យោងតាមទីភ្នាក់ងារសារព័ត៌មាន CNN បានរាយការណ៍នាពេលកន្លងទៅថា រដ្ឋាភិបាលសហរដ្ឋអាមេរិកនឹងរៀបចំវ៉ាក់សាំងការពារថ្មីសម្រាប់មនុស្សទាំងអស់នៅក្នុងខែកញ្ញា ដោយរំពឹងថា នឹងអាចការពារពី COVID-19 ទប់ទល់នឹងមេរោគបំប្លែងថ្មីប្រភេទ omicron បានល្អជាងវ៉ាក់សាំងដើម ដោយសារតែក្រុមហ៊ុន Pfizer និង Moderna បានសន្យាថាពួកគេនឹងអាចផ្គត់ផ្គង់រដ្ឋាភិបាលសហរដ្ឋអាមេរិកជាមួយនឹងរូបមន្តថ្មី នៅដើមរដូវស្លឹកឈើជ្រុះ។ នេះ​បើ​តាម​ក្រសួង​សុខាភិបាល និង​សេវា​មនុស្ស​របស់​សហរដ្ឋ​អាមេរិក (HHS) បាន​ប្រកាស​នៅ​ថ្ងៃ​សុក្រ ទី ២៩ ខែ​កក្កដា កន្លងទៅថា ក្រសួង​សុខាភិបាល​បាន​យល់ព្រម​ទិញ​វ៉ាក់សាំង​ការពារ​ជំងឺ​កូវីដ-១៩ ចំនួម ៦៦ លានដូសពី Moderna បន្ថែមលើ ១០៥ លានដូសនៃវ៉ាក់សាំងដែលបានបញ្ជាទិញពីមុនរបស់ Pfizer ។

ប្រធានាធិបតីអាមេរិកលោក ចូ បៃដិន បានបញ្ជាក់ថា សហរដ្ឋអាមេរិកបានសម្លាប់មេដឹកនាំក្រុមអាល់កៃដា លោក Ayman al-Zawahiri នៅក្នុងការវាយប្រហារដោយយន្តហោះគ្មានមនុស្សបើកមួយ នៅក្នុងប្រទេសអាហ្វហ្គានីស្ថាន។ គាត់ត្រូវបានសម្លាប់ នៅក្នុងប្រតិបត្តិការប្រឆាំងភេរវកម្មដែលធ្វើឡើងដោយ CIA នៅរដ្ឋធានីកាប៊ុល របស់អាហ្វហ្គានីស្ថាន កាលពីថ្ងៃអាទិត្យ នេះបើតាមការចុះផ្សាយរបស់សារព័ត៌មាន BBC ។ លោក បៃដិន បាននិយាយថា លោក Zawahiri «បានត្រួសត្រាយផ្លូវឃាតកម្ម និងអំពើហិង្សាលើពលរដ្ឋអាមេរិក»។ លោក​បាន​បន្ថែម​ថា​៖ «​ឥឡូវ​នេះ​យើងទទួលបានយុត្តិធម៌ ហើយ​មេដឹកនាំ​ភេរវកម្មរូប​នេះ​លែង​មាន​ទៀត​ហើយ»។ ក្រុមមន្ត្រីបាននិយាយថា លោក Zawahiri ស្ថិតនៅលើយ៉រនៃផ្ទះសុវត្ថិភាពមួយ នៅពេលដែលយន្តហោះគ្មានមនុស្សបើកបានបាញ់មីស៊ីលចំនួន

រដ្ឋាភិបាល​ជប៉ុន​នៅថ្ងៃ​ចន្ទនេះ​បាន​បញ្ជាក់​ថា កងកម្លាំង​សន្តិសុខ​ក្នុង​ប្រទេស​មីយ៉ាន់ម៉ា​បាន​ចាប់​ខ្លួន​​ជនជាតិ​ជប៉ុន​ម្នាក់ ហើយភាគីប្រទេសជប៉ុនកំពុង​អំពាវនាវ​ឲ្យ​ដោះលែង​ជា​បន្ទាន់។ នាយករងខុទ្ទកាល័យជប៉ុនលោក Kihara Seiji បាននិយាយថា៖ «ស្ថានទូតជប៉ុនកំពុងជំរុញឱ្យអាជ្ញាធរមីយ៉ាន់ម៉ាដោះលែងគាត់ឱ្យឆាប់តាមដែលអាចធ្វើទៅបាន។ ខ្លួននឹងបន្តប្រមូលព័ត៌មាន និងស្នើសុំឱ្យមានការដោះលែងគាត់ឱ្យបានមុនកំណត់»។ លោក Kihara បាន​បន្ថែមថា បុរសជនជាតិម្នាក់​នោះ​មានអាយុ ២០​ឆ្នាំ ហើយគាត់ត្រូវបានគេចាប់ខ្លួន នៅពេល​កំពុង​ចូលរួមក្នុងបាតុកម្មនៅមីយ៉ាន់ម៉ា។ ប្រភព​ជា​ច្រើន​បាននិយាយ​ថា បុរសជនជាតិជប៉ុនម្នាក់នោះមានឈ្មោះថា Kubota Toru ធ្វើការជាអ្នក​កាសែត ហើយគាត់បានចូលប្រទេសមីយ៉ាន់ម៉ានៅពាក់កណ្តាលខែកក្កដា ដើម្បីថតយកភាពយន្តឯកសារ។ ជម្រាបដែរថា កាលពីកំឡុងខែមេសា ឆ្នាំ២០២១ កងកម្លាំងសន្តិសុខមីយ៉ាន់ម៉ា ក៏បានឃាត់ខ្លួនអ្នកកាសែតជប៉ុនម្នាក់ទៀតផងដែរ។ អ្នកកាសែតម្នាក់នោះឈ្មោះថា Kitazumi Yuki ហើយគឫត់ត្រូវ​បាន​ចោទ​ប្រកាន់ពីបទ​ផ្សព្វផ្សាយ​ព័ត៌មាន​មិន​ពិត។ គាត់ត្រូវបានដោះលែងប្រហែលមួយខែក្រោយមក

អ៊ុយក្រែនបានធ្វើការដឹកជញ្ជូនគ្រាប់ធញ្ញជាតិជាលើកដំបូងរបស់ខ្លួន ចាប់តាំងពីការឈ្លានពានរបស់រុស្ស៊ី ដែលជាជំហានដំបូងដ៏តូចមួយ ប៉ុន្តែឆ្ពោះទៅរកការដោះស្រាយបញ្ហាគ្រាប់ធញ្ញជាតិរាប់លានតោនរបស់ប្រទេសនេះ និងជំរុញការផ្គត់ផ្គង់ស្បៀងអាហារជាសកល។ ប្រទេសទួរគីដែលជាឈ្មួញកណ្តាលនៃកិច្ចព្រមព្រៀងរវាងអ៊ុយក្រែន-រុស្ស៊ី ដើម្បីចាប់ផ្តើមការនាំចេញគ្រាប់ធញ្ញជាតិឡើងវិញ បានឱ្យដឹងថា នាវា Razoni ដែលជាកប៉ាល់ដឹកទំនិញផ្ទុកពោត ២៦,០០០ តោន បានចាកចេញទៅកាន់ប្រទេសលីបង់ នៅព្រឹកថ្ងៃច័ន្ទនេះផ្ទាល់តែម្ដង។ គួរឱ្យដឹងដែរថា ប្រទេសអ៊ុយក្រែនគឺជាអ្នកផ្គត់ផ្គង់ស្រូវសាលី ពោត និងប្រេងបន្លែដ៏ធំបំផុតមួយ ហើយការបាត់បង់ការនាំចេញតាមរយៈកំពង់ផែសមុទ្រខ្មៅរបស់ខ្លួន បានធ្វើឱ្យរង្គោះរង្គើពាណិជ្ជកម្មស្បៀងអាហារពិភពលោក និងបង្កើនការគំរាមកំហែងនៃវិបត្តិស្បៀងអាហារពិភពលោក។ កប៉ាល់ជាច្រើនត្រូវបានជាប់គាំងនៅក្នុងកំពង់ផែ ដែលស្ថិតនៅតាមបណ្តោយសមុទ្រខ្មៅ ហើយត្រូវបានគេរំពឹងថា នឹងចាប់ផ្តើមចេញដំណើរបន្ដគ្នា ប្រសិនបើអ្វីៗដំណើរការល្អ។ ទោះជាយ៉ាងណាក៏ដោយ ម្ចាស់កប៉ាល់នឹងត្រូវធានាការធានារ៉ាប់រងសម្រាប់ទំនិញ និងកប៉ាល់របស់ពួកគេ ហើយត្រូវមាននាវិកគ្រប់គ្រាន់ដើម្បីបើកទូកផងដែរ។ រដ្ឋមន្ត្រីក្រសួងហេដ្ឋារចនាសម្ព័ន្ធអ៊ុយក្រែនលោក Oleksandr Kubrakov

យោងតាមសារព័ត៌មាន BBC បានរាយការណ៍ថា ទីស្នាក់ការអ្នកនាំពាក្យសភាតំណាងរាស្រ្តអាមេរិក Nancy Perrosi បានបង្ហាញនៅថ្ងៃអាទិត្យ ទី៣១ ខែកក្កដាថា លោកស្រី Perosi បាន​ចាប់ផ្តើមធ្វើដំណើរ​ទស្សនកិច្ចទៅកាន់​តំបន់​ឥណ្ឌូ​ប៉ាស៊ីហ្វិក​រួច​ហើយ​ជាមួយនឹង​ដំណើរ​ទស្សនកិច្ច​ទៅកាន់​ប្រទេស​សិង្ហ​បុរី ម៉ាឡេស៊ី កូរ៉េខាងត្បូង និង​ជប៉ុន ដោយ​មិន​បាន​និយាយ​អំពី​ដំណើរទៅកាន់កោះ​តៃវ៉ាន់ ដែលអាចបង្ក​ជា​បញ្ហា​ជាមួយ​ចិន​ឡើយ។ ចំណែកអ្នកស្រី Perozy បានសរសេរនៅលើ Twitter ថា៖ ដំណើរ​ទស្សន​កិច្ច​របស់គណៈ​ប្រតិភូ​ចំនួន​៦​រូប​មក​ពី​សភា ក្នុង​​គោលបំណង​បញ្ជាក់​ឡើងវិញ​នូវ​ការសន្យា​ដែល​មិនអាច​រង្គោះរង្គើ​បានឡើយចំពោះ​សម្ព័ន្ធមិត្ត និងមិត្តរបស់​សហរដ្ឋអាមេរិកក្នុងតំបន់ឥណ្ឌូប៉ាស៊ីហ្វិក។ គួរបញ្ជាក់អោយដឹងផងដែរថា៖ ដំណើរទៅកាន់អាស៊ីរបស់លោកស្រី Perosi កើតឡើងចំពេលមានពាក្យចចាមអារ៉ាមថា លោកស្រីនឹងទៅលេងកោះតៃវ៉ាន់ផងដែរ។ ខណៈដែលដំបូងឡើយលោកស្រី Perosi គ្រោងនឹងទៅលេងកោះតៃវ៉ាន់ក្នុងខែមេសា ប៉ុន្តែបែរជាត្រូវបានពន្យារពេល

ទីក្រុងម៉ាកាវនឹងបើកសេវាកម្មសាធារណៈ និងកន្លែងកម្សាន្តឡើងវិញ ក៏ដូចជាអនុញ្ញាតឱ្យចូលទទួលទានអាហារនៅភោជនីយដ្ឋាន ចាប់ពីថ្ងៃអង្គារ ទី០២ ខែសីហា ឆ្នាំ២០២២ បន្ទាប់ពីមជ្ឈមណ្ឌលលេងល្បែងដ៏ធំបំផុតរបស់ពិភពលោកមួយនេះ រកមិនឃើញករណីជំងឺ COVID-19 អស់រយៈពេល ៩ ថ្ងៃជាប់គ្នា។ រដ្ឋាភិបាលបាននិយាយថា ហាងកែសម្ផស្ស កន្លែងហាត់ប្រាណ និងបារ ក៏នឹងត្រូវបានអនុញ្ញាតឱ្យដំណើរការឡើងវិញផងដែរ។ អាជ្ញាធរក៏នឹងតម្រូវឱ្យពលរដ្ឋពាក់ម៉ាស់ នៅពេលពួកគេចេញទៅក្រៅ ហើយត្រូវបង្ហាញលទ្ធផលធ្វើតេស្តអវិជ្ជមាន ក្នុងរយៈពេល ៣ថ្ងៃ ដើម្បីចូលទៅក្នុងកន្លែងរឹតត្បឹតមួយចំនួន។ ទីក្រុងម៉ាកាវបានរាយការណ៍អំពីការឆ្លងជំងឺ COVID-19 ចំនួន ១,៨០០ ករណី ចាប់តាំងពីពាក់កណ្តាលខែមិថុនា នៅពេលដែលទីក្រុង បានរងផលប៉ះពាល់ដោយការផ្ទុះឡើងដ៏អាក្រក់បំផុតរបស់ខ្លួន ដែលបានបង្ខំឱ្យបិទកាស៊ីណូ និងបិទទីក្រុងភាគច្រើន។

រដ្ឋាភិបាលយោធាមីយ៉ាន់ម៉ា កាលពីថ្ងៃអាទិត្យ ទី៣១ ខែកក្កដា បានប្រកាសបន្ដដាក់ប្រទេសក្នុងភាពអាសន្នរយៈពេល ៦ ខែទៀត រហូតដល់ថ្ងៃទី០១ ខែកុម្ភៈ ឆ្នាំ២០២៣ ដោយនិយាយថា ប្រទេសនេះត្រូវការពេលវេលាបន្ថែមទៀត ដើម្បីវិលទៅរកស្ថិរភាព និងរៀបចំខ្លួនសម្រាប់ការបោះឆ្នោត។ ប្រធានាធិបតីស្តីទីលោក Myint Swe បានអនុម័តសំណើរបស់ប្រមុខយោធាលោក Min Aung Hlaing សម្រាប់ការពន្យារពេលជាបន្ទាន់នេះ នៅក្នុងកិច្ចប្រជុំក្រុមប្រឹក្សាការពារជាតិ និងសន្តិសុខក្នុងរដ្ឋធានីណៃពីដោ។ រំលឹកដែរថា ភាពអាសន្នត្រូវបានប្រកាសជាលើកដំបូង នៅក្នុងខែកុម្ភៈ ឆ្នាំ២០២១ បន្ទាប់ពីយោធាបានផ្តួលរំលំរដ្ឋាភិបាលស៊ីវិល ដែលដឹកនាំដោយលោកស្រី Aung San Suu Kyi។ នៅក្នុងខែមករាឆ្នាំនេះ

អតីតប្រធានាធិបតីហ្វីលីពីនលោក Fidel Ramos ដែលជាតួអង្គសំខាន់នៅក្នុងការបះបោរគាំទ្រលទ្ធិប្រជាធិបតេយ្យឆ្នាំ១៩៨៦ បានទទួលមរណភាពក្នុងអាយុ ៩៤ឆ្នាំ កាលពីថ្ងៃអាទិត្យម្សិលមិញនេះ។ ការិយាល័យប្រធានាធិបតីរបស់ប្រទេសហ្វីលីពីន បានប្រកាសពីមរណភាពរបស់គាត់នៅថ្ងៃដដែលនោះ ហើយប្រធានាធិបតីលោក Ferdinand Marcos Jr. ក៏បានផ្ញើការរំលែកទុក្ខដល់គ្រួសារលោក Ramos នៅក្នុងសេចក្តីថ្លែងការណ៍មួយ។ គួរឱ្យដឹងដែរថា លោក Ramos គឺជាមន្ត្រីយោធាជាន់ខ្ពស់មួយ នៅក្នុងរបបផ្តាច់ការរបស់អតីតប្រធានាធិបតី Ferdinand Marcos ដែលជាឪពុករបស់មេដឹកនាំហ្វីលីពីនបច្ចុប្បន្ន។ ប៉ុន្តែនៅក្នុងជំនាន់នោះ លោក Ramos បានគាំទ្រលោកស្រី Corazon Aquino ដែលជាឥស្សរជននៅក្នុងចលនាអំណាចប្រជាជនឆ្នាំ១៩៨៦ ខណៈការផ្លាស់ប្តូរជំហរគាំទ្ររបស់គាត់បានជំរុញឱ្យមានការដួលរលំនៃរដ្ឋាភិបាល Marcos ។

ថៃ៖ យោងតាមប្រភពព័ត៌មានរបស់ សារព័ត៌មាន thairath បានអោយដឹងថា កាលពីវេលាម៉ោង ២០ និង៣០នាទី យប់ថ្ងៃទី៣១ ខែកក្កដា ឆ្នាំ២០២២ ធ្នឹមបេតុងស្ពានអាកាស ដែលកំពុង​ជួសជុលមួយដុំធំ បានធ្លាក់​សង្កត់លើ​រថយន្ត​ជាច្រើនគ្រឿង ដែលកំពុងបើកបរលើផ្លូវ​រ៉ា​ម៉ា​២ ត្រង់​ចំណុច​ផ្លូវ​ជាតិ​ខាងមុខ​មន្ទីរពេទ្យ​វិផា​រ៉ា​ម ខេត្ត​សា​មុត​សាខុន​ ប្រទេសថៃ បណ្តាលឲ្យរថយន្តរងការខូចខាតយ៉ាងដំណំ និងមានអ្នកបាត់បង់ជីវិតផងដែរ។ យោងតាមរបាយការណ៍​បឋម​បាន​បញ្ជាក់​ថា មានមនុស្ស​ចំនួន ៣​នាក់​បាន​រង​របួស និង​ ០១នាក់ស្លាប់បាត់បង់ជីវិត។ យោងតាមការចុះផ្សាយរបស់សារព័ត៌មាន BangkokPost បានឲ្យដឹងថា ធ្នឹមបេតុងដ៏ធំមួយ មានប្រវែងប្រហែល១០ម៉ែត្រ ទម្ងន់ប្រហែល៥តោន រួមនឹងបង្គោលដែកបេតុងរបស់ស្ពានអាកាស បានបាក់ធ្លាក់ទៅលើរថយន្តចំនួន៣គ្រឿង ដែលកំពុងធ្វើដំណើរឆ្លងកាត់ក្រោមស្ពានអាកាសបត់ត្រលប់ក្រោយ

យោងតាមទីភ្នាក់ងារសារព័ត៌មាន Channel News Asia បានរាយការណ៍ថា លោក Zhao Lijian អ្នកនាំពាក្យក្រសួងការបរទេសចិន បានប្រកាសកាលពីថ្ងៃពុធទី ២៧ ខែកក្កដា កន្លងទៅថា សហរដ្ឋអាមេរិកនឹងទទួលផលវិបាកប្រសិនបើប្រធានសភាតំណាងរាស្រ្ត Nancy Pelosi ធ្វើដំណើរទៅតៃវ៉ាន់ តាមពាក្យចចាមអារ៉ាម ស្របចំពេល​មាន​ភាព​តានតឹង​ដែល​កំពុង​បន្ត​រវាង​ភាគី​ទាំង​ពីរ។ ចំណែកសមាជិកជាន់ខ្ពស់នៃគណបក្សប្រជាធិបតេយ្យអាមេរិក នៅ​តែ​មិន​បាន​បញ្ជាក់​អំពី​ដំណើរ​ទស្សនកិច្ច​របស់​លោកស្រី Perosi នៅ​តៃវ៉ាន់ ប៉ុន្តែកាលពីសប្តាហ៍មុន ប្រធានសភាតំណាងរាស្រ្តអាមេរិក ប្រាប់អ្នកសារព័ត៌មានថា វាមានសារៈសំខាន់ចំពោះសហរដ្ឋអាមេរិកដែលនឹងបង្ហាញការគាំទ្រតៃវ៉ាន់។ ទោះ​ជា​យ៉ាង​ណា​ក៏​ដោយ អ្នកស្រី​បាន​ទទូច​ថា សភា​មិន​បាន​ជំរុញ​ឲ្យ​មាន​ការ​បំបែក​ទឹកដី​នោះ​ទេ។ ចំពោះចំណាត់ការចុងក្រោយនេះកើតឡើងចំពេលមានការព្រួយបារម្ភថា ចិននឹងប្រើកម្លាំងដើម្បីកាន់កាប់តៃវ៉ាន់ ហើយនឹងដើរតាមគន្លងនៃការឈ្លានពានរបស់រុស្ស៊ីទៅលើអ៊ុយក្រែន បន្ទាប់​ពី​រដ្ឋាភិបាល​ក្រុង​ប៉េកាំង​បាន​ថ្លែង​យ៉ាងដូច្នេះថា