តាមការបញ្ជាក់របស់លោក ឡុង ឌីម៉ង់ ដែលជាអគ្គរាជទូតកម្ពុជា ប្រចាំប្រទេសកូរ៉េខាងត្បូងបានអោយដឹងថា លោកបានជជែកញនាជាមួយជនជាតិខ្មែរដែលផ្ទុកវីរុស កូវីដ-១៩ ដោយផ្ទាល់តាមរយៈទូរស័ព្ទ និងសួរសុខទុក្ខពួកគាត់ ហើយលោក ឡុង ឌីម៉ង់ បានបញ្ជាក់ថា ប្អូនស្រីរួមទាំងម្ដាយហើយនិងកូនប្រុសដែលមានអាយុទើបតែបាន 3 ខែនោះ មានសុខភាពល្អធម្មតា ទាំងផ្លូវកាយ និងផ្លូវចិត្ត។ អគ្គរាជទូតកម្ពុជា រូបនេះបានអោយដឹងនៅលើបណ្តាញសង្គម Facebook ថា៖ “ព្រឹកនេះខ្ញុំបានជួបជជែកជាមួយប្អូនស្រីដែលមានផ្ទុកវីរ៉ុស covid19 តាមរយៈទូរស័ព្ទពីក្នុងមន្ទីរពេទ្យដោយមានការអនុញ្ញាតជាពិសេសពីសំណាក់អាជ្ញាធរសុខាភិបាលកូរ៉េ។ ប្អូនស្រីរួមទាំងម្ដាយហើយនិងកូនប្រុសដែលមានអាយុទើបតែបាន 3 ខែនោះ កំពុងតែមានសុខភាពល្អប្រសើររួមទាំងសុខភាពផ្លូវចិត្តផង។ ស្ថានទូតកម្ពុជារួមទាំងរូបខ្ញុំផ្ទាល់ នឹងបន្តតាមដានស្ថានភាពសុខភាពរបស់ប្អូនស្រីនិងម្ដាយក៏ដូចជាទារកនេះ ដោយយកចិត្តទុកដាក់បំផុត រួមទាំងផ្ដល់នូវរាល់កិច្ចសហការនានាជាមួយនឹងអាជ្ញាធរពាក់ព័ន្ធទាំងអស់របស់កូរ៉េ។”

រាជធានីភ្នំពេញ ៖ ជនសង្ស័យម្នាក់ ក្នុងចំណោមបក្ខពួក២នាក់ ត្រូវបានកម្លាំងប៉ូលិសប៉ុស្តិ៍ស្ទឹងមានជ័យ៣ ធ្វើការឃាត់ខ្លួនបាន ក្រោយពីធ្វើសកម្មភាពឆក់ទូរស័ព្ទពីនារីរងគ្រោះ បានសម្រេច ហើយជិះគេចខ្លួន តែជនរងគ្រោះជិះដេញតាមស្រែក ចោរៗ រហូតមកជួបកម្លាំងល្បាតចេញជួយអន្តរាគមន៍តែម្ដង តែបក្ខពួកម្នាក់ទៀត បានរត់គេចខ្លួនបាត់ទៅហើយ ។ ហេតុការណ៍នេះបានបង្កការភ្ញាក់ផ្អើលកាលពីវេលាម៉ោង០៧:១៥នាទីយប់ ថ្ងៃទី២១ ខែមីនា ឆ្នាំ២០២០ នៅចំណុចតាមផ្លូវឌួងងៀប ភូមិដំណាក់ធំ៣ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ។ លោកវរសេនីយ៍ត្រី ឯម ភារី នាយប៉ុស្តិ៍ស្ទឹងមានជ័យបានអោយដឹងថា ជនសង្ស័យដែលឃាត់ខ្លួនបានមានឈ្មោះ សុវណ្ណ ចាន់រ៉ាឌី អាយុ២០ឆ្នាំមុខរបរកម្មករសំណង់ ស្នាក់នៅផ្ទះជួលភូមិព្រែកទាល់ សង្កាត់ស្ទឹងមានជ័យទី២

មុននេះបន្តិចរដ្ឋបាលរាជធានីបានចេញលិខិតថ្លែងអំណរគុណ ជូនចំពោះលោកឧកញ៉ា ខូវ សម្បត្តិ អគ្គនាយកក្រុមហ៊ុន ថៃ ប៊ុនរ៉ុង ដែលបានផ្តល់សណ្ឋាគារ Great Duke ជាទីតាំងដើម្បីព្យាបាលអ្នកជំងឺ COVID-19។ គួរបញ្ជាក់ថា នៅព្រឹកថ្ងៃទី ១៧ ខែមីនា ឆ្នាំ២០២០ កន្លងទៅនេះ ក្រសួងសុខាភិបាលបានអោយដឹងថា ដោយមានការសម្រេចពីរាជរដ្ឋាភិបាល ក្រសួងសុខាភិបាល បានសហការណ៍ជាមួយឯកឧត្តមអភិបាលរាជធានីភ្នំពេញ នឹងប្រើប្រាស់អតីតសណ្ឋាគារលំដាប់ផ្កាយ៥ អ៉ីធើខុន ដែលបច្ចុប្បន្នឈ្មោះ The Great Duke ធ្វើជាមន្ទីពេទ្យពិនិត្រព្យាបាលជំងឺ COVID-19៕

តាមការចុះផ្សាយរបស់ស្ថានទូតកម្ពុជាប្រចាំប្រទេសកូរ៉េ នៅមុននេះបន្តិចលើបណ្តាញសង្គម Facebook ផ្លូវការបានអោយដឹងថា មានជនជាតិខ្មែរដែលរស់នៅប្រទេសកូរ៉េ ចំនួន២នាក់បានឆ្លងជំងឺកូវីដ-១៩ ។ បន្ថែមពីនេះទៀត ស្ថានទូតកម្ពុជាប្រចាំប្រទេសកូរ៉េ បានអោយដឹងដែរថា៖ ” ស្ថានទូតកម្ពុជាប្រចាំប្រទេសកូរ៉េសូមជូនដំណឹងជាបឋមថាថ្ងៃសៅរ៍ ទី២១​ ខែមីនា​ ឆ្នាំ២០២០​នេះ​ មានជនជាតិខ្មែរចំនួន២នាក់ ដែលជានារីខ្មែររៀបការស្វាមីកូរ៉េ​ ០១នាក់​ អាយុ២៣ឆ្នាំ​ ម្តាយ​ អាយុ​ ៤៦ឆ្នាំ​ រួមជាមួយនឹងកូនប្រុសអាយុទើប៣ខែ នៅទីក្រុងប៊ូឆុន​ ដែលស្ថិតនៅចម្ងាយប្រមាណ២០គីឡូម៉ែត្រពីទីក្រុងសេអ៊ូល​ បានឆ្លងវីរ៉ុស​ COVID-19 ពីប្តីរបស់គាត់ ដែលប្តីរូបនោះបានឆ្លងពីក្មួយ​បានផ្ទុកវីរ៉ុសCOVID-19 ពីទីក្រុងដេគូ​ ដែលជាតំបន់ឆ្លងខ្លាំងជាងគេនៅកូរ៉េ​។ សូមជម្រាបជូនថា​ ប្តីរបស់នារីខ្មែររូបនេះ​ ត្រូវបានគេពិនិត្យឃេីញមាន​

អ៊ីតាលី៖  យោងតាមការចុះផ្សាយរបស់សារព័ត៌មាន Channelnewsasia បានឲ្យដឹងថា តាមរបាយការណ៍ពីប្រទេសអ៊ីតាលីគិតត្រឹមថ្ងៃសៅរ៍ ទី២១ បានឲ្យដឹងថា ចំនួនអ្នកស្លាប់ថ្មីក្នុងរយៈពេល១ថ្ងៃ ដោយសារវីរុសកូវីដ១៩ មានចំនួនរហូតដល់ទៅ ៧៩៣នាក់ ដែលធ្វើឲ្យចំនួនអ្នកស្លាប់សរុបបានកើនឡើងដល់ ៤,៨២៥នាក់ ដោយចំនួននេះស្មើនឹង ៣៨.៣%នៃចំនួនអ្នកស្លាប់សរុបទូទាំងពិភពលោក ហើយវាក៏តួលេខអ្នកស្លាប់ប្រចាំថ្ងៃដ៏ខ្ពស់បំផុតមិនធ្លាប់មាននៅក្នុងប្រទេសអ៊ីតាលីផងដែរ។ ចំណែកឯអ្នកឆ្លងវីរុសកូវីដ១៩ ប្រចាំថ្ងៃនៅក្នុងប្រទេសអ៊ីតាលី គឺមានចំនួន ៦,៥៥៧ករណី ដែលធ្វើឲ្យចំនួនអ្នកឆ្លងសរុបកើនឡើងដល់ ៥៣,៥៧៨នាក់ ហើយគិតមកទល់ពេលនេះ ប្រទេសអ៊ីតាលីក៏បានខំប្រឹងព្យាបាលអ្នកជំងឺបានជាសះស្បើយចំនួន ៦,០៧២នាក់ផងដែរ៕ អត្ថបទ៖ សេម ប្រភព៖ Channelnewsasia

រាជធានីភ្នំពេញ ៖ កណ្ដាលយប់ស្ងាត់ផ្លូវធំទូលាយទៀត ក្មេងស្ទាវមួយក្រុមមានគ្នា៦-៧នាក់ នាំគ្នាបង្ហោះម៉ូតូប្រសេចប្រសាចពេញផ្លូវ ចៃដន្យជួបកម្លាំងកងអន្តរាគមន៍ពិសេស នៃអធិការដ្ឋាននគរបាលខណ្ឌមានជ័យ កំពុងល្បាតទប់ស្កាត់បទល្មើសក្នុងមូលដ្ឋាន ក៏ប្រដេញតាមឃាត់បាន៥នាក់ និងម៉ូតូ៣គ្រឿង នាំមកអធិការដ្ឋានខណ្ឌមានជ័យ ដើម្បីណែនាំ អប់រំ និងអោយអាណាព្យាបាលមកធ្វើកិច្ចសន្យាធានាយកទៅផ្ទះវិញ កុំឲ្យចេះតែធ្វើអំពើដែលមិនគប្បីដូច្នេះបន្តទៅទៀត ចំណែកឯម៉ូតូមួយគ្រឿងទៀត ជិះរត់ចូលព្រៃបាត់ស្រមោល ។ ករណីបង្ក្រាបក្រុមបង្ហោះម៉ូតូនេះ បានធ្វើឡើងនៅវេលាម៉ោងជិត២រំលងអាធ្រាត្រ ថ្ងៃទី២២ ខែមីនា ឆ្នាំ២០២០នេះ នៅចំណុចផ្លូវ៦០ម៉ែត្រ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។ បើតាមសម្ដីលោកអនុសេនីយ៍ឯក ភក្ដី ម៉ាណេត ប្រធានក្រុមអន្តរាគមន៍ពិសេស បានប្រាប់ឲ្យដឹងថា នៅមុនពេលឃាត់ខ្លួនក្រុមក្មេងស្ទាវទាំងនេះ អនុវត្តគោលនយោបាយ

យោងតាមការបញ្ជាក់ពីទូរទស្សន៍ជាតិកម្ពុជា ទទក នាព្រឹកថ្ងៃទី២២ ខែមីនា ឆ្នាំ២០២០ បានឲ្យដឹងថា ក្រុមគ្រូពេទ្យជំនាញព្យាបាលជំងឺកូវីដ១៩នៃប្រទេសចិន នឹងមកដល់ព្រលានយន្តហោះអន្តរជាតិ​ភ្នំពេញ ច្រកវីអាយភី នៅវេលា​ម៉ោង០៨ និង៣០ព្រឹក ថ្ងៃទី២៣ខែមីនាឆ្នាំ២០២០ តាមជើងយន្តហោះពិសេស។ នេះជាក្រុមគ្រូពេទ្យជំនួយទីមួយរបស់ប្រទេសចិនទៅកាន់ប្រទេសអាស៊ាន ខណៈដែលជំងឺកូវីដ១៩កំពុរាតត្បាតក្នុងតំបន់ និងទូទាំងសកលលោកគួរអោយបារម្ភ។ ឯកឧត្ដម​ វ៉ាង​ វិនធាន ឯកអគ្គ​រដ្ឋទូតចិនប្រចាំកម្ពុជា និងឯកឧត្ដម​ រដ្ឋមន្រ្តី​ក្រសួងសុខាភិបាល​កម្ពុជា នឹងមានវត្តមានក្នុងពិធីបដិសណ្ឋារកិច្ចនៅព្រលានយន្តហោះ។ គួរបញ្ជាក់ផងដែរថា នៅរសៀលថ្ងៃទី១៩ ខែមីនា ឆ្នាំ២០២០នេះ ក្រសួងសុខាភិបាលកម្ពុជាបានទទួលជំនួយជាឧបករណ៍ពិនិត្យរកមេរោគកូវីដ១៩ ចំនួន ៣,០០០ឈុត ពីប្រទេសចិន ដែលឧបករណ៍នោះដើរតួនាទីយ៉ាងសំខាន់សម្រាប់បម្រើក្នុងការទប់ស្កាត់ និងការឆ្លើយតបការរាតត្បាតនៃមេរោគកូរ៉ូណាថ្មី (កូវីដ១៩)

យោងតាមសេចក្តីប្រកាសរបស់ក្រសួងសុខាភិបាលចុះផ្សាយកាលពីយប់ថ្ងៃទី២១ ខែមីនា ឆ្នាំ២០២០ បានអោយដឹងថា កម្ពុជាបានរកឃើញវិជ្ជមាន កូវីដ-១៩ ចំនួន ២ករណីទៀត ដោយសរុបមកទល់នឹងបច្ចុប្បន្នចំនួនកើនឡើងដល់ ៥៣ករណី។ ក្នុងសេចក្តីប្រកាសនេះដែរ ការរកឃើញវិជ្ជមាន កូវីដ-១៩ គឺត្រូវបានរកឃើញនៅលើបុរសទេសចរជនជាតិបារាំង ដែលស្នាក់នៅក្នុងសណ្ឋាគារមួយក្នុងខេត្តព្រះសីហនុ។ អ្វីដែលគួរអោយត្រេកអរនោះគឺ ស្ត្រីជានជាតិអង់គ្លេស ដែលរកឃើញវិជ្ជមាន កូវីដ-១៩ នៅលើនាវាទេសចរណ៍ Viking នៅខេត្តកំពង់ចាម កន្លងទៅពេលនេះបានជាសះស្បើយ ក្រោយការធ្វើតេស្តចំនួន២ដង ហើយគាត់នឹងត្រូវបានអនុញ្ញាតអោយចេញពីមន្ទីពេទ្យនៅស្អែកនេះ៕ គួរបញ្ជាក់ផងដែរថា ដោយសារតែការរាតត្បាតវីរុសកូវីដ១៩ រដ្ឋាភិបាលកម្ពុជា បានប្រកាសអោយសាលាទូទាំងប្រទេស និងគ្រប់កម្រិតសិក្សាអនុវត្តវិស្សមកាលតូចមុនកាលកំណត់ ហើយក៏បានប្រកាសអោយបិទ KTV រោងកុន ក្លឹបកំសាន្ត ហាមមិនអោយមានការជួបជុំរៀបចំពិធីសាសនាផ្សេងៗនោះឡើយ និងអោយធ្វើការផ្អាកការរៀបចំប្រគុំតន្ត្រីតាមទីសាធារណៈ

រាជធានីភ្នំពេញ៖ យោងតាមប្រភពព័ត៌មានបានឲ្យដឹងថា ស្ត្រីជនជាតិអង់គ្លេស វ័យ៦៥ឆ្នាំ ដែលត្រូវបានរកឃើញមានវីរុសកូវីដនៅខេត្តកំពង់ចាម នៅលើនាវា Viking Cruise Journey ហើយត្រូវបានបញ្ជូនមកព្យាបាលនៅក្រុងភ្នំពេញនោះ ឥឡូវនេះបានជាសះស្បើយហើយ។ បើតាមការពីបញ្ជាក់ពីក្រុមគ្រូពេទ្យបានឲ្យដឹងថា ស្ត្រីជនជាតិអង់គ្លេសរូបនេះនឹងត្រូវអនុញ្ញាតឲ្យចាកចេញពីមន្ទីរពេទ្យឆាប់ៗខាងមុខនេះ។ គួរបញ្ជាក់ផងដែរថា គិតត្រឹមយប់ថ្ងៃទី២០ ខែមីនា ឆ្នាំ២០២០ ក្រសួងសុខាភិបាលបានរកឃើញអ្នកមានវិជ្ជមានវីរុសកូវីដ១៩សរុបចំនួន ៥១ករណី ដែលមានដូចជា៖ + រាជធានីភ្នំពេញ ១១ករណី + ក្រុងព្រះសីហនុ ១ករណី + ខេត្តសៀមរាប ២ករណី + ខេត្តកំពង់ចាម ១០ករណី + ខេត្តបាត់ដំបង ៨ករណី

ភ្នំពេញ៖ យោងតាមហ្វេសបុករបស់លោក ឡុង ស្រេង អនុប្រធាននាយកដ្ឋាននគរបាល ប្រឆាំងបទល្មើសសេដ្ឋកិច្ច ក្រសួងមហាផ្ទៃ បានឲ្យដឹងថា៖ រសៀលថ្ងៃទី២១ ខែមីនា​ ឆ្នាំ២០២០​ នគរបាលប្រឆាំងបទល្មើសសេដ្ឋកិច្ច ដឹកនាំបញ្ជាដោយឯកឧត្ដម ឧត្ដមសេនីយ៍ឯក​ ចាន់​ វ៉ាន់ធឿន ប្រធាននាយកដ្ឋាននគរបាលប្រឆាំងបទល្មើសសេដ្ឋកិច្ច​ បានចុះបង្ក្រាបបទល្មើសនាំចូល ស្ដុក​ ចែកចាយមេតាណុល( ផលិតជាអាល់កុល)​ប្រមាណ​ ៤ ២០០​លីត្រ។ ដោយមានការចូលពីមន្ដ្រីក្រសួងសុខាភិបាលនិងមន្ដ្រីស្ដង់ដាជាតិកម្ពុជានៃក្រសួងឧស្សាហ៍កម្មនិងសិប្បកម្មនិងមន្ដ្រីអាជ្ញាធមូលដ្ឋាននិងមានការសម្របសម្រួលដោយលោកសាយ ណារ៉ូ ព្រះរាជអាជ្ញារងអមសាលាដំបូងរាជធានីភ្នំពេញ នៅផ្លូវ៣២៨ សង្កាត់ទួលស្វាយព្រៃ១ ខណ្ឌបឹងកេងកង​ រាជធានីភ្នំពេញ។ សូមបងប្អូនត្រូមានការប្រុងប្រយ័ត្នខ្ពស់ដើម្បីសុខភាព ពីព្រោះមេតាណុលគឺជាថ្នាំពុល៕