ករណី​រក​ឃើញ​វីរុសកូរ៉ូណា​ថ្មី​នៅ​ទឹក​ដី​កម្ពុជា​ដែលឆ្លងនោះ​ជា​ជនជាតិ​ចិន មកពីវូ​ហាន ទៀត​នោះ រឹតតែ​ធ្វើឲ្យ​ប្រជាជន​ព្រួយបារម្ភ​ទ្វេដង។ ទន្ទឹម​នឹង​នោះ​ផង​ដែរ ក៏​មាន​ការលើកឡើង​ជា​សំណួរ​ផ្សេង​ៗ​គ្នា​ថា តើ​មនុស្ស​ប្រភេទ​ណា​ងាយ​នឹង​ឆ្លង​វីរុស​កូរ៉ូណាថ្មី​នេះ? លោក​វេជ្ជបណ្ឌិត សូ សំណាង ឯកទេស​ទូទៅ បាន​ឲ្យ​ដឹង​ថា អ្នក​ដែល​មាន​ប្រព័ន្ធ​ភាព​ស៊ាំ​ខ្សោយ ហើយ​មាន​ជំងឺ​ផ្សេង​ៗ​ទៀត​នោះ​ងាយ​នឹង​ឆ្លង​ណាស់ ដូចជា អ្នក​ជំងឺ​ទឹកនោមផ្អែម អ្នក​ជំងឺ​បេះដូង អ្នក​ជំងឺ​របេង លើស​សម្ពាធឈាម ដែល​អ្នក​ទាំង​ប៉ុន្មាន​ប្រភេទ​នោះ​ពេល​ឆ្លងវីរុសកូរ៉ូណា ​សភាព​កាន់តែ​ដុនដាប​ខ្លាំង និង​អត្រា​ព្យាបាលជាសះស្បើយ​ក៏​កាន់តែ​តិច​ដែរ។ មួយ​វិញ​ទៀត​ចំពោះ ទារក កុមារ​តូច​ៗ និង​មនុស្ស​ចាស់ជរា ក៏​ងាយ​ឆ្លង​ដែរ ព្រោះ​ប្រព័ន្ធ​ការពារ​ក្មេង​នៅ​ខ្ចី និង​មិន​ទាន់​វិវត្តបាន​រឹងមាំ ហើយ​ចាស់​​ប្រព័ន្ធ​ការពារ​រាងកាយ​ចុះ​ខ្សោយ។ លោក​ក៏​បាន​បញ្ជាក់​ទៀត​ដែរ​ថា សម្រាប់​អ្នក​ជំងឺ​ខ្លះ​ដែល​ព្យាបាល​ជា​សះស្បើយ​មកពី​ប្រព័ន្ធ​ការពារ​រាងកាយ​រឹងមាំ​ល្អ ហើយ​គ្រូពេទ្យ​នឹង​បន្ថែម​របប​អាហារ​ដែល​ជួយ​ពង្រឹង​ប្រព័ន្ធ​ការពារ។ ដូចនេះ​យើង​ត្រូវ​ញ៉ាំ​អាហារ​ណា​ដែល​ជួយ​ដល់​រាងកាយ​

ខេត្តសៀមរាប៖ បុគ្គលពីរនាក់ ប្រុសម្នាក់ ស្រីម្នាក់ ដែលជាជនសង្ស័យថាជាអ្នកបំផុសបំផុលព័ត៌មានទាក់ទងនឹង មេរោគប្រភេទថ្មី កូរ៉ូណា ដែលកើតមាននៅខេត្តសៀមរាបក្រុងសៀមរាប នៅឯសណ្ឋាគារប៉ាស៊ីហ្វិក កាលពីល្ងាចថ្ងៃទី២៨ ខែមករា ឆ្នាំ២០២០ត្រូវបាននាំខ្លួនមកសាកសួរនៅស្នងការដ្ឋានខេត្តសៀមរាបហើយ។ សមត្ថកិច្ច​បញ្ជាក់​ថា​ បុគ្គល២​នាក់​នេះ​បានបង្ហោះ​ព័ត៌មាន​ តាមបណ្តាញ​សង្គម​ហ្វេសប៊ុក​ ដោយអះអាងថា​មានករណី​ឆ្លង​វីរុស​កូរ៉ូណា​ ចំនួន​ ៤​ករណី​ នៅសណ្ឋាគារ​ប៉ាស៊ីហ្វិក​ ខេត្តសៀមរាប​។ ការផ្សាយនេះ​ត្រូវ​បានសាលាខេត្តសៀមរាប​ចេញ​សេចក្ដី​បំភ្លឺ​មួយដោយបាន​បញ្ជាក់​ថា​ គ្មាន​ករណី​ឆ្លង​ជម្ងឺ​ផ្លូវ​ដង្ហើម​វីរុស​កូរ៉ូណា​ កេីតឡេីងនៅ​សណ្ឋាគារ​ណាមួយ​ក្នុង​ខេត្ត​សៀមរាប​នោះទេ​៕  

ចិន បានសម្រេចបើកដំណើរការមន្ទីពេទ្យពិសេសសម្រាប់ជួយសង្គ្រោះអ្នកផ្ទុកមេរោគ Coronavirus ដំបូងបំផុតរបស់ខ្លួននៅក្នុងទីក្រុង Huangzhou ដែលនៅក្បែរនឹងទីក្រុង Wuhan ក្រោយពេលរៀបចំអស់រយៈពេល 48ម៉ោង តាមរយៈការចូលធ្វើការស្មគ្រ័ចិត្ត ពីបណ្តារក្រុមការងារវិស្វករនិងក្រុមគ្រូពេទ្យ ដោយប្រែក្លាយអាគារពេទ្យទទេរនេះ អោយមានសំភារៈគ្រប់គ្រាន់ និងគ្រែអ្នកជំងឺចំនួន 1ពាន់គ្រែ នេះបើតាមការចុះផ្សាយរបស់កាសែត dailymail។ គួរបញ្ជាក់ផងដែរថាមន្ទីពេទ្យខាងលើនេះត្រូវបានសាងសង់រួចជាស្ថាពរ ដែលវាជាសាខាកណ្តាលនៃមន្ទីពេទ្យ Huanggang ក្នុងក្រុង Huangzhou ដោយគ្រោងនឹងបើកដំណើរការនៅខែឧសភា ខាងមុខនេះ។ ប៉ុន្តែដោយសារតែស្ថានភាពបន្ទាន់នៃជំងឺ Coronavirus ទើបរដ្ឋាភិបាលចិន សម្រេចបើកដំណើរអាគារមន្ទីពេទ្យនេះមុនការគ្រោងទុក ដោយបានរៀបចំគ្រែពេទ្យ និងបរិក្ខារពេទ្យផ្សេងៗ បូករួមទាំងអគ្គីសនី ទឹក និងអ៊ីនធើណែត តាមរយៈការចូលរួមស្ម័គ្រចិត្តពីបណ្តារក្រុមការងារវិស្វករ

គិតត្រឹមព្រឹកថ្ងៃទី 29 ខែមករា ឆ្នាំ2020 នេះចំនួនអ្នកផ្ទុកមេរោគ Coronavirus បានកើនដល់ជាង 6ពាន់ ខណៈអ្នកស្លាប់កើនដល់ 132នាក់ ហើយប្រទេសថៃនៅតែស្ថិតនៅលើតារាងលេខ2 ដដែល ដែលមានអ្នកជំងឺច្រើនជាងគេបន្ទាប់ពីចិន នេះបើតាមការចុះផ្សាយរបស់កាសែត channelnewsasia។ បើតាមរោគសញ្ញាដែលបង្ហាញដោយកញ្ចក់ Monitor បានបង្ហាញអោយដឹងថា មានមនុស្សប្រមាណជាង 9ពាន់នាក់ទៀតកំពុងសង្ស័យថាបានឆ្លងមេរោគ Coronavirus ហើយដោយសារតែការគម្រាមកំហែងពីមេរោគនេះ ទើបគេកាត់បន្ថយជើងហោះហើរទៅកាន់ប្រទេសចិន ហើយបុគ្គលិកក្រុមហ៊ុនធំៗ ត្រូវបានរឹតត្បិតចំពោះការធ្វើដំណើរទៅកាន់ប្រទេសចិនដូចគ្នា។ បើតាមរបាយការណ៍ CNBC បានអោយដឹងថា សហរដ្ឋអាមេរិកបានសម្រេចផ្អាកចោលទាំងស្រុងនូវជើងហោះហើររបស់ខ្លួនទៅកាន់ប្រទេសចិន ដោយសារតែជំងឺមួយនេះ។

នៅមុននេះបន្តិចកាសែតសឹង្ហបូរី channelnewsasia បានចុះផ្សាយថានៅថ្ងៃទី ២៨ មករា ឆ្នាំ២០២០ នេះ តៃវ៉ាន់ បានរកឃើញពលរដ្ឋក្នុងស្រុករបស់ខ្លួនដំបូងបំផុត ដែលបានឆ្លងមេរោគ Coronavirus ពីពលរដ្ឋមកពីទីក្រុង Wuhan។ ករណីដំបូងនេះដែរ បានធ្វើអោយតៃវ៉ាន់ ព្រមានការធ្វើដំណើរទៅកាន់ប្រទេសចិន លុះត្រាតែមានករណីចំបាច់ណាមួយ។ តៃវ៉ាន់ និងប្រទេសចិន មានវប្បធម៌និងសេដ្ឋកិច្ចជិតស្និតនឹងគ្នាណាស់ ដោយកោះមួយនេះ បានរាយការណ៍ថាមានករណីអ្នកជំងឺ Coronavirus កើនឡើងដល់ ៨ ករណីហើយមកទល់នឹងពេលបច្ចុប្បន្ន។ គួរបញ្ជាក់ផងដែរថា ជំងឺផ្លូវដង្ហើមដ៏កាចសាហាវឈ្មោះថា Coronavirus បានរីករាលដាលទៅកាន់ប្រទេសជាច្រើននៅលើពិភពលោក និងបានសំលាប់មនុស្សប្រមាណ ១០៦នាក់ និងអ្នកផ្ទុកមេរោគនេះប្រមានជាង៤ពាន់នាក់នាពេលបច្ចុប្បន្ន ខណៈពេលដែលកម្ពុជា

ពេលវេលាជាធនធានដែលមិនអាចកកើតឡើងវិញ និងមិនអាចតថ្លៃបានទេ ប៉ុន្តែពេលខ្លះយើងហាក់ដូចជាភ្លេចរឿងនេះ ជាពិសេសនៅពេលយើងមានការងាររវល់ច្រើនពេក។ ប៉ុន្តែបើលោកអ្នកអាចជម្រុះការរំខាន និងកំណត់អាទិភាពកិច្ចការសំខាន់ លោកអ្នកអាចធ្វើកិច្ចការបានច្រើននិងរស់នៅកាន់តែមានក្តីសុខ។ តើលោកអ្នកធ្វើការទាំងពោរពេញដោយបំណងឬគ្រាន់តែធ្វើសកម្មភាពដើម្បីបង្គ្រប់ពេលវេលា? ទោះជាយ៉ាងណាក៏ដោយ ពេលវេលានៅតែមានសារៈសំខាន់។ ដូច្នេះវាអាស្រ័យលើលោកអ្នកក្នុងការគ្រប់គ្រងពេលវេលារបស់លោកអ្នកយ៉ាងមានប្រសិទ្ធភាពនៅក្នុងចំណោមការប្រកួតប្រជែងជាច្រើនដណ្តើមការផ្តោតចិត្តរបស់លោកអ្នក។ អាថ៌កំបាំងគឺថា យើងមានការគ្រប់គ្រងច្រើនលើពេលវេលារបស់យើងជាងការគិតរបស់យើងទៅទៀត។ ខាងក្រោមនេះជាយុទ្ធសាស្រ្តដែលលោកអ្នកអាចគ្រប់គ្រងពេលវេលារបស់លោកអ្នក ៖ ១/ ចាប់ផ្តើមដោយការគិតដល់លទ្ធផលជាមុន មុនពេលចាប់ផ្តើមពេលវេលាក្នុងមួយសប្តាហ៍ខាងមុខរបស់លោកអ្នក សូមកំណត់ឱ្យដឹងកិច្ចការសំខាន់បំផុតដែលលោកអ្នកត្រូវធ្វើឱ្យរួចរាល់ និងលទ្ធផលជាក់លាក់ដែលលោកអ្នកចង់សម្រេចបាន។ កំណត់បញ្ជីកិច្ចការត្រូវធ្វើរបស់លោកអ្នកមិនឱ្យលើសពីបីឬប្រាំ រួចហើយត្រូវរៀបចំកំណត់ពេលវេលាធ្វើកិច្ចការទាំងនោះឱ្យបានច្បាស់លាស់។ សូមប្រុងប្រយ័ត្នមិនត្រូវកំណត់កិច្ចការដែលមានអាទិភាពស្នើគ្នានៅក្នុងថ្ងៃជាមួយគ្នា។ កំណត់ពេលវេលាជាក់លាក់សម្រាប់ធ្វើកិច្ចការនីមួយៗ ហើយចាប់ផ្តើមធ្វើកិច្ចការទាំងនោះដោយភាពស្វាហាប់និងបន្ទាន់បំផុត។ នៅពេលមានកិច្ចការអ្វីមួយចាំបាច់កើតឡើង សូមសួរខ្លួនឯងថា “តើសកម្មភាពនេះសមនឹងធ្វើទេក្នុងពេលដែលខ្ញុំកំពុងតែមានកិច្ចការសំខាន់ដែលត្រូវធ្វើនៅថ្ងៃនេះ? ២/ ប្រឈមមុខនឹងការរំខាន លោកអ្នកប្រហែលពិបាកដោះស្រាយរឿងមនុស្សដែលមករំខាន និងបច្ចេកវិទ្យារំខានដែលមាននៅជុំវិញខ្លួនរាល់ថ្ងៃ នៅពេលលោកអ្នកផ្តោតចិត្តធ្វើការ។ តើអ្វីទៅជាជម្រើសល្អបំផុត?

ការធ្វើជាមេដឹកនាំអស្ចារ្យម្នាក់មិនមែនជារឿងកើតឡើងងាយស្រួលភ្លាមៗនោះទេ ប៉ុន្តែគេត្រូវការវិន័យ ព្យាយាម និងការប្តេជ្ញាចិត្តដើម្បីអភិវឌ្ឍខ្លួនតាមរយៈបទពិសោធន៍។ មេដឹកនាំអស្ចារ្យមិនមែនជាមនុស្សដែលកើតមកយកជំនាញនិងទេពកោសល្យទាំងអស់ពីកំណើតមកទេ ជួយទៅវិញគេសន្សំបន្តិចម្តងៗក្នុងពេលយ៉ាងយូរ។ បើទោះជាមេដឹកនាំទាំងអស់មិនអាចមានកម្រិតអស្ចារ្យស្មើគ្នា ក៏មានច្បាប់ខ្លះដែលធ្វើឱ្យមនុស្សធម្មតាក្លាយទៅជាមេដឹកនាំអស្ចារ្យបានដែរ៖ ១/ ស្តាប់ក្រុមការងារ ច្បាប់ទីមួយនិងសំខាន់បំផុតរបស់មេដឹកនាំអស្ចារ្យគឺការស្តាប់ក្រុមការងារ បើទោះជាមានសម្តីខ្លះឬមនុស្សខ្លះដែលលោកអ្នកមិនចូលចិត្តក៏ដោយ។ ២/ ទាក់ទងឱ្យមានប្រសិទ្ធភាព បង្ហាញការរំពឹងទុកនិងការចង់បានរបស់លោកអ្នកឱ្យច្បាស់ក្នុងរបៀបដែលសមហេតុផលដើម្បីឱ្យក្រុមការងារងាយអនុវត្តតាម។ ៣/ និយាយឱ្យតិច ពេលខ្លះការមិននិយាយអ្វីសោះប្រសើរជាងការនិយាយរឿងដែលគ្មានប្រយោជន៍។ ដូច្នេះបើលោកអ្នកនិយាយកាន់តិច កាន់តែប្រសើរ។ ៤/ ធ្វើខ្លួនជាគំរូ ធ្វើខ្លួនជាមនុស្សដែលលោកអ្នកចង់ឱ្យក្រុមការងារយកតម្រាប់តាម គឺមិនមែនគ្រាន់តែប្រាប់ឱ្យគេធ្វើតាមការចង់បានរបស់ខ្លួនឯងទេ។ ៥/ មានឆន្ទៈ បើលោកអ្នកមិនមានឆន្ទៈចំពោះពាណិជ្ជកម្មដែលលោកអ្នកកំពុងតែគ្រប់គ្រងទេ លោកអ្នកកំពុងតែធ្វើពាណិជ្ជកម្មខុសហើយ។ ៦/ សម្រេចចិត្តច្បាស់លាស់ កុំទុករឿងរ៉ាវមិនច្បាស់លាស់យូរពេកដោយគ្មានការសម្រេចចិត្ត ហើយក៏មិនត្រូវងាករេក្នុងការសម្រេចចិត្តចំពោះរឿងអ្វីមួយដែរ។ ៧/ លូកដៃតែពេលចាំបាច់ប៉ុណ្ណោះ

លោកអ្នក​ប្រហែល​ធ្លាប់​ឮមក​ហើយ​ថា​ការបង្កើត​ទ្រព្យសម្បត្តិ​តម្រូវ​ឱ្យ​លោកអ្នក​ព្រងើយកន្តើយ​ចំពោះ​រឿង​អវិជ្ជមាន​និង​ផ្តោត​លើ​ការ​ធ្វើ​រឿង​ដែល​ត្រឹមត្រូវ​។ គុណភាព​ជីវិត​របស់​លោកអ្នក​ជា​ការ​ឆ្លុះបញ្ចាំង​ដោយ​ផ្ទាល់​នូវ​ទម្លាប់​ដែល​លោកអ្នក​ប្រើប្រាស់​រាល់ថ្ងៃ​។ កត្តា​ដែល​កំណត់​ឱ្យ​លោកអ្នក​ខុសពី​គេ​គឺ​គំនិត​ អារម្មណ៍​ និង​ឥរិយាបថ​របស់​យើង​។ ប៉ុន្តែ​ការពិត​គឺ​ថា​អ្វី​ៗទាំងអស់​នេះ​កើត​ចេញពី​ទម្លាប់​ប្រចាំថ្ងៃ​របស់​យើង​។ បើ​លោកអ្នក​ចង់​ក្លាយជា​អ្នកមាន​ លោកអ្នក​ត្រូវ​បង្កើត​ទម្លាប់​ជោគជ័យ​។ ជាទូទៅ​នៅពេល​លោកអ្នកអាន​បញ្ជី​ទម្លាប់​របស់​មនុស្ស​មួយភាគរយ​ដែល​បានសម្រេច​ជោគជ័យ​ច្រើន​ក្នុង​ជីវិត​ លោកអ្នក​នឹង​ឃើញ​ការងារ​ជាច្រើន​ដែលគេ​ត្រូវ​ធ្វើជា​ជាង​រឿង​ដែលគេ​មិន​ត្រូវ​ធ្វើ​។ ទោះជាយ៉ាងណា​ ផ្លូវ​ពិតប្រាកដ​ទៅ​រក​ភាព​មានបាន​មាន​កិច្ចការ​មិន​ត្រូវ​ធ្វើ​ច្រើនជាង​កិច្ចការ​ដែល​ត្រូវ​ធ្វើ​។ ក្បួន​គំនិត​ខុសពី​ធម្មតា​នេះ​បាន​នាំ​មនុស្ស​ច្រើន​នាក់​ហើយ​ទៅ​រក​ភាព​សម្បូរ​រុងរឿង​និង​ជីវិត​ថ្កុំថ្កើង​។ មនុស្សយើង​មានទម្លាប់​គ្រប់យ៉ាង​នៅក្នុង​ជីវិត​ ដូចជា​ទម្លាប់​ក្នុង​ទំនាក់ទំនង​ ទម្លាប់​ចំណាយ​ ទម្លាប់​សន្សំ​ ទម្លាប់​អាជីព​ ទម្លាប់​គ្រប់គ្រង​ពេលវេលា​ ។ល។ បើ​ទម្លាប់​ទាំងអស់​នេះ​គ្រប់គ្រង​លើ​លទ្ធផល​នៃ​ជីវិត​របស់​យើង​ ការ​ផ្តោត​លើ​ទម្លាប់​ត្រឹមត្រូវ​ជា​រឿង​សំខាន់ណាស់​។ ទោះជាយ៉ាងណា​ មនុស្សយើង​ភាគច្រើន​មិន​ផ្តោត​លើ​ទម្លាប់​ត្រឹមត្រូវ​ទេ​។ ភាគច្រើន​នៃ​ជីវិត​របស់​យើង​ពោរពេញ​ដោយ​ទម្លាប់​អាក្រក់​ដែល​ពិបាក​លុបបំបាត់​។ បើ​លោកអ្នក​ពិតជា​ចង់​ក្លាយជា​អ្នកមាន​មែន​ លោកអ្នក​មិន​ត្រូវ​ដើរ​លើ​ផ្លូវខុស​ទេ​។ នៅក្នុង​សៀវភៅ​ The​ ​;Power​ of​ Habit​ អ្នកនិពន្ធ​បាន​លើកឡើង​ថា​ចម្លើយ​ទៅ​រក​ភាព​រីកចម្រើន​ពិតប្រាកដ​គឺ​ការ​ផ្តោត​ចិត្ត​លើ​ការបង្កើត​ទម្លាប់​ស្នូល​។ ទម្លាប់​សំខាន់​មួយចំនួន​ដែល​លោកអ្នក​គួរតែ​ពិចារណា​មាន​ដូច​ខាងក្រោម​នេះ​

តាមការចុះផ្សាយរបស់កាសែត BBC News បានអោយដឹងថា ក្នុងអំឡុងពេលបុណ្យចូលឆ្នាំប្រពៃណីចិនបានមកដល់ស្របពេលដែលមេរោគផ្លូវដង្ហើមដ៏កាចសាហាវថ្មី Coronavirus បានវាយប្រហារពេញទីក្រុង Wuhan ធ្វើអោយពលរដ្ឋប្រមាណ ១១លាននាក់ ត្រូវបានអាជា្ញធរធ្វើការហាមឃាត់ បើមិនមានអ្វីចាំបាច់គឺមិនអោយចេញពីផ្ទះនោះឡើយ ដោយសារតែមេរោគមួយនេះបានរាតត្បាតយ៉ាងខ្លាំង និងធ្វើអោយមនុស្សប្រមាណ ១០៦នាក់បានស្លាប់បាត់បង់ជីវិត និងមនុស្សជាង៤ពាន់នាក់ទៀតបានឆ្លងមេរោគនេះ។ ពលរដ្ឋនៅក្នុងទីក្រុង Wuhan ដែលជាទីក្រុងមានសក្តានុពលសេដ្ឋកិច្ចខ្លាំងបំផុតមួយនេះ បានត្រឹមតែដេកសង្ងំនៅក្នុងផ្ទះ ហើយយប់ឡើងពីគេនាំគ្នាស្រែកច្រៀងចម្រៀងមានន័យថា “តស៊ូឡើង Wuhan” ឡើងទ្រហឹងពេញក្រុង ដើម្បីលើកទឹកចិត្តនិងអោយពួកគេគេចផុតពីជំងឺដ៏កាចសាហាវនេះឆាប់ៗ។ វិដេអូដែលកាសែត BBC ដកស្រង់ចេញមកនេះក៏បានបង្ហាញច្បាស់ ពីសំលេងស្រែកច្រៀង ចេញពីអាគារស្នាក់នៅខ្ពស់ ស្របពេលដែលនៅតាមផ្លូវត្រូវបានបិទភ្លើងងងឹតឈឹង គ្មានមនុស្សដើរនោះឡើយ៕

កាលពីប៉ុន្មានម៉ោងមុននេះ រដ្ឋបាលខេត្តសៀមរាប បានចេញសេចក្តីបំភ្លឺដល់សាធារណជន និងអ្នកសារព័ត៌មានជាតិ-អន្តរជាតិថា៖ នៅថ្ងៃទី២៨ ខែមករា ឆ្នាំ២០២០នេះ មានការចែករំលែកព័ត៌មានលើបណ្តាញសង្គមថា មានជនជាតិចិន០៤រូប ដែលស្នាក់នៅសណ្ឋាគារមួយកន្លែងក្នុងក្រុងសៀមរាប ខេត្តសៀមរាប មានជំងឺរលាកសួតដោយវីរុសកូរ៉ូណាថ្មី (2019-nCoV) និងបានឆ្លងដល់មគ្គុទេសក៍ភាសាចិនម្នាក់ផងដែរ។ តាមរយៈការចុះដល់ទីតាំងសណ្ឋាគារផ្ទាល់ និងការស្រាវជ្រាវរបស់មន្ត្រីជំនាញ នៃមន្ទីរសុខាភិបាល និងមន្ទីរទេសចរណ៍ខេត្តបានបញ្ជាក់ថា ពុំមានជំងឺរលាកសួតដោយវីរុសកូរ៉ូណាថ្មី (2019-nCoV) ដូចព័ត៌មានបានចែករំលែកនោះទេ ហើយសណ្ឋាគារបាននឹងកំពុងដំណើរការជាធម្មតា។ សមត្ថកិច្ចនឹងបន្តស្រាវជ្រាវ និងស្វែងរកជនដែលបានប្រឌិតព័ត៌មាននេះឲ្យចូលខ្លួនមកបំភ្លឺ និងមានចំណាត់ការបន្តនាពេលដ៏ខ្លីខាងមុខនេះ។ រដ្ឋបាលខេត្តសៀមរាប ក៏បានអំពាវនាវដល់សាធារណជនកុំបន្តផ្សព្វផ្សាយនូវព័ត៌មានមិនពិត ឬមិនមានមូលដ្ឋានច្បាស់លាស់ ដែលបង្កផលប៉ះពាល់ដល់សណ្តាប់ធ្នាប់ និងសន្តិសុខសង្គម ហើយជនប្រឌិតព័ត៌មានអាចប្រឈមចំពោះមុខច្បាប់៕ អត្ថបទ៖ សេម