ក្រសួងសុខាភិបាលវៀតណាម នៅថ្ងៃព្រហស្បតិ៍ ទី១៤ ខែកក្កដា ឆ្នាំ២០២២ បានរាយការណ៍ថា ករណីជំងឺគ្រុនឈាមនៅក្នុងប្រទេស គិតមកដល់ពេលនេះមានការកើនឡើងទ្វេដង បើប្រៀបធៀបទៅនឹងរយៈពេលដូចគ្នាក្នុងឆ្នាំ២០២១ ហើយបានបង្គាប់ឱ្យមន្ទីរពេទ្យរបស់ខ្លួន ត្រៀមខ្លួនរួចជាស្រេចដើម្បីទប់ស្កាត់ការឆ្លងបន្ថែមទៀត។ គ្រុនឈាមគឺជា​ជំងឺចម្លង​ដោយ​សត្វ​មូស​ ដែល​កើតមាន​ញឹកញាប់​ក្នុង​តំបន់​អាស៊ីអាគ្នេយ៍ និងមានរោគសញ្ញា​ស្រដៀងជំងឺ​ផ្តាសាយ។ ករណីធ្ងន់ធ្ងរនឹងធ្វើឱ្យហូរឈាម និងមិនមាន​វ៉ាក់សាំងការពារ​ទេ​។ ប្រទេសដែលមានប្រជាជន ៩៨ លាននាក់ មួយនេះ ជាធម្មតាបានកត់ត្រាករណីជំងឺគ្រុនឈាមចំនួន ១១០,០០០ ករណី ជារៀងរាល់ឆ្នាំក្នុងប៉ុន្មានឆ្នាំថ្មីៗនេះ ដោយមានការឆ្លងកើនឡើងជាធម្មតានៅចន្លោះខែមិថុនា ដល់ខែតុលា។ យ៉ាងណាក្រសួងបាននិយាយថា៖«ចំនួនករណីត្រូវបានគេព្យាករណ៍ថា នឹងបន្តកើនឡើងបន្ថែមទៀត ជាមួយនឹងករណីធ្ងន់ធ្ងរ ដែលត្រូវសម្រាកនៅមន្ទីរពេទ្យ»។ ដូច្នេះ មន្ទីរពេទ្យទាំងនៅថ្នាក់ខេត្ត និងស្រុក ចាំបាច់ត្រូវផ្តោតលើធនធានរបស់ពួកគេ

ឥណ្ឌា៖ សារព័ត៌មាន BBC បានរាយការណ៍ពីប្រធានបទដ៏ពេញនិយមនៅក្នុងរាជធានី Fatehpur រដ្ឋ Uttar Pradesh ផ្នែកខាងជើងនៃ ប្រទេសឥណ្ឌា ក្រោយ​ពី​សមត្ថកិច្ច​បានហាមឃាត់ម៉ូតូ​កង់​បី​ដែល​​បាន​បើក​លើស​ល្បឿន​កំណត់។ នៅពេលហៅឱ្យឈប់ ស្រាប់តែប៉ូលីស​មាន​ការ​ភ្ញាក់ផ្អើលយ៉ាងខ្លាំង​ ដោយសារតែនៅក្នុងកង់បីនោះមានមនុស្សជិះទាំងចាស់ ទាំងក្មេងសរុបដល់ទៅ ២៧នាក់ ខណៈធម្មតាកង់បីប្រភេទនេះគេដឹកមនុស្សបានតែ ៥ ទៅ ៦នាក់ប៉ុណ្ណោះ។ យ៉ាងណាមិញ បន្ទាប់ពីភ្ញាក់ផ្អើល និងហួសចិត្តហើយ ប៉ូលិស​ក៏បានចាប់​អ្នក​បើក​បរ​ល្មើស​ច្បាប់​ចរាចរណ៍ និង​ចាប់យក​ម៉ូតូ​កង់​បីខាងលើទៅតែម្ដង។ ជាមួយគ្នានេះដែរ វីដេអូឃ្លីបដែលថតបានហេតុការណ៍នេះ បានល្បីសុះសាយពេញអ៉ីនធឺណិត ចំ​ពេល​មាន​ចម្ងល់​ថា តើ​អ្នក​ដំណើរ​ជិះដោយរបៀបណា? ហើយ​អ្នក​ខ្លះ​មើលឃើញថា​វិធានការ​សុវត្ថិភាព​ធូររលុង​អាច​ប្រឈម​នឹង​គ្រោះថ្នាក់​ធ្ងន់ធ្ងរថែមទៀតផង៕ អត្ថបទ៖ Bee ប្រភព៖

ក្រុមអ្នកស្រាវជ្រាវនៅប្រទេសជប៉ុនបាននិយាយថា អនុទម្រង់នៃវ៉ារ្យ៉ង់អូមីក្រុង BA.5 របស់ជំងឺ COVID-19 អាចបង្កឱ្យឆ្លងមេរោគ ឬចម្លងជំងឺ COVID-19 លឿនជាងប្រភេទពីមុនៗ នេះបើតាមការចុះផ្សាយដោយទូរទស្សន៍ NHK ។ ក្រុមមួយដែលមានឈ្មោះថា G2P-Japan ដឹកនាំដោយសាស្រ្តាចារ្យលោក Sato Kei នៃវិទ្យាស្ថានវិទ្យាសាស្ត្រវេជ្ជសាស្ត្រ របស់សាកលវិទ្យាល័យតូក្យូ បានរាយការណ៍ពីការរកឃើញរបស់ពួកគេនៅក្នុងការបោះពុម្ពអត្ថបទ ដែលបានចេញផ្សាយយ៉ាងទូលំទូលាយនៅលើអ៉ីនធឺណិត។ ក្រុមនេះបានបង្កើតអនុទម្រង់ BA.5 និង BA.2 សិប្បនិម្មិត ដើម្បីធ្វើការប្រៀបធៀបគ្នាពីទំហំនៃការចម្លងរបស់មេរោគទាំង ២ ។ បន្ទាប់មក ពួកគេបានដាក់អនុទម្រង់ទាំង ២ ទៅក្នុងកោសិកាពិសោធន៍ដាច់ៗពីគ្នា ដើម្បីពិនិត្យមើលថា តើមេរោគនឹងកើនឡើងបានប៉ុនណា។

លោក Volodymyr Zelenskyy នៅក្នុងវីដេអូសុន្ទរកថាមួយកាលពីយប់ថ្ងៃពុធ បានសម្ដែងការអរគុណចំពោះភាគីទួរគួ និងអង្គការសហប្រជាតិ សម្រាប់កិច្ចចរចារបស់ពួកគេ ដើម្បីជួយបញ្ចប់ការបិទផ្លូវរបស់រុស្ស៊ីលើការនាំចេញកសិផលរបស់អ៊ុយក្រែនដែលឆ្លងកាត់សមុទ្រខ្មៅ។ កិច្ចព្រមព្រៀងមួយនេះត្រូវបានគេមើលឃើញថា មានសារៈសំខាន់សម្រាប់សន្តិសុខស្បៀងអាហារ ជាពិសេសក្នុងចំណោមប្រទេសកំពុងអភិវឌ្ឍន៍ និងសម្រាប់ស្ថិរភាពទីផ្សារ។ លោក Zelenskyy បាននិយាយថា វាមិនមែនជាការបំផ្លើសទេក្នុងការនិយាយថា ពិភពលោកត្រូវការការចរចាដើម្បីទទួលបានជោគជ័យ មិនត្រឹមតែសម្រាប់អ៊ុយក្រែនប៉ុណ្ណោះទេ។ គាត់បាននិយាយថា៖«ប្រសិនបើយើងអាចលុបបំបាត់ការគំរាមកំហែងរបស់រុស្ស៊ីចំពោះការធ្វើដឹកជញ្ជូនតាមទឹកនៅក្នុងសមុទ្រខ្មៅ វានឹងដកចេញនូវភាពធ្ងន់ធ្ងរនៃវិបត្តិស្បៀងអាហារពិភពលោក»។ លោក Zelenskyy បាននិយាយថា គាត់ត្រូវបានគេជូនដំណឹងថា មានការវិវត្តខ្លះនៅក្នុងការចរចា ហើយអ៊ុយក្រែននឹងយល់ព្រមលើព័ត៌មានលម្អិត ជាមួយអគ្គលេខាធិការអង្គការសហប្រជាជាតិនៅប៉ុន្មានថ្ងៃខាងមុខទៀត៕ អត្ថបទ៖ លីដា ប្រភព៖ NHK

យោងតាមការចុះផ្សាយរបស់សារព័ត៌មាន Channel News Asia នៅថ្ងៃព្រហស្បតិ៍ ទី១៤ ខែកក្កដា ឆ្នាំ២០២២ បានរាយការណ៍ថា ក្រសួង​សុខាភិបាលសិង្ហបុរី​ (MOH) បាន​បញ្ជាក់​ពី​ករណីជំងឺ​ស្វា monkeypox នៅ​ក្នុង​សហគមន៍លើក​ទី​២ កាល​ពី​ថ្ងៃ​ពុធម្សិលមិញនេះ។ អ្នកជំងឺ​ជា​ជនជាតិ​អង់គ្លេស អាយុ​៤៨​ឆ្នាំ រស់នៅ​ក្នុង​ប្រទេស​សិង្ហ​បុរី​ ហើយបច្ចុប្បន្នគាត់បានសម្រាកព្យាបាលនៅមជ្ឈមណ្ឌលជាតិសម្រាប់ជំងឺឆ្លង (NCID) ហើយស្ថានភាពរបស់គាត់គឺល្អប្រសើរជាធម្មតាទេ។ បុរសម្នាក់នោះបានចេញរោគសញ្ញាកន្ទួល កាលពីថ្ងៃទី០៦ និងគ្រុនក្តៅ នៅថ្ងៃទី១១ ខែកក្កដា ហើយបានស្វែងរកការព្យាបាលនៅថ្ងៃទី១៣ ខែកក្កដា និងត្រូវបានបញ្ជូនទៅ NCID នៅថ្ងៃដដែល។ MOH បាននិយាយថា ការតាមដានទំនាក់ទំនងកំពុងត្រូវបានបន្ត ហើយបានបន្ថែមថា ករណីនេះមិនជាប់ពាក់ព័ន្ធទៅនឹងករណីជំងឺមុនណាមួយដែលបានប្រកាសនោះទេ។ គួរឱ្យដឹងដែរថា នេះគឺជាករណីជំងឺអុតស្វាទី៥

យោងតាមការចុះផ្សាយរបស់សារព័ត៌មាន Xinhua កាលពីថ្ងៃទី១២ ខែកក្កដា បានឱ្យដឹងថា ប្រទេសរុស្ស៊ីបានបញ្ជាក់ពីករណីដំបូងនៃជំងឺ “អុតស្វា” ដែលត្រូវបានរកឃើញនៅលើបុរសម្នាក់ទើបតែត្រលប់មកពីអឺរ៉ុប។ អង្គការឃ្លាំមើលសិទ្ធិអ្នកប្រើប្រាស់ និងសុខុមាលភាពមនុស្សនៅក្នុងប្រទេសរុស្ស៊ី បាននិយាយនៅក្នុងសេចក្តីថ្លែងការណ៍មួយកាលពីថ្ងៃអង្គារថា ប្រទេសរុស្ស៊ីបានបញ្ជាក់ពីករណីដំបូងនៃអុតស្វា លើបុរសម្នាក់ដែលបានត្រលប់ទៅប្រទេសរុស្ស៊ីវិញ បន្ទាប់ពីការធ្វើដំណើរពីបណ្តាប្រទេសអ៊ឺរ៉ុប ហើយបានទៅរកការព្យាបាលនៅមន្ទីរពេទ្យដោយសារតែមានឡើងកន្ទួល។ យ៉ាងណាមិញ​ អ្នកជំងឺត្រូវ​បាន​ដាក់​ឱ្យ​នៅ​ដាច់​ដោយ​ឡែក និង​ស្ថិត​នៅ​ក្រោម​ការ​ត្រួត​ពិនិត្យ​ផ្នែក​វេជ្ជ​សា​ស្រ្ត​ដោយ​មាន​រោគ​សញ្ញា​ស្រាល ប៉ុន្តែ​មិន​មាន​គ្រោះថ្នាក់​ដល់​អាយុ​ជីវិត​ឡើយ។ ជាមួយគ្នានេះ ក្រុមឃ្លាំមើលបាននិយាយថា ស្ថានភាពស្ថិតក្រោមការគ្រប់គ្រងយ៉ាងតឹងរ៉ឹង ហើយលទ្ធភាពនៃការរីករាលដាលបន្ថែមទៀតក៏អាចគ្រប់គ្រងបានផងដែរ៕ អត្ថបទ៖ Bee ប្រភព៖ english.news.cn

ប៉ូលិសជប៉ុនបានឱ្យដឹងកាលពីថ្ងៃពុធថា ពួកគេបានរកឃើញស្នាមគ្រាប់កាំភ្លើងនៅលើអគារចម្ងាយ ៩០ ម៉ែត្រ ពីកន្លែងធ្វើឃាតអតីតនាយករដ្ឋមន្ត្រីលោក អាបេ ស៊ីនហ្សូ (Shinzo Abe) នៅភាគខាងលិចប្រទេសជប៉ុនកាលពីសប្តាហ៍មុន។ វាគឺជាគ្រាប់កាំភ្លើងដំបូង ដែលបាញ់សំដៅទៅលោក អាបេ ក៏ប៉ុន្តែជនល្មើសបានបាញ់ខុយ។ រំលឹកផងដែរថា លោក អាបេ ដែលជានាយករដ្ឋមន្ត្រីកាន់អំណាចបានយូរជាងគេបំផុតនៅប្រទេសជប៉ុន ប៉ុន្តែបានលាលែងមុនអាណត្តិដោយសារបញ្ហាសុខភាព ត្រូវបានជនល្មើសឈ្មោះ Tetsuya Yamagami អាយុ ៤១ឆ្នាំ បាញ់ប្រហារដោយកាំភ្លើងច្នៃ នៅលើដងផ្លូវមួយ ក្នុងទីក្រុងណារា។ ការបាញ់លើកទី១ ចេញពីក្រោយខ្នងលោក អាបេ មិនបានចំគោលដៅនោះទេ ប៉ុន្តែការបាញ់លើកទី២ បានបណ្ដាលឱ្យគាត់រងរបួសយ៉ាងធ្ងន់ធ្ងរ នៅពេលដែលគាត់បានងាយទៅក្រោយ ភ្ញាក់ទៅនឹងសំឡេងកាំភ្លើងគ្រាប់ទី១។

កាលពីថ្ងៃទី១១ ខែកក្កដា អ្នកស្ម័គ្រចិត្តជួយសង្គ្រោះមកពីសមាគមព័ត៌មានរូបថត Kamphaeng Phet បានទទួលដំណឹងពីម្ចាស់ផ្ទះមួយ ដែលស្ថិតនៅតំបន់ភូមិ១ ឃុំថាឃុនរ៉ាម ស្រុកមឿង ខេត្តកំផែងភេត ដែលសុំអោយជួយដោយសារ មានពស់ថ្លាន់ដ៏ធំមួយក្បាល បានវារនៅលើមែកឈើនៅសួនច្បារខាងក្រោយផ្ទះ។ ក្រោយពីទទួលបានដំណឹង អ្នក​ស្ម័គ្រ​ចិត្ត​ជួយ​សង្គ្រោះ​បាន​យក​ឧបករណ៍​ចាប់​ពស់ ​រួចបាន​ធ្វើ​ដំណើរ​ទៅ​ពិនិត្យកន្លែងកើតហេតុនៅសួនច្បារ​ខាងក្រោយ​ផ្ទះ ហើយបានប្រទះឃើញពស់ថ្លាន់ដ៏ធំមួយក្បាល តោងជាប់មែកឈើនៅជាប់នឹងរបងផ្ទះ ដែលមើលទៅ​កាច​សា.ហាវ ហើយអាចនឹងចឹកបើ​មាន​អ្នក​ណា​មក​ជិត ឬចូលក្បែរ។ យ៉ាងណាមិញពេល​អ្នក​ស្ម័គ្រ​ចិត្ត​ជួយ​សង្គ្រោះ​មក​ដល់ បានចាប់​យក​ដំបង​ដើម្បីសង្កត់​ក្បាល​ពស់ ហើយបានលើកដៃឡើងសំពះ ហើយនិយាយទៅកាន់ពស់នោះដើម្បីអោយពស់ដឹងថា លោកមកក្នុងនាមជាមិត្ត ឬក្នុងបំណងល្អទេ។ ប៉ុន្តែ​ពេល​គាត់​ដើរ​ចូល​ទៅ គាត់​រៀបនឹង​យក​ដំបង​មកសង្កត់​លើ​ក្បាល​ពស់ ពស់​ក៏បង្ហាញចរឹកកាច ហើយ​ត្រៀមនឹងចឹក ធ្វើឱ្យអ្នកជួយសង្គ្រោះជួយគ្នាសង្កត់ ហើយជួយគ្នាចាប់ពស់នោះ។ ទីបំផុត​ចំណាយ​ពេល​មិន​ដល់​

ប្រធានអង្គការសុខភាពពិភពលោក (WHO) កាលពីថ្ងៃអង្គារ ទី១២ ខែកក្កដា ឆ្នាំ២០២២ បានព្រមានថា រលកថ្មីនៃការឆ្លងជំងឺ COVID-19 បានបង្ហាញថា ជំងឺរាតត្បាតគឺមិនទាន់ចប់នោះទេ នេះបើតាមការចុះផ្សាយរបស់សារព័ត៌មាន Channel News Asia ។ លោក Tedros Adhanom Ghebreyesus បាននិយាយថា គាត់មានការព្រួយបារម្ភថា ចំនួនករណីកំពុងបន្តកើនឡើង ដែលវានឹងដាក់សម្ពាធបន្ថែមទៀតលើប្រព័ន្ធសុខាភិបាល និងកម្មករ។ គាត់បានប្រាប់សន្និសីទសារព័ត៌មានថា៖ «រលកថ្មីនៃមេរោគបង្ហាញជាថ្មីម្តងទៀតថា ជំងឺ COVID-19 មិនទាន់ដល់ទីបញ្ចប់ទេ» ដោយបន្ថែមថា៖«នៅពេលដែលមេរោគគ្របដណ្ដប់មកលើយើង យើងត្រូវរុញវាត្រឡប់មកទៅវិញ»។ លោកបាននិយាយថា៖«មេរោគកំពុងចេញដោយសេរី ហើយប្រទេសនានាមិនបានគ្រប់គ្រងជំងឺ ដោយផ្អែកទៅតាមសមត្ថភាពរបស់ពួកគេឱ្យមានប្រសិទ្ធភាពនោះទេ

ស្ត្រីម្នាក់រស់នៅក្នុងទីក្រុង Suzhou ខេត្ត Jiangsu ប្រទេសចិន មានការតក់ស្លុត និងស្រក់ទឹកភ្នែកយ៉ាងខ្លាំង បន្ទាប់​ពី​ដឹង​ថា កូន​ប្រសារ​ស្រីរបស់គាត់ តាមពិតទៅគឺជាកូនស្រីបង្កើតរបស់គាត់ ដែលបានបាត់ខ្លួនអស់ជាច្រើនឆ្នាំមកហើយ។ មូលហេតុ​​ស្ត្រី​ម្នាក់​នេះ​ប្រាកដ​ថា ​កូនប្រសា​រនេះគឺជា​កូនស្រី​បង្កើតដែលបាន​បាត់​ខ្លួន គឺដោយសារតែគាត់ឃើញស្នាមក្រហមនៅលើដៃស្តាំរបស់កូនប្រសារស្រី ក្នុងពិធីមង្គលការ ហើយបន្ទាប់ពីសួរនាំដឹងការពិតហើយនោះ គាត់​និង​កូន​ស្រី​បាន​ឱប​គ្នាយំយ៉ាងខ្លាំង។ ពិធី​មង្គលការ​បាន​ធ្វើ​ឡើង​កាលពី​ថ្ងៃ​ទី​៣១ ខែមីនា ដោយបង្កឱ្យមានមានការ​ចាប់អារម្មណ៍​ខ្លាំងពីសំណាក់​ភ្ញៀវចូលរួម។ ប៉ុន្តែទោះជាយ៉ាងក្ដីពិធីនេះក៏នៅតែបានបន្ត ព្រោះ​កូន​ប្រុស​របស់​ស្ត្រី​នេះ​ជា​កូន​​ចិញ្ចឹម​ដែលគាត់យកមកចិញ្ចឹមតាំង​ពី​ក្មេង បន្ទាប់​ពី​គាត់​បាត់បង់កូនស្រី ហើយគិតថានាងបានបាត់បង់ជីវិត នេះ​មាន​ន័យ​ថា​កូន​កំលោះ​មិន​ទាក់​ទង​គ្នា​ខាងសាច់ឈាមជាមួយកូនក្រមុំនេះទេ។ ឪពុក​ម្តាយ​កូនក្រមុំ​ដែល​បាន​ចូលរួម​ក្នុង​ពិធី​នោះ​ក៏​បាន​បង្ហើប​ឱ្យ​ដឹង​ដែរ គាត់​បាន​យក​កូន​ស្រី​របស់​គាត់​មក​ចិញ្ចឹម​បន្ទាប់​ពី​រក​ឃើញ​គាត់​នៅ​តាម​ផ្លូវ​កាល​ពី​២០​ឆ្នាំ​មុន។ ចំណែកកូនក្រមុំ​ក៏បានស្រក់​ទឹកភ្នែក​ហើយ​រៀបរាប់ថា នាង​សប្បាយចិត្ត​ជាង​បានរៀបការទៅទៀតនៅ​ពេល​បាន​ជួប​ម្តាយបង្កើតវិញ​៕ អត្ថបទ៖ Bee ប្រភព៖ sanook