ប្រទេសជប៉ុន ៖ កាលពីថ្មីៗនេះនៅក្នុងបណ្តាញសង្គម Twitter របស់ជប៉ុនមានការភ្ញាក់ផ្អើលយ៉ាងខ្លាំង ជាមួយនឹងរូបរាងពីងពាងចម្លែកមួយដែលគេទើបប្រទះឃើើញ។ តាមប្រភពបានអោយដឹងថាអ្នកប្រើប្រាស់គណនី Twitter ម្នាក់ដែលមានឈ្មោះ Yomikikaseya Sachie ជាអ្នកបានចែករំលែករូបពីងពាងចម្លែកនេះ។ អ្វីដែលធ្វើអោយអ្នកប្រើប្រាស់បណ្តាញសង្គមភ្ញាក់់ផ្អើលខ្លាំងនោះនោះគឺ នៅលើខ្លួនពីងពាងបែរជាមានមុខមាត់ដូចជាបុរសចំណាស់ម្នាក់កកំពុងតែញញឹម។ ពីងពាងចម្លែកនេះត្រូវបានគេដឹងថាស្ថិតនៅក្នុងប្រភេទ hanagumo ដែលជាពពួកពីងពាងមានពណ៌បៃតង។ អ្នកប្រើប្រាស់បណ្តាញសង្គមទាំងនេះបានប្រៀបរូបនៅលើខ្លួនពីងពាងនេះទៅនឹងរបស់ជាច្រើនផ្សេងៗពីគ្នា តែមានមួយចំនួននិយាយថាមុខមាត់លើខ្លួនសត្វនេះដូចទៅនឹង Tingle នៅក្នុងរឿង Legend of Zelda៕ អត្ថបទ ៖ Mali ប្រភព ៖ nextshark

ទំនាក់ទំនងស្នេហាជីវិតគូមិនដែលគេចផុតពីការជួបប្រទះនឹងបញ្ហានោះទេ ប៉ុន្ដែសំខាន់តើអ្នកចេះយោគយល់គ្នា និងចេះដោះស្រាយបញ្ហាដោយរបៀបណាប៉ុណ្ណោះ។ ប៉ុន្ដែយ៉ាងណាក៏នូវតែមានឧបសគ្គទាំង ៥ដែលដៃគូសង្សារមិនអាចគេចបាននោះទេគឺ៖ ១. ការទទួលយករឿងអតីតរបស់ដៃគូ៖ អ្នកណាម្នាក់ក៏ធ្លាប់មានរឿងអតីតកាលរបស់ខ្លួនដែរ ប៉ុន្ដែអ្វីដែលសំខាន់គឺអនាគតគេស្រលាញ់អ្នកណា ព្រោះថាអតីតកាលគឺវាបានកន្លងហួសទៅហើយហេតុនេះអ្នកគួរតែរស់នៅជាមួយនឹងបច្ចប្បន្នមិនមែនអតីតកាលនោះទេ។ ដូចនេះអ្នកមិនគួរធ្វើឲ្យរឿងដែលកន្លងហួសមកបំផ្លាញស្នេហាអ្នកបានឡើយ។ ២. បញ្ហាគ្រួសារ៖ បញ្ហានេះអ្នកណាក៏មិនអាចគេចផុតបានដែរ សំខាន់តើអ្នកអាចសម្របខ្លួនជាមួយគ្នាបានដែររឺទេ។ បើសិនជាអ្នកជំនះបញ្ហានេះបាននោះកាន់តែធ្វើឲ្យស្នេហាអ្នកកាន់តែផ្អែមល្ហែមចំពោះគ្នា។ ៣. ទទួឡយកនូវទម្លាប់អាក្រក់ចំពោះដៃគូ៖ អ្នកណាក៏មានទម្លាប់អាក្រក់ដែរសំខាន់តើអ្នកទទួលយកផ្នែកល្អក៏ដូចជាផ្នែកអាក្រក់របស់ដៃគូបានដែររឺទេ? អ្នកមិនគួរព្យាយាមកែប្រែទម្លាប់របស់អ្នកណាម្នាក់នោះទេ ប៉ុន្ដែអ្នកគួរតែព្យាយាមស្វែងរកចំណុចកណ្ដាលរបស់គ្នាវិញ។ បើសិនជាទម្លាប់អាក្រក់នោះពិតជាមានការរំខានមែននោះ អ្នកគួរតែព្យាយាមកុំធ្វើវាឡើងមក។ ៤. បញ្ហារឿងលុយ និងរឿងស្នេហា៖ លុយគឺជាអ្វីគ្រប់យ៉ាងដែលយើងអាចយកទៅដោះស្រាយបានគ្រប់បញ្ហា ប៉ុន្ដែលុយមិនអាចទិញស្នេហាបានទេហេតុនេះអ្នកទាំងពីរគួរតែនិយាយពីបញ្ហានេះជាមួយនឹងគ្នាឲ្យបានច្បាស់ជៀសវាងមានការទាស់គ្នានៅថ្ងៃក្រោយ។ ៥. កុំដោយសារតែរឿងរបស់អ្នកដទៃធ្វើឲ្យមានបញ្ហាដល់ចំណងស្នេហាអ្នក៖ អ្នកមិនគួរយករឿងរបស់អ្នកដទៃមកធ្វើឲ្យមានទំនាស់ជាមួយនឹងដៃគូរបស់អ្នកនោះទេ។ កុំព្យាយាមជឿសម្ដីគេជាជាងជឿលើដៃគូរបស់ខ្លួន បើសិនជាអ្នកចង់ឲ្យជីវិតគូរបស់អ្នកស្ថិតស្ថេរបានរហូតទៅ៕ អត្ថបទ៖​

ចិន៖ ការដាក់ទណ្ឌកម្មចំពោះបុគ្គលិក ដែលធ្វើការងារមិនបានល្អក្នុងប្រទេសចិនត្រូវបានគេធ្វើឡើងក្នុងរូបភាពប្លែកៗស្ទើរតែមិនគួរឲ្យជឿ។ កន្លងគេធ្លាប់ឃើញមានការដាក់ទណ្ឌកម្មដូចជា ឲ្យបុគ្គលិកទះកំផ្លៀងគ្នា ម្ចាស់ហាងខ្លះវារនៅពីមុខហាង ឬឲ្យបុគ្គលិកធ្វើការប្តេជ្ញាចិត្តបែបអាម៉ាស់មុខនៅទីសាធារណៈជាដើម។ តែចំពោះក្រុមហ៊ុនចលនវត្ថុមួយនេះវិញ បានសម្រេចដាក់ទណ្ឌកម្មបុគ្គលិកដែលធ្វើការងារមិនបានល្អរបស់ខ្លួនដោយឲ្យពួកគេឈរជាជួរ និងមានគណៈគ្រប់គ្រងម្នាក់ដើរទះកំផ្លៀងពួកគេម្នាក់ម្តងៗទៅមកពីរបីជុំ។ ក្រុមហ៊ុនមួយនេះមិនត្រូវបានគេបង្ហាញឈ្មោះពិតប្រាកដនោះទេ គេគ្រាន់ដឹងថា ក្រុមហ៊ុនេះជាក្រុមហ៊ុនចលនវត្ថុដែលមានទីទាំងស្ថិតនៅក្នុងខេត្ត Hubei ប្រទេសចិន។ បើតាមលោកស្រី Zhang ដែលជាគណៈគ្រប់គ្រងរបស់ក្រុមហ៊ុន និងជាអ្នកដើរទះកំផ្លៀងបុគ្គលិកទាំងអស់នោះបានប្រាប់ឲ្យដឹងថា មុនដំបូងឡើយ គាត់គ្មានគំនិតធ្វើបែបនេះទេ តែបុគ្គលិកដែលធ្វើការងារមិនល្អ(មិនអាចលក់តាមផែនការកំណត់)ទាំងនោះ បានទទូចឲ្យគាត់ទះកំផ្លៀងដូចនេះ ដើម្បីឲ្យពួកគេមានការឈឺចាប់ និងខិតខំប្រឹងធ្វើការងារឲ្យបានល្អជាងពេលនេះ។ សូមអញ្ជើញប្រិយមិត្តទស្សនាសកម្មភាពនៃការដាក់ទណ្ឌកម្មដូចក្នុងវីដេអូខាងក្រោមនេះ៖ អត្ថបទ៖ ភក្តី ប្រភព៖ dailymail

នារីគ្រប់រូបតែងតែធ្វើការតុបតែងមុខជាប្រចាំដើម្បីចេញទៅខាងក្រៅ ប៉ុន្ដែអ្វីដែលជាកង្វល់សម្រាប់នារីគ្រប់រូបនោះគឺការMake Up យ៉ាងណាដើម្បីរក្សាបានយូរពេញមួយថ្ងៃ និងមានការធននឹងទឹកភ្លៀងពេលមានភ្លៀងម្ដងៗ។ នារីគ្រប់រូបគួរតែអស់បារម្ភទៀតទៅដោយខាងក្រោមនេះគឺជារបៀបនៃការ Make Up ងាយៗដើម្បីធ្វើឲ្យនារីរក្សាភាពស្អាតរបស់ខ្លួនជាប់ពេញមួយថ្ងៃ៖ ១. អ្នកគួរតែប្រើម៉្សៅទ្រនាប់ជាមុន៖ ការដែលអ្នកប្រើម៉្សៅទ្រនាប់គឺជួយបិទបាំងស្នាម ក៏ដូចជាធ្វើឲ្យស្បែកមុខមានភាពស្អាតល្អ។ អ្នកគួរតែលាបវាឲ្យសព្វថ្ងៃមុខដើម្បីទទួលបានភាពស្រស់ស្អាត និងជួយឲ្យធន់នឹងទឹកបានយូរ។ ២. ប្រើ Powder មុននឹងប្រើម៉្សៅស្អិត៖ នារីតែងតែមានការឆ្ងល់ថា “ហេតុអ្វីបានជាប្រើម៉្សៅស្អិតល្អយ៉ាងណាក៏នៅតែមិនជាប់ស្អាតបានយូរ?”។ ដើម្បីដោះស្រាយចម្ងល់មួយនេះអ្នកគួរតែផ្លាស់ប្ដូរទម្លាប់ដាក់ម៉្សៅស្អិតមុនប្រើ Powder តទៅទៀត។ ដំបូងអ្នកផាត់Powder ជាមួយនឹងជក់ឲ្យបានសព្វនៅលើផ្ទៃមុខបន្ទាប់មកចាំអ្នកប្រើជាមួយនឹងម៉្សៅស្អិតតាមក្រោយ ដើម្បីទទួលបានមុខស្អាតបែបធម្មជាតិក៏ដូចជាជាប់បានយូរពេញមួយថ្ងៃ។ ៣. ជ្រើសរើស Cream ដើម្បីឲ្យស៊ីនឹងស្បែកមុខ៖ ស្បែកមុខរបស់នារីគ្រប់រូបគឺមានច្រើនប្រភេទខុសៗពីគ្នា ហេតុនេះអ្នកក៏ត្រូវធ្វើការជ្រើសរើសឲ្យបានត្រឹមត្រូវនឹងស្បែកមុខ។ ជាពិសេសនារីដែលមានស្បែកមុខស្ងួត អ្នកគួរតែជ្រើសរើស Cream ណាដែលមានសំណើមខ្លាំងព្រោះវាជួយឲ្យស្បែកមុខអ្នករលូងស្អាតនិងជួយបិទបាំងស្នាមនៅលើផ្ទៃមុខ។

ពិតជាអស្ចារ្យមែន ប៊ូសស្ត្រងហ៊ានចំណាយយ៉ាងច្រើនដើម្បីអញ្ជើញតារាចម្រៀងលំដាប់ថ្នាក់ពិភពលោកឲ្យមកច្រៀងនិងសម្ដែងកំសាន្តជួនបងប្អូនយើងឲ្យមានភាពសប្បាយរីករាយបំបាត់ទុក្ខកង្វល់។ តើបងប្អូនដឹងទេថាតារាដែលក្រុមហ៊ុនភេសជ្ជៈប៉ូវកំលាំង ប៊ូសស្ត្រង បានអញ្ជើញមកនោះជានរណាទេ? បើនិយាយអំពីបទចម្រៀងដែលល្បីជាងគេរបស់គាត់វិញគឺបងប្អូនស្គាល់ច្រើនជាងឈ្មោះរបស់គាត់ទៀត ជាពិសេសក្នុងស្រទាប់យុវវ័យយើង ទោះបីជាមិនអាចយល់ន័យបទចម្រៀងនោះក៏ដោយក៏មានភាពពេញនិយមគ្រប់ៗគ្នាដែរ។ បទចម្រៀងនោះគឺមានអ្នកចូលទស្សនារហូតដល់ទៅជាង ៧៦លានដងឯណោះ ហើយក៏មានអ្នកយកមករាំតាម និងបំបែកក្បាច់រាំជាច្រើននៅក្នុងពិភពយូធូប។ បទចម្រៀងដែលមានភាពពេញនិយមនោះគឺបទ ប៉ាណាម៉ា( PANAMA) ដែលច្រៀងដោយលោក ម៉ាតេអូ (Matteo) ។ ប្រកដជាសប្បាយហើយលើកនេះ ការប្រគំតន្ត្រីដែលមានការចូលរួមដោយតារាល្បីលំដាប់ថ្នាក់ពិភពលោកនេះនឹងធ្វើឡើងនៅថ្ងៃទី 12 ឧសភា 2018 នេះហើយនៅទីក្រុងកោះពេជ្រ។ សូមបងប្អូនដែលជាអ្នកគាំទ្របទចម្រៀងប៉ាណាម៉ាទាំងអស់អញ្ជើញចូលរួមទទួលយកភាពសប្បាយរីករាយនឹងជួបជាមួយម្ចាស់បទចម្រៀងនេះដោយសេរី ព្រមទាំងទទួលយករសជាតិដ៏វិសេសវិសាលពីភេសជ្ជៈប៉ូវកំលាំង BOOSTRONG ខ្លាំងជាង យូរជាង។

ខ្សែបម្រើ Thiago Alcantara របស់ក្លឹប Bayern Munich មានក្ដីស្រមៃចង់វិលត្រឡប់មកកាន់ក្លឹបអ្នកមានបុណ្យ Barcelona វិញប៉ុន្តែក្លឹបយក្សនៅក្នុងតំបន់ Catalan គិតថាវាគឺជារឿងដែលមិនអាចទៅរួច។ ខ្សែបម្រើអេស្ប៉ាញរូបនេះបានចាកចេញពីក្លឹបអ្នកមានបុណ្យ Barcelona ទៅកាន់ក្លឹប Bayern Munich កាលពីឆ្នាំ 2013 ដែលក្នុងឆ្នាំនោះគឺលោក Pep Guardiola នាំយកខ្សែបម្រើរូបនេះមកកាន់ Bayern Munich។ យោងតាមការរាយការណ៍មួយបានបញ្ជាក់អោយដឹងថា៖ ខ្សែបម្រើ Thiago បានជួបជាមួយក្លឹបអ្នកមានបុណ្យ Barcelona កាលពីឆ្នាំមុនដើម្បីពិភាក្សាអំពីការផ្ទេរចេញពី Bayern Munich ត្រលប់មកកាន់ក្លឹបអ្នកមានបុណ្យ Barcelona

យោងតាមសារពត៌មាន The Sun បានចុះផ្សាយអោយដឹងថា៖ ក្លឹបបិសាចក្រហម Manchester United សង្ឃឹមថានឹងអាចចុះហត្ថលេខាទិញខ្សែប្រយុទ្ធ Dries Mertens ពីក្លឹប Napoli នៅក្នុងរដូវក្ដៅខាងមុខនេះ។ ខ្សែប្រយុទ្ធសញ្ជាតិប៊ែលហ្ស៊ិកវ័យ 30 ឆ្នាំរូបនេះគឺជាកីឡាករឆ្នើមម្នាក់នៅក្នុងចំណោមកីឡាករល្អនៅក្នុងលីគកំពូលអ៊ីតាលីរយៈពេលប៉ុន្មានឆ្នាំចុងក្រោយនេះ។ នៅក្នុងរយៈពេល 2 រដូវកាលចុងក្រោយនេះខ្សែប្រយុទ្ធ Dries Mertens បានសុតបញ្ចូលនៅក្នុងលីគកំពូល Italia Serie A ដល់ទៅ 45 គ្រាប់ឯណោះ ហើយរូបគេក៏ជាបេក្ខភាពប្រជែងដណ្ដើមស្បែកជើងមាសនៅក្នុងរដូវកាលកន្លងទៅ។ តម្លៃខ្លួនរបស់ខ្សែប្រយុទ្ធ Mertens ត្រូវបានក្លឹប Napoli ដាក់តម្លៃខ្លួនដល់ទៅ 25លានផោន

ជប៉ុន៖ ឧបករណ៍សម្រាប់គេជិះលេងប្រភេទ Rollercoaster នៅក្នុងឧទ្យានកំសាន្ត Universal Studios ក្នុងប្រទេសជប៉ុន បានខូច ខណៈមានមនុស្សចំនួន៦៤នាក់ កំពុងជិះលេងនៅលើនោះ។  Rollercoaster បានជាប់គាំងមិនអាចដំណើរការបាន ខណៈដែលវាស្ថិតនៅកម្ពស់ប្រមាណជា៣០ម៉ែត្រពីដី ហើយវាបានធ្វើអោយអ្នកកំពុងជិះទាំងអស់មានការភ័យខ្លាចជាខ្លាំង ព្រោះវាជាប់គាំងក្នុងពេលដែលវាកំពុងធ្វើដំណើរយ៉ាងលឿន និងកំពុងស្ថិតនៅក្នុងពេលដែលវារៀបនឹងក្រឡាប់ចុះទៀត។ ការជាប់គាំងនេះបានកើតឡើងរហូតដល់ ២ ម៉ោង តែយ៉ាងណាក្តីគ្នាន​អ្នកជិះណាម្នាក់រងរបួសនោះទេ ព្រោះតែក្រុមការងារអាចទទួយយកពួកគេចេញពីឧបរកណ៍ បានដោយសុវត្ថិភាព គ្រាន់តែថាពួកគេមានភ័យតក់ស្លុតជាខ្លាំងប៉ុណ្ណោះ៕ អត្ថបទ៖ ភក្តី ប្រភព៖ dailymail

ភ្នំពេញ៖ យោងតាមសេចក្តីជូនដំណឹងរបស់រដ្ឋបាលរាជធានីភ្នំពេញ បានឲ្យដឹងថា នៅយប់ថ្ងៃទី៥ ខែឧសភា ឆ្នាំ២០១៨ វេលាម៉ោង ២១:០០ ដល់ម៉ោង ៥:០០ទៀបភ្លឺថ្ងៃទី០៦ ខែឧសភា ការដ្ឋានស្ពានថ្មើរជើងនាងគង្ហីងនឹងចាប់ផ្តើមស្ទួចតម្លើងគ្រោងដែកតួស្ពានជំហានទី២ ប្រវែង ៤១ម កាត់ទទឹងខាងលើវិថី ទេព ផន ឬផ្លូវលេខ ១៨២ ទីតាំងភ្ជាប់ពីចិញ្ចើមផ្លូវហាង Kawasaki ទៅចិញ្ចើមផ្លូវ អូឡាំព្យាសុីធី ។ ខណៈធ្វើការស្ទួចតម្លើងគ្រោងដែកតួស្ពាន អាជ្ញាធរក៏បានធ្វើការបិទចរាចរណ៍ឆ្លងកាត់ក្នុងអំឡុងពេលខាងលើផងដែរ ដើម្បីសុវត្ថិភាព និងបង្ការក្រែងមានគ្រោះថ្នាក់ដល់អ្នកដំណើរជាយថាហេតុ។ ដូច្នេះបងប្អូនប្រជាពលរដ្ឋ ដែលមានគ្រោងធ្វើដំណើរតាមផ្លូវខាងលើ សូមធ្វើការពង្វាងផ្លូវ ដើម្បីសុវត្ថិភាព៕ អត្ថបទ៖ សេម

ប្រទេសឥណ្ឌា ៖ ក្នុងពេលថ្មីៗនេះ យ៉ាងហោចណាស់មនុស្សចំនួន ១២៥ នាក់ត្រូវបានរាយការណ៍​ថាបានស្លាប់នៅក្នុងព្យុះយ៉ាងសាហាវ នៅភាគខាងជើងប្រទេសឥណ្ឌា។ ក្រុមមន្រ្តីបានព្រមានថា អាកាសធាតុនឹងអាក្រក់ជាងនេះទៀត ខ្យល់បក់ល្បឿនលឿននិងផ្លេកបន្ទោរបានបំផ្លិចបំផ្លាញភូមិជាច្រើន។ អ្នកនាំពាក្យរបស់ការិយាល័យឧត្តមសេនីយ៍សង្គ្រោះ Uttar Pradesh បានប្រាប់ AFP ថាចំនួនអ្នកស្លាប់ខ្ពស់បំផុតក្នុងព្យុះសង្ឃរាលើកនេះ ដែលមិនដែលមានក្នុងរយៈពេ២០ឆ្នាំចុងក្រោយនេះ។ ក្រុមមន្រ្តីបាននិយាយថាចំនួនអ្នកស្លាប់អាចនឹងកើនឡើង ក្នុងរយៈពេលប៉ុន្មានខាងមុខនេះ។ នាយករដ្ឋមន្ត្រី Narendra Modi បាននិយាយនៅលើ Twitter ថាគាត់មានការសោកសៅជាមួយនឹងបាត់បង់អាយុជីវិតប្រជាជនច្រើនយ៉ាងនេះ។ រដ្ឋាភិបាលរបស់រដ្ឋ Uttar Pradesh បានប្រកាសថាក្រុមគ្រួសារអ្នកដែលបានស្លាប់នឹងទទួលបានសំណងចំនួន ៤០០,០០០ រូពី (៦,០០០ ដុល្លារ)។ រដ្ឋដែលរងគ្រោះក្នុងប្រទេសឥណ្ឌានេះរួមមាន