់ស្ថិតនៅភាគខាងជើងប្រទេស និងរដ្ឋធានីរបស់ហ្វីលីពីនផងដែរ។ ប្រភពខាងលើបានបន្តថា លទ្ធិពលរបស់ព្យុះទីហ្វុង Gaemi បានបង្កឱ្យមានខ្យល់បោកបក់ និងមានភ្លៀងធ្លាក់យ៉ាងខ្លាំងរហូតធ្វើឱ្យតំបន់ជាច្រើនត្រូវជន់លិចដោយជំនន់ទឹកភ្លៀងយ៉ាងធ្ងន់ធ្ងរ។ នៅចំពោះមុខស្ថានភាពគ្រោះថ្នាក់នេះអាជ្ញាធរហ្វីលីពីនបានសម្រេចបិទសាលារៀន និងកន្លែងធ្វើការងារជាច្រើនជាបណ្តោះអាសន្ន ខណៈមានពលរដ្ឋប្រមាណជា ១៣លាននាក់ត្រូវបានណែនាំកុំឱ្យធ្វើដំណើរចេញពីផ្ទះបើគ្មានការចាំបាច់ដើម្បីបញ្ចៀសគ្រោះថ្នាក់ផ្សេងៗ ដែលអាចបង្កឡើងដោយសារព្យុះទីហ្វុង Gaemi ៕ អត្ថបទ៖ ភក្តី ប្រភព៖ The Strait Time  

អាមេរិក៖ ការស្ទង់មតិមួយបានបង្ហាញថា លោកស្រី កាម៉ាឡា ហារីស អាចទទួលបានសំឡេងគាំទ្រច្រើនជាង លោក ដូណាល់ ត្រាំ សម្រាប់ការបោះឆ្នោតជ្រើសរើសប្រធានាធិបតីអាមេរិក នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃពុធ ទី២៤ ខែកក្កដា។ ការស្ទង់មតិខាងលើនេះគឺត្រូវបានរៀបចំឡើងក្នុងរយៈពេលត្រឹមតែ ១ថ្ងៃប៉ុណ្ណោះ ដោយគិតចាប់តាំងពីថ្ងៃទី ២៣ រហូតដល់ ថ្ងៃទី ២៣ ខែកក្កដា។ លទ្ធផលនៃការស្ទង់មតិបានបង្ហាញថា លោកស្រី កាម៉ាឡា ហារីស ទទួលបានសំឡេងគាំទ្រសរុបចំនួន ៤៤% ទល់នឹងលោក ដូណាល់ ត្រាំ ទទួលបានសំឡេងសរុប៤២%

អេត្យូពី៖ យ៉ាង​ហោចណាស់មានពលរដ្ឋអេត្យូពីចំនួន ៥០នាក់បានស្លាប់បាត់បង់ជីវិតនៅក្នុងហេតុការណ៍បាក់ដីដ៏គួររន្ធត់មួយ នេះបើយោងតាមការចុះផ្សាយរបស់បណ្តាញសារព័ត៌មាន BBC នៅក្នុងថ្ងៃអង្គារ​ ទី២៣ ខែកក្កដា។ ហេតុការណ៍អកុសលនេះបានកើតឡើងនៅតំបន់ Gofa ដែលជាតំបន់ភ្នំនិងដាច់ស្រយាលមួយស្ថិតនៅប៉ែកខាងត្បូង នៃប្រទេសអេត្យូពី។ បើតាមអាជ្ញាធរអេត្យូពីបានបញ្ជាក់ថា​ ហេតុការណ៍បាក់ដីនេះបានកើតឡើងក្រោយតំបន់កើតហេតុខាងលើបានប្រឈមនឹងសម្ពាធភ្លៀងធ្លាក់ជាច្រើនថ្ងៃជាប់ៗគ្នា រហូតធ្វើឱ្យដីត្រូវជាំទឹកនិងបាក់យ៉ាងឆាប់រហ័សតែម្តង។ ប្រភពខាង​លើបានបន្តថា គិតត្រឹមពេលនេះភ្លៀងនៅមិនទាន់ឈប់ធ្លាក់នៅឡើយទេ ហើយការបាក់ដីក៏អាចបន្តកើតមានបន្ថែមទៀតផងដែរ៕  អត្ថបទ៖ ភក្តី ប្រភព៖ BBC