រាជធានីភ្នំពេញ៖ យោងតាមចុះផ្សាយរបស់ ក្រសួងទេសចរណ៍ បានឲ្យដឹងថា ឯកឧត្ដម ថោង ខុន រដ្ឋមន្ត្រីក្រសួងទេសចរណ៍ បានមានប្រសាសន៍ឱ្យដឹងនៅព្រឹកថ្ងៃទី០៨ ខែមករា ឆ្នាំ២០២២នេះថា រយៈពេល១ថ្ងៃនៃថ្ងៃឈប់សម្រាកក្នុងនាឱកាសខួប៤៣ឆ្នាំ ដើម្បីអបអរសាទរទិវាជ័យជម្នះ ៧មករា (៧ មករា ១៩៧៩-៧ មករា ២០២២) លើរបបប្រល័យពូជសាសន៍ ប៉ុល ពត មានភ្ញៀវទេសចរផ្ទៃក្នុងចំនួន ១៥៨,៦៣០នាក់ បានដើរកម្សាន្តតាមរមណីយដ្ឋាននានា នៅទូទាំងប្រទេស ក្នុងនោះមានភ្ញៀវជាតិចំនួន១៥៦,៤៧៩នាក់ និងភ្ញៀវបរទេសផ្ទៃក្នុង ចំនួន២,១៥១នាក់។ ឯកឧត្ដមរដ្ឋមន្ត្រីទេសចរណ៍បានបញ្ជាក់ថា សម្រាប់គោលដៅទេសចរណ៍សំខាន់ៗ រួមមាន៖ -រាជធានីភ្នំពេញ ៥៥,៨៤២នាក់

ខេត្តរតនគិរី៖ យោងតាមការចុះផ្សាយរបស់ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ បានឲ្យដឹងថា ថ្ងៃព្រហស្បតិ៍ ៤ កើត ខែបុស្ស ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០៦ ខែមករា ឆ្នាំ២០២២ វេលាម៉ោង ១៨៖២៥ នាទីយប់ នៅចំណុចភូមិ២ ឃុំត្រពាំងច្រេស ស្រុកកូនមុំ ខេត្តរតនគិរី មានករណីគ្រោះអគ្គិភ័យភ្លើងឆេះផ្ទះចំនួន០១ខ្នង ផ្ទះទំហំ ៦ម៉ែត្រ×៧ម៉ែត្រ ធ្វើពីឈើដំបូលប្រក់ស័ង្កសីជញ្ជាំងក្តា តែពុំមានការខូចខាតសម្ភារៈទ្រព្យសម្បត្តិអ្វីឡើយ ព្រោះម្ចាស់ទុកផ្ទះចោលស្នាក់នៅអចិន្ត្រៃយ៍ផ្ទះចំការ។ -ជនរងគ្រោះឈ្មោះ ឃិន សុភា ភេទប្រុស អាយុ

នៅថ្ងៃទី08 ខែមករា ឆ្នាំ2022នេះ ក្រសួងសុខាភិបាលកម្ពុជា បានចេញសេចក្តីជូនដំណឹងពី ការរកឃើញករណីវិជ្ជមានវីរុសកូវីដ១៩ថ្មី ចំនួន 27នាក់ (លទ្ធផលបញ្ជាក់ដោយ PCR នឹងជាប្រភេទអូមីក្រុងទាំងអស់) ខណៈអ្នកបានជាសះស្បើយថ្មីមានចំនួន 12នាក់ និងមិនមានអ្នកបាត់បង់ជីវិតថ្មីនោះទេគិតមកទល់ពេលនេះ ករណីឆ្លងកូវីដ១៩ សរុបនៅក្នុងប្រទេសកម្ពុជា មានចំនួន 120,591នាក់, ករណីជាសះស្បើយសរុប 117,003នាក់ និងស្លាប់សរុប 3,015នាក់៕​

ខេត្តស្វាយរៀង៖ យោងតាមការចុះផ្សាយរបស់ អគ្គ.ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ បានឲ្យដឹងថា ដោយបានអនុវត្តនូវតួនាទី និងភារកិច្ចរបស់ខ្លួនក្នុងការការពារផលប្រយោជន៍ និងសុខុមាលភាពរបស់បងប្អូនប្រជាពលរដ្ឋ មន្ត្រីក.ប.ប. បានចុះត្រួតពិនិត្យទំនិញតាមបណ្ដាផ្សារ ហាងលក់ទំនិញ សិប្បកម្មផលិត និងឃ្លាំងស្តុកនានា និងបានរកឃើញ ដកហូត និងដុតកម្ទេចទំនិញខូចគុណភាពជាបន្តបន្ទាប់។ ជាក់ស្ដែង នៅថ្ងៃទី៦ ខែមករា ឆ្នាំ២០២២នេះ មន្ត្រីក.ប.ប. ប្រចាំខេត្តស្វាយរៀងបានធ្វើការដុតកម្ទេចទំនិញខូចគុណភាពចំនួន ៣,២៤៣.២៨គីឡូក្រាម ដែលបានរកឃើញ និងដកហូតពីទីផ្សារ និងឃ្លាំងស្តុកនានាក្នុងខេត្តស្វាយរៀងកន្លងមក។ សកម្មភាពនេះក៏ត្រូវបានចូលរួមពីព្រះរាជអជ្ញារងអមសាលាដំបូងខេត្តស្វាយរៀង អភិបាលរងនៃគណៈអភិបាលខេត្តស្វាយរៀង និងមន្ទីរពាណិជ្ជកម្មខេត្តស្វាយរៀងផងដែរ៕ ប្រភព​៖ អគ្គ.ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ

រាជធានីភ្នំពេញ៖ យោងតាមការចុះផ្សាយរបស់ ក្រសួងសាធារណការ និងដឹកជញ្ជូន បានចេញសេចក្តីណែនាំស្តីពីការប្រើប្រាស់កម្មវិធីតេឡេក្រាម ” សុវត្ថិភាពចរាចរណ៍យើង ” ដើម្បីផ្តល់ព័ត៌មានពាក់ព័ន្ធស្ថានភាពចរាចរណ៍ផ្លូវគោកទាន់ហេតុការណ៍ ដោយយោងតាមអនុសាសន៍ណែនាំដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ថ្លែងក្នុងពិធិបើកការដ្ឋានសាងសង់ និងលើកកម្រិតគុណភាពផ្លូវជាតិលេខ៤៨ នាថ្ងៃទី០៣ ខែមករា ឆ្នាំ២០២២ គណៈកម្មាធិការជាតិសុវត្ថិភាពចរាចរណ៍ផ្លូវគោកបានបង្កើតគ្រុបតេឡេក្រាម(Telegram Gorup) ឈ្មោះ “សុវត្ថិភាពចរាចរណ៍យើង OUR ROAD SAFETY” ជូនសាធារណជនគ្រប់រូបប្រើប្រាស់ដោយសេរី។ ដើម្បីផ្ដល់ព័ត៌មានអំពីស្ថានភាពចរាចរណ៍ផ្លូវគោកទាន់ហេតុការណ៍ បន្ថែមលើបណ្ដាញសង្គម កម្មវិធីផ្ដល់ព័ត៌មាននានាដែលគណៈកម្មាធិការជាតិសុវត្ថិភាពចរាចរណ៍ផ្លូវគោកកំពុងទំនាក់ទំនងជាមួយសាធារណជន សំដៅបង្ការទប់ស្កាត់កាត់បន្ថយគ្រោះថ្នាក់ និងបង្ការទប់ស្កាត់អំពីល្មើសច្បាប់ស្ដីពីចរាចរណ៍ផ្លូវគោក ដែលមាននៅលើផ្លូវថ្នល់នៃព្រះរាជាណាចក្រកម្ពុជា ចាប់ពីពេលនេះតទៅ។

កាលពីពេលថ្មីៗនេះសិប្បកម្មផលិតសៀវភៅ ស្រ៊ុន ងួន បានចេញលិខិតបដិសេធមួយជុំវិញករណី អ្នកលេង Facebook ឈ្មោះ Kakada Sohorn បានប្រើប្រាស់គម្របសៀវភៅ ដែលប្រើឈ្មោះ និងនិម្មិតសញ្ញា របស់សិប្បកម្មផលិតសៀវភៅ ស្រ៊ុន ងួន ទៅបង្ហោះរូបភាពមិនសមរម្យចំនួន៨សន្លឹក និងសរសេរខ្លឹមសារថា “មានសៀវភៅត្រៀម ចូលរៀនវិញឬនៅ boy boy ចាំជេចែក?”។ ក្នុងនោះដែរ សិប្បកម្មផលិតសៀវភៅ ស្រ៊ុន ងួន ក៏បានបញ្ជាក់ថាការបង្ហោះរបស់ម្ចាស់គណនីហ្វេសប៊ុកឈ្មោះ Kakada Sophorn គឺបានធ្វើអោយប៉ះពាល់ដល់ សីលធម៌ និងវប្បធម៌ ដែលមិនមែនផ្សាយចេញពីផេកផ្លូវការរបស់ សិប្បកម្មផលិតសៀវភៅ

នៅថ្ងៃទី07 ខែមករា ឆ្នាំ2022នេះ ក្រសួងសុខាភិបាលកម្ពុជា បានចេញសេចក្តីជូនដំណឹងពី ការរកឃើញករណីវិជ្ជមានវីរុសកូវីដ១៩ថ្មី ចំនួន 11នាក់ (លទ្ធផលបញ្ជាក់ដោយ PCR នឹងជាប្រភេទអូមីក្រុងទាំងអស់) ខណៈអ្នកបានជាសះស្បើយថ្មីមានចំនួន 09នាក់ និងមិនមានអ្នកបាត់បង់ជីវិតថ្មីនោះទេគិតមកទល់ពេលនេះ ករណីឆ្លងកូវីដ១៩ សរុបនៅក្នុងប្រទេសកម្ពុជា មានចំនួន 120,564នាក់, ករណីជាសះស្បើយសរុប 116,991នាក់ និងស្លាប់សរុប 3,015នាក់៕​

ភ្នំពេញ៖ យោងតាមការចុះផ្សាយរបស់ ក្រសួងព័ត៌មាន បានឲ្យដឹងថា នៅវេលាម៉ោង៩:០០ ព្រឹកថ្ងៃទី ៧ ខែមករា​ ឆ្នាំ២០២២នេះ​ លោកជំទាវវេជ្ជបណ្ឌិត​ យក់​ សម្បត្តិ​ រដ្ឋលេខាធិការក្រសួងសុខាភិបាល​ បានដឹកនាំគណៈប្រតិភូ បានដឹកជញ្ជូនសម្ភារវេជ្ជសាស្ត្រអំណោយរបស់រាជរដ្ឋាភិបាល​ និងប្រជាជនកម្ពុជា​ ត្រូវបានដឹកជញ្ជូនដល់អាកាសយានដ្ឋានអន្តរជាតិ ណៃពិដោ នៃសាធារណ:រដ្ឋសហភាពមីយ៉ាន់ម៉ាហើយ។ សូមជម្រាបថា ក្នុងឱកាសអញ្ជើញបំពេញទស្សនកិច្ចផ្លូវការ ចាប់ពីថ្ងៃទី ៧ ដល់ថ្ងៃទី ៨ ខែមករា ឆ្នាំ ២០២២ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នឹងប្រគល់អំណោយមនុស្សធម៌របស់រាជរដ្ឋាភិបាល និងប្រជាជនកម្ពុជា

កាលពីពេលថ្មីៗនេះ សហរដ្ឋអាមេរិកបានរកឃើញករណីវិជ្ជមានមេរោគ “flurona” ជាការផ្គួបគ្នានៃ ជំងឺផ្តាសាយដំណាលគ្នា និងការឆ្លងវីរុសកូវីដ-១៩ លើកុមារ២រូបនៅរដ្ឋ Texas និងmនៅភាគខាងត្បូងរដ្ឋ California។ យោងតាមការចុះផ្សាយលើសារព័ត៌មាន dailymail បានឲ្យដឹងថា ករណីទី១ គឺរកឃើញនៅមន្ទីរពេទ្យ Texas Children’s Hospital កាលពីថ្ងៃច័ន្ទកន្លងទៅ ក្រោយលទ្ធផលធ្វើតេស្តបញ្ជាក់ថា កុមាររូបនោះបានឆ្លងមេរោគគ្រុនផ្តាសាយ និង SARS-CoV-2 ដំណាលគ្នា។ កុមារ​រូបនោះដែរមិន​បាន​សម្រាក​ព្យាបាល​នៅ​មន្ទីរពេទ្យ​ទេ ហើយ​កំពុង​សម្រាក​ព្យាបាល​នៅ​ផ្ទះ។ ចំណែកឯករណីទី២វិញ ត្រូវបានរកឃើញនៅទីក្រុង Brentwood រដ្ឋ California នៅថ្ងៃឆ្នាំសកល នៅមជ្ឈមណ្ឌលធ្វើតេស្តចល័ត។ អ្នកជំងឺមកពីទីក្រុង Cabo San

ខេត្តសៀមរាប៖ យោងតាមការចុះផ្សាយរបស់ អាជ្ញាធរជាតិអប្សរា នៅថ្ងៃទី០៦ ខែមករា ឆ្នាំ២០២២ បានឲ្យដឹងថា អាជ្ញាធរជាតិអប្សរា កំពុងដំណើរការជួសជុលប្រាង្គកណ្តាលនៃប្រាសាទអង្គរវត្ត ឬហៅថា «បាកាណ» ដើម្បីពង្រឹងតួប្រាង្គឱ្យរឹងមាំឡើងវិញ។ លោក ហួន សុខជាតិ វិស្វករ និងជាមន្រ្តីបច្ចេកទេសនាយកដ្ឋានអភិរក្សប្រាសាទក្នុង ឧទ្យានអង្គរ និងបុរាណវិទ្យាបង្ការ នៃអាជ្ញាធរជាតិអប្សរា បានឱ្យដឹងថា ប្រាង្គបាកាណមានការរំកិលថ្មចេញពីទីតាំងដើមខ្លះៗតាមចំណុចជ្រុង។ ការរំកិលថ្មនេះគឺដោយសារកត្តាធម្មជាតិ ដូចជាទឹកភ្លៀងបានហូរច្រោះកម្ទេចដី និងថ្មតូចៗចូលក្នុងចន្លោះថ្ម ឫសរុក្ខជាតិដុះហែក រួមទាំងអាយុកាល នៃប្រាសាទជាហេតុធ្វើឱ្យថ្មបាយក្រៀមនៅផ្នែកខាងក្នុងតួប្រាង្គពុកផុយ បណ្ដាលឱ្យទម្ងន់ទាំងស្រុងសង្កត់មកលើថ្មភក់ស្រទាប់ខាងក្រៅបាក់បែក និងរំកិលចេញ។ លោក ឃាម មុនី អ្នកគ្រប់គ្រងការដ្ឋានជួសជុលប្រាង្គបាកាណ