រាជធានីភ្នំពេញ៖ យោងតាមការចុះផ្សាយរបស់ ក្រសួងព័ត៌មាន បានឲ្យដឹងថា នៅថ្ងៃទី២២ ខែកក្កដា ឆ្នាំ២០២១ មន្ត្រីជាន់ខ្ពស់ក្រសួងសុខាភិបាល បានថ្លែងថា កម្ពុជានឹងទទួលបានវ៉ាក់សាំងបង្ការជំងឺកូវីដ-១៩ ស៊ីណូវ៉ាក់ ចំនួន ៥លានដូសបន្ថែមទៀតនៅខែសីហា និងកញ្ញា ដើម្បីចាក់ជូនដល់កុមារនិងយុវវ័យដែលមានអាយុពី១៣ ឆ្នាំ ដល់១៧ឆ្នាំ ខណៈដែលរំពឹងថា វ៉ាក់សាំង Johnson & Johnson ដែលជាជំនួយរបស់សហរដ្ឋអាមេរិកផ្ដល់តាមរយៈយន្តការ COVAX ក៏នឹងមកដល់កម្ពុជាផងដែរនោះ។ ក្នុងពិធីទទួលការមកដល់នៃវ៉ាក់សាំងស៊ីណីហ្វាមចំនួន ១ លានដូស ដែលជាការបញ្ជាទិញរបស់រាជរដ្ឋាភិបាលពីប្រទេសចិន នាព្រឹកថ្ងៃទី ២២ ខែកក្កដា ឆ្នាំ២០២១ នៅព្រលានយន្តហោះអន្តរជាតិភ្នំពេញ

សៀមរាប៖នៅក្នុងអំឡុងពេលធ្វើកំណាយបុរាណវិទ្យាស្រាវជ្រាវ ដើម្បីធ្វើការជួសជុលខ្លោងទ្វារតាកាវ ក្រុមអ្នកជំនាញបានរកឃើញ ចម្លាក់យក្ស និងទេវតា លើស្ពានហាលនៃខ្លោងទ្វារតាកាវ និងបំណែកវត្ថុបុរាណមួយចំនួនទៀត ដើម្បីយកមកលាងសម្អាត និងថែរក្សា ឱ្យបានគង់វង្ស ។ លោកស្រី គឹម សេងភក្តី មន្ត្រីផ្នែកបុរាណវិទ្យា នៃអាជ្ញាធរជាតិអប្សរាបានឱ្យដឹងថា ក្នុងរយៈពេល៣សប្តាហ៍នៃការធ្វើកំណាយបុរាណវិទ្យា​ស្រាវជ្រាវ ដើម្បីធ្វើការជួសជុលខ្លោងទ្វារតាកាវឡើងវិញ ក្រុមការងារបានរកឃើញក្បាលយក្សចំនួន៣នៅពេញល្អ ឯក្បាល៣ទៀត មាន ត្រឹមតែពាក់កណ្តាល។ ចំពោះ ដងខ្លួនអាសុរៈបានរកឃើញមានចំនួន០៤។ រីឯ ព្រះសិរទេវតាបានរកឃើញចំនួន៣ ក្នុងនោះចំនួន០២ នៅពេញល្អ និង១ទៀតមានត្រឹមពាក់កណ្តាលស្មាដល់បបូរមាត់។ លោកស្រីបន្តថា ចម្លាក់ដែលបានប្រទះឃើញនេះ ក្រុមការងារបានសហការជាមួយនគរបាលបេតិកភ័ណ្ឌ ដើម្បីចុះបញ្ជើទទួលស្គាល់ ជាឯកសារ

នៅថ្ងៃទី22 ខែកក្កដា ឆ្នាំ2021នេះ ក្រសួងសុខាភិបាលកម្ពុជា បានចេញសេចក្តីជូនដំណឹងពី ការរកឃើញករណីវិជ្ជមានវីរុសកូវីដ១៩ថ្មី ចំនួន 811នាក់ ខណៈអ្នកបានជាសះស្បើយថ្មីមានចំនួន 798នាក់ និងមានអ្នកបាត់បង់ជីវិត20នាក់។ គិតមកទល់ពេលនេះ ករណីឆ្លងកូវីដ១៩ សរុបនៅក្នុងប្រទេសកម្ពុជា មានចំនួន 70,419នាក់, ករណីជាសះស្បើយសរុប 62,577នាក់ និងស្លាប់សរុប 1,188នាក់៕

រាជធានីភ្នំពេញ៖ បុរសម្នាក់បើកកង់បីឥណ្ឌាមួយគ្រឿង បត់ឆ្វេងឆ្លងកាត់ទទឹងផ្លូវ បំណងត្រលប់ក្រោយ មិនប្រយ័ត្នក៏ត្រូវ យុវជនម្នាក់បើកម៉ូតូមកក្នុងល្បឿនលឿនចាប់ហ្វ្រាំងមិនទាន់ក៏ជ្រុលទៅបុកកង់បីឥណ្ឌាចំពីចំហៀងខាងស្ដាំ បណ្ដាលឲ្យរងរបួសបែកចិញ្ចើមហូរឈាម និងម៉ូតូខូចខាតផ្នែកខាងមុខយ៉ាងដំណំ ចំណែកកង់បីឥណ្ឌាខូចខាតចំហៀងខាងស្ដាំ ដោះស្រាយ តែមិនត្រូវគ្នាក៏ប្រកែក គ្នាផ្អើលមួយប្រាវ ផ្អើលដល់សមត្ថកិច្ចមូលដ្ឋានប៉ុស្តិ៍ជ្រោយចង្វារ ចុះមកសម្របសម្រួល។ ហេតុការណ៍គ្រោះថ្នាក់ចរាចរណ៍ នេះបានកើតឡើងកាលពីម៉ោង១១៖០៣នាទីយប់ ថ្ងៃពុធ ទី២១ ខែកក្កដា ឆ្នាំ២០២១នេះ នៅចំណុចច្រមុះជ្រូកផ្លូវទន្លេសាប(ត្រើយម្ខាង) សង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ។ ប្រភពពីប្រជាពលរដ្ឋបានអោយដឹងថា នៅមុនពេលកើតហេតុ គេឃើញបុរសម្នាក់ បើកកង់បី ឥណ្ឌាមួយគ្រឿង ពណ៌ស ពាក់ស្លាកលេខភ្នំពេញ 1IH-4225 ធ្វើដំណើរតាមផ្លូវទន្លេសាប(ទិសដៅពីជើងមកត្បូង) លុះមកដល់ចំណុចច្រមុះជ្រូកផ្លូវទន្លេសាប(ជាចំណុចកើតហេតុ)

រាជធានីភ្នំពេញ៖ យោងតាមការចុះផ្សាយរបស់ ឯកសារមន្ត្រីសាធារណៈ នៅថ្ងៃទី២២ ខែកក្កដា ឆ្នាំ២០២១ បានឲ្យដឹងថា មន្ត្រីជាន់ខ្ពស់ក្រសួងសុខាភិបាល លោកជំទាវ យក់ សម្បត្តិ បានអញ្ជើញទៅទទួលវ៉ាក់សាំងការពារជំងឺកូវីដ-១៩ ប្រភេទវ៉ាក់សាំង(ស៊ីណូហ្វាម) ចំនួន ១លានដូស ដែលកម្ពុជាបានបញ្ជាទិញពីរដ្ឋាភិបាលចិន​ ហើយវ៉ាក់សាំងចំនួន ១លានដូស ត្រូវបានដឹកមកដល់កម្ពុជានេះ គិតត្រឹមថ្ងៃទី២២ ខែកក្កដា ឆ្នាំ២០២១ ដែលកម្ពុជាទទួលបានវ៉ាក់សាំងសរុប១៧,០២៤,០០០ដូស រួចហើយ រួមមាន៖ ១. ជំនួយពីរដ្ឋាភិបាលចិន៖ Sinopharm = ២,២០០,០០០ដូស ២. ជំនួយពីមជ្ឈមណ្ឌល COVAX ៖

រាជធានីភ្នំពេញ៖ នារីរូបស្រស់សោភាម្នាក់បើករថយន្តកាមរីហាយប្រ៊ីតមួយគ្រឿង បត់ត្រឡប់ក្រោយ ខ្វះការប្រុងប្រយ័ត្ន ត្រូវបានបុរសម្នាក់បើកម៉ូតូសង់កូរ៉េស៊េរីចាស់ ក្នុងល្បឿនលឿន ចាប់ហ្វ្រាំងមិនទាន់ក៏ជ្រុល ទៅបុកចំ ចំហៀងទ្វារខាងស្ដាំផ្នែកខាងមុខបណ្ដាលឱ្យខូចខាតយ៉ាងដំណំ និងបណ្ដាលឱ្យម្ចាស់ម៉ូតូរងរបួសបែកចិញ្ចើមខាងឆ្វេង។ ហេតុការណ៍គ្រោះថ្នាក់ចរាចរណ៍នេះកើតឡើងនៅវេលាម៉ោង០៨៖៤០នាទីយប់ ថ្ងៃទី២១ ខែកក្កដា ឆ្នាំ២០២១នេះ នៅតាមផ្លូវលេខ២៧១ ត្រង់ចំណុចទល់មុខស្ថានីប្រេងឥន្ទនៈ PTT ក្នុងទឹកដីសង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ។ ប្រភពព័ត៌មានពីកន្លែងកើតហេតុបានប្រាប់អ្នកយកព័ត៌មានខ្មែរណូតយើងថា នៅមុនពេលកើតហេតុ គេបានឃើញ នារីម្នាក់បើករថយន្តកាមរីហាយប្រ៊ីតមួយគ្រឿង ពណ៌ស ពាក់ស្លាកលេខភ្នំពេញ 2AY-4859 បានធ្វើដំណើរតាមបណ្តោយផ្លូវ២៧១ ទិសដៅពីជើងទៅត្បូង លុះមកដល់ចំណុចកើតហេតុ រថយន្តបានបត់ឆ្វេងត្រឡប់ក្រោយ ខ្វះការប្រុងប្រយ័ត្ន ក៏ត្រូវបានបុរសម្នាក់ បើកម៉ូតូមួយគ្រឿង

រាជធានីភ្នំពេញ៖ អ្នកបើកកង់បីម្នាក់បានរងរបួសធ្ងន់ ប្លោងបោកធ្លាយចេញតាមកញ្ចក់ខាងមុខ បន្ទាប់ពីបើកកង់បីឥណ្ឌាមួយគ្រឿង បើកក្នុងល្បឿនលឿន ចាប់ហ្វ្រាំងមិនទាន់ជ្រុលទៅបុករថយន្តតាក់ស៊ីApp ក្រុមហ៊ុន LM CAR ដែលបើកបរបំពានភ្លើងស្តុប នៅចំណុចផ្លូវបំបែកជាបួន បណ្តាលឱ្យរងការខូចខាតបង្កការភ្ញាក់ផ្អើលទាំងយប់។ ហេតុការណ៍គ្រោះថ្នាក់ចរាចរណ៍នេះបានកើតឡើងនៅវេលាម៉ោង១០៖១០នាទីយប់ ថ្ងៃទី២១ ខែកក្កដា ឆ្នាំ២០២១នេះ នៅចំណុចស្តុបពេទ្យអង្គឌួង ផ្លូវបំបែកជាបួន លើផ្លូវនរោត្តម កែងផ្លូវលេខ១១០ សង្កាត់ផ្សារចាស់ ខណ្ឌដូនពេញ រាជធានីភ្នំពេញ។ ប្រភពព័ត៌មានពីកន្លែងកើតហេតុបានរៀបរាប់អ្នកយកព័ត៌មានខ្មែរណូតយើងថា នៅមុនពេលកើតហេតុ គាត់បានឃើញកង់បីឥណ្ឌាមួយគ្រឿង ពណ៌ស ពាក់ស្លាកលេខភ្នំពេញ 1IA-5896 បើកបរដោយបុរសម្នាក់ បានធ្វើដំណើរតាមបណ្ដោយផ្លូវលេខ១១០ ទិសដៅពីកើតទៅលិច ក្នុងល្បឿនលឿន លុះមកដល់ចំណុចស្តុបពេទ្យអង្គឌួង(កន្លែងកើតហេតុ)

រដ្ឋបាលខេត្តសៀមរាប ប្រកាសបានរកឃើញអ្នកវិជ្ជមានជំងឺកូវីដ-១៩ ថ្មី ចំនួន៩៧នាក់ សម្រាប់ថ្ងៃទី២១ ខែកក្កដានេះ ខណៈអ្នកជាសះស្បើយមានចំនួន១១៣នាក់ និង អ្នកស្លាប់ថ្មីចំនួន ២នាក់ ដូច្នេះគិត មកទល់ពេលនេះ ខេត្តសៀមរាប មានអ្នកវិជ្ជមានជំងឺកូវីដ-១៩ ចំនួន៣.៤២០នាក់ , ព្យាបាលបានជាសះស្បើយចំនួន១.៦០៩នាក់ , ស្លាប់ចំនួន៣៣នាក់ និង ចំនួន១.៧៧៨នាក់ កំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប មណ្ឌលចត្តាឡីស័កគរុកោសល្យ និងវិក្រឹតការខេត្ត វិទ្យាល័យអង្គរ និងវិទ្យាល័យដំដែក។ ព័ត៌មានលម្អិត សូមមើលសេចក្ដីប្រកាសព័ត៌មានខាងក្រោមនេះ៖

តាមការបញ្ជាក់ពី មន្ទីរព័ត៌មានខេត្តសៀមរាប បានឲ្យដឹងថា បន្ទាប់ពីខេត្តសៀមរាប មានការរីករាលដាលនៃជំងឺកូវីដ-១៩ កើនឡើងជាប្រចាំពីមួយថ្ងៃទៅមួយថ្ងៃ អាជ្ញាធរខេត្ដបានសម្រេចយកភោជនីយដ្ឋាន វិមានមង្គល ស្ថិតក្នុងភូមិចុងកៅស៊ូ សង្កាត់ស្លក្រាម ក្រុងសៀមរាប ជាទីតាំងទី៥ សម្រាប់ដាក់ព្យាបាលអ្នកមានជំងឺកូវីដ-១៩ ដែលមានកំរិតស្រាល បន្ទាប់ពីទីតាំងដែលបាននឹងកំពុងព្យាបាលអ្នកជំងឺកូវីដ-១៩ មិនមានគ្រែគ្រប់គ្រាន់សម្រាប់ដាក់អ្នកជំងឺ។ មានប្រសាសន៍ក្នុងឱកាសចុះពិនិត្យទីតាំងទី៥ នៅល្ងាចថ្ងៃទី២១ ខែកក្កដានេះ ឯកឧត្តមវេជ្ជបណ្ឌិត ក្រុស សារ៉ាត់ ទីប្រឹក្សាក្រសួងសុខាភិបាល និងជាប្រធានមន្ទីរសុខាភិបាល ខេត្ដសៀមរាប បញ្ជាក់ថា ការសម្រេចយកភោជនីយដ្ឋាន វិមានមង្គល ជាទីតាំងសម្រាប់ដាក់អ្នកជំងឺដើម្បីព្យាបាលជំងឺកូវីដ-១៩នេះ គឺដើម្បីសម្រួលដល់កន្លែងព្យាបាលអ្នកជំងឺមួយចំនួនទៀត ក្នុងក្រុងសៀមរាប ខណ:អ្នកវិជ្ជមានកូវីដ-១៩ មានការកើនឡើងជាបន្ដបន្ទាប់គួរឲ្យកត់សម្គាល់។ ឯកឧត្តមបន្ថែមថា

ខេត្តបាត់ដំបង៖ យោងតាមការបញ្ជាក់ពី មន្ទីរសុខាភិបាលខេត្តបាត់ដំបង នាព្រឹកថ្ងៃទី២២ ខែកក្កដា ឆ្នាំ២០២១ បានជូនដំណឹងដ៏ក្រៀមក្រំមួយ ដោយលោកយាយ​ ជឹម​ ជន​ អាយុ៨២ឆ្នាំ​ ត្រូវជាប្រពន្ធលោកតា​ សាំង​ ម៉ោញ​ អាយុ​៨៧ឆ្នាំ​ បានទទួលអនិច្ចកម្មហេីយ​នៅវេលាម៉ោង​ ៤:១៥នាទីទៀបភ្លឺ​ ថ្ងៃទី២២​ កក្កដា​ ២០២១។ សូម​ជម្រាប​ជូន​ថា​ លោកតា​ លោកយាយ​ ទាំង​២​នាក់​បានចេញ​រោគសញ្ញា​កូវីដនៅ​ថ្ងៃ​ទី​១០​ ខែ​កក្កដា​ ឆ្នាំ​២០២១​ ហេីយ​ត្រូវ​បាន​យក​វត្ថុ​វិភាគ​នៅមន្ទីរពេទ្យ​បង្អែក​ឯកភ្នំ​ នា​​ថ្ងៃទី​១២​ ខែកក្កដា ឆ្នាំ២០២១​ លទ្ធផល​គឺ​វិជ្ជមាន​ទាំង​ពីរ​នាក់​តាយាយ​ ដោយសារ​ស្ថានភាព​សុខភាព​​របស់​ពួកគាត់​ធ្ងន់ធ្ងរ​ មន្ទីរពេទ្យ​បង្អែក​ឯកភ្នំ​ក៏​បាន​បញ្ជូន​ពួក​គាត់​មក​សម្រាក​ព្យាបាល​នៅ​មន្ទីរពេទ្យ​បង្អែក​ខេត្ត​បាត់ដំបង​។