ក្រសួងសុខាភិបាលនៃព្រះរាជាណាចក្រកម្ពុជា បានចេញសេចក្តីណែនាំជូនលោក លោកស្រីឱសថការីទទួលបន្ទុកបច្ចេកទេស អគ្គនាយកគ្រឹះស្ថានអាហរ័ណ នីហរ័ណ ម្ចាស់ឱសថស្ថាន ឱសថស្ថានរង និងសាធារណជនទាំងអស់ជ្រាបថា ដើម្បីជំរុញឲ្យមានការចែកចាយ និងលក់ឧបករណ៍តេស្តរហ័សអង់ទីហ្សែនកូវីដ១៩ ឲ្យបានទូលំទូលាយ និងធានាបាននូវគុណភាពដល់អ្នកប្រើប្រាស់ក្នុងការចូលរួមចំណែកទប់ស្កាត់ការឆ្លងរាលដាលនៃជំងឺកូវីដ១៩ ក្រសួងសុខាភិបាលសូមធ្វើការណែនាំដូចខាងក្រោម៖ ១- ចំពោះគ្រឹះស្ថានអាហរ័ណ នីហរ័ណឱសថ ត្រូវធ្វើការចែកចាយតេស្តរហ័សអង់ទីហ្សែនកូវីដ១៩ ដែលមានលេខបញ្ជិកាពីក្រសួងសុខាភិបាល ជូនដល់ឱសថស្ថាន ឱសថស្ថានរង មន្ទីរពេទ្យឯកជន មន្ទីរពហុព្យាបាល មន្ទីរសម្រាកព្យាបាល និងគ្លីនិក។ ២- ចំពោះឱសថស្ថាន ឱសថស្ថានរង ត្រូវទិញតែតេស្តរហ័សអង់ទីហ្សែនកូវីដ១៩ ដែលមានលេខបញ្ចិកាពីក្រសួងសុខាភិបាល ហើយលក់ជូនអ្នកប្រកបវិជ្ជាជីវៈសុខាភិបាល និងប្រជាជនទូទៅដើម្បីប្រើប្រាស់ និងហាមឃាត់ការលក់ និងទិញតេស្តរហ័សនេះតាមប្រព័ន្ធអនឡាញគ្រប់ប្រភេទ។ ៣- ចំពោះអ្នកប្រកបវិជ្ជាជីវៈសុខាភិបាល និងប្រជាពលរដ្ឋ

រាជធានីភ្នំពេញ ៖ អគ្គិភ័យមួយផ្ដើមចេញមកពីឆ្លងចរន្តអគ្គិសនីពីទូរអេធីអឹម (ATM) របស់គ្រឹះស្ថានមីក្រូហិរញ្ញវត្ថុ ប្រាសាក់ ឆាបឆេះរាលដាលដល់ហាងលក់ភីហ្សា Pezzo និងហាងលក់នំដូណាត់ “Big Apple & Donuts” និងហាងលក់តៃគុជ “Peaeh Tea” បង្កការភ្ញាក់ផ្អើលដល់ប្រជាពលរដ្ឋរាយការណប្រាប់សមត្ថកិច្ចហៅរថយន្តពន្លត់អគ្គិភ័យ មកជួយអន្តរាគមន៍ និងជួយសង្គ្រោះមនុស្សបាន២នាក់ ។ ករណីអគ្គិភ័យនេះបានកើតឡើងកាលពីវេលាម៉ោង០១:១៥នាទីយប់រំលងអាធ្រាត្រ ឈានចូលថ្ងៃពុធ ទី២៨ ខែកក្កដា ឆ្នាំ២០២១ នៅចំណុចទូរម៉ាស៊ីនអេធីអឹម(ATM)ទី១២៨ របស់គ្រឹះស្ថានមីក្រូហិរញ្ញវត្ថុ “ប្រាសាក់” ស្ថិតនៅខាងមុខហាង “Big Apple & Donuts” ជាប់ហាងភីហ្សា

យោងតាមការបញ្ជាក់ពី ក្រសួងសុខាភិបាល បានឲ្យដឹងថា ក្នុងគោលបំណងសំដៅទប់ស្កាត់ការឆ្លងរាលដាលនៃជំងឺកូវីដ១៩ ក្រសួងសុខាភិបាលនឹងអនុញ្ញាតឲ្យគ្រឹះស្ថានអាហ័រណ នីហរ័ណ ឱសថអាចធ្វើការស្នើសុំនាំចូលវ៉ាក់សាំងកូវីដ១៩ ដែលត្រូវបានទទួលស្គាល់ដោយអង្គការសុខភាពពិភពលោក ដើម្បីចែកចាយចាក់តាមទីកន្លែងផ្តល់សេវាសុខាភិបាលឯកជនស្របច្បាប់ក្នុងក្របខណ្ឌទូទាំងប្រទេស ដោយប្រតិបត្តិឲ្យបានត្រឹមត្រូវតាមស្តង់ដារបច្ចេកទេសក្នុងការដឹកជញ្ជូន ការថែរក្សា និងការស្តុកវ៉ាក់សាំងកូវីដ១៩ នៅក្នុងឃ្លាំង ដើម្បីធានឲ្យបាននូវសុវត្ថិភាព និងប្រសិទ្ធភាពខ្ពស់៕

តាមការចុះផ្សាយរបស់ ទូរទស្សន៍ជាតិកម្ពុជាបានឲ្យដឹងថា យោងតាមការបញ្ជាក់ពី លោក នួន ប៊ុនថុល អភិបាល ក្រុងកោះរ៉ុង បានអោយដឹងថា គិតត្រឹមរសៀលថ្ងៃទី២៦ ខែកក្កដា ឆ្នាំ២០២១ រដ្ឋបាលក្រុងកោះរ៉ុង សំរេចបិទភូមិកោះតូច នៃសង្កាត់កោះរ៉ុងសន្លឹម ដោយយោងទៅតាមលទ្ធផលនៃការតេស្តសំណាករកវីរុសកូវីដ-១៩ លើមនុស្សចំនួន ១៣៧ នាក់បានរកឃើញវិជ្ជមានកូវីដ-១៩ ចំនួន៦នាក់ ហើយអ្នកវិជ្ជមានទាំង ៦នាក់នេះ បានធ្វើការប្រាស្រ័យទាក់ទងជាមួយអ្នករស់នៅក្នុងភូមិជាមួយគ្នាជាច្រើនទៀត ហេតុនេះទើបរដ្ឋបាលក្រុង សំរេចបិទភូមិកោះតូច ដើម្បីធ្វើតេស្តសំណាករកវីរុសកូវិដ-១៩ លើប្រជាជនក្នុងភូមិទាំងអស់តែម្តង។ ទាក់ទងនឹងបញ្ហានេះដែរ ចំពោះការដឹកជញ្ជូនភ្ញៀវទេសចរណ៍ លោកអភិបាលក្រុងកោះរ៉ុង បានស្នើអោយម្ចាស់អាជីវកម្មដឹកភ្ញៀវទេសចរណ៍ទាំងអស់ សូមផ្អាកការដឹកភ្ញៀវចូលមកភូមិកោះតូចមួយរយ:ពេលខ្លីសិន រង់ចាំការជូនដំណឹងជាថ្មីម្តងទៀត ដោយឡែកចំពោះទូកដឹកទំនិញ

ខេត្តព្រះសីហនុ៖ នៅយប់ថ្ងៃទី២៦ ខែកក្កដា ឆ្នាំ២០២១ វេលាម៉ោង ២៣៖០០នាទី កម្លាំងជំនាញអធិការដ្ឋាននគរបាលក្រុងព្រះសីហនុ សហការជាមួយកម្លាំងជំនាញប៉ុស្តិ៍នគរបាលសង្កាត់លេខ៣ បានធ្វើការបង្ក្រាបមុខសញ្ញាលួចត្រង់ស្វូអគ្គិសនីនៅចំណុចមុខបូរីគុជអាស៊ី ស្ថិតនៅក្រុមទី១៤ ភូមិ១ សង្កាត់លេខ៣ ក្រុងព្រះសីហនុ ខេត្តព្រះសីហនុ ឃាត់ខ្លួនជនសង្ស័យចំនួន ០៣នាក់ មានឈ្មោះដូចខាងក្រោម៖ ១-ឈ្មោះ ពេជ្យ រាជ្យ ភេទប្រុស អាយុ២៧ឆ្នាំ មុខរបរកម្មករសំណង់ បច្ចុប្បន្នរស់នៅភូមិអូត្រេះ ឃុំស្ទឹងហាវ ស្រុកស្ទឹងហាវ ខេត្តព្រះសីហនុ ។ (ឃាត់ខ្លួន) ២-ឈ្មោះ ពេជ្យ ចាន់ ភេទប្រុស អាយុ២៤ឆ្នាំ

រាជធានីភ្នំពេញ៖ រថយន្ត HINO ដឹកផ្លែឈើមកពីវៀតណាម ផ្ទុះបែកកង់មុខរេចង្កូតទៅបុកកៀររថយន្តដឹកសំរាមរបស់សាលារាជធានីភ្នំពេញ កំពុងប្រមូលសំរាមតាមផ្លូវ បណ្ដាលឲ្យក្រឡាប់ផ្ងារជើងម្ខាង តែសំណាងល្អ មិនបណ្ដាលឲ្យមានមនុស្សណាម្នាក់រងរបួសនោះទេ គ្រាន់តែចាក់ផ្លែឈើរាយប៉ាយពេញផ្លូវ នៅខាងត្បូងច្រកចូលសាលាសង្កាត់ព្រែកលៀប ផ្លូវជាតិលេខ៦ សង្កាត់ព្រែកលៀប ខណ្ឌជ្រោយចង្វារ នាម៉ោងជាង៣ទាបភ្លឺ ឈានចូលថ្ងៃទី២៧ ខែកក្កដា ឆ្នាំ២០២១នេះ។ តាមសម្ដីអ្នកបើកបររថយន្តដឹកផ្លែឈើខាងលើបានប្រាប់អ្នកយកព័ត៌មានខ្មែរណូតយើងថា នៅមុនពេលកើតហេតុ រូបគាត់បានបើករថយន្តធុនធំម៉ាក HINO ពណ៌ស ពាក់ស្លាកលេខភ្នំពេញ 3C-6661 ដឹកផ្លែឈើពីប្រទេសវៀតណាម តាមច្រកមានជ័យ ខេត្តព្រៃវែង ដោយធ្វើដំណើរចូលមករាជធានីភ្នំពេញ ដើម្បីយកទៅកាន់ផ្សារនាគមាស តែពេលធ្វើដំណើរមកដល់ចំណុចកើតហេតុ ស្រាប់តែរថយន្តរបស់គាត់ បានផ្ទុះបែកកង់មុខខាងស្ដាំ បណ្ដាលឲ្យរេចង្កូតទៅបុកប៉ះរថយន្ដដឹកសំរាមរបស់សាលារាជធានីភ្នំពេញ

នៅថ្ងៃទី27 ខែកក្កដា ឆ្នាំ2021នេះ ក្រសួងសុខាភិបាលកម្ពុជា បានចេញសេចក្តីជូនដំណឹងពី ការរកឃើញករណីវិជ្ជមានវីរុសកូវីដ១៩ថ្មី ចំនួន 685នាក់ ខណៈអ្នកបានជាសះស្បើយថ្មីមានចំនួន 775នាក់ និងមានអ្នកបាត់បង់ជីវិត 19នាក់។ គិតមកទល់ពេលនេះ ករណីឆ្លងកូវីដ១៩ សរុបនៅក្នុងប្រទេសកម្ពុជា មានចំនួន 74,386នាក់, ករណីជាសះស្បើយសរុប 66,725នាក់ និងស្លាប់សរុប 1,324នាក់៕

យោងតាមការបញ្ជាក់ពី ក្រសួងសុខាភិបាល បានឲ្យដឹងថា តាមលទ្ធផលវិភាគរកវីរុស SARS-CoV-2 លើផលិតផលសាច់ក្របីបង្កកនាំចូលពីប្រទេសឥណ្ឌាចំនួន៥កុងតឺន័រ នៅទីលានផែស្ងួត ត្រីកូដ ដ្រាយផត បានរកឃើញថា ក្នុងចំណោមសាច់ក្របីបង្កកចំនួន៥កុងតឺន័រនោះ មាន៣កុងតឺន័រលេខ៖ MNBU9077964, MNBU0153955 និង MNBU0064694 នាំចូលពីប្រទេសឥណ្ឌាមានលទ្ធផល SARS-CoV-2 វិជ្ជមាន។ ដើម្បីចូលរួមទប់ស្កាត់ការឆ្លងរាលដាលនៃជំងឺកូវីដ១៩ អាជ្ញាធរនឹងចាត់វិធានការកម្ទេចចោលសាច់ក្របីបង្កកទាំងនោះចោលតែម្តង៕

ខេត្តសៀមរាប​៖ យោងតាមការចុះផ្សាយរបស់ រដ្ឋបាលខេត្តសៀមរាប សូមជម្រាបជូនសាធារណជនឱ្យបានជ្រាបថា៖ ក្នុងព្រឹត្តិការណ៍ នៃការឆ្លងរាលដាលជំងឺកូវីដ-១៩ រដ្ឋបាលខេត្ត បានរកឃើញអ្នកវិជ្ជមានជំងឺកូវីដ-១៩ថ្មី ចំនួន៩៧នាក់ ជាសះស្បើយអ្នកវិជ្ជមានជំងឺកូវីដ-១៩ ចំនួន៤៦នាក់ និងស្លាប់ចំនួន១នាក់ នៅថ្ងៃទី២៦ ខែកក្កដា ឆ្នាំ២០២១ ដូចមានរាយនាមក្នុងតារាង។ ករណីទី១ ដល់ទី៥ ជាករណីមានប្រភពចម្លងចេញពីផ្សារលើធំថ្មី ករណីទី៦ គឺជាករណីមានប្រភពចម្លងចេញពីការដ្ឋាន Rose Apple Square និងករណីទី៧ ដល់ទី៨ ជាករណីឆ្លងមានប្រភពចម្លងចេញពីផ្សារចារឈូក។ ក្នុងនោះ ករណីទី៩ ដល់ទី១៣ ជាករណីមានប្រភពចម្លងចេញពីអ្នកដំណើរមកពីខេត្តបាត់ដំបង ខេត្តកំពង់ធំ និងខេត្តបន្ទាយមានជ័យ ករណីទី១៤

យោងតាមការបញ្ជាក់ពីក្រសួងធនធានទឹក និងឧតុនិយម បានឲ្យដឹងថា ចាប់ពីថ្ងៃទី២៨ ខែកក្កដា ដល់ថ្ងៃទី៣ ខែសីហា នេះទៅ ព្រះរាជាណាចក្រកម្ពុជាទទួលឥទ្ធិពលពីជ្រលងនៃប្រព័ន្ធសម្ពាធទាប ITCZ ដែលបានកើតនិងអូសបន្លាយលើភាគខាងប្រទេសថៃ ឡាវ និងវៀតណាម ជាមួយនឹងខ្យល់មូសុងនិរតីមានល្បឿនមធ្យម។ ដោយឡែកព្យុះទី៦ ឈ្មោះ (IN-FA) បានឡើងចូលដល់ភាគខាងកើតប្រទេសចិន។ ព្យុះនឹងថមថយឥទ្ធិពលជាវិសម្ពាធទាបនៅថ្ងៃទី២៨ ខែកក្កដា។ ស្ថានភាពបែបនេះនឹងធ្វើឲ្យ៖ ១- បណ្តាខេត្តនៅតំបន់វាលទំនាបកណ្តាល៖ – សីតុណ្ហភាពអប្បបរមា មានពី ២៤-២៦អង្សាសេ – សីតុណ្ហភាពអតិបរមា មានពី ៣០-៣២អង្សាសេ – នឹងអាចមានភ្លៀងធ្លាក់ក្នុងកម្រិតពីតិចទៅបង្គួរ លាយឡំទៅដោយផ្គរ រន្ទះ ខ្យល់កន្ត្រាក់។